समाचार

काठमाडौं,
    पश्चिम नवलपरासी जिल्लाको सरावल नगरापलिका ७ स्थित बर्गदवा तथा पालिनन्दन गाउँपालिका २ स्थित मुडेराबाट असार २१ गते सशस्त्र प्रहरीले करीव ३ लाख ५७ हजार रुपैयाँ बराबरको विभिन्न सामान बरामद गरेको छ ।
    बेवारिसे अवस्थामा रहेको उक्त सामान सशस्त्र प्रहरी बल नेपाल नम्बर २६ गण पश्चिम नवलपरासी मातहतमा रहेको बिओपी हरपुर र बिओपी भुजहवाबाट खटिएको सशस्त्र प्रहरीले बरामद गरेको हो ।
    बरामद सामान महेशपुर भन्सार कार्यालय पश्चिम नवलपरासीमा बुझाईएको छ । 
    यसैगरी सशस्त्र प्रहरी बल नेपाल बिओपी जमुनाहाबाट खटिएको सशस्त्र प्रहरीले असार २१ गते करीव २ लाख ८६ हजार रुपैयाँ बराबरको चोरीपैठारीको २ सय ६० के.जी. सुर्ती बरामद गरेको छ ।
    भारतबाट अवैध रुपले ल्याउँदै गरेको उक्त सुर्ती सशस्त्र प्रहरीले बाँके जिल्लाको नेपालगंज उपमहानगरपालका १५ तित्रहवा स्थित सीमा ईलाकाबाट बरामद गरेको हो ।
    बरामद सुर्ती भन्सार कार्यालय नेपालगंजमा बुझाईएको छ । 
 

सिरहा,

सिरहा जिल्लाको सिरहा नगरपालिका १९ किरियानी स्थित सहजा खोलामा डुवेर बेपत्ता भएकाको शव सशस्त्र प्रहरीले असार २० गते फेला पारेको छ ।

सोही ठाउँ बस्ने ७ वर्षिय करण राय उक्त खोलामा पौडी खेल्ने क्रममा डुवेर बेपत्ता भएको जानकारी पाउनासाथै सशस्त्र प्रहरी बल नेपाल नम्बर ७ गण सिरहा र बिओपी लगडीगधियानीबाट खटिएको विपद् व्यवस्थापन तालिम प्राप्त सशस्त्र प्रहरीले खोजीकार्य गर्दा उनको शव घटनास्थल नजिकै पानीमा डुवेको अवस्थामा फेला पारेको हो ।