समाचार

काठमाडौं,

सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीबाट सशस्त्र प्रहरी सहायक निरीक्षक राम केवल रायको कमाण्डमा खटिएको टोलीले जेठ २६ गते करीव १० लाख रुपैयाँ बराबरको चोरीपैठारीको लत्ताकपडासहित परवानीपुर गाउँपालिका ५ बस्ने २२ बर्षिय विकास पटेललाई पक्राउ गरेको छ ।

प्रदेश नम्बर ०२–०३–००१ च ३६३८ नम्बरको पिकअप गाडीमा राखेर ल्याउँदै गरेको अबस्थामा उक्त लत्ताकपडा सशस्त्र प्रहरीले बारा जिल्लाको जितपुर सिमारा उपमहानगरपालिका २ स्थित सीमा ईलाकाबाट बरामद गरेको हो । त्यस बेला उक्त गाडी समेत बरामद गरिएको हो ।

यसैगरी सर्लाही जिल्लाको ब्रम्हपुरी गाउँपालिका ४ स्थित सीमा ईलाकाबाट जेठ २६ गते सशस्त्र प्रहरीले करीव १५ लाख रुपैयाँ बराबरको चोरीपैठारीको लत्ताकपडा बरामद गरेको छ ।

सोही ठाउँको बाँसको झाडीमा बेवारिसे अवस्थामा रहेको उक्त लत्ताकपडा सशस्त्र प्रहरी निरीक्षक तुला बहादुर चौधरीको कमाण्डमा खटिएको टोलीले बरामद गरेको हो ।

काठमाडौं,
    मोरङ जिल्लाको बिराटनगर महानगरपालिका १७ स्थित सीमा ईलाकाबाट जेठ २५ गते सशस्त्र प्रहरीले करीव ३ लाख ५ हजार रुपैयाँ बराबरको चोरीपैठारीको मेडीकल तथा सर्जिकलका सामान बरामद गरेको छ ।
    भारतबाट अवैध रुपले नेपालतर्फ ल्याउँदै गरेको उक्त सामान सशस्त्र प्रहरी बल नेपाल बिओपी रानीबाट खटिएको टोलीले बरामद गरेको हो ।
    यसैगरी सशस्त्र प्रहरी बल नेपाल नम्बर २ गण झापाबाट खटिएको टोलीले जेठ २५ गते करीव २ लाख ७४ हजार रुपैयाँ बराबरको चोरीपैठारीको लत्ताकपडा तथा जुत्ताचप्पल बरामद गरेको छ ।
    भन्सार छली अवैध रुपले ल्याउँदै गरेको उक्त सामान सशस्त्र प्रहरीले झापा जिल्लाको भद्रपुर नगरपालिका ५ स्थित सीमा ईलाकाबाट बरामद गरेको हो ।
    त्यसैगरी सर्लाही जिल्लाको चन्द्रनगर गाउँपालिका ७ महनपुरस्थित सडकखण्डबाट जेठ २४ गते सशस्त्र प्रहरीले करीव २ लाख ९ हजार रुपैयाँ बराबरको लत्ताकपडा तथा किराना सामान बरामद गरेको छ ।
    त्रिभुवननगरबाट बयलवासतर्फ जाँदै गरेको एक यात्रुवाहक बसमा जाँच गर्दा उक्त बसभित्र वेवारिसे अवस्थामा रहेको सो सामान सशस्त्र प्रहरी बल नेपाल बिओपी सखुअवाबाट खटिएको टोलीले बरामद गरेको हो बरामद सामान स्थानीय भन्सार कार्यालयमा बुझाईएको छ । 

काठमाडौ,
    सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल प्रधान कार्यालय हल्चोक स्वयम्भूमा जेठ २५ गते आयोजित विशेष समारोहका बीच सशस्त्र प्रहरी अतिरिक्त महानिरीक्षक चन्द्रप्रकाश गौतमलाई उल्लेखित दर्जाको दज्र्यानी चिन्हबाट शुसोभित गर्नुभएको छ । 
    नेपाल सरकार मन्त्रिपरिषद्को यही जेठ २३ गतेको निर्णयले उहाँ सशस्त्र प्रहरी नायव महानिरीक्षक पदबाट सशस्त्र प्रहरी अतिरिक्त महानिरीक्षक पदमा पदोन्नती हुनुभएको हो ।
    समारोहमा सम्बोधनको क्रममा महानिरीक्षक अर्यालले हालै पदोन्नती हुनुभएका सशस्त्र प्रहरी अतिरिक्त महानिरीक्षक चन्द्रप्रकाश गौतमलाई हार्दिक बधाई दिनुहुँदै उहाँको कार्यक्षमता, योग्यता, कार्यकुशलता र व्यवसायिकताको मुल्यांकन गर्दै नेपाल सरकारले पदोन्नती प्रदान गरेको बताउनुहुँदै उहाँलाई आगामी कार्यकाल सफलताको शुभकामना समेत व्यक्त गर्नुभयो । 
    उहाँले आफु सधैं टिमवर्क र सामुहिकतामा विश्वास राख्ने उल्लेख गर्नुहुँदै फौजी जीवनमा सबैले बर्दिको सान र दर्जाको मान राख्दै भातृत्व, सद्भाव र आत्म विश्वाससँगै  गौरवकासाथ राष्ट्र र नागरिकको सेवामा जुट्नुपर्ने बताउनुभयो । 
    महानिरीक्षक अर्यालले संगठनमा सुधारका विभिन्न कार्यहरु सुरुवात गरिएको चर्चा गर्नुहुँदै सोको कार्यान्वयनका लागि विभागीय प्रमुख, फिल्ड लेवलका कमाण्डर लगायत सकल दर्जाका सम्पूर्ण सशस्त्र प्रहरी कर्मचारीहरुको साथ सहयोग तथा सामुहिक प्रयास रहने बिश्वास व्यक्त गर्नुभयो । 
    उहाँले फौजमा चेनअफ कमाण्ड तथा अनुशासनको महत्वमाथि प्रकाश पार्नुहुँदै भ्रष्टाचारमा शून्य सहनशिलताको नीति कडाईकासाथ पालना गर्दै संगठनको बृहत्तर हितका लागि सकल दर्जाका सबैलाई पूर्ण व्यवसायिक रहि राज्यप्रदत्त जिम्मेवारीका क्षेत्रहरुमा क्रियाशिल रहन निर्देशन दिनुभयो ।     
    सोही अवसरमा सशस्त्र प्रहरी परिवार महिला संघकी केन्द्रिय अध्यक्ष श्रीमती अनिता अर्यालले संघकी नवनियुक्त उपाध्यक्ष श्रीमती मुना शर्मा गौतमलाई फुलमालाकासाथ हार्दिक बधाई दिनुहुँदै सो संघमा स्वागत गर्नुभएको हो ।
    समारोहमा सशस्त्र प्रहरी अतिरिक्त महानिरीक्षक नारायणदत्त पौडेल लगायत सशस्त्र प्रहरी बल नेपालका वरिष्ठ अधिकृतहरु, सशस्त्र प्रहरी परिवार महिला संघका पदाधिकारीहरुका साथै सकल दर्जाका सशस्त्र प्रहरी कर्मचारीहरुको उपस्थिती रहेको थियो ।
 

काठमाडौं, 
  सशस्त्र प्रहरी बल नेपाल, प्रधान कार्यालय हल्चोक स्वयम्भु परिषरमा जेठ २२ गते विश्व वातावरण दिवशको अवसर पारेर विभिन्न जातका ८१ वटा बोटविरुवा रोपिएको छ ।
    सशस्त्र प्रहरी महानिरीक्षक राजु अर्यालको समेत सहभागिता रहेको उक्त वृक्षारोपण कार्यक्रममा फलफूल लगायतका विभिन्न बोटविरुवाहरु रोपिएको हो ।
       त्यसअवसरमा सशस्त्र प्रहरी अतिरिक्त महानिरीक्षक नारायणदत्त पौडेल लगायत सशस्त्र प्रहरी बल, नेपालका अधिकृत, जुनियर अधिकृत तथा बिल्लादार जवानहरुको सहभागितामा उल्लेखित विरुवा रोपीएको हो । 
    यसैगरी विश्व वातावरण दिवशकै अवसरमा देश भरका सशस्त्र प्रहरी बल, नेपालका विभिन्न ईकाहरुमा १३ हजार ९ सय ८९ वटा फलफूल लगायत विभिन्न विरुवाहरु रोपिएको छ । 
    सशस्त्र प्रहरी बल नेपाल नम्बर १ बराह बाहिनी मुख्यालय सुनसरी मातहतका युनिटले ३ हजार १ सय २१ वटा, नम्बर २ छिन्नमस्ता बाहिनी मुख्यालय महोत्तरीले ३ हजार ६ सय ७९ वटा, नम्बर ३ गढिमाई बाहिनी मुख्यालय मकवानपुरले ९ सय १९ वटा, नम्बर ४ मुक्तिनाथ बाहिनी मुख्याले कास्कीले, ७ सय ४० वटा, नम्बर ५ विन्ध्यवासीनी बाहिनी मुख्यालय रुपन्देहीले ३ हजार ६ सय ३४ वटा, नम्बर ६ महेश्वरी बाहिनी मुख्यालय सुर्खेतले ४ सय ३६ वटा, नम्बर ७ बैद्यनाथ बाहिनी मुख्यालय कैलालीले ५ सय ५७ वटा तथा नम्बर ९ पशुपतिनाथ बाहिनी मुख्यालय काठमाडौले १ सय ५० वटा बोटविरुवा रोपिएको छ । 
    त्यसैगरी राष्ट्रिय सशस्त्र प्रहरी बल प्रशिक्षण प्रतिष्ठानले १ सय ५० वटा, नेपाल एपीएफ अस्पतालले ८५ वटा, सशस्त्र प्रहरी बल नेपाल हुल तथा दंगा व्यवस्थापन तालिम शिक्षालय लामापाटन पोखराले ५० र दन्तकाली विशेष कार्य तालिम शिक्षालय सप्तरीले १७ वटा बोटविरुवा रोपेको हो ।  

सप्तरी,

सप्तरी जिल्लाको राजगढ गाउँपालिका २ स्थित सीमा ईलाकाबाट जेठ १९ गते सशस्त्र प्रहरीले विभिन्न किसिमका लागूऔषधसहित सोही जिल्लाको बिष्णुपुर गाउँपालिका ४ बस्ने २५ बर्षिय राधाराम साहलाई पक्राउ गरेको छ ।

भारतबाट नेपालतर्फ आउँदै गरेका उनलाई सशस्त्र प्रहरी बल नेपाल बिओपी बनैनियाबाट खटिएको टोलीले शंका लागि जाँँच गर्दा उनको साथमा डाईजेपाम २ बोतल, नोफिन २ बोतल, र सिरिन्ज ३ वटा फेला पारेको हो ।

पक्राउ परेका साह लाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

सर्लाही,

सर्लाही जिल्लाको बरहथवा नगरपालिका ९ स्थित मुर्तिया ईलाकाबाट जेठ १९ गते करीव ६० क्युफिट आँपको काठसहित सोही जिल्लाको हरिपुर नगरपालिका २ बस्ने २७ बर्षिय दिनेश साहलाई पक्राउ गरेको छ ।

ज १ त ५०३० नम्बरको ट्याक्टरमा राखेर लैजाँदै गरेको उक्त काठसहित उनलाई सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीबाट खटिएको टोलीले पक्राउ गरेको हो । त्यसबेला उक्त ट्याक्टर समेत बरामद गरिएको छ ।

पक्राउ परेका साहलाई बरामद काठ तथा ट्याक्टरसहित आवश्यक कारवाहीको लागि सब डिभिजन वन कार्यालय मुर्तियामा बुझाईएको छ ।

सुनसरी,

सुनसरी जिल्लाको देवानगंज गाउँपालिका ४ स्थित सीमा ईलाकाबाट जेठ १९ गते सशस्त्र प्रहरीले चोरीनिकासीमा संलग्न दुई जनालाई पक्राउ गरेको छ ।

पक्राउ पर्नेहरुमा मोरङ जिल्लाको बेलबारी नगरपालिका १ घर बताउने ५५ बर्षिय कबिर बहादुर तामाङ र सुन्दर हरैचा नगरपालिका ३ बस्ने ३१ बर्षिय सन्तोष बास्तोला छन् ।

दुई वटा पिकअप गाडीमा राखेर नेपालबाट भारततर्फ अबैध रुपले चौपायाँ चोरीनिकासी गरी लैजादै गरेको अबस्थामा सशस्त्र प्रहरी बल नेपाल बिओपी कप्तानगंजबाट सशस्त्र प्रहरी निरीक्षक रामचरण यादवको कमाण्डमा खटिएको टोलीले उनीहरुलाई पक्राउ गरेको हो । त्यसबेला दुबै गाडी समेत बरामद गरिएको छ ।

पक्राउ परेका दुबै जनालाई बरामद चौपायाँ र गाडीसहित आवश्यक कारबाहीको लागी भन्सार कार्यालय सेतुबन्धमा बुझाईएको छ । बरामद गाडीको भन्सार दाखिला मुल्य २० लाख रुपैयाँ रहेको छ ।

काठमाडौं,

कञ्चनपुर जिल्लाको भिमदत्त नगरपालिका ४ स्थित सीमा ईलाकाबाट जेठ २० गते सशस्त्र प्रहरीले करीव ६ लाख ८८ हजार रुपैयाँ बराबरको लत्ताकपडा बरामद गरेको छ ।

वेवारिसे अवस्थामा रहेको उक्त लत्ताकपडा सशस्त्र प्रहरी बल नेपाल बिओपी गड्डाचौकीबाट खटिएको सशस्त्र प्रहरीले बरामद गरेको हो ।

बरामद लत्ताकपडा कञ्चनपुर भन्सार कार्यालय गड्डाचौकीमा बुझाईएको छ ।

रौतहट जिल्लाको बौधिमाई नगरपालिका ७ स्थित अरुवा खोला पुलबाट जेठ १९ गते सशस्त्र प्रहरीले करीव ५ लाख रुपैयाँ बराबरको सामान बरामद गरेको छ ।

ना २ ख ८४५९ नम्बरको ट्रकमा राखेर अवैध रुपले लैजाँदै गरेको उक्त सामानको कागजपत्र फेला नपरपछि सशस्त्र प्रहरी बल नेपाल बिओपी सर्मजुवाबाट खटिएको टोलीले बरामद गरेको हो । त्यसबेला उक्त ट्रकसमेत बरामद गरिएको छ ।

बरामद सामान तथा ट्रक राजश्व अनुसन्धान कार्यालय पथलैयामा बुझाईएको छ । उक्त ट्रकको अन्दाजी मुल्य २० लाख रुपैयाँ रहेको छ ।

झापा,

झापा जिल्लाको मेचीनगर नगरपालिका १३ स्थित पूर्व पश्चिम लोकमार्गबाट जेठ १८ गते सशस्त्र प्रहरीले करीव ३ लाख ४९ हजार रुपैयाँ बराबरको चोरीपैठारीको लत्ताकपडा तथा हार्डवयरका सामान बरामद गरेको छ ।

भारतबाट अवैध रुपले ल्याउँदै गरेको उक्त सामान सशस्त्र प्रहरी बल नेपाल नम्बर २ गण झापाबाट खटिएको टोलीले बरामद गरेको हो ।

बरामद सामान मेची भन्सार कार्यालयमा बुझाईएको छ ।

महोत्तरी,

महोत्तरी जिल्लाको मटिहानी नगरपालिका ८ स्थित सीमा ईलाकाबाट जेठ १९ गते सशस्त्र प्रहरीले करीव १ लाख २८ हजार रुपैयाँ बराबरको चोरीनिकासीको विभिन्न मदिरा बरामद गरेको छ ।

डि.एल. ५ सीडी ७४५३ नम्बरको भारतीय कारमा राखेर लैजाँदै गरेको अवस्थामा उक्त मदिरा र उल्लेखित कार सशस्त्र प्रहरी बल नेपाल बिओपी मटिहानीबाट खटिएको सशस्त्र प्रहरीले बरामद गरेको हो । त्यसवेला उक्त कारका चालक गस्तीमा खटिएको सशस्त्र प्रहरीलाई टाढैबाट देख्नासाथै सो कार सोही ठाउँमा छाडी फरार भएका थिए ।

बरामद मदिरा तथा कार आन्तरिक राजश्व कार्यालय जनकपुरमा बुझाईएको छ । उक्त कारको अन्दाजी मुल्य १० लाख रुपैयाँ रहेको छ ।

सप्तरी,
    सप्तरी जिल्लाको हनुमाननगर कंकालिनी नगरपालिका १ स्थित सप्तकोशी नदिबाट सशस्त्र प्रहरीले एक जनाको बुधबार साझ सकुशल उद्वार गरेको छ ।
    झापा जिल्लाको कमल गाउँपालिका ५ बस्ने करीव ४१ बर्षिय बधुन्द्र प्रसाद लिम्बु सप्तकोशी पुलबाट उक्त नदिमा हाम फालेको बताईएको छ । 
    उक्त घटनाबारे जानकारी पाउनासाथ सशस्त्र प्रहरी बल नेपाल सुरक्षा वेश भारदहबाट सशस्त्र प्रहरी बरिष्ठ हवल्दार उद्धव चौलागाईको कमाण्डमा खटिएको सशस्त्र प्रहरीले मोटरबोटको प्रयोग गरी उनलाई तत्कालै सकुशल उद्वार गरेको हो ।