रौतहट,
रौतहत जिल्लाको गौर नगरपालिका ३ स्थित कविर चोकबाट असार १४ गते सशस्त्र
प्रहरीले करीव १० लाख रुपैयाँ बराबरको ग्रिज र गाडीमा प्रयोग हुने
विभिन्न किसिमका आयलसहित एक जनालाई पक्राउ गरेको छ । पक्राउ पर्नेमा
भारतको सितामढी मनियारी पञ्चायत ६ बस्ने ३१ वर्षिय चन्दन कुमार छन् ।
गौरबाट गरुडातर्फ जाँदै गरेको बी.आर. ०६ जी.ई. ७४८४ नम्बरको गाडीमा जाँच
गर्दा उक्त सामान बिल बिजक भन्दा फरक देखिएपछि उनलाई पक्राउ गरिएको हो ।
त्यसवेला उक्त गाडी समेत बरामद गरिएको छ ।
पक्राउ परेका कुमारलाई बरामद सामान तथा गाडी सहित आवश्यक कारवाहीको लागि
राजस्व अनुसन्धान कार्यालय पथलैयामा बुझाईएको छ । बरामद गाडीको अन्दाजी
मुल्य १० लाख रुपैयाँ रहेको छ ।
