बाँके जिल्लाको नेपालगञ्ज उपमहानगरपालिका–१५ जमुनाह स्थित शर्मा
गल्लीबाट असार २८ गते सशस्त्र प्रहरीले २० लाख नेपाली रुपैयाँसहित एक
जनालाई नियन्त्रणमा लिएको छ ।
        सोही उपमहानगरपालिकाको जयसपुर बस्ने २० वर्षिय सोहेल कुरेशीलाई
प्रस्तावित सीमा सुरक्षा गुल्म जमुनाहले उल्लेखित रुपैयाँ सहित
नियन्त्रणमा लिएको हो ।
        भारतबाट नेपालतर्फ आउँदै गरेका कुरेशी चढेको मोटरसाईकल चेक जाँच गर्ने
क्रममा चालक भने मोटरसाईकल सहित भागेका थिए । मोटरसाईकल पछाडी बसेका
कुरेशीले बोकेको सो रकमको श्रोत खुलाउन नसकेपछि उनलाई नियन्त्रणमा लिएको
हो ।
        नियन्त्रणमा लिइएका कुरेशीलाई बरामद रुपैयाँ सहित आवश्यक कारवाहीको लागि
नेपालगञ्ज भन्सार कार्यालय जमुनाह बाँकेमा बुझाईएको छ ।