नुहाउने क्रममा डुवेर बेपत्ता भएका एक जनाको शव सशस्त्र प्रहरीद्वारा फेला कञ्चनपुर जिल्लाको भिमदत्त नगरपालिका ११ स्थित महाकाली आर्याघाट नजिकै महाकाली नदीमा नुहाउने क्रममा डुवेर बेपत्ता भएका एक जनाको शव सशस्त्र प्रहरीले बैशाख ४ गते फेला पारी नदीबाट बाहिर निकालेको छ । सोही जिल्लाको कञ्चनपुर शुक्लाफाँटा नगरपालिका ५ बस्ने १८ बर्षिय दिपेन्द्र हमाल बैशाख ३ गते मलामी गएको बेला नुहाउने क्रममा डुवेर बेपत्ता भएका थिए । सो बारे जनाकारी पाएपश्चात नम्बर ३५ शैलेश्वरी गण कञ्चनपुर, प्रस्तावित सीमा सुरक्षा गुल्म गड्डाचौकी(बिओपी गड्डाचौकी) र बिओपी ब्रम्हदेबबाट खटिएको टोलीले नदीमा पानीमुनि डुबेको अवस्थामा उनको शव फेला पारेको हो । सशस्त्र प्रहरीले उनको शव पोष्ट मार्टमको लागि महाकाली प्रादेशिक अस्पताल महेन्द्रनगरमा पठाएको छ ।

/uploads/news/erSaJkk8hnUjH8J+jmE7uQ==.jpg