समाचार

रुपन्देही, रुपन्देही जिल्लाको सिद्धार्थनगर नगरपालिका १ डण्डास्थित सीमा ईलाकाबाट कार्तिक २९ गते सशस्त्र प्रहरीले १९ लाख रुपैयाँ बराबरको कार बरामद गरेको छ । सशस्त्र प्रहरी बल नेपाल बोर्डर आउट पोष्ट डण्डाबाट गस्तीमा खटिएको सशस्त्र प्रहरीले सो ठाउँमा बेवारीसे अवस्थामा रहेको भारतीय नम्बरको उक्त कार बरामद गरी भन्सार कार्यालय भैरहवामा बुझाएको हो ।

झापा, झापा जिल्लाको मेचिनगर नगरपालिका ८ स्थित जोरसिमल ईलाकाबाट कार्तिक २९ गते सशस्त्र प्रहरीले करीव १ लाख ४० हजार रुपैयाँ बराबरको २ के.जी. १ सय ग्राम चाँदीका गरगहनासहित दुई जनालाई पक्राउ गरेको छ । पक्राउ पर्नेहरुमा सोही ठाउँ बस्ने १९ बर्षिय बिशाल चौधरी र निशान सहनी छन् । प्रदेश १-०१-०१३ प ६६७ नम्बरको मोटरसाईकलमा सवार उनीहरुलार्ई सशस्त्र प्रहरी बल नेपाल बोर्डर आउट पोष्ट काँकडभिट्टाबाट खटिएको सशस्त्र प्रहरीले शंंका लागि जाँच गर्दा उनीहरुको साथमा उल्लेखित मुल्य बराबरको उक्त चाँदी बरामद गरेको हो । त्यसवेला उनीहरु सवार उक्त मोटरसाईकलसमेत बरामद गरिएको छ । पक्राउ परेकाहरुलाई बरामद गरगहना तथा मोटरसाईकलसहित आवश्यक कारवाहीका लागि आन्तरिक राजश्व कार्यालय ईटहरीमा बुझाईएको छ ।

काठमाडौं, मोरङ जिल्लाको विराटनगर महानगरपालिका १६ दरैयास्थित सीमा ईलाकाबाट कार्तिक २९ गते सशस्त्र प्रहरीले विभिन्न किसिमका लागूऔषधसहित गोरखा जिल्लाको बुङकोट ७ बस्ने २३ बर्षिय मनोज श्रेष्ठलाई पक्राउ गरेको छ । उनलाई सशस्त्र प्रहरी बल नेपाल बोर्डर आउट पोष्ट रानीबाट खटिएको सशस्त्र प्रहरीले शंका लागि जाँच गर्दा उनको साथमा निट्राभेट ट्याब्लेट १० पत्ता, एभिल २३ वटा र लुपीजेसिक ७७ वटा फेला पारेको हो । पक्राउ परेका श्रेष्ठलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ । यसैगरी मोरङ जिल्लाको विराटनगर महानगपालिका १५ स्थित नम्बर २ ढापबाट कार्तिक २९ गते सशस्त्र प्रहरीले विभिन्न किसिमका लागूऔषधसहित झापा जिल्लाको दमक नगरपालिका १ बस्ने २७ बर्षिय रोशन तामाङलाई पक्राउ गरेको छ । उनलाई सशस्त्र प्रहरी बल नेपाल बोर्डर आउट पोष्ट रानीबाट खटिएको सशस्त्र प्रहरीले शंका लागि जाँच गर्दा उनको साथमा एभिल ८ वटा, लुपिजेसिक ८ वटा, डाईजेपाम ८ वटा र फेनेरागन ८ वटा फेला पारेको हो । पक्राउ परेका तामाङलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

महोत्तरी, महोत्तरी जिल्लाको जलेश्वर नगरपालिका ७ स्थित अंकार टोलको एक घरबाट कार्तिक २८ गते सशस्त्र प्रहरीले करीव ४३ के.जि.गाँजा बरामद गरेको छ । लुकाई छिपाई राखेको उक्त गाँजा सशस्त्र प्रहरी बल नेपाल नम्बर ९ गण महोत्तरीबाट खटिएको सशस्त्र प्रहरीले बरामद गरेको हो । बरामद गाँजा जिल्ला प्रहरी कार्यालय महोत्तरीमा बुझाइएको छ ।

काठमाडौं, सशस्त्र प्रहरी परिवार महिला संघले नेपाल एपीएफ अस्पतालसँगको सहकार्यमा पाठेघरको क्यान्सर र त्यसबाट बच्ने उपाय सम्बन्धमा सोमबार नेपाल एपीएफ अस्पतालमा प्रशिक्षणको आयोजना गरेको छ । गत असोज १४ गते एक कार्यक्रमका बीच सशस्त्र प्रहरी परिवार महिला संघकी अध्यक्ष श्रीमती सरिता कणेल खनालले महिला स्वाथ्य जाँच सम्बन्धि विविध कल्याणकारी योजनाको समुद्घाटन गर्नुभएको थियो । सो योजना अन्र्तगत कार्तिक २९ गते आयोजना गरेको तालिममा प्राविधिक सशस्त्र प्रहरी उपरीक्षक डा. सौजन्य कर्माचार्यले प्रशिक्षणमा सहभागी नेपाल एपीएफ अस्पतालमा कार्यरत महिला सशस्त्र प्रहरी स्वास्थ्यकर्मीहरुलाई पाठेघरको क्यान्सर, क्यान्सर हुनुपूर्व गरिने विभिन्न जाँच बारे प्रशिक्षण गर्नुभयो । सशस्त्र प्रहरी परिवार महिला संघले महिलाको पाठेघरमा देखिने विभिन्न समस्याहरुको समयमा नै पहिचान गरी उपचारमा सहज होस भन्ने उद्देश्यले आयोजना गरेको उक्त प्रशिक्षणमा डा. कर्माचार्यले सो रोगको उपचार विधिहरु तथा महिलाको पाठेघर सम्बन्धि विविध स्वास्थ्य जाँचमा प्रयोगमा आउने उपकरण, भी.आई.ए., भी.आई.एल.आई. जाँच, पाठेघर सम्बन्धि समस्याको समयमा पहिचान नहुँदा आउनसक्ने जटिलता र रोग लागेपछि गरिने उपचारको बारेमा समेत प्रकाश पार्नुभयो ।

काठमाडौं, राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा संचालित सि.सं. ३ सीमा सुरक्षा तथा व्यवस्थापन तालिम (सिनियर अधिकृत) सोमबार देखि संचालन भएको भएको छ । सो प्रतिष्ठानका कार्यकारी निर्देशक सशस्त्र प्रहरी नायव महानिरीक्षक खड्ग बहादुर राईले कार्तिक २९ गते सोही प्रतिष्ठानमा आयोजित एक कार्यक्रमका बीच उक्त तालिमको उद्घाटन गर्नुभएको हो । त्यसअवसरमा सशस्त्र प्रहरी नायव महानिरीक्षक राईले संगठनलाई प्राप्त जिम्मेवारीमध्ये सीमा सुरक्षा एक महत्वपूर्ण जिम्मेवारी रहेको चर्चा गर्नुहुँदै राज्यद्धारा संगठनलाई प्राप्त विविध जिम्मेवारीहरु व्यवसायिक र कुशल ढंगले सम्पादनका लागि दक्ष जनशक्ति निर्माणका लागि संगठनले यस्ता विभिन्न व्यवसायिक तालिमहरु नियमित रुपमा संचालन गर्दै आईरहेको बताउनुभयो । उहाँले फौजी संगठनमा तालिमको महत्वमाथि प्रकाश पार्नुहुँदै प्रशिक्षणको दौरान प्रशिक्षार्थीहरुले आर्जन गरेका ज्ञान, कला र कौशललाई कार्यक्षेत्रमा उपयोग गर्दै प्रशिक्षार्थी अधिकृतहरुले आफु मातहतका सशस्त्र प्रहरी कर्मचारीलाई समेत सिकाउँदै विभिन्न स्थानहरुमा खटिई राष्ट्र र नागरिकको सेवा, सुरक्षा र उद्धार लगायतका कार्यसम्पादनको क्रममा चुस्त दुरुस्त रुपमा कृयाशिल रहन सहयोग पुग्ने विश्वास व्यक्त गर्नुभयो । ६ हप्ता अवधिको सो तालिममा ५ जना सशस्त्र प्रहरी नायव उपरीक्षक र २५ जना सशस्त्र प्रहरी निरीक्षक गरी कूल ३० जना अधिकृतहरु प्रशिक्षार्थीको रुपमा सहभागी रहेका छन ।

रुपन्देही, रुपन्देही जिल्लाको सिद्धार्थनगर नगरपालिका १ वाईपास ईलाकाबाट कार्तिक २८ गते सशस्त्र प्रहरीले करीव १ लाख १२ हजार रुपैयाँ बराबरको चोरीनिकासीको डिजेल बरामद गरेको छ । नेपालबाट अवैध रुपले भारततर्फ लैजाँदै गरेको उक्त डिजेल सशस्त्र प्रहरी बल नेपाल बोर्डर आउट पोष्ट डण्डाबाट खटिएको सशस्त्र प्रहरीले बरामद गरेको हो । बरामद डिजेल भन्सार कार्यालय बेलहियामा बुझाईएको छ ।

झापा, झापा जिल्लाको मेचीनगर नगरपालिका ६ मेचीडाँडा ईलाकाबाट कार्तिक २६ गते सशस्त्र प्रहरीले करीव १ लाख ५१ हजार रुपैयाँ बराबरको ओरियन्ज कम्पनीको औषधि बरामद गरेको छ । भारतबाट अबैध रुपले ल्याउँदै गरेको उक्त औषधि सशस्त्र प्रहरी बल नेपाल बोर्डर आउट पोष्ट काँकडभिट्टाबाट खटिएको सशस्त्र प्रहरीले बरामद गरेको हो । बरामद औषधि भन्सार कार्यालय काँकडभिट्टामा बुझाईएको छ ।

प्रकोप पूर्व तयारी सन्जाल (DPNet-Nepal) द्वारा प्रदान गरीने विभिन्न तीन विधा (क) नेपाल विपद् व्यवस्थापन विशिष्ट सम्मान (ख) नेपाल विपद् व्यवस्थापन जीवन रक्षक सम्मान (ग) नेपाल विपद् व्यवस्थापन प्रविधि सम्मान मध्ये २०७८ सालको नेपाल विपद् व्यवस्थापन जीवन रक्षक सम्मान (Life Saving Award) सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारलाई प्रदान गरिएको छ। जसमा सम्मान पत्र सहित नगद रु.11250/- (एघार हजार दुई सय पचास) प्रदान गरिएको छ। सशस्त्र प्रहरी बल, नेपालको तर्फबाट सशस्त्र प्रहरी नायव महानिरीक्षक कालीदास धौवजीले उक्त प्रशंसा पत्र तथा नगद पुरस्कार ग्रहण गर्नु भएको थियो । कार्यक्रमको अध्यक्षता प्रकोप पुर्व तयारी सन्जाल (DPNet-Nepal) का अध्यक्ष सुर्यबहादुर थापाले गर्नु भएको थियो भने प्रमुख अतिथिको रुपमा राष्ट्रिय योजना आयोगका माननीय सदस्य सलोनी प्रधान सिंहको उपस्थिति रहेको थियो । विशेष अतिथिको रुपमा बागमती प्रदेश मामिला समितिका सभापति माननीय माधव पौडेलको उपस्थिति रहेको थियो ।

पर्सा, पर्सा जिल्लाको बीरगंज महानगरपालिका १६ स्थित सीमा ईलाकाबाट कार्तिक २७ गते सशस्त्र प्रहरीले करीव १ लाख ३४ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले दुई वटा ई-रिक्सामा राखेर नेपालतर्फ ल्याउँदै गरेको उल्लेखित मुल्य बराबरको १२ वटा कम्प्युटरको मोनिटर तथा पेन्टिङ्ग रंग सशस्त्र प्रहरी बल नेपाल बोर्डर आउट पोष्ट बीरगंजबाट खटिएको सशस्त्र प्रहरीले बरामद गरेको हो । त्यसवेला उक्त सामान ल्याउन प्रयोग भएको दुई वटै रिक्सा समेत बरामद गरिएको हो । बरामद सामान तथा रिक्सा भन्सार कार्यालय बीरगंजमा बुझाईएको छ । उक्त रिक्साको भन्सार दाखिला मुल्य ३ लाख ९० हजार रुपैयाँ रहेको छ ।

पश्चिम नवलपरासी, पश्चिम नवलपरासी जिल्लाको पाल्हिनन्दन गाउँपालिका ५ चमनटोलबाट कार्तिक २६ गते सशस्त्र प्रहरीले विभिन्न किसिमका लागूऔषधी बरामद गरेको छ । भारतबाट अबैध रुपले ल्याई धानको कुन्युमा लुकाई छिपाई राखेको स्पास्मो ट्याब्लेट २४० वटा, नाईट्राजेपाम ट्याब्लेट १५० वटा, कोडेक्टस २४ बोतल, टिआइपिएल २५ एम्पुल र सेरेज्याक् ४८ एम्पुल सशस्त्र प्रहरी बल नेपाल सुरक्षा बेश गेर्माबाट खटिएको सशस्त्र प्रहरीले फेला पारेको हो । बरामद लागूऔषधी नेपाल प्रहरीलाई बुझाईएको छ ।

मोरङ, मोरङ जिल्लाको विराटनगर महानगरपालिका १५ स्थित भन्सार ईलाकाबाट कार्तिक २७ गते सशस्त्र प्रहरीले एभिल १० एम्पुल, लुपीलेसिक १० एम्पुल, डाईजापाम १० एम्पुल र फेनेर्जाम १० एम्पुलसहित एक जनालाई पक्राउ गरेको छ । पक्राउ पर्नेमा सोही जिल्लाको कानेपोखरी गाउँपालिका ५ बस्ने २७ बर्षिय प्रकाश राई छन् । बा ८३ प २५४४ नम्बरको स्कुटरमा सवार निज राईलाई सशस्त्र प्रहरी बल नेपाल बोर्डर आउट पोष्ट रानीबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला पारेको हो । त्यसवेला उनले प्रयोग गरेको उक्त स्कुटर समेत बरामद गरिएको छ । पक्राउ परेका राईलाई बरामद लागूऔषध तथा स्कुटरसहित आवश्यक कारवाहीको लागि नेपाल प्रहरीलाई बुझाईएको छ ।

मोरङ्ग, मोरङ्ग जिल्लाको सुनवर्षि नगरपालिका ८ स्थित सीमा ईलाकाबाट कार्तिक २७ गते सशस्त्र प्रहरीले १० पत्ता ट्रामाडोल ट्याब्लेट र १ पत्ता स्पास्मो ट्याब्लेटसहित एक जनालाई पक्राउ गरेको छ । पक्राउ पर्नेमा झापा जिल्लाको कमल गाउँपालिका १ बस्ने १९ वर्षिय निशान दाहाल छन् भारतबाट नेपालतर्फ आउँदै गरेका निज दाहाललाई सशस्त्र प्रहरी बल नेपाल बोर्डर आउट पोष्ट सिक्टीबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला पारेको हो । पक्राउ परेका दाहाललाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

रौतहट, रौतहट जिल्लाको गजुरा नगरपालिका ३ सिम्रीस्थित जंगलरौया सामुदायिक वन ईलाकाबाट कार्तिक २८ गते करीव ९९ हजार रुपैयाँ बराबरको सालको काठ बरामद गरिएको छ । उक्त सामुदायिक बनबाट अवैध रुपले कटान गरी ना ५ च ७६९४ नम्बरको ट्याक्टरमा राखेर ल्याउँदै गरेको अवस्थामा उक्त काठ सशस्त्र प्रहरी बल नेपाल फरवार्ड वेश जंगलरौया तथा स्थानीय सव-वन डिभिजन कार्यालयको कर्मचारीको संयुक्त टोलीले बरामद गरेको हो । त्यसवेला उक्त ट्याक्टर समेत बरामद गरिएको छ । बरामद काठ वन डिभिजन कार्यालय चपुरमा बुझाईएको छ । उक्त ट्याक्टरको भन्सार दाखिला मुल्य ७ लाख रुपैयाँ रहेको छ ।

कञ्चनपुर, कञ्चनपुर जिल्लाको पुनर्वास नगरपालिका ११ डोके बजारबाट कार्तिक १४ गते सशस्त्र प्रहरीले विभिन्न किसिमका लागूऔषधसहित कैलाली जिल्लाको धनगढी उपमहानगरपालिका ३ बस्ने २३ बर्षिय बिजय नेपालीलाई पक्राउ गरेको छ । भारतबाट नेपालतर्फ आउँदै गरेका निज नेपालीलाई सशस्त्र प्रहरी बल नेपाल बोर्डर आउट पोष्ट डोके बजारबाट खटिएको सशस्त्र प्रहरीले शंका लागि जाँच गर्दा उनको साथमा नाईट्रोभेट ट्याब्लेट १० वटा र प्रोक्सीवेल स्पास ट्याब्लेट ४२ वटा फेला पारेको हो । पक्राउ परेका नेपालीलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

काठमाडौं, सिरहा जिल्लाको औरही गाउँपालिका ५ स्थित सीमा ईलाकाबाट कार्तिक १३ गते सशस्त्र प्रहरीले करीव १ लाख १५ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अबैध रुपले ल्याउँदै गरेको उक्त लत्ताकपडा सशस्त्र प्रहरी बल नेपाल बोर्डर आउट पोष्ट इट्टाटारबाट खटिएको सशस्त्र प्रहरीले बरामद गरेको हो । यसैगरी सशस्त्र प्रहरी बल नेपाल सुरक्षा वेश कलैयाबाट खटिएको सशस्त्र प्रहरीले कार्तिक १३ गते भारतबाट अवैध रुपले नेपालतर्फ ल्याउँदै गरेको करीव १ लाख १३ हजार रुपैयाँ बराबरको चोरीपैठारीको लत्ताकपडा बारा जिल्लाको फेटा गाउँपालिका २ स्थित सीमा ईलाकाबाट बरामद गरेको हो । बरामद लत्ताकपडा स्थानीय भन्सार कार्यालयमा बुझाईएको छ ।