एपीएफ टोलीद्वारा चोरीपैठारीको लत्ताकपडा बरामदबारा, बारा जिल्लाको कोल्हबी नगरपालिका १० अमुवास्थित सीमा ईलाकाबाट बैशाख १९ गते एपीएफ टोलीले करीव २ लाख ८५ हजार रुपैयाँ बराबरको चोरीपैठारीको लत्ताकपडा बरामद गरेको छ । बीआर ०५ एच २७८८ र बीआर २२ एन ७२३९ नम्बरको भारतीय मोटरसाईकलमा राखेर अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल सुरक्षा वेश कोल्हबीबाट खटिएको एपीएफ टोलीले बरामद गरेको हो । एपीएफ टोलीले त्यसवेला उक्त दुई वटै मोटरसाईकल समेत बरामद गरेको छ । बरामद लत्ताकपडा तथा मोटरसाईकल भन्सार कार्यालय बिरगंजमा बुझाईएको छ । उक्त मोटरसाईकलको भन्सार दाखिला मुल्य २ लाख रुपैयाँ रहेको छ ।

/uploads/news/no-image-new.jpg