समाचार

काठमाडौं । सशस्त्र प्रहरी बल प्रधान कार्यालयले आजको राजधानी दैनिकमा प्रकाशित ‘‘सशस्त्र प्रहरीमा ‘व्यापक अनियमितता’ को आशंका’’ शिर्षक समाचारप्रति गम्भीर आपत्ति प्रकट गरेको छ । सशस्त्र प्रहरी बल नेपालका प्रवक्ता डीआईजी राजु अर्यालले आज मंगलबार विज्ञप्ती प्रकाशित गरी समाचारमा उल्लेख गरिएबमोजिम प्रचलित नियम कानुन विपरीत कुनै पनि प्रकारले कार्य नगरेको उल्लेख गरेका छन् । उजुरी परेको तथा स्रोतले जानकारी दिएको भन्दै प्रकाशित सो समाचार वास्तविक तथ्य भन्दा बाहिर गई प्रकाशित भएको र समाचार पुष्टि गराउने तर्फ कुनै ध्यान नदिई प्रकाशित गरिएको पनि विज्ञप्तीमा उल्लेख छ । साथै राज्यले सुम्पिएको दायित्व निर्वाहमा व्यवसायिक कुशलतापुर्वक जिम्मेवारी निर्वाह गरिरहेको यस संगठनका बारेमा तथ्य भन्दा बाहिर गई प्रकाशित भएको सो समाचारले पाठक वर्गमा भ्रम सिर्जना गरेको पनि विज्ञप्तीमा उल्लेख छ । विज्ञप्तीमा भनिएको छ - समाचारमा बजेट टुक्राएर आफुखुसी खरिद, नक्कली श्रेस्ता बनाई तीन करोड खर्च, सार्वजनिक खरिद र नियमावली वेवास्ता, ४० करोडको पोशाक खरिदमा मिलेमतो जस्ता काल्पनिक कुराहरु प्रकाशित भएको हुँदा सोको खण्डन गरिएको छ । सशस्त्र प्रहरी बल नेपालले उक्त समाचारमा उल्लेख गरिए बमोजिम प्रचलित नियम कानुन विपरित कुनै पनि प्रकारले कार्य नगरेको व्यहोरा स्पष्ट पारिएको छ । विज्ञप्तीमा संगठनमा विभिन्न शीर्षकमा खर्च गर्ने गरी बजेट विनियोजन हुने गरेको र संगठनले नियम संगत ढंगले सो बजेटको खर्च गर्ने उल्लेख छ । विज्ञप्तीमा भनिएको छ- समाचारमा उल्लेख गरिएको सामान खरिद प्रक्रिया, मर्मत सम्भार, फर्जी बिल, भत्ता वितरण, इन्धन पोशाक खरिदलगायतमा व्यापक अनियमितता भएको भन्ने कुरा पुर्ण रुपमा गलत हो । संगठनले यी र यस्ता कार्यहरु नियमसंगत ढंगले गर्ने गरेको तथा कुनै अनियमितता नभएको कुरा स्पष्ट पारिएको छ । सशस्त्र प्रहरी बल नेपालले गर्ने खरिद प्रक्रियामा कतिपय खरिद प्रक्रिया केन्द्रबाट हुने तथा कतिपय खरिद प्रक्रिया मातहत सशस्त्र प्रहरी ईकाईबाट हुने कानुनी व्यवस्था रहेको पनि विज्ञप्तीमा उल्लेख छ । संगठनले सोही व्यवस्था बमोजिम विभिन्न शीर्षकका खरिद कार्य गर्ने गरेको र यसमा कुनै अनियमितता नभएको, मातहत सशस्त्र प्रहरी ईकाईले गर्ने खरिद प्रक्रियामा बजेट निकासी कार्य हुँदा सोभैm ‘एलएमबिआईएस’को माध्यमबाट सम्बन्धित ईकाईमै बजेट निकासा हुने गरेको विज्ञप्तीमा जनाइएको छ । ‘सशस्त्र प्रहरी बल नेपाल प्रधान कार्यालयबाट ठेकेदारसँगको मिलेमतोमा मातहत कार्यालय मार्फत नै भुक्तानी गरी अनियमितता गरेको’ भनी समाचारमा उल्लेखित विवरण समेत पुर्ण रुपमा झुट्टा भएको विज्ञप्तीमा भनिएको छ । सशस्त्र प्रहरी बल नेपाल प्रधान कार्यालयले तथा मातहत इकाईबाट समेत अनियमित कार्य हुन नपाओस् भनी यथेष्ठ रुपमा अनुगमन तथा प्रयासहरु गरिरहेको व्यहोरा समेत जानकारीका लागि अनुरोध गरिएको छ । संगठनले सामान खरिद प्रक्रियामा गुणस्तरमा कुनै सम्झौता नगर्ने व्यहोरा समेत जानकारी गराइएको छ । विज्ञप्तीमा भनिएको छ- संगठनले फर्जि बिल बनाई अनियमितता गरेको भन्ने कुरा पुर्णतया गलत हो । साथै भण्डारमा मौज्जाद रहेको पाललाई महामारीको बेला प्रयोग गरेर त्यसको पनि बिल भरपाई बनाएर आर्थिक अनियमितता गरेको भन्ने काल्पनिक समाचारले भ्रम सिर्जना गर्ने हुँदा सो समाचारमा सत्यता नरहेको कुरा जानकारी गराईन्छ । फर्जि ढंगले भम्रणभत्ता स्वीकृत गरिएको, नक्कली कागजात बनाएर रकमान्तर मार्फत अनियमितता गरेको, नक्कली श्रेस्ता तयार गरी आर्थिक अनियमितता गरेको जस्ता भम्रपुर्ण कुराहरु समावेश गरी प्रकाशित उक्त समाचार पुर्णतया गलत रहेको छ ।

सुनसरी, सुनसरी जिल्लाको भोक्राहा नरसिंह नगरपालिका ८ सिसुवा धरमपुरस्थित सीमा ईलाकाबाट जेठ २५ गते सशस्त्र प्रहरीले करीव १ सय के.जी. गाँजा बरामद गरेको छ । सोही ठाउँको मकै बारीमा बेवारिसे अवस्थामा रहेको उक्त गाँजा सशस्त्र प्रहरी बल नेपाल बोर्डर आउट पोष्ट उल्टीबाट खटिएको सशस्त्र प्रहरीले फेला पारेको हो । बरामद गाँजा नेपाल प्रहरीलाई बुझाईएको छ ।

महोत्तरी, महोत्तरी जिल्लाको सम्सी गाउँपालिका ६ स्थित सीमा ईलाकाबाट जेठ २५ गते सशस्त्र प्रहरीले ३५ बोतल एक्सप्लोन र ७२ वटा पेभन स्पास प्लस ट्याब्लेटसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको बर्दिवास नगरपालिका २ बस्ने २१ वर्षिय संजिव कुमार महतो र सोही जिल्लाकै भंगाहा नगरपालिका ३ बस्ने २७ वर्षिय विप्लव बराल छन् । ज ११ प २१६ नम्बरको मोटरसाईकलमा सवार उनीहरुलाई सशस्त्र प्रहरी बल नेपाल बोर्डर आउट पोष्ट सम्सीबाट खटिएको सशस्त्र प्रहरीले शंका लागि जाँच गर्दा उनीहरुको साथमा उक्त लागूऔषध फेला परेको हो । त्यसवेला उक्त मोटरसाईकल समेत बरामद गरिएको छ । पक्राउ परेकाहरुलाई बरामद लागूऔषध तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।

काठमाडौं, महोत्तरी जिल्लाको सम्सी गाउँपालिका ६ स्थित चाँदनी चोकबाट जेठ २३ गते सशस्त्र प्रहरीले करीव २ लाख २ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको कस्मेटिक सामान, मोवाईल र औषधी सशस्त्र प्रहरी बल नेपाल बोर्डर आउट पोष्ट सम्सीबाट खटिएको सशस्त्र प्रहरीले बरामद गरेको हो । बरामद सामान भन्सार कार्यालय जलेश्वरमा बुझाईएको छ । यसैगरी सशस्त्र प्रहरी बल नेपाल नम्बर ३० गण बाँकेबाट खटिएको सशस्त्र प्रहरीले जेठ २३ गते करीव एक लाख ९९ हजार रुपैयाँ बराबरको चोरीपैठारीको सुर्तीजन्य पदार्थ र लत्ताकपडा बरामद गरेको छ । भन्सार छली नेपालतर्फ ल्याउँदै गरेको उक्त सामान सशस्त्र प्रहरीले बाँके जिल्लाको नेपालगंज उपमहानगरपालिका १५ स्थित पिप्रहवाबाट बरामद गरेको हो । बरामद सामान भन्सार कार्यालय नेपालगंजमा बुझाईको छ ।

कञ्चनपुर, कञ्चनपुर जिल्लाकोे बेलडाडी गाउँपालिका ३ स्थित सीमा ईलाकाबाट जेठ २३ गते सशस्त्र प्रहरीले करीव ४ ग्राम खैरो हेरोइनसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको बेतकोट नगरपालिका ५ बस्ने २७ वर्षिय सुरेश नेपाली र २८ वर्षिय सन्तोष विष्ट छन् । भारतबाट म २ प ९७५० नम्बरको मोटरसाईकलमा नेपालतर्फ आउँदै गरेका उनीहरुलाई सशस्त्र प्रहरी बल नेपाल बोर्डर आउट पोष्ट भुँडा र सशस्त्र प्रहरी बल नेपाल फरवार्ड सुरक्षा वेश राधाकृष्णबाट खटिएको सशस्त्र प्रहरीले शंका लागि जाँच गर्दा उनीहरुको साथमा उल्लेखित परिमाणको खैरो हेरोइन फेला पारेको थियो । पक्राउ परेका दुवै जनालाई बरामद खैरो हेरोइन तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।

सुनसरी, सुनसरी जिल्लाको देवनगंज गाउँपालिका ५ साहेवगंजस्थित बुढिखोलाको पुलबाट जेठ २४ गते सशस्त्र प्रहरीले १४ लाख २५ हजार नेपाली रपैयाँसहित दुई जनालाई प क्राउ गरेको छ । पक्राउ पर्नेहरुमा सोही ठाउँ बस्ने २५ वर्षिय विनोद साह र रोशन कुमार साह छन् । सुनसरीको साहेवगंजबाट विराटनगरतर्फ जाँदै गरेको प्र. १-०२-०४० प ५४९९ नम्बरको मोटरसाईकलमा सवार उनीहरलाई सशस्त्र प्रहरी बल नेपाल बोर्डर आउट पोष्ट साहेवगंजबाट खटिएको सशस्त्र प्रहरीले शंका लागि जाँच गर्दा उनीहरुको साथमा रहेको उक्त रुपैयाँको श्रोत खुलाउन नसकेपछि पक्राउ गरिएको हो । त्यसवेला उक्त मोटरसाईकल समेत बरामद गरिएको छ । बरामद रुपैयाँ तथा मोटरसाईकलसहित उनीहरुलाई आवश्यक कारवाहीको लागि भन्सार कार्यालय सुनसरीमा बुझाईएको छ । उक्त मोटरसाईकलको भन्सार दाखिला मुल्य १ लाख ५० हजार रुपैयाँ रहेको छ ।

सर्लाही, सर्लाही जिल्लाको ब्रम्हपुरी गाउँपालिका ४ स्थित राजबेरी ईलाकाबाट जेठ ११ गते सशस्त्र प्रहरीले १ सय २० बोतल वानरेक्स नामक लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको बरहथवा नगरपालिका ५ बस्ने २१ वर्षिय प्रमोद कुमार महतो छन् । भारतबाट नेपालतर्फ आउँदै गरेका महतोलाई सशस्त्र प्रहरी बल नेपाल बोर्डर आउट पोष्ट त्रिभुवननगरबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला परेको थियो । उनलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

झापा, झापा जिल्लाको झापा गाउँपालिका १ सितुमारी बगान ईलाकास्थित मकै वारीबाट जेठ ११ गते सशस्त्र प्रहरीले करीव १ लाख ८ हजार रुपैयाँ बराबरको विभिन्न किसिमका किराना सामान बरामद गरेको छ । सो ठाउँमा वेवारिसे अवस्थामा रहेको उक्त सामान सशस्त्र प्रहरी बल नेपाल बोर्डर आउट पोष्ट टागनडुब्बाबाट खटिएको सशस्त्र प्रहरीले बरामद गरेको हो । बरामद सामान मेची भन्सार कार्यालयमा बुझाईएको छ ।

काठमाडौं, सुनसरी जिल्लाको कोशी गाउँपालिका ३ स्थित जमुवा चोकबाट जेठ ९ गते सशस्त्र प्रहरीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको भोक्राहा गाउँपालिका ५ बस्ने ३३ वर्षिय मोहम्मद काशिम मन्सुरी छन् । को ११ प ३०२२ नम्बरको मोटरसाईकलमा सवार मन्सुरीलाई सशस्त्र प्रहरी बल नेपाल बोर्डर आउट पोष्ट श्रीपुरबाट खटिएको सशस्त्र प्रहरीले शंका लागि जाँच गर्दा उनको साथमा कोरेक्स ४ बोतल, स्पास्मो प्रोक्सिभन ट्याब्लेट १० वटा र निट्राजेपाम ट्याब्लेट १० वटा फेला परेपछि उनलाई उक्त मोटरसाईकलसहित पक्राउ गरिएको हो । मन्सुरीलाई बरामद लागूऔषध तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ । यसैगरी मोरङ्ग जिल्लाको विराटनगर नगरपालिका १६ दरैयास्थित सीमा ईलाकाबाट जेठ ९ गते सशस्त्र प्रहरीले विभिन्न किसिमका लागूऔषधसहित सोही ठाउँ बस्ने ४३ वर्षिय सन्जु शाहीलाई पक्राउ गरेको छ । प्रदेश ०१-०२-०४४ प ८५८२ नम्बरको मोटरसाईकलमा सवार शाहीलाई सशस्त्र प्रहरी बल नेपाल बोर्डर आउट पोष्ट रानीबाट खटिएको सशस्त्र प्रहरीले शंका लागि जाँच गर्दा उनको साथमा डाईलेक्स डिसी ३ बोतल, नाईट्रोभेट ट्याब्लेट ३० वटा र स्पस्मो प्रोक्सिभन ट्याब्लेट ८ वटा फेला पारेको थियो । उनलाई बरामद लागूऔषध तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।

सुनसरी, सुनसरी जिल्लाको ईनरुवा नगरपालिका ९ बबियास्थित सीमा ईलाकाबाट जेठ १० गते सशस्त्र प्रहरीले चोरीपैठारीको माछा तथा किराना सामानसहित रुपन्देही जिल्लाको देवदह नगरपालिका ६ बस्ने ३१ वर्षिय सन्तोष गैह्रेलाई पक्राउ गरेको छ । भारतबाट अवैध रुपले को ५ प ५८०४ तथा को ४ प ७३२० नम्बरको मोटरसाईकल र लु २ च ७९२८ नम्बरको पिअकप गाडीमा राखी नेपालपतर्फ ल्याउँदै गरेको सामानसहित उनलाई सशस्त्र प्रहरी बल नेपाल नम्बर ४ गण सुनसरीबाट खटिएको सशस्त्र प्रहरीले पक्राउ गरेको हो । सशस्त्र प्रहरीले उक्त सामान ल्याउन प्रयोग भएको दुई वटै मोटरसाईकल तथा पिकअप गाडी समेत बरामद गरेको छ । उनलाई बरामद सामान तथा दुईवटै मोटरसाईकल र गाडीसहित आवश्यक कारवाहीको लागि भन्सार कार्यालय सुनसरीमा बुझाईएको छ । बरामद सामान तथा मोटरसाईकल र गाडीको भन्सार मुल्य १४ लाख ४० हजार रुपैयाँ रहेको छ । यसैगरी सशस्त्र प्रहरी बल नेपाल नम्बर ६ गण सप्तरीबाट खटिएको सशस्त्र प्रहरीले जेठ १० गते करीव ५ लाख रुपैयाँ बराबरको चोरीपैठारीको किराना सामान बरामद गरेको छ । भारतबाट अवैध रुपले नेपाल ल्याई लुकाईछिपाई राखेको उक्त सामान सशस्त्र प्रहरीले सप्तरी जिल्लाको छिन्नमस्ता गाउँपालिका ३ स्थित एक घरबाट बरामद गरेको हो ।

काठमाडौं, कञ्चनपुर जिल्लाको बेलौरी नगरपालिका १० भुडास्थित सीमा ईलाकाबाट जेठ ८ गते सशस्त्र प्रहरीले करीव ५ ग्राम खैरो हेरोईनसहित दुई जनालाई पक्राउ गरेको छ । पक्राउ पर्नेहरुमा सोही ठाउँ बस्ने २० वर्षिय नरेन्द्र चन्द र २२ वर्षिय टेकबहादुर शाही छन् । उनीहरुलाई सशस्त्र प्रहरी बल नेपाल बोर्डर आउट पोष्ट भुडाबाट खटिएको सशस्त्र प्रहरीले शंका लागि जाँच गर्दा उनीहरुको साथमा उल्लेखित परिणामको खैरो हेरोईन फेला परेको हो । पक्राउ परेका दुवै जनालाई बरामद खैरो हेरोईनसहित आवश्यक कारवाहीको लागि नेपाल प्रहरीलाई बुझाईएको छ । यसैगरी पर्सा जिल्लाको बीरगंज महानगरपालिका २५ सिर्सियास्थित सीमा ईलाकाबाट जेठ ९ गते सशस्त्र प्रहरीले करीव १ ग्राम ५ मिलिग्राम ब्राउन सुगर र १० ग्राम गाँजासहित सोही जिल्लाको बीरगंज महानगरपालिका १ बस्ने शाहिल मियालाई पक्राउ गरेको छ । भारतबाट लुकिछिपी नेपालतर्फ आउँदै गरेका मियालाई सशस्त्र प्रहरी बल नेपाल बोर्डर आउट पोष्ट ड्राईपोटबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला पारेको हो । पक्राउ परेका मियालाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

काठमाडौं, धनुषा जिल्लाको धनौजी गाउँपालिका ४ स्थित भडरियाबाट जेठ ७ गते सशस्त्र प्रहरीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको जनकपुर उपमहानगरपालिका १ सिताचोक बस्ने २८ वर्षिय अमित कुमार चौधरी छन् । उनलाई सशस्त्र प्रहरी बल नेपाल बोर्डर आउट पोष्ट ठाडिझिझाबाट खटिएको सशस्त्र प्रहरीले शंका लागि जाँच गर्दा उनको साथमा निट्राभेट ट्याब्लेट ८५ वटा, स्पास्मो क्याप्सुल २९ वटा र एक्जीप्लोन ६ बोतल फेला परेपछि पक्राउ गरिएको हो । पक्राउ परेका चौधरीलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ । यसैगरी सप्तरी जिल्लाको राजगढ गाउँपालिका २ स्थित सीमा ईलाकाबाट जेठ ६ गते सशस्त्र प्रहरीले १५ वटा नाईट्रोभेट ट्याब्लेट र १ बोतल डाईलेक्स नामक लागूऔषधसहित सोही जिल्लाको विष्णुपुर गाउँपालिका १ बस्ने २१ वर्षिय शिवशंकर यादव पक्राउ गरेको छ । भारतबाट नेपालतर्फ आउँदै गरेका यादवलाई सशस्त्र प्रहरी बल नेपाल बोर्डर आउट पोष्ट बनैनियबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला परेपछि पक्राउ गरिएको हो । पक्राउ परेका यादवलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।