रौतहट जिल्लाको राजपुर नगरपालिका १ स्थित पिप्रा भगवानपुरबाट जेठ २ गते
सशस्त्र प्रहरीले करीव ३ लाख ३१ हजार रुपैयाँ बराबरको लत्ताकपडासहितको
भारतीय मोटरसाइकल नियन्त्रणमा लिएको छ ।
        बिआर ०६ सिबि ३८६४ नम्बरको मोटरसाइकमा भारतबाट अबैध रुपले नेपालतर्फ
ल्याउँदै गरेको उल्लेखित मुल्य बराबरको लत्ताकपडा र मोटरसाइकल सशस्त्र
प्रहरी बल नेपाल नम्बर ११ गण रौतहटले नियन्त्रणमा लिएको हो ।
        यसैगरी सोही जिल्लाको गौर नगरपालिका २ स्थित बकैया खोला इलाकाबाट जेठ २
गते सशस्त्र प्रहरीले करीव १ लाख ५२ हजार रुपैयाँ बराबरको लत्ताकपडा
बरामद गरेको छ ।
        भारतबाट अबैध रुपले नेपालतर्फ ल्याउँदै गरेको उल्लेखित मुल्य बराबरको
विल विजक बिनाको लत्ताकपडा सशस्त्र प्रहरी बल नेपाल नम्बर ११ गण रौतहटले
बरामद गरेको हो ।
        नियन्त्रणमा लिइएको लत्ताकपडा र मोटरसाइकल आवश्यक कारबाहीको लागि गौर
भन्सार कार्यालयमा बुझाइएको छ ।