समाचार

काठमाडौं, सशस्त्र प्रहरी बल, नेपालको निशान भगवती श्री बगलामुखी माईको पञ्चवली एवं मंसिर पूजा सम्पन्न भएको छ । सशस्त्र प्रहरी महानिरीक्षक शैलेन्द्र खनालले मंसीर २५ गते विहान पूजाको शुभ-साईतमा ललितपुरको कुम्भेश्वरमा अवस्थित बगलामुखी माईको मन्दिरमा पूजा गर्नुभएको हो । बिहान ०४ बजेर ३० मिनेटको पुजाको संकल्प साइतमा सशस्त्र प्रहरी महानिरीक्षक खनालले विशेष कार्यक्रमका बीच पुजाअर्चना गर्नुभएको थियो । सशस्त्र प्रहरी व्याण्डको मंगलधुनबीच सुरु भएको पुजा कार्यक्रममा सशस्त्र प्रहरी बल, नेपालका बरिष्ठ अधिकृत, विल्लादार तथा जवानहरुको उपस्थित रहेको थियो ।

कैलाली , कैलाली जिल्लाको भजनी नगरपालिका ७ स्थित हुलाकीमार्गबाट मंसीर २४ गते सशस्त्र प्रहरीले दूईनाले बन्दुकसहित तीन जनालाई पक्राउ गरेको छ । पक्राउ पर्नेहरुमा सोही जिल्लाको घोडाघोडी नगरपालिका बस्ने ५५ बर्षिय दयाराम चौधरी, ३५ बर्षिय अजय चौधरी र २९ बर्षिय तुलाराम चौधरी छन् । दुई वटा मोटरसाईकलमा सवार उनीहरुलाई सशस्त्र प्रहरी बल, नेपाल बोर्डर आउट पोष्ट हिम्मतपुरले सो बन्दुकमा प्रयोग हुने ८ वटा टोटा कार्टिजसहित पक्राउ गरेको हो । पक्राउ परेकाहरुलाई बरामद बन्दुक तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।

महोत्तरी, महोत्तरी जिल्लाको सम्सी गाउँपालिका ६ स्थित सम्सी चोकबाट मंसीर २० गते सशस्त्र प्रहरीले लागूऔषधसहित एक जनालाई पक्राउ गरेको छ । पक्राउ पर्नेमा धनुषा जिल्लाको मिथिला नगरपालिका ६ बस्ने ३७ बर्र्र्षिय प्रमोद चौधरी छन् । उनलाई सशस्त्र प्रहरी बल नेपाल बोर्डर आउट पोष्ट सम्सीबाट खटिएको टोलीले शंका लागि जाँच गर्दा उनको साथमा एक्जिप्लो ९ बोतल र डाईलेक्स ५ बोतल फेला पारेको हो । पक्राउ परेका चौधरीलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

काठमाण्डौं, सशस्त्र प्रहरी महानिरीक्षक शैलेन्द्र खनालले प्राप्त जिम्मेवारी लाई त्रुटि रहित र उत्कृष्ट ढंगले पूरा गर्नको लागि श्रोतसाधनसहित सरोकारवाला सबैसंग निरन्तर समन्वय र सहकार्यका साथ कार्य गर्न निर्देशन दिनु भएको छ । सशस्त्र प्रहरी बल नम्बर ६ गण सप्तरिको नबनिर्मित भवनको आइतबार उद्घाटन गर्नु हुंदै महानिरीक्षक खनालले सो कुरा बताउनु भएको हो । सुरक्षा इकाईहरुले न्युन जनशक्ति र सीमित श्रोत साधनका बाबजुद पनि उत्कृष्ट कार्य गरेको भन्दै उहाँले आगामि दिनमा समेत राज्यले दिएको जिम्मेवारी लाइ त्रुटीरहित ढंगले अनुशासित र जिम्मेवारीका साथ पूरा गर्न निर्देशन दिनु भयो । सशस्त्र प्रहरी बल, नेपाल तराईमा परिचालन भए पश्चात् चोरि तस्करि नियन्त्रण भइ राजश्वमा समेत वृद्धि भएको र तराईका जनताले थप सुरक्षाको अनुभुति गर्न पाएको स्मरण गर्नु हुंदै उहाँले आगामी दिनमा समेत उत्कृष्ट कार्य गर्न मातहत कर्मचारीहरुलाइ निर्देशन दिनु भयो । सशस्त्र प्रहरी बल,नेपाल प्रति आम जनताले गरेको भरोसालाई कायम राख्दै आगामी दिनमा रास्ट्र र संगठन प्रति इमानदार, नैतिकवान, अनुशासित र उच्च समर्पणका साथ कार्य क्षेत्रमा खटिन समेत उहाँले निर्देशन दिनु भयो । आइतबारनै महानिरीक्षक खनालले सोही जिल्लाको शम्भुनाथ नगरपालिका वार्ड नं. ११ मा स्थापना भएको नेपाल ए.पि.एफ. ठाकोदेबी जोगेन्द्र भगत स्कुलको समेत उद्घाटन गर्नु भयो । ए.पी.एफ. स्कुललाई क्षेत्रीयरुपमा बिस्तार गर्दै लैजाने क्रमम यश अघि प्रदेश नं. ५ स्थित कोहलपुर बांकेमा नेपाल एपीएफ स्कुल संचालनमा आइसकेको छ। कार्यक्रममा सप्तरी जिल्लाका प्रमुख जिल्ला अधिकारि सहित सुरक्षा निकायका प्रमुख हरुको उपस्थिति रहेको थियो । यसैगरी आइतबारनै महानिरीक्षक खनालले स.प्र. बल, नेपाल दन्तकाली बिशेष कार्य तालिम शिक्षालय, सप्तरीको निरीक्षण समेत गर्नु भयो । २०७५ साल माघ २० गते स्थापित सो शिक्षालयमा बिशिष्ट प्रकारका तालिमहरु संचालन हुँदै आएका छन् । यसै बिच महानिरीक्षक खनालले मंसिर २० गते सोमबार प्रदेश २ अन्तर्गत स.प्र.बल, नेपाल नम्बर ११ गण रौतहट र स.प्र.बल, नेपाल नम्बर १२ गण बाराको नबनिर्मित भवनको समेत उद्घाटन गर्नु हुँदै कार्यक्षेत्रमा त्रुटिरहित ढंगले उत्कृष्ट कार्य गर्न मातहत कर्मचारीलाई निर्देशन दिनु भयो । सो अबसरमा जिल्ला स्थित प्रमुख जिल्ला अधिकारी , सुरक्षा निकायका प्रमुख, स्थानीय भद्रभलाद्मी एबं विभिन्न निकायका प्रमुख तथा प्रतिनिधिहरुको समेत उपस्थिति थियो ।

काठमाडौं, महोत्तरी जिल्लाको सम्सी गाउँपालिका ६ स्थित सम्सीचोकबाट मंसीर १९ गते सशस्त्र प्रहरीले करीव १ लाख ३० हजार रुपैयाँ बराबरको चोरीपैठारीका बिभिन्न सामान बरामद गरेको छ । भारतबाट अवैध रुपले नेपालतर्फ ल्याउँदै गरेको अवश्थामा कस्मेटिक सामान तथा मोटरपाट्र्स सशस्त्र प्रहरी बल, नेपाल बोर्डर आउट पोष्ट सम्सीबाट खटिएको टोलीले बरामद गरेको हो । यसैगरी पर्सा जिल्लाको वीरगंज महानगरपालिका १९ ईनरुवा स्थित सीमा ईलाकाबाट मंसीर १९ गते सशस्त्र प्रहरीले करीव १ लाख २० हजार रुपैयाँ बराबरको चोरीपैठारीको किराना सामान तथा लत्ताकपडा बरामद गरेको छ । भारतबाट अबैध रुपले नेपालतर्फ ल्याउँदै गरेको अवश्थामा उक्त सामान सशस्त्र प्रहरी बल, नेपाल बोर्डर आउट पोष्ट वीरगंजबाट खटिएको टोलीले बरामद गरेको हो । त्यसैगरी रुपन्देही जिल्लाको सिद्धार्थनगर नगरपालिका १ स्थित सीमा ईलाकाबाट मंसीर २० गते सशस्त्र प्रहरीले करीव १ लाख २५ हजार रुपैयाँ बराबरको चोरीपैठारीको जुत्ता तथा लत्ताकपडा बरामद गरेको छ । भारतबाट अबैध रुपले नेपालतर्फ ल्याउँदै गरेको अवश्थामा उक्त सामान सशस्त्र प्रहरी बल, नेपाल बोर्डर आउट पोष्ट डण्डाबाट खटिएको टोलीले बरामद गरेको हो । बरामद सामान स्थानीय भन्सार कार्यालयमा बुझाईएको छ ।

कपिलबस्तु , कपिलबस्तु जिल्लाको बाण गंगा नगरपालिका ८ स्थित मधुवन सामुदायीक वनबाट मंसीर २० गते सशस्त्र प्रहरीले एक नाल भरुवा बन्दुक बरामद गरेको छ । सशस्त्र प्रहरी बल, नेपाल सुरक्षा वेश पिपराबाट गस्तिमा खटिएको टोलीले सो वनमा वेवारिसे अबस्थामा उक्त भरुवा बन्दुक फेला पारेको हो ।

झापा, झापा जिल्लाको गौरीगञ्ज गाउँपालिका २ आँपगाँछी स्थित कमल खोलामा डुवेर वेपत्ता भएका एक जनाको शव सशस्त्र प्रहरीले मंसीर १९ गते फेला पारेको छ । सोही जिल्लाको झापा गाउँपालिका १ बस्ने ४९ बर्षिय भिम सोरेन मंसीर १८ गते माछा मार्ने क्रममा डुवेर वेपत्ता भएको बताईएको छ । सशस्त्र प्रहरी बल नेपाल बोर्डर आउट पोष्ट आँपगाँछीबाट खटिएको सशस्त्र प्रहरी र नेपाल प्रहरीको संयुक्त टोलीले खोजतलास गर्ने क्रममा उनको शव पानीमा डुवेको अवस्थामा फेला पारेको हो ।

बारा, बारा जिल्लाको सुर्वण गाउँपालिका ७ स्थित सीमा ईलाकाबाट मंसीर १९ गते सशस्त्र प्रहरीले करीव ६४ के.जी. गाँजा बरामद गरेको छ । नेपालबाट भारततर्फ लैजादै गरेको अबस्थामा सशस्त्र प्रहरील बल नेपाल नम्बर २ छिन्नमस्ता बाहिनी मुख्यालय बर्दिबासबाट खटिएको टोलीले उक्त गाँजा बरामद गरेको हो । बरामद गाँजा आवश्यक कारवाहीको लागि नेपाल प्रहरीलाई बुझाईएको छ ।

काठमाडौं, श्री पशु स्वास्थ्य तथा डग हैण्डलर उप-शाखा सशस्त्र प्रहरी बल, नेपाल प्रधान कार्यालय काठमाडौंमा मंसीर १९ गतेदेखि ‘सि.सं २ आम्र्स एण्ड एक्सप्लोसिभ डिटेक्सन डग ट्रेनिङ्ग' संचालन भएको छ । प्राविधिक सशस्त्र प्रहरी उपरीक्षक ई. नानीराम हुमागाईले सोही कार्यालयमा आयोजित एक समारोहका बीच उक्त तालिमको उद्घाटन गर्नुभयो । त्यस अवसरमा उहाँले डग तालिमको महत्वमाथि प्रकाश पार्नुहुँदै विभिन्न समयमा जटिल अनुसन्धानमा तालिम प्राप्त डगको सहयोगमा महत्वपुर्ण कार्यसम्पादन गर्न सफलता प्राप्त भएको स्मरण गर्नुहुँदै यस्ता तालिमले भविष्यमा हुनसक्ने विभिन्न अपराधजन्य क्रियाकलापहरुको रोकथाम तथा भि.आई.पि., भि.भि.आई.पि सुरक्षाको बेला उत्कृष्ट कार्यसम्पादनमा समेत सघाउपुग्ने बताउनुभयो । सो तालिमका प्रशिक्षार्थीहरुलाई डगको ईतिहास, वेशिक ओविडेन्स, क्यानल व्यवस्थापन, हाउस मेरिङ्ग, भेटेनरी, आम्र्स एण्ड एक्सप्लोसिभ डिटेक्सन, मानव अधिकार लगायत ग्राउण्ड सर्च, एरोप्लेन सर्च, बिल्डीङ्ग सर्च, भेहिकल सर्च, आर्टिकल सर्च, ह्यूम्यान बडिसर्च आदि विषयमा प्रशिक्षण गरिने कुरा त्यसैअवसरमा जानकारी गराईएको थियो । १२ हप्ता अवधिको उक्त तालिममा २९ जना बिल्लादार तथा जवानहरु प्रशिक्षार्थीको रुपमा सहभागि रहेका छन् ।

काठमाडौं, पर्सा जिल्लाको वीरगंज महानगरपालिका १६ ईनर्वा स्थित सीमा ईलाकाबाट मंसीर १९ गते सशस्त्र प्रहरीले करीव १ लाख ६८ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अबैध रुपले २ वटा मोटरसाईकलमा राखेर ल्याउँदै गरेको उक्त लत्ताकपडा सशस्त्र प्रहरी बल नेपाल नम्बर १३ गण पर्साबाट सशस्त्र प्रहरी नायव उपरीक्षक सुमन थापाको कमाण्डमा खटिएको टोलीले बरामद गरेको हो । त्यसवेला उक्त दुईवटै मोटरसाईकलसमेत बरामद गरिएको छ । बरामद मोटरसाईकलको भन्सार दाखिला मुल्य २ लाख ३५ हजार रुपैयाँ रहेको छ । यसैगरी सशस्त्र प्रहरी बल नेपाल बोर्डर आउट पोष्ट रानीबाट सशस्त्र प्रहरी निरीक्षक प्रभात कुमार गौतमको कमाण्डमा खटिएको टोलीले मंसीर १९ गते करीव १ लाख ४६ हजार रुपैयाँ बराबरको चोरीपैठारीको ईलेक्ट्रोनिक समान बरामद गरेको छ । भारतबाट अबैध रुपले नेपालतर्फ ल्याउँदै गरेको उक्त सामान सशस्त्र प्रहरीले मोरङ जिल्लाको बिराटनगर महानगरपालिका १६ स्थित सीमा ईलाकाबाट बरामद गरेको हो । बरामद सामान स्थानीय भन्सार कार्यालयमा बुझाईएको छ ।

बर्दिया, बर्दिया जिल्लाको गुलरिया नगरपालिका १० स्थित भाँदा नदि किनाराबाट मंसीर १५ गते सशस्त्र प्रहरीले करीव ३ लाख ५० हजार रुपैयाँ बराबरको काठ बरामद गरेको छ । वेवारिसे अवस्थामा रहेको उल्लेखित मुल्य बराबरको ३ सय ५० क्यूफिट सिमलको काठ सशस्त्र प्रहरी बल नेपाल नम्बर ३१ गण बर्दियाबाट खटिएको सशस्त्र प्रहरीले बरामद गरेको हो ।

महोत्तरी, महोत्तरी जिल्लाको सम्सी गाउँपालिका ७ स्थित सीमा ईलाकाबाट मंसीर १५ गते सशस्त्र प्रहरीले विभिन्न किसिमका सामानसहित सोही ठाउँ बस्ने ३० वर्षिय प्रेमसागर रायलाई पक्राउ गरेको छ । कुरियरगरी भारततर्फ लैजाँदै गरेको अवस्थामा बुद्धमाला ४ सय थान, तामाको प्लेट १४ थान, मन्दिरको कलात्मक सामान ३६ थान, त्रिकोण बक्स १ थान, नेपाली राहधानी ३ थान, कुमारी बैंकको पाँच लाखको बाउन्स चेक एक थान तथा विदेश जानको लागि चाहिने विभिन्न कागजपत्रहरुसहित उनलाई सशस्त्र प्रहरी बल नेपाल बोर्डर आउट पोष्ट सम्सीबाट खटिएको सशस्त्र प्रहरीले पक्राउ गरेको हो । पक्राउ परेका रायलाई बरामद सामानसहित आवश्यक कारवाहीको लागि नेपाल प्रहरीलाई बुझाएको छ ।

सर्लाही, सर्लाही जिल्लाको हरिवन नगरपालिका ६ ईलाकाबाट मंसीर १५ गते सशस्त्र प्रहरीले करीव ६ के.जी. गाँजासहित एक जनालाई पक्राउ गरेको छ । पक्राउ पर्नेमा सोही जिल्लाको बागमती नगरपालिका ८ बस्ने २१ वर्षिय कवान तामाङ्ग छन् । उनलाई सशस्त्र प्रहरी बल नेपाल नम्बर १० गण सर्लाहीबाट खटिएको सशस्त्र प्रहरीले शंका लागि जाँच गर्दा उनको साथमा उक्त गाँजा फेला पारेको हो । पक्राउ परेका तामाङ्गलाई बरामद गाँजासहित आवश्यक कारवाहीको लागि नेपाल प्रहरीलाई बुझाईएको छ ।

बर्दिया, बर्दिया जिल्लाको गुलरिया नगरपालिका १० स्थित भाँदा नदि किनाराबाट मंसीर १५ गते सशस्त्र प्रहरीले करीव ३ लाख ५० हजार रुपैयाँ बराबरको काठ बरामद गरेको छ । वेवारिसे अवस्थामा रहेको उल्लेखित मुल्य बराबरको ३ सय ५० क्यूफिट सिमलको काठ सशस्त्र प्रहरी बल नेपाल नम्बर ३१ गण बर्दियाबाट खटिएको सशस्त्र प्रहरीले बरामद गरेको हो ।

काठमाडौं, धनुषा जिल्लाको धनौजी गाउँपालिका ३ स्थित सीमा ईलाकाबाट मंसीर १५ गते सशस्त्र प्रहरीले करीव २ लाख ९ हजार रुपैयाँ बराबरको चोरीपैठारीको लत्ताकपडा बरामद गरेको छ । ज ९ प ४२८२ र बीआर ३२ के १७८२ नम्बरको मोटरसाईकलमा राखेर भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल बोर्डर आउट पोष्ट ठाडीझिजाबाट खटिएको टोलीले बरामद गरेको हो । त्यसवेला दुवै मोटरसाईकल समेत बरामद गरिएको छ । बरामद मोटरसाईकलको भन्सार दाखिला मुल्य ३ लाख रुपैयाँ रहेको छ । त्यसैगरी सशस्त्र प्रहरी बल नेपाल बोर्डर आउट पोष्ट खजुरीबाट खटिएको सशस्त्र प्रहरीले मंसीर १५ गते करीव १ लाख ७८ हजार रुपैयाँ बराबरको चोरीपैठारीको मोटर पार्ट्स बरामद गरेको छ । भन्सार छली ल्याउँदै गरेको उक्त मोटर पार्ट्स सशस्त्र प्रहरीले धनुषा जिल्लाको जनकीनन्दनी गाउँपालिका ३ सीमा ईलाकाबाट बरामद गरेको हो । बरामद लत्ताकपडा, मोटर पार्ट्स तथा मोटरसाईकल भन्सार कार्यालय जनकपुरमा बुझाईएको छ ।

महोत्तरी, महोत्तरी जिल्लाको सम्सी गाउँपालिका ७ स्थित सीमा ईलाकाबाट मंसीर १५ गते सशस्त्र प्रहरीले विभिन्न किसिमका सामानसहित सोही ठाउँ बस्ने ३० वर्षिय प्रेमसागर रायलाई पक्राउ गरेको छ । कुरियरगरी भारततर्फ लैजाँदै गरेको अवस्थामा बुद्धमाला ४ सय थान, तामाको प्लेट १४ थान, मन्दिरको कलात्मक सामान ३६ थान, त्रिकोण बक्स १ थान, नेपाली राहधानी ३ थान, कुमारी बैंकको पाँच लाखको बाउन्स चेक एक थान तथा विदेश जानको लागि चाहिने विभिन्न कागजपत्रहरुसहित उनलाई सशस्त्र प्रहरी बल नेपाल बोर्डर आउट पोष्ट सम्सीबाट खटिएको सशस्त्र प्रहरीले पक्राउ गरेको हो । पक्राउ परेका रायलाई बरामद सामानसहित आवश्यक कारवाहीको लागि नेपाल प्रहरीलाई बुझाएको छ ।