मनसुनको सुरुवातसंगै हुने विपद्का घटनाहरुलाई मध्यनजर राखी नं. ९ पशुपतिनाथ बाहिनी मुख्यालय, बलम्बुले बैशाख १६ गते सशस्त्र प्रहरी अतिरिक्त महानिरीक्षक बंशीराज दाहालको प्रमुख आतिथ्यमा काठमाडौँको कीर्तिपुर नगरपालिका–६ टौदहमा विपद् प्रतिकार्य अभ्यास (मनसुन–२) संचालन गरेको छ ।

    नं. ३ गढिमाई बाहिनी मुख्यालय मकवानपुरको आयोजनामा चितवन जिल्लाको भरतपुर महानगरपालिका–१ स्थित नारायणी नदिमा बैशाख १३ गते सेमुलेशन अभ्यास सम्पन्न भएको छ ।

कास्की जिल्ला पोखरा महानगरपालिका–६ फेवातालमा मंगलबार दिउँसो डुंगा दुर्घटनामा परेका पाँच जनाको सकुशल उद्धार गरिएको छ । अचानक आएको हावाहुरीको कारण डबल प्याडल बोटमा बोटिङ् गरिरहेका ५ जना फेवाताल नजिकै रहेको माछा पालन केन्द्रको जालमा अड्किएका थिए । दुर्घटना लगत्तै नं. २४ कालिका गण कास्कीबाट फेवाताल रेस्क्यु वाच टावरमा तैनाथ विपद् व्यवस्थापन सहितको टोलीले उनीहरुको तत्कालै सकुशल उद्धार गरेको हो ।

नेपाली सैनिक वार कलेज नगरकोटमा संचालित सि.सं. १२ हायर कमाण्ड तथा म्यानेजमेन्टमा तालिमरत ३५ जना नेपाली सेनाका अधिकृतहरूले प्रधान कार्यालय हल्चोकको बैशाख १० गते अवलोकन भ्रमण गर्नुभएको छ । 

रुपन्देही जिल्लाको सिद्धार्थनगर नगरपालिका–५ स्थित दोगरा ईलाकाबाट बैशाख ९ गते नं. २७ गण रुपन्देहीले करीव ५ लाख ३० हजार रुपैयाँ बराबरको १० हजार ४ सय के.जी. प्याज र बोरा सिलाउने मेशिनसहितको गाडी नियन्त्रणमा लिएको छ ।

सप्तरी जिल्लाको कञ्चनरुप नगरपालिका -५ पडेमरास्थित एक घरमा भएको आगलागी नियन्त्रणमा परिचालित दन्तकाली विशेष कार्य तालिम शिक्षालय सप्तरी र सुरक्षा वेश भारदहको सुरक्षा फौज ।

नं. ८ गण धनुषाले गणको १७‍औँ वार्षिकोत्सवको अवसर पारेर बैशाख ६ गते जानकी मन्दिर सरसफाई गरेको छ ।

 नं. ८ गण धनुषाले १ सय ५२ बोरा प्याजसहितको ट्रक नियन्त्रणमा लिएको छ । बैशाख ४ राती जिल्लाको शहिदनगर नगरपालिका-२ तीनकोरिया बिरेन्द्रबजारबाट ना ८ ख ६३०० नम्बरको ट्रक नियन्त्रणमा लिईएको हो ।

    शंकास्पद कागजपत्रको आधारमा नियन्त्रणमा लिइएको हो । यसैगरी बिओपी फुलगामाले बैशाख ५ गते दिउँसो जिल्लाको मुसहरनिया गाउँपालिका-६ स्थित मरघटियाबाट भन्सार छली भारतबाट नेपालतर्फ ल्याउँदै गरेको ३२ थान मोवाईल समेत बरामद गरेको छ ।

रुपन्देही जिल्लाको रोहिणी गाउँपालिका–१ स्थित हुलाकी सडकखण्ड अन्तर्गत बाईपास इलाकाबाट बैशाख ४ गते २ सय ७२ किलो ३३ ग्राम गाँजसहित एउटा कन्टेनर र चालकलाई नं. २७ गण रुपन्देहीले नियन्त्रणमा लिएको छ । 

बैशाख ४  गते मंगलबार बिहान बर्दिया जिल्लाको बढैयाताल गाउँपालिका–२ फुटाहा स्थित सीमा इलाकामा नेपाल बाट भारततर्फ जान लागेका एक व्यक्तिलाई २३ किलो लागूऔषध चरेश जस्तो पदार्थसहित  बोर्डर आउट पोस्ट (बिओपी) फुटाहा बर्दियाले  नियन्त्रणमा लिएको छ ।

        चैत्राष्टमीको अबसरमा नं. १९ बगलामुखी गण (विशेष कार्यदल) हल्चोक स्वयम्भूमा बैशाख ४ गते निशान, कोत तथा मौलो पुजा  सम्पन्न भएको छ ।
बिहान ०७ः२१ बजेको संकल्प साइतमा गरिएको पुजामा सशस्त्र प्रहरी महानिरीक्षक राजु अर्यालले सशस्त्र प्रहरी बल नेपालको निशानमा पञ्जाछाप लगाउनुभएको थियो ।

सशस्त्र प्रहरी महानिरीक्षक राजु अर्यालले सशस्त्र प्रहरी बल, नेपाल प्रधान कार्यालयमा बैशाख ०३ गते आयोजित एक समारोहका बीच सशस्त्र प्रहरी नायव महानिरीक्षक पदमा पदोन्नती हुनुभएका अधिकृतलाई दज्र्यानी चिन्ह प्रदान गर्नुभएको छ ।
नेपाल सरकार (माननीय उपप्रधानमन्त्री एवं गृहमन्त्रीस्तर) को मिति २०८०/१२/२३ गतेको निर्णयानुसार सशस्त्र प्रहरी बरिष्ठ उपरीक्षक दिपक अधिकारी सशस्त्र प्रहरी बल नेपालको सशस्त्र प्रहरी सेवा, साधारण समुह, साधारण उपसमुहतर्फ सशस्त्र प्रहरी नायव महानिरीक्षक पदमा पदोन्नति हुनुभएको हो । 

यही बैशाख १ गतेबाट हराईरहेका एक युवकको शव सशस्त्र प्रहरी बलकोे गोताखोरले सेती नदिको १ सय ५० मिटर गहिराईमा ढुंङ्गामा अड्किएको अवस्थामा बैशाख ३ गते निकालेको छ ।
कास्की जिल्लाको माछापुच्छ्रे गाउँपालिका – १ करुवा बस्ने २५ बर्षका युवक बैशाख १ गतेदेखि हराएकोमा  नं. २४ कालिका गणको सुरक्षा फौजले सोमवार उनको शव निकालेको हो ।

रुकुम पश्चिम जिल्लाको चौरजहारी नगरपालिका – ३ स्थित भेरी नदिमा नुहाउने क्रममा डुबेर बेपत्ता भएका एक जनाको शव  गोताखोरले बैशाख ०२ गते फेला पारेको छ ।
जाजरकोट जिल्लाको शिवालय गाउँपालिका – ३ सिमा बस्ने २४ बर्षिय कमल बुढा गत चैत ३० गते उक्त नदिमा नुहाउने क्रममा डुवेर वेपत्ता भएका थिए । 

सुनसरी जिल्लाको बराहक्षेत्र नगरपालिका १ स्थित पिण्डेश्वर पूर्ण महाकुम्भ मेला परिसरमा अत्याधिक गर्मीका कारणले वेहोस भएका ४ जनाको तत्कालै उद्धार गरि अस्पताल पठाईएको छ ।
गत चैत्र २७ बाट यहि बैशाख २८ गते सम्म १ महिनासम्म संचालन हुने महाकुम्भ मेलामा सशस्त्र प्रहरी बल नेपालले निःशुल्क स्वास्थ्य शिबिर सहित बिपद उद्धार टिम समेत परिचालन गरेको छ ।

प्रधान कार्यालय स्वयम्भु हलचोकमा संचालन भएको ‘सशस्त्र प्रहरी महानिरीक्षक कप–२०८०’ को उपाधी नं ५ बिन्ध्यावासिनी बाहिनी मुख्यालय रुपन्देहीले जितेको छ । ११ स्वर्ण, ४ रजत र ६ कास्य गरी कुल २१ पदकसहित बिन्ध्यावासिनी बाहिनी प्रथम भएको हो ।
नं. १ बराह बाहिनी मुख्यालय सुनसरी ७ स्वर्ण, ७ रजत र ३ कास्य गरी कुुल १७ पदक र नं. ९ पशुपतिनाथ बाहिनी मुख्यालय काठमाडांै ४ स्वर्ण, ५ रजत र ४ कास्य गरी कुल १३ पदकसहित क्रमशः द्धितिय र तृतिय भएका छन् । समापन समारोहमा भएको फुटबल खेलमा नं. १ बराह बाहिनी मुख्यालय सुनसरीले नं. २ छिन्नमस्ता बाहिनी मुख्यालय महोत्तरीलाई २–१ गोलको अन्तरले पराजित गरी प्रथम भएको   छ ।
सशस्त्र प्रहरी महानिरीक्षक राजु अर्यालले शुक्रबार प्रतियोगिता समापन गर्नुका साथै उत्कृष्ट खेलाडी तथा बिजयी टिमलाई ट्रफी, मेडल र पुरस्कार समेत प्रदान गर्नुभयो । प्रतियोगितामा फुटबल, भलिबल, ब्याडमिन्टन र एथलेटिक्स खेलहरु समावेश थिए ।

चैत्र २९ गते दिउँसो फेवातालमा अचानक आएको हावाहुरीको कारण कायक बोट पल्टिएर दुर्घटनामा परेकी युबतिको सकुशल उद्दार गरिएको छ ।
     काठमाडौँ महानगरपालिका– १७ सामाखुसी बस्ने वर्ष २५ कि युवती  बोटिङ गर्ने क्रममा हावाहुरी चल्दा  तालमा खसेकि थिइन् । दुर्घटना लगत्तै फेवाताल बाराहीघाट स्थित रेस्क्यु वाच टावरमा खटिएको विशेष उद्धार तथा गोताखोर टोलीले तत्कालै सकुशल उद्धार गरेको हो ।

     नं.१बराह बाहिनी मुख्यालय र नं.४ गणको आयोजना तथा पूर्व क्षेत्रीय सशस्त्र प्रहरी बल नेपाल अस्पताल पकली, सुनसरीको समन्वय र बिराट मेडिकल कलेज टिचिङ्ग अस्पतालको सहकार्यमा सुनसरी जिल्ला बराहक्षेत्र नगरपालिका चतराधाममा २०८० चैत २७ गते देखि २०८१ बैशाख २८ गते सम्म  संचालन हुने १ महिना अबधिको १२ बर्षे पिण्डेश्वर पूर्ण महाकुम्भ मेलामा मेला अबधिभर नि:शुल्क स्वास्थ्य शिबिर आयोजना गरिको छ  । यसै गरि सो अबधिभर नं. १ बराह बाहिनी मुख्यालयको बिपद् ब्यबस्थापन टिम समेत तैनाथ गरिएको छ ।

सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्यालले नं. ४ मुक्तिनाथ बाहिनी परिसरमा नवनिर्मित गण्डकी प्रदेश सशस्त्र प्रहरी परिवार महिला संघ कार्यकक्षको उद्घाटनका साथै संघद्धारा संचालित ३ महिना अवधिको सिलाई कटाई तालिमको  चैत २८ गते समापन गर्नुभएको छ । गण्डकी प्रदेश सशस्त्र प्रहरी महिला संघको सहयोगमा संघकी अध्यक्ष अनिता लामिछाने अर्यालले कास्की जिल्लाको पोखरा महानगरपालिका – ६ बैदामस्थित नीलसागर सेवाश्रममा खाद्यान्न तथा सरसफाईका सामाग्रीहरु समेत वितरण गर्नुभएको छ ।

‘सशस्त्र प्रहरी महानिरीक्षक कप–२०८०’ अन्तर्गत एथलेटिक्सतर्फ सम्पन्न विभिन्न प्रतियोगिताहरुमा विजयी हुन सफल खेलाडीहरुलाई चैत २८ गते नेपाल एथलेटिक्स संघका सचिव आरके बिष्टले बुधबार मेडल तथा पुरस्कार प्रदान गर्नुभएको छ ।

सशस्त्र प्रहरी बल नेपाल नं. १९ गण बगलामुखी (विशेष कार्यदल) काठमाडांैको २२औं स्थापना दिवस सशस्त्र प्रहरी नायव महानिरीक्षक शम्भु सुवेदीको प्रमुख आतिथ्यमा चैत्र २८ गते विविध कार्यक्रम गरी सम्पन्न भएको छ ।
कार्यक्रममा उहाँले स्थापना दिवसको अवसर पारेर आन्तरिक रुपमा संचालन गरिएका पेशागत व्यवसायिक तथा विभिन्न खेलकुद प्रतियोगिताहरुमा विजयी हुने खेलाडीहरु लगायत गणमा बर्षभरी उत्कृष्ट कार्य गर्ने सशस्त्र प्रहरी कर्मचारीहरुलाई पुरस्कार तथा प्रशंसापत्र प्रदान गर्नुभएको थियो । 

‘सीमाबासीसँग सशस्त्र प्रहरी कार्यक्रम’ अन्तर्गत सिन्धुपाल्चोक जिल्लाको भोटेकोशी गाउँपालिका–३ लार्चामा एकदिने निःशुल्क स्वास्थ्य जाँच तथा परामर्श कार्यक्रम संचालन भएको छ ।
चैत २५ गते  नं. १६ गण सिन्धुपाल्चोकले विओपी तातोपानी र भोटेकोशी गाउँपालिकाको सहकार्यमा  संचालन गरेको शिविरमा १ सय ४० जनाको निःशुल्क स्वास्थ्य जाँच गरिएको थियो ।

कास्कीस्थित फेवातालमा बोटिङ गर्ने क्रममा दुर्घटनामा परेका एक युवकको सशस्त्र प्रहरी बलले सकुशल उद्धार गरेको छ ।
चैत २५ गते आइतबार साँझ स्याङ्जा जिल्लाको अर्जुन चौपारी गाउँपालिका–३ घर भइ पोखरा महानगरपालिका–६ लेकसाइड बस्ने २० बर्षिय सोभित परियार बोटिङ गर्नेक्रममा अचानक आएको हावाहुरीको कारण बोट पल्टिन गई तालमा खसेका थिए ।
उक्त दुर्घटनापछि सशस्त्र प्रहरी बल नेपालको फेलातालस्थित रेशक्यू टावरमा तैनाथ उद्धार टोलीले उनको तत्कालै सकुशल उद्धार गरेको हो ।
हावाहुरीको कारण तालबराही मन्दिरमा अड्किएका करीब २५ जना आन्तरिक तथा बाह्य पर्यटकको समेत सोही टोलीले सकुशल उद्धार गरेको छ ।  

प्रधान कार्यालय हलचोक स्वयम्भूमा चैत्र २५ गतेदेखि ‘सशस्त्र प्रहरी महानिरीक्षक कप–२०८०’ सुरु भएको छ । सशस्त्र प्रहरी अतिरिक्त महानिरीक्षक नारायणदत्त पौडेलले द्धिप प्रज्वलन गरी खेलकुद प्रतियोगिताको  शुभारम्भ गर्नुभएकोे हो ।      
प्रतियोगितामा राष्ट्रिय सशस्त्र प्रहरी बल प्रशिक्षण प्रतिष्ठान र सशस्त्र प्रहरी बल नेपालका बाहिनी मुख्यालयहरु गरी नौ वटा टिमको सहभागिता रहेको छ । प्रतियोगितामा फुटबल, भलिबल, ब्याडमिन्टन र एथलेटिक्स खेलहरु समावेश छन् । 

प्रस्तावित सीमा सुरक्षा गुल्म अलौ पर्साले भारतर्फ तस्करी गर्न लागिएको ९४ कार्टुन मदिरासहितको सुमो गाडी नियन्त्रणमा लिएको छ ।
चैत्र २४ गते वीरगंज महानगरपालिका–१७ कोनिया नाकाबाट भारतीय नम्बर प्लेटको बी.आर. १० जे ८२०१ नम्बको टाटा सुमो गाडीमा अबैध रुपमा लैजाँदै गरेको मदिरा र सुमो गाडी नियन्त्रणमा लिई आवश्यक कारवाहीको लागि भन्सार कार्यालय वीरगंजमा बुझाईएको छ । यसैगरी सोही गुल्मले ९ लाख १३ हजार रुपैयाँ बराबरको ईलेक्ट्रोनिक सामानसहित एउटा ट्रक नियन्त्रणमा लिएको छ । चैत्र २० गते वीरगंज महानगरपालिका – १७ चण्डाल चोकबाट ना ३ ख ७८८८ नम्बरको ट्रकमा विलविजक भन्दा फरक सामान भएको पाईएपछि नियन्त्रणमा लिइएको हो ।
नियन्त्रणमा लिईएको सामान र ट्रक राजश्व अनुसन्धान कार्यालय पथलैयामा बुझाईएको छ ।

 नं. ६ महेश्वरी बाहिनी मुख्यालय सुर्खेतकोे २३औँ स्थापना दिवस सशस्त्र प्रहरी अतिरिक्त महानिरीक्षक बंशीराज दाहालको प्रमुख आतिथ्यमा चैत्र २३ गते विविध कार्यक्रम गरी सम्पन्न भएको  छ ।

सशस्त्र प्रहरी परिवार महिला संघकी अध्यक्ष श्रीमती अनिता लामीछाने अर्यालको उपस्थितीमा संघले चैत २४ गते सिन्धुली जिल्लाको सुनकोशी गाउँपालिका ३ झागाझोली रातमाटामा राहत सामाग्री वितरण गरेको छ ।
संघले सोही ठाउँमा बसोवास गर्ने न्यून आयश्रोत भएका ७२ घरपरिवारलाई खाद्यान्न तथा डस्ना वितरण गरेको हो । 

नं. १२ गण बाराले पर्सा जिल्लाको वीरगंज महानगरपालिका–१४ गण्डकस्थित मल्टि स्पेशयालिटी अस्पताल  वीरगंजको संयुक्त सहकार्यमा सीमावासी सँग सशस्त्र प्रहरी कार्यक्रम अन्तर्गत बारा जिल्लाको सिम्रौनगढ नगरपालिका २ खजानीमा निःशुल्क स्वास्थ्य जाँच तथा परामर्श शिविर संचालन गरिएकोे छ ।
स्वास्थ्य शिविरमा ९५ जना पुरुष र ७० जना महिला गरी जम्मा १ सय ६५ जनाले  निःशुल्क स्वास्थ्य जाँच तथा परामर्श लिएका थिए  ।

कैलाली जिल्लाको धनगढी उप–महानगरपालिका ४ स्थित उत्तरवेहडी ईलाकाबाट चैत्र २३ गते नं. ३४ गण कैलालीले करीब ५७ लाख १८ हजार ५ सय रुपैयाँ बराबरको अबैध लत्ताकपडा बरामद गरेको छ ।
बरामद लत्ताकपडा कैलाली भन्सार कार्यालय त्रिनगरमा बुझाईएको छ ।

हुम्ला जिल्लास्थित नाम्खा गाउँपालिका–५ नारा लेकको हिउँमा फसेका तीन जना कर्मचारीको उद्धार गरिएको छ । चैत २२ गते बिहीबार विहान १० बजे उनीहरु हिउँमा फसेको भन्ने खबर प्राप्त भएपछि बोर्डर आउट पोष्ट हिल्साले सकुशल उद्धार गरेको हो । 

रौतहट जिल्लाको परोहा नगरपलिका–९ खाँप ईलाकाबाट चैत २० गते नं. ११ गण रौतहटले ७ लाख ५५ हजार ५ सय ७० रुपैयाँ बराबरको बिभिन्न किसिमका लत्ताकपडा, औषधी, सुर्तिजन्य पदार्थ र चप्पलहरु विभिन्न सामान बरामद गरेको छ ।

मोरङ जिल्लाको बेलबारी नगरपालिका–७ बाहुनीबाट चैत १९ गते सोही जिल्लाको कानेपोखरी गाउँपलिका–६ बस्ने ३८ बर्षिय युबकलाई १७ केजी ९ सय ६० ग्राम चाँदीको तयारी गरगहनासहित सुरक्षा बेश बाहुनी र लक्ष्मीमार्गले नियन्त्रणमा लिई आवश्यक कारवाहीको लागि बिराटनगर भन्सार कार्यालय मोरङमा बुझाइएको छ ।

सशस्त्र प्रहरी अतिरिक्त महानिरीक्षक नारायणदत्त पौडेलले ‘सीमावासीसँग सशस्त्र प्रहरी’ कार्यक्रमअन्तर्गत झापा जिल्लाको गौरीगंज गाउँपालिका–६ स्थित खजुरगाछीकि एक छात्रालाइ चैत १९ गते छात्रबृत्ति प्रदान गर्नुभएको छ । साथै सीमा इलाकामा बसोबास गर्ने नगरिकका करीब एक सयजना सन्ततीहरुलाई शैक्षिक सामाग्रीसमेत वितरण गर्नुभएको छ । यसैगरी आजै सशस्त्र प्रहरी अतिरिक्त महानिरीक्षक पौडेलको प्रमुख आतिथ्यमा झापा जिल्लाको गौरीगंज गाउँपालिका ६ स्थित खजुरगाछीमा सीमावासीसँग सशस्त्र प्रहरी कार्यक्रम अन्तर्गत राजश्वत चुहावट तथा सीमा अपराध नियन्त्रण सम्बन्धी अन्तरक्रिया कार्यक्रम समेत सम्पन्न भएको छ ।

सशस्त्र प्रहरी अतिरिक्त महानिरीक्षक नारायदत्त पौडेलले ‘सीमावासीसँग सशस्त्र प्रहरी’ कार्यक्रमअन्तर्गत सुनसरी जिल्ला हरिनगर गाउँपपालिकाको कार्यालयमा संचालन हुने केशकर्तक तालिमको चैत्र १९ गते उद्घाटन गर्नुभएको छ ।  
नं. १ बराह बाहिनी मुख्यालय र नं. ४ गण सुनसरीको आयोजनामा संचालन भएको तालिममा सीमा इलाकामा बसोबास गर्ने २० जना स्थानियहरु सहभागी रहेका छन् ।

                नं.७ बैद्यनाथ बाहिनी मुख्यालयमा २३ औं स्थापना दिवसको अवसरमा चैत १९ गते सशस्त्र प्रहरी बल नेपाल, नेपाली सेना र नेपाल प्रहरीका सिनियर अधिकृतस्तरको मैत्रिपूर्ण फुटबल सम्पन्न भएको छ। यसैगरी दिवसकै अवसरमा बाहिनी र मातहत कार्यालयहरुका सिनियर र जुनियर अधिकृतस्तरको डबल्स ब्याडमिन्टन प्रतियोगिता समेत सम्पन्न भएको छ। 

प्रस्तावित सीमा सुरक्षा गुल्म बिरगंज पर्साले पर्सा जिल्लाको विरगंज महानगरपालिका–७ रेल्वे रोडबाट कागजात तथा प्रज्ञापन पत्र नभएको ८ लाख ४० हजार रुपैयाँ बराबरको लत्ताकपडा, जुत्ता र किराना सामान बरामद गरेको छ ।
यसैगरी सोही महानगरपालिका–१६ भन्सार मेनगेट नजिकबाट अवैध रुपमा नेपालतर्फ ल्याउदै गरेको १ लाख २२ हजार ७ सय २० रुपैयाँ बराबरको लत्ताकपडासमेत बरामद गरेको छ ।

  नं. २४ कालिका गण कास्की पोखरामा कार्यरत ६६ जना कर्मचारीहरुले रक्तदान गरेका छन् ।

 गणको १९औं स्थापना दिवसको अवसर पारेर चैत्र १९ गते गण परिसरमा आयोजित रक्तदान कार्यक्रमबाट संकलित ६६ युनिट रगत नेपाल रेडक्रस सोसाईटी कास्की शाखाद्वारा संचालित प्रादेशिक रक्तसंचार सेवा पोखरालाई हस्तान्तरण गरिएको छ ।

 बर्दिया जिल्लाको बढैयाताल गाँउपालिका–२ स्थित सीमा ईलाकाबाट करीब ६ किलो चरेश जस्तो पदार्थसहित ४५ बर्षिया एक महिलालाई चैत्र १९ गते नियन्त्रणमा लिइएको छ ।
चरेश बोकेर नेपालबाट भारततर्फ जाँदै गरेको अवस्थमा बोर्डर आउट पोस्ट (बीओपी) फुटाहा बर्दियाले उनलाई नियन्त्रणमा लिएको हो । 

कास्की जिल्लाको अन्नपुर्ण गाउँपालिका- ४ भदौरे देउराली नजिक थामडाडा घुम्तीमा पोखराबाट सल्यानतर्फ जाँदै गरेको ग १ ज ५५४७ नम्बरको यात्रुबाहक जिप चैत्र १८ गते सडकबाट अन्दाजी २०० मिटर तल खसेको खबर पाएपछि नं. २४ कालिका गण पोखराबाट बिपद् उद्धार सामाग्रीसहित खटिएको फौजले १० जनालाई जीवितै उद्धार गर्न सफल भएको छ भने मृत्यु भएका २ जनाको शव निकालेको छ ।

नं. ९ पशुपतिनाथ बाहिनी मुख्यालय काठमाडौंले आयोजना गरेको ‘बाहिनीपति कप, २०८०’को उपाधि नं. १९ बगलामुखी विशेष कार्यदल गण हलचोकले जितेको छ ।
चैत्र १३ गतेदेखि १८ गतेसम्म फुटबल, भलिबल, एथ्लेटिक्स, ब्याडमिन्टन, टेबल टेनिसलगायतका खेल विधाहरु समावेश गरी प्रतियोगिता संचालन भएको थियो । 

मोरङ जिल्लाको विराटनगर महानगरपालिका २ तिनपैनीमा ‘सीमावासीसँग सशस्त्र प्रहरी’ कार्यक्रम अन्तर्गत सरोकारवालासँग ‘राजश्व चुहावट तथा सीमा अपराध नियन्त्रण’ सम्बन्धी अन्तरक्रिया कार्यक्रम सम्पन्न भएको छ ।
नं. १ बराह बाहिनी मुख्यालय सुनसरी र उद्योग संगठन मोरङको आयोजनामा सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा चैत्र १८ गते सो ठाउँस्थित उद्योग संगठन मोरङको सभाहलमा राजश्व चुहावट तथा सीमा अपराध नियन्त्रण र चोरीपैठारी निकासी नियन्त्रणमा सशस्त्र प्रहरी बल नेपालको कर्तव्य, जिम्मेवारी र सीमा सुरक्षामा सीमावासीहरुको सहयोगको बारेमा अन्तरक्रिया तथा छलफल भएको हो ।

 नं. १ बराह बाहिनी मुख्यालय सुनसरीको २३औं स्थापना दिवस सशस्त्र प्रहरी महानिरीक्षक राजु अर्यालको प्रमुख आतिथ्यमा विविध कार्यक्रम गरी चैत्र १८ गते सम्पन्न भएको छ ।

 कार्यक्रममा सशस्त्र प्रहरी महानिरीक्षक राजु अर्यालयले स्थापना दिवसको अवसर पारेर बाहिनी मुख्यालयमा आन्तरिक रुपमा आयोजना गरिएको विभिन्न खेलकुद तथा हाजिरी जवाफ प्रतियोगितामा बिजयी टिम तथा खेलाडीहरुलाई प्रमाणपत्र, मेडल तथा शिल्ड प्रदान गर्नुका साथै बाहिनीको कामकारवाहीमा बर्षभरि उत्कृष्ट कार्यगर्ने कर्मचारीहरुलाई प्रशंसापत्र तथा 'आइजी एपीएफ कमेन्डेसन' समेत प्रदान गर्नुभएको ।

सुनसरी जिल्लाको ईनरुवा नगरपालिका –४ स्थित सशस्त्र प्रहरी बल, नेपाल नं. ४ गण सुनसरीको कार्यालय परिसरभित्र चैत्र १६ गते हुल तथा दंगा व्यवस्थापन सम्बन्धी संयुक्त डेमोन्स्ट्रेशन गरिएको छ ।
नंं. ४ गण र जिल्ला प्रहरी कार्यालय सुनसरीको संयुक्त आयोजनामा संचालन भएको डेमोस्ट्रेशनमा दुबै सुरक्षा निकायका ३५-३५ गरी ७० जनाले हुल तथा दंगा व्यवस्थापन सम्बन्धी डेमो प्रदर्शन गरेका थिए ।

एपीएफ कमाण्ड तथा स्टाफ कलेजमा संचालन हुने नवौँ एपीएफ कमाण्ड तथा स्टाफ कोर्षको सशस्त्र प्रहरी महानिरीक्षक राजु अर्यालले चैत्र १५ गते सशस्त्र प्रहरी बल नेपाल प्रधान कार्यालय हल्चोक स्वयम्भूमा आयोजित समारोहकाबीच उद्घाटन गर्नुभएको छ ।  

सशस्त्र प्रहरी महानिरीक्षक राजु अर्यालले व्यक्तिगत स्वार्थको मार्ग छोटो र सजिलो भएतापनि सामुहिक हितको मार्ग लामो र कठिन हुने तर सकल दर्जा लागि परे त्यो त्यति कठिन पनि नहुने बताउनुभएको छ ।
चैत्र १० गते नं. ९ पशुपतिनाथ बाहिनी मुख्यालय काठमाडौँको २०औँ बार्षिकोत्सवको अवसरमा महानिरीक्षक अर्यालले भन्नुभयो– ‘नेतृत्व सदैव आफ्ना कर्मचारीहरुको हित र कल्याणका बारेमा चिन्तशिल हुन्छ त्यसैले संगठनको संस्थागत, संरचनागत र नीतिगत सुधारका प्रयासमा लागि रहेको र ती प्रयासहरुलाई मुर्तरुप दिन सम्पूर्ण कर्मचारीहरु पनि एकजुट भएर लाग्नुहोस् ।’  
कार्यक्षेत्रमा खटिदा सम्पूर्ण कर्मचारीहरु व्यावसायिक रुपमा इमान्दार, नैतिकवान, कर्तव्यनिष्ट र परिस्थिती अनुरुपको निर्णय क्षमता राख्न सक्नुपर्ने बताउनुहुँदै महानिरीक्षक अर्यालले भन्नुभयो– ‘म होईन हामी भन्ने मान्यतालाई आत्मसाथ गरी राज्य र नागरिकप्रतिको जिम्मेवारी बोधकासाथ परिचालन हुनुहोस्, भिन्न–भिन्न अवसर र बृत्तिवकिासका अवसरहरु आफै सिर्जना हुँदै जान्छन् ।’
उहाँले आफ्नो व्यक्तिगत स्वार्थ, आग्रह र पूर्वाग्रहलाई थाती राख्दै आफ्नो कमाण्डर र नेतृत्वसँग हातेमालो गरी संगठन विकासको एउटै लक्ष्यकासाथ अघि बढ्न र आफ्नो कर्तव्यपथमा अविचलित भई लागि रहन निर्देशन दिनुभयो ।  
स्थापना दिवसको अवसरमा महानिरीक्षक अर्यालले उत्कृष्ट कार्य गर्ने सशस्त्र प्रहरी कर्मचारी तथा अवकास प्राप्त सशस्त्र प्रहरी कर्मचारीहरुलाई पुरस्कार तथा कदर–पत्र प्रदान गर्नुभएको थियो ।
बाहिनीपति सशस्त्र प्रहरी नायव महानिरीक्षक पुरुषोत्तम थापाले धन्यवादको क्रममा संगठनको हितका लागि बाहिनी तथा मातहतका सकल दर्जा कटिबद्ध रहेको बताउनुभयो ।

सशस्त्र प्रहरी महानिरीक्षक राजु अर्यालले सीमावासीसँग सशस्त्र प्रहरी कार्यक्रम अन्तर्गत सरोकारवालासँग ‘राजश्व चुहावट तथा सीमा अपराध नियन्त्रण’ सम्बन्धी अन्तरक्रिया गर्नुभएको छ ।
शुक्रबार पर्सा जिल्लाको विरगंज महानगरपालिका–४ बिर्तास्थित विरगंज उद्योग वाणिज्य संघको सभाहलमा महानिरीक्षक अर्यालले राजश्व चुहावट तथा सीमा अपराध नियन्त्रण र चोरीपैठारी निकासी नियन्त्रणमा सशस्त्र प्रहरी बल नेपालको कर्तव्य, जिम्मेवारी र सीमा सुरक्षामा सीमा वासीहरुको सहयोगको बारेमा छलफल गर्नुभएको थियो ।
त्यसैगरी सीमा सुरक्षा बिभाग प्रमुख सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा सोही जिल्लाको छिपरमाई गाउँपालिका–५ छोटी भन्सार कार्यालय भिष्वामा नं. १३ गण पर्साको आयोजना तथा प्रभु अस्पताल एण्ड रिसर्च प्रा.ली. विरगंज र सामुदायिक आँखा उपचारकेन्द्र पर्साको सहकार्यमा निःशुल्क स्वास्थ्य शिविर संचालन गरिएको थियो ।
 

सशस्त्र प्रहरी महानिरीक्षक राजु अर्यालले नेपाल एपीएफ क्लवको आयोजनामा यही चैत्र ४ गतेबाट संचालन भएको ‘१२औं सहवीर स्मृति खुल्ला लनटेनिस प्रतियोगिता–२०८०’ को चैत्र ९ गते समापन गर्नुभयो ।
प्रधान कार्यालय हल्चोक स्वयम्भुमा आयोजित प्रतियोगिताको समापन समारोहमा महानिरीक्षक अर्यालले विजयी टिम तथा खेलाडीहरुलाई शिल्ड, प्रमाण–पत्र तथा नगद पुरस्कार प्रदान गर्नुभएको थियो ।

नेपाल एपीएफ क्लबको आयोजनामा बिहिबार ‘१२औँ सहबीर राष्ट्रिय खुल्ला लन टेनिस प्रतियोगिता, २०८०’ को विभिन्न ईभेन्टका फाईनल तथा सेमीफाईनल खेलहरु सम्पन्न भएका छन् ।
लन टेनिस कोर्ट हल्चोकमा भएको ५५ वर्षमाथि भेन्ट्रान्स एकलतर्फको फाईनल खेलमा विमल वाईबाले राजु श्रेष्ठलाई २–६, ६–१ र १०–४ ले पराजित गरी उपाधि जितेका छन् । यसैगरी ३५ वर्षमाथि भेन्ट्रान्स एकलतर्फको खेलमा अनिल शाहीले भिष्मजंग गुरुङ्गलाई ६–३ र ६–० ले पराजित गरी उपाधि जितेका छन् ।
यसैगरी ४५ वर्ष भेन्ट्रान्स एकलतर्फको फाईनल खेलमा रोहित सुनुवारले महेश श्रेष्ठलाई ६–२, ६–४ ले पराजित गरी उपाधि जितेका छन् । त्यस्तै ३५ वर्षमाथि भेन्ट्रान्स डबलतर्फको फाईनल खेलमा ईलुम दिक्षित र जितेन्द्र परियारको जोडिले कमल भण्डारी र यज्ञबहादुर भण्डारीको जोडिलाई ४–६, ६–३ र १०–८ ले पराजित गरी उपाधि जितेका छन् ।
यसैगरी पुरुष एकलतर्फको सेमीफाईनल खेलमा प्रदिप खड्काले निशान श्रेष्ठलाई ६–३, र ६–२ ले र रितिक रानाले सक्षम विक्रम शाहलाई ६–३ र ६–३ ले पराजित गरी फाईनल प्रवेश गरेका छन् ।
त्यसैगरी महिला एकलतर्फको सेमीफाईनल खेलमा माहिका राणाले सुभांगीलक्ष्मी शाहलाई ४–६, ६–१ र ६–२ ले पराजित गरी फाईनलमा प्रवेश गरेका छन् ।
त्यस्तै ईन्टर गभरमेन्ट डबलतर्फको सेमीफाईनल खेलमा उत्तम बोगटी र अमित गुरुङ्गको जोडिले प्रेम कुमार शाही र नरेन्द्र कुमार सिंहको जोडिलाई ६–१ र ६–० ले पराजित गरी फाईलनमा प्रवेश गरेका छन् ।

  चैत्र ७  गते राती  ०१:३५ बजेको समयमा सुनसरी जिल्लाको  बराहक्षेत्र नगरपालिका -१  स्थित सप्तकोशी नदिको किनारबाट सुरक्षा बेश चतराले  डुंगामा लैजादै गरेको करिब १ सय ६४  किलो गाँजा  बरामद गरेको छ ।

गृहसचिव एकनारायण अर्यालको प्रमुख आतिथ्यमा प्रधान कार्यालयमा संचालन भएको ‘वरिष्ठ अधिकृत सम्मेलन, २०८०’ को चैत्र ६ गते समापन भएको छ । सो सम्मेलन यही चैत्र ४ गतेदेखि संचालन भएको थियो । 

पश्चिम रुकुम जिल्लाको सानोभेरी गाउँपालिका–३ स्थित कमैदेमा लगाईएको अफिम खेती चैत्र ६ गते नष्ट गएिको छ ।
उक्त स्थानको करीव २८ रोपनी जग्गामा अफिम खेती लगाईएको भन्ने जानकारी पाएपश्चात नं. ४७ पश्चिम रुकुमबाट खटिएको सुरक्षा फौजले नष्ट गरेको हो ।    

चैत्र ४ गतेदेखि हराईरहेका बीरबहादुर बि.क.को शव गोताखोरले ६ गते ब्रम्हायणी नदिमा फेला पारेको छ ।
सिन्धुपाल्चोक जिल्लाको बलेफी गाउँपालिका २ कल्लेरी बस्ने बि.क.को शव नं. २० विपद् उद्धार गण सिनामंगलबाट खटिएको गोताखोरले मंगलबार दिउँसो सोही नदीको करीव २० फिट गहिराइबाट निकालेको  हो ।

सुनसरी जिल्लाको बर्जु गाँउपालिका ४ ईटहरीस्थित सीमा ईलाकाबाट फागुन ५ गते ५५ किलो गाँजा बरामद भएको छ ।
  नेपालबाट भारततर्फ लैजाँदै गरेको अवस्थामा बिओपी हर्वेनी र बिओपी अमडुवाको सुरक्षा फौजले गाँजा बरामद गरेको हो ।
 

माननीय उपप्रधान मन्त्री एवं गृहमन्त्री रवि लामिछानेले चैत्र ४ गते आईतबार सशस्त्र प्रहरी बल नेपाल प्रधान कार्यालयको निरीक्षण भ्रमण गर्नुकासाथै बरिष्ठ अधिकृत सम्मेलनको समुद्घाटन समेत गर्नुभएको छ ।
निरीक्षण भ्रमणको क्रममा उहाँले सम्पुर्ण राष्ट्रसेवक कर्मचारीहहरुलाई समयसापेक्ष निर्देशन दिनुभएको थियो । कार्यक्रममा गृहसचिव एकनारायण अर्याल लगायत गृहमन्त्रालयका अन्य पदाधिकारीहरुको समेत उपस्थिती रहेको थियो ।  

चितवन जिल्लाको भरतपुर महानगरपालिका ३ पुलचोकस्थित नारायणी पुलबाट नदीमा हामफालेकी महिलाको चैत्र ४ गते अचेत अवस्थामा उद्धार गरिएको छ ।
हामफालेको केही बेरमै उनलाई नं. १७ गण चितवनको आईआरटी टोलीले सिभिल बोटको सहयोगमा उद्धार गरी उपचारको लागि भरतपुर अस्पतालतर्फ पठाएको छ ।
त्यस्तै सुनसरी जिल्लाको ईटहरी उपमहानगरपालिका ८ ढोकापुलस्थित सप्तकोशीको चतरा खनार नहरमा बेपत्ता भएका किशोरको शव सशस्त्र प्रहरीले चैत्र ४ गते फेला पारेको छ ।
सोही स्थानमा डेरा गरी बस्ने १८ वर्षिय अम्बिराज राई नुहाउने क्रममा उक्त नहरमा डुवेर बेपत्ता भएका थिए ।
सो घटनाबारे जानकारी पाउनासाथै नं. १ बराह बाहिनी मुख्यालय सुनसरी र सुरक्षा बेस दुहवीबाट खटिएको गोताखोरसहितको सुरक्षा फौजले उनको शव फेला पारेको हो ।

‘१२औँ सहबीर राष्ट्रिय खुल्ला लन टेनिस प्रतियोगिता, २०८०’ चैत्र ४ गतेदेखि संचालन भएको छ ।
नेपाल एपीएफ क्लबको आयोजनामा संचालन भएको प्रतियोगिताको सशस्त्र प्रहरी अतिरिक्त महानिरीक्षक चन्द्रप्रकाश गौतमले लन टेनिसका मुख्य रेफ्री सुर्यभुषण बज्रचार्यलाई टेनिस बल हस्तान्तरण गरी शुभारम्भ गर्नुभएको थियो ।

.

नं. ४ गण सुनसरीले पूर्वक्षेत्रिय सशस्त्र प्रहरी बल नेपाल अस्पताल पकलीको समन्वय तथा जिल्ला अस्पताल ईनरुवा र जिल्ला जन स्वास्थ्य कार्यालय सुनसरीको सहयोगमा चैत्र ४ देखि ९ गतेसम्म ‘आन्तरिक स्वास्थ्य शिविर’ संचालन भएको छ ।
सशस्त्र प्रहरी कर्मचारीहरुको विस्तृत स्वास्थ्य परिक्षण गरी स्वास्थ्य अवस्थाको बारे रेकर्ड अध्यवधिक गर्ने तथा परामर्श दिने उद्देश्यले संचालन गरिएको कार्यक्रममा नं. ४ गण सुनसरी र मातहत कार्यालयका सशस्त्र प्रहरी कर्मचारीहरुको सहभागी रहने छ ।

नेपाल एपीएफ क्लवको आयोजनामा चैत्र ४ देखि ९ गतेसम्म ‘‘१२ औँ सहवीर स्मृति लन टेनिस प्रतियोगिता, २०८०’’ संचालन हुने भएको छ । लन टेनिस प्रतियोगिताका सम्पूर्ण खेलहरु  ITF    र  NTA    को नियम अनुसार संचालन हुने र ११ वटा इभेन्ट्सहरु समावेश गरिएको सो प्रतियोगिताको कुल पुरस्कार राशी ५ लाख २७ हजार रुपैयाँ रहेको छ । प्रतियोगितामा सहभागी हुने खेलाडीहरुको आवेदन फारम नेपाल एपीएफ क्लव हलचोक, नेपाल टेनिस संघ सातादोवाटो, काठमाडौ जिल्ला टेनिस संघ दशरथ रंगशाला तथा सशस्त्र प्रहरी बल नेपालको वेभसाइट  www.apf.gov.np बाट प्राप्त गर्न सकिने छ । प्रतियोगितामा सहभागी हुनको लागि कम्तीमा १४ बर्ष पुरा भएको हुनुपर्ने र कुनै पनि खेलाडीले २ वटा भन्दा बढि ईभेन्ट्‍मा भाग लिन पाईने छैन । प्रतियोगिता सम्बन्धी कुनै पनि जिज्ञासा तथा जानकारीको लागि सशस्त्र प्रहरी निरीक्षक बिजय कुमार के.सी.को मोवाइल नं. ९८५११६०९०० र टेनिस अफिसियल ईन्द्रकला श्रेष्ठको मोबाईल नं. ९८०५३४१२९४ मा सम्पर्क गर्न सकिने छ ।

रौतहत जिल्लाको परोहा नगरपालिका ९ खापस्थित आई.एम.ई.का संचालक नितेश साहलाई गोली हानी भाग्दै गरेका तीन जनालाई सशस्त्र प्रहरीले चैत्र २ गते नियन्त्रणमा लिएको छ ।
आई.एम.ई.का संचालक साहलाई गोली हानी मोटरसाईकलमा भाग्दै गरेको अवस्थामा उनीहरुलाई बिओपी रामपुरखापबाट घिउरा नाकामा खटिएको सुरक्षा फौजले सीमा ईलाकाबाट नियन्त्रणमा लिएको हो ।
सोही ठाउँको घिउरा बासवारीमा खानतलासी गर्दा एक नाल कटुवा पेस्तोल समेत फेला परेको छ ।

        सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन ३० गते
‘सीमा सुरक्षा तथा सीमावर्ती राजश्व चुहावट नियन्त्रण सम्बन्धी
अन्तरक्रिया, २०८०’ सम्पन्न भएको छ ।
         एपीएफ कमाण्ड तथा स्टाफ कलेजले प्रधान कार्यालयमा आयोजना गरेको
अन्तरक्रिया कार्यक्रममा सीमा अपराध तथा सीमावर्ती राजश्व चुहावट
नियन्त्रणमा केन्द्रित रहि सीमा व्यवस्थापन गरेर राजश्व चुहावटलाई कसरी
नियन्त्रण गर्न सकिन्छ भन्ने विषयमा छलफल भएको थियो ।

        मकवानपुर जिल्लाको राक्सिराङ गाउँपालिका–९ स्थित कान्द्राङमा फागुन २८
गते करीव ५ बिगाह क्षेत्रमा लगाईएको अफिम खेती नष्ट गरिएको छ ।
        नं. १४ गण मकवानपुर, स्थानीय प्रहरी र राष्ट्रिय अनुसन्धान जिल्ला
कार्यालयको संयुक्त टोलीले नष्ट गरेको हो । साथै फागुन २९ गते सोही
गाउँपालिकाको रुन्चेवाङ्ग ईलाकामा समेत अफिम खेती नष्ट गर्ने कार्य भई
रहेको छ ।

        पाथिभरा जवान तालिम शिक्षालय झापाको २१औँ स्थापना दिवस सशस्त्र प्रहरी
अतिरिक्त महानिरीक्षक चन्द्र प्रकाश गौतमको प्रमुख आतिथ्यमा फागुन २९ गते
विविध कार्यक्रम गरी सम्पन्न भएको छ ।
        कार्यक्रममा अतिरिक्त महानिरीक्षक गौतमले स्थापना दिवसको अवसरमा संचालन
गरिएको विभिन्न खेलकुद प्रतियोगिताका विजयी टिम तथा खेलाडी, उत्कृष्ट
कार्य गर्ने सशस्त्र प्रहरी कर्मचारीहरु र शिक्षालयलाई सहयोग
पु¥याउनुहुने संघसंस्था तथा महानुभावहरुलाई पुरस्कार तथा प्रशंसापत्र
प्रदान गर्नुभएको थियो ।
        स्थापना दिवसको अवसरमा शिक्षालयले विभिन्न धार्मिक तथा सार्वजनिक स्थलको
सरसफाई, शारीरिक तथा व्यवसायिक प्रतियोगिता र जनचेतनामुलक कार्यक्रम समेत
आयोजना गरेको थियो ।
         कार्यक्रममा कमल गाउँपालिकाका अध्यक्ष हुकुम सिंह राई, दमक नगरपालिकाका
उप–प्रमुख रेगिना भट्टराई प्रसाई, झापा जिल्लाका प्रमुख जिल्ला अधिकारी
बन्धु प्रसाद बास्तोला लगायत नेपाली सेना, सशस्त्र प्रहरी, नेपाल
प्रहरीका अधिकृत तथा विभिन्न संघसंस्थाका महानुभाव र संचारकर्मीहरुको
समेत उपस्थिती रहेको  थियो ।

        नं. ४ गण सुनसरी र सशस्त्र सीमा बल (एसएसबी) ४५ बटालियन बिरपुर बीच
फागुन २८ गते मैत्रीपूर्ण भलिबल प्रतियोगिता सम्पन्न भएको छ ।
प्रतियोगितामा सशस्त्र सीमा बल (एसएसबी) ४५ बटालियन बिरपुरले नं. ४ गण
सुनसरीलाई ३–१ सेटले पराजित गरेको थियो ।

नं. १ बराह बाहिनी मुख्यालय पकली सुनसरीले
आयोजना गरेको ‘बाहिनीपति कप प्रतियोगिता–२०८०’को उपाधी नं. ४ गण सुनसरीले
जितेको छ । संगठनको पेशागत गतिविधी अन्तर्गत सो प्रतियोगिता फागुण २२
देखि २५ गतेसम्म संचालन गरिएको थियो ।
 

‘सीमाबासीसँग सशस्त्र प्रहरी कार्यक्रम’ अन्तर्गत सशस्त्र प्रहरी परिवार महिला संघले नेपाल एपीएफ अस्पताल बलम्वु र परोहा नगरपालिका तथा प्रादेशिक अस्पताल रौतहटको सहकार्यमा फागुन २६ गते रौतहटको परोहा नगरपालिका ४ लौकाहास्थित ब्रहमज्योती माध्यमिक विद्यालयमा निःशुल्क स्वास्थ्य शिविर संचालन गरेको छ ।
 

        सुनसरी जिल्ला बर्जु गाँउपालिका वडा नं. ४ मा बोर्डर आउट पोष्ट
हर्वेनीको फागुन २३ गते  विधिवत रुपमा उद्घाटन भएको छ ।
        नं १ बराह बाहिनी मुख्यालय पकलीका बाहिनीपति सशस्त्र प्रहरी नायव
महानिरीक्षक अन्जनी कुमार पोखरेलले बोर्डर आउट पोष्टको उद्घाटन गर्नु
भएको हो ।

        बारा जिल्लाको जितपुर सिमारा उपमहानगरपालिका २२ स्थित तीन नम्बर पुल
नजिकै फागुन २२ गते यात्रुबाहक बस दुर्घटना भएको छ ।
        पुर्व पश्चिम सडक खण्डमा नारायणघाटबाट जनकपुरतर्फ जादै गरेको ना ६ ख
९०३० नम्बरको यात्रुवाहक बसको गति अनियन्त्रीत भई सडक बाट ५० मिटर तल
खसेको थियो ।
        सो बसमा सवार घाईते भएका यात्रुहरुलाई नं १४ गण मकवानपुरबाट खटिएको
सुरक्षा फौजले उद्धार गरी उपचारको लागि हटौडा अस्पतालतमा पुर्याइएको छ ।

        बारा जिल्लाको बिश्रामपुर गाउँपालिका १ स्थित बंगरी खोला सीमा ईलाकाबाट
फागुन २३ गते सशस्त्र प्रहरीले लागुऔषध सहित एक जनालाई नियन्त्रणमा लिएको
छ ।
         भारतबाट नेपालतर्फ आउँदै गरेको भारतीय नागरिक बर्ष २२ को सोनु कुमार
साहलाई फरवार्ड सुरक्षा बेश छतवाबाट खटिएको टोलीले शंका लागि चेकजाँच
गर्ने क्रममा २ सय ३२ बोतल प्रतिवन्धित ओनरेक्स लागुऔषध फेला पारेको हो ।
        बरामद लागुऔषध सहित निज साहलाई आवश्यक कारवाहीको लागि ईलाका प्रहरी
कार्यालय बारामा बुझाइएको छ ।

फागुन २१ गते मनाङ जिल्लाको मनाङ ङिस्याङ गाउँपालिका १ स्थित पिसाङ र
ढुकुरपोखरीको बीचमा पर्ने खाङ्सार चामे सडकखण्ड  खुलाउन परिचालित नं. ३२
गुल्म मनाङको  फौज ।

   पश्चिम नवलपरासी जिल्लाको सुस्ता गाउंपालिका–१ बरुवाबाट फागुन २१ गते
करिब २ हजार बोरा चिनी र केराउ बरामद भएको छ ।
        गोदाममा लुकाइराखेको ५० र ३० किलोको बोरामा रहेको २ सय बोरा भन्दा
बढी चिनी र १ हजार ७ सय बोरा भन्दा बढी केराउ नं. २६ गण पश्चिम
नवलपरासीले बरामद गरेको हो ।
         यसैगरी सुस्ता गाउँपालिका–५ वनकट्टीबाट फागुन २२ गते विहान सोही
गणले ६७ बोरा प्याज समेत बरामद भएको छ ।
        बरामद चिनी, केराउ र प्याज आवश्यक कारवाहीको लागि महेशपुर भन्सार
कार्यालय पश्चिम नवलपरासीमा बुझाइएको छ ।
 

उदयपुर जिल्लाको त्रियुगा नगरपालिका ११ स्थित रमिते डाँडाबाट प्याराग्लाइडिङ गर्नेक्रममा सालको रुखमा अड्किएका दुई जना प्याराग्लाइडरको सकुशल उद्धार गरिएको छ ।

स्थानीय बासिन्दा तथा अन्य सुरक्षा निकायको सहयोगमा नं. ५ गणको विपद् व्यवस्थापन तालिम प्राप्त फौजले रोप रेस्क्यु विधि अपनाई उनीहरुको उद्धार गरेको हो ।

एपीएफ कमाण्ड तथा स्टाफ कलेजको ९औं स्थापना दिवस सशस्त्र प्रहरी
महानिरीक्षक राजु अर्यालको प्रमुख आतिथ्यमा फागुन २० गते विविध कार्यक्रम
गरी सम्पन्न भएको छ । स्थापना दिवसको अवसरमा सशस्त्र प्रहरी महानिरीक्षक
अर्यालले उत्कृष्ट कार्य गर्ने सशस्त्र प्रहरी कर्मचारी तथा अवकास
प्राप्त सशस्त्र प्रहरी कर्मचारीहरुलाई IG APF Commendation तथा
प्रशंसापत्र प्रदान गर्नुको साथै आन्तरिक रुपमा आयोजित विभिन्न खेलकुद
प्रतियोगिताका बिजय खेलाडी तथा समूहलाई पुरस्कार समेत प्रदान गर्नुभएको
थियो ।
 

        सुनसरी जिल्लाको कोशी गाउँपालिका–८ तिनकुनेस्थित मुख्य नाकामा फागुन १८
गते राष्ट्रिय झण्डोत्तलन गरिएको छ । नेपाल–भारत सीमामा रहेका मुख्य सीमा
स्तम्भ, मुख्य नाका र सीमा क्षेत्रमा रहेका सशस्त्र प्रहरी बल नेपालका
पोष्टहरुमा राष्ट्रिय झण्डा राख्ने कार्यक्रमको पहिलो चरण अन्तर्गत मुख्य
नाकामा झण्डोत्तलन गरिएको हो ।

 

        पर्सा जिल्लाको वीरगंज महानगरपालिका ५ कुमालटोलबाट फागुन १६ गते करीव ४
लाख ३२ हजार रुपैयाँ बराबरको किराना सामान बरामद भएको छ ।
        भारतबाट अबैध रुपले ल्याई सोही ठाउँको एकतले घरमा भण्डार गरी राखेको
किराना सामान प्रस्तावित सीमा सुरक्षा गुल्म वीरगंजले बरामद गरेको हो ।
        बरामद सामान वीरगंज भन्सार कार्यालयमा बुझाईएको छ ।   

        कैलाली जिल्लाको धनगढी उपमहानगरपालिका २ स्थित नम्बर २ घाट सीमा
ईलाकाबाट फागुन १६ गते करीब ७ लाख ९८ हजार रुपैयाँ बराबरको सामानसहित ४
जना व्यक्तिलाई नियन्त्रणमा लिईएको छ ।
        प्रस्तावित सीमा सुरक्षा गुल्म त्रिनगरले लत्ताकपडा तथा इलेक्ट्रोनिक्स
सामानसहित नियन्त्रणमा लिइएकाहरुलाई बरामद सामानसहित आवश्यक कारवाहीको
लागि भन्सार कार्यालय त्रिनगरमा बुझाएको छ ।

        सुनसरी जिल्लाको देवानगन्ज गाउँपालिका–४ यादव टोलबाट फागनु १५ गते करीव
७२ के.जी. गाँजा बरामद भएको छ ।
        नेपालबाट अवैध रुपले भारततर्फ लैजाँदै गरेको २ बोरा गाँजा प्रस्तावित
सीमा सुरक्षा गुल्म कप्तागन्जले बरामद गरेको हो ।
        बरामद गाँजा आवश्यक कारवाहीको लागि ईलाका प्रहरी कार्यालय देवानगन्जमा
बुझाईएको छ ।

       नं. ९ पशुपतिनाथ बाहिनी मुख्यालय बलम्बु, काठमाडौँको आयोजना र
चन्द्रागिरी हिल्स लिमिटेडको सहकार्यमा चन्द्रागिरीमा फागुन १५ गते
केवलकार आपतकालीन उद्धार अभ्यास–२०८० सम्पन्न भएको छ ।
        प्राकृतीक तथा यान्त्रिक खरावीका कारण केवलकारमा सवार यात्रुहरु विच
बाटोमै रोकिन सक्ने जोखिमको सम्भावना अत्याधिक रहने र यसरी रोकिएका
यात्रुहरुलाई निश्चित समयमै उद्धार गर्न उद्धारकर्ताले अपनाउनु पर्ने
उद्धार उपायको लागि अभ्यास गरिएको हो ।

         नेपाल भारत सीमाना अन्तर्गत सुनसरी जिल्लाको सीमानामा ५ दिने पैदल
यात्रा तथा सीमावासी सँग अन्तरक्रिया कार्यक्रम संचालन भएको छ ।
        जिल्ला प्रशासन कार्यालय सुनसरीको आयोजना र नं. ४ गणको व्यवस्थापनमा सो
जिल्लासँग सीमा जोडिएका इलाकाहरुमा अनुगमन गर्ने तथा सीमा सरोकारका
विषयहरुमा छलफल गर्ने उद्देश्यले फागुन १२ गतेदेखि संचालन गरिएको सो
कार्यक्रम फागुन १६ गतेसम्म चल्ने छ ।

         पर्सा जिल्लाको बिरगंज महानगरपालिका– २५ बहुअरीबाट फागुन १२ गते
शंकास्पद विलविजक भएको ७० लाख रुपैयाँ बराबरको लत्ताकपडा र ट्रक
नियन्त्रणमा लिईएको छ ।
        बिरगंजबाट काठमाडौँतर्फ आउँदै गरेको ना. ८ ख ३९७८ नम्बरको ट्रकमा लोड
गरी ल्याउँदै गरेको लत्ताकपडाको विलविजक शंकास्पद देखिएपछि प्रस्तावित
सीमा सुरक्षा गुल्म अलौले ट्रकसहित नियन्त्रणमा लिएको हो ।
        लत्ताकपडाको ७० लाख र ट्रकको अन्दाजी मुल्य ४० लाख मुल्यांकन गरी
आवश्यक कारवाहीको लागि राजश्व अनुसन्धान कार्यालय पथलैया बारामा बुझाईएको
छ ।

        कास्की जिल्ला पोखरा महानगरपालिका– १७ महतगौडास्थित सेती नदिमा माछा
मार्ने क्रममा बेपत्ता एकको शव निकालिएको छ, भने एकको खोजिकार्य जारी छ ।
       माछा मार्न गएका ५ जनामध्ये  सोही महानगरपालिका– १ कसेरी बस्ने ४०
बर्षका मृत मंगा तामाङ्ग ढुङ्गामा अड्किएको अवस्थामा नं. २४ कालिका गण
कास्कीबाट गएको गोताखोर र बिपद् उद्धार टिम सहितको फौजले गए राती पौने १
बजे शव निकालेको छ ।
        सोही ठाउँ बस्ने ४३ बर्षका रक्सेस तामाङ्गको गोताखोर र बिपद् उद्धार
टिमले  खोजी कार्य जारी राखेको  छ । शव पोस्टमार्टमको लागि पश्चिमाञ्चल
स्वास्थ्य विज्ञान प्रतिष्ठान  पठाएको छ  । माछा मार्न गएका अन्य ३ जना
भने सकुशल रहेका छन् ।

         कास्की जिल्लाको माछापुच्छ्रे गाउँपालिका १ मिर्सा भन्ने ठाउँको भिरबाट
खसेकी २१ वर्षिया पर्यटक Pia Joos को शव फेला परेको छ ।
        पोखरा फर्कने क्रममा शनिबार साँझ अर्का एक पर्यटकले आफ्नो जर्मन केटि
साथी भिरबाट खसेको भन्ने जानकारी गराएपछि नं. २४ कालिका गण कास्कीबाट
उनको खोजी तथा उद्धारको लागि सुरक्षा फौज परिचालन भएको थियो ।
        खोज तथा उद्धारको क्रममा आईतबार बिहान उनको शव रुखमा अड्किएको अवस्थामा
फेला परेको  हो ।

        सुनसरी जिल्लाको बराहक्षेत्र नगरपालिका–१ चतराबाट फागुन १३ गते
गाँजासहित को १ च २९३७ नम्बरको एम्बुलेन्स नियन्त्रणमा लिईएको छ ।
        चतराबाट सुर्यकुण्ड जाने भित्री सडकखण्डमा शंकास्पद अवस्थामा रोकी
राखेको सो एम्बुलेन्सभित्र ९ वटा पोकामा रहेको २७३.१३० के.जी. गाँजा
सुरक्षा बेश चतराले नियन्त्रणमा लिएको हो ।
        बरामद गाँजा तथा एम्बुलेन्स आवश्यक कारवाहीको लागि ईलाका प्रहरी
कार्याल्य महेन्द्रनगर चक्रघट्टीमा बुझाईएको छ ।

धनुषा जिल्लाको विभिन्न स्थानबाट करीव ८ लाख रुपैयाँ बराबरको चोरीपैठारीको सामान बरामद भएको छ ।
भारतबाट अवैध रुपले नेपालतर्फ ल्याउँदै गरेको उल्लेखित मुल्यको सामान नं. ८ गण धनुषा र मातहतका इकाईहरुले बरामद गरेको हो । बरामद सामानहरुमा खाद्यन्न, लत्ताकपडा, कस्मेटिक, किराना तथा हार्डवयरका सामान र मदिरा समेत रहेका छन् ।
बरामद सामान आवश्यक कारवाहीको लागि सम्बन्धित निकायमा बुझाईएको छ

नेपाली सेनाको सैनिक कमाण्ड तथा स्टाफ कलेज शिवपुरीमा संचालित सि.सं. ३० कमाण्ड तथा स्टाफ कोर्समा तालिमरत  प्रशिक्षार्थी अधिकृतहरूले फागुन ८ गते सशस्त्र प्रहरी बल नेपाल प्रधान कार्यालयको अवलोकन भ्रमण गर्नुभएको छ ।
अवलोकन भ्रमणमा प्रशिक्षार्थी अधिकृतहरूले प्रधान कार्यालयस्थित संग्रहालय  र विपद् व्यवस्थापनमा प्रयोग हुने सामाग्रीहरुको समेत  अवलोकन गर्नुभएको थियो ।

नेपाल एपीएफ स्कुल कीर्तिपुरको आयोजनामा भएको ‘प्रथम NAPFS अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिता–२०८०’ को उपाधि नेपाल पुलिस स्कुल साँगाले जितेको छ ।
स्कुलको १९औँ स्थापना दिवस एवं प्रथम NAPFS अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिता सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन ८ गते सम्पन्न भएको हो ।
गत माघ २२ गतेदेखि संचालन भएको प्रतियोगितामा उपत्यकास्थित विभिन्न विद्यालयका १७ र काभ्रे जिल्लाबाट १ गरी कुल १८ विद्यालयका १९ टिमको  सहभागिता रहेकोे थियो ।

 नेपाल एपीएफ स्कुल कीर्तिपुरमा २०८० माघ २२ गतेबाट संचालन भएको प्रथम NAPFS अन्तर विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिता-२०८० अन्तर्गत मिति २०८०/११/०५ गते सम्पन्न सेमिफाईनल खेलहरुमा नेपाल एपीएफ स्कुल कीर्तिपुर (क) ले मनकामना सेकेण्डरी स्कुल जोरपाटीलाई ४-० गोल र नेपाल पुलिस स्कुल,साँगाले सैनिक आवासीय महाविद्यालय, सल्लाघारीलाई ट्राइवेकरमा ३-२ गोल अन्तरले पराजित गरी फाइनलमा प्रवेश गरेका छन्। 

मिति २०८० फागुन ०३ गते पूर्व–पश्चिम राजमार्ग अन्तर्गत कपिलबस्तु जिल्लाको शिवराज नगरपालिका १ स्थित सुरही खोलामा भएको यात्रुवाहक बस दुर्घटनामा परी घाईते तथा मृत्यू भएका व्यक्तिहरुको उद्धार गर्दै सशस्त्र प्रहरी । 

नं. १९ बगलामुखी (विशेष कार्यदल) गणमा संचालित सि.सं. ४८ विशिष्ट व्यक्ति सुरक्षा तालिम (जु.अ. तथा अन्य दर्जा) को फागुन २ गते सशस्त्र प्रहरी नायव महानिरीक्षक किशोर प्रधानको प्रमुख आतिथ्यमा सम्पन्न भएको छ ।
यसैगरी सोही मितिबाट गणमा संचालन हुने सि.सं. ४९ विशिष्ट व्यक्ति सुरक्षा तालिमको सशस्त्र प्रहरी उपरीक्षक समिक कुमार महर्जनले उद्घाटन गर्नुभएको छ ।

सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन २ गते नेपाल एपीएफ अस्पताल बलम्वुको २२औँ वार्षिकोत्सव सम्पन्न भएको छ ।
सोही अवसरमा अस्पताल परिषरमा नवनिर्मित इमरजेन्सी भवनको उद्घाटन गर्नुकासाथै पूर्व सशस्त्र प्रहरी महानिरीक्षक स्व. सहवीर थापाको स्मृतीमा स्थापना गरिएको ‘सहवीर थापा अन्कोलोजी युनिट’को समेत महानिरीक्षक अर्याल र सशस्त्र प्रहरी परिवार महिला संघकी पूर्व केन्द्रिय अध्यक्ष श्रीमती कल्पना थापाले संयुक्त रुपमा उद्घाटन गर्नुभएको छ ।

        चितवन जिल्लाको माडी गाउँपालिका–९ राई टोलस्थित सशस्त्र प्रहरी बल नेपाल
बोर्डर आउट पोष्ट कान्छी बगहिको प्राङ्गगणमा माघ २७ गते निःशुल्क
स्वास्थ्य शिविर संचालन गरिएको छ ।
        ‘सीमावासीसँग सशस्त्र प्रहरी कार्यक्रम तथा नं. १७ गण चितवनको १४औँ
स्थापना दिवस २०८०’ को अवसरमा जिल्ला जनस्वास्थ्य कार्यालय चितवन र नेशनल
सिटी अस्पताल भरतपुरको सहयोगमा निःशुल्क स्वास्थ्य शिविर संचालन गरेको हो
।
        शिविरमा महिला, पुरुष, बृद्ध तथा बालबालिका गरी जम्मा १ सय ६१ जनाको
ई.सी.जी., जनरल फिजिसियन, अर्थोपेडिक, स्त्री तथा प्रशुती रोग, बाल रोग,
नाक, कान तथा घाटीको जाँच गरिएको थियो ।

        नेपाल सरकार भौतिक योजना तथा यातायात मन्त्रालय अन्तर्गतको राष्ट्रिय
सडक सुरक्षा परिषद् र सशस्त्र प्रहरी बल नेपालबीच माघ २५ गते Post Crash
Response and Care Service Model को समझदारी पत्रमा हस्ताक्षर भएको छ ।
        सशस्त्र प्रहरी महानिरीक्षक राजु अर्यालको उपस्थितीमा नेपाल सरकारको
भौतिक योजना तथा यातायात मन्त्रालयका सह–सचिव एवं राष्ट्रिय सडक सुरक्षा
परिषद्का सदस्य सचिव कृष्णराज पन्त र सशस्त्र प्रहरी बल नेपालको तर्फबाट
नेपाल एपीएफ अस्पतालका प्रमुख प्राविधिक सशस्त्र प्रहरी नायव महानिरीक्षक
डा. रुपक महर्जनले सम्झौता पत्रमा हस्ताक्षर गर्नुभएको हो ।
        प्रोजेक्ट संचालन पश्चात नागढुङ्गा–नौबिसे–मुग्लिङ्ग सडकखण्डमा
दुर्घटनामा परेकाहरुको उद्वार, घाईतेहरुको उपचार स्थलगतमै तुरुन्तै हुने,
अनाश्यक मृत्यु र अंगभंगमा समेत उल्लेख्य कमी आउने र स्थानीय सबै
स्वास्थ्य संस्थाहरुमा ट्रमा सम्बन्धि तालिम एवं मेडिकल सामाग्री तथा
उपकरणहरु समेत थप हुनेछ ।

पर्सा जिल्लाको विभिन्न स्थानबाट ४२ लाख भन्दा बढी मुल्यको प्याजसहित दुई
वटा पिकअप गाडी नियन्त्रणमा लिइएको छ ।
बिरगंज महानगरपालिका –२६ सुगौलीस्थित विर्ताबाट माघ २४ गते करीव २१ लाख
१६ हजार रुपैयाँ बराबरको प्याज र एउटा पिकअप गाडी नियन्त्रणमा लिईएको हो ।
प्रदेश २–०३–००१ च ५९३५ नम्बरको पिकअप गाडीमा राखी विन्दावासिनीबाट
बिरगंजतर्फ ल्याउँदै गरेको २ हजार ९ सय १० किलो प्याज प्रस्तावित सीमा
सुरक्षा गुल्म अलौले नियन्त्रणमा लिएको हो ।
त्यस्तै सोही  महानगरपालिका– २५ चण्डाल चोकबाट माघ २३ गते करीव २१ लाख १३
हजार रुपैयाँ बराबरको प्याज र गाडी नियन्त्रणमा लिइएको छ ।
प्रदेश २–०३–००१ च ६२०३ नम्बरको पिकअप गाडीमा राखी बिन्दवासिनीबाट
बिरगंजतर्फ ल्याउँदै गरेको २ हजार ८ सय ३० किलो प्याज बिओपी ड्राईपोर्टले
नियन्त्रणमा लिएको हो ।
बरामद प्याज तथा दुईवटै गाडी आवश्यक कारवाहीको लागि बिरगंज भन्सार
कार्यालय पर्सामा बुझाईएको छ ।
 

सशस्त्र प्रहरी महानिरीक्षक राजु अर्यालको प्रमुख आतिथ्यमा प्रधान
कार्यालय हलचोक स्वयम्भुमा बुधबार एपीएफ नेपाल ब्याण्ड र ब्रिटिस गोर्खा
ब्याण्ड बीच संयुक्त सांगितीक प्रस्तुती सम्पन्न भएको छ ।
कार्यक्रममा दुवै देशको राष्ट्रिय गानसहित विभिन्न गितहरुको सुमधुर
सांगितीक धुनहरु प्रस्तुत गरिएको थियो ।

        धनुषा जिल्लाको जनकपुर उपमहानगरपालिका २४ स्थित बसैया ईलाकाबाट माघ २४
गते करीव २ लाख ५२ हजार रुपैयाँ बराबरको चोरीपैठारीको मोवाईल सेटसहित
एउटा मोटरसाईकल नियन्त्रणमा लिइएको  छ ।
        भारतबाट ज ४ प ७४९६ नम्बरको मोटरसाईकलमा सवार व्यक्तिले अवैध रुपले
नेपालतर्फ ल्याउँदै गरेको मोवाईल सेट नं. ८ गण धनुषाले नियन्त्रणमा लिएको
हो ।
        बरामद मोवाईल सेट तथा मोटरसाईकल जनकपुर भन्सार कार्यालय धनुषामा बुझाईएको छ ।

नेपाल एपीएफ स्कुल कीर्तिपुरमा ‘प्रथम  NAPFS   अन्तर विद्यालय सशस्त्र प्रहरी महानिरीक्षक रनिङ्ग ट्रफि फुटबल प्रतियोगिता २०८०’ संचालन भएको छ ।
विद्यालय व्यवस्थापन समितिका अध्यक्ष सशस्त्र प्रहरी अतिरिक्त महानिरीक्षक चन्द्र प्रकाश गौतमले  माघ २२ गते सो प्रतियोगिताको उद्घाटन गर्नुभएको हो ।
प्रतियोगितामा उपत्यकास्थित विभिन्न विद्यालयका १७ र काभ्रे जिल्लाबाट १ गरी कुल १८ विद्यालयका १९ टिमको सहभागिता रहेको छ ।

      सशस्त्र प्रहरी परिवार महिला संघले धादिङको गजुरी गाउँपालिका–४ चौकी भञ्ज्याङस्थित चेपाङ बस्तीमा खाद्यान्न तथा न्यानो कपडा बितरण गरेको छ । संघकी अध्यक्ष श्रीमती अनिता लामिछाने अर्यालको प्रमुख आतिथ्यमा ७८ घरधुरीलाई खाद्यान्न तथा न्यानो कपडा बितरण गरिएको हो ।    

   माघ १९ गते शुक्रबार आयोजित सो कार्यक्रममा गजुरी गाउँपालिकाका अध्यक्ष तथा उपाध्यक्ष, सशस्त्र प्रहरी बलका प्रवक्ता, सहायक प्रमुख जिल्ला अधिकारी, अन्य सुरक्षा निकायका प्रतिनिधि, स्थानीय जनप्रतिनिधिहरु तथा संघका पदाधिकारीहरुको समेत उपस्थिति रहेको थियो ।

        पर्सा जिल्लाको वीरगंज महानगरपालिका १६ स्थित भुटनदेवी मन्दिर नजिकैबाट
माघ १६ गते सशस्त्र प्रहरीले करीव ३६ लाख ४० हजार रुपैयाँ बराबरको
चोरीपैठारीको कस्मेटिक सामान र जुत्ता बरामद गरेको  छ ।
        भारतबाट अवैध रुपले साईकलहरुमा राखी ल्याउँदै गरेको कस्मेटिक सामान र
जुत्ता प्रस्तावित सीमा सुरक्षा गुल्म वीरगंजले बरामद गरेको हो । उक्त
सामान ल्याउने व्यक्तिहरु भने फरार भएका थिए ।
        बरामद सामान वीरगंज भन्सार कार्यालय पर्सामा बुझाईएको छ ।

        इलाम जिल्लाको सुर्योदय नगरपालिका २ स्थित दुईमाईल सीमा इलाकाबाट माघ १४
गते करिव ६ लाख ७५ हजार रुपैयाँ बराबरको चोरीनिकासीको ९ कार्टुन शिखर
चुरोट बरामद  भएको छ ।
        उक्त चुरोट नेपालबाट अवैध रुपले भारततर्फ लैजाँदै गरेको अवस्थामा
प्रस्तावित सीमा सुरक्षा गुल्म पशुपतिनगरले बरामद गरेको हो । चुरोट
लैजाँदै गरेका व्यक्ति भने गस्तीमा रहेको सुरक्षा फौजलाई टाढैबाट
देख्नासाथै सोही ठाउँमा छाडी फरार भएका थिए ।
        बरामद चुरोट पशुपतिनगर भन्सार कार्यालय इलाममा बुझाईएको छ ।
 

        सिरहा जिल्लाको बरियापट्टी गाउँपालिका ३ स्थित बरियारपट्टी सीमा
ईलाकाबाट माघ १४ गते ४ लाख ५३ हजार ८ सय ४० नेपाली रुपैयाँसहित एक जनालाई
नियन्त्रणमा लिएको छ ।
        भारतको मधुवनी जिल्ला जयनगर ५ बिहार घर बताउने ३७ वर्षिय अविजित
कुमारलाई बिओपी बरियारपट्टीले नियन्त्रणमा लिएको हो ।
        भारतबाट नेपालतर्फ आउँदै गरेका उनलाई गस्तीमा रहेको सुरक्षा फौजले जाँच
गर्दा उनको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिएको हो । बरामद भएको नेपाली रुपैयाँमा १ हजार दरको ४ सय ४६
वटा, ५ सय दरको १४ वटा, १ सयको ५ वटा, ५० को ६ वटा र २० को २ वटा नोट
रहेका छन्  ।
        बरामद रुपैयाँसहित उनलाई आवश्यक कारवाहीको लागि भन्सार कार्यालय
मार्डरमा बुझाईएको छ ।

        सम्माननीय प्रधानमन्त्री पुष्पकमल दाहाल ‘प्रचण्ड’ सशस्त्र प्रहरी बल,
नेपाल प्रधान कार्यालय हल्चोक स्वयम्भूमा मंगलबार आयोजित ‘२३औं सशस्त्र
प्रहरी दिवस २०८०’ विशेष सन्ध्याकालिन समारोहमा सरिक हुनुभएको छ ।
        सो अवसरमा सम्माननीय प्रधानमन्त्री प्रचण्डले अमर सशस्त्र प्रहरी
स्मारकमा पुष्पहार चढाउनुका साथै अमर सशस्त्र प्रहरीप्रति भावपूर्ण
श्रद्धाञ्जली अर्पण गर्नुभयो ।
        समारोहमा प्रधानमन्त्री प्रचण्डले अवकाश प्राप्त सशस्त्र प्रहरी नायव
महानिरीक्षक दिलीपकुमार श्रेष्ठलाई ‘एपीएफ लाईफ टाइम अचिभमेन्ट अवार्ड’
तथा यस वर्ष उत्कृष्ट बाहिनी हुन सफल सशस्त्र प्रहरी बल, नेपाल नं. २
छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायव
महानिरीक्षक दीपेन्द्र शाहलाई ‘उत्कृष्ट बाहिनी अवार्ड’ प्रदान गर्नुभयो।
सम्माननीय प्रधानमन्त्री प्रचण्डले उक्त विशेष समारोहमा सशस्त्र प्रहरी
बल, नेपालद्वारा प्रकाशित सचित्र पुस्तक "ARMED POLICE FORCE, NEPAL"  को
लोकार्पण समेत गर्नुभयो ।

२३औं सशस्त्र प्रहरी दिवस २०८०को अवसरमा माघ ७ गते नं. ४१ रिजर्भ गण चन्द्रौटा कपिलवस्तुले वक्तित्वकलाको आयोजना गरेको छ । प्रतियोगितामा गोर्खा मोडेल सेकेण्डरी बोर्डिङ्ग स्कुलका छात्र प्रथम र सोही स्कुलका छात्रा द्वितीय तथा जईन्द्र बोर्डिङ्ग स्कुलका छात्रा तृतिय भएका छन् ।

        ‘२३औं सशस्त्र प्रहरी दिवस–२०८०’को अवसरमा प्रधान कार्यालय हल्चोक
स्वयम्भुमा मंगलबार सशस्त्र प्रहरी महानिरीक्षक राजु अर्यालको प्रमुख
आतिथ्यमा प्रभातकालीन विशेष कार्यक्रम सम्पन्न भएको छ।
        सो अवसरमा महानिरीक्षक अर्यालले वर्ष जवान २०८०, IG APF Commendation,
एपीएफ सम्मान, उत्कृष्ट शिक्षालय, गण, गुल्म, ‘बेस्ट इन्टिग्रिटी अफिसर
अवार्ड, ‘राष्ट्रव्यापी खुला कविता प्रतियोगिताका उत्कृष्ट कविहरुलाई
पुरस्कार तथा प्रमाणपत्र प्रदान गर्नुभएको छ ।
        कार्यक्रममा सशस्त्र प्रहरी बल नेपाललाई सहयोग पुर्याउनुहुने
संघसंस्था, अवकाश प्राप्त सशस्त्र प्रहरी कर्मचारीहरुलाई कदर पत्र प्रदान
गर्नुका साथै विभिन्न कल्याणकारी योजनाको समेत प्रस्तुत गरिएको थियो ।

‘२३औँ सशस्त्र प्रहरी दिवस २०८०’को पूर्वसन्ध्यामा देशभरका इकाईहरुमा रक्तदान कार्यक्रम आयोजना गरिएको छ । नेपाल एपीएफ अस्पताल बलम्बुको आयोजनामा माघ ८ गते प्रधान कार्यालय तथा बाहिनी मुख्यालयहरु र मातहत इकाईहरुमा गरी कुल एक हजार ४७ जनाले रक्तदान गरेका छन् ।   प्रधान कार्यालय अन्तर्गत १ सय १५ जना सशस्त्र प्रहरी कर्मचारीहरुले रक्तदान गरेका छन् भने नं. १ बराह बाहिनी मुख्यालय सुनसरी तथा मातहतहरुबाट १ सय २० जना, नं. २ छिन्नामस्ता बाहिनी मुख्यालय  महोत्तरी तथा मातहत इकाईहरुबाट २ सय ४५ जना, नं. ३ गढीमाई बाहिनी मुख्यालय मकवानपुर तथा मातहत इकाईहरुबाट १ सय ९८ जनाले रक्तदान गरेका छन् ।
त्यस्तै नं. ४ मुक्तिनाथ बाहिनी मुख्यालय कास्की तथा मातहत ईकाहरुबाट ७० जना, नंं. ५ विन्ध्यावासिनी बाहिनी मुख्यालय रुपन्देही तथा मातहत इकाईहरुबाट १ सय ३१ जना, नं. ६ महेश्वरी बाहिनी मुख्यालय सुर्खेत तथा मातहत इकाईहरुबाट ३१ जना, नं. ७ बैद्यनाथ बाहिनी मुख्यालय कैलाली तथा मातहत इकाईहरुबाट १ सय ११ जना र नं. ९ पशुपतिनाथ बाहिनी मुख्यालय काठमाडौं तथा मातहत इकाईहरुबाट २६ जनाले रक्तदान गरेका छन् ।

२३औं सशस्त्र प्रहरी दिवसको अवसर पारेर काठमाडौं तारकेश्वर –५ गोलढुंगास्थित रुद्रमति किरियापुत्री धाम परिसरमा नवनिर्मित स्नानगृह समितिलाइ हस्तान्तरण गरिएको छ । नं. ९ पशुपतिनाथ बाहिनी मुख्यालयका बाहिनीपति सशस्त्र प्रहरी नायव महानिरीक्षक पुरुषोत्तम थापाले माघ ६ गते धामका अध्यक्ष नमराज चापागाईसहितको समितिलाई हस्तान्तरण गर्नुभएको हो । क्विक इम्प्याक्ट प्रोजेक्ट (QIP) अन्तर्गत नं. ९ पशुपतिनाथ बाहिनी र मातहत इकाईहरुको सामूहिक प्रयासबाट स्नानगृह निर्माण गरी हस्तान्तरण गरिएको हो ।

२३औं सशस्त्र प्रहरी दिवश २०८० को अवसरमा माघ ६ गते सशस्त्र प्रहरी परिवार महिला संघले शैक्षिक सामाग्री तथा न्यानो कपडा प्रदान गर्नुको साथै इच्छाकामना मन्दिर सरसफाई गरेको छ ।

     संघकी अध्यक्ष श्रीमती अनिता लामीछाने अर्यालले चितवन जिल्ला इच्छाकामना गाउँपालिका-३ स्थित राष्ट्रिय आधारभूत विद्यालय आलडाँडा चौतारामा अध्ययनरत चेपाङ्ग समुदायका ७८ जना विद्यार्थीहरुलाई शैक्षिक सामाग्री तथा न्यानो कपडा प्रदान गर्नुभयो।

     संघले सशस्त्र प्रहरी बल, नेपाल विपद् व्यवस्थापन तालिम शिक्षालय कुरीनटारसगँको सहकार्यमा सोही गाउँपालिका-४ स्थित इच्छाकामना मन्दिरको सरसफाई समेत गरेको थियो ।  

        २३औँ सशस्त्र प्रहरी दिवस २०८० को उपलक्ष्यमा सशस्त्र प्रहरी बल नेपाल र
संचारकर्मी वीच सशस्त्र प्रहरी बल नेपाल प्रधान कार्यालय हलचोकस्थित
एपीएफ रंगशालामा माघ ६ गते मैत्रीपूर्ण फुटबल खेल सम्पन्न भएको छ ।
        संचारकर्मीको टीमले सशस्त्र प्रहरी बल नेपालको टीमलाई २–१ को अन्तरले
जित हासिल गर्न सफल भएको छ ।

        २३औँ सशस्त्र प्रहरी दिवस २०८० को उपलक्ष्यमा नेपाल प्रहरी र सशस्त्र
प्रहरी विच मैत्रीपूर्ण फुटबल प्रतियोगिता भएको छ ।
        सशस्त्र प्रहरी बल नेपाल प्रधान कार्यालय हलचोकस्थित एपीएफ रंगशालामा
माघ ४ गते ३५ वर्ष भन्दा माथिका बरिष्ठ अधिकृत तथा अधिकृतहरुको सहभागिता
संचालन भएको मैत्रीपूर्ण फुटबल प्रतियोगितामा सशस्त्र प्रहरीको तर्फबाट
सशस्त्र प्रहरी महानिरीक्षक राजु अर्याल र नेपाल प्रहरीको तर्फबाट प्रहरी
अतिरिक्त महानिरीक्षक किरण बज्रचार्य टिम क्याप्टेन रहनु भएको थियो ।
        प्रतियोगितामा नेपाल प्रहरी र सशस्त्र प्रहरी बल नेपालको टीमबीच गोलरहित
बराबरीमा खेल सम्पन्न भएको छ  ।

       २३औं सशस्त्र प्रहरी दिवस २०८० को उपलक्ष्यमा पशुपतिनाथ मन्दिरमा दर्शन
गर्न आउने अशक्त भक्तजनहरुकोे सहजताको लागि माघ ३ गते नं. ९ पशुपतिनाथ
बाहिनी तथा मातहत युनिटहरुको तर्फबाट ह्वील चियर हस्तारन्तरण गरिएको छ ।
        नं. ९ पशुपतिनाथ बाहिनी मुख्यालय काठमाडौका बाहिनीपति सशस्त्र प्रहरी
नायव महानिरीक्षक पुरुषोत्तम थापाले पशुपति विकास कोषका सदस्य सचिव राजु
कुमार खत्रीलाई चार वटा ह्वील चियर हस्तान्तरण गर्नुभएको हो ।
        नायव महानिरीक्षक थापाले विश्व सम्पदा सूचिमा रहेको पशुपतिनाथ मन्दिर
हिन्दु धर्मालम्बी तथा भक्तजनहरुको धार्मिक आस्थाको देवता भएको हुँदा
मन्दिरको सुरक्षा, संरक्षण र सम्बद्र्धन गर्नु हामी सबैको दायित्व रहेको
बताउनुभयो ।
        जन सम्बन्धलाई थप प्रगाढ बनाउने संगठनको नीति अनुसार Quick Impact
Project (QIP) संचालन गर्ने योजना अन्तर्गत सो बाहिनी तथा मातहत
इकाईहरुको सामूहिक प्रयासबाट ४ वटा ह्वील चियर हस्तारन्तरण गरिएको हो ।
        साथै विगत ६ वर्षदेखि जिर्ण तथा भत्किएको अवस्थामा रहेको मन्दिर भित्रको
यज्ञशालामा टुटफुट भएका ढुंगाहरु तथा पर्खाल र मन्दिरको बाहिरी भागमा
ढुंगाहरु विछ्याई जिर्णोद्धार समेत गरिएको थियो ।         कार्यक्रममा काठमाडौं
महानगरपालिका वडा नम्बर ८ का अध्यक्ष आशामान संगत, बाहिनी मातहतका गणपति,
गुल्मपति लगायत सिनियर तथा जुनियर अधिकृत र विल्लादार जवानहरुको समेत
उपस्थिती रहेको थियो ।
 

       २३औँ सशस्त्र प्रहरी दिवस २०८० को उपलक्ष्यमा नेपाली सेना र सशस्त्र
प्रहरी विच मैत्रीपूर्ण फुटबल प्रतियोगिता भएको छ ।
        ३५ वर्ष भन्दा माथिका बरिष्ठ अधिकृत तथा अधिकृतहरुको सहभागिता रहेको
मैत्रीपूर्ण फुटबल प्रतियोगितामा सशस्त्र प्रहरीको तर्फबाट सशस्त्र
प्रहरी महानिरीक्षक राजु अर्याल र नेपाली सेनाको तर्फबाट उपरथी सन्तोष
कुमार ढकाल टिम क्याप्टेन रहनु भएको थियो ।
        प्रतियोगितामा नेपाली सेनाको टिमले सशस्त्र प्रहरी बल नेपालको टिमलाई
२–० को अन्तरले जित हासिल गरी विजयी भएको छ ।

माघ १ गते ललितपुर जिल्ला महालक्ष्मी नगरपालिका वडा नम्बर ३ खण्डा गार्मेन्ट नजिकै नविन टोलस्थित ईनारमा खसेकी एक महिलाको सकुशल उद्वार गरिएको छ ।
२८ बर्षकी नुतन प्रधान सोमबार बिहान घर कम्पाउण्ड भित्रको ईनारमा खसेपछि सशस्त्र प्रहरी बल नेपाल नं. २१ दक्षिणकाली गणबाट खटिएको विपद् व्यवस्थापन टोलीले अन्य सुरक्षा निकायको सहयोगमा  सकुशल उद्धार गरी पाटन अस्पताल लगिएको छ ।

       पौष २९ गते  नं. ३० बागेश्वरी गण  बाँके र मातहतका युनिटहरुले जिल्लाका विभिन्न स्थानहरुबाट काँस तथा पित्तलका भाँडा वर्तन, मोटरसाईकल पार्ट्स, लत्ताकपडा, किराना सामानहरु, फलफुल तथा विरुवाहरु र गाडीसहित अवैध कुखुराहरु गरी २० लाख ५ हजार ७ सय ८० बराबरको सामानहरु बरामद गरेको छ ।
नं. ३० गण बाँके, प्रस्तावित सीमा सुरक्षा गुल्म जमुनाह, बिओपी जयसपुर र बिओपी कालाबन्जरबाट  खटिएको टोलीले बाँके जिल्लाका विभिन्न स्थानहरुबाट भारतबाट अवैध रुपमा चोरीपैंठारी गरी नेपालतर्फ ल्याउदै गरेका रु.१ लाख ४१ हजार ८० मूल्य बरावर मोटरसाईकलका पार्ट्सहरु, करीव २ लाख ४२ हजार मूल्यको काँस तथा पित्तलका भांडाहरु, ९० हजार मुल्य बराबरका विभिन्न प्रकारका फलफूल तथा बिरुवाहरु र  ५२ हजार मूल्य बराबरको लत्ताकपडा बरामद गरेको हो ।
यसैगरी  नरैनापुर गाउंपालिका ६ स्थित नन्कउपुर ईलाकामा भे १ च ३६१५ नम्बरको म्याजिक गाडीमा भारतबाट नेपालतर्फ ल्याउंदै गरेको बिलबिजक नभएको अन्दाजी ३ लाख २० हजार मुल्य बराबरको  ८ सय के.जी. अवैध बोईलर कुखुराहरु र कुखुरा बोक्न प्रयोग गरिएको १० लाख मूल्य बराबरको गाडीसहित चालक बाँके जिल्ला राप्तीसोनारी गाउँपालिका ७ बस्ने बर्ष २५ का राजेश चौधरीलाई समेत नियन्त्रणमा लिई आवश्यक कारवाहीको लागि सम्बन्धित निकायमा बुझाईएको छ ।

        माघ २ गते बिहान चितवन जिल्ला ईच्छाकामना गाउपालिका–५ स्थित ३ नं.
पुलबाट अन्दाजी १ सय मिटर तल त्रिशुली नदिको विचमा सानो सवारी साधनको
लाईट जस्तो प्रकाश देखा परेको भन्ने खबर प्राप्त भएपछि विपद् उद्वार
तालिम शिक्षालयबाट गएको ६ जना गोताखोर सहित १० जनाको टोलीले Deep Diving
विधिद्धारा खोज तलास गरी मानव रहित भारतीय नम्बर प्लेटBR 09 GC 1430 को
सिंगल क्याप बलेरो जिप त्रिशुली नदिबाट बाहिर निकालेको छ ।

        पर्सा जिल्लाको जगनाथपुर गाउँपालिका ४ स्थित हरपुरबाट पुस २४ गते करीव १
सय ६८ के.जी. गाँजासहित दुई जनालाई नियन्त्रणमा लिईएको छ ।
        नियन्त्रणमा लिईएकाहरु धादिङ्ग जिल्लाको बेनिघाट गाउँपालिका ४ बस्ने
अन्दाजी २० वर्षिय  र मकवानपुर जिल्लाको राङसिराङ गाउँपालिका ४ बस्ने
अन्दाजी २२ वर्षिय दुई युबक  छन् ।
        पर्साको बिरगंजबाट ठोरीतर्फ जाँदै गरेको बा ११ च ९६८६ नम्बरको बलेरो
पिकअप गाडीमा फल्स वटम बनाई १६ वटा पोकामा लुकाई छिपाई लैजाँदै गरेको
गाँजासहित उनीहरुलाई प्रस्तावित सीमा सुरक्षा गुल्म भिखमपुरले
नियन्त्रणमा लिएको हो ।
        उनीहरुको साथबाट ७८ हजार ५ सय नेपाली रुपैयाँ र दुई थान मोवाईल सेट समेत
बरामद भएको छ । नियन्त्रणमा लिएकाहरुलाई बरामद गाँजा, रुपैयाँ, मोवाईल
सेट र गाडीसहित आवश्यक कारवाहीको लागि इलाका प्रहरी कार्यालय पोखरीयामा
बुझाईएको छ ।

        नेपाल प्रशासनिक प्रशिक्षण प्रतिष्ठान जावलाखेल ललितपुरमा नेपाल
सरकारका नवनियुक्त शाखा अधिकृतहरुको लागि संचालन भइरहेको “आधारभूत
प्रशासनिक प्रशिक्षण” ३७औं समुहमा सहभागी प्रशिक्षार्थीहरुले पुस २४ गते
प्रधान कार्यालयको स्थलगत अवलोकन भ्रमण गर्नुभएको छ ।
        अवलोकन भ्रमण टोलीमा २७ जना प्रशिक्षार्थी अधिकृतहरुको सहभागिता रहेको थियो ।

        बाँके जिल्ला नेपालगंज उप–महानगरपालिका जमुनाहस्थित नेपाल भारत
प्रवेशद्धारमा पुस २३ गते सीमा क्षेत्र सौन्दर्यीकरण कार्यक्रमको
शुभारम्भ गरिएको छ ।
        नं. ५ बिन्ध्यावासिनी बाहिनी मुख्यालय रुपन्देहीको तत्वावधान र नेपालगंज
उप–महानगरपालिकाको सहकार्यमा नं. ३० बागेश्वरी गण बाँकेले जमुनाहस्थित
नेपाल–भारत प्रवेशद्वारको सरसफाइ र रंगरोगनसहित गमलामा विभिन्न प्रजातिका
बिरुवा र फूलको साथै प्रवेशद्वारमा राष्ट्रिय झण्डा समेत राखेको छ ।
        नं. ५ बिन्ध्यावासिनी बाहिनी मुख्यालय रुपन्देहीको सौजन्यमा स्थानीय
बासिन्दा र नेपाल भारत सीमा आवतजावत गर्ने सर्वसाधारणका लागि
यू.भि.फिल्टर जडित शुद्ध खानेपानी समेत राखिएको छ । झण्डोत्तोलन तथा
खानेपानी सेवाको नं. ५ बिन्ध्यावासिनी बाहिनी मुख्यालय रुपन्देहीका
बाहिनीपति सशस्त्र प्रहरी नायब महानिरीक्षक अभि कुमार खत्री, बाँकेका
प्रमुख जिल्ला अधिकारी श्रवण कुमार पोखरेल तथा नेपालगंज
उप–महानगरपालिकाका प्रमुख प्रशान्त बिष्टले संयुक्त रुपमा उद्घाटन
गर्नुभएको थियो ।

        सशस्त्र प्रहरी महानिरीक्षक राजु अर्याल युनिट निरीक्षणको क्रममा
हुम्लास्थित नेपाल चीन सीमामा तैनाथ बोर्डर आउट पोष्ट हिल्सा पुग्नु भएको
छ ।
         आईतबार सशस्त्र प्रहरी बल नेपाल नं. ४४ गुल्म हुम्ला पुग्नु भएका
महानिरीक्षक अर्यालले गुल्म र मातहत बिओपी हिल्साको निरीक्षण गर्नुभई सो
बिओपीको जिम्मेवारी क्षेत्रको बारेमा समेत जानकारी लिनुभएको हो ।
         सोही दिन महानिरीक्षक अर्यालले डोल्पामा तैनाथ नं. ४६ गुल्मको समेत
निरीक्षण गर्नुभएको थियो । निरीक्षणका क्रममा उहाँले कार्यरत फौजलाई उच्च
मनोवल लिएर हिमाल जस्तै अटल र निर्भिकताका साथ कर्तव्य पूरा गर्न समेत
निर्देशन दिनुभयो ।

        कपिलवस्तु जिल्लाको कृष्णनगर नगरपालिका १ कुकुर भुकुवास्थित सीमा
ईलाकाबाट पुस २० गते करीव ४ लाख ४८ हजार रुपैयाँ बराबरको चोरीपैठारीको
सामान बरामद भएको छ ।
        भारतबाट अवैध रुपले नेपालतर्फ ल्याउँदै गरेको उल्लेखित रुपैयाँ बराबरको
३ थान लिथियम आयोन ब्याट्री र लत्ताकपडा प्रस्तावित सीमा सुरक्षा गुल्म
कृष्णनगरले बरामद गरेको हो ।
        बरामद सामान कृष्णनगर भन्सार कार्यालय कपिलवस्तुमा बुझाईएको छ ।

        सशस्त्र प्रहरी महानिरीक्षक राजु अर्यालले नंं. ३३ त्रिपुरा गण जुम्लाको
परिषरमा नवनिर्मित कार्यालय भवनको पौष २१ गते उद्घाटन गर्नुभएको छ ।
        महानिरीक्षक अर्यालले अस्थायी संरचनामा रही देश र जनताका सेवा र
सुरक्षामा खटिएका सशस्त्र प्रहरीलाई स्थायी संरचना निर्माणका लागि सहयोग
पुर्‍याउनुहुने विभिन्न संघसंस्था तथा महानुभावहरुप्रति धन्यवाद प्रकट
गर्नुुभयो ।
        कार्यक्रममा जुम्ला जिल्लास्थित जिल्ला समन्वय समितिका उप–प्रमुख जनक
थकाली, जिल्लास्थित गाउँपालिकाका अध्यक्षहरु, प्रमुख जिल्ला अधिकारी जय
कुमार घिमिरे, नं. ६ महेश्वरी बाहिनी मुख्यालय सुर्खेतका बाहिनीपति
सशस्त्र प्रहरी नायव महानिरीक्षक प्रदीप कुमार पाल लगायत नेपाली सेना,
नेपाल प्रहरी र स्थानीय भद्रभलाद्मीहरुको उपस्थिती रहेको थियो ।
        यसअघि महानिरीक्षक अर्यालले पौष १९ गते आश्रित गुल्म रोल्पाको परिषरमा
नवनिर्मित कार्यालय भवन समेत उद्घाटनकासाथै नं. २९ ज्वालामाई गण
भालुवाङ्ग दाङ्ग लगायतको निरीक्षण समेत गर्नुभएको थियो ।

पुष १६ गते पर्सा जिल्लाको विभिन्न ठाउँबाट करिब २४ लाख बराबरको सामान नियन्त्रणमा लिइएको छ ।
वीरगंज महानगरपालिका १ र २ स्थित भगुवा र छटघाटबाट ६ लाख १ हजार ६ सय रुपैयाँ बराबरको लत्ताकपडा बरामद भएको  छ । भारतबाट अबैध रुपमा भन्सार छलि नेपालतर्फ ल्याउदै गरेको लत्ताकपडा नं. १३ गण पर्साले बरामद गरेको हो ।
त्यस्तै सोही महागनरपालिका १९ स्थित बार्वाबाट १६ लाख ९८ हजार रुपैयाँ बराबरको प्याज र पिकअप गाडी नियन्त्रणमा लिएको छ । प्रदेश २–०३–००१ च ५४८९ नम्बरको गाडीमा राखेर भारतबाट अबैध रुपमा भन्सार छलि नेपालतर्फ ल्याउदै गरेको ३ हजार ३ सय केजी प्याजसहितको गाडी समेत नियन्त्रणमा लिइएको हो ।
यसैगरी सोही जिल्लाको बिन्दवासिनी गाउँपालिका ३ स्थित सीमा इलाकाबाट ६१ हजार ९ सय बराबरको काँस जस्तो देखिने धातु बरामद गरेको हो ।  
४ वटा साइकलमा राखेर ल्याउदै गरेको उल्लेखित मुल्य बराबरको ४ सय ५० केजी काँस जस्तो देखिने धातु बरामद भएको हो ।
बरामद लत्ताकपडा तथा सामान, साइकल र गाडीसहित आवश्यक कारवाहीको लागि वीरगंज भन्सार कार्यालय पर्सामा बुझाईएको छ ।

मानवश्रोत विभाग प्रमुख एवं विद्यालय व्यवस्थापन समितिका अध्यक्ष
सशस्त्र प्रहरी अतिरिक्त महानिरीक्षक चन्द्र प्रकाश गौतमको प्रमुख
आतिथ्यतामा नेपाल एपीएफ स्कुल कीर्तिपुरमा संचालन भएको बार्षिक खेलकुद
सप्ताह २०८० सम्पन्न भएको छ ।
 

पर्सा जिल्लाको वीरगंज महानगरपालिका २४ स्थित एक घरबाट करीब ५ लाख ८३ हजार ४ सय ५० रुपैयाँ बराबरको लत्ताकपडा  पुस ११ गते नियन्त्रणमा लिइएको छ ।
भारतबाट अबैध रुपमा नेपालतर्फ ल्याई लुकाइ छिपाइ राखेको अवस्थामा नं. १३ गण पर्सा र विरगंज भन्सार कार्यलयको संयुक्त टोलीले नियन्त्रणमा लिइएको हो ।
यसैगरी सोही महानगरपालिका १६ स्थित भुटन देवि ईलाकाबाट २ लाख ४८ हजार २ सय ५० रुपैयाँ बराबरको लत्ताकपडा र प्याज समेत नियन्त्रणमा लिइएको छ ।
५ वटा साइकलमा राखेर भारतबाट नेपालतर्फ ल्याउँदै गरेको सामान प्रस्तावित सीमा सुरक्षा गुल्म वीरगंजले नियन्त्रणमा लिएको हो ।
नियन्त्रणमा लिइएको सामान वीरगंज भन्सार कार्यालय पर्सामा बुझाईएको छ ।

        बाँके जिल्लाको नेपालगंज उपमहानगरपालिका १५ जमुनाहस्थित भन्सार इलाकाबाट
पुस ५ गते सशस्त्र प्रहरीले ५ वटा कस्तुरीको बिना जस्तो देखिने बस्तु
बरामद गरेको छ ।
        प्रस्तावित सीमा सुरक्षा गुल्म जमुनाह बाँकेले उल्लेखित बस्तु बरामद
गरेको हो । बरामद बस्तु खैरो, कालो र रातो रङको छ भने ५ वटाको तौल ८१
ग्राम रहेको छ ।
        भारतबाट नेपालतर्फ आउदै गरेका ब्याक्तिले सशस्त्र प्रहरीलाइ देख्ना
साथै आफुले बोकेको झोला फालेर भागेका थिए । उनले फालेको झोला जाँच गर्ने
क्रममा कस्तुरीको बिना जस्तो देखिने बस्तु फेला परेको हो ।
        बरामद कस्तुरीको बिना जस्तो देखिने बस्तु आवश्यक अनुसन्धान कारवाहीका
लागि डिभिजन वन कार्यालय बाँकेमा बुझाइएको छ ।

        सप्तरी जिल्लाको हनुमाननगर कंकालिनी नगरपालिका ८ कोशीपलार ईलाकाबाट पुस
५ गते सशस्त्र प्रहरीले २ सय ४० केजी गाँजा बरामद गरेको छ ।
        विशेष सुचनाको आधारमा सो ठाउँको काँसघारीमा लुकाई छिपाई राखेको अबस्थामा
उक्त गाँजा बिओपी बर्साईनले बरामद गरेको हो ।
        यसैगरी सप्तरी जिल्लाकै कञ्जनरुप नगरपालिका २ बरमझियास्थित पूर्व पश्चिम
लोकमार्गबाट पुस ४ गते सशस्त्र प्रहरीले ५ केजी ३ सय ग्राम गाँजासहित एक
जनालाई नियन्त्रणमा लिएको छ ।
        मोटरसाइकलमा आउदै गरेका उदयपुर जिल्लाको बेलका नगरपालिका ६ बस्ने १८
बर्षिय भोजकुमार राईलाई सशस्त्र प्रहरी बल नेपाल दन्तकाली बिषेश तालिम
शिक्षालय सप्तरीले जाँच गर्ने क्रममा झोलाभित्र प्लाष्टिकमा प्याक गरिएको
५ वटा गाँजाको प्याकेट फेला परेपछि उनलाई नियन्त्रणमा लिएको हो ।
        बरामद गाँजा तथा नियन्त्रणमा लिईएका राईलाइ आवश्यक कारवाहीको लागि इलाका
प्रहरी कार्यालय कञ्चनपुर सप्तरीमा बुझाइएको छ ।

        पर्सा जिल्लाको विरगंज महानगरपालिका ३२ स्थित टेढारामबन सडकखण्डबाट पौष
३ गते करीव ५ लाख रुपैयाँ बराबरको ७६ कार्टुन बोईलर कुखुराको चल्लासहित
एक जनालाई नियन्त्रणमा लिइएको छ ।
        भारतबाट अवैध रुपले नेपालतर्फ ल्याई सोही महानगरपालिका ९ बस्ने ४३
बर्षिय धर्मेन्द्र गुप्ताले संचालन गरेको फर्म भित्र राख्न तयारी
गरिरहेको अवस्थामा ७ हजार ६ सय वटा बोईलर कुखुराको चल्लासहित उनलाई नं.
१३ गण पर्साले नियन्त्रणमा लिएको हो ।
        बरामद बोईलर कुखुराको चल्ला नेपाल प्रहरी, स्थानीय भद्रभलाद्मी र
संचारकर्मीको रोहवरमा नष्ट गरिएको छ ।
        नियन्त्रणमा लिएका गुप्तालाई आवश्यक कारवाहीको लागि विरगंज भन्सार
कार्यालय पर्सामा बुझाइएको छ ।
 

         रौतहट, बारा, धनुषाबाट करिव ३२ लाखको लत्ताकपडा र मोटरसाईकल तथा पश्चिम
नवलपरासीबाट करीब १२ लाख रुपैयाँ बराबरको मोवाइलमा प्रयोग हुने सामान
बरामद भएको छ ।
        रौतहट जिल्लाको बौधिमाई नगरपालिका ७ स्थित बारा– रौतहट जिल्लाको सीमा
ईलाकाबाट पौष ०४ गते करीब १५ लाख १६ हजार रुपैयाँ बराबरको लत्ताकपडा
मंगलबार बरामद भएको हो ।
        विशेष सूचनाको आधारमा नम्बर ११ गण रौतहट, सुरक्षा बेश लक्ष्मिनिया,
फतुवा र बिओपी सरमजुवाको टोलीले सोही ईलाकास्थित अरुवाखोला पुल नजिकैको
टहरामा बेवारीसे अवस्थामा रहेको उल्लेखित मूल्यको लत्ताकपडा बरामद गरेको
हो ।
        त्यसैगरी बारा जिल्लाको सिम्रौनगढ नगरपालिका ११ औरैया स्थित सीमा
ईलाकाबाट पौष ०४ गते करीब १५ लाख ५ हजार ४ सय रुपैयाँ बराबरको लत्ताकपडा
बरामद भएको छ । एक कच्ची घरमा लुकाई छिपाई राखेकोे ५ पोका लत्ताकपडा
विशेष सूचनाको आधारमा बिओपी गोलागंजले बरामद गरेको हो ।
        यसैगरी नम्बर ८ गण धनुषाले पौष ०४ गते नै करीब १ लाख २ हजार रुपैयाँ
बराबरको लत्ताकपडा र ४ लाख ५० हजार रुपैयाँ बराबरको तीनवटा मोटरसाईकल
नियन्त्रणमा लिएको छ ।
        ज १० प २२८९, ज ८ प ५३८९ र बिआर ०१ एफए ६९७२ नम्बरको मोटरसाईकलमा
भारतबाट अबैध रुपले नेपालतर्फ ल्याउँदै गरेको लत्ताकपडा  र मोटरसाईकल
धनुषा जिल्लाको धनौजी गाउँपालिका ५ स्थित बहुअर्वा ईलाकाबाट नियन्त्रणमा
लिइएको हो ।
        यसैगरी पश्चिम नवलपरासीको पाल्हिनन्दन गाउँपालिका ५ स्थित गेरमा
ईलाकाबाट पौष ०४ गते करीब ११ लाख ६९ हजार रुपैयाँ बराबरको मोबाईलका
ग्लासहरु बरामद भएको छ ।
        भारतबाट अबैध रुपले नेपालतर्फ ल्याई सोही गाउँपालिका ५ स्थित एक घरमा
लुकाई छिपाई राखेको अवस्थामा मोबाईलमा प्रयोग हुने १६ हजार ७०० वटा
टेम्पर ग्लास प्रस्तावित सीमा सुरक्षा गुल्म हरपुर र सुरक्षा बेश परासीको
संयुक्त टोलीले बरामद गरेको हो ।
        नियन्त्रणमा लिइएका मोटरसाईकल तथा सामान आवश्यक कारवाहीको लागी स्थानीय
भन्सार कार्यालयमा बुझार्ईएको छ ।

        सशस्त्र प्रहरी बल, नेपालको निशान भगवती श्री बगलामुखी माईको पञ्चवली
एवं मंसिर पूजा सम्पन्न भएको छ ।
        सशस्त्र प्रहरी महानिरीक्षक राजु अर्यालले मंसीर ३० गते बिहान ४ बजेर ३०
मिनेटको संकल्प साइतमा ललितपुरको कुम्भेश्वरमा अवस्थित बगलामुखी माईको
मन्दिरमा पूजा गर्नुभएको हो ।
        पुजामा अवकाश प्राप्त सशस्त्र  प्रहरी महानिरीक्षकहरु तथा सशस्त्र
प्रहरी अतिरिक्त महानिरीक्षकहरु र महिला संघका पदाधिकारीहरु लगायत
सशस्त्र प्रहरी बल नेपालका बरिष्ठ अधिकृत, स्थानीय भद्र भलाद्मी तथा
विल्लादार जवानहरुको उपस्थित रहेको थियो ।

      सशस्त्र प्रहरी बल नेपालले संगठनका बहालवाला तथा अवकाश प्राप्त बरिष्ठ
अधिकृतहरु बीचमा सशस्त्र प्रहरी बल नेपालको कार्यादेश तथा बर्तमान
सुरक्षा अवस्था बारेमा छलफल तथा अन्तरक्रिया कार्यक्रम गरेको छ ।
        सशस्त्र प्रहरी बल नेपाल प्रधान कार्यालय स्वयम्भू हलचोकमा शुक्रबार
आयोजित छलफल तथा अन्तरक्रिया कार्यक्रममा सशस्त्र प्रहरी महानिरीक्षक
राजु अर्यालले संगठनको लक्ष्य प्राप्तिमा यस प्रकारका छलफल महत्वपूर्ण र
फलदायी रहने उल्लेख गर्नुहँुदै अग्रजको सुझाव, सल्लाह तथा रचनात्मक सहयोग
संगठनको वृत्ति विकासका लागि मार्गदर्शक समेत हुने बताउनुभयो ।
        सो अवसरमा सीमा सुरक्षा, मानवश्रोत तथा कार्यविभाग प्रमुख सशस्त्र
प्रहरी अतिरिक्त महानिरीक्षकहरु क्रमश नारायणदत्त पौडेल, चन्द्रप्रकाश
गौतम तथा बंशीराज दाहालले आ–आफ्नो विभागीय गतिबिधि प्रस्तुत गर्नुभएको
थियो ।
        कार्यक्रममा अवकाश प्राप्त सशस्त्र प्रहरी महानिरीक्षकहरु सनत कुमार
बस्नेत, किशोर कुमार लामा, शैलेन्द्र कुमार श्रेष्ठ, कोषराज वन्त, सिहँ
बहादुर श्रेष्ठ र पुष्पराम के.सीले समयानुकुल सीमा सुरक्षाका चुनौती पनि
बदलिँदै जाने भएकोले त्यसै अनुरुप लाग्नुपर्ने बताउनुभयो । सीमा
सुरक्षामा स्थानीय जनता सँगको सहकार्य महत्वपूर्ण हुने भएकोले संगठनले
सीमावासीसँग सहकार्य गर्ने कार्यको थालनी गर्नु अत्यन्त महत्वपूर्ण भएको
बताउनुभयो ।

       बाँके जिल्लाको खजुरा गाउँपालिका  ६ स्थित सिमलघारी बाट मंसिर २८ गते
सशस्त्र प्रहरीले करीब ३१ लाख ४४ हजार ३ सय रुपैयाँ बराबरको विभिन्न
सामानको गाडीसहित दुई जनालाइ नियन्त्रणमा लिएको छ ।
        विशेष सूचनाको आधारमा सशस्त्र प्रहरी बल नेपाल नं. ३० बागेश्वरी गण
बाँकेबाट खटिएको टोलीले चेकजाँच गर्ने क्रममा भे १ च २३५७ नम्बरको गाडीमा
भारतबाट अवैध रुपमा नेपालतर्फ ल्याउँदै गरेको उल्लेखित मुल्य मध्य १४ लाख
७० हजार ३०० रुपैयाँको लत्ताकपडा, ५ लाख ८४ हजार रुपैयाँको काँस र १ लाख
४० हजार रुपैयाँको पित्तलका मुर्ति, भाँडाबर्तन तथा सजावटका सामग्री सहित
जिल्ला बाँके नेपालगंज उपमहानगरपालिका ५ वस्ने ५० वर्षिय कमल हलुवाई र
चालक भारतको लखीमपुर जिल्ला कटौली ग्रामपञ्चायत बस्ने ३० वर्षिय भारतीय
नागरिक साकिर हुसेनलाई नियन्त्रणमा लिएको हो ।
        नियन्त्रणमा लिइएका दुवै जनालार्ई बरामद सामान र गाडीसहित आवश्यक
कारवाहीको लागि नेपालगंज भन्सार कार्यालय बाँकेमा बुझाईएको छ । गाडीको
भन्सार दाखिला मूल्य करीब ९ लाख ५० हजार रुपैयाँ रहेको छ ।

         यूएनडिपी नेपालको सहकार्यमा सशस्त्र प्रहरी परिवार महिला संघले नेपाल
एपिएफ रंगशालामा मंसिर २२ गते खुल्ला चित्रकला प्रतियोगिता संचालन गरेको
छ ।
        प्रतियोगितामा उत्कृष्ट भएका १० जनालाई प्रमुख अतिथी यूएनडिपीकी मिस
आइशानी मेदागाङ्गोडा लाबे र सशस्त्र प्रहरी परिवार महिला संघकी अध्यक्ष
श्रीमती अनिता लामिछाने अर्यालले पुरस्कार तथा प्रमाणपत्र प्रदान
गर्नुभएको थियो ।

         सशस्त्र प्रहरी महानिरीक्षक राजु अर्यालको प्रमुख आतिथ्यतामा मंसिर २०
गते सशस्त्र प्रहरी बल नेपाल हुल तथा दंगा व्यवस्थापन तालिम शिक्षालय
लामापाटन पोखरामा संचालित  स्पेशल टास्क फोर्स (एसटिएफ) तालिम सम्पन्न
भएको छ ।
        महानिरीक्षक अर्यालले तालिम शिक्षालयमा आयोजित समापन समारोहमा तालिममा
सर्वप्रथम भएका प्रशिक्षार्थी सशस्त्र प्रहरी निरीक्षक विजय कुँवरलाई
पुरस्कार प्रदान गर्नुकासाथै सफलतापूर्वक तालिम हासिल गरेका
प्रशिक्षार्थीहरुलाई प्रमाणपत्र  समेत प्रदान गर्नुभएको थियो ।

        श्रोत नखुलेको ८ लाख नेपाली रुपैयाँसहित सशस्त्र प्रहरीले सिरहा
जिल्लाको बरियारपट्टी गाउँपालिका ३ चमारटोलस्थित सीमा ईलाकाबाट मंसिर १६
गते एक जनालाई नियन्त्रमा लिएको छ ।
        सोही जिल्लाको बरियारपट्टी गाउँपालिका २ श्रीपुर बस्ने ४२ वर्षिय महोमद
फिरोजलाई उल्लेखित रुपैयाँसहित बिओपी बरियारपट्टीले नियन्त्रणमा लिएका हो ।
        भारतबाट साईकलमा नेपालतर्फ आउँदै गरेका उनलाई गस्तीमा खटिएको सुरक्षा
फौजले जाँच गर्दा उनको साथमा १ हजार दरको ४ सय ९६ वटा, ५ सय दरको ६ सय ३
वटा र १ सय दरको २५ वटा नेपाली नोट फेला पारेको हो । उनले सो रकम कहाबाट
कुन प्रयोजनको लागि लिएको भन्ने श्रोत खुलाउन नसेकपछि नियन्त्रणमा लिएको
हो ।
        नियन्त्रणमा लिइएका फिरोजलाई बरामद रुपैयाँ तथा साईकलसहित आवश्यक
कारवाहीको लागि भन्सार कार्यालय मार्डरमा बुझाईएको छ ।

        सशस्त्र प्रहरी परिवार महिला संघले भूकम्प प्रभावित परिवारहरुको लागि राहत सामाग्री प्रदान गरेको छ । कर्णाली प्रदेश सरकारको आन्तरिक मामिला तथा कानून मन्त्रालयका मन्त्री माननीय कृष्णबहादुर जि.सी.लाई संघकी अध्यक्ष श्रीमती अनिता लामिछाने अर्यालले मंसिर १३ गते राहत सामाग्री हस्तान्तरण गर्नुभयो ।

        अध्यक्ष लामिछाने अर्यालले गत कार्तिक १७ गते राति जाजरकोट जिल्लाको बारेकोट गाउँपालिका १ स्थित रामीडाँडा केन्द्रविन्दु बनाई गएको भुकम्पबाट प्रभावित परिवारहरुलाई म्याट्रेस, सिरक डसना, लत्ताकपडाहरु लगायतका राहत सामाग्री हस्तान्तरण गर्नुभएको हो ।

        सशस्त्र प्रहरी परिवार महिला संघको आयोजना र सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतको समन्वयमा सम्पन्न कार्यक्रममा सशस्त्र प्रहरी परिवार महिला संघका पदाधिकारीहरु, नं. ६ बाहिनी मुख्यालयका बाहिनीपति प्रदिपकुमार पाल, प्रदेशस्थित सशस्त्र प्रहरी परिवार महिला संघका पदाधिकारीहरु लगायत सशस्त्र प्रहरी अधिकृत एवं विल्लादार जवानहरुको उपस्थिति रहेको थियो ।

        पर्सा जिल्लाको बीरगंज महानगरपालिका १६ स्थित सीमा ईलाकाबाट मंसिर १२
गते सशस्त्र प्रहरीले १० लाख नेपाली रुपैयाँसहित एक जनालाई नियन्त्रणमा
लिएको छ ।
        भारतको पूर्वी चप्पारण जिल्ला रक्सौल ७ अहिर्वा टोला घर बताउने २३
वर्षिय उमेश यादवलाई नं. १३ गण पर्सा र प्रस्तावित सीमा सुरक्षा गुल्म
बीरगंजले उल्लेखित रुपैयाँसहित नियन्त्रणमा लिएको हो ।
        भारतबाट बीआर ०५ एआर ८१०१ नम्बरको मोटरसाईकलमा नेपालतर्फ आउँदै गरेका
यादवले लगाएको हेल्मेट भित्र लुकाई छिपाई राखेको एक हजार दरको ५ सय वटा र
पाँचसय दरको १ हजार वटा नेपाली नोटको श्रोत खुलाउन नसकेपछि नियन्त्रणमा
लिएको हो ।
        नियन्त्रणमा लिइएका व्यक्तिलाई बरामद रुपैयाँ र मोटरसाईकलसहित आवश्यक
अनुसन्धानको लागि वीरगंज भन्सार कार्यालय पर्सामा बुझाईएको छ ।
 

सप्तरी जिल्लाको बलानबिहुल गाउँपालिका ४ वेल्हीस्थित सीमा ईलाकाबाट मंसिर १० गते राति एउटा कटुवा पेस्तोल र सोको २ राउण्ड गोली सशस्त्र प्रहरीले बरामद गरेको छ ।
मोटरसाईकलमा नेपालबाट भारततर्फ जाँदै गरेका व्यक्तिले बिओपी बेल्हीको टोलीलाई देख्नासाथ उनीहरुले बोकेको कपडाको पोका सोही ठाउँमा छाडी फरार भएपछि सो पोका चेक जाँच गर्दा कटुवा पेस्तोल र गोली फेला परेको हो ।
बरामद कटुवा पेस्तोल तथा गोली जिल्ला प्रहरी कार्यालय सप्तरी राजविराजमा बुझाईएको छ ।

सशस्त्र प्रहरी बल नेपाल प्रधान कार्यालय हलचोक स्वयम्भुमा मंसीर १० गते सशस्त्र प्रहरी परिवार महिला संघले जोन्टा क्लव अफ काठमाडौंको सहकार्यमा महिला हिंसा विरुद्धको १६ दिने अन्तर्राष्ट्रिय अभियान कार्यक्रम शुरु गरेको छ । 

सो कार्यक्रमको सशस्त्र प्रहरी अतिरिक्त महानिरीक्षक चन्द्र प्रकाश गौतमले उद्घाटन गर्नुहुँदै  महिला हिंसा विरुद्धको १६ दिने अन्तर्राष्ट्रिय अभियान सफलताको लागि  शुभकामना व्यक्त गर्नुभयो ।

        सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल
प्रधान कार्यालयमा मंसीर ६ गते आयोजित एक समारोहका बीच प्राविधिक सशस्त्र
प्रहरी बरिष्ठ उपरीक्षक पदमा पदोन्नती हुनुभएका ३ जना अधिकृतहरुलाई
दर्ज्यानी चिन्ह प्रदान गर्नुभएको छ ।
        महानिरीक्षक अर्यालले पदोन्नती हुनुभएका अधिकृतहरुलाई हार्दिक बधाई
दिनुहुँदै बढुवासँगै थप भएको पदीय जिम्मेवारीलाई ईमान्दारिताकासाथ
कार्यक्षेत्रमा पूर्ण व्यवसायीकता र बफादारिताकासाथ लाग्न निर्देशन
दिनुभयो ।

       चिकित्सा विज्ञान राष्ट्रिय प्रतिष्ठान (NAMS) र नेपाल एपीएफ अस्पतालवीच
शैक्षिक कार्यक्रम आदन प्रदान सम्बन्धी सम्झौता भएको छ । स्वास्थ्य तथा
जनसंख्या मन्त्रालयमा शुक्रबार सम्झौता पत्रमा हस्ताक्षर भएको हो ।
        माननीय स्वास्थ्य तथा जनसंख्या मन्त्री मोहन बहादुर बस्नेतको प्रमुख
आतिथ्यता तथा सशस्त्र प्रहरी महानिरीक्षक राजु अर्यालयको उपस्थितिमा NAMS
का उपकुलपति प्रा.डा. भुपेन्द्र कुमार बस्नेत र सशस्त्र प्रहरी बल
नेपालको तर्फबाट नेपाल एपीएफ अस्पतालका प्रमुख प्राविधिक सशस्त्र प्रहरी
नायव महानिरीक्षक डा.रुपक महर्जनले सम्झौता पत्रमा हस्ताक्षर गर्नुभएको
हो ।
        सम्झौतामा शैक्षिक कार्यक्रम आदान प्रदान तथा वृत्तिविकासको लागि
सहकार्य गर्ने उल्लेख छ । यसैगरी नेपाल एपीएफ अस्पतालमा नर्सिङ क्याम्पस
स्थापना गर्ने र मेडिकल कलेजको सम्भाव्यता अध्ययनको योजना समेत रहेको छ ।
        कार्यक्रमा माननीय स्वास्थ्य तथा जनसंख्या मन्त्री मोहन बहादुर बस्नेतले
पहिलो पटक स्वास्थ्य मन्त्रालयले सुरक्षा निकायलाई समेत विदेश अध्ययनको
कोटा प्रदान गरी नेपाल एपीएफ अस्पतालबाट डा.सुमित्रा थापालाई
थाईल्याण्डमा हुने Seventh Asian and Pacific Population Conference
विषयक कार्यक्रममा मनोनित गरिएको जानकारी दिनुभयो । उहाँले यस प्रकारका
सम्झौताले दुवै निकायवीच शैक्षिक कार्यक्रमको विकासमा उल्लेखनीय योगदान
पुग्ने समेत बताउनुभयो ।
        कार्यक्रममा सशस्त्र प्रहरी महानिरीक्षक राजु अर्यालले नेपाल एपीएफ
अस्पताललाई मेडिकल कलेजको रुपमा विस्तार गर्ने संगठनको उद्देश्य रहेको
बताउनुहुँदै सीमा क्षेत्रका सर्वसाधारणहरुलाई फाईदा पुग्ने गरी स्वास्थ्य
तथा जनसंख्या मन्त्रालय र सशस्त्र प्रहरी बल नेपालको सहकार्यमा स्वास्थ्य
सम्बन्धी कार्यक्रमहरु विस्तार गर्ने बिषयमा मन्त्रालयका पदाधिकारीसँग
छलफल समेत गर्नुभएको थियो ।
        कार्यक्रममा स्वास्थ्य सचिव देवकुमारी गुरागाई लगायत मन्त्रालयका
पदाधिकारीहरु तथा सशस्त्र प्रहरी बल नेपालका बरिष्ठ अधिकृतहरुको उपस्थिति
रहेको थियो ।

       सशस्त्र प्रहरी बल नेपाल प्रधान कार्यालय हल्चोक स्वयम्भूमा शुभ दिपावली
तथा छठपर्वको अवसरमा नेपाल पूर्व सशस्त्र प्रहरी संघले आयोजना गरेको
जलपान तथा शुभकामना आदान प्रदान कार्यक्रम सम्पन्न भएको छ ।
        सशस्त्र प्रहरी महानिरीक्षक राजु अर्यालको प्रमुख आतिथ्ययतामा कार्तिक
२५ गते सम्पन्न भएको सो कार्यक्रममा अवकाश प्राप्त सशस्त्र प्रहरी
महानिरीक्षकहरु, वहालवाला तथा अवकाश प्राप्त सशस्त्र प्रहरी अतिरिक्त
महानिरीक्षकहरु लगायत बरिष्ठ अधिकृतहरुको समेत उपस्थिती रहेको थियो ।
        कार्यक्रममा सशस्त्र प्रहरी महानिरीक्ष राजु अर्यालले सम्पूर्ण वहालवाला
तथा अवकाश प्राप्त सशस्त्र प्रहरी कर्मचारीहरुमा नजिकिदै आएको शुभ
दिपावली तथा छठ पर्वको शुभकामना व्यक्त गर्नुहुँदै पूर्व सशस्त्र प्रहरी
संघले राखेको यस्ता कार्यक्रमहरुले एक आपसमा माया र सद्भाव नजिकिदै जाने
विश्वास व्यक्त गर्नुभयो ।
        उहाँले संगठन स्थापना कालदेखि यहाँसम्म आउनु पूर्व अग्रजहरुको योगदान र
कर्तव्य परायणताको मुक्तकण्ठले प्रशंसा गर्नुहुँदै संगठन बिकास र
विस्तारमा पूर्व सशस्त्र प्रहरी संघबाट आएका सल्लाह सुझावहरुलाई मनन गरी
अघि बढ्ने विश्वास व्यक्त गर्नुभयो ।
        कार्यक्रममा अवकाश प्राप्त सशस्त्र प्रहरी महानिरीक्षक सनत कुमार
बस्नेतले नेतृत्व वर्गले संगठनमा एउटा रिति र थिति बसाई गरेका हरेक
क्रियाकलापहरु प्रशंसा योग्य रहेको बताउनहुँदै संगठन जति बलियो बन्दै गयो
त्यति नै अवकाश प्राप्त सशस्त्र प्रहरी कर्मचारीहरुको समेत शिर उच्च रहने
बताउनुभयो ।
        नेपाल पूर्व सशस्त्र प्रहरी संघका अध्यक्ष अवकाश प्राप्त सशस्त्र प्रहरी
अतिरिक्त महानिरीक्षक रविराज थापाले आत्मियता र सद्भाव बढाउन यस्ता
कार्यक्रमहरुको आवश्यकता रहेको बताउनुहुँदै पूर्व सशस्त्र प्रहरी संघले
गर्ने हरेक गतिविधिहरु जस्तै शुभकामना आदान प्रदान कार्यक्रमलाई पनि
आगामी वर्षहरुमा समेत निरन्तरता दिने बताउनुभयो ।

       सशस्त्र प्रहरी बल नेपाल नं. ५ विन्ध्यावासिनी बाहिनी मुख्यालय
रुपन्देही र भारतीय सशस्त्र सीमा बल सेक्टर हे.क्वा. लखिमपुर खिरी तथा
सेक्टर हे.क्वा. गोरखपुर बीच कार्तिक २३ गते बाहिनीस्तरीय सीमा
समन्वयात्मक बैठक सम्पन्न भएको छ ।
        नं. ५ विन्ध्यावासिनी बाहिनी मुख्यालय रुपन्देहीका बाहिनीपति सशस्त्र
प्रहरी नायव महानिरीक्षक अभि कुमार खत्री र भारतीय सीमा सुरक्षा बल
(SSB) सेक्टर हे.क्वा. लखिमपुर खिरीका डिआईजी जे डि वशिष्ठ तथा
सेक्टर हे.क्वा. गोरखपुरका डिआईजी अखिलेश्वर सिंहको नेतृत्वमा बैठक
सम्पन्न भएको हो ।
        बैठकमा सीमा सुरक्षा, भन्सार छली अवैध रुपमा हुने सामान ओसार पसारमा
नियन्त्रण, सीमा स्तम्भ मर्मत संभार, मानव बेचविखन तथा अपहरण, हातहतियार
तथा लागुऔषध ओसारपसार नियन्त्रण, सुचना आदानप्रदान गर्ने लगायतका
विषयहरुमा छलफल भएको थियो ।
        कार्यक्रममा नं. ५ विन्ध्यावासिनी बाहिनी मुख्यालय रुपन्देहीका सहायक
बाहिनीपति सशस्त्र प्रहरी बरिष्ठ उपरीक्षक गंगाराम श्रेष्ठ लगायत
लुम्विनी प्रदेश अन्तर्गत भारतसंग सीमा जोडिएका जिल्लाहरुका गणका
गणपतिहरु र भारतीय सशस्त्र सीमा बलका कमाण्डेन्टहरुको समेत सहभागिता
रहेको थियो ।
 

        सशस्त्र प्रहरी महानिरीक्षक राजु अर्याल सशस्त्र प्रहरी बल, नेपाल
(एपीएफ) र मित्र रास्ट्र भारतको सशस्त्र सीमा बल (एसएसबी) वीच भएको सातौं
नेपाल भारत समन्वयात्मक बैठकमा सहभागी भई बिहीबार स्वदेश फर्कनु भएको छ ।
सो बैठक कार्तिक २० देखि २२ गतेसम्म भारतको नयाँ दिल्लीमा संचालन भएको
थियो ।
        सशस्त्र प्रहरी बल, नेपालको तर्फबाट सशस्त्र प्रहरी महानिरीक्षक राजु
अर्यालले नेतृत्व गर्नुभएको सो बैठकमा सशस्त्र प्रहरी अतिरिक्त
महानिरीक्षक नारायणदत्त पौडेलको समेत सहभागिता रहेको थियो भने भारतको
सशस्त्र सीमा बलको तर्फबाट महानिर्देशक रश्मी शुक्लाले नेतृत्व गर्नुभएको
थियो । सो बैठकमा गृह मन्त्रालय, नेपाल प्रहरी, सशस्त्र प्रहरी बल नेपाल
तथा राष्ट्रिय अनुसन्धान बिभागका बरिष्ठ अधिकृत समेतको सहभागिता रहेको
थियो ।
        बैठकमा सीमा सुरक्षालाई थप प्रभावकारी बनाउँदै लैजाने, सीमावर्ति अपराध
नियन्त्रण गरी सीमा सुरक्षालाई थप सुरक्षित बनाउन दुई सुरक्षा निकायवीच
निरन्तर समन्वय र सहकार्य तथा सूचना आदनप्रदान गर्ने सहमती भएको छ । यसका
साथै दुबै सुरक्षा निकाय बिच निरन्तर सहकार्य, समन्वय र आपसी हितका
बिषयमा समेत छलफल भएको थियो ।
        यसअघि छैठौँ नेपाल भारत समन्वयात्मक बैठक सशस्त्र प्रहरी बल नेपाल
प्रधान कार्यालय हल्चोकमा सम्पन्न भएको थियो ।
 

पर्सा जिल्लाको वीरगंज महानगरपालिका १६ स्थित सीमा ईलाकाबाट करीब ४ लाख ४६ हजार रुपैयाँ बराबरको सामान र एउटा अटोरिक्सा सशस्त्र प्रहरीले कार्तिक २१ गते नियन्त्रणमा लिएको छ ।
ना २ ह ८६३ नम्बरको अटोरिक्सामा भारतबाट नेपालतर्फ ल्याउँदै गरेका व्यक्तिले प्रस्तावित सीमा सुरक्षा गुल्म वीरगंजको टोलीलाई देख्नासाथ उल्लेखित मुल्यको लत्ताकपडा, किराना सामान र अटोरिक्सा सोही ठाउँमा छाडी फरार भएपछि नियन्त्रणमा लिइएको हो ।
नियन्त्रणमा लिइएको सामान र अटोरिक्सा वीरगंज भन्सार कार्यालय पर्सामा बुझाईएको छ ।

       सशस्त्र प्रहरी बल नेपालले धनुषा जिल्लाको विभिन्न स्थानबाट १२ लाख
रुपैयाँभन्दा बढिको लत्ताकपडासहित मोटरसाइकल बरामद गरेको छ ।
        जनकनन्दिनी गाउँपालिका–१ ईनर्वास्थित अड्डा टोल ईलाकाबाट सशस्त्र प्रहरी
बल नेपाल प्रस्तावित सीमा सुरक्षा गुल्म महिनाथपुर मातहत बीओपी ईनर्वाबाट
विशेष सुचनाका आधारमा खटिएको टोलीले कार्तिक २० गते राति ११ बजेको समयमा
३ लाख ७५ हजार मूल्य बराबरको लत्ताकपडा र लत्ताकपडा ल्याउन प्रयोग गरेको
अन्दाजी ४ लाख ५० हजार मूल्य बराबरको मोटरसाईकल समेत बरामद गरेको हो ।
        भारतबाट भन्सार छली ज ११ प ६३२१, प्रदेश २ ०२–००१ प ०२०८ र ज ७ प ८७५६
नम्बरको तीन वटा मोटरसाइकलमा राखेर ल्याउँदै गरेको उल्लेखित
लत्ताकपडासहित मोटरसाइकल बरामद गरिएको हो ।
        साथै कार्तिक २१ गते विहान सशस्त्र प्रहरी बल नेपाल नं. ८ गण धनुषाबाट
खटिएको गस्ती टोलीले जनकपुरस्थित महावीर चोकबाट २ वटा मोटरसाईकलमा अबैध
रुपमा ल्याउँदै गरेको अन्दाजी २ लाख मूल्य बराबरको लत्ताकपडा र लत्ताकपडा
ल्याउन प्रयोग गरेको अन्दाजी २ लाख मूल्य बराबरको मोटरसाइकल समेत बरामद
गरेको छ ।
        सशस्त्र प्रहरीको गस्ती टोलीलाई देखे पश्चात तस्करहरु मोटरसाइकल र सामान
छाडी भागेका थिए । बरामद लत्ताकपडा तथा मोटरसाइकल आवश्यक कारबाहीको लागि
जनकपुर भन्सार कार्यालयमा बुझाइएको छ ।
        सशस्त्र प्रहरी बल नेपाल नं. ८ गण धनुषा तथा गण मातहत कार्यालयहरुले
चालु आर्थिक वर्षको कार्तिक महिनामा मात्रै ६० लाखभन्दा बढी मूल्य
बराबरको अबैध सामान तथा सामान ओसार पसारमा प्रयोग गरिएका सवारी साधनहरु
बरामद गरी आवश्यक कारवाहीको लागि जनकपुर भन्सार कार्यालयमा बुझाएका छन् ।

गत शुक्रबार जाजरकोट जिल्लाको बारेकोट रामीडाँडा केन्द्र बिन्दु बनाएर गएको भूकम्पमा परी घाइते तथा अंगभंग भएकाहरुको उपचारको लागि सशस्त्र प्रहरी बल नेपालबाट डा. रोशन पराजुली र डा. निश्चल घिमिरेको कमाण्डमा दुई वटा स्वास्थ्यकर्मीको टोली परिचालित छ ।
डा. रोशन पराजुलीको कमाण्डमा खटिएको स्वास्थ्यकर्मीको टोलीले रुकुम पश्चिम जिल्लाको मिसन अस्पताल चौरजहारीमा रहेर घाइतेहरुको उपचार गरिरहेको छ भने डा. निश्चल घिमिरेको टोलीले जाजरकोट जिल्लाको जिल्ला अस्पताल जाजरकोटमा रहेर स्वास्थ्य सेवा प्रदान गरिरहेको छ ।  
भूकम्पपश्चात नेपाल एपीएफ अस्पताल बलम्बु, काठमाडौंबाट डा. रोशन पराजुलीको कमाण्ड ९ जना रुकुम पश्चिमको लागि र सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतबाट डा. निश्चल घिमिरेको कमाण्डमा ४ जनाको स्वास्थ्यकर्मीको टोली जाजरकोटको लागि खटिएको थियो ।

सशस्त्र प्रहरी बल नेपालले विपद्को समयमा प्रभावितहरुको लागि प्रयोग गरिने ५ वटा डिजास्टर रिलिफ सिस्टम (DRS) कन्टेनर भूकम्प प्रभावित क्षेत्रमा पठाएको छ ।
गत शुक्रबार जाजरकोट जिल्लाको बारेकोट रामीडाँडा केन्द्र बिन्दु बनाएर गएको भूकम्पबाट प्रभावित सोही जिल्ला र रुकुम पश्चिमका नागरिकहरुको राहतको लागि डिआरएस कन्टेनर शनिबार त्यसतर्फ पठाईएको थियो । सशस्त्र प्रहरी बल, नेपाल नं. ६ महेश्वरी बाहिनी मुख्यालय सुर्खेतबाट जाजरकोटको लागि ३ वटा र नं. २९ ज्वालामाई गण दाङबाट २ वटा कन्टेर रुकुम पश्चिमको लागि पठाइएको हो । ती कन्टेनरमा उपलब्ध साधनश्रोतबाट सम्बन्धित क्षेत्रहरुमा अस्थायी बसोबासको लागि संरचना निर्माण भईसकेका छन् ।
जाजरकोट जिल्लाको भेरी नगरपालिकास्थित त्रिभुवन उच्च माध्यमिक विद्यालय र सोही नगरपालिका–१ रावतगाउँमा अस्थायी संरचना निर्माण भईसकेका छन् भने रुकुम पश्चिमको सानोभेरी गाउँपालिकामा समेत अस्थायी संरचना निर्माण भईसकेको छ ।
नेपालस्थित अमेरिकन राजदुतावासबाट सहयोग स्वरुप प्राप्त भएको ३३ वटा डिआरएस कन्टेनर मध्ये ३ वटा जाजरकोट र २ वटा रुकुम पश्चिममा पठाइएको हो । बाँकी २८ वटा कन्टेनर ७ वटै प्रदेशस्थित सशस्त्र प्रहरी बल, नेपालको बाहिनी मुख्यालय र मातहतका युनिटहरुमा विपद्को समयमा छिटोभन्दा छिटो प्रयोग गर्न सकिने गरी सुरक्षित भण्डारण गरी राखिएको छ । एउटा डिआरएस कन्टेनरमा एक सय जनाको लागि खाद्यान्न बाहेक सम्पूर्ण बन्दोबस्तीका सामान तयारी अवस्थामा राखिएको हुन्छ । जसमा टेन्ट, भाडाकुँडा लगायतका सामाग्री हुन्छन् ।
यसैगरी आइतबार नै नेपाल सरकार गृह मन्त्रालय अन्तर्गत राष्ट्रिय आपतकालिन कार्य संचालन केन्द्रद्वारा उपत्यकास्थित सशस्त्र प्रहरी बल नेपाल नं. २० विपद् उद्धार उपत्यका गण सिनामंगल र नं. २२ गुहेश्वरी गण भक्तपुरमा सुरक्षित भण्डार गरी राखिएका १० हजार ७ सय थान टेन्टसहितको तीन वटा कन्टेनर समेत सशस्त्र प्रहरी बल नेपालको सुरक्षामा भूकम्प प्रभावित क्षेत्रमा पठाइएको छ ।

       जाजरकोट जिल्लाको बारेकोट गाउँपालिका १ स्थित रामीडाँडा केन्द्रविन्दु
बनाई गएराती गएको भुकम्पमा परेकाहरुको खोज तथा उद्धारको लागि जाजरकोट र
पश्चिम रुकुममा मेडिकल सामाग्री तथा विपद् व्यवस्थापन तालिम प्राप्त
टोलीसहित करीव ५ सय जना सशस्त्र प्रहरी बलको सुरक्षा फौज परिचालन गरिएको
छ ।
        हालसम्म भुकम्पमा परी जाजरकोटमा १ सय ५ र पश्चिम रुकुममा ५२ जना गरी १
सय ५७ जनाको मृत्यु भएको छ । त्यस्तै जाजरकोट र पश्चिम रुकुममा भुकम्पमा
परेका १ सय ९० जना भन्दा बढिको उद्धार गरिएको छ । भुकम्पमा परेकाहरुको
खोज तथा उद्धारको लागि सम्बन्धित जिल्ला तथा अन्य जिल्लाहरुबाट समेत
सशस्त्र प्रहरी बलको टोली परिचालन गरिएको छ ।
        जाजरकोट जिल्लामा सशस्त्र प्रहरी बल नेपाल नंं. ६ महेश्वरी बाहिनी
मुख्यालय सुर्खेतबाट प्रा.सशस्त्र प्रहरी निरीक्षक डा.निश्चल घिमिरेको
कमाण्डमा ७ जना एम्बुलेन्ससहितको मेडिकल टोली, नं. ३२ रक्तकाली गण
सुर्खेतबाट ८५ जना, नं. ४२ रिजर्भ गण बाँकेबाट विपद् व्यवस्थापन तालिम
प्राप्तसहित ६० जना, आश्रित गुल्म जाजरकोटबाट ७५ जना र आश्रित गुल्म
दैलेखबाट ३५ जना गरी जम्मा २ सय ६२ जना सशस्त्र प्रहरी बलको सुरक्षा फौज
आवश्यक उद्धार सामाग्रीसहित खटिएको छ ।
        त्यस्तै पश्चिम रुकुममा नेपाल एपीएफ अस्पतालबाट प्रा.सशस्त्र प्रहरी
नायव उपरीक्षक डा.रोशन पराजुलीसहित ९ जना, नं. २९ ज्वालामाई गण दाङ्गबाट
४० जना, नं. ४७ गुल्म पश्चिम रुकुमबाट १ सय ७ जना, आश्रित गुल्म पूर्वी
रुकुमबाट विपद् व्यवस्थापन तालिम प्राप्त टोलीसहित ३० जना र आश्रित गुल्म
सल्यानबाट ५५ जना समेत जम्मा २ सय २१ जना गरी भुकम्प प्रभावित क्षेत्रमा
करीव ५ सय सशस्त्र प्रहरी बलको सुरक्षा फौज परिचालन भएका छन् ।
        सशस्त्र प्रहरी बल नेपालको डिजास्टर रेस्पोन्स सिस्टम (DRS) कन्टेनर
दाङ्गबाट पश्चिम रुकुम र सुर्खेतबाट जाजरकोटको लागि पठाई सकिएको छ भने
सशस्त्र प्रहरी बल नेपालको Mass Casualty Vehicle (MCV) काठमाडौं,
नेपालगंज र सुर्खेतमा तयारी हालतमा राखिएको छ । नेपालगंजमा रहेको MCV ले
घाईतेहरुलाई अस्पताल पुर्‍याएको थियो ।
        भुकम्पमा परी घाईतेहरु भर्ना गरिएका अस्पताल नजिकका युनिटहरुमा सशस्त्र
प्रहरी बल नेपालको फौज रक्तदानको लागि तयारी हालतमा राखिएको छ ।
         सशस्त्र प्रहरी बल नेपालले प्रभावित क्षेत्रहरुमा विपद् उद्धारका दक्ष
जनशक्ति समेत परिचालन गरेको छ भने खोज तथा उद्धारको लागि नेपाल एपीएफ
अस्पताल तथा उपत्यका स्थित नं. २० विपद् उद्धार उपत्यका गण, नं. २१
निलवाराही गण, नं. २२ गुहेश्वरी गण, नं. २६ गण पश्चिम नवलपरासी, नं. २९
ज्वालामाई गण दाङ्ग, नं. ४१ रिभर्ज गण कपिलवस्तु, नं. ३० बागेश्वरी गण
बाँके, नं. ३१ गण बर्दिया, नं. ३४ गण कैलाली र नं. ३५ गण कञ्चनपुरबाट
जम्मा ५ सय ६८ जना सशस्त्र प्रहरी बलको विशेष सुरक्षा फौज तयारी अवस्थामा
राखिएको छ । जसमा विपद् व्यवस्थापन तालिम प्राप्त १ सय २०,  मेडिकल टिम
१६ जना, फायरफाईटिङ्ग १० जना समेत रहेका छन् ।

        गएराती जाजरकोट जिल्लाको बारेकोट गाउँपालिका १ रामीडाँडा केन्द्रविन्दु
बनाई गएको भुकम्पमा परेकाहरुको खोज तथा उद्धारको लागि जाजरकोट र पश्चिम
रुकुममा ३ सय ६७ जना सशस्त्र प्रहरी कर्मचारीहरु परिचालन भएका छन् ।
        हालसम्म भुकम्प परी जाजरकोटमा ९५ र पश्चिम रुकुममा ३७ जना गरी १ सय ३२
जनाको मृत्यु भएको छ भने १ सय ५५ जनाको उद्धार गरिएको छ ।
        भुकम्पमा परेकाहरुको खोज तथा उद्धारको लागि जाजरकोटमा सशस्त्र प्रहरी बल
नेपाल नंं. ६ महेश्वरी बाहिनी मुख्यालय सुर्खेतबाट प्रा. सशस्त्र प्रहरी
निरीक्षक डा. निश्चल घिमिरेको कमाण्डमा ४ जना मेडिकल टोली, नं. ३२ गण
सुर्खेतबाट सशस्त्र प्रहरी निरीक्षकको कमाण्डमा ७० जना, नं. ४२ रिजर्भ गण
बाँकेबाट सशस्त्र प्रहरी निरीक्षकको कमाण्डमा २२ जना विपद् व्यवस्थापन
तालिम प्राप्त टोलीसहित २५ जना, आश्रित गुल्म जाजरकोटबाट ७० जना र आश्रित
गुल्म दैलेखबाट २५ जना गरी जम्मा १ सय ९४ जना सशस्त्र प्रहरी कर्मचारीहरु
आवश्यक उद्धार सामाग्रीसहित खटिएको छ ।
        त्यस्तै पश्चिम रुकुममा नेपाल एपीएफ अस्पतालबाट प्रा. सशस्त्र प्रहरी
नायव उपरीक्षक डा. रोशन पराजुलीको कमाण्डमा ९ जना, नं. २९ ज्वालामाई गण
दाङ्गबाट सशस्त्र प्रहरी निरीक्षकको कमाण्डमा २१ जना, नं. ४७ गुल्म
पश्चिम रुकुमबाट १ सय ७ जना, आश्रित गुल्म पूर्वी रुकुमबाट २ जना विपद्
व्यवस्थापन तालिम प्राप्त टोलीसहित ११ जना, आश्रित गुल्म सल्यानबाट २५
जना गरी जम्मा १ सय ७३ जना सशस्त्र प्रहरी कर्मचारीहरु परिचालन भएका छन्
।
        सशस्त्र प्रहरी बल नेपालले प्रभावित क्षेत्रहरुमा विपद् उद्धारका दक्ष
जनशक्ति समेत परिचालन गरेको छ भने अन्य युनिटहरुबाट समेत फौज परिचालनको
लागि तयारी हालतमा राखिएको छ ।

        सशस्त्र प्रहरी बल नेपालले नेपाल भारत सीमा स्तम्भको मर्मत तथा रंगरोगन
कार्यको शुरुवात गरेको छ । मर्मतको शुरुवात बिहिबार मधेश प्रदेशस्थित
सशस्त्र प्रहरी बल नेपाल नं २ छिन्नमस्ता बाहिनीका बाहिनीपति सशस्त्र
प्रहरी नायव महानिरीक्षक दिपेन्द्र शाहको उपस्थितीमा धनुषास्थित नेपाल
भारत दशगजामा रहेको सीमा स्तम्भबाट गरिएको हो ।
        सीमा स्तम्भ मर्मतको शुरुवात गर्नुहुँदै नायव महानिरीक्षक शाहले दुरुस्त
अवस्थाको सीमा स्तम्भले सीमा सुरक्षाको जिम्मेवारी प्राप्त सशस्त्र
प्रहरी बल नेपाललाई थप प्रभावकारी रुपमा सीमाको सुरक्षा गर्न सहज हुने र
यसले सीमाको सुरक्षामात्र नभई सीमा अपराध नियन्त्रण गर्नका साथै दुई देश
बीचको सम्वन्ध थप मजवुद बनाउन योगदान पुर्या उने समेत वताउनुभयो ।
        उहाँले नेपाल सरकारबाट सशस्त्र प्रहरी बल नेपाललाई मर्मत कार्यको
जिम्मेवारी प्राप्त भई सकेकाले आगामी दिनहरुमा निरन्तर रुपमा मर्मत कार्य
सुचार रहने र मर्मतका क्रममा स्थानीय जनसमुदाय तथा जनप्रतिनिधिहरुको
सहयोग अपरिहार्य रहेको समेत बताउनु भयो ।
        उहाँले सशस्त्र प्रहरी बल नेपालले सीमावर्ती क्षेत्रका नागरिकको सहयोग
बिना प्रभावकारी रुपमा सीमा सुरक्षा तथा सीमा अपराध नियन्त्रण गर्न
असम्भव रहेको महशुस गरी सीमावासीसंग सशस्त्र प्रहरी कार्यक्रम शुरु
गरिसकेको र सोहि अन्तर्गत गत कार्तिक १ गते छिन्नमस्ता बाहिनी महोत्तरीमा
मधेश प्रदेशको भारतसंग जोडिएका १ सय ४३ वडाका अधिकांस वडा अध्यक्षहरुसंग
अन्तरक्रिया कार्यक्रम आयोजना गरिएको र उक्त अवसरमा प्राप्त सुझावहरुलाई
कार्यान्वयन गर्ने चरणमा रहेको समेत जानकारी गराउनु भएको थियो ।
        नेपाल भारत Boundary Working Group (BWG) को पाचौँ बैठकमा सन् २०१४
पश्चात् मर्मत तथा निर्माण भएका सीमा स्तम्भहरुमध्ये जोर नम्बरको सीमा
स्तम्भहरु भारतीय सशस्त्र सीमा बल (SSB) ले सशस्त्र प्रहरी बल नेपालको
उपस्थितीमा र बिजोर नम्बरको सीमा स्तम्भ नेपालले मर्मत सम्भार गर्ने
निर्णय भएको थियो ।
        नेपाल सरकार मन्त्री परिषद्को २०७७ साउन १९ गतेको निर्णय अनुसार सन्
२०१४ पश्चात् मर्मत तथा निर्माण भएका बिजोर सीमा स्तम्भहरु सशस्त्र
प्रहरी बल नेपाललाई मर्मत सम्भार गर्ने जिम्मेवारी प्राप्त भए बमोजिम
मर्मतको कार्य शुरु गरिएको हो । पहिलो चरणमा मधेश प्रदेशमा रहेका १ हजार
भन्दा बढि सीमा स्तम्भहरुको मर्मत हुनेछन् ।
        सो कार्यक्रममा धनुषास्थित नगराइन नगरपालिकाका प्रमुख विनय कुमार यादव,
मुखियापट्टि  मुसहरनिया गाउँपालिकाका अध्यक्ष जयकुमार यादव, भारतीय
सशस्त्र सीमा बलका डिपुटी कमाण्डेन्ट सन्तोष कुमार निमोरिया, नापी
विभागका अधिकृत लगायत जिल्ला प्रशासन कार्यालयका प्रतिनिधि तथा स्थानीय
भद्रभाद्मीहरुको समेत उपस्थिती रहेको थियो ।
        यसैगरी आजैबाट मधेश प्रदेशका सिरहा, महोत्तरी, सर्लाही, बारा र पर्सा
जिल्लाहरुमा समेत सीमा स्तम्भहरुको मर्मत कार्य शुरु गरिएको छ ।

        इलाम जिल्लाको सुर्योदय नगरपालिका २ चारमाईल स्थित दशगजा ईलाकाबाट
कार्तिक १३ गते सशस्त्र प्रहरीले प्रतिबन्धित नोट तथा सामानसहित तीन जना
भुटानी नागरिकलाई नियन्त्रणमा लिएको छ ।
        नियन्त्रणमा लिइएकाहरु भुटान घर बताउने ४५ वर्षिय धन कुमार राई, ४४
वर्षिय फौदसिंह राई र २५ वर्षिय विशाल राई छन् ।
        भुटानबाट भारतको बाटो हुँदै नेपाल प्रवेश गरेका उनीहरुको साथमा
प्रतिबन्धित नोट तथा अन्य सामान फेला परेपछि सशस्त्र प्रहरी बल नेपाल
प्रस्तावित सीमा सुरक्षा गुल्म पशुपतिनगरले नियन्त्रणमा लिएको हो ।
उनीहरुको साथबाट ४ लाख २५ हजार ७ सय १० रुपैयाँ बराबरको भारतीय नोट, ३
हजार ७ सय ५६ रुपैयाँ बराबरको भुटानी नोट र नेपाली १ सय ८० रुपैयाँ समेत
बरामद भएको छ ।
        नियन्त्रणमा लिइएकाहरुलाई प्रतिबन्धित नोट तथा सामानसहित आवश्यक
अनुसन्धानको लागि राजश्व अनुसन्धान कार्यालय ईटहरीमा बुझाईएको छ ।

       रौतहट जिल्लाको राजपुर नगरपालिका २ फतुहाबाट कार्तिक १४ गते करीव २ लाख
१६ हजार रुपैयाँ बराबरको चोरीपैठारीको लत्ताकपडासहित मोटरसाईकल
नियन्त्रणमा लिइएको छ ।
        भारतबाट अवैध रुपले बीआर ०५ एल ३५९० नम्बरको मोटरसाईकलमा राखी नेपालतर्फ
ल्याउँदै गरेको लत्ताकपडा बिल बिजक फेला नपरेपछि नं. ११ गण रौतहटले
नियन्त्रणमा लिएको हो ।
        यसैगरी सोही जिल्लाको यमुनामाई गाउँपालिका ४ बमनहर ईलाकाबाट कार्तिक १३
गते करीब १ लाख ३२ हजार रुपैयाँ बराबरको लत्ताकपडा समेत बरामद गरेको छ ।
        बिलबिजक नभएको उल्लेखित मुल्यको लत्ताकपडा सुरक्षा बेश फतुहाले बरामद
गरेको हो । बरामद लत्ताकपडा तथा मोटरसाईकल गौर भन्सार कार्यालय रौतहटमा
बुझाईएको छ ।

       धनुषा जिल्लाको मिथिला नगरपालिका १० स्थित बडहरीबाट कार्तिक १३ गते करीब
१७ लाख ३१ हजार रुपैयाँ बराबरको मोबाईलको डिस्प्ले र लत्ताकपडा बरामद
भएको छ ।
        राजश्व भन्सार सुरक्षा बेश जनकपुरले विशेष सूचनाको आधारमा अबैध रुपमा
गोदाममा स्टोर गरी राखिएको अवस्थामा उल्लेखित मुल्य बराबरको २ हजार ९ सय
६० वटा मोबाईलको डिस्प्ले र लत्ताकपडा बरामद गरिएको हो ।
        बरामद सामान राजश्व भन्सार कार्यालय जनकपुरमा बुझाईएको छ ।
 

        वडा दशै २०८० को अवसरमा सशस्त्र प्रहरी महानिरीक्षक राजु अर्यालले असोज
९ गते सशस्त्र प्रहरी कर्मचारीहरुलाई टिका तथा प्रसाद प्रदान गर्नुभएको छ
।
        वडा दशैको अवसरमा अयोजना गरिएको कार्यक्रममा सशस्त्र प्रहरी परिवार
महिला संघकी अध्यक्ष तथा सशस्त्र प्रहरी अतिरिक्त महानिरीक्षकहरु र महिला
संघका उपाध्यक्षहरुले समेत सोही अवसरमा टिका तथा प्रसाद प्रदान गर्नुभएको
थियो ।
        कार्यक्रममा उपत्यकास्थित सशस्त्र प्रहरी बल नेपालका वहालवाला तथा अवकाश
प्राप्त सशस्त्र प्रहरी कर्मचारीहरुको उपस्थिती रहेको थियो ।

बडादशैंको अवसरमा आज महानवमीको दिन सशस्त्र प्रहरी बल, नेपालको निशान तथा मौलो पुजा सम्पन्न भएको छ । 

सशस्त्र प्रहरी महानिरीक्षक राजु अर्यालले सशस्त्र प्रहरी बल, नेपाल नम्बर १९ बगलामुखी बिशेष कार्यदल  गण  हल्चोक स्वयम्भूमा आयोजित विशेष कार्यक्रमका बीच पुजाअर्चना गर्नुभएको हो ।  

  निशान तथा मौलो पुजा कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम, बंशीराज दाहाल लगायत सशस्त्र प्रहरी बल नेपालका बरिष्ठ अधिकृत, अधिकृत तथा बिल्लादार जवानहरुबाट पुजाअर्चना तथा मौलो परिक्रमा गरिएको थियो । 

सशस्त्र प्रहरी व्याण्डको मंगलधुनबीच बिहान ७ बजेर २१ मिनेटको पुजाको संकल्प साइतमा सुरु गरिएको निशान तथा मौलो पुजा कार्यक्रममा सशस्त्र प्रहरी महानिरीक्षक अर्यालले सशस्त्र प्रहरी बल, नेपालको निशानमा पञ्जाछाप लगाउनुभएको थियो ।

पुजा कार्यक्रममा सशस्त्र प्रहरी बल, नेपालको एक टोलीले निशान भगवती सलामी अर्पण गरेको थियो । सशस्त्र प्रहरी बल, नेपालले बडादशैंको अवसरमा हरेक वर्ष निशान तथा कोतपुजा गर्दै आएको छ ।

त्यसअवसरमा सशस्त्र प्रहरी महानिरीक्षक अर्यालले मौलोपुजा व्यवस्थापनमा उत्कृष्ट कार्यगर्ने सशस्त्र प्रहरी कर्मचारीहरुलाई पगरी तथा नगद पुरस्कार प्रदान गर्नुभएको थियो ।

सशस्त्र प्रहरी महानिरीक्षक राजु अर्यालले नेपालीहरुको महान चाड विजयादशमी र नजिकिदै गरेको शुभ दिपावली, नेपाल संवत् ११४४ र छठपर्व को अवसरमा सम्पूर्ण सशस्त्र प्रहरी कर्मचारी तथा उनीहरुका परिवारजनमा हार्दिक मंगलमय शुभकामना ब्यक्त गर्नुभएको छ ।
उहाँले सशस्त्र प्रहरी बल, नेपाल प्रधान कार्यालयबाट कार्तिक ३ गते शुभकामना दिनुहुँदै संगठनको गर्विलो इतिहासलाई कायम राख्न राज्यले सुम्पिएका जिम्मेवारीहरुलाई त्रुटिरहित ढंगबाट निर्वाह गरी पूर्व मेचीदेखि पश्चिम महाकाली, तराईको गर्मीदेखि उच्च पहाड तथा हिमालको चिसो अनि बिभिन्न शान्ति मिसनमा रहेर अहोरात्र जनताको सुरक्षा, सेवा, सहयोग र उद्धार कार्यमा निरन्तर परिचालित सकल दर्जाका राष्ट्रसेवक सशस्त्र प्रहरी कर्मचारीहरुको सुख, शान्ति, समृद्धि एवं दिर्घायुको कामना गर्नुभयो ।
सशस्त्र प्रहरी महानिरीक्षक अर्यालले राष्ट्र र जनताको सेवा र सुरक्षाका खातिर आफ्नो प्राणको आहुति दिएका अमर सशस्त्र प्रहरीको त्याग तथा योगदान र आफ्ना जीवनका उर्जाशील समय खर्चगरी अहम् भूमिका निर्वाह गर्नुहुने सम्पूर्ण पूर्वज सशस्त्र प्रहरी कर्मचारीहरुको स्मरण गर्नुुहुँदै जिम्मेवारी निर्वाहको क्रममा घाइते तथा अङ्गभङ्ग भएका सशस्त्र प्रहरी कर्मचारीहरुको शिघ्र स्वास्थ्यलाभको कामना समेत गर्नुभयो ।
सशस्त्र प्रहरी महानिरीक्षक अर्यालले चाडपर्वको समयमा समेत नागरिकको सेवा, सुरक्षा, सहयोग र आपद विपद्मा परेकाहरुको उद्धारमा थप जोश, जाँगर, हौसला र वफादारिताका साथ परिचालित हुन सकल दर्जाका सशस्त्र प्रहरी राष्ट्रसेवकहरुलाई निर्देशन समेत दिनुभयो ।
उहाँले संगठन तथा सकल दर्जाको बृहत्तर हित र विकासका लागि विभिन्न योजनाहरु तयार गरी कार्यान्वयमा ल्याइए पश्चात सकारात्मक प्रभाव र परिणामहरु अनुभूत भएको उल्लेख गर्नुहुँदै नयाँ ‘संगठन तथा व्यवस्थापन’ सर्वेक्षण भएपश्चात लामो समयसम्म एउटै दर्जामा बस्नुपर्ने अवस्थाको अन्त्य गर्दै ६ हजार ५ सय भन्दा बढी जनशक्तिको पदोन्नती सम्पन्न भइसकेको र खाली पदहरुमा बढुवा गर्ने क्रममा जारी नै रहेको बताउनुभयो ।
महानिरीक्षक अर्यालले राष्ट्रसेवकहरुको मनोबललाई उच्च बनाई राख्न न्यूनतम आवश्यकताहरुको स्तरोन्नती, विभिन्न कल्याणकारी योजनाहरुमा थप बृद्धि, अस्पतालहरुको स्तरोन्नती, सबै प्रदेशहरुमा सशस्त्र प्रहरी बिद्यालय विस्तार गर्न समिति गठनलगायतका सुधारात्मक कार्यहरुलाई निरन्तरता दिँदै लगिने बताउनुभयो ।
उहाँले चाडपर्वका वेला सजकताकासाथ अझ बढी सक्रिय भई परिचालन हुनुपर्ने बताउनुहुँदै आमजनतामा सुशासनको प्रत्याभूति हुने गरी पूर्ण व्यवसायीक र नैतिकवान भई प्राप्त जिम्मेवारीलाई इमान्दारितापूर्वक निर्वाह गर्न निर्देशन दिनुभयो ।
महानिरीक्षक अर्यालले चाडपर्वको बेला स्वदेश तथा विदेशमा आवतजावत गर्ने नागरिकको सहयोग तथा सुरक्षाका लागि देशका विभिन्न नाकाहरुमा आवश्यकता अनुसार सहायता कक्ष स्थापना भइसकेको र सहायता कक्षहरुमा कार्यरत राष्ट्रसेवकहरुले समकक्षी सुरक्षा निकायसँग समन्वय गरी आम नागरिकमा आईपर्न सक्ने कठिनाई समाधान गर्नका लागि प्रभावकारी ढंगबाट परिचालित हुन निर्देशन दिनुभयो ।  
उक्त शुभकामना सन्देश देशभर रहेका सशस्त्र प्रहरी बल, नेपालका इकाईहरुमा ‘लाइभ भिडियो स्ट्रीमिङ’, इन्ट्रानेट तथा सशस्त्र प्रहरी संचारद्वारा प्रत्यक्ष प्रसारणद्वारा हेर्ने र सुन्ने ब्यवस्था मिलाईएको थियो ।
यसैगरी बडाखाना कार्यक्रममा महानिरीक्षक अर्यालले मित्रराष्ट्र चीनको हाङ्गझाओमा सम्पन्न भएको १९औं एशियाली खेलकुद प्रतियोगिता उत्कृष्ट प्रदर्शन गर्ने नेपाल एपीएफ क्लवका खेलाडीहरु तथा  राष्ट्रिय लोक तथा दोहोरी गीत प्रतिष्ठान नेपाल उपत्यका समन्वय समितिले आयोजना गरेको ‘आठौँ राष्ट्रिय लोक दोहोरी अवार्ड–२०८०’ विजेता नरेश ए.मसी. लगायतका कलाकारहरुलाई प्रशंसापत्र प्रदान गर्नुभएको थियो ।
कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम र बंशीराज दाहाल लगायत सशस्त्र प्रहरी बल, नेपालका बरिष्ठ अधिकृत तथा अधिकृत एवं विल्लादार जवानहरुको उपस्थिती रहेको थियो ।

            नेपाल प्रहरीका प्रहरी महानिरीक्षक बसन्तबहादुर कुँवरले राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा संचालित UNPOL Certified Instructors Development Course Job-Specific Training (JST)  को कार्तिक ०२ गते समापन गर्नुभएको छ ।

            महानिरीक्षक कुँवरले तालिम संचालनको लागि सहयोग पुर्‍याउनुहुने संयुक्त राष्ट्र संघको सचिवालय लगायत सम्बन्धित संघसंस्था र निकायहरुप्रति हार्दिक आभार प्रकट गर्नुहुँदै यस तालिमले अधिकृतहरुको प्रशिक्षकको रुपमा सिकाउने कला र क्षमतालाई बृद्धि गरेको र भविष्यमा शान्ति मिसनमा खटिने अधिकृतहरुको क्षमता अभिबृद्धि गर्न समेत मद्दत पुग्ने विश्वास व्यक्त गर्नुभयो ।

             United Nations Police Division and Integrated Training Service  र The US Department of State Bureau of International Narcotics and Law Enforcement Affairs (INL) को सहकार्यमा सो तालिम संचालन भएको हो । 

            गत असोज १६ गतेबाट संचालन भएको तालिममा बंगलादेश, भुटान, फ्रान्स, भारत, मंगोलिया, नेपाल र श्रीलंका गरी ७ देशका १८ जना प्रशिक्षार्थी अधिकृतहरुको सहभागिता रहेको छ ।

            कार्यक्रममा बिशिष्ट अतिथि चिप्स अफ एसपीसी एनमेरी ओरर, निमित्त संगठन प्रमुख सशस्त्र प्रहरी अतिरिक्त महानिरीक्षक नारायणदत्त पौडेल, प्रहरी अतिरिक्त महानिरीक्षक टेक बहादुर तामाङ्ग, सशस्त्र प्रहरी अतिरिक्त महानिरीक्षकहरु चन्द्रप्रकाश गौतम र बंशीराज दाहाललगायत राष्ट्रिय सशस्त्र प्रहरी बल प्रशिक्षण प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल गिरी, सशस्त्र प्रहरी बल नेपालका बरिष्ठ अधिकृत तथा अधिकृतहरुको उपस्थिती रहेको थियो ।

बडा दशैंलगायतका चाडपर्वहरुको पूर्वसन्ध्यामा सशस्त्र प्रहरी बल नेपालले नेपाल–भारत तथा नेपाल–चीन अन्तर्राष्ट्रिय सीमा जोडिएका सीमावर्ती वडाका वडाध्यक्षहरुसँग शुभकामना आदानप्रदान एवं अन्तरक्रिया कार्यक्रम संचालन गरेको छ ।  
‘सीमाबासीसँग सशस्त्र प्रहरी’ कार्यक्रम सुरुवात गरी सशस्त्र प्रहरी बल नेपालले सीमावर्ती वडाका वडाध्यक्षहरुसँग कार्तिक १ गते शुभकामना आदानप्रदान एवं अन्तरक्रिया कार्यक्रम संचालन गरेको हो । प्रदेशस्थित सशस्त्र प्रहरी बल नेपालको बाहिनी मुख्यालयहरुमा सम्पन्न अन्तरक्रिया कार्यक्रममा बदलिदो सुरक्षा परिवेशमा सीमा सुरक्षा तथा व्यवस्थापनमा सशस्त्र प्रहरी बल नेपालको भूमिका र सम्भाव्यता सम्बन्धमा प्रस्तुतीकरण गरिएको थियो ।
कार्यक्रममा सीमा सुरक्षालाई थप प्रभावकारी बनाउन स्थानीय तह, सीमावर्ती अपराध तथा गैह्र कानूनी क्रियाकलापहरुलाई नियन्त्रण गर्न समुदायको भूमिकाको पहिचानलगायत सीमावर्ती ईलाकाका समुदाय तथा बासिन्दासँग निरन्तर समन्वय, पारस्परिक सहयोग र सूचना आदानप्रदानका उपायहरुको खोजी र कार्यान्वय गर्ने सम्बन्धमा छलफल भएको थियो ।
यसैगरी सशस्त्र प्रहरी अतिरिक्त महानिरीक्षक बंशीराज दाहालको उपस्थितिमा मधेश प्रदेशस्थित नं. २ छिन्नमस्ता बाहिनी मुख्यालय महोत्तरीमा सम्पन्न कार्यक्रममा सो बाहिनीका बाहिनीपति सशस्त्र प्रहरी नायब महानिरीक्षक दिपेन्द्र शाह, सिमावर्ती ईलाकाका सशस्त्र प्रहरी बल नेपालका कार्यालय प्रमुखहरुलगायत सरोकारवाला निकायहरुको उपस्थिती रहेको थियो ।
अतिरिक्त महानिरीक्षक दाहालले सीमा क्षेत्रका जनप्रतिनिधिहरुले भोग्नुपरेको समस्या र सीमानामा भएका समस्याहरु बारेमा जानकारी लिनका लागि कार्यक्रम आयोजना गरिएको बताउनुभयो ।  
कार्यक्रममा नं. २ छिन्नमस्ता बाहिनी मुख्यालयका बाहिनीपति सशस्त्र प्रहरी नायव महानिरीक्षक दीपेन्द्र शाहले सशस्त्र प्रहरी बल, नेपालको औचित्यता प्रष्ट पार्नुहुँदै राज्यद्वारा प्रद्धत्त कार्यादेश मध्ये देशको अन्तर्राष्ट्रिय सीमानाको सुरक्षा उच्च प्राथमिकतामा रहेको बताउनुभयो ।
यसैगरी कोशी प्रदेशस्थित नं. १ बराह बाहिनी मुख्यालय सुनसरीका बाहिनीपति सशस्त्र प्रहरी नायव महानिरीक्षक अञ्जनीकुमार पोख्रेल, नं. ३ गढीमाई बाहिनी मुख्यालय मकवानपुरका बाहिनीपति सशस्त्र प्रहरी नायव महानिरीक्षक लक्ष्मणबहादुर सिंह, नं. ४ मुक्तिनाथ बाहिनी मुख्यालय कास्कीका बाहिनीपति सशस्त्र प्रहरी नायव महानिरीक्षक कालिदास धौबजी, नं. ५ विन्ध्यावासिनी बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक अभिकुमार खत्री र नं. ७ बैद्यनाथ बाहिनी मुख्यालय कैलालीका बाहिनीपति सशस्त्र प्रहरी नायव महानिरीक्षक कुमार न्यौपानेको उपस्थितिमा सीमावर्ती वडाका वडाध्यक्षहरुसँग अन्तरक्रिया कार्यक्रम समेत सम्पन्न भएको छ ।  
कोशी प्रदेशको भारत र चीनसँग सीमा जोडिएको ८३, मधेश प्रदेशको १ सय ४३,  बाग्मती प्रदेशको २३, गण्डकी प्रदेशको १८, लुम्बिनी प्रदेशको ८९ र सुदूरपश्चिम प्रदेशको ७६ वटा वडाका अधिकांश वडाअध्यक्षहरु उपस्थिती रहेको थियो । गण्डकी प्रदेशको मुस्ताङ, मनाङ र गोर्खाका सीमा जोडिएका वडाका वडाध्यक्षहरुसँग प्रत्यक्ष भिडियो मार्फत अन्तरक्रिया गरिएको थियो भने कर्णाली प्रदेशस्थित सीमावर्ती वडाका वडाध्यक्षहरुसँग निकट भविष्यमा अन्तरक्रिया कार्यक्रम गरिने योजना रहेको छ ।
सशस्त्र प्रहरी बल, नेपालले अन्तर्राष्ट्रिय सीमा जोडिएका वडाका वडाध्यक्षहरुको संयोजकत्वमा ३ सय २६ वटा सीमा सहजिकरण समिति गठन गरी कार्य प्रारम्भ भईरहेको र यसलाई थप प्रभावकारी बनाउन ‘सीमाबासीसँग सशस्त्र प्रहरी’ कार्यक्रमको सुरुवात गरिएको हो ।
कार्यक्रममा उपस्थित वडाका वडाध्यक्षहरुले सशस्त्र प्रहरी बल, नेपालको सीमा सुरक्षा व्यवस्थापनमा भएका गतिविधिको सराहना गर्नुहुँदै सीमामा देखा परेका समस्या, स्थानीय जनताले भोग्नुपरेका कठिनाईलगायतका विषयमा जानकारी गराउनु भएको थियो ।

       राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थको १६औं
स्थापना दिवस निमित्त संगठन प्रमुख सशस्त्र प्रहरी अतिरिक्त महानिरीक्षक
नारायणदत्त पौडेलकोे प्रमुख आतिथ्यतामा असोज ३० गते विविध कार्यक्रम गरी
सम्पन्न भएको छ ।
        अतिरिक्त महानिरीक्षक पौडेलले स्थापना दिवसको अवसरमा उत्कृष्ट कार्य
गर्ने सशस्त्र प्रहरी कर्मचारीहरु तथा प्रशिक्षक लगायत प्रतिष्ठानलाई
सहयोग पु¥याउनुहुने विभिन्न संघ संस्थाका महानुभावहरुलाई कदरपत्र,
पुरस्कार र प्रशंसापत्र प्रदान गर्नुभएको थियो ।
        उहाँले दक्ष जनशक्ति उत्पादन गर्न प्रशिक्षण प्रतिष्ठानको भूमिका
उल्लेखनिय रहेको बताउनुहुँदै समयानुकुल परिमार्जीत पाठ्यक्रम अनुसार
संचालन हुने तालिमहरुमा समेत प्रतिष्ठान अझ बढि सत्रृmयताकासाथ लागिरहने
विश्वास व्यक्त गर्नुभयो ।
        अतिरिक्त महानिरीक्षक पौडेलले विभिन्न आधारभूत तथा उन्नत तालिमहरु
मार्फत पेशागत ज्ञान, सिप र नेतृत्व विकास गरी अधिकृत तथा जवानहरुलाई
संगठनको कार्यादेश बमोजिम सवल र सक्षम बनाउँदै आईरहेको चर्चा गर्नहुँदै
विभिन्न इकाईहरुमा संचालन हुने तालिममा दक्ष प्रशिक्षक उत्पादनमा समेत
प्रशिक्षण प्रतिष्ठानको योगदान प्रशंसनीय रहेको बताउनुभयो ।
        कार्यक्रममा प्रशिक्षण प्रतिष्ठानका कार्यकारी निर्देशक सशस्त्र प्रहरी
नायव महानिरीक्षक कमल गिरीले स्थापना दिवस मनाउने कार्यले सशस्त्र प्रहरी
कर्मचारीहरुमा हौसला बृद्धि भएको बताउनुभयो ।
        कार्यक्रममा  स्थानीय जनप्रतिनिधिहरु, बहालवाला तथा भूतपूर्व सशस्त्र
प्रहरी कर्मचारीहरु एवं स्थानीय भद्रभलाद्मीहरुको उपस्थिती रहेको थियो ।

        पर्सा जिल्लाको बीरगंज महानगरपालिका १६ रजतजयन्ती चोकबाट असोज २८ गते
करीव १५ लाख रुपैयाँ बराबरको चोरीपैठारीको सामान बरामद भएकोे छ ।
        विशेष सुचनाको आधारमा सशस्त्र प्रहरी बल नेपाल नं. १३ गण पर्साले सोही
ठाउँ बस्ने समिम मियाको घर भाडामा लिई मुकेश भन्ने व्यक्तिले लुकाई छिपाई
राखेको उल्लेखित मुल्यको लत्ताकपडा, हार्डवेयर तथा मोटर पार्ट्स बरामद
गरेको हो ।
        बरामद सामान बीरगंज भन्सार कार्यालय पर्सामा बुझाईएको छ ।

बाँकेको विभिन्न स्थानबाट सशस्त्र प्रहरी बल नेपाल नं. ३० बागेश्वरी गण तथा गण मातहत युनिटले करीव १६ लाख ५८ हजार रुपैयाँ बराबरको चोरीपैठारीका विभिन्न सामान बरामद गरेको छ ।
सोही जिल्लाको नेपालगंज उपमहानगरपालिका १५ जमुनाहबाट असोज २५ गते भारतबाट अवैध रुपले ल्याउँदै गरेको करीव १० लाख १ हजार रुपैयाँ बराबरको चोरीपैठारीको लत्ताकपडा बरामद गरिएको   हो ।
यसैगरी नेपालगंज उपमहानगरपालिका १६ चौलिका चोकबाट असोज २५ गते करीव ४ लाख ८१ हजार रुपैयाँ बराबरको चोरीपैठारीको सामान बरामद भएको छ ।
भारतबाट अवैध रुपले अटो रिक्सामा राखी नेपालतर्फ ल्याउँदै गरेको उल्लेखित मुल्यको लत्ताकपडा, किराना सामान र सुर्तीजन्य पदार्थ नं. ३० बागेश्वरी गण बाँकेले बरामद गरेको हो ।
त्यस्तै सोही जिल्लाको नेपालगंज उपमहानगरपालिका १४ पिप्रहवाबाट असोज २५ गते करीव १ लाख ६६ हजार ८ सय रुपैयाँ बराबरको चोरीपैठारीको लत्ताकपडा बरामद भएको छ ।
भारतबाट अवैध रुपले २ वटा साईकलमा राखी नेपालतर्फ ल्याउँदै गरेको उल्लेखित मुल्यको लत्ताकपडा नं. ३० बागेश्वरी गण बाँकेले बरामद गरेको हो ।
बरामद सामान आवश्यक कारवाहीको लागि भन्सार कार्यालय जमुनाहमा बुझाईएको छ । 

        माननीय उपप्रधानमन्त्री एवं गृहमन्त्री नारायणकाजी श्रेष्ठले सशस्त्र
प्रहरी बल नेपाल प्रधान कार्यालयमा असोज २७ गते दोश्रो पटक आयोजित ‘एक
दिवसीय स्वजागरण अभियान तथा ध्यान विज्ञान कार्याशाला’को उद्घाटन
गर्नुभएको छ ।
        नेपाल सरकार गृह मन्त्रालय र जीवन बिज्ञान प्रतिष्ठानद्वारा
संयुक्तरुपमा आयोजना गरिएको कार्यक्रममा माननीय उपप्रधानमन्त्री एवं
गृहमन्त्री श्रेष्ठले योग र ध्यानले मानव जीवन तनावमुक्त बनाई दैनिक
गर्ने कामकारवाहीमा एकाग्रता ल्याई परिणाममुखी बनाउन विशेष सहयोग
पु¥याउने बताउनुभयो ।
        उहाँले नियमित योग र ध्यान अभ्यासले हामीले गर्ने दैनिक कार्यमा
सकारात्मक परिणाम ल्याई सुशासनको अभियानलाई अझ बढी प्रभावकारी बनाउन
विशेष भूमिका निर्वाह गर्ने बताउनुभयो ।
        कार्यक्रममा गृहसचिव दिनेश भट्टराई लगायत नेपाल प्रहरी, सशस्त्र प्रहरी
र राष्ट्रिय अनुसन्धान विभागका बरिष्ठ अधिकृत, गृहमन्त्रालयका सहसचिव तथा
गृहमन्त्रालय मातहत पदाधिकारी र कर्मचारीहरुको सहभागिता रहेको थियो ।

        पर्सा जिल्लाको बिरगंज महानगरपालिका १७ स्थित आईसीपी ईलाकाबाट असोज २४
गते सशस्त्र प्रहरीले प्रज्ञापन पत्रमा उल्लेख भएभन्दा बढी र फरक सामान
बोकेको लत्ताकपडासहित ट्रक नियन्त्रणमा लिएको छ ।
        विशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म अलौले बिरगंजबाट काठमाडौतर्फ आउँदै गरेको ना ८ ख ३९७८ नम्बरको माल
वाहक ट्रक नियन्त्रणमा लिएको हो । नियन्त्रणमा लिइएको लत्ताकपडाको भन्सार
प्रज्ञापन पत्रमा भने ९८ लाख ३७ हजार ३ सय ६ रुपैयाँ कायम रहेको छ ।
        नियन्त्रणमा लिइएको ट्रक बरामद लत्ताकपडासहित आवश्यक अनुसन्धानको लागि
राजश्व अनुसन्धान कार्यालय पथलैया बारामा बुझाईएको छ ।

        पर्सा जिल्लाको विरगंज महानगरपालिका ५ रेल्वे मार्गबाट असोज २४ गते करीव
२ लाख ८१ हजार रुपैयाँ बराबरको चोरीपैठारीको लत्ताकपडा र साईकल बरामद
भएको छ ।
        विशेष सुचनाको अधारमा सशस्त्र प्रहरी बल नेपाल नं. १३ गण पर्साले
भारतबाट अवैध रुपले तीन वटा साईकलमा राखी ल्याउँदै गरेको उल्लेखित
मुल्यको लत्ताकपडा बरामद गरेको हो ।
        बरामद लत्ताकपडा तथा साईकल भन्सार कार्यालय विरगंजमा बुझाईएको छ ।

         रौतहट जिल्लाको परोहा नगरपालिका ७ नरकटिया ईलाकाबाट असोज २४ गते
सशस्त्र प्रहरीले करीव २ लाख २६ हजार रुपैयाँ बराबरको विल विजक नभएको
औषधी बरामद गरेको छ ।
        भारतबाट अवैध रुपले ल्याउँदै गरेको उल्लेखित मुल्य बराबरको १ हजार ८ सय
वटा प्रजीसम प्लस ट्याब्लेट भेटनरी औषधी बिओपी सरमजुवाले बरामद गरेको हो
।

        बाँके जिल्लाको जानकी गाउँपालिका २ बन्जाडेगाउँबाट असोज २२ गते सशस्त्र
प्रहरीले करीव ११ लाख ७३ हजार रुपैयाँ बराबरको चोरीपैठारीको विभिन्न
सामानसहित तीन वटा मोटरसाईकल नियन्त्रणमा लिएको छ ।
        भारतबाट अवैध रुपले तीन वटा मोटरसाईकलमा राखी नेपालतर्फ ल्याउँदै गरेको
उल्लेखित मुल्यको लत्ताकपडा, पर्दा, खाद्यान्य तथा किराना सामान नं. ३०
बागेश्वरी गण बाँकेले नियन्त्रणमा लिएको हो । सामान ल्याउने व्यक्ति भने
गस्तीमा रहेको सुरक्षा फौजलाई टाढैबाट देख्नासाथै मोटरसाईकल र सामान छाडी
फरार भएका थिए ।
        बरामद सामान तथा मोटरसाईकल नेपालगंज भन्सार कार्यालय कार्यालय जमुनाह
बाँकेमा बुझाईएको छ ।

        सशस्त्र प्रहरी महानिरीक्षक राजु अर्याल यही असोज २७ देखि ३० गते
(अक्टोवर १४ देखि १७) सम्म संयुक्त राज्य अमेरिकाको San Diego California
मा संचालन हुन गइरहेको International Association of Chiefs of Police
(IACP) Conference मा सहभागी हुन मंगलबार अमेरिका प्रस्थान गर्नुभएको छ ।
        उहाँलाई सशस्त्र प्रहरी अतिरिक्त महानिरीक्षक तथा सशस्त्र प्रहरी बरिष्ठ
अधिकृतहरुले त्रिभुवन अन्तर्राष्ट्रिय बिमानस्थलमा हार्दिक बिदाइ
गर्नुभयो ।
        सशस्त्र प्रहरी महानिरीक्षक अर्यालको साथ सशस्त्र प्रहरी नायव
महानिरीक्षक शम्भु सुवेदी समेत त्यसतर्फ प्रस्थान गर्नुभएको छ ।
        सशस्त्र प्रहरी महानिरीक्षक अर्यालको अनुपस्थितिमा निमित्त
महानिरीक्षकको जिम्मेवारी सशस्त्र प्रहरी अतिरिक्त महानिरीक्षक
नारायणदत्त पौडेलले सम्हाल्नुहुनेछ ।
 

        चाडपर्वलाई लक्षित गरी सशस्त्र प्रहरी बल, नेपालले देशका विभिन्न १ सय
२२ स्थानमा सहायता कक्ष (हेल्प डेस्क) र ३३ स्थानमा स्वास्थ्य कक्ष
(हेल्थ डेस्क) राखेको छ । भारततर्फको सीमावर्ती इलाकामा १ सय २० स्थानमा
र चीनतर्फ २ स्थानमा सहायता कक्ष राखिएको छ भने स्वास्थ्य कक्ष भारततर्फ
३० स्थानमा र चीनतर्फ ३ स्थानमा राखिएको छ ।
        दशैं, तिहार तथा छठ पर्वलाई लक्षित गरेर सीमा इलाकामा नागरिकको सुरक्षित
एवं सहज आवगमनको व्यवस्था मिलाउन तथा आपतविपद्मा परेका नागरिकको उद्वार
कार्यमा सहयोग पु¥याउने अभिप्रायले दुवै देशका सुरक्षाकर्मीसँगको समन्वय
र सहकार्यमा कक्ष राखिएको हो ।
        चाडपर्व लक्षित सहायता कक्ष नं. १ बराह बाहिनी मुख्यालय सुनसरी मातहत
२५, नं. २ छिन्नमस्ता बाहिनी मुख्यालय महोत्तरी मातहत ५३, नं. ३ गढीमाई
बाहिनी मुख्यालय मकवानपुर मातहत २, नं. ४ मुक्तिनाथ बाहिनी मुख्यालय
कास्की मातहत २, नं. ५ विन्ध्यावासिनी बाहिनी मुख्यालय रुपन्देही मातहत
१९, नं. ६ महेश्वरी बाहिनी मुख्यालय सुर्खेत मातहत १ र नं. ७ बैद्यनाथ
बाहिनी मुख्यालय कैलाली मातहत २० स्थानमा राखिएको छ ।
        स्वास्थ्य कक्ष नं. १ बराह बाहिनी मुख्यालय सुनसरी मातहत ४, नं. २
छिन्नमस्ता बाहिनी मुख्यालय महोत्तरी मातहत २२, नं. ३ गढीमाई बाहिनी
मुख्यालय मकवानपुर मातहत ३, नं. ५ विन्ध्यावासिनी बाहिनी मुख्यालय
रुपन्देही मातहत ३, र नं. ७ बैद्यनाथ बाहिनी मुख्यालय कैलाली मातहत १
स्थानमा राखिएको छ ।
        आवश्यक देखिए अन्य स्थानहरुमा समेत सहायता कक्ष र स्वास्थ्य सेवा
कक्षहरु स्थापना गरी सेवा प्रदान गरिने छ । चाडपर्वको बेला सीमा नाकाबाट
आवतजावत गर्ने नागरिकहरुको सुरक्षा, सीमा क्षेत्रमा हुने अवैध गतिविधि,
चोरी डकैती, लुटपाट जस्ता घटनाहरु हुन नदिन, अप्ठ्यारोमा परेका नागरिकको
सहयोग गर्न हेल्प डेस्क राखिएको छ भने सीमा नाकाबाट आवतजावत गर्ने क्रममा
कुनैपनि नागरिकमा स्वास्थ्य समस्या देखिएमा हेल्थ डेस्कमा उपलब्ध
श्रोतसाधनको प्रयोग गरी स्वास्थयकर्मीहरुद्वारा उपचार गर्ने व्यवस्था
मिलाइएको छ ।

        सशस्त्र प्रहरी बल, नेपाल नं. २ छिन्नमस्ता बाहिनी मुख्यालय बर्दिबास,
महोत्तरी र भारतीय सशस्त्र सीमा बल (एसएसबी) मुजफारपुर, बेतिया र
पुर्नियाको सेक्टर हे.क्वा. बीच असोज २२ गते बाहिनी स्तरीय सीमा समन्वय
बैठक सम्पन्न भएको छ ।
        नं. २ छिन्नमस्ता बाहिनी मुख्यालयका बाहिनीपति सशस्त्र प्रहरी नायव
महानिरीक्षक दीपेन्द्र शाह र एसएसबीको मुजफारपुर सेक्टर हे.क्वा.का
डिआइजी दिपक कुमारको नेतृत्वमा बैठक सम्पन्न भएको हो ।
        समन्वय बैठकमा सीमा अपराध, सीमामा हुने अबैध गतिविधि नियन्त्रण तथा
रोकथाम, साम्प्रदायिक एवं धार्मिक सहिष्णुता कायम राख्नको लागि कुनैपनि
किसिमका अवाञ्छित गतिविधि हुन नदिन तथा दशगजा अतिक्रमण हुन नदिन, लागुऔषध
ओसारपसार नियन्त्रण, मानब ओसारपसार तथा बेचबिखन नियन्त्रण लगायतका विषयमा
छलफल भएको थियो ।
        त्यस्तै दुबै पक्षले अन्य सरोकारवाला संघ संस्थाहरुसँग आवश्यक समन्वय
गरी सीमा क्षेत्रमा हुने आर्थिक अपराध नियन्त्रणमा सहकार्य गर्ने तथा
नजिकिदै गरेको चाडपर्वहरुलाई लक्षित गरी सीमावर्ती क्षेत्रमा आवागमन सहज
तथा सुरक्षित बनाउनको लागि हेल्प डेस्क स्थापना कार्यलाई प्रभावकारी
रुपमा संचालन गर्ने विषयहरुमा समेत छलफल भएको थियो ।
        कार्यक्रममा बेतिया सेक्टर हे.क्वा.का डिआइजी सुरेश सुबरमनियम र नं. २
छिन्नमस्ता बाहिनी मुख्यालयका सहायक बाहिनीपति सशस्त्र प्रहरी बरिष्ठ
उपरीक्षक माधव प्रसाद पौडेल लगायत प्रदेशस्थित सशस्त्र प्रहरी बल नेपालका
इकाई प्रमुखहरुको समेत उपस्थिति रहेको थियो ।

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा सि.सं. १
Customs and Border Security (सिनियर अधिकृत) तालिम संचालन भएको छ ।
प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल
गिरीले असोज २२ गते सो तालिमको उद्घाटन गर्नुभएको हो । तालिममा ११ जना
सशस्त्र प्रहरी नायव उपरीक्षक र १६ जना सशस्त्र प्रहरी निरीक्षकसहित कुल
२७ जना अधिकृतहरु प्रशिक्षार्थीको रुपमा सहभागि रहेका छन् ।

सम्माननीय प्रधानमन्त्री पुष्पकमल दाहाल (प्रचण्ड)को प्रमुख आतिथ्यतामा
राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालित
सि.सं. १५ सशस्त्र प्रहरी निरीक्षक आधारभूत तालिम असोज २१ गते सम्पन्न
भएको छ ।
दीक्षान्त समारोहका प्रमुख अतिथि सम्माननीय प्रधानमन्त्री दाहालको
सम्मानमा प्रशिक्षार्थी सशस्त्र प्रहरी निरीक्षकहरुद्वारा सलामी अर्पण
गर्नुकासाथै उहाँ समक्ष ईज्जत अर्पण कवाजसमेत प्रदर्शन गरेका थिए ।
सम्माननीय प्रधानमन्त्री दाहालले तालिममा सर्वप्रथम भएका सशस्त्र प्रहरी
निरीक्षक रोशन घिमिरेलाई खुकुरी प्रदान गर्नुकासाथै कवाज, शारीरिक
सहिष्णुता र चाँदमारीतर्फ उत्कृष्ट प्रशिक्षार्थीहरुलाई समेत पुरस्कार
प्रदान गर्नुभयो ।
उहाँले राष्ट्रप्रेमी जनताको सुरक्षामा महत्वपूर्ण इतिहास बोकेको पवित्र
संगठनमा आवद्ध भई अधिकृत तहको कठिनपूर्ण तालिम समापन गरेकोमा
प्रशिक्षार्थी अधिकृतहरुलाई हार्दिक बधाई दिनुहुँदै राज्यले सुम्पेको
जिम्मेवारीलाई उच्च व्यावसायिकतासाथ अनुशासित र इमान्दारितापूर्वक
निर्वाह गर्न निर्देशन दिनुभयो ।
सम्माननीय प्रधानमन्त्री दाहालले राष्ट्रको सार्वभौमिकता रक्षार्थ
प्रतिकूल मौसम, भौगोलिक विकटता तथा सिमित स्रोतसाधनको बावजुद पनि सशस्त्र
प्रहरीले गरेको उच्चस्तरको कार्यसम्पादनको मुक्तकण्ठले प्रशंसा
गर्नुहुँदै आन्तरिक सुरक्षा, विपद् व्यवस्थापन, महामारी नियन्त्रण र
न्यूनिकरण, राजश्व गस्ती एवं भन्सार सुरक्षाको साथै राष्ट्रिय सुरक्षाको
मूलभुत पक्षहरुमा संगठनले गहन भूमिका निर्वाह गरिरहेको बताउनुुभयो ।
उहाँले सशस्त्र प्रहरी बल नेपालले सम्पादन गर्दै आएको जिम्मेवारीलाई थप
विशिष्टीकृत र प्रभावकारी तुल्याउन सुरक्षाकर्मीको क्षमता अभिबृद्धि,
साधनश्रोतको उपलब्धता, सुदृढ संगठन प्रणाली र व्यवस्थापन महत्वूपर्ण पक्ष
भएको बताउनुहुँदै संगठनलाई आधुनीकरण र व्यवसायिक सुरक्षा निकायका रुपमा
थप विकसित गर्ने कार्यमा नेपाल सरकार सदैव सकारात्मक रहेको बताउनुभयो ।
उहाँले तालिम समापन पश्चात दीक्षित भई कार्यक्षेत्रमा जान लाग्नुभएका
अधिकृतहरुप्रति राज्यले ठूलो आशा र भरोसा राखेको हुँदा जिम्मेवारीका
क्षेत्रहरुमा परिचालित हुँदा कुनै प्रकारको डरत्रास, लोभ तथा प्रलोभन र
गैह्र व्यावसायिक क्रियाकलापमा नपरी तालिममा सिकेको सैद्धान्तिक एवं
व्यवहारिक ज्ञानलाई जनताको सेवा तथा सुरक्षामा इमान्दारितापूर्वक लागु
गर्न निर्देशन समेत दिनुभयो ।
समारोहमा माननीय उपप्रधानमन्त्री एवं गृहमन्त्री नारायणकाजी श्रेष्ठले
सशस्त्र प्रहरी बल नेपालले स्थापनाकालदेखि नै विभिन्न आरोह अवरोहलाई पार
गर्दै कार्यक्षेत्रमा आईपरेका सुरक्षा चुनौतीहरुलाई परास्त गर्दै राज्य र
जनचाहना अनुरुपको सेवा र सुरक्षामा दर्विलो सुरक्षा निकायको रुपमा
आपूmलाई परिचित गराउँदै आएको बताउनुभयो ।
सशस्त्र प्रहरी बल नेपाललाई सीमा सुरक्षार्थ डेडिकेटेड फोर्स बनाउन
अन्तर्राष्ट्रिय मापदण्ड सहितको थप बोर्डर आउट पोष्टहरु (बिओपी)को
स्थापना तथा मौजुदा रहेका बिओपीहरुको समेत स्तरबृद्धि र प्रविधिमैत्री
बनाउँदै लगिने बताउनुहुँदै माननीय उपप्रधानमन्त्री एवं गृहमन्त्री
श्रेष्ठले भन्नुभयो–‘दिर्घकालिन महत्वको उपलब्धीका लागि गृहमन्त्रालयमा
आएका योजना तथा समस्याहरुलाई समाधान गर्न आवश्यकताको पहिचान गरी
प्राथमिकताकासाथ अगाडी बढाउन मन्त्रालयको सदैव सकारात्मक र रचनात्मक
भूमिका रहनेछ ।’


उहाँले सुरक्षा कार्य अत्यन्तै संवेदनशिल र गहन विषय भएको हुँदा बढ्दै
गएको नविनतम सुरक्षा चुनौतीहरुसँगै सुरक्षा फौजको कामकारवाहीहरुमा समेत
इन्फरर्मेसन र मोविलिटीको तालमेल हुनुपर्ने कुरालाई मध्यनजर राख्दै
प्रशिक्षण कार्यलाई समयानुकल थप आधुनिकीकरण र बैज्ञानिक ढंगले अगाडी
बढाउँदै लैजानु पर्ने बताउनुभयो ।
समारोहमा सशस्त्र प्रहरी महानिरीक्षक राजु अर्यालले धन्यवाद ज्ञापनको
क्रममा सम्माननीय प्रधानमन्त्रीज्यूबाट प्राप्त भएको निर्देशन सम्पूर्ण
सशस्त्र प्रहरी कर्मचारीहरु मार्फत कर्तव्यनिष्ठ भई अक्षरश पालना गरिने
बताउनुहुँदै प्रधानमन्त्रीज्यूको गरिमामय समुपस्थिति तथा निर्देशनले
सम्पूर्ण सकल दर्जाका राष्ट्रसेवक सशस्त्र प्रहरी कर्मचारीहरुको हौसला र
मनोवल उच्च भएको बताउनुभयो ।
उहाँले देश र जनताको सेवा, सुरक्षामा कटिवद्ध भई लाग्ने अभिप्रायले
संगठनमा प्रवेश गरी दीक्षित भई कार्यक्षेत्रमा जान लाग्नुभएका
अधिकृतहरुलाई हार्दिक बधाई दिनुहुँदै तालिममा हासिल गरेका सैद्धान्तिक
एवं व्यवहारिक ज्ञानलाई पेशागत जीवनमा अक्षरस पालना गरी कार्यसम्पादनमा
जुट्न निर्देशन दिनुभयो ।
महानिरीक्षक अर्यालले राज्यप्रदत्त विविध जिम्मेवारीका क्षेत्रहरु
विशेषतः सीमा सुरक्षा, देशको आन्तरिक सुरक्षा तथा राजश्व संकलन र विपद्
व्यवस्थापनमा महत्वपूर्ण भूमिका लगायत विशिष्ट व्यक्ति तथा महत्वपूर्ण
प्रतिष्ठानको सुरक्षा, औद्योगिक र रेलवे सुरक्षामा समेत उत्कृष्ट ढंगले
कार्यसम्पादन गर्दै आईरहेको उल्लेख गर्नुभयो ।
        समारोहमा प्रतिष्ठानका कार्यकारी निर्देशक सशस्त्र प्रहरी नायव
महानिरीक्षक कमल गिरीले दीक्षान्त समारोहमा प्रशिक्षार्थी अधिकृतहरुलाई
सपथ ग्रहण गराउनु भएको थियो ।
         करीव ५६ हप्ता अवधिको उक्त आधारभूत तालिम ५ जना महिलासहित कुल ४९ जना
सशस्त्र प्रहरी निरीक्षकहरुले सफलतापूर्वक सम्पन्न गरेका छन् । तालिममा
कवाजतर्फ सशस्त्र प्रहरी निरीक्षक ज्ञानचन्द्र पराजुली, शारिरीक
सहिष्णुतातर्फ सशस्त्र प्रहरी निरीक्षक पुष्कर बहादुर बम र चाँदमारीतर्फ
सशस्त्र प्रहरी निरीक्षक एजन खड्का उत्कृष्ट भएका छन् ।
        दीक्षान्त समारोहमा नेपाली सेनाका रथी, निमित्त प्रहरी प्रमुख, निमित्त
मुख्य अनुसन्धान निर्देशक, अवकाश प्राप्त सशस्त्र प्रहरी महानिरीक्षकहरु,
चन्द्रागिरी नगरपालिकाका प्रमुख, सशस्त्र प्रहरी अतिरिक्त महानिरीक्षकहरु
लगायत विभिन्न क्षेत्रका विशिष्ट महानुभावहरुकासाथै सशस्त्र प्रहरी बल,
नेपालका बरिष्ठ अधिकृतहरु एवं दीक्षित अधिकृतहरुका अभिभावकहरुको समेत
उपस्थिति रहेको थियो ।

        सशस्त्र प्रहरी बल नेपालमा पहिलो पटक सुरक्षा तथा विपद् व्यवस्थापन
अध्ययन अधिस्नातक डिप्लोमा (Post Graduate Diploma in Security and
Disaster Management Studies (PGDSDMS) कोर्ष संचालन भएको छ ।
        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालन
हुने सो कोर्षको सशस्त्र प्रहरी महानिरीक्षक राजु अर्यालले असोज १८ गते
उद्घाटन गर्नुभयो । प्रवेश परीक्षा उत्तिर्ण भई कोर्षमा सहभागी हुन सफल
अधिकृतहरुलाई उहाँले सफलताको शुभकामनासमेत व्यक्त गर्नुभयो ।
        कार्यक्रमका विशेष अतिथि त्रिभुवन विश्वविद्यालय मानविकी तथा
सामाजिकशास्त्र संकायका डिन प्रोफेसर डा.कुशुम शाक्यले नयाँ शैक्षिक
कोर्ष सुरक्षा तथा विपद् व्यवस्थापन अध्ययन अधिस्नातक डिप्लोमा
(PGDSDMS) को थालनी सरहानीय रहेको बताउनुभयो ।
        गुल्मपति तथा स्टाफ तालिमको पाठ्यक्रम समेत समावेश गरी दुई सेमेष्टरमा
संचालन हुने सो कोर्षमा ३४ सशस्त्र प्रहरी निरीक्षकहरु प्रशिक्षार्थीको
रुपमा सहभागी रहेका छन् ।

        सशस्त्र प्रहरी महानिरीक्षक राजु अर्यालले राष्ट्रिय सशस्त्र प्रहरी बल
प्रशिक्षण प्रतिष्ठान मातातिर्थ काठमाडौंमा UNPOL Certified Instructors
Development Course Job-Specific Training (JST) को असोज १६ गते उद्घारटन
गर्नुभएको छ ।
        महानिरीक्षक अर्यालले तालिम संचालनको लागि सहयोग पुर्या उनुहुने
संयुक्त राष्ट्र संघको सचिवालय लगायत सम्बन्धित संघसंस्था र
निकायहरुप्रति हार्दिक आभार प्रकट गर्नुहुँदै राष्ट्रिय सशस्त्र प्रहरी
बल प्रशिक्षण प्रतिष्ठानले तालिमलाई उदाहरणीय रुपमा संचालन गरी स्तरीय
ढंगले अगाडी बढाउने विश्वास व्यक्त  गर्नुभयो ।
         United Nations Police Division and Integrated Training Service  र
The US Department of State Bureau of International Narcotics and Law
Enforcement Affairs (INL)  को सहकार्यमा सो तालिम संचालन गरिएको हो ।
        यही October 19 तारिखसम्म संचालन हुने उक्त तालिममा बंगलादेश, भुटान,
फ्रान्स, भारत, मंगोलिया, नेपाल र श्रीलंका गरी ७ देशका १८ जना
प्रशिक्षार्थी अधिकृतहरुको सहभागिता रहेको छ ।
        कार्यक्रममा प्रहरी अतिरिक्त महानिरीक्षक टेक बहादुर तामाङ्ग, सशस्त्र
प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र
बंशीराज दाहाल लगायत राष्ट्रिय सशस्त्र प्रहरी बल प्रशिक्षण प्रतिष्ठानका
कार्यकारी निर्देशक सशस्त्र प्रहरी नायव महानिरीक्षक कमल गिरी, सशस्त्र
प्रहरी बल नेपालका बरिष्ठ अधिकृत, अधिकृत साथै विल्लादार तथा जवानहरुको
समेत उपस्थिती रहेको थियो ।

सशस्त्र प्रहरी बल नेपाल प्रधान कार्यालयको हाताभित्र पहिलो पटक पानी
प्रशोधन स्थलको निर्माण गरी प्रयोगमा ल्याईएको छ ।
नवनिर्मित पानी प्रशोधन तथा वितरण स्थलको सशस्त्र प्रहरी महानिरीक्षक
राजु अर्यालले मंगलबार उद्घाटन गर्नुभएको हो ।
यस भन्दा अगाडी प्लाष्टिकका बोतल तथा जार खरिद गरी आपुर्ती गरिदै आएको
पिउने पानीलाई निरुत्साहित गर्दै पिउने पानीको गुणस्तरमा शुद्धता एवं
विश्वसनीयता र खर्चमा मितव्ययीता कायम गर्ने अभिप्रायले मुख्यालयमा
पहिलोपटक प्रशोधन स्थलको निर्माण गरी प्रयोगमा ल्याइएको हो ।
मुख्यालयमा कार्यरत सम्पूर्ण कर्मचारीहरुलाई शुद्ध पिउने पानीको व्यवस्था
मिलाउने उद्देश्यले संचालनमा ल्याइएको नवनिर्मित वाटर ट्रिटमेन्ट प्लान्ट
विश्व स्वास्थ्य संगठनको मापदण्ड अनुसारको शुद्ध पिउने पानी प्रशोधन
गर्नेछ ।
प्रति घण्टा १५ सय देखि २ हजार लिटरसम्म पानी शुद्ध पार्ने क्षमता रहेको
वाटर ट्रिटमेन्ट प्लान्टको मासिक रुपमा दक्ष प्राविधिकबाट जाँच
गर्नुकासाथै विश्व स्वास्थ्य संगठनको मापदण्ड अनुसार भए नभएको भनि
त्रैमासिक रुपमा उच्चस्तरीय प्रयोगशालामा समेत परिक्षण गराउने व्यवस्था
मिलाईएको छ ।
मुख्यालय भित्र वाटर डिस्पेन्सर, आवश्यकता अनुसार जार तथा जार सफा गर्ने
मेसिनको समेत व्यवस्था गरिएको छ । अवोप्रान्त सशस्त्र प्रहरी बल नेपालको
मुख्यालयमा बाह्य रुपमा पानी खरिद नगरिने भएको छ ।
यसअघि सशस्त्र प्रहरी बल नेपालको सम्पूर्ण इकाईहरुमा प्लाष्टिकजन्य वस्तु
निषेध गर्ने, केही प्लाष्टिकजन्य सामानको प्रयोग कम गर्दै लैजाने लक्ष्य
अनुरुप वातावरण संरक्षण र सशस्त्र प्रहरी कर्मचारीहरुमा सचेतना अभिबृद्धि
गराई प्लाष्टिजन्य बस्तुको Reduce, Reuse, and Recycle गर्ने नीति लिएको
छ ।

         सिरहा जिल्लाको सिरहा नगरपालिका १८ स्थित तारापट्टिबाट असोज १६ गते
सशस्त्र प्रहरीले करीव ८० लाख रुपैयाँ बराबरको लत्ताकपडा बरामद गरेको छ ।
        भारतबाट अवैध रुपले ल्याई लुकाई छिपाई राखेको भन्ने विशेष सुचनाको
आधारमा सशस्त्र प्रहरी बल नेपाल नं. ७ गण सिरहा र बोर्डर आउट पोस्ट
(बिओपी) लगडिगदियाले उल्लेखित मुल्यको ७८ पोका लत्ताकपडा बरामद गरेको हो।
        स्थानीय वासिको तीन वटा गाई गोठको टहरामा लुकाई राखेको उक्त लत्ताकपडा
कहिले र के प्रयोजनको लागि कस्ले राखेको भन्ने खुल्न सकेको छैन । पछिल्लो
समय नजिकिदै आएको चाडपर्वलाई लक्षित गरी अवैध गतिविधि र तस्करी बढ्न
सक्ने सम्भावनालाई मध्यनजर राख्दै सशस्त्र प्रहरी बल नेपाल विशेष
योजनाकासाथ सीमामा परिचालित भएको छ ।
        बरामद लत्ताकपडा आवश्यक अनुसन्धानको लागि राजश्व अनुसन्धान कार्यालय
ईटहरीमा बुझाईएको छ ।
 

        रुपन्देही जिल्लाको सिद्धार्थनगर नगरपालिका १ डण्डाबाट असोज १४ गते
सशस्त्र प्रहरीले १० लाख भारतीय रुपैयाँसहित तीन जनालाई नियन्त्रणमा
लिएको छ ।
        नियन्त्रणमा लिएकाहरु भारतको महाराजगंज जिल्ला सुनौली ग्रामपंचायत २०
सुनौली बस्ने ३८ वर्षिय राजु कौशल, गोरखपुर जिल्ला हमायुपुर दक्षिण
गोरखपुर बस्ने ४० वर्षिय अभिनव जैसवाल र ३४ वर्षिय आस्तिक त्रिपाठी रहेका
छन् ।
        विशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म डण्डाले बेलहियाबाट भैरहवातर्फ आउँदै गरेको दुई वटा भ्यानमा सवार
उनीहरुको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिएको हो ।
        नियन्त्रणमा लिएका राजु कौशलको साथमा ९ लाख रुपैयाँ तथा अभिनव जैसवाल र
आस्तिक त्रिपाठीको साथमा १ लाख रुपैयाँ फेला परेको थियो ।
        पक्राउ परेका तीनै जनालाई उल्लेखित रुपैयाँसहित आवश्यक कारवाहीको लागि
राजश्व अनुसन्धान कार्यालय बुटवलमा बुझाईएको छ ।

        सशस्त्र प्रहरी परिवार महिला संघको २२औं वार्षिक साधारणसभा असोज १५ गते
विविध विषयमा छलफलका साथ सम्पन्न भएको छ ।
        सो संघकी अध्यक्ष श्रीमती अनिता लामिछाने अर्यालको प्रमुख आतिथ्यमा
सम्पन्न भएको उक्त कार्यक्रममा संघको वार्षिक आय व्यय विवरण समेत
प्रस्तुत गरिएको थियो ।
        कार्यक्रममा लामो समयदेखि संघको कार्य समितिमा रहि आफ्नो अमूल्य योगदान
दिनुभएका पदाधिकारीहरुलाई संघकी अध्यक्ष श्रीमती अनिता लामिछाने अर्यालले
उहाँहरुको योगदानको कदर स्वरुप खादा तथा दोसल्ला ओढाई सम्मान गर्नुकासाथै
मायाको चिनो प्रदान गर्नुभएको थियो ।
        सो अवसरमा संघकी सदस्य सचिव श्रीमती तुलामाया ठाडामगरले संघको वार्षिक
कार्य प्रगति विवरण तथा संघकी कोषाध्यक्ष श्रीमती पुजा राजभण्डारीले
आर्थिक वर्ष २०७९÷०८० को आय व्यय विवरण प्रस्तुत गर्नुभएको थियो ।
        संघको लक्षित उद्देश्य र समाज सेवाको क्षेत्रमा संघबाट भइरहेका उपलब्धि
लगायत विविध विषयमा सो साधारणसभामा छलफल भएको थियो ।
        संघले शिक्षा, स्वास्थ्य, सरसफाइका क्षेत्रहरुमा योगदान पु¥याउनुकासाथै
सेवामूलक एवं जनचेतना मूलक कार्यक्रमहरु संचालन गर्नेदेखि विपद प्रकोपमा
पीडितहरुलाई सहयोग तथा सीमान्तकृत समुदायका बालबालिकाहरुलाई निःशुल्क
आवाशिय सुविधासहितको अध्ययनको व्यवस्था लगायत अन्य विविध कार्यक्रमहरु
संचालन गर्दै आईरहेको छ ।
        सोही अवसरमा संघकी अध्यक्ष श्रीमती अनिता लामिछाने अर्यालले सशस्त्र
प्रहरी परिवार महिला संघले संचालन गरेको आधारभूत सिलाई कटाई तालिम समापन
गर्नुकासाथै तालिम सफलतापूर्वक सम्पन्न गरेका प्रशिक्षार्थीहरुलाई
प्रमाणपत्र समेत प्रदान गर्नुभएको थियो ।
        त्यस्तै संघले यही असोज १० देखि १४ गतेसम्म संघका पदाधिकारीहरुका लागि
संचालन गरेको उद्घोषण तालिमको प्रशिक्षकलाई समेत संघकी अध्यक्ष श्रीमती
अनिता लामिछाने अर्यालले मायाको चिनो प्रदान गर्नुभएको थियो ।
        कार्यक्रममा सशस्त्र प्रहरी परिवार महिला संघका पदाधिकारी तथा
राष्ट्रसेक सशस्त्र प्रहरी कर्मचारीहरुको उपस्थिती रहेको थियो ।

        नगद चोरी फरार रहेका भारत घर बताउने २८ वर्षिय ईरशाद अलीलाई पूर्वी
नवलपरासी जिल्लाको गैडाकोट नगरपालिका १० पितौजीबाट असोज १५ गते सशस्त्र
प्रहरी बल नेपाल नं. ३१  गुल्म पूर्वी नवलपरासीले नियन्त्रणमा लिएको छ ।
        आईतबार साँझ बर्दियाबाट काठमाडौतर्फ आउँदै गरेको भे १ ख ३९३४ नम्बरको
यात्रुवाहक बसको एउटै सिटमा बसेर आएका बर्दियाको बडियाताल बस्ने २३
वर्षिय मधु परियारको नगद ५० हजार रुपैयाँ चोरी गरेर अली फरार भएका थिए ।
        गैडाकोटको कोटिहोम चोक स्थित पूर्व–पश्चिम लोकमार्गमा यात्रुवाहक बसमा
सवार यात्रुहरु ओर्लने क्रममा अली सो रकम चोरी जंगलतर्फ फरार भएका थिए ।
        उक्त रकम हराएको भनि पितौजी स्थित  सशस्त्र प्रहरी बलको हाईवे सुरक्षा
चेकपोष्टलाई  जानकारी गराए पश्चात पूर्व–पश्चिम लोकमार्गमा चल्ने
यात्रुवाहक बसमा जाँच गर्दा गैडाकोटबाट चितवनतर्फ आउँदै गरेको बसबाट
उनलाई चोरिएको नगदसहित हुलियाको आधारमा नियन्त्रणमा लिइएको हो ।
        नियन्त्रणमा लिएका अलीलाई उक्त नगदसहित आवश्यक कारवाहीको लागि प्रहरी
चौकी बेल्डियामा बुझाईएको छ ।

 

        पर्सा जिल्लाको पकहामैनपुर गाउँपालिका १ धोरे स्थित सीमा ईलाकाबाट असोज
१४ गते सशस्त्र प्रहरीले विभिन्न किसिमका लागूऔषध बरामद गरेको छ ।
        भारतबाट अवैध रुपले नेपालतर्फ आउँदै गरेको व्यक्तिले झोलामा बोकी
ल्याउँदै गरेको फेनारगन १ सय २० एम्पुल, डाईजापाम १ सय २० एम्पुल र नोफिन
१ सय २० एम्पुल लागूऔषध बिओपी पकहामैनपुरले बरामद गरेको हो । उक्त
लागूऔषध ल्याउने व्यक्ति भने गस्तीमा रहेको सुरक्षा फौजलाई टाढैबाट
देख्नासाथ फरार भएका थिए ।
        बरामद लागूऔषध ईलाका प्रहरी कार्यालय पोखरियामा बुझाईएको छ ।

         पर्सा जिल्लाको बिरगंज महानगरपालिका १६ स्थित रामगढवाबाट असोज १४ गते
सशस्त्र प्रहरीले करीव १ लाख ७१ हजार रुपैयाँ बराबरको चोरीपैठारीको
लत्ताकपडा र एउटा मोटरसाईकल नियन्त्रणमा लिएको छ ।
        भारतबाट अवैध रुपले ना. ४४ प ४१९३ नम्बरको मोटरसाईकलमा राखी नेपालतर्फ
ल्याउँदै गरेको उक्त लत्ताकपडासहितको मोटरसाईकल नंं. १३ गण पर्साले
नियन्त्रणमा लिएको हो ।
        यसैगरी सोही महानगरपालिका १६ स्थित सीमा ईलाकाबाट असोज १४ गते सशस्त्र
प्रहरीले करीव १ लाख ७९ हजार रुपैयाँ बराबरको चोरीपैठारीको लत्ताकपडा र
एउटा मोटरसाईकल नियन्त्रणमा लिएको छ ।
        बा. २ प ४१०५ नम्बरको मोटरसाईकलमा भारतबाट अवैध रुपले नेपालतर्फ
ल्याउँदै गरेको उल्लेखित मुल्यको लत्ताकपडासहितको मोटरसाईकल प्रस्तावित
सीमा सुरक्षा गुल्म बिरगंजले नियन्त्रणमा लिएको हो ।
        बरामद लत्ताकपडा तथा मोटरसाईकल आवश्यक कारवाहीको लागि बिरगंज भन्सार
कार्यालय पर्सामा बुझाईएको छ ।

रौतहट जिल्लाको गरुडा नगरपालिका ४ गरुडा स्थित अन्सु ट्रेडर्समा असोज ११
गते भएको आगलागी नेपाली सेना, सशस्त्र प्रहरी, नेपाल प्रहरी र स्थानीय
वासिन्दाले दमकलको सहयोगमा नियन्त्रणमा ल्याएको छ ।
        सोही ठाउँ बस्ने राजमान साह कलवारले संचालन गरेको सो ट्रेडर्समा
विद्युतीय तार सर्ट भई आगलागी हुँदा करीव १ करोड रुपैयाँ बराबरको धनमाल
जलेर नष्ट भएको बताईएको छ ।
        सो आगलागी भएको जानकारी प्राप्त हुनासाथै सशस्त्र प्रहरी बल नेपाल
सुरक्षा वेश दुधियाभारबाट खटिएको फौज आगलागी नियन्त्रणमा सकृयताकासाथ
जुटेको थियो । आगलागीबाट फर्निचर तथा ईलेक्ट्रोनिक्सका सामान जलेर नष्ट
भएको बताईएको छ ।

        सप्तरी जिल्लाको विभिन्न ठाउँबाट सशस्त्र प्रहरीले करीव ११ लाख ३५ हजार
रुपैयाँ बराबरको चोरीपैठारीको सामानसहित मोटरसाईकल नियन्त्रणमा लिएको छ ।
        छिन्नमस्ता गाउँपालिका २ मोहनपुरबाट असोज १४ गते करीव ८ लाख रुपैयाँ
बराबरको चोरीपैठारीको रेडियो सेट ( Walkie Talkie) बरामद भएको छ ।
        भारतबाट अवैध रुपले ल्याउँदै गरेको उल्लेखित मुल्यको १ सय वटा Portable
Walkie Talkie Hand Set सशस्त्र प्रहरी बल नेपाल बिओपी छिन्नमस्ताले
बरामद गरेको हो । उक्त सेट ल्याउने व्यक्ति भने गस्तीमा रहेको सुरक्षा
फौजलाई टाढैबाट देख्नासाथै फरार भएका थिए ।
        विशेष गरी सुरक्षाकर्मीले प्रयोग गर्ने रेडियो सेट के प्रयोजनको लागि
ल्याइएको थियो भन्ने खुल्न सकेको छैन ।
        यसैगरी सोही बिओपीले छिन्नमस्ता गाउँपालिका ३ गोबिन्दपुरबाट असोज १३ गते
भन्सार छली ल्याउँदै गरेको १० हजार १ सय २५ रुपैयाँ बराबरको ३ बोरा मैदा
बरामद गरेको हो ।
        त्यस्तै सोही जिल्लाको बलानविहुल गाउँपालिका ४ बेल्ही स्थित सीमा
ईलाकाबाट असोज १२ गते करीव २ लाख २५ हजार रुपैयाँ बरारको चोरीपैठारीको एक
थान प्रिन्टर मेसीन र एउटा मोटरसाईकल नियन्त्रणमा लिइएको छ ।
        भारतीय नम्बर प्लेटको मोटरसाईकलमा राखी नेपालतर्फ ल्याउँदै गरेको
प्रिन्टर मेसीनसहितको मोटरसाईकल बिओपी बेल्हीले नियन्त्रणमा लिएको हो ।
        यसैगरी सोही जिल्लाकै डाक्नेश्वरी नगरपालिका ६ फत्तेपुरबाट असोज १३ गते
करीव १ लाख रुपैयाँ बराबरको एउटा मोटरसाईकल नियन्त्रणमा लिइएको छ ।
        सोही ठाउँमा रोकी राखेको उक्त मोटरसाईकलको कागजपत्र तथा नम्बर प्लेट
समेत नभएको पाईएपछि फरवाड सुरक्षा बेश कटैयाले नियन्त्रणमा लिएको हो ।
        बरामद सामान तथा मोटरसाईकल आवश्यक कारवाहीको लागि राजविराज भन्सार
कार्यालय बेल्ही तिलाठीमा बुझाईएको छ ।

        सुनसरी जिल्लाको बराहक्षेत्र नगरपालिका १ स्थित चतरापुल नजिकै
बराहक्षेत्र जाने सडकखण्डबाट असोज १२ गते सशस्त्र प्रहरीले करीव १ सय २०
के.जी. गाँजा बोकेको सुमो गाडी र मोटरसाईकलसहित ६ जनालाई नियन्त्रणमा
लिएको छ ।
        नियन्त्रणमा लिएकाहरु भारत घर बताउने ३६ वर्षिय महोमद सिराज, २० वर्षिय
अस्ताजु आलम     , १९ वर्षिय नसिम आलम, ५२ वर्षिय ओम प्रकाश रजक, सुनसरी
जिल्लाको देवनागंज गाउँपालिका ५ बस्ने ३१ वर्षिय ओम प्रकाश साह र २०
वर्षिय शिवम साह छन् ।
        बीआर ०२ आर ९९९४ नम्बरको भारतीय सुमो गाडीमा राखी भारततर्फ लैजादै गरेको
उल्लेखित परिमाणको गाँजासहित उनीहरुलाई नं. १ बराह बाहिनी मुख्यालय
सुनसरीले नियन्त्रणमा लिएको हो । भने प्रदेश नं. १–०२–०५० प ६३०४ नम्बरको
मोटरसाईकलले सो गाडीलाई स्कटिङ्ग गरी लैजाँदै गरेको अवस्थामा नियन्त्रणमा
लिएको हो ।
        नियन्त्रणमा लिइएकाहरुलाई बरामद गाँजा, सुमो गाडी र मोटरसाईकलसहित
आवश्यक कारवाहीको लागि जिल्ला प्रहरी कार्यालय सुनसरीमा बुझाईएको छ ।

        सिन्धुपाल्चोक जिल्लाको मेलम्ची नगरपालिका ११ फट्टे स्थित बाटोको छेउमा
लगाएको पर्खालबाट हाम फाली बेपत्ता भएका व्यक्तिको शव सशस्त्र प्रहरीले
असोज १२ गते फेला पारेको छ ।
        सोही जिल्लाको हेलम्बु गाउँपालिका ६ घर भई काठमाडौं महानगरपालिका ६
महांकाल बस्दै आएका ६४ वर्षिय विष्णु प्रसाद गजुरेल असोज ११ गते उक्त
खोलामा हाम फाली बेपत्ता भएका थिए ।
        सो घटनाबारे जानकारी पाउनासाथै उनको खोजीकार्यको लागि सशस्त्र प्रहरी बल
नेपाल सुरक्षा बेश मेलम्चीबाट सशस्त्र प्रहरी नायव उपरीक्षक राजेश
फुयाँलको कमाण्डमा खटिएको सुरक्षा फौजले उनको शव मेलम्चीको ढकालखहरे
स्थित ईन्द्रावती खोलाको बीच भागमा फेला पारेको हो ।

        धनुषा जिल्लाको बिदेह नगरपालिका ९ स्थित खरिहानीबाट असोज १२ गते सशस्त्र
प्रहरीले करीव २ लाख ७८ हजार रुपैयाँ बराबरको चोरीपैठारीको
लत्ताकपडासहितको मोटरसाईकल नियन्त्रणमा लिएको छ ।
        बिआर ३२ यू ६९०४ नम्बरको मोटरसाईकलमा राखेर भारतबाट अबैध रुपले
नेपालतर्फ ल्याउँदै गरेको उल्लेखित मूल्यको लत्ताकपडा नम्बर ८ गण धनुषाले
नियन्त्रणमा लिएको हो ।
        यसैगरी सोही जिल्लाको औरही गाउँपालिका ४ स्थित औरहीबाट असोज १२ गते
सशस्त्र प्रहरीले करीव १ लाख ७० हजार रुपैयाँ बराबरको चोरीपैठारीको
सामानसहितको एउटा मोटरसाईकल नियन्त्रणमा लिएको
 छ ।
        भारतबाट अवैध रुपले ज १० प ६५९० नम्बरको मोटरसाईकलमा ल्याउँदै गरेको
उल्लेखित मुल्यको किराना सामान तथा लत्ताकपडा भन्सार सुरक्षा वेश
जनकपुरले नियन्त्रणमा लिएको हो ।
        नियन्त्रणमा लिईएको सामान तथा मोटरसाईकल जनकपुर भन्सार कार्यालय धनुषामा
बुझाईएको छ ।

        सशस्त्र प्रहरी बल नेपाल दन्तकाली विशेष कार्य तालिम शिक्षालयको २१औं
स्थापना दिवस सशस्त्र प्रहरी महानिरीक्षक राजु अर्यालयको प्रमुख
आतिथ्यतामा असोज १० गते विविध कार्यक्रमसाथ सम्पन्न भएको छ ।
        महानिरीक्षक अर्यालयले स्थापना दिवसको अवसरमा उत्कृष्ट कार्य गर्ने
सशस्त्र प्रहरी कर्मचारीहरु तथा प्रशिक्षक लगायत शिक्षालयलाई सहयोग
पु¥याउनुहुने विभिन्न संघ सस्थाका महानुभावहरुलाई कदरपत्र प्रदान
गर्नुभएको थियो ।
         उहाँले शिक्षालय भनेको सिक्ने र सिकाउने पाठशाला भएको हुँदा अन्य
इकाईहरु भन्दा पृथक र विशेष क्षमता भएको हुनुपर्ने बताउनुहुँदै तालिम
समापन पश्चात कार्यक्षेत्रमा प्रवेश गरेका हरेक सशस्त्र प्रहरी
कर्मचारीहरु आफ्नो कार्यप्रति अनुशासित, इमान्दार र लगनशिल भई अब्बल
सुरक्षा निकायको रुपमा स्थापित गर्न लागि रहनुपर्ने विश्वास व्यक्त
गर्नुभयो ।
        महानिरीक्षक अर्यालले हरेक सशस्त्र प्रहरी कर्मचारीहरु बौद्धिक रुपमा
इमान्दार, नैतिकवान, कर्तव्यनिष्ठ र परिस्थिती अनुरुप निर्णायक क्षमता
राख्ने अधिकृत तथा जवान उत्पादन गर्न सकियो भने देश र जनताले चाहे
अनुरुपको सेवा तथा सुरक्षा प्रदान गर्न सकिने बताउनुहुँदै शिक्षालयमा
कार्यरत प्रशिक्षक वर्गहरुलाई आफ्नो योग्यता, क्षमता र अनुभवलाई
प्रशिक्षण कार्यमा दत्तचित्त भएर लाग्न निर्देशन दिनुभयो ।
        कार्यक्रममा राष्ट्रिय सशस्त्र प्रहरी बल प्रशिक्षण प्रतिष्ठान
मातातिर्थका कार्यकारी निर्देशन सशस्त्र प्रहरी नायव महानिरीक्षक कमल
गिरीले वार्षिकोत्सवको अवसरमा संचाल गरिएका विभिन्न खेलकुद प्रतियोगिताका
विजेता खेलाडीहरुलाई पुरस्कार तथा प्रमाणपत्र प्रदान गर्नुभएको थियो ।
        कार्यक्रममा विभिन्न नगरपालिकाका प्रमुखहरु, गाउँपालिका अध्यक्षहरु,
सप्तरी जिल्लाका प्रमुख जिल्ला अधिकारी, नं. १ र २ बाहिनीका बाहिनीपति,
शिक्षालयका समादेशक, गणपति, विभिन्न संघ संस्थाका महानुभावहरु लगायत
नेपाली सेना, नेपाल प्रहरी र सशस्त्र प्रहरी बल नेपालका अधिकृत तथा
विल्लादार जवानहरुको उपस्थिती रहेको थियो ।

         धादिङ जिल्लाको गजुरी गाउँपालिका ६ स्थित पृथ्वी लोकमार्गबाट असोज ९
गते सशस्त्र प्रहरीले करीव १ करोड २ लाख ६१ हजार रुपैयाँ बराबरको
सामानसहित एउटा ट्रक नियन्त्रणमा लिएको छ ।
        विशेष सुचनाको आधारमा सशस्त्र प्रहरी बल नेपाल विपद् व्यवस्थापन बेश
आदमघाटले कञ्चनपुरबाट काठमाडौतर्फ आउँदै गरेको ना ६ ख ४८८९ नम्बरको
ट्रकमा लोड गरी ल्याउँदै गरेको सामान शंकास्पद देखिएपछि नियन्त्रणमा
लिएको हो ।
        नियन्त्रणमा लिइएको सामानसहित उक्त ट्रक आवश्यक अनुसन्धानको लागि राजश्व
अनुसन्धान विभाग हरिहर भवन ललितपुरमा बुझाईएको छ ।

        बाँके जिल्लाको नेपालगंज उपमहानगरपालिका १५ जमुनाहबाट असोज ७ गते
सशस्त्र प्रहरीले करीव ३ लाख ६३ हजार रुपैयाँ बराबरको चोरीपैठारीको
विभिन्न किसिमका सामान र एउटा अटो नियन्त्रणमा लिएको छ ।
        भारतबाट अवैध रुपले भे १ ह ५७१४ नम्बरको अटो रिक्सामा लोड गरी नेपालतर्फ
ल्याउँदै गरेको उल्लेखित मुल्यको सामान तथा अटो नं. ३० बागेश्वरी गण
बाँकेले नियन्त्रणमा लिएको हो । सो अटोमा ४ वटा अटोको व्याट्री,
सुर्तीजन्य पदार्थ, किराना सामान, लत्ताकपडा लगायतका सामान रहेका छन् ।
        यसैगरी सोही उपमहानगरपालिका १५ जयसपुरबाट करीव १ लाख ७० हजार रुपैयाँ
बराबरको चोरीपैठारीको ८५ वटा काँसको थाल समेत बरामद गरिएको छ ।
        बरामद सामान तथा अटो रिक्सा नेपालगंज भन्सार कार्यालय बाँकेमा बुझाईएको छ ।

        रौतहट जिल्लाको गौर नगरपालिका २ स्थित लालबकैया ईलाकाबाट असोज ६ गते
करीव १ लाख ९८ हजार ६ सय रुपैयाँ बराबरको चोरीपैठारीको लत्ताकपडा र
औषधीहरु सशस्त्र प्रहरीले बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मूल्य बराबरको
सामानको विलविजक नभएको पाईएपछि प्रस्तावित सीमा सुरक्षा गुल्म गौरले
बरामद गरेको हो ।
        यसैगरी सोही जिल्लाको बौधिमाई नगरपालिका ७ स्थित बंकुल ईलाकाबाट करीव १
लाख रुपैयाँ बराबरको चोरीपैठारीको लत्ताकपडा बरामद भएको छ ।
        भारतबाट नेपालतर्फ ल्याउँदै गरेको लत्ताकपडाको विलविजक नभएको पाईएपछि
विओपी सरमजुवाले बरामद गरेको हो ।
        बरामद सामान गौर भन्सार कार्यालय रौतहटमा बुझाईएको छ ।

        सर्लाही जिल्लाको बलरा नगरपालिका ३ लक्ष्मीपुर स्थित सीमा ईलाकाबाट असोज
७ गते सशस्त्र प्रहरीले करीव ३ के.जी. १ सय ८२ ग्राम गाँजासहित एक जनालाई
नियन्त्रणमा लिएको छ ।
        सोही जिल्लाको गोडैता नगरपालिका ११ सिसौटिया बस्ने १७ वर्षिय राजेश
कुमार पटेललाई बिओपी छतौनाले नियन्त्रणमा लिएको हो ।
        नेपालबाट भारततर्फ जाँदै गरेका पटेललाई बीआर ३० एच ६७४५ नम्बरको
मोटरसाईकलको सिट कभरमा लुकाई छिपाई राखेको उल्लेखित परिमाणको गाँजासहित
नियन्त्रणमा लिइएको हो ।
        नियन्त्रणमा लिएका पटेललाई बरामद गाँजा तथा मोटरसाईकलसहित आवश्यक
कारवाहीको लागि ईलाका प्रहरी कार्यालय गडहिया डुमरियामा बुझाईएको छ ।

        कैलाली जिल्लाको धनगढी उपमहानगरपालिका १८ थापाघाट सीमा ईलाकाबाट असोज ६
गते सशस्त्र प्रहरीले करीव १ के.जी. २ सय ६० ग्राम चरेशसहित दुई जनालाई
नियन्त्रणमा लिएको छ ।
        सोही ठाउँ बस्ने २४ वर्षिय केदार बोहरा र २७ वर्षिय सन्तोष बिष्टलाई
बिओपी फुलवारीले नियन्त्रणमा लिएको हो ।
        नेपालबाट भारतर्फ से ५ प ८१४० नम्बरको स्कुटरमा जाँदै गरेका उनीहरुलाई
शंका लागि जाँच गर्दा उनीहरुको साथमा उल्लेखित परिमाणको चरेश जस्तो
देखिने कालो पदार्थ फेला परेको थियो ।
        नियन्त्रणमा लिएका दुवै जनालाई बरामद चरेश तथा स्कुटरसहित आवश्यक
कारवाहीको लागि जिल्ला प्रहरी कार्यालय कैलालीमा बुझाईएको छ ।

        माननीय उपप्रधानमन्त्री एवं गृहमन्त्री नारायणकाजी श्रेष्ठले सशस्त्र
प्रहरी बल नेपाल प्रधान कार्यालयमा असोज ६ गते आयोजित एक दिवसीय स्वजागरण
अभियान तथा ध्यान विज्ञान कार्याशालाको सपमान गर्नुभएको छ ।
        कार्यक्रममा माननीय उपप्रधानमन्त्री एवं गृहमन्त्री श्रेष्ठले
कार्याशाला सफलतापूर्वक सम्पन्न गर्न सहयोग पुर्‍याउनु हुने सवैप्रति
हार्दिक आभार प्रकट गर्नुहुँदै ध्यान र योगाभ्यासले मानिसमा तनव कम गराउन
मद्दत गर्ने बताउनुभयो ।
        उहाँले ध्यान विज्ञानलाई आत्मसाथ गर्न सकियो भने जीवन उपयोगी हुने
उल्लेख गर्नुहुँदै ध्यान सजगता हो, होसको स्थिति हो, विधि र प्रकृया
अनुसार ध्यानको स्थानमा पुग्न सकियो भने यसले जीवन चिन्न र सार्थक
तुल्याउन महत्वपूर्ण भूमिका खेल्ने विश्वास व्यक्त गर्नुभयो ।
        यसअघि आज विहान सम्माननीय राष्ट्रपति रामचन्द्र पौडेलले सो कार्याशालाको
उद्घाटन गर्नुभएको थियो ।
        नेपाल सरकार गृह मन्त्रालय र जीवन विज्ञान प्रतिष्ठानद्वारा
संयुक्तरुपमा आयोजित कार्यक्रममा सम्माननीय राष्ट्रपति पौडेलले योग र
ध्यानलाई तन, मन र वचनकासाथ गर्न सक्यौ भने हामीले गर्ने प्रत्येक
कार्यहरुमा आफुलाई आफैमा अवश्य सन्तुष्टि दिने बताउनुभएको थियो  ।
        कार्यक्रममा सम्माननीय प्रधान न्यायाधीश विश्वम्भरप्रसाद श्रेष्ठ,
नेपाली सेनाका प्रधान सेनापती महारथी प्रभुराम शर्मा, गृहसचिव दिनेश
भट्टराई, प्रहरी महानिरीक्षक बसन्तबहादुर कुंवर, सशस्त्र प्रहरी
महानिरीक्षक राजु अर्याल र राष्ट्रिय अनुसन्धान विभागका मुख्य अनुसन्धान
निर्देशक हुतराज थापा, गृहमन्त्रालयका सहसचिव, उपत्यकास्थित तीन जिल्लाका
प्रमुख जिल्ला अधिकारीहरु, नेपाली सेना, नेपाल प्रहरी तथा सशस्त्र प्रहरी
बल नेपालका बरिष्ठ अधिकृतहरुको सहभागिता रहेको थियो ।

        सम्माननीय राष्ट्रपति रामचन्द्र पौडेलले सशस्त्र प्रहरी बल नेपाल प्रधान
कार्यालयमा असोज ६ गते आयोजित एक दिवसीय स्वजागरण अभियान तथा ध्यान
विज्ञान कार्याशालाको उद्घाटन गर्नुभएको छ ।
        नेपाल सरकार गृह मन्त्रालय र जीवन बिज्ञानद्वारा संयुक्तरुपमा आयोजना
गरिएको कार्यक्रममा सम्माननीय राष्ट्रपति पौडेलले योग र ध्यानलाई तन, मन
र वचनकासाथ गर्न सक्यौ भने हामीले गर्ने प्रत्येक कार्यहरुले आफूलाई
आफैमा अवश्य सन्तुष्ट दिने बताउनुभयो ।
        उहाँले दैनिक जीवनका जुनसुकै कार्य तथा सुख र दुःखका दिनहरुलाई समेत
समान रुपले अगाडी बढ्न योग र ध्यानले अति नै महत्वपूर्ण भूमिका निर्वाह
गर्ने उल्लेख गर्नुहुँदै शरीरलाई स्वस्थ्य र फुर्तिलो बनाई हामीले गर्ने
दैनिक कार्यहरुमा समेत टेवा पुग्ने बिश्वास व्यक्त गर्नुभयो ।
        कार्यक्रममा माननीय उपप्रधानमन्त्री एवं गृहमन्त्री नारायणकाजी
श्रेष्ठले योगाभ्यास, प्राणायाम र उर्जाध्यानको बारेमा प्रकाश
पार्नुहुँदै हामीले गर्ने दैनिक कार्यहरुलाई समेत चुस्त, दुरुस्त र
फलदायी बनाई राख्न यसले महत्वपूर्ण भूमिका निर्वाह गर्ने बताउनुभयो ।
        उहाँले सशस्त्र प्रहरी बल नेपाल प्रधान कार्यालयमा योगाभ्यास र ध्यानको
पहिलो पटक सुरुवात गरिएको बताउनुहुँदै यसलाई विस्तार गर्दै क्रमश देशका
सम्पूर्ण कर्मचारीहरुलाई उपयुक्त समय मिलाएर गराउँदै लैजाने बताउनुभयो ।
        कार्यक्रममा सम्माननीय प्रधान न्यायाधीश विश्वम्भरप्रसाद श्रेष्ठ,
नेपाली सेनाका प्रधान सेनापती महारथी प्रभुराम शर्मा, गृहसचिव दिनेश
भट्टराई, प्रहरी महानिरीक्षक बसन्तबहादुर कुंवर, सशस्त्र प्रहरी
महानिरीक्षक राजु अर्याल र राष्ट्रिय अनुसन्धान विभागका मुख्य अनुसन्धान
निर्देशक हुतराज थापा, गृहमन्त्रालयका सहसचिव, उपत्यकास्थित तीन जिल्लाका
प्रमुख जिल्ला अधिकारीहरु, नेपाली सेना, नेपाल प्रहरी तथा सशस्त्र प्रहरी
बल नेपालका बरिष्ठ अधिकृतहरुको सहभागिता रहेको थियो ।
 

          रौतहट जिल्लाको चन्द्रपुर नगरपालिका ८ स्थित सन्तपुरबाट असोज ४ गते राती
करीव ७ लाख ८० हजार रुपैयाँ बराबरको ईलेक्ट्रोनिक्स सामान सशस्त्र
प्रहरीले बरामद गरेको छ ।
        गौरबाट चपुरतर्फ जाँदै गरेको प्रदेश ३–०३००१ ख ०१२३ र प्रदेश २–०१००६ ख
५४३४ नम्बरको यात्रुवाहक बसको डिकीमा लुकाई छिपाई लैजाँदै गरेको उल्लेखित
मूल्य बराबरको ३ हजार ६ सय ५५ थान एलइडी वाच र ४ सय ९० थान एलइडी लाईटको
विलविजक नभएको पाईएपछि सुरक्षा वेश सन्तपुरले बरामद गरेको हो ।
        बरामद सामान गौर भन्सार कार्यालयमा बुझाईएको छ ।

        सशस्त्र प्रहरी बल नेपाल नं. २० बिपद् उद्धार गण काठमाडौंमा संचालित सि.
सं. ३ फायर फाइटिङ तालिम असोज ५ गते सम्पन्न भएको छ ।
        तालिमको सशस्त्र प्रहरी बल नेपाल नं. ९ पशुपतिनाथ बाहिनी मुख्यालय
काठमाडौंका बाहिनीपति सशस्त्र प्रहरी नायव महानिरीक्षक पुरुषोत्तम थापाको
प्रमुख आतिथ्यतामा अन्तिम प्रवचन कार्यक्रम सम्पन्न भएको हो ।
कार्यक्रममा उहाँले तालिमका उत्कृष्ट प्रशिक्षार्थीहरुलाई पुरस्कार तथा
प्रमाणपत्रसमेत प्रदान गर्नुभयो ।
        सशस्त्र प्रहरी नायव महानिरीक्षक थापाले बढ्दो शहरीकरणसंगै जुनसुकै
स्थानमा हुनसक्ने आगलागी नियन्त्रण तथा धनजनको क्षति न्युनिकरणमा तत्कालै
परिचालन हुनसक्ने दक्ष जनशक्ति उत्पादन र पूर्व तयारी स्वरुप यस प्रकारको
तालिम संचालन गरिएको बताउनुभयो ।
        करीब ४ हप्ता अवधिको तालिम २ जना महिला कर्मचारीसहित कूल ५० जनाले
सफलतापूर्वक सम्पन्न गरेका छन् ।
        कार्यक्रममा प्रशिक्षार्थीहरुले ग्याँस पाईप, रेगुलेटरमा लागेको आगो
नियन्त्रण गर्ने विधी, मानिसको शरीरमा लागेको आगो निभाउने बिधि तथा शहर
बस्ती इलाकामा लागेको आगोलाई दमकलको सहायताले नियन्त्रण गर्ने सम्बन्धी
डेमोस्ट्रेशन गरिएको थियो ।
        तालिममा प्रशिक्षार्थीहरुलाई आगलागी नियन्त्रण गर्दा आवश्यक पर्ने
विभिन्न सामाग्रीहरु, आगलागी नियन्त्रण गर्ने तरिका र चरणहरुको बारेमा
सैद्धान्तिक एवं व्यवहारिक प्रशिक्षण गराइएको थियो  ।
        कार्यक्रममा टोखा नगरपालिकाका प्रशासकिय अधिकृत शेरबहादुर बि.सी.,
त्रिभुवन अन्तर्राष्ट्रिय बिमानस्थल उद्धार तथा अग्नि निवारण महाशाखाका
उपनिर्देशक नारायण राउत, सशस्त्र प्रहरी बल, नेपाल नं. २० विपद् उद्धार
गण काठमाडौंका गणपति सशस्त्र प्रहरी उपरीक्षक पूर्णबहादुर साउद,
बुढानिलकण्ठ नगरपालिका विपद् व्यवस्थापन शाखाका प्रतिनिधि, प्रहरी बृत्त
गौशालाका प्रमुख, काठमाण्डौ महानगरपालिकाका नगर प्रहरी नायव उपरीक्षक,
जुद्ध बारुण यन्त्रको कार्यालयका प्रमुख लगायत स्थानिय जनप्रतिनिधिहरुको
समेत उपस्थिति रहेको थियो ।

        सशस्त्र प्रहरी बल नेपालले असोज ३ गते राती २ बजे बाग्मती नदिबाट एक
ब्यक्तिको  सकुशल उद्धार गरेको छ । काठमाडौको दक्षिणकाली नगरपालिका – ८
कटुवाल दह स्थित बाग्मती नदि किनारबाट सोही वडाको सिम्पानी राई टोल बस्ने
४० बर्षका रामबहादुर लामाको उद्धार गरिएको हो ।
        पानीको बहाव कम भएको बेला नदि पारी गएका लामा बहाव बढेसंगै वारि आउन
नसकी नदि किनारको पहरामा फसेका थिए ।
        सो बारे खबर प्राप्त भएपश्चात सशस्त्र प्रहरी बल नेपाल नं. २० बिपद्
उद्धार उपत्यका गणबाट सशस्त्र प्रहरी निरीक्षक नारायण गुरूङ्गको कमाण्डमा
९ जना र सशस्त्र प्रहरी बल नेपाल नं. १८ निलबाराही गण कीर्तिपुरबाट
सशस्त्र प्रहरी निरीक्षक सन्तोस के.सी.को कमाण्डमा गएको १५ जना सहितको
सुरक्षा फौजले रातको समयमा उनको सकुसल उद्धार गरेको हो ।
        मोटरबोट सहित गएको फौजले रोप रेस्क्यु र अन्य बिधिको प्रयोग गरि उद्धार
गरेपश्चात लामालाई आफन्तको जिम्मा लगाइएको छ ।

        सशस्त्र प्रहरी महानिरीक्षक राजु अर्यालले ‘१९औं एशियाली खेलकुद
प्रतियोगिता’ अन्तर्गत महिला ह्याण्डबलमा सहभागि हुने खेलाडी, प्रशिक्षक
र अफिसियल लगायत बक्सिङ खेलमा सहभागि हुने खेलाडीहरुलाई असोज २ गते
सशस्त्र प्रहरी बल नेपाल मुख्यालयमा आयोजित कार्यक्रमका बीच हार्दिक
बिदाई गर्नुभएको छ ।
        सन् २०२३ सेप्टेम्बर २३ देखि अक्टोबर ८ सम्म चीनको हाङ्गझाओ शहरमा
संचालन हुने एशियाली खेलकुद प्रतियोगिता अन्तर्गत महिला ह्याण्डबलतर्फ
क्याप्टेन बन्दना राईसहित १६ जना र बक्सिङ खेलमा सहभागि हुने एपीएफका ४
जना खेलाडी तथा प्रशिक्षक र अफिसियल गरी जम्मा २३ जनालाई बिदाई गरिएको हो
।
        सशस्त्र प्रहरी महानिरीक्षक अर्यालले खेलकुदले व्यक्तिगत विकासमा टेवा
पुग्ने मात्र नभई समग्र राष्ट्रको समेत पहिचान झल्काउने भएकोले सहभागी
सम्पूर्ण खेलाडीहरुबाट अनुशासित तवरले खेल प्रदर्शन गर्नका साथै राष्ट्र
र समग्र जनताले खेलाडीहरुबाट उत्कृष्ट नतिजाको अपेक्षा राखेको बताउनुभयो
।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्र प्रकाश गौतम र बंशीराज दाहाल लगायत सशस्त्र प्रहरी बल नेपालका
बरिष्ठ अधिकृत, नेपाल ह्याण्ड बल संघका अध्यक्ष बिश्व बम मल्ल तथा संघका
अन्य पदाधिकारीहरुको समेत उपस्थिती रहेको थियो ।

        पर्सा जिल्लाको वीरगंज महानगरपालिका १६ नगवास्थित सीमा ईलाकाबाट असोज
१ गते करीब १० लाख रुपैयाँ बराबरको लत्ताकपडा बरामद भएको छ ।
        विशेष सूचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म वीरगंजले उल्लेखित मूल्यको १० बोरा लत्ताकपडा बरामद गरेको हो ।
        भारतबाट अबैध रुपले १० वटा साईकलमा राखेर नेपालतर्फ ल्याउँदै गरेका
व्यक्ति भने टाढैबाट सुरक्षा फौजलाई देख्नासाथै सोही ठाउँमा लत्ताकपडा
छाडी साईकल लिई फरार भएका थिए ।
        बरामद लत्ताकपडा वीरगंज भन्सार कार्यालय पर्सामा बुझाईएको छ ।

       रौतहट जिल्लाको गरुडा नगरपालिका १ जयनगर ईलाकाबाट असोज १ गते सशस्त्र
प्रहरीले करीव २ लाख २४ हजार रुपैयाँ बराबरको चोरीपैठारीको मोटर
पार्ट्ससहित मोटरसाईकल नियन्त्रणमा लिएको छ ।
        भारतबाट अवैध रुपले बीआर ०५ क्यू ८५१९ नम्बरको मोटरसाईकलमा राखी
ल्याउँदै गरेको उल्लेखित मुल्यको मोटर पार्ट्स  नं. ११ गण रौतहटले
नियन्त्रणमा लिएको हो ।
        नियन्त्रणमा लिइएको मोटर पार्ट्स तथा मोटरसाईकल गौर भन्सार कार्यालय
रौतहटमा बुझाईएको छ ।

        भारतीय नम्बरको कन्टेनरमा फल्स बटम बनाई लुकाई छिपाई लैजाँदै गरेको करीव
९ सय २० के.जी. गाँजासहित सशस्त्र प्रहरीले भाद्र ३१ गते दुई जनालाई
नियन्त्रणमा लिएको छ ।
        नियन्त्रणमा लिएकाहरु भारतको बलरामपुर जिल्ला बिर्तापुर घर बताउने
अन्दाजी ४५ वर्षिय दुलारे यादव र ३६ वर्षिय योगेश वर्मा छन् ।
        विशेष सूचनाको आधारमा सशस्त्र प्रहरी बल नेपाल नं. १४ गण मकवानपुरले
उनीहरुलाई मकवानपुर जिल्लाको हेटौडा उपमहानगरपालिका १० बसपार्क स्थित
पूर्व–पश्चिम लोकमार्गबाट उल्लेखित गाँजासहित नियन्त्रणमा लिएको हो ।
        चितवनको खुरखुरेबाट बिरगंजतर्फ जाँदै गरेको एन.एल. ०१ ए.सी. २१४५
नम्बरको भारतीय कन्टेनरलाई शंका लागि जाँच गर्दा ड्राईभर साईडको भित्तामा
झण्डै दुई फिट चौडाई र ६ फिट लम्बाईको फल्स बटन बनाई लुकाई छिपाई लैजाँदै
गरेको उल्लेखित गाँजा फेला पारेको हो । नियन्त्रणमा लिइएकाहरु सो
कन्टेनरको चालक तथा सहचालक रहेका छन् ।
        नियन्त्रणमा लिइएका दुवै जनालाई बरामद गाँजा तथा कन्टेनरसहित आवश्यक
कारवाहीको लागि जिल्ला प्रहरी कार्यालय मकवानपुरमा बुझाईएको छ ।

        रुपन्देही जिल्लाको रोहीणी गाउँपालिका ५ स्थित तरकुलहवाबाट घरमा लुकाई
छिपाई राखेको अवस्थामा भाद्र ३१ गते सशस्त्र प्रहरीले लत्ताकपडा तथा
सामान बरामद गरेको छ ।
        बिशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म डण्डाले सोही ठाउँ बस्ने दुई जना व्यक्तिको घरमा लुकाई छिपाई
राखेको ३० बोरा लत्ताकपडा र २ पोका प्लाष्टिक लेमिलेशन पेपर बरामद गरेको
हो ।
        बरामद लत्ताकपडा तथा अन्य सामान आवश्यक कारवाहीको लागि भैरहवा भन्सार
कार्यालय बेलहियामा बुझाईएको छ । उल्लेखित सामानको भन्सार दाखिला मुल्य
करीव ३० लाख रुपैयाँ कायम भएको छ ।
 

        बाँके जिल्लाको नेपालगंज उपमहानगरपालिका १६ चौलिका चोकबाट सशस्त्र
प्रहरीले भाद्र २५ गते नियन्त्रणमा लिएको बिलबिजक भन्दा फरक सामान बोकेको
गाडीलाई ३ लाख ८८ हजार ८ सय ६८ रुपैयाँ जरिवाना गरिएको छ । भन्सार
मुल्यांकन भन्दा कम र बिलबिजक भन्दा बढि सामान भेटिएकोले सो गाडीलाई
राजश्व अनुसन्धान कार्यालय कोहलपुरले जरिवाना गरेको हो ।
        भारतको उत्तर प्रदेश जिल्ला बहराईच ठानडाई बस्ने ५३ वर्षिय राजित रामलाई
नं. ३० बागेश्वरी गण बाँकेले भाद्र २५ गते यूपी ४० टि ७५७५ नम्बरको पिकअप
गाडी र बिलबिजक भन्दा फरक हार्डवयरका सामानसहित नियन्त्रणमा लिएर आवश्यक
अनुसन्धानको लागि राजश्व अनुसन्धान कार्यालय कोहलपुरमा बझुाएको थियो ।

         सुनसरी जिल्लाको हरिनगर गाउँपालिका १ मारिया पुल नजिकैबाट भाद्र २८ गते
सशस्त्र प्रहरीले लागूऔषधसहित तीन जनालाई नियन्त्रणमा लिएको छ ।
        नियन्त्रणमा लिएकाहरु सुनसरी जिल्लाको हरिनगर गाउँपालिका ७ बस्ने अल्ताप
आलम, याहया आलम र सोही गाउँपालिका ६ बस्ने अरवाज आलम छन् ।
        सुरक्षा वेश भुटाहाले जाँच गर्दा उनीहरुले बोकेको झोलामा २२ हजार ७ सय
५० वटा ट्रमाडोल हाईड्रोक्लोराई ट्याब्लेट फेला परेपछि नियन्त्रणमा लिएको
हो ।
        नियन्त्रणमा लिएकाहरुलाई बरामद लागुऔषधसहित आवश्यक कारवाहीको लागि
जिल्ला प्रहरी कार्यालय सुनसरीमा बुझाईएको छ ।
 

         नेपाल एपीएफ स्कूल कीर्तिपुरले विविध कार्यक्रमको आयोजना गरी ‘५९औं
राष्ट्रिय वालदिवस २०८०’ मनाएको छ ।
        सशस्त्र प्रहरी परिवार महिला संघकी अध्यक्ष श्रीमती अनिता लामिछाने
अर्यालको प्रमुख आतिथ्यमा भाद्र २९ गते आयोजित वालदिवस कार्यक्रममा सो
स्कूलका विद्यार्थीहरुले विभिन्न गित संगितमा नृत्यकला, गायन तथा लागू
पदार्थ दुव्र्यसनी सम्बन्धी नाटक प्रस्तुत गरेका थिए ।
        संघकी अध्यक्ष श्रीमती लामिछाने अर्यालले कार्यक्रमलाई सम्बोधन
गर्नुकासाथै विभिन्न विधामा उत्कृष्ट नेपाल एपीएफ स्कूलका
छात्रछात्राहरुलाई पुरस्कार तथा प्रमाणपत्र प्रदान गर्नुभएको थियो ।
        कार्यक्रममा सशस्त्र प्रहरी परिवार महिला संघका पदाधिकारीहरु, नेपालको
लागि दक्षिण कोरिया राजदुतावासकी ग्रेस जियोङ, विद्यालयका प्रधानाचार्य,
सशस्त्र प्रहरी बल नेपाल अधिकृत तथा बिल्लादार जवानहरुको समेत उपस्थिती
रहेको थियो ।

रुपन्देही जिल्लाको रोहिणी गाउँपालिका १ सेमरपानी ईलाकाबाट भाद्र २७ गते सशस्त्र प्रहरीले करीव ८ लाख ९० हजार रुपैयाँ बराबरको चोरीपैठारीको लत्ताकपडा र चार वटा मोटसाईकल नियन्त्रणमा लिएको  छ ।
भारतबाट अवैध रुपले चार वटा मोटरसाईकलमा राखेर नेपालतर्फ ल्याउँदै गरेको उल्लेखित मुल्यको लत्ताकपडा प्रस्तावित सीमा सुरक्षा गुल्म डण्डा रुपन्देहीले नियन्त्रणमा लिएको हो ।
नियन्त्रणमा लिएको लत्ताककपडा तथा मोटरसाईकल भैरहवा भन्सार कार्यालय बेलहियामा बुझाईएको  छ ।

        कपिलवस्तु जिल्लाको कपिलवस्तु नगरपालिका १ माल्टादेवीबाट भाद्र २६
गते सशस्त्र प्रहरीले करीव १ लाख ३६ हजार रुपैयाँ बराबरको चोरीपैठारीको
केराउ तथा घासको बिउ बरामद गरेको छ ।
        बेवारिसे अवस्थामा रहेको उल्लेखित मुल्यको ९ बोरा केराउ र ९ बोरा बरसिम
घासको बिउ बिओपी मर्यादपुरले बरामद गरेको हो ।
        बरामद केराउ तथा घासको बिउ सुठौली भन्सार कार्यालय कपिलवस्तुमा बुझाईएको छ ।

       मकवानपुर जिल्लाको हेटौडा उपमहानगरपालिका १५ रातोमाटे स्थित
पूर्व–पश्चिम लोकमार्गबाट भाद्र २७ गते सशस्त्र प्रहरीले करीव ४० के.जी.
गाँजासहित दुई जनालाई नियन्त्रणमा लिएको छ ।
        नियन्त्रणमा लिइएकाहरु चितवन जिल्लाको भरतपुर महानगरपालिका २४ बस्ने ३३
वर्षिय संगम गुरुङ्ग र बारा जिल्लाको कलैयाँ उपमहानगरपालिका २ बस्ने १५
वर्षिय दिपेश यादव छन् । संगम गुरुङ्ग भने सुमोको चालक रहेका छन् ।
        हेटौबाट बिरगंजतर्फ जाँदै गरेको ना १ ज ३६७७ नम्बरको टाटा सुमोमा जाँच
गर्दा उल्लेखित परिमाणको ४ प्याकेट गाँजासहित उनीहरुलाई नंं १४ गण
मकवानपुरले नियन्त्रणमा लिएको हो ।
        नियन्त्रणमा लिईएका दुवै जनालाई बरामद गाँजासहित आवश्यक कारवाहीको लागि
प्रहरी चौकी रातोमाटेमा बुझाईएको छ ।

        रौतहट जिल्लाको यमुनामाई गाउँपालिका ५ गौर चपुर सडकखण्डबाट भाद्र २५ गते
सशस्त्र प्रहरीले करीव १ लाख १३ हजार रुपैयाँ बराबरको जुत्ता बरामद गरेको
छ ।
        प्रदेश ०१–००६ ख २५५७ नम्बरको यात्रुवाहक बसको डिक्कीमा लुकाई छिपाई
ल्याउँदै गरेको उल्लेखित मुल्यको ३९ जोर जुत्ता नं. ११ गण रौतहटले बरामद
गरेको हो ।
        बरामद सामान गौर भन्सार कार्यालय रौतहटमा बुझाईएको छ ।

         बाँके जिल्लाको नेपालगंज उपमहानगरपालिका १५ जमुनाहबाट भाद्र २५ गते
सशस्त्र प्रहरीले ३ लाख नेपाली रुपैयाँसहित एक जनालाई नियन्त्रणमा लिएको
छ ।
        भारत घर बताउने ३० वर्षिय ईस्तियाक अहमदलाई प्रस्तावित सीमा सुरक्षा
गुल्म (बिओपी जमुनाह) बाँकेले नियन्त्रणमा लिएको हो ।
        भारतबाट यूपी ३२ एल.एच. ३७०४ नम्बरको मोटरसाईलमा नेपालतर्फ आउँदै गरेका
अहमदको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिईएको हो ।
        नियन्त्रणमा लिइएका उनलाई बरामद रुपैयाँ र मोटरसाईलकसहित आवश्यक
कारवाहीको लागि नेपालगंज भन्सार कार्यालय बाँकेमा बुझाइएको छ ।
मोटरसाईकलको भन्सार दाखिला मुल्य २ लाख रुपैयाँ रहेको छ ।

        टेक्सास कलेजले गरेको कक्षा ११ तथा १२ का विद्यार्थीहरुलाई स्वागत तथा
विदाई कार्यक्रममा सशस्त्र प्रहरी बल नेपाल सम्बन्धि समेत प्रस्तुतीकरण
गरिएको थियो ।
        भाद्र २६ गते प्रज्ञाभवन कमलादिमा आयोजित कार्यक्रममा सशस्त्र प्रहरी
बरिष्ठ उपरीक्षक राजेन्द्र खड्काले सशस्त्र प्रहरी बल नेपालको औचित्य,
काम कर्तव्य, जिम्मेवारी, सुरक्षा निकायमा सेवा प्रवेश गर्ने विषयमा
प्रस्तुतीकरण गर्नुभएको होे ।
         बरिष्ठ उपरीक्षक खड्काले कलेजका विद्यार्थीहरुले सशस्त्र प्रहरी बल
नेपाल सम्बन्धि राखेका जिज्ञासाहरुको बारेमा समेत प्रष्ट पार्नुभएको थियो
।
        कार्यक्रममा सशस्त्र प्रहरी बल नेपालको तर्फबाट Say no to drugs नामक
चेतनामुलक गितीनाटक समेत प्रदर्शन गरिएको थियो । drugs र यसबाट हुने

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा
संचालित सि.सं. २५ प्राविधिक सशस्त्र प्रहरी अधिकृत तथा अन्य दर्जा
आधारभूत तालिम भाद्र २६ गते समापन भएको छ  ।
        समारोहका प्रमुख अतिथि सशस्त्र प्रहरी महानिरीक्षक राजु अर्यालले
तालिममा सर्वप्रथम, शारिरीक सहिष्णुता र चाँदमारीमा सर्वोत्कृष्ट
हुनुभएका प्राविधिक सशस्त्र प्रहरी निरीक्षक डा. गोपाल कडेल खत्रीलाई
खुकुरी प्रदान गर्नुभयो ।
        महानिरीक्षक अर्यालले तालिम सफलतापूर्वक सम्पन्न गरी कार्यक्षेत्र जान
लाग्नुभएका अधिकृतहरुलाई हार्दिक बधाई दिनुहुँदै स्थापना कालदेखि हालसम्म
संगठनमा आवद्ध सशस्त्र प्रहरी कर्मचारीहरुले देश र जनताको सेवा र
सुरक्षामा बगाएको पसिनाले हामी सबैको शिर उच्च रहेको बताउनुभयो ।
        महानिरीक्षक अर्यालले संगठनको स्वास्थ्य क्षेत्रलाई बिस्तृत, बृहत एवं
सबैको पहुँचमा पुर्‍याउन अभियानकासाथ अघि बढि रहेको बताउनुहुँदै
केन्द्रिय अस्पताललाई समयानुकुल स्तरोन्नती गरिदै लगिएको तथा केही फिल्ड
अस्पताल र ट्रमा सेन्टर संचालनमा रहेको र यसलाई सबै प्रदेश तथा क्षेत्रमा
विस्तार गरिदै लैजाने योजना रहेको बताउनुभयो ।
        बिश्व कोरोना माहामारीबाट आक्रान्त भैरहेको समयमा नेपाल एपीएफ अस्पतालका
चिकित्सक लगायत सम्पूर्ण स्वास्थ्यकर्मीले ज्यानको प्रवाह नगरी संक्रमित
नागरिकहरुलाई पु¥याएको योगदानको सर्वत्र प्रशंसा भएको बताउनुहुँदै
महानिरीक्षक अर्यालले भन्नुभयो–‘प्रशंसा पाउन जति परिश्रम गर्नुपर्छ,
त्यसलाई जोगाएर राख्न त्यो भन्दा बढि परिश्रम गर्नुपर्छ, यो कुरा ख्याल
राख्न जरुरी छ ।’
        उहाँले आफ्ना सन्ततीका लागि धेरै अवसर र गन्तव्यहरु हुँदाहुँदै पनि
त्यसलाई थाँती राख्दै राष्ट्र  सेवाको अविरल यात्रामा समर्पित गर्ने
निर्णयमा पुग्नुहुने सम्पूर्ण अभिभावकहरु प्रति हार्दिक आभार प्रकट
व्यक्त गर्नुभयो ।
        १६ हप्ता अवधिको तालिम स्वास्थ्य सेवा तर्फका प्राविधिक सशस्त्र प्रहरी
निरीक्षक १६ जना र प्राविधिक सशस्त्र प्रहरी नायव निरीक्षक ३७ जना गरी
जम्मा ५३ जनाले सफलतापूर्वक सम्पन्न गरेका छन् ।
        कार्यक्रममा सशस्त्र प्रहरी अतिरिक्त महानिरीक्षकद्वय नारायणदत्त पौडेल
र चन्द्रप्रकाश गौतम लगायत राष्ट्रिय सशस्त्र प्रहरी बल प्रशिक्षण
प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल
गिरी, सशस्त्र प्रहरी बल नेपालका बरिष्ठ अधिकृत, देशका विभिन्न ठाउँबाट
आउनु भएका अभिभावकहरु, सिनियर तथा जुनियर अधिकृतहरुको साथै विल्लादार तथा
जवानहरुको समेत उपस्थिती रहेको थियो ।

       कास्की जिल्लाको पोखरा महानगरपालिका ५ मालेपाटनस्थित कालिका फ्युल
सेन्टरको हाताभित्र विद्युतीय सवारी साधन चार्जिङ स्टेशन संचालन भएको छ ।
        सशस्त्र प्रहरी महानिरीक्षक राजु अर्याल र नेपाल विद्युत प्राधिकरणका
कार्यकारी निर्देशक कुलमान घिसिङले संयुक्त रुपमा नवनिर्मित दुई वटा
अत्याधुनिक चार्जिङ स्टेशनको भाद्र २४ गते उद्घाटन गर्नुभएको  हो ।
        सशस्त्र प्रहरी बल नेपाल कल्याणकारी सेवा केन्द्रद्वारा संचालित सो
फ्युल सेन्टरको हाताभित्र चार्जिङ स्टेशन संचालनमा आएको हो ।
        सशस्त्र प्रहरी बल नेपाल र प्राधिकरण बीच २०७९ साल भाद्र ९ गते चार्जिङ
स्टेशनका लागि समझदारी पत्रमा हस्ताक्षर भएबमोजिम सशस्त्र प्रहरीले
चार्जिङ स्टेशनको सुरक्षा गर्नेछ ।
        कार्यक्रममा नेपाल प्रहरीका गण्डकी प्रदेश प्रमुख प्रहरी नायव
महानिरीक्षक बुद्धि बहादुर गुरुङ्ग, नं. ४ मुक्तिनाथ बाहिनी मुख्यालयका
बाहिनीपति सशस्त्र प्रहरी नायव महानिरीक्षक कालिदास धौवजी, कास्की
जिल्लाका प्रमुख जिल्ला अधिकारी वासुदेव घिमिरे, नेपाल विद्युत प्राधिकरण
गण्डकी प्रादेशिक प्रमुख जगदिश चन्द्र जोशी, नेपाल विद्युत प्राधिकरणका
पदाधिकारीहरु, विभिन्न संघ संस्थाका प्रतिनिधिहरु, जिल्ला स्थित सुरक्षा
निकायका प्रमुखहरु लगायतको उपस्थिती रहेको थियो ।

        सशस्त्र प्रहरी बल नेपालले चीनको सीमातर्फ दार्चुलाको व्याँस
गाउँपालिका वार्ड नं. १ स्थित छयाँलेक तिंकरमा बोर्डर आउट पोष्ट
(बिओपी)को स्थापना गरेको छ ।
        बिओपीको सीमा सुरक्षा विभाग प्रमुख सशस्त्र प्रहरी अतिरिक्त महानिरीक्षक
बंशीराज दाहालले भाद्र २२ गते शुक्रबार उद्घाटन गर्नुभएको हो ।
        दार्चुला सदरमुकामबाट करीव १ सय १२ किलोमिटर उत्तरतर्फ बिओपी स्थापना
भएको हो । सशस्त्र प्रहरी बल, नेपाल नं. ५० गुल्म छाङ्गरु दार्चुलाको
मातहतमा स्थापना भएको बिओपी गुल्मबाट करीव ११ किलोमिटरको दुरीमा रहेको छ
।
        यसअघि सशस्त्र प्रहरी बल नेपालले चीनतर्फ हुम्लाको हिल्सा, मुस्ताङको
नेचुङ्ग, रसुवाको टिमुरे, सिन्धुपाल्चोकको तातोपानी र गुम्बा, दोलाखाको
लामाबगर, संखुवासभाको किमाथाङका, ताप्लेजुङ्गको ओलाङचुङगोला सहित ८
ठाउँमा बिओपी स्थापना गरी सकेको छ । तिंकरमा स्थापना भएको बिओपी सहित
चीनतर्फ ९ वटा र भारततर्फ २ सय ४३ गरी बिओपीको संख्या २ सय ५२ वटा पुगेको
छ ।
        तिंकरमा सशस्त्र प्रहरी निरीक्षकको कमाण्डमा रहने बिओपी स्थापनाको लागि
हेलिकप्टरमा आवश्यक बन्दोबस्ती र जनशक्ति भाद्र १३ गते त्यसतर्फ
पु¥याईएको थियो । सो बिओपीका लागि एउटा भवन निर्माण गरिएको छ । नयाँ
स्थापना भएको बिओपीबाट छिमेकी मुलुकहरु भारतको नाभिडाङ्ग र चीनको
ताक्लाकोट बजार नजिकै पर्दछ ।
कार्यक्रममा दार्चुला जिल्लाका प्रमुख जिल्ला अधिकारी किरण जोशी, सशस्त्र
प्रहरी बल नेपाल नं. ४३ रिजर्व गण कैलाली तथा नं. ४४ गण दार्चुलाका
गणपति, नं. ५० गुल्म छाङ्गरुका गुल्मपति, नेपाल प्रहरी, राष्ट्रिय
अनुसन्धान विभागका जिल्ला स्थित प्रमुखहरु लगायत संचारकर्मी र स्थानीय
वासिन्दाहरुको समेत उपस्थिती रहेको थियो ।

        बाँके जिल्लाको नेपालगंज उपमहानगरपालिका १६ स्थित चौलिका चोकबाट भाद्र
२१ गते सशस्त्र प्रहरीले १ लाख ६४ हजार ६ सय १० रुपैयाँ बराबरको
चोरीपैठारीको लत्ताकपडा, सुर्तीजन्य पदार्थ र किराना सामान बरामद गरेको छ
।
        भारतबाट अवैध रुपले नेपालतर्फ ल्याउँदै गरेको उल्लेखित मूल्यको सामान
नं. ३० बोगश्वरी गण बाँकेले बरामद गरेको हो ।
        बरामद सामान नेपालगंज भन्सार कार्यालय जमुनाहमा बुझाईएको छ ।     
        यसैगरी कपिलवस्तु जिल्लाको शिवराज नगरपालिका ५ चन्द्रौटाचोकबाट भाद्र २१
गते सशस्त्र प्रहरीले करीव १ लाख ९० हजार रुपैयाँ बराबरको चोरीपैठारीको
लत्ताकपडा बरामद गरेको छ ।
        बेवारिसे अवस्थामा रहेको उल्लेखित मूल्यको लत्ताकपडा नं. २८ गण
कपिलवस्तुले बरामद गरेको    हो ।
        बरामद लत्ताकपडा कृष्णनगर भन्सार कार्यालयमा बुझाईएको छ ।

        बाँके जिल्लाको नेपालगंज उपमहानगरपालिका २१ बिर्ताबाट भाद्र २१ गते
सशस्त्र प्रहरीले करीव १६ लाख रुपैयाँ बराबरको बोईलर कुखुराको चल्ला र
पिकअप गाडी नियन्त्रणमा लिएको छ ।
        भे १ च ३५९७ नम्बरको गाडीमा राखेर भारतबाट अवैध रुपले नेपालतर्फ
ल्याउँदै गरेको उल्लेखित मूल्यको ६ हजार वटा बोईलर कुखुराको चल्लासहित
गाडी नं. ३० बागेश्वरी गण बाँकेले नियन्त्रणमा लिइएको हो ।
        नियन्त्रणमा लिइएको चल्ला नेपाल प्रहरी, स्थानीय भद्रभलाद्मी,
पशुक्वारेन्टाईनका कर्मचारी र संचारकर्मीको रोहवरमा नष्ट गरिएको छ भने
गाडी आवश्यक कारवाहीको लागि नेपालगंज भन्सार कार्यालय जमुनाहमा बुझाईएको
छ  ।

        झापा जिल्लाको मेचीनगर नगरपालिका १ तिरिङ्ग दोभानस्थित मेची हाम फालेकी
एक महिलाको सशस्त्र प्रहरीले भाद्र २२ गते सकुशल उद्धार गरेको छ ।
        ईलाम जिल्लाको रोङ्ग गाउँपालिका ६ बस्ने ४० बर्षिया सोमा तामाङ्ग सो
नदिमा हाम फालेको भन्ने जानकारी पाएलगत्तै सशस्त्र प्रहरी बल नेपाल बिओपी
तिरिङ्गबाट खटिएको टोलीले उनको सकुशल उद्धार गरेको हो  । उनलाई आफन्तको
जिम्मा लगाईएको छ ।

        पौडी खेल्ने क्रममा खोलामा डुवेका दुई जना बालिका मध्ये एक जनाको मृत्यु
भएको छ भने एक जनाको सशस्त्र प्रहरीले सकुशल उद्धार गरेको छ ।
        भारतको जिल्ला पश्चिम चम्पारण ईनरुवा ग्राम पञ्चायत ३ बस्ने असलम
अन्सारीकी करीब ९ बर्षिय छोरी आयशा खातुन र अब्दुलाह अन्सारीकी करीब १०
बर्षिय छोरी गुलाव सा खातुन पर्सा जिल्लाको जगरनाथपुर गाँउपालिका २
दसौतीस्थित ओ‌रिया खोलामा भाद्र १९ गते पौडी खेल्ने क्रममा डुवेका थिए ।
        प्रस्तावित सीमा सुरक्षा गुल्म भिखमपुरबाट सीमा ईलाकामा डुयुटीमा खटिएको
टोलीलाई स्थानीय बासिन्दाहरुले सो घटनाबारे जानकारी गराएपछि तत्कालै
उद्धारको लागि गएको टोलीले एक जना बालिकाको सकुशल उद्धार गर्न सफल भएको
हो भने एक जना बालिका मृत अवस्थामा फेला पारेको हो । गुलाव सा खातुनको
घटनास्थलमै मृत्यु भएको हो ।
        सकुशल उद्धार गरिएकी बालिकालाई आफन्तको जिम्मा लगाइएको छ भने मृतक
खातुनको शव पोष्टमार्टमको लागि नारायणी अस्पताल बीरगंज पठाइएको छ ।

बाँके जिल्लाको जानकी गाउँपालिका ५ गहनापुरबाट भाद्र १८ गते सशस्त्र
प्रहरीले करीव २१ हजार रुपैयाँ बराबरको दाउरा लोड गरिएको ट्याक्टरसहित
जानकी गाउँपालिका ४ बस्ने ३० वर्षिय ट्याक्टर चालक हिक्मत अलिलाई
नियन्त्रणमा लिएको छ ।
        भे २ त ५०१४ नम्बरको ट्याक्टरमा लोड गरी राखेको दाउरासहित उनलाई बिओपी
जयसपुर बाँकेले नियन्त्रणमा लिएको हो ।
        नियन्त्रणमा लिइएका अलिलाई बरामद दाउरा तथा ट्याक्टरसहित आवश्यक
कारवाहीको लागि जिल्ला डिभिजन वन कार्यालय बाँकेमा बुझाईएको छ ।

         सशस्त्र प्रहरी बल नेपाल नं. ३० बागेश्वरी गण बाँके तथा गण मातहतका
युनिटहरुले भाद्र १८ गते बाँके जिल्लाको विभिन्न स्थानबाट १२ लाख ९४ हजार
४ सय २५ रुपैयाँ बराबरको चोरीपैठारीको सामान बरामद गरेको छ ।
        नेपालगंज उपमहानगरपालिका १६ चौलिका चोकबाट गणले करीव ३ लाख ३७ हजार ९ सय
२० रुपैयाँ बराबरको लत्ताकपडा, किराना सामान, १ लाख ४९ हजार ६ सय रुपैयाँ
बराबरको हार्डवयरका सामान बरामद गरेको छ ।
        यसैगरी प्रस्तावित सीमा सुरक्षा गुल्म (बिओपी जमुनाह) बाँकेले नेपालगंज
उपमहानगरपालिका १५ जमुनाहबाट १ लाख ६२ हजार ९ सय ६० रुपैयाँ बराबरको
लत्ताकपडा तथा किराना सामान बरामद गरेको छ ।
        नेपालगंज उपमहानगरपालिका १५ पिप्रहवाबाट बिओपी जयसपुर बाँकेले १७ हजार ९
सय रुपैयाँ बराबरको किराना तथा ईलेक्ट्रोनिक्स र लत्ताकपडा, बिओपी बढैयाँ
बाँकेले जानकी गाउँपालिका १ शिवपुरीबाट ५ लाख ५० हजार ७ सय रुपैयाँ
बराबरको लत्ताकपडा र ५० हजार रुपैयाँ बराबरको ५ सय लिटर घरेलु मदिरा
बरामद गरेको छ ।
        यसैगरी बिओपी खडैचा बाँकेले डुडुवा गाउँपालिका १ नयाँ बस्तीबाट ३५ हजार
३ सय ४५ रुपैयाँ बराबको सुर्तीजन्य तथा पेय पदार्थ, किराना सामान र बिओपी
कट्कुईया बाँकेले नरैनापुर गाउँपालिका १ सुईयाबाट ४० हजार रुपैयाँ
बराबरको लत्ताकपडा तथा बिओपी गंगापुर बाँकेले नरैनापुर गाउँपालिका १
मटैयाबाट १३ हजार २ सय रुपैयाँ बराबरको बोईलर कुखुराको मासु बरामद गरेको
छ ।
        बरामद सामान नेपालगंज भन्सार कार्यालय बाँकेमा बुझाईएको छ भने बोईलर
कुखुराको मासु र मदिरा नेपाल प्रहरी, स्थानीय भद्रभलाद्मी र संचारकर्मीको
रोहवरमा नष्ट गरिएको छ ।

        सशस्त्र प्रहरी महानिरीक्षक राजु अर्यालले सशस्त्र प्रहरी नायव
उपरीक्षकमा बढुवा हुनुभएका अधिकृतहरुलाई भाद्र १८ गते प्रधान कार्यालयमा
आयोजित समारोहकाबीच दर्ज्यानी चिन्ह प्रदान गर्नुभएको   छ ।
        नेपाल सरकार गृह मन्त्रालय (सचिवस्तर)को भाद्र १३ गतेको निर्णयले ८४ जना
सशस्त्र प्रहरी निरीक्षकहरु सशस्त्र प्रहरी नायव उपरीक्षकमा बढुवा
हुनुभएको हो ।
        महानिरीक्षक अर्यालले सशस्त्र प्रहरी कर्मचारीहरुको वृत्तिविकासलाई
ध्यान राख्दै संगठनले कदम चालिरहेको बताउनुहुँदै पदोन्नतीसँगै थप भएको
जिम्मेवारीलाई कर्तव्यनिष्ठ र लगनशिल भई त्रुटिरहित ढंगबाट सम्पादन गर्न
निर्देशन दिनुभयो ।
        उहाँले व्यक्तिगत स्वार्थभन्दा माथि उठेर संगठनको गरिमा र छविलाई उच्च
बनाई राख्न निःस्वार्थ भावनाका साथ अघि बढ्नुपर्ने बताउनुहुँदै
कार्यक्षेत्रमा आईपर्ने जस्तोसुकै कठिन परिस्थिती र चुनौतीहरुको समाना
गर्न संगठनका राष्ट्रसेवकहरु एक ढिक्का भएर लाग्नुपर्ने बताउनुभयो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाललगायत सशस्त्र प्रहरी बल नेपालका
बरिष्ठ अधिकृत तथा अधिकृतहरुको उपस्थिती रहेको थियो ।
        यसअघि भाद्र १७ गते सशस्त्र प्रहरी महानिरीक्षक राजु अर्यालले सशस्त्र
प्रहरी उपरीक्षकमा बढुवा हुनुभएका अधिकृतहरुलाई दर्ज्यानी चिन्ह प्रदान
गर्नुभएको थियो ।
        नेपाल सरकार गृह मन्त्रालय (सचिवस्तर)को भाद्र १२ गतेको निर्णयले ५६ जना
सशस्त्र प्रहरी नायव उपरीक्षकहरु सशस्त्र प्रहरी उपरीक्षकमा बढुवा
हुनुभएको हो ।
 

        सशस्त्र प्रहरी महानिरीक्षक राजु अर्यालले भाद्र १७ गते मुख्यालयमा
आयोजित समारोहकाबीच सशस्त्र प्रहरी उपरीक्षकमा बढुवा हुनुभएका
अधिकृतहरुलाई दर्ज्यानी चिन्ह प्रदान गर्नुभएको छ ।
        नेपाल सरकार गृह मन्त्रालय (सचिवस्तर)को भाद्र १२ गतेको निर्णयले
उहाँहरु सशस्त्र प्रहरी नायव उपरीक्षकबाट सशस्त्र प्रहरी उपरीक्षक पदमा
बढुवा हुनुभएको हो ।
        महानिरीक्षक अर्यालले दर्जासँगै थपिएको जिम्मेवारीलाई उच्च मनोवल,
सकरात्मक सोच र हौसलाकासाथ कार्यक्षेत्रमा खटिन निर्देशन दिनुहुँदै
जस्तोसुकै परिस्थिती र चुनौतीहरुको सामना गरी नियम र कानुनको परिधिभित्र
रहि कार्य गर्न निर्देशन दिनुभयो ।
        उहाँले व्यावसायिक जीवनमा खटिईदा देखाएको उत्साह र गरेका हरेक
कार्यहरुको उच्च मुल्यांकन गर्दै पदोन्नती भएको बताउनुहुँदै बढुवा
हुनुभएका अधिकृतहरुलाई हार्दिक बधाई समेत दिनुभएको थियो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाललगायत सशस्त्र प्रहरी बल नेपालका
बरिष्ठ अधिकृत तथा अधिकृतहरुको उपस्थिति रहेको थियो ।

        सशस्त्र प्रहरीले तस्करीको सामान बरामद गरेपछि सामान ल्याउने
व्यक्तिहरुसँग भएको झडपमा परी दुई जना सशस्त्र प्रहरी कर्मचारी र एक जना
स्थानीय घाइते भएका छन् ।
        बाँके जिल्लाको नेपालगंज उपमहानगरपालिका १६ चौलिका चोकबाट भाद्र १४ गते
राती ९.३० बजे नं. ३० बागेश्वरी गण बाँकेको टोलीले चोरीपैठारीको विभिन्न
सामान बरामद गरेको थियो । हार्डवयरका ति सामानको पुरा भन्सार तिरेको
नपाईएपछि सशस्त्र प्रहरीले सामान बरामद गरेको हो तर भन्सार छलिका उक्त
सामान फिर्ता पाउनु पर्छ भनि ल्याउने व्यक्तिहरु र स्थानीय बासिन्दा करीब
१ सयदेखि १२० जना भेला जम्मा भई ड्युटीमा खटिएका सशस्त्र प्रहरीलाई
हुलहुज्जत गरी सामान खोसेर लैजान खोजेका थिए ।
        तत्कालै थप मद्दतको लागि उक्त गण, प्रस्तावित सीमा सुरक्षा गुल्म जमुनाह
र विओपी जयसपुरबाट खटिएको ७१ जनाको सुरक्षा फौजले हुलहुज्जत गर्ने
व्यक्तिहरुलाई सम्झाई बुझाई गरेपश्चात फिर्ता भएकोमा सामान ल्याउने
व्यक्तिहरु पुनः रातको १०ः३० बजे सो स्थानमा आई ड्युटीमा रहेको सशस्त्र
प्रहरी माथि एक्कासी ढुंगामुढा प्रहार गरी भाग्ने क्रममा सोही
उपमहानगरपालिका १४ बस्ने १८ बर्षिय जहित हसमित सामान्य घाइते भएका थिए ।
        ढुंगामुढा प्रहारबाट नं. ३० बागेश्वरी गण बाँकेमा कार्यरत सशस्त्र
प्रहरी सहायक हवल्दार बेदप्रसाद पौडेल र सशस्त्र प्रहरी जवान गणेश बुढा
घाइते भएका छन् । यस्तै ना १ झ. ५७४ नम्वरको गाडीमा क्षति पुग्नुको साथै
केही अस्वभावका साधनहरुमा समेत क्षति पुगेको छ ।
        त्यसवेला सशस्त्र प्रहरीले चोरीपैठारीको हार्डवेयरका सामान, चामल तथा
चिनी बरामद गरेको थियो ।
        बरामद सामान स्थानिय भन्सार कार्यालयमा बुझाउने प्रक्रियामा रहेको छ ।

        नेपाल सरकार गृहमन्त्रालय (माननीय उपप्रधानमन्त्री एवं गृहमन्त्रीस्तर)
को भाद्र ११ गतेको निर्णयले सशस्त्र प्रहरी बरिष्ठ उपरीक्षकमा बढुवा
हुनुभएका बरिष्ठ अधिकृतहरुलाई सशस्त्र प्रहरी महानिरीक्षक राजु अर्यालले
प्रधान कार्यालय हल्चोक स्वयम्भूमा भाद्र १५ गते आयोजित एक समारोहकाबीच
दज्र्यानी चिन्ह प्रदान प्रदान गर्नुभएको छ ।
        सशस्त्र प्रहरी सेवा, साधारण समूह, साधारण उपसमूहतर्फका १२ जना सशस्त्र
प्रहरी उपरीक्षकहरु सशस्त्र प्रहरी बरिष्ठ उपरीक्षक पदमा बढुवा हुनुभएका
हो ।
        महानिरीक्षक अर्यालले व्यावसायीक जीवनमा पदोन्नती महत्वपूर्ण रहने
उल्लेख गर्नुहुँदै व्यावसायीक दक्षता र प्रदर्शन गरेको क्षमताको परिणाम
स्वरुप पदोन्नती भएको बताउनुभयो ।
        उहाँले कार्यक्षेत्रमा परिचालित हुँदा पूर्ण क्षमता, व्यवसायीकता,
इमान्दारिताका साथ जिम्मेवारी निर्वाह गर्न निर्देशन दिनुहुँदै संगठन
स्थापना पश्चात संगठनको साख बृद्धिमा टेवा पु¥याउनुहुने अग्रजहरुको
सम्मान गर्दै संगठनमा फौजी परम्पराको रक्षा गर्नु सवै तहका
राष्ट्रसेवकहरुको दायित्व रहेको उल्लेख गर्नुभयो ।
        महानिरीक्षक अर्यालले भ्रष्टाचार बिरुद्धका कार्यमा शून्य सहनशीलताको
नीति अवलम्बन गरी पेशाप्रति पूर्ण निष्ठावान भई थपिएको पदीय
जिम्मेवारीलाई त्रुटिरहित ढंगबाट निर्वाह गर्न निर्देशन दिनुभयो ।
        कार्यक्रममा सशस्त्र प्रहरी परिवार महिला संघकी अध्यक्ष श्रीमती अनिता
लामिछाने अर्याल, सशस्त्र प्रहरी अतिरिक्त महानिरीक्षकहरु नारायणदत्त
पौडेल, चन्द्रप्रकाश गौतम र बंशीराज दाहाल लगायत सशस्त्र प्रहरी परिवार
महिला संघका पदाधिकारीहरु, सशस्त्र प्रहरी बल नेपालका बरिष्ठ अधिकृत तथा
अधिकृतहरुको उपस्थिती रहेको थियो ।

        कपिलबस्तु जिल्लाको कृष्णनगर नगरपालिका १२ स्थित भगवानपुर भुदई ईलाकाबाट
भाद्र १२ गते करीव २ लाख १० हजार रुपैयाँ बराबरको १० वटा गोलिया काठ
सशस्त्र प्रहरीले बरामद गरेको छ ।
        भारतबाट नेपालतर्फ ल्याई लुकाई छिपाई राखेको उल्लेखित मुल्य बराबरको ६०
क्युफिट सिसौको गोलिया काठ प्रस्तावित सीमा सुरक्षा गुल्म कृष्णनगरले
बरामद गरेको हो ।
        बरामद काठ आवश्यक कारवाहीको लागि सब–डिभिजन बन कार्याल ठाकुरापुरमा
बुझार्ईएको छ ।

        धनुषा जिल्लाको जनकपुर उपमहानगरपालिका १८ स्थित भोएलबाट भाद्र १२ गते १
लाख ७३ हजार २ सय रुपैयाँ बराबरको कपडा तथा भाँडा बर्तन सशस्त्र प्रहरीले
बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मूल्य बराबरको
सामान नं. ८ गण धनुषाले बरामद गरेको हो ।
        बरामद सामान जनकपुर भन्सार कार्यालयमा बुझार्ईएको छ ।

        रुपन्देही जिल्लाको सिद्धार्थनगर नगरपालिका–१ डण्डा इलाकाबाट भाद्र १०
गते सशस्त्र प्रहरीले १ लाख २३ हजार ७ सय रुपैयाँ बराबरको चोरीपैठारीको
विभिन्न सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको
लत्ताकपडा, ईलेक्ट्रिक सामान, मोटरसाइकलका पाटर््स र किराना सामान
प्रस्तावित सीमा सुरक्षा गुल्म डण्डाले बरामद गरेको हो ।
        बरामद सामानहरु भन्सार कार्यालय भैरहवामा बुझाइएको छ ।

        प्राविधिक सशस्त्र प्रहरी नायब उपरीक्षक र सशस्त्र प्रहरी निरीक्षकमा
बढुवा हुनुभएका अधिकृतहरुलाई सशस्त्र प्रहरी महानिरीक्षक राजु अर्यालले
 भाद्र ८ गते मुख्यालयमा आयोजित समारोहकाबीच दर्ज्यानी चिन्ह प्रदान
गर्नुभएको छ ।
        नेपाल सरकार गृह मन्त्रालय (सचिवस्तर) को भाद्र १ गतेको निर्णयले
सशस्त्र प्रहरी सेवा, प्राविधिक समूह, संचार तथा ईन्जिनियरिङतर्फका ३ जना
प्राविधिक सशस्त्र प्रहरी निरीक्षकहरु प्राविधिक सशस्त्र प्रहरी नायव
उपरीक्षकमा र सशस्त्र प्रहरी सेवा, साधारण समूह, साधारण उपसमूहतर्फका ७३
जना सशस्त्र प्रहरी नायब निरीक्षकहरु सशस्त्र प्रहरी निरीक्षक पदमा बढुवा
हुनुभएको हो ।
        त्यसअवसरमा सशस्त्र प्रहरी महानिरीक्षक अर्यालले बढेको दर्जासँगै थपिएको
जिम्मेवारीलाई सकरात्मक सोचका साथ मर्यादा र गरिमा कायम राख्दै आगामी
दिनहरुमा थप उत्प्रेरित भएर उच्च मनोबल र हौसलाका साथ कार्य गर्न
निर्देशन दिनुभयो ।
        उहाँले ज्ञान, सीप, क्षमता र अनुभवको आधारमा जिम्मेवारी थपिएको महसुस
गरी आफ्नो कामप्रति थप उत्तरदायी बनेर पदीय जिम्मेवारीलाई त्रुटिरहित
ढंगबाट सम्पादन गर्नुपर्ने उल्लेख गर्नुभयो ।
        उहाँले संगठनमा उपलब्ध श्रोतसाधनहरुको उच्चतम प्रयोग गर्दै आफु परिचालित
क्षेत्रमा जस्तो सुकै चुनौतीपूर्ण र कठिन परिस्थितिमा समेत कत्तिपनि
बिचलित नभई नियम र कानूनको परिधिभित्र रहेर संगठनको हित र बृहत्तर
विकासमा योगदान पुर्‍याउनुपर्ने बताउनुभयो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाललगायत सशस्त्र प्रहरी बल नेपालका
बरिष्ठ अधिकृत तथा अधिकृतहरुको उपस्थिति रहेको थियो ।

       अबिरल बर्षाका कारण डुबानमा परेका बाँके जिल्लाको नेपालगंज
उपमहानगरपालिका २० गायत्रीनगरस्थित सकुम्बासी बस्तीका बासिन्दाहरुलाई
सशस्त्र प्रहरीले उद्धार गरी सुरक्षित स्थानमा सारेको छ ।
        भाद्र ८ गते विहान बस्ती डुवानमा परी मानिसहरु बाहिर निस्कन नकसेको
भन्ने खबर प्राप्त भएपछि सुरक्षा बेस राँझाबाट आवश्यक उद्धार
सामाग्रीसहित सशस्त्र प्रहरीको टोली खटिएको थियो ।
        उद्धार टोलीले सो स्थानका ४ घरपरिवारका व्यक्तिहरुलाई उद्धार गरी
सुरक्षित स्थानमा सार्नुका साथै घरका सरसामानहरु समेत सुरक्षित स्थानमा
सारेको हो ।

        सशस्त्र प्रहरी बल, नेपाल नं. ५ बिन्ध्यावासिनी बाहिनी मुख्यालय
रुपन्देहीको छैठौं स्थापना दिवस सशस्त्र प्रहरी महानिरीक्षक राजु
अर्यालयको प्रमुख आतिथ्यतामा विविध कार्यक्रम गरी सम्पन्न भएको छ ।
        पाँच बर्ष पूरा गरी छैठौं बर्षमा प्रवेश गरेको उपलक्ष्यमा भाद्र ७ गते
बाहिनी मुख्यालयमा आयोजित कार्यक्रममा सशस्त्र प्रहरी महानिरीक्षक राजु
अर्यालयले स्थापना दिवसको अवसर पारेर बाहिनी मुख्यालयमा आयोजना गरिएको
व्यवसायिक प्रतियोगिता, खेलकुद तथा हाजिरी जवाफ प्रतियोगितामा प्रथम भएको
समूह तथासूहका कर्मचारीहरुलाई प्रमाणपत्र, मेडल तथा शिल्ड तथा बाहिनीको
कामकारवाहीमा उत्कृष्ट कार्यगर्ने कर्मचारीहरुलाई प्रशंसापत्र प्रदान
गर्नुका साथै अमर सशस्त्र प्रहरी परिवारका सदस्यहरुलाई सम्मान गर्नुभयो ।
        उहाँले बाहिनीले आफ्नो जिम्मेवारी इलाकामा शान्ति सुरक्षा अमन चयन काय
राख्न तथा अपत्विपद्मा परेकाहरुको उद्धार तथा राहत कार्य प्रशंसा योग्य
रहेको चर्चा गर्नुहुँदै आगामी दिनमा समेत अझ उत्कृष्ट कार्य क्षमता
प्रदर्शन गरी जनताको मन जित्न सफल हुने विश्वास व्यक्त गर्नुभयो ।
        कार्यक्रममा शिबराज नगरपालिका प्रमुख अजय थापाले सशस्त्र प्रहरी बल,
नेपालले प्रदर्शन गरेको कार्य क्षमता तथा सीमा सुरक्षामा देखाएको तत्परता
प्रशंसायोग्य रहेको बताउनुभयो । कार्यक्रममा बाहिनीपति अभिकुमार खत्रीले
धन्यवाद ज्ञापन गर्नुभएको थियो ।
         स्थापना दिवस कार्यक्रममा रुपन्देही जिल्लाका प्रमुख जिल्ला अधिकारी
भरतमणी पाण्डे, लुम्बिनी प्रदेशस्थित सशस्त्र प्रहरी बल, नेपालका
कार्यालय प्रमुखहरु, नेपाली सेना, नेपाल प्रहरीका इकाई प्रमुखहरु तथा
प्रदेश सरकारका पदाधिकारीहरुलगायत अमर सशस्त्र प्रहरीका परिवारजन, अवकाश
प्राप्त तथा बहालवाला सशस्त्र प्रहरी कर्मचारीहरु एवं स्थानीय
भद्रभलादमीहरुको समेत उपस्थिती रहेको थियो ।
        साथै सशस्त्र प्रहरी महानिरीक्षक राजु अर्यालले सो बाहिनी अन्तर्गतका
इकाईहरुको निरीक्षण भ्रमण समेत गर्नुभई त्यहाँबाट भएगरेका कामकारवाहीबारे
जानकारी लिनुभएको छ ।
        महानिरीक्षक अर्यालयले भाद्र ७ गते नै सशस्त्र प्रहरी बल, नेपाल नं. २८
गण कपिलवस्तु र बीओपी मर्यादपुरको निरीक्षण भ्रमण गर्नुभएको हो । उहाँले
निरीक्षण भ्रमणको क्रममा त्यहाँ कार्यरत सकल दर्जाका राष्ट्रसेवक
कर्मचारीहरुलाई अनअपेक्षा अनुसार त्रुटिरहित ढंगबाट कार्यसम्पादन गर्न
निर्देशन दिनुभयो ।
        यसअघि भाद्र ६ गते सशस्त्र प्रहरी बल नेपाल नं. ३ गढीमाई बाहिनी
मुख्यालय मकवानपुरको छैठौं स्थापना दिवससशस्त्र प्रहरी महानिरीक्षक राजु
अर्यालको प्रमुख आतिथ्यतामा सम्पन्न भएको थियो ।

         ईलाम जिल्लाको सुर्योदय नगरपालिका २ चारमाईलस्थित सीमा ईलाकाबाट करीव १
लाख ७६ हजार ६ सय रुपैयाँ बराबरको चोरीपैठारीको सामान सशस्त्र प्रहरीले
भाद्र ६ गते बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको ५
कार्टुन कुरकुरे, कस्मेटिक तथा इलेक्ट्रोनिक सामान प्रस्तावित सीमा
सुरक्षा गुल्म पशुपतिनगरले बरामद गरेको हो ।
        बरामद सामान पशुपतिनगर भन्सार कार्यालय ईलाममा बुझाईएको छ ।

      सर्लाही जिल्लाको बलरा नगरपालिका–१ छन्कीस्थित सीमा ईलाकाबाट ३ केजी ३
सय ग्राम गाँजासहित एउटा मोटरसाईकल सशस्त्र प्रहरीले भाद्र ७ गते
नियन्त्रणमा लिएको छ ।
        बीआर ०६ बीए ०५३२ नम्बरको भारतीय मोटरसाईकलमा नेपालबाट भारतर्फ जाँदै
गरेको व्यक्तिले गस्तीमा रहेको बिओपी छतौनाको टोलीलाई टाढैबाट देख्नासाथ
मोटरसाइकल र गाँजा सोही ठाउँमा छाडी फरार भएका थिए ।
        नियन्त्रणमा लिइएको गाँजा र मोटरसाइकल ईलाका प्रहरी कार्यालय गडहियामा
बुझाइएको छ ।

बारा जिल्लाको जितपुर सिमरा उपमहानगरपालिका–२२ स्थित पूर्वपश्चिम
लोकमार्गमा भाद्र ७ गते बिहान भएको सवारी दुर्घटनामा मृत्यू तथा घाइते
भएकाहरुको खोजी तथा उद्धार कार्य गर्दै सशस्त्र प्रहरी बल, नेपाल सुरक्षा
बेस जितपुर ।
         काठमाडौंबाट जनकपुरतर्फ जाँदै गरेको मधेश प्रदेश ०३–००१ ख ७९९४ नम्बरको
यात्रुवाहक बस अनियन्त्रित भई सडकबाट करीव ३० मिटर तल खोलामा खसेको थियो

२०८० साल भाद्र ६ गते धादिङ्ग जिल्लाको गजुरी गाउँपालिका-२ चालिसेस्थित काठमाण्डौबाट पर्वत, म्याग्दी, बेनीतर्फ जादै गरेको प्रदेश ३-०१-००५ ख ९९५२ नं. को यात्रुबाहक बस अनियन्त्रित भई पृथ्वीलोकमार्गबाट करीब ४० मिटर तल त्रिशुली नदीमा दुर्घटनाग्रस्त बसमा उद्धार तथा खोजी कार्य गर्दै सशस्त्र प्रहरी ।

        सुनसरी जिल्लाको कोशी गाउँपालिका ८ कोशी व्यारेजस्थित कोशी नदिमा
बेपत्ता भएका व्यक्तिको शव सशस्त्र प्रहरीले भाद्र ४ गते फेला पारेको छ ।
        भारत घर भएका १९ वर्षिय अमर कुमार मेहता कोशीको पूर्वपट्टि रहेको
कुशेश्वर मन्दिर दर्शन गरी कोशी नदिको किनारमा नुहाउने क्रममा डुवेर
बेपत्ता भएको बताईएको छ ।
        सो घटनाबारे जानकारी पाउनासाथै प्रस्तावित सीमा सुरक्षा गुल्म हरिपुरबाट
खटिएको गोताखोरसहितको टोलीले उनको शव करीव २५ फिट पानीको गहिराईबाट बाहिर
निकालेको हो ।

        चोरी गरी बोरामा हालेर भारततर्फ लैजाँदै गरेको अवस्थामा दुई जना
बालबालिकासहित सशस्त्र प्रहरीले भाद्र ३ गते एक जनालाई नियन्त्रणमा लिएको
छ ।
         बीओपी दक्षिणझिट्कैयाले बारा जिल्लाको देवताल गाउँपालिका ३ अमुवाबाट
भारतको पूर्वीचम्पारण मुर्तिया ग्रामपन्चायत ४ आधारपुर घर भएका २२ बर्षिय
ताबरेज आलमलाई नियन्त्रणमा लिएको हो ।
        चोरी भएका बालबालिका सोही गाँउपालिका ३ नन्की अमुवा बस्ने शिवपुजन
महत्तोको ९ महिनाकी छोरी लक्ष्मी महत्तो र प्रेमचन्द महत्तोको २ बर्षिय
छोरा सत्यमकुमार महत्तोको उद्धार गरिएको हो ।
        सीमावर्ती ईलाकामा गस्तीमा खटिएको सशस्त्र प्रहरीले बालबालिका रोएको
आवाज सुनेपछि आलमले बोकेको बोराभित्र जाँच गर्दा दुई जना बालबालिका फेला
परेका थिए ।
        उद्धार गरिएका बालबालिकालाई अभिभावकको जिम्मा लगाइएको छ भने नियन्त्रणमा
लिइएका आलमलाई आवश्यक कारवाहीको लागि स्थानीय प्रहरीमा बुझाइएको छ ।

        रसुवा जिल्लाको गोसाईकुण्ड गाउँपालिका २ रसुवागढी ईलाकाबाट भाद्र १ गते
सशस्त्र प्रहरीले करीव ३६ लाख २५ हजार रुपैयाँ बराबरको मदिरा तथा
सुर्तीजन्य पदार्थसहित एउटा ट्रक नियन्त्रणमा लिएको छ ।
        चीनबाट नेपालतर्फ ल्याउँदै गरेको उल्लेखित मुल्यको ७ सय २५ पेटी चुरोट र
विभिन्न ब्राण्डका ३ सय १२ बोतल मदिरासहित ना २ ख ९४०२ नम्बरको मालबाहक
ट्रक नं. २० गुल्म रसुवाले नियन्त्रणमा लिएको हो ।
        नियन्त्रणमा लिइएको ट्रक मदिरा तथा सुर्तीजन्य पदार्थसहित रसुवा भन्सार
कार्यालय टिमुरेमा बुझाईएको छ ।

         कपिलवस्तु जिल्लाको कपिलवस्तु नगरपालिका ५ गोटिहवाबाट भाद्र ३ गते
सशस्त्र प्रहरीले करीव ८ लाख ६२ हजार रुपैयाँ बराबरको चोरीपैठारीको सामान
बरामद गरेको छ ।
        भारतबाट अवैध रुपले ल्याई लुकाई छिपाई राखेको भन्ने विशेष सूचनाको
आधारमा बिओपी मर्यादापुर कपिलवस्तुले उल्लेखित मुल्यको लत्ताकपडा तथा
चप्पल बरामद गरेको हो ।
        बरामद सामान सुठौली भन्सार कार्यालय कपिलवस्तुमा बुझाईएको छ ।

       सर्लाहीबाट दुई थान हतियार सहित सशस्त्र प्रहरीले शनिबार राती दुई
जनालाई नियन्त्रणमा लिएको  छ । बोर्डर आउट पोस्ट (बिओपी) संग्रामपुरले
पर्सा गाउँपालिका–६ स्थित सीमा इलाकामा भारतबाट नेपालतर्फ आउंदै गरेका
व्यक्तिलाई हतियारसहित  नियन्त्रणमा लिएको हो ।
        नियन्त्रणमा लिइएकाहरुमा सर्लाहीको हरिपुर्वा नगरपालिका–६ बस्ने प्रकाश
यादव र जीवन राय यादव रहेका छन् ।
        भारतबाट नेपालतर्फ आउंदै गरेको बिआर १९ जिए ४१४१ नम्बरको मोटरसाईकललाई
चेक गर्ने क्रममा उनीहरुको साथबाट ७.६५ मिमि पेस्तोल एक थान, म्यागजिन १
थान र सोको गोली १५ राउण्ड तथा कटुवा पेस्तोल १ थान र ५ राउण्ड गोली समेत
बरामद भएको छ ।
        उनीहरुको साथबाट बरामद भएको नगद ११ हजार ६८०, भारतीय बैंकको एटीएम कार्ड
तथा मोटरसाईकलसहित आवश्यक कारवाहिको लागि जिल्ला प्रहरी कार्यालय
सर्लाहीमा बुझाईएको छ ।

     चितवन र तनहुँ जोड्ने मुग्लिन पुलमा झुन्डिएका एक ब्यक्तिको सशस्त्र
प्रहरीले सकुशल उद्धार गरेको छ । शनिबार बिहान धादिङको निलकण्ठ नगरपालिका
– ६ बस्ने  ४५ बर्षका कृष्ण परियार झुण्डिएका थिए ।

        उनी पुलबाट त्रिशुली नदिमा हाम फाल्नको लागि झुन्डिएको खबर प्राप्त भए
पश्चात बिपद् ब्यवस्थापन तालिम शिक्षालय  कुरिनटारबाट गएको  ११ जनाको
टोलीले रोप रेस्क्यु बिधिबाट  निजलाई जिवितै उद्धार गरी उपचारको लागि
मुग्लिन हाईवे अस्पतालमा पठाएको हो । उनी किन हामफाल्न खोजे भन्ने खुलेको
छैन ।
        यसैगरी चितवन जिल्लाको भरतपुर महानगरपालिका १६ शिवघाट स्थित नारायणी
नदिमा बेपत्ता भएका व्यक्तिको शव सशस्त्र प्रहरीले भाद्र २ गते फेला
पारेको छ ।
        अन्दाजी २० वर्षिय सिजन बि.क. साउन १ गते पौडी खेल्ने क्रममा नदिमा डुवी
बेपत्ता भएको जानकारी पाएपश्चात विपद् व्यवस्थापन तालिम शिक्षालय
कुरिनटारबाट गोताखोरसहितको टोलीले उनको शव नदिको बीच भागमा गाडिएको
अवस्थामा फेला पारी आवश्यक अनुसन्धानको लागि नेपाल प्रहरीलाई बुझाएको हो
।

        सशस्त्र प्रहरी महानिरीक्षक राजु अर्याल र चिनिया जनमुक्ति सेनाको टोली
बीच बिहिबार सशस्त्र प्रहरी बल नेपाल प्रधान कार्यालय हल्चोकमा भेटवार्ता
भएको छ ।
        जनमुक्ति सेनाको तिब्बत मिलिट्री रिजनका डेपुटी कमाण्डर यु आन्दअको
नेतृत्वमा आएको आठ सदस्यीय चिनिया टोली र महानिरीक्षक अर्यालको नेतृत्वमा
सशस्त्र प्रहरी बल नेपालका बरिष्ठ अधिकृत सम्मिलित टोली बीच समसामयिक
विषय, सीमा अपराध, सीमा सुरक्षा, सीमा चिन्ह सुरक्षा र आपसी सहयोग
लगायतका विषयमा छलफल भएका थियो ।

        सशस्त्र प्रहरी परिवार महिला संघकी अध्यक्ष श्रीमती अनिता लामिछाने
अर्यालले साउन ३२ गते नेपाल एपीएफ अस्पताल बलम्वु काठमाडौंको प्रसुती
वार्डमा सुत्केरी भएकी महिलारुलाई पौष्टिक आहारको लागि संघको तर्फबाट
नगद, कपडा तथा फलफुल हस्तान्तरण गर्नुभएको छ ।
        उहाँले नेपाल एपीएफ अस्पतालमा पहिलो पटक साउन २९ गते जन्मिएको शिशु र
आमालाई पौष्टिक आहारको लागि नगद, कपडा तथा फलफुल हस्तान्तरण गर्नुभएको छ
।
        सशस्त्र प्रहरी परिवार महिला संघको २२ औँ बार्षिकोत्सवको अवसरमा गत असार
१५ गतेदेखि नेपाल एपीएफ अस्पतालमा प्रसुति वार्डको समेत  सुरुवात गरिएको
थियो ।

         सिन्धुली जिल्लाको गोलन्जोर गाउँपालिका ७ खुर्कोटमा सशस्त्र प्रहरी
बल नेपालको विपद् व्यवस्थापन बेश स्थापना भएको छ । प्रतिनिधि सभा सदस्य
माननिय लेखनाथ दाहाल (राजन)ले साउन ३२ गते बेशको उद्घाटन गर्नुभएको हो ।
        सिन्धुलीको सदरमुकाम सिन्धुलीमाडीबाट करीव ४० किलोमिटर उत्तरतर्फ
स्थापना भएको सो बेशमा सशस्त्र प्रहरी निरीक्षकको कमाण्डमा विपद्
उद्धारका आवश्यक सामाग्रीसहितको टोली खटिएको छ ।
        काठमाडौंदेखि करीव २ सय १० किलोमिटर बर्दिवास सम्मको सिन्धुली बिपी
हाईवेमा हुनसक्ने अन्य घटनाहरुको समेत मध्यनजर राख्दै सशस्त्र प्रहरी बल
नेपालको विपद् व्यवस्थापना बेश स्थापना भएको हो ।
        सशस्त्र प्रहरी बल नेपालले यसअघि मुलघाट धनकुटा, निजगढ बारा, आदमघाट
धादिङ, बेनी म्याग्दी, भालुवाङ्ग दाङ्ग, चिप्ले सुर्खेत र अमरगढी
डडेलधुरा गरी ७ ठाउँमा विपद् व्यवस्थापन बेश स्थापना गरिसकेको छ ।
        मनसुनजन्य क्षति न्यूनिकरण र उद्धारका लागि सशस्त्र प्रहरी बल नेपालले
सात वटै बाहिनी मुख्यालयहरुमा एक/एक प्लाटुन, नं. ९ पशुपतिनाथ बाहिनी
काठमाडौंमा एक प्लाटुन, १० वटा शिक्षालयमा एक/एक प्लाटुन, सम्पूर्ण
गणहरुमा एक/एक प्लाटुन तथा गुल्म र अन्य युनिटहरुमा एक/एक सेक्सन आवश्यक
सामाग्री सहित तालिम प्राप्त विपद् उद्धार टोली तयारी हालतमा राखेको छ ।
        यसैगरी रेस्क्यु टावर फेवाताल कास्की र रेस्क्यु टावर नारायणी नदि किनार
चितवनमा समेत विपद् उद्धार टोली परिचालित छ ।

        पर्सा जिल्लाको बीरगंज महानगरपालिका १७ अलौ सिवानटोला र भारतको पूर्वी
चम्पारण पन्टोका ग्राम पञ्चायत १२ सिवानटोला स्थित एकिकृत सुरक्षा जाँच
चौकी (आईसीपी)मा साउन ३० गते एपीएफ नेपाल र एसएसबी बीच मैत्रीपूर्ण भलिबल
प्रतियोगिता सम्पन्न भएको छ ।
        नं. २ छिन्नमस्ता बाहिनी मुख्यालयका बाहिनीपति सशस्त्र प्रहरी नायव
महानिरीक्षक दिपेन्द्र शाह र समकक्षी भारतीय सशस्त्र सीमा बलका डिआईजी
सुरेश सुब्रमण्यमले उक्त प्रतियोगिताका विजयी खेलाडीहरुलाई शिल्ड तथा
मेडल प्रदान गर्नुभएको थियो ।
        प्रतियोगितामा नं. १३ गण पर्साले भारतीय एसएसबीको ४७ औँ बटालियन ई
कम्पनी आईसीपीको भलिबल टिमलाई २–० को सोझो सेटमा पराजित गरी विजयी भएका
थिए ।
        मित्रराष्ट्र भारतको ७७ औँ स्वतन्त्रता दिवसको अवसरमा आयोजना गरेको
शुभकामना आदान प्रदान तथा मैत्रीपुर्ण भलिबल प्रतियोगिता कार्यक्रममा नं.
१२ गण बाराका गणपति सशस्त्र प्रहरी उपरीक्षक टोप बहादुर डाँगी र नं. १३
गण पर्साका गणपति सशस्त्र प्रहरी उपरीक्षक सुमन थपलिया लगायत दुबै देशका
सुरक्षाकर्मीहरुको समेत उपस्थिती रहेको थियो ।

        सशस्त्र प्रहरी बल नेपाल नं. १८ निलबाराही गण काठमाडौंमा संचालन भएको
‘कानून कार्यान्वयन’ अनुशिक्षण तालिमको सशस्त्र प्रहरी अतिरिक्त
महानिरीक्षक नारायणदत्त पौडेलले साउन ३१ गते समापन गर्नुभएको छ ।
        अतरिक्त महानिरीक्षक पौडेलले सफलतापूर्वक तालिम सम्पन्न गरेका
प्रशिक्षार्थी अधिकृतहरुलाई हार्दिक धन्यवाद दिनुहुँदै कार्यक्षेत्रमा
खटिदा सशस्त्र प्रहरी कर्मचारीहरुले कानूनद्वारा निर्देशित कुराहरुलाई
ध्यानमा राखी नियमसम्मत तरिकाले त्रुटिरहित ढंगबाट कार्यसम्पादन
गर्नुपर्ने बताउनुभयो ।
        उहाँले कानून सम्बन्धी ज्ञान सबैमा हुनुपर्ने तथा कानूनी अज्ञानताको छुट
कसैलाई पनि नहुने उल्लेख गर्नुहुँदै यस प्रकारका तालिम क्रमशः सबै
बाहिनीहरुमा संचालन गरिने बताउनुभयो ।
        कार्यक्रममा नं. ९ पशुपतिनाथ बाहिनी मुख्यालय काठमाडौंका बाहिनीपति
सशस्त्र प्रहरी नायव महानिरीक्षक पुरुषोत्तम थापा लगायत सशस्त्र प्रहरी
बल नेपालका सिनियर तथा जुनियर अधिकृतहरु र बिल्लादार जवानहरुको समेत
उपस्थिती रहेको थियो ।

        कैलाली जिल्लाको धनगढी उपमहानगरपालिका १५ कनरी ईलाकाबाट साउन ३० गते
सशस्त्र प्रहरीले करीव १ लाख ३८ हजार रुपैयाँ बराबरको चोरीपैठारीको सामान
बरामद गरेको छ ।
        भारतबाट अवैध रुपले ल्याउँदै गरेको उल्लेखित मुल्यको हातमा बाध्ने राखि
बिओपी फुलवारीले बरामद गरेको हो ।
        यसैगरी मोरङ्ग जिल्लाको विराटनगर महानगरपालिका १० रोडशेष र सोही
महानगरपालिका ९ महेन्द्र चोक ईलाकाबाट साउन ३० गते करीव २ लाख रुपैयाँ
बराबरको चोरीपैठारीको लत्ताकपडा बरामद भएको छ ।
        भारतबाट अवैध रुपले ल्याउँदै गरेको उल्लेखित मुल्यको लत्ताकपडा सशस्त्र
प्रहरी बल नेपाल प्रस्तावित सीमा सुरक्षा गुल्म रानीले बरामद गरेको हो ।
        बरामद लत्ताकपडा तथा सामान स्थानीय भन्सार कार्यालयमा बुझाईएको छ ।

         धनुषा जिल्लाको मिथिला नगरपालिका ६ भक्तिपुरमा पानी भर्ने क्रममा
इनारमा डुवेका व्यक्तिको शव सशस्त्र प्रहरीले साउन ३१ गते इनारबाट
निकालिएको छ ।
        सोही ठाउँ बस्ने करीव ४८ वर्षिय लक्ष्मी नारायण दास पानी भरिएको बाल्टिन
निकाल्ने क्रममा साउन ३० गते उक्त इनारमा डुवेको बताइएको छ ।
        सो घटनाबारे जानकारी पाउनासाथै नंं. २ छिन्नमस्ता बाहिनी मुख्यालय
महोत्तरी र सुरक्षा वेश नक्टाझिजबाट गोताखोरसहितको सुरक्षा फौजले उनको शव
इनारबाट बाहिर निकालेको हो ।

        कपिलबस्तु जिल्लाको महाराजगंज नगरपालिका ७ स्थित कोटिहवाबाट साउन २८
गते सशस्त्र प्रहरीले ३ लाख ९१ हजार रुपैयाँ बराबरको खाद्यन्न सामान र
एउटा मोटरसाईकल नियन्त्रणमा लिएको छ ।
        बेवारिसे अवस्थामा रहेको यु.पि ७८ बि ९७२४ नम्बरको भारतीय मोटरसाईकल र
सामान नं. २८ गण कपिलबस्तुले नियन्त्रणमा लिएको हो ।
        नियन्त्रणमा लिईएको सामान तथा मोटरसाईकल कृष्णनगर भन्सार कार्यालय
कपिलवस्तुमा बुझाईएको छ ।
        यसैगरी कैलाली जिल्लाको धनगढी उपमहानगरपालिका १९ पच्चीसघर बजार ईलाकाबाट
साउन २८ गते सशस्त्र प्रहरीले २ लाख ९८ हजार ५ सय रुपैयाँ बराबरको हातमा
बाँध्ने विभिन्न प्रकारका सामानसहित एउटा मोटरसाईकल नियन्त्रणमा लिएको छ
।
        यु.पि २६ ए.एम ००८२ नम्बरको भारतीय मोटरसाईकलमा राखेर भारतबाट अबैध
रुपले नेपालतर्फ ल्याउँदै गरेको उल्लेखित मुल्यको सामान बिओपी फुलबारीले
नियन्त्रणमा लिएको हो ।
        नियन्त्रणमा लिईएको सामान र मोटरसाईकल कैलाली भन्सार कार्यालयमा बुझाईएको छ ।
 

        रौतहट जिल्लाको यमुनामाई गाउँपालिका ५ ईद्रिसबाट साउन २७ गते सशस्त्र
प्रहरीले करीव २१ लाख ६४ हजार रुपैयाँ बराबरको लत्ताकपडा र यात्रुवाहक
बससहित दुई जनालाई नियन्त्रणमा लिएको छ ।
        धादिङ्ग जिल्लाको बेनिघाट रोलाङ्ग गाउँपालिका २ बस्ने २७ वर्षिय
राजकुमार लामा र रौतहट जिल्लाको बृन्दावन नगरपालिका ७ बस्ने २१ वर्षिय
मिराज अन्सारीलाई सुरक्षा वेश फतुहाले नियन्त्रणमा लिएको हो ।
        विशेष सूचनाको आधारमा खटिएको सुरक्षा फौजले गौरबाट काठमाडौंतर्फ आउँदै
गरेको ना ४ ख ५१४४ नम्बरको यात्रुवाहक बसमा फल्स बटम बनाई लुकाई छिपाई
ल्याउदै गरेको उल्लेखित मुल्यको लत्ताकपडासहित उनीहरुलाई नियन्त्रणमा
लिएको हो । नियन्त्रणमा लिएका व्यक्ति सो गाडीको चालक तथा सहचालक रहेका
छन् ।
        नियन्त्रणमा लिएका दुवै जनालाई बरामद लत्ताकपडा तथा बससहित आवश्यक
कारवाहीको लागि गौर भन्सार कार्यालय रौतहटमा बुझाईएको छ ।

        बाँके जिल्लाको डुडुवा गाउँपालिका ६ मुन्सीपुर्वाबाट साउन २८ गते
सशस्त्र प्रहरीले करीव ९ लाख ९५ हजार रुपैयाँ बराबरको चोरीपैठारीको
लत्ताकपडासहित पाँच जनालाई नियन्त्रणमा लिएको छ ।
        नियन्त्रमा लिइएकाहरुमा भारत घर बताउने ३५ वर्षिय सिता प्रसाद कौली, २६
वर्षिय गुडु यादव, २४ वर्षिय राजेन्द्र कौली, २७ वर्षिय खर्मन पठान र २४
वर्षिय गुड्डुप कसिफ छन् ।
        यूपी ४० एक्स ९२२७ नम्बरको भारतीय मोटरसाईकल र पाँच वटा साईकलमा राखी
नेपालतर्फ ल्याउँदै गरेको उल्लेखित मुल्यको ४ सय १५ थान सुट, ७५ थान
तन्ना र ९ सय ४० थान सुज कभरसहित उनीहरुलाई बिओपी कालाबन्जार बाँकेले
नियन्त्रणमा लिएको हो । मोटरसाईकल चालक भने सशस्त्र प्रहरीको टोलीलाई
टाढैबाट देख्नासाथै फरार भएका थिए ।
        नियन्त्रणमा लिएकाहरुलाई बरामद लत्ताकपडा तथा मोटरसाईकल र साईकलसहित
आवश्यक कारवाहीको लागि नेपालगञ्ज भन्सार कार्यालय जमुनाह बाँकेमा
बुझाईएको छ ।
 

       सशस्त्र प्रहरी परिवार महिला संघको आयोजनामा काठमाडौंको कीर्तिपुरस्थित
नेपाल एपीएफ स्कुलमा साउन २८ गते वृक्षारोपण गरिएको छ ।
        वृक्षारोपण कार्यक्रम कीर्तिपुर नगरपालिकाका कार्यवाहाक प्रमुख श्रीमती
शुभलक्ष्मी शाक्य (सुनिता)को प्रमुख आतिथ्य तथा सशस्त्र प्रहरी परिवार
महिला संघकी अध्यक्ष श्रीमती अनिता लामिछाने अर्यालको विशेष अतिथ्यतामा
सम्पन्न भएको हो ।
        सशस्त्र प्रहरी परिवार महिला संघको बार्षिक रुपमा गरिने सामाजिक
क्रियाकलाप अन्तर्गत स्कुल परिसरमा विभिन्न किसिमका फलफूलका बोटबिरुवा
रोपिएको हो ।
        कार्यवाहाक प्रमुख श्रीमती शुभलक्ष्मी शाक्य (सुनिता)ले विद्यालय
क्षेत्रमा गरिएको वृक्षारोपणले बिद्यार्थीहरुमा सकारात्मक प्रभाव पर्नुको
साथै विद्यार्थीहरुको माध्यमबाट उनीहरुको घर, परिवार तथा समुदायसम्म
पुग्ने तथा यसले जैविक विविधता र वातारण सन्तुलनमा समेत टेवा पुर्‍याउने
बताउनुभयो ।
        उहाँले यस्ता सामाजिक अभियान कार्यक्रम गरी समाजसेवाको क्षेत्रमा अग्रणी
भूमिका खेलिरहेको सशस्त्र प्रहरी परिवार महिला संघप्रति हार्दिक आभार
व्यक्त गर्नुभयो ।
        संघकी अध्यक्ष श्रीमती अनिता लामिछाने अर्यालले स्थानीय तह, सशस्त्र
प्रहरी परिवार महिला संघ, समुदाय र विद्यालय मिलेर संचालित यस्ता
कार्यक्रमहरुले विद्यार्थीहरुमा सकारात्मक भावनाको विकास गरी भविष्यमा
वातावरण, समाज र राष्ट्रका लागि एक जिम्मेवार नागरिक बन्न तथा वातावरण
संरक्षण गर्न प्रेरणादायी भूमिका खेल्ने बताउनुभयो ।
        कार्यक्रममा सशस्त्र प्रहरी परिवार महिला संघका पदाधिकारीहरु, कीर्तिपुर
नगरपालिका वडा नं. ४ का अध्यक्ष, बाघभैरव बन उपभोक्ता समितिका अध्यक्ष,
समाजसेवी, स्थानीय भद्रभलाद्मी, बिद्यालयका प्रधानाचार्य, शिक्षकशिक्षिका
तथा स्कुलका बिद्यार्थीहरु एवं सशस्त्र प्रहरी कर्मचारीहरुको उपस्थिती
रहेको थियो ।
 

     सशस्त्र प्रहरी परिवार महिला संघले नेपाल एपीएफ अस्पतालको सहयोग तथा
चन्द्रागिरी नगरपालिका र मच्छेनारायण मन्दिर व्यवस्थापन समितिको
सहकार्यमा एक दिने निःशुल्क स्वास्थ्य शिविर तथा पिउने पानी वितरण गरेको
छ ।
        सशस्त्र प्रहरी परिवार महिला संघकी उपाध्यक्ष श्रीमती सावित्रा कुमारी
जैसीको प्रमुख आतिथ्यतामा साउन २७ गते मच्छेनारायण मन्दिरमा भईरहेको
पुरुषोत्तम मलमास मेलामा पाल्नुहुने भक्तजनहरुको लागि निःशुल्क स्वास्थ्य
परिक्षण र पिउने पानी वितरण गरिएको हो । ३७ जना महिला र ५३ जना पुरुष गरी
जम्मा ९० जना भक्तजनहरुको निःशुल्क स्वास्थ्य परिक्षण गरिएको थियो ।
        कार्यक्रममा चन्द्रागिरी नगरपालिका वडा नं. ९ का वडा अध्यक्ष, सशस्त्र
प्रहरी परिवार महिला संघका पदाधिकारीहरु, मच्छेनारायण मन्दिर व्यवस्थापन
समितिका अध्यक्ष लगायत नेपाल एपीएफ अस्पतालका चिकित्सक तथा
स्वास्थ्यकर्मीहरु र अन्य सर्वसाधारणहरुको समेत उपस्थिती रहेको थियो ।

        रुपन्देही जिल्लाको रोहिणी गाउँपालिका १ सेमरपानी ईलाकाबाट साउन २५ गते
सशस्त्र प्रहरीले करीव ३ लाख ८८ हजार रुपैयाँ बराबरको गिल्टीका गरगहना
बरामद गरेको छ ।
        भारतबाट अवैध रुपले ल्याउँदै गरेको उल्लेखित मुल्यको थारु भेषभुषामा
प्रयोग हुने गिल्टीका गरगहना प्रस्तावित सीमा सुरक्षा गुल्म डण्डाले
बरामद गरेको हो । गरगहना ल्याउने व्यक्ति भने सशस्त्र प्रहरीको टोलीलाई
टाढैबाट देख्नासाथै फरार भएका थिए ।
        बरामद गरगहना भैरहवा भन्सार कार्यालय बेलहियामा बुझाईएको छ ।

        सशस्त्र प्रहरी महानिरीक्षक राजु अर्यालले सातौं एपीएफ कमाण्ड तथा स्टाफ
कोर्षको प्रधान कार्यालय हल्चोक स्वयम्भूमा आयोजित दिक्षान्त समारोहका
बीच साउन २६ गते समापन गर्नुभएको छ ।
        समारोहका प्रमुख अतिथि सशस्त्र प्रहरी महानिरीक्षक राजु अर्याल र
समारोहका विशेष अतिथि त्रिभुवन विश्वविद्यालय मानविकी तथा सामाजिकशास्त्र
संकायका डिन प्रोफेसर डा. कुशुम शाक्यले एपीएफ कमाण्ड तथा स्टाफ कलेज
काठमाडौंमा संचालित सो कोर्षमा सर्वोत्कृष्ट हुनुभएका सशस्त्र प्रहरी
नायव उपरीक्षक सचिन कर्मचार्यलाई ‘बेस्ट कमाण्ड एण्ड स्टाफ कोर्ष’,
‘बेस्ट रिसर्च अवार्ड’ र ‘बेस्ट एकेडेमी अवार्ड’ प्रदान गर्नुभएको थियो ।
        कार्यक्रममा महानिरीक्षक अर्यालले प्रशिक्षार्थी अधिकृतहरुलाई उक्त
कोर्षको अध्यापन गराउने कार्यमा विशेष भूमिका निर्वाह गर्नुहुने डा.सोहन
कुमार कर्ण, डा.नरेश रिमाल र नारायण अधिकारीलाई प्रशंसापत्र समेत प्रदान
गर्नुभयो ।
        उहाँले यस प्रकारको शैक्षिक र व्यावसायिक शिक्षाले संगठनमा आवद्ध
अधिकृतहरुको व्यक्तित्व विकास गर्नुको साथै सकारात्मक सोच, उदाहरणीय तथा
योग्य कमाण्डर निर्माणमा अहम भूमिका खेल्ने विश्वास व्यक्त गर्नुभयो ।
        उहाँले सशस्त्र प्रहरी अधिकृतहरुले कोर्ष समापन पश्चात व्यावसायिक
जीवनमा उपलब्धी हासिल गर्दै सांगठनिक विकासमा समेत महत्वपूर्ण योगदान
पुर्‍याने उल्लेख गर्नुहुँदै कार्यक्षेत्र परिचालित हुँदा सांगठनिक
लक्ष्य प्राप्तीमा नेतृत्वदायी र प्रेरणादायी भूमिका निर्वाह गरी
त्रुटिरहित ढंगबाट कार्य सम्पादन गर्न निर्देशन दिनुभयो ।
        समारोहमा विशेष अतिथि त्रिभुवन विश्वविद्यालय मानविकी तथा
सामाजिकशास्त्र संकायका डिन प्रोफेसर डा. कुशुम शाक्यले सुरक्षा
चुनौतीहरुलाई सहज ढंगले परास्त गर्न शैक्षिक एवं व्यावसायिक ज्ञान
अपरिहार्य रहने उल्लेख गर्नुहुँदै सशस्त्र प्रहरी अधिकृतहरुको नेतृत्व
विकास तथा क्षमता अभिबृद्धि गराउन कोर्ष फलदायी रहने विश्वास व्यक्त
गर्नुभयो ।
        एपीएफ कमाण्ड तथा स्टाफ कलेजको २०७१ साल फागुन २० गते स्थापनासँगै
राष्ट्रिय तथा अन्तर्राष्ट्रिय सुरक्षा चुनौती र सुरक्षा रणनीति,
द्वन्द्व व्यवस्थापन, संयुक्त राष्ट्रसंघीय पद्धती, नेतृत्व र विकास,
चुस्त तथा व्यवस्थित रुपमा फौजको परिचालन, सीमा सुरक्षा, विशिष्ट व्यक्ति
तथा महत्वपूर्ण प्रतिष्ठानको सुरक्षा, विपद् व्यवस्थापनलगायत सुरक्षा,
विकास र शान्ति जस्ता विविध विषयहरुबारे प्रशिक्षण गर्दै आईरहेको छ । सो
कोर्ष त्रिभुवन विश्वविद्यालय मानविकी तथा सामाजिकशास्त्र संकायमा
सुरक्षा, विकास र शान्ति अध्ययनमा स्नातकोत्तर (डिग्री)को मान्यता
प्राप्त रहेको छ ।
        सो कोर्षमा प्रशिक्षार्थी अधिकृतहरुलाई कार्यशाला गोष्ठी,
विशेषज्ञहरुसँग अन्तरक्रिया लगायतका शैक्षिक र व्यावसायिक गतिविधिहरुमा
सहभागिता गराउनुकासाथै स्वदेश तथा विदेशमा अध्ययन भ्रमणसमेत गराईएको थियो
।
        १५ महिना अवधिको सो कोर्षमा सशस्त्र प्रहरी बरिष्ठ उपरीक्षक १, सशस्त्र
प्रहरी उपरीक्षक ३ र सशस्त्र प्रहरी नायव उपरीक्षक ४ जनाको सहभागीता
रहेको थियो ।
        समारोहमा अनुसन्धानमा आधारित लेख, सुरक्षा, विकास, विपद्, देशको
सीमानालगायत अन्य समसामयिक विषयहरु समेटिएको एपीएफ कमाण्ड तथा स्टाफ
कलेजको जर्नल अनावरणसमेत गरिएको थियो ।
         समारोहमा अवकाश प्राप्त सशस्त्र प्रहरी महानिरीक्षकहरु, नेपाली सेनाको
सैनिक कमाण्ड तथा स्टाफ कलेज शिवपुरीका कमाण्डेन्ट, सशस्त्र प्रहरी
अतिरिक्त महानिरीक्षकहरु, राष्ट्रिय अनुसन्धान विभागका अतिरिक्त मुख्य
अनुसन्धान निर्देशक, गृहमन्त्रालयका सहसचिव, नेपाली सैनिक प्रतिष्ठान
खरिपाटीका कमाण्डेन्टलगायत त्रिभुवन विश्वविद्यालयका प्राध्यापक, एपीएफ
कमाण्ड तथा स्टाफ कलेजका शैक्षिक कार्यक्रम संयोजक, कलेजका निमित्त
समादेशकलगायत नेपाल प्रहरी तथा सशस्त्र प्रहरी बल नेपालका बरिष्ठ अधिकृत
तथा अधिकृतहरुको समेत उपस्थिति रहेको थियो ।
 

माननीय स्वास्थ्य तथा जनसंख्या मन्त्री मोहन बहादुर बस्नेतले नेपाल एपीएफ अस्पताल बलम्बु काठमाडौंमा नवनिर्मित ‘स्वास्थ्यजन्य फोहोर व्यवस्थापन केन्द्र’को साउन २५ गते समुद्घाटन गर्नुभएको छ ।
स्वास्थ्य सेवा विभागको समन्वयमा नेपाल एपीएफ अस्पताल परिसरमा निर्माण भएको उक्त केन्द्रले नेपाल एपीएफ अस्पतालको फोहोेर संकलन गरी निर्मलीकरण गर्र्ने तथा पुनः प्रयोग गर्न मिल्ने र नमिल्ने फोहोर छुट्याई व्यवस्थापन गर्ने छ ।
उद्घाटन समारोहमा माननीय स्वास्थ्य तथा जनसंख्या मन्त्री बस्नेतले नेपाल एपीएफ अस्पतालले कोभिड महामारीको समयमा पुर्‍याएको योगदानको मुक्तकण्ठले प्रशंसा गर्नुहुँदै आगामी दिनहरुमा समेत स्वास्थ्य सेवाका क्षेत्रहरुमा अझ उत्कृष्ट सेवा प्रवाह गर्न सफल हुने विश्वास व्यक्त गर्नुभयो ।
उहाँले नेपाल एपीएफ अस्पतालले स्वास्थ्यजन्य फोहोर व्यवस्थापन केन्द्रको स्थापना गरी उत्कृष्ट कार्य प्रणालीको सुरुवात गरेको उल्लेख गर्नुहुँदै अस्पतालजन्य फोहोरको उचित व्यवस्थापन नभएमा संक्रामक रोगहरु फैलन सक्ने जोखिम बढी हुनेहुँदा सम्बन्धित सम्पूर्ण सरोकारवाला निकायहरुले संवेदनशील भई स्वास्थ्यजन्य फोहोर व्यवस्थापनमा विशेष ध्यान पुर्‍याउनुपर्ने बताउनुभयो  ।
कार्यक्रममा सशस्त्र प्रहरी महानिरीक्षक राजु अर्यालले धन्यवाद ज्ञापनको क्रममा नेपाल एपीएफ अस्पतालले वातावरणीय प्रदुषण कम गर्नेतर्फ सचेत र सजग भई स्वास्थ्य सेवा प्रदान गर्दै आईरहेको बताउनुभयो ।
उहाँले स्वास्थ्यजन्य फोहोर व्यवस्थापन केन्द्र स्थापनामा विशेष सहयोग पुर्‍याउने नेपाल सरकार स्वास्थ्य तथा जनसंख्या मन्त्रालय, स्वास्थ्य सेवा विभाग, जर्मन विकास सहयोगलगायत विभिन्न संघसस्थाहरुप्रति हार्दिक आभार प्रकट गर्नुभयो ।
कार्यक्रममा नेपाल सरकार स्वास्थ्य तथा जनसंख्या मन्त्रालय तथा स्वास्थ्य सेवा विभागका पदाधिकारीहरु, चन्द्रागिरी नगरपालिकाका प्रमुख, सशस्त्र प्रहरी अतिरिक्त महानिरीक्षकहरुलगायत विभिन्न संघसंस्थाका प्रतिनिधिहरुको उपस्थिती रहेको थियो ।

        अविरल वर्षाको कारण देशका विभिन्न ठाउँहरुमा बाढिमा फसेकाहरुको सशस्त्र
प्रहरीले सकुशल उद्धार गरेको छ । रौतहट जिल्लाको परोहा नगरपालिका ४ स्थित
लाल बकैया खोलामा फसेका चार जनाको साउन २३ गते सशस्त्र प्रहरीले सकुशल
उद्धार गरेको छ ।
        सोही नगरपालिका ४ बस्ने ४४ वर्षिय शेख हुसेन, ५९ वर्षिय शेख दाउत र ४५
वर्षिय समसुल शेख घाँस काटी फर्कने क्रममा एक्कासी पानीको वहाव बढि
खोलाको किनारमा फसेका थिए ।
        सो बारे जानकारी पाउनासाथ सुरक्षा बेश फतुहाबाट विपद् उद्धार
सामाग्रीसहित खटिएको सशस्त्र प्रहरीले उनीहरुको सकुशल उद्धार गरेको हो ।
        यसैगरी सर्लाही जिल्लाको धनकौल गाउँपालिका ४ मैनाथपुर खोलामा पानीको
वहाव बढ्न गई अड्किएका १ सय ५० जनाको सशस्त्र प्रहरीले साउन २३ गते सकुशल
उद्धार गरेको छ ।
        घाँस काट्न गएका उनीहरु एक्कासी पानीको वहाव बढ्न गई अड्किएको भन्ने
जानकारी पाउनासाथै नं. १० गण सर्लाहीबाट विपद् उद्धार सामाग्रीसहित
खटिएको सशस्त्र प्रहरीले उनीहरुको सकुशल उद्धार गरेको हो ।
        त्यसैगरी डडेलधुरा जिल्लाको पर्शुराम नगरपालिका ४ पुन्तुरा खोलामा
अड्किएका दुई जनाको साउन २३ गते सशस्त्र प्रहरीले सकुशल उद्धार गरेको छ ।
        सोही ठाउँ बस्ने १८ वर्षिय महेश भाट र १३ वर्षिय तेज भाट खोला तर्ने
क्रममा एक्कासी पानीको वहाव बढ्न गई खोलाको बीच भागमा अड्किएका थिए ।
        सो लगत्तै बिओपी परिगाउँबाट विपद् उद्धार सामाग्रीसहित खटिएको सशस्त्र
प्रहरीले उनीहरुको सकुशल उद्धार गरेको हो ।
 

        रौतहट जिल्लाको राजदेव नगरपालिका १ स्थित पथरा खोलाले बगाई रुख समातेर
बसेका बालकको साउन २३ गते सशस्त्र प्रहरीले सकुशल उद्धार गरेको छ ।
        सोही ठाउँको मोतीपुर बस्ने १२ वर्षिय सोहन चौधरी पौडी खेल्ने क्रममा
खोलाले बगाएको थियो ।  खोलमा बग्दै जाँदा खोलाको बीच रहेको रुख समातेर
बसेको भन्ने खबर पाउनासाथै बिओपी बेलविछुवाबाट विपद् उद्धार सामाग्रीसहित
खटिएको सशस्त्र प्रहरीले उनको सकुशल उद्धार गरेको हो ।

        मकवानपुर जिल्लाको हेटौडा उपमहानगरपालिका ११ थानाभर्याङ स्थित राप्ती
खोलाको बीच भागमा फसेका एक जनाको सशस्त्र प्रहरीले साउन २३ गते सकुशल
उद्धार गरेको छ ।
        चितवन जिल्लाको रत्ननगर नगरपालिका ५ बस्ने शंकर कुमाललाई नं. १४ गण
मकवानपुरबाट विपद् व्यवस्थापन तालिम प्राप्त सशस्त्र प्रहरीको टोलीले
सकुशल उद्धार गरेको हो ।

        अविरल वर्षाको कारण भक्तपुर जिल्लाको मध्यपुरथिमी नगरपालिका ९ र
काठमाडौं जिल्लाको कागेश्वरी मनोहरा नगरपालिका ७ जोड्ने मनोहराखोला पुलको
बीच भागमा अड्किएका एक व्यक्तिको साउन २३ गते सशस्त्र प्रहरीले सकुशल
उद्वार गरेको छ ।
         खोटाङ्ग जिल्लाको बतासे गाउँपालिका १ बस्ने ५१ वर्षिय किरण राई सो
खोलामा आएको बाढीको कारण पुलको बीच भागमा रहेको पिल्लर माथिको स्ल्यावमा
अड्किएका थिए ।
        नं. २२ गुहेश्वरी गण भक्तपुरबाट विपद् उद्वार सामाग्रीसहित खटिएको
टोलीले उनको सकुशल उद्वार गरेको हो ।

        रुपन्देही जिल्लाको रोहिणी गाउँपालिका ३ धकधई ईलाकाबाट साउन २२ गते
सशस्त्र प्रहरीले करीव ६ लाख ५४ हजार रुपैयाँ बराबरको खाद्यन्न र
ट्रयाक्टर नियन्त्रणमा लिएको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्यको ५१ बोरा
गहुँ र २३ बोरा चामलसहित लु २ त ३६८६ नम्बरको ट्रयाक्टर नं. २७ गण
रुपन्देहीले नियन्त्रणमा लिएको हो ।
        बरामद खाद्यन्न तथा ट्रयाक्टर भैरहवा भन्सार कार्यालय बेलहियामा बुझाईएको छ ।

        महोत्तरी जिल्लाको एकडाँडा गाउँपालिका ३ स्थित अजमरपट्टीबाट करीव ८०
के.जी गाँजा सशस्त्र प्रहरीले साउन २२ गते बरामद गरेको छ ।
        नेपालबाट भारततर्फ लैजाँदै गरेको ब्यक्तिले चेक प्वाईन्ट एकडाँडाको
टोलीलाई टाढैबाट देख्नासाथ उनीहरुले बोकेको उल्लेखित परिमाणको ६ वटा
गाँजाको पोका सोही ठाउँमा छाडी फरार भएका थिए ।
         बरामद गाँजा स्थानीय प्रहरी कार्यालयमा बुझाईएको छ ।

        सिरहा जिल्लाको भगवानपुर गाउँपालिका ३ मरिकटोलबाट साउन २० गते सशस्त्र
प्रहरीले करीव ९ लाख ४७ हजार रुपैयाँ बराबरको चोरीपैठारीको सामानसहित तीन
वटा मोटरसाईकल नियन्त्रणमा लिएको छ ।
        भारतबाट अवैध रुपले मोटरसाईकलमा राखी नेपालतर्फ ल्याउँदै गरेको उल्लेखित
मुल्यको लत्ताकपडा, जुत्ताचप्पल लगायतका सामान नं. ७ गण सिरहाले
नियन्त्रणमा लिएको हो ।
        बरामद सामान तथा मोटरसाईकल भन्सार कार्यालय माडर सिरहामा बुझाईएको छ ।
 

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा
सिनियर अधिकृतहरुको लागि सि.सं.२ विशिष्ट व्यक्ति सुरक्षा तालिम संचालन
भएको छ ।
        सशस्त्र प्रहरी अतिरिक्त महानिरीक्षक नारायणदत्त पौडेलले साउन २१ गते
सोही प्रतिष्ठानमा आयोजित एक कार्यक्रमका बीच उक्त तालिमको उद्घाटन
गर्नुभयो ।
        त्यसअवसरमा उहाँले विशिष्ट व्यक्तिको सुरक्षा संवेदनशील र महत्वपूर्ण
जिम्मेवारी रहेको उल्लेख गर्नुहुँदै यस किसिमको जिम्मेवारीलाई त्रुटिरहित
ढंगबाट सम्पादन गर्न मेहनत र लगनशीलताका साथ तालिमबाट बढिभन्दा बढी ज्ञान
अर्जन गर्न प्रशिक्षार्थीहरुले आफुलाई केन्द्रीत गर्नुपर्ने बताउनुभयो ।

        बारा जिल्लाको बिश्रामपुर–१ मुसहर्वास्थित सीमा ईलाकाबाट साउन १७ गते
सशस्त्र प्रहरीले करीब १७ लाख ३० हजार रुपैयाँ बराबरको कवाड सामान र एउटा
पिकअप भ्यान नियन्त्रणमा लिएको छ ।
        ना ५ च २६६६ नम्बरको पिकअप भ्यानमा राखेर अवैध रुपले नेपालबाट भारततर्फ
लैजाँदै गरेको अवस्थामा कवाडको सामानसहित भ्यान बिओपी बरैनियाले
नियन्त्रणमा लिएको हो ।
        नियन्त्रणमा लिइएको कवाड सामान र भ्यान बीरगंज भन्सार कार्यालय पर्सामा
बुझाइएको छ ।

        रुपन्देही जिल्लाको रोहिणी गाउँपालिका ३ छोड्की रामनगर ईलाकाबाट साउन १८
गते सशस्त्र प्रहरीले करीव १ लाख ४७ हजार रुपैयाँ बराबरको चोरीपैठारीको
चिनीसहित मोटरसाईकल नियन्त्रणमा लिएको छ ।
        भारतबाट अवैध रुपले दुई वटा मोटरसाईकलमा ल्याउँदै गरेको उल्लेखित
मुल्यको ३ सय के.जी. चिनी प्रस्तावित सीमा सुरक्षा गुल्म डण्डाले
नियन्त्रणमा लिएको हो ।
        बरामद चिनी तथा मोटरसाईकल भैरहवा भन्सार कार्यालय बेलहियामा बुझाईएको छ ।

       इलाम जिल्लाको सर्योदय नगरपालिका २ स्थित दुईमाईल ईलाकाबाट साउन १७ गते
सशस्त्र प्रहरीले ७ लाख ७८ हजार ४ सय रुपैयाँ बराबरको चुरोट र टु मेन
टेन्ट (पाल) बरामद गरेको छ ।
        नेपालबाट अवैध रुपले भारततर्फ लैजाँदै गरेको उल्लेखित मुल्यको खुकुरी,
शिखर, पाइलट चुरोट र ५ थान पाल प्रस्तावित सीमा सुरक्षा गुल्म
पशुपतिनगरले बरामद गरेको हो ।
        सोही ठाउँमा रहेको जंगलको बाटो हुँदै लैजाँदै गरेका व्यक्तिहरुले
गस्तीमा रहेको सशस्त्र प्रहरीलाई टाढैबाट देख्नासाथै चुरोट तथा पाल सोही
ठाउँमा छाडी फरार भएका थिए ।
        बरामद सामान पशुपतिनगर भन्सार कार्यालय इलाममा बुझाईएको छ ।

       ट्रकको क्याविनमा लुकाई छिपाई ल्याउँदै गरेको प्रतिबन्धित औषधिसहित
मकवानपुर जिल्लाको हेटौडा उपमहानगरपालिका १५ चुरियामाईस्थित पूर्व पश्चिम
लोकमार्गबाट साउन १८ गते सशस्त्र प्रहरीले एक जनालाई नियन्त्रणमा लिएको छ
।
        काभ्रे जिल्लाको मन्डन देउपुर नगरपालिका ९ बस्ने अन्दाजी ५० वर्षिय
ज्ञानेन्द्र कुमार सापकोटालाई नं. १४ गण मकवानपुरले नियन्त्रणमा लिएको हो
।
        बिरगंजबाट काठमाडौंतर्फ आउँदै गरेको बा प्र. ०१–००६ ख २६५६ नम्बरको
ट्रकको क्याविनमा लुकाई छिपाई ल्याउँदै  गरेको १ लाख ३१ हजार ७ सय ६० वटा
ट्रमाडोल ट्याब्लेट र १ सय ५० वटा म्याड गुज्रीएको महरिच मल्टि भिटामिन
ट्याब्लेट सहित उनलाई नियन्त्रणमा लिईएको हो । उनी ट्रकका चालक रहेका छन्
।
        साथै ट्रकमा लोड गरी ल्याउँदै गरेको करीव १४ लाख ४६ हजार रुपैयाँ
बराबरको लत्ताकपडा र प्रिन्टिङ्ग पेपरको बिलविजक फेला नपरेपछि उक्त
लत्ताकपडासहित ट्रक नियन्त्रणमा लिईएको हो ।
        नियन्त्रणमा लिइएका सापकोटालाई बरामद औषधीसहित आवश्यक कारवाहीको लागि
औषधी व्यवस्था विभाग शाखा कार्यालय बिरगंजमा र बरामद लत्ताकपडा,
प्रिन्टिङ्ग पेपर र ट्रक राजश्व अनुसन्धान कार्यालय पथलैया बारामा
बुझाईएको छ ।

        राष्ट्रिय सुरक्षा सल्लाहकार शंकरदास बैरागीले साउन १८ गते सशस्त्र
प्रहरी बल नेपाल प्रधान कार्यालयको निरीक्षण भ्रमण गर्नुभएको छ ।
        उहाँले राष्ट्रको भौगोलिक अखण्डता, सार्वभौमसत्ताको संरक्षण र नागरिकको
सुरक्षा हेतु विद्यमान समयमा राष्ट्रिय सुरक्षाका सम्बन्धमा समयमै
सम्बोधन गर्दै लगिनुपर्ने विभिन्न विषयहरु रहेको हुँदा सम्पूर्ण सुरक्षा
निकाय लगायत सरोकारवाला निकायहरुबीच एकीकृत आपसी समन्वयका साथ सहकार्य
गर्दै राष्ट्रिय सुरक्षालाई थप प्रभावकारी बनाउँदै लैजानुपर्ने र
राष्ट्रिय सूचना प्रणालीको सुरक्षातर्फ पनि सचेत हुन जरुरी रहेको
बताउनुभयो ।
        सशस्त्र प्रहरी बल नेपालले देशको सीमा सुरक्षालाई उच्च प्राथमिकतामा
राखी कार्यसम्पादन गर्दै आईरहेको बताउनुहुँदै सीमा सुरक्षा तथा
व्यवस्थापनमा अझबढी प्रविधि तथा डिजिटल बोर्डरको अवधारणालाई समेट्दै अघि
बढ्नुपर्ने समेत बताउनुभयो ।
        निरीक्षण भ्रमणका क्रममा राष्ट्रिय सुरक्षा सल्लाहकार बैरागीले प्रधान
कार्यालयबाट सम्पादन भइरहेका विविध गतिविधि तथा कामकारवाहीहरुको जानकारी
लिनुका साथै सशस्त्र प्रहरी बल नेपाल प्रधान कार्यालयस्थित संग्रहालय र
केन्द्रीय समन्वय कक्षको अवलोकन समेत गर्नुभएको थियो ।
        उहाँले सशस्त्र प्रहरी महानिरीक्षक राजु अर्याल, सशस्त्र प्रहरी
अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज
दाहाललगायत सशस्त्र प्रहरी बल नेपालका बरिष्ठ अधिकृत तथा बाहिनी
मुख्यालयका बाहिनीपतिहरुसँग प्रत्यक्ष भीडियो मार्फत राष्ट्रिय
सुरक्षासँग सम्बन्धित विषयवस्तुहरुमा छलफल तथा अन्तरक्रिया गर्नुभएको
थियो ।
        कार्यक्रममा सशस्त्र प्रहरी महानिरीक्षक राजु अर्यालले राष्ट्र र
नागरिकको सेवा र सुरक्षामा परिचालित सशस्त्र प्रहरी बल नेपालले नेपाली
जनताले अपेक्षा गरे बमोजिमको सुरक्षा प्रदान गर्दै नेपालको भौगोलिक
सीमाभित्र मात्र नभई अन्तर्राष्ट्रिय सुरक्षामा समेत आफ्नो उपस्थिती
जनाउँदै आइरहेको बताउनुभयो ।
        उहाँले संगठनले नेपाल सरकार तथा मजकुर गृहमन्त्रालयका नीति, कार्यक्रम,
आदेश, निर्देशनहरुलाई अक्षरस पालना गरी अन्य सुरक्षा निकायसँग सहकार्य र
समन्वय गर्दै संवेदनशिल र चुनौतीपूर्ण राष्ट्रिय सुरक्षाको जिम्मेवारीमा
उल्लेखनीय भूमिका निर्वाह गर्दै आईरहेको बताउनुभयो ।
        महानिरीक्षक अर्यालले राष्ट्रहितको संरक्षण र नागरिकको सुरक्षामा आफुलाई
समर्पित गर्न संगठनले हरेक पक्षबाट आपूmलाई बलियो रुपमा प्रस्तुत
गरिरहेको उल्लेख गर्नुहुँदै जिम्मेवारी अनुरुपको भूमिका निर्वाह गर्न थप
जनशक्ति र श्रोतसाधन उपलब्ध गराउने कार्यमा रचनात्मक, पहलकदमी र भूमिका
रहने विश्वास समेत व्यक्त गर्नुभयो ।
        सशस्त्र प्रहरी नायव महानिरीक्षक शम्भु सुवेदीले सशस्त्र प्रहरी बल
नेपालको परिचय, परिचालन र राष्ट्रिय सुरक्षा नीति लगायत विद्यमान सुरक्षा
चुनौतीहरु, सीमा सुरक्षा, विपद् व्यवस्थापन, महत्वपूर्ण व्यक्ति तथा
प्रतिष्ठानको सुरक्षा, औद्योगिक सुरक्षा, हुल तथा दंगा व्यवस्थापन, रेलवे
सुरक्षामा सशस्त्र प्रहरी बल नेपालको भूमिका सम्बन्धमा प्रस्तुतीकरण
प्रस्तुत गर्नुभएको थियो ।
        कार्यक्रममा नेपाली सेनाका उपरथी र राष्ट्रिय सुरक्षा परिषद्का
सह–सचिवको उपस्थित रहेको थियो ।

        झापा जिल्लाको कचनकवल गाउँपालिका १ स्थित पथरीयाबाट करीव १० लाख ३ हजार
रुपैयाँ बराबरको बिभिन्न सामान तथा ट्याक्टर सशस्त्र प्रहरीले साउन १६
गते नियन्त्रणमा लिएको छ ।
        मे १ त ७२८९ नम्वरको ट्याक्टरमा प्रस्तावित सीमा सुरक्षा गुल्म
घेराबारीले शंका लागि जाँच गर्दा हार्डवेयरका सामान, टनेलपाल तथा
प्लाष्टिकका बट्टाको विलविजक नभएको पाईएपछि नियन्त्रणमा लिईएको हो ।
        नियन्त्रणमा लिईएको सामान तथा ट्याक्टर आवश्यक अनुसन्धानको लागि आन्तरिक
राजश्व कार्यालय चन्द्रगढी झापामा बुझाईएको छ ।

        रुपन्देही जिल्लाको ओमसतिया गाउँपालिका ४ बसन्तपुर बाईपास रोडबाट साउन
१७ गते सशस्त्र प्रहरीले करीव ५ लाख ४२ हजार ४ सय रुपैयाँ बराबरको आईफोन
मोबाईलका कभर तथा एक्ससेरिजहरु बरामद गरेको छ ।
        विशेष सूचनाको आधारमा प्रस्तावित सीमा सुरक्षा गुल्म डण्डा रुपन्देहीले
सोही ठाउँमा रहेको एक स्थानीयको घरको सटरमा तीनवटा कार्टुनमा राखिएको
उल्लेखित सामान फेला पारेको हो ।
        बरामद सामान आवश्यक कारवाहीको लागि भैरहवा भन्सार कार्यालय बेलहिया
रुपन्देहीमा बुझाईएको छ ।

        सिरहा जिल्लाको सिरहा नगरपालिका ७ स्थित शिवचोकबाट साउन १७ गते सशस्त्र
प्रहरीले करीव १८ लाख ७५ हजार रुपैयाँ बराबरको एक सय कार्टुन कुखुराको
चल्ला र बलेरो पिकअप गाडीसहित दुई जनालाई नियन्त्रणमा लिएको छ ।
        सोही जिल्लाको गोलबजार नगरपालिका १० धरमपुर बस्ने २० वर्षिय पवन सदाय र
१८ वर्षिय लजे मुखियालाई सदरमुकाम सुरक्षा वेश सिरहाले नियन्त्रणमा लिएको
हो ।
        पूर्वबाट पश्चिमतर्फ आउँदै गरेको स १ च १६८४ नम्बरको बलेरो पिकअप गाडीमा
राखी ल्याउँदै गरेको उल्लेखित मुल्यको ५ हजार वटा कुखुराको चल्ला सहित
उनीहरुलाई नियन्त्रणमा लिईएको हो । उनीहरु उक्त गाडीको चालक तथा सहचालक
रहेका छन् ।
        नियन्त्रणमा लिईएका दुवै जनालाई बरामद चल्ला तथा गाडीसहित आवश्यक
कारवाहीको लागि भन्सार कार्यालय माडर सिरहामा बुझाईएको छ ।

        मोरङ्ग जिल्लाको विराटनगर महानगरपालिका ११ स्थित बसपार्क ईलाकाबाट साउन
१६ गते सशस्त्र प्रहरीले करीव १ लाख ३६ हजार रुपैयाँ बराबरको
चोरीपैठारीको सामान बरामद गरेको छ ।
        भारतबाट अवैध रुपले नेपालतर्फ ल्याँउदै गरेको उल्लेखित रुपैयाँको
लत्ताकपडा तथा पर्स नं. ३ गण मोरङ्गले बरामद गरेको हो ।
        बरामद सामान आवश्यक कारवाहीको लागि विराटनगर भन्सार कार्यालय रानीमा बुझाईएको छ ।

         रौतहट जिल्लाको कटहरीया नगरपालिका १ स्थित पर्सवनी चोेकबाट साउन १५ गते
सशस्त्र प्रहरीले करीव ३ के.जी.गाँजासहित एक जनालाई नियन्त्रणमा लिएको छ
।
        मकवानपुर जिल्लाको बकैया गाँउपालिका ३ बस्ने ४५ वर्षिय कान्छामान
तामाङ्गलाई नं. ११ गण रौतहटले जाँच गर्दा निजले बोकेको झोलामा उल्लेखित
परिमाणको गाँजा फेला पारेपछि नियन्त्रणमा लिएको हो ।
        नियन्त्रणमा लिईएका उनलाइ बरामद गाँजासहित आवश्यक कारवाहीको लागि
स्थानीय प्रहरीमा बुझाईएको छ ।

        कास्की जिल्लाको माछापुच्छ्रे गाउँपालिका १ खिलाङ्ग स्थित सेती नदिको
बिच भागमा अड्किएका व्यक्तिको सशस्त्र प्रहरीले साउन १४ गते सकुशल उद्वार
गरेको छ ।
        सुर्खेत जिल्ला घर भई सोही ठाउँ बस्ने २१ वर्षिय तेज बहादुर घर्तीमगर
पौडी खेल्ने क्रममा नदिको बिच भागमा अड्किएका थिए ।
        सो बारे जानकारी पाउनासाथ नं. २४ कालिका गण कास्कीबाट गोताखोर सहितको
टोली खटिई उनको सकुशल उद्वार गरेको हो ।
        यसैगरी सोही जिल्लाको पोखरा महानगरपालिका १८ स्थित साराङकोटमा पहिरोमा
परी क्षती भएको दुई वटा घरको सामान सुरक्षित स्थानमा सारिएको छ ।
        सोही ठाउँ बस्ने ४७ वर्षिय सुन्दर श्याम अधिकारी र ५० वर्षिय मैत कुमारी
हमालको घरमा वर्षाको कारण पहिरो गई क्षती पुगेको थियो ।
        घरमा रहेका खाद्यान्न, लत्ताकपडा, भाँडाकुडाँ, फर्निचरका लगायतका सामान
नम्बर २४ कालिका गण कास्कीबाट खटिएको सशस्त्र प्रहरीले स्थानीय
वासिन्दाको सहयोगमा सुरक्षित स्थानमा सारेको हो ।
 

        सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल
प्रधान कार्यालय हल्चोक स्वयम्भुमा साउन १४ गते एक कार्यक्रमका बीच हालै
पदोन्नती हुनुभएका अधिकृतहरुलाई दज्र्यानी चिन्ह प्रदान   गर्नुभयो ।
        नेपाल सरकार गृह मन्त्रालय सचिवस्तरको साउन ११ गतेको निर्णयले सशस्त्र
प्रहरी सेवा, प्राविधिक समुह, स्वास्थ्यतर्फ प्राविधिक सशस्त्र प्रहरी
नायव उपरीक्षक ४ जना, साधारण समुह, लेखा उपसमूहतर्फ ५ जना र साधारण समुह,
कानून उपसमुहतर्फ १ जना सशस्त्र प्रहरी नायव उपरीक्षक पदमा पदोन्नती
हुनुभएका साथै अवकाश पूर्व विशेष बढुवा हुनुभएका  १ जनालाई सशस्त्र
प्रहरी नायव उपरीक्षक पदको दज्र्यानी चिन्ह प्रदान गर्नुभयो ।
        महानिरीक्षक अर्यालले पदोन्नती हुनुभएका अधिकृतहरुलाई हार्दिक बधाई
दिनुहुँदै आगामी दिनहरुमा कार्यसफलताको शुभकामना समेत व्यक्त गर्नुभयो ।
        उहाँले आ–आफ्नो पदिय जिम्मेवारी र ट्रेड अनुसारको उत्कृष्ट कार्यसम्पादन
गर्न तथा आर्थिक अनुशासनमा रहि जिम्मेवारी निर्वाहमा लाग्न निर्देशन
दिनुहुँदै संगठनमा आवद्ध कर्मचारीहरुको बृत्तिविकासको  लागि संगठनले
सुधारात्मक कार्यहरु गरिरहेको बताउनुभयो ।
        यसैगरी उहाँले जीवनको लामो र स्वर्णिम समय अनवरत रुपमा राष्ट्रसेवामा
व्यथित गरी विशेष बढुवा भई अवकाश हुन लाग्नु भएका सशस्त्र प्रहरी नायव
उपरीक्षक गणेश कुमार सिंहलाई आगामी जीवन सुखमय रहोस भन्ने शुभकामना समेत
व्यक्त गर्नुभयो ।
        कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल,
चन्द्रप्रकाश गौतम र बंशीराज दाहाल लगायत सशस्त्र प्रहरी बल नेपालका
बरिष्ठ तथा सिनियर अधिकृतहरुको समेत उपस्थिती रहेको थियो ।
 

        कास्की जिल्लाको पोखरा महानगरपालिका १३ काहुँखोला साझा स्थित बिजयपुर
खोलामा फसेका चार जनाको साउन १३ गते राती सशस्त्र प्रहरीले सकुशल उद्वार
गरेको छ ।
        निर्माणधीन पानी ट्याङ्की बोरिङ्गको प्रतिक्षालयमा बसिरहेको अवस्थामा
अविरल वर्षाको कारण एक्कासी आएको बाढिमा सोही ठाउँ बस्ने २३ वर्षिय प्रेम
सुनार, ४० वर्षिय सुदिप गुरुङ्ग, २८ वर्षिय अर्जुुन वि.क. र १९ वर्षिय
क्षितिज नेपाली फसेका थिए ।
         सो बारे जानकारी पाउनासाथ नं. २४ कालिका गण कास्कीबाट विपद् व्यवस्थापन
तालिम प्राप्त टोली तत्कालै खटिई उनीहरुको सकुशल उद्वार गरेको हो ।

        बाँके जिल्लाको राप्तीसोनारी गाउँपालिका १ कुसुम बजारबाट साउन १० गते
सशस्त्र प्रहरीले २१ लाख रुपैयाँ बराबरको रिचार्ज कार्ड बरामद गरेको छ ।
        नेपालगंजबाट तुल्सीपुरतर्फ आउँदै गरेको यात्रुवाहक बसमा जाँच गर्दा
शंकास्पद रुपमा देखिएको उल्लेखित मुल्यको NTC र NCL को रिचार्ज कार्ड
सुरक्षा वेश कुसुमले बरामद गरेको हो ।
        बरामद रिचार्ज कार्ड राजश्व अनुसन्धान कार्यालय कोहलपुरमा बुझाईएको छ ।

        धनुषा जिल्लाको जनकपुरधाम उपमहानगरपालिका ७ स्थित बसपार्क ईलाकाबाट साउन
११ गते सशस्त्र प्रहरीले करीव ३ लाख ११ हजार रुपैयाँ बराबरको
चोरीपैठारीको लत्ताकपडा सहित एउटा मोटरसाईकल नियन्त्रणमा लिएको छ ।
        ज ८ प १०० नम्बरको मोटरसाईकलमा राखी भारतबाट नेपालतर्फ ल्याउँदै गरेको
लत्ताकपडा नं. ८ गण धनुषाले बरामद गरेको हो ।
        बरामद लत्ताकपडा तथा मोटरसाईकल स्थानीय भन्सार कार्यालयमा बुझाईएको छ ।

        पर्सा जिल्लाको बिरगंज महानगरपालिका १६ स्थित भन्सार ईलाकाबाट साउन १०
गते सशस्त्र प्रहरीले करीव १ लाख ४२ हजार रुपैयाँ बराबरको विभिन्न
किसिमका सामान बरामद गरेको छ ।
        भारतबाट अवैध रुपले ६ वटा साईकलमा राखेर ल्याउँदै गरेको उल्लेखित मुल्य
बराबरको मोटर पार्ट्स, लत्ताकपडा, मोवाईल पार्ट्स र डिजिटल घडी
प्रस्तावित सीमा सुरक्षा गुल्म बिरगंजले बरामद गरेको हो ।
        बरामद सामान तथा साईकल बिरगंज भन्सार कार्यालय पर्सामा बुझाईएको छ ।

        रुपन्देही जिल्लाको रोहीणी गाउँपालिका १ सेमरपानी ईलाकाबाट साउन ११ गते
सशस्त्र प्रहरीले करीव ४ लाख ५७ हजार रुपैयाँ बराबरको चोरीपैठारीको
लत्ताकपडा सहित एउटा अटो रिक्सा नियन्त्रणमा लिएको  छ ।
        भारतबाट अवैध रुपले लु १ ह ३५३९ नम्बरको अटोमा राखेर ल्याउँदै गरेको
उल्लेखित मुल्य बराबरको लत्ताकपडा प्रस्तावित सीमा सुरक्षा गुल्म डण्डाले
नियन्त्रणमा लिएको हो । लत्ताकपडा ल्याउँदै गरेका व्यक्ति तथा अटो चालक
भने सशस्त्र प्रहरीलाई टाढैबाट देख्नासाथै लत्ताकपडा र अटो रिक्सा छाडी
फरार भएका  थिए ।
        बरामद लत्ताकपडा तथा अटो रिक्सा भैरहवा भन्सार कार्यालय रुपन्देहीमा बुझाईएको छ ।

        सिरहा जिल्लाको नवराजपुर गाउँपालिका ५ देवनगर र झाँझपट्टीको सीमा
ईलाकाबाट साउन ११ गते सशस्त्र प्रहरीले करीव ३० लाख ३६ हजार रुपैयाँ
बराबरको स्याउसहित एउटा मिनिट्रक नियन्त्रणमा लिएको  छ ।
        स १ ख ६०० नम्बरको मिनिट्रकमा राखेर नेपालबाट भारततर्पm लैजाँदै गरेको
उल्लेखित मुल्य बराबरको १ सय ३४ कार्टुन स्याउसहितकोे ट्रक प्रस्तावित
सीमा सुरक्षा गुल्म इनर्वा, बिओपी नवराजपुर र सुरक्षा बेश सुखिपुरले
नियन्त्रणमा लिएको हो । ट्रकका चालक भने सशस्त्र प्रहरीको टोलीलाई
देख्नासाथै ट्रक छाडी फरार भएका थिए ।
        बरामद स्याउ तथा ट्रक ठाडी भन्सार कार्यालय ठाडी सिरहामा बुझाईएको छ ।

        बाँके जिल्लाको कोहलपुर नगरपालिका ११ स्थित कृषिबजार चोक नजिकैबाट साउन
१० गते सशस्त्र प्रहरीले करीव ४१ लाख ८१ हजार रुपैयाँ बराबरको मोवाईलको
डिसप्ले सहित एक जनालाई नियन्त्रणमा लिएको छ ।
        भारत घर बताउने ३६ वर्षिय नावेद अलीलाई नं. ३० बागेश्वरी गण बाँके र
राजश्व चुहावट नियन्त्रण सुरक्षा वेश कोहलपुरले नियन्त्रणमा लिएको हो ।
        से ७ प ८९९९ नम्बरको मोटरसाईकलमा सवार अलीले बोकेको उल्लेखित मुल्य
बराबरको बिभिन्न ब्रान्डका मोवाईलका डिसप्लेको बिलविजक फेला नपरेपछि
नियन्त्रणमा लिईएको हो ।
        नियन्त्रणमा लिएका अलीलाई बरामद डिसप्ले तथा मोटरसाईकल सहित आवश्यक
कारवाहीको लागि नेपालगन्ज भन्सार कार्यालय जमुनाह बाँकेमा बुझाईएको छ ।

        बाँके जिल्लाको नरैनापुर गाउँपालिका ५ भगवानपुरघाट स्थित राप्ती नदिको
भंगालोमा फसेका २६ जनाको सशस्त्र प्रहरीले साउन ९ गते बेलुका सकुशल
उद्वार गरेको छ ।
        नरैनापुर गाउँपालिकाकै मटैहिया, नवाजीगाउँ, जमुनी र गंगापुरका स्थानीय
वासिन्दाहरु भारतको जमुनाह बजारबाट नेपाल फर्कने क्रममा एक्कासी नदिको
वहाव बढेपछि भंगालोमा फसेका थिए ।
        सशस्त्र प्रहरी बल नेपाल नं. ३० बागेश्वरी गण बाँके र बिओपी गंगापुरबाट
विपद् व्यवस्थापन तालिम प्राप्त सशस्त्र प्रहरीको टोली आवश्यक उद्वार
सामाग्री सहित तत्कालै उक्त स्थानमा खटिई उनीहरुको सकुशल उद्वार गरेको हो।

         रौतहट जिल्लाको गौर नगरपालिका २ स्थित भन्सार ईलाकाबाट करीब २ लाख ३
हजार ६ सय रुपैयाँ बराबरको सामानसहित एउटा मोटरसाइकल सशस्त्र प्रहरीले
साउन ८ गते नियन्त्रणमा लिएको छ ।
        ना ३४ प १८६८ नम्बरको मोटरसाइलकमा भारतबाट अबैध रुपले नेपालतर्फ
ल्याउँदै गरेको उल्लेखित मूल्य बराबरको हार्डवेयर सामान र लत्ताकपडा
प्रस्तावित सीमा सुरक्षा गुल्म गौरले बरामद गरेको हो ।
        बरामद सामान तथा मोटरसाईकल गौर भन्सार कार्यालयमा बुझाईएको छ ।

         पर्सा जिल्लाको बीरगंज महानगरपालिका ८ घण्टाघर ईलाकाबाट साउन ९ गते
सशस्त्र प्रहरीले करीब ३१ लाख ७३ हजार रुपैयाँ बराबरको सामान र ट्रक
नियन्त्रणमा लिएको छ ।
        बीरगंजबाट पथलैयातर्फ जाँदै गरेको ना ४ ख २६४१ नम्बरको ट्रकमा बिलबिजक
भन्दा बढी र फरक सामान राखेर लैजादै गरेको अवस्थामा नं. १३ गण पर्साले
नियन्त्रणमा लिएको हो ।
        नियन्त्रणमा लिइएको ट्रक आवश्यक अनुसन्धानको लागि राजश्व अनुसन्धान
कार्यालय पथलैयामा बुझाईएको छ ।

नदीमा एक्कासी बाढी आई नदीको बीच भागमा फसेका ५ जनाको सशस्त्र प्रहरीले
साउन ९ गते सकुशल उद्धार गरेको छ ।
        रुपन्देही जिल्लाको बुटवल उपमहानगरपालिका १३ र १४ को सीमानास्थित दानव
नदीमा दाउरा खोज्न गएको बेला बाढी आई नदीको बीच भागमा मान्छे फसेको भन्ने
खबर प्राप्त भएपछि सुरक्षा बेस बुटवलबाट टोली खटिएको थियो ।
        नदीको बीचमा फसेका सोही उपमहानगरपालिका १४ कैलाशनगर बस्ने ४२ बर्षिय जनक
घर्तीको सशस्त्र प्रहरीले सकुशल उद्धार गरेको हो ।
        यसैगरी सोही उपमहानगरपालिका ११ बुद्धनगरस्थित तिनाउ नदीमा फसेका ६४
बर्षिय मिनबहादुर गाहालाई पनि सोही बेसबाट खटिएको सशस्त्र प्रहरीले सकुशल
उद्धार गरेको हो ।
        बुटवल उपमहानगरपालिका २ पाखापानीमा बस्दै आएका गाहा तिनाउ नदीमा माछा
मार्न गएको बेला एक्कासी पानीको बहाव बढ्न गई फसेका थिए ।
        सो बारे जानकारी पाउनासाथै सशस्त्र प्रहरी परिचालित भई उनको सकुशल
उद्धार गर्न सफल भएको हो ।
        यसैगरी रुपन्देही जिल्लाको मायादेवी गाउँपालिका ३ बेथरीस्थित तिनाउ
नदीमा दाउरा खोज्न गएका बेला नदीमा फसेका तीन जनाको सशस्त्र प्रहरीले
सकुशल उद्धार गरेको छ ।
        सोही गाउँपालिका ६ का २६ बर्षिय अबदेश पाल, २० बर्षिय सुनिल पाल र
सीयारी गाउँपालिका २ बस्ने अबदेशकुमार यादव नदीमा दाउरा खोज्न गएको बेला
नदीको बहाव बढ्न गई नदीमा फसेका थिए ।
        सो बारे जानकारी पाउनासाथै नं. २७ गण रुपन्देहीबाट टोली परिचालित भई
उनीहरुको सकुशल उद्धार गरेको हो ।
        यसैगरी बुटवल उपमहानगरपालिका ११ टपमजुवास्थित तिनाउ नदी किनारमा रहेको
हरिलाल गाहाको घरको सामान सुरक्षित स्थानमा सारेको छ ।
        नदीले घर कटान गरी केही भाग बगाएको भन्ने खबर प्राप्त हुनासाथ सुरक्षा
बेस बुटवलबाट टोली खटिई गई घरको सरसमान सुरक्षित स्थानमा सारेको हो ।

        ईलाम जिल्लाको सुर्योदय नगरपालिका २ चारमाईल स्थित सीमा ईलाकाबाट साउन ८
गते सशस्त्र प्रहरीले करीव ८ लाख ७५ हजार रुपैयाँ बराबरको सुर्तीजन्य
सामान बरामद गरेको छ ।
        नेपालबाट अवैध रुपले भारततर्फ लैजाँदै गरेको उल्लेखित मुल्य बराबरको
खुकुरी चुरोट १७ कार्टुन र शिखर चुरोट २ कार्टुन प्रस्तावित सीमा सुरक्षा
गुल्म पशुपतिनगर ईलामले बरामद गरेको हो । सामान लैजाँदै गरेका व्यक्तिहरु
भने सशस्त्र प्रहरीलाई टाढैबाट देख्नासाथै सोही ठाउँमा सामान छाडी फरार
भएका थिए ।
        बरामद सामान पशुपतिनगर भन्सार कार्यालय ईलाममा बुझाईएको छ ।

         कपिलवस्तु जिल्लाको बिजयनगर गाउँपालिका १ जवाबैराठ ईलाकाबाट साउन ९ गते
सशस्त्र प्रहरीले करीव ३७ लाख २० हजार रुपैयाँ बराबरको लत्ताकपडा तथा
मोटरसाईकल बरामद गरेको छ ।
        सोही ठाउँको जंगल ईलाकामा वेवारिसे अवस्थामा रहेको सो लत्ताकपडा तथा
भारतीय नम्बर प्लेटका चार वटा मोटरसाईकल प्रस्तावित सीमा सुरक्षा गुल्म
कृष्णनगरले बरामद गरेको हो ।
        बरामद लत्ताकपडा तथा मोटरसाईकल कृष्णनगर भन्सार कार्यालय कपिलवस्तुमा
बुझाईएको छ ।

        पर्सा जिल्लाको बीरगंज महानगरपालिका ८ घण्टाघर ईलाकाबाट साउन ८ गते
सशस्त्र प्रहरीले करीव १ करोड ९८ लाख २० हजार ३ सय १५ रुपैयाँ बराबरको
सामान सहित चारवटा ट्रक नियन्त्रणमा लिएको   छ ।
        बिलविजक भन्दा बढि र फरक सामान बोकेको भन्ने विशेष सूचनाको आधारमा नम्बर
१३ गण पर्साले बीरगंजबाट पथलैयातर्फ जाँदै गरेको ना २ ख ९४९१, ना ४ ख
८३३४, ना ३ ख १००९ र ना ३ ख ८०३९ नम्बरको ट्रक नियन्त्रणमा लिएको हो ।
        नियन्त्रणमा लिइएका ट्रकमा औषधी, किराना तथा हार्डवयर र कम्प्युटरका
पार्ट्स लगायतका सामानहरु रहेका छन् । सामान सहितका ट्रक आवश्यक
अनुसन्धानको लागि राजश्व अनुसन्धान कार्यालय पथलैयामा बुझाइएको छ ।

         पर्सा जिल्लाको पकाहाँमैनपुर गाउँपालिका ५ सबैठवा स्थित सीमा ईलाकाबाट
साउन ८ गते सशस्त्र प्रहरीले करीव ५ के.जी. ७ सय ग्राम चरेशसहित एक
जनालाई नियन्त्रणमा लिएको छ ।
        सोही जिल्लाको कालिकामाई गाउँपालिका १ मुडुली बस्ने ४४ वर्षिय प्रेम
पासवानलाई नम्बर १३ गण पर्साले नियन्त्रणमा लिएको हो ।
        ना ३० प ४४४३ नम्बरको मोटरसाईकलमा नेपालबाट भारततर्फ जाँदै गरेका
पासवानले शरिरको विभिन्न भागहरुमा लुकाई छिपाई राखेको अवस्थामा उल्लेखित
चरेश फेला पारेको हो ।
        नियन्त्रणमा लिईएका उनलाई बरामद चरेश तथा मोटरसाईकल सहित आवश्यक
कारवाहीको लागि स्थानीय प्रहरीमा बुझाईएको छ ।