समाचार

रुपन्देही, रुपन्देही जिल्लाको सिद्धार्थनगर नगरपालिका १ डण्डा ईलाकाट कार्तिक २० गते एपीएफ टोलीले करिव १ लाख ५२ हजार रुपैयाँ बराबरको चोरीपैठारीको मोर्टर पार्ट्स बरामद गरेको छ । भारतबाट अवैध रुपले नेपालतर्फ ल्याउदै गरेको उल्लेखित मूल्य बराबरको मोर्टर पार्ट्स सशस्त्र प्रहरी बल, नेपाल नम्वर ३८ गुल्म हेक्वा रुपन्देहीबाट खटिएको एपीएफ टोलीले बरामद गरेको हो । बरामद मोर्टर पार्ट्स भैरहवा भन्सार कार्यालय रुपन्देहीमा बुझाईएको छ ।

सप्तरी, सप्तरी जिल्लाको बलान बिहुल गाँउपालिका ४ स्थित कुशाहाबेली भित्री सडक खण्डबाट कार्तिक १९ गते एपीएफ टोलीले करिव ४ लाख रुपैया बराबरको चोरीनिकासीको व्याट्री बरामद गरेको हो । स.१ त ६९५ नम्वरको ट्याक्टरमा राखेर अवैध रुपले नेपालबाट भारततर्फ लैजादै गरेको उल्लेखित मूल्य बराबरको १२ भोल्ट पुरानो व्याट्री सशस्त्र प्रहरी बल, नेपाल बोर्डर आउट पोष्ट रामनगरबाट खटिएको एपीएफ टोलीले बरामद गरेको हो। त्यसबेला एपीएफ सो ट्याक्टर समेत बरामद गरेको हो ।

बझाङ, बझाङ जिल्लाको बुङ्गल नगरपालिका १ दारिमगार्डमा कालङ्गा हाईड्रो पावरको निर्माणाधिन सुरुङभित्र फसेका अर्का एक जनाको शब एपीएफ टोलीले सो सुरुङबाट बाहिर निकालेको छ । दैलेख जिल्लाको गुराँस नगरपालिका ३ बस्ने ३० बर्षिय महेन्द्र शाहीको शब सोमबार बेलुका करीब सवा सात बजे सो सुरुङबाट बाहिर निकालिएको हो । त्यसअघि एपीएफ टोली र सोही हाईड्रो पावरका दुई जना कर्मचारीले सो सुरुङमा उनीसँगै फसेका अन्य दुई जनाको शब सोमबार अपरान्ह करीब ५ बजे सुरुङबाट बाहिर निकालेका थिए । शब निकालिएकाहरुमा अछाम जिल्लाको तुर्माखाँद गाँउपालिका ६ बस्ने २४ बर्षिय महेन्द्र साउद र दैलेख जिल्लाको गुराँस नगरपालिका ३ बस्ने ३२ बर्षिय करन शाही छन् । उनीहरुसँगै उक्त सुरुङमा कूल चार जना फसेको बताइएको । उनीहरुसहितका ४ जना व्यक्तिहरु हिजो दिउँसो सुरुङ निर्माणमा प्रयोग भएको एउटा बलेरो गाडी र दुई वटा ट्रयाक्टरसहित निर्माणाधिन उक्त सुरुङभित्र काम गर्ने क्रममा फसेका थिए । उक्त सुरुङमा केही व्यक्तिहरु फसेको भन्ने जानकारी पाउनासाथ सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक भवराज कटुवालको कमाण्डमा विपद् व्यवस्थापन तालिम प्राप्त दक्ष टोली आवश्यक उद्धार सामाग्रीसहित आज समिट एयरको हेलिकप्टरद्वारा त्यसठाउँमा उद्धार कार्यको लागि खटिई गएको थियो ।

बझाङ, बझाङ जिल्लाको बुङ्गल नगरपालिका १ दारिमगार्डमा कालङ्गा हाईड्रो पावरको निर्माणाधिन सुरुङभित्र फसेर मृत्यु भएका दुई जनाको शब सुरुङबाट बाहिर निकालिएको छ । एपीएफ टोली र सोही हाईड्रो पावरका दुई जना कर्मचारीले सोमबार अपरान्ह करीब ५ बजे उक्त शब सो निर्माणाधिन सुरुङबाट बाहिर निकालेको हो । मृत्यु हुनेहरुमा अछाम जिल्लाको तुर्माखाँद गाँउपालिका ६ बस्ने २४ बर्षिय महेन्द्र साउद र दैलेख जिल्लाको गुराँस नगरपालिका ३ बस्ने ३२ बर्षिय करन शाही छन् । उनीहरुसहितका ४ जना व्यक्तिहरु हिजो दिउँसो सुरुङ निर्माणमा प्रयोग भएको एउटा बलेरो गाडी र दुई वटा ट्रयाक्टरसहित निर्माणाधिन उक्त सुरुङभित्र काम गर्ने क्रममा फसेका थिए । उक्त सुरुङमा केही व्यक्तिहरु फसेको भन्ने जानकारी पाउनासाथ सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक भवराज कटुवालको कमाण्डमा विपद् व्यवस्थापन तालिम प्राप्त दक्ष टोली आवश्यक उद्धार सामाग्रीसहित आज समिट एयरको हेलिकप्टरद्वारा त्यसठाउँमा उद्धार कार्यको लागि खटिई गएको थियो ।

रौतहट, रौतहट जिल्लाको गौर नगरपालिका १ कानोपट्टीबाट कार्तिक १५ गते एपीएफ टोलीले करीब एक लाख दुई हजार रुपैयाँ बराबरको चोरीपैठारीको मोटर पार्ट्स तथा हेण्डकलका सामान बरामद गरेको छ । भारतबाट अवैध रुपले ल्याउँदै गरेको अवस्थामा उक्त सामान सशस्त्र प्रहरी बल, नेपाल बोर्डर आउट पोष्ट गौरबाट खटिएको एपीएफ टोलीले बरामद गरेको हो । बरामद सामान स्थानीय भन्सार कार्यालयमा बुझाइएको छ ।

सर्लाही, सर्लाही जिल्लाको बलरा नगरपालिका ३ लक्ष्मीपुरस्थित सीमा ईलाकाबाट कार्तिक १५ गते एपीएफ टोलीले करीब एक लाख रुपैयाँ बराबरको चोरीनिकासीको सोफी मदिरा बरामद गरेको छ । डीएल ८ सिवाई ४४०३ नम्बरको भारतीय स्कारपियो गाडीमा राखेर लैजाँदै गरेको उक्त मदिरा सशस्त्र प्रहरी बल, नेपाल बोर्डर आउट पोष्ट छतौनाबाट खटिएको एपीएफ टोलीले बरामद गरेको हो । एपीएफ टोलीले त्यसवेला उक्त गाडी समेत बरामद गरेको छ । बरामद मदिरा तथा गाडी भन्सार कार्यालय मलंगवामा बुझाइएको छ ।

कैलाली, कैलाली जिल्लाको धनगढी उपमहानगरपालिका २ पुरानो भन्सार रोड ईलाकाबाट कार्तिक १६ गते एपीएफ टोलीले ४७ बोतल कोरेक्स नामक लागूऔषधसहित दुई जनालाई पक्राउ गरेको छ । पक्राउ पर्नेहरुमा भारतको लक्ष्मीपुरछिरी उत्तर प्रदेश घर बताउने ३१ बर्षिय महोमद आफजल र २५ बर्षिय रहेमद अली छन् । यूपी ३१ जे ४१०७ नम्बरको भारतीय मोटरसाइकलमा सवार उनीहरुलाई सशस्त्र प्रहरी बल, नेपाल नम्बर ५३ गुल्म हेक्वा कैलालीबाट खटिएको एपीएफ टोलीले जाँच गर्दा उक्त लागूऔषध फेला परेपछि पक्राउ गरिएको हो । पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ ।

काठमाडौं, सुनसरी जिल्लाको कोशी गाँउपालिका ८ स्थित पूर्व-पश्चिम लोकमार्गबाट कार्तिक १० गते एपीएफ टोलीले करीब ४ लाख २५ हजार रुपैयाँ बराबरको अवैध लत्ताकपडा तथा जु्त्ताचप्पल बरामद गरेको छ । सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले उक्त लत्ताकपडा तथा जुत्ताचप्पल बरामद गरेको हो । बिराटनगरबाट काठमाडौंतर्फ आउँदै गरेको ना ३ ख ४०३६ नम्बरको यात्रुवाहक बसमा जाँच गर्दा नक्कली बिल बनाई अवैध रुपले ल्याउँदै गरेको अवस्थामा उक्त लत्ताकपडा तथा जुत्ताचप्पल बरामद गरिएको हो । बरामद लत्ताकपडा तथा जुत्ताचप्पल स्थानीय भन्सार कार्यालयमा बुझाइएको छ । यसैगरी चोरीपैठारी गरी ल्याउँदै गरेको अवस्थामा सशस्त्र प्रहरी बल, नेपाल नम्बर ८ गण हेक्वा धनुषाबाट खटिएको एपीएफ टोलीले कार्तिक १० गते धनुषा जिल्लाको जनकपुर उपमहानगरपालिका १६ कपिलेश्वरबाट करीब एक लाख ५० हजार रुपैयाँ बराबरको चोरीपैठारीको लत्ताकपडा बरामद गरेको छ ।

पश्चिम नवलपरासी, पश्चिम नवलपरासी जिल्लाको पाल्हीनन्दन गाँउपालिका ५ गेर्मीबाट कार्तिक ९ गते एपीएफ टोली र स्थानीय प्रहरीले करीब ७ लाख ९० हजार रुपैयाँ बराबरको चौपाया बरामद गरेको छ । भारतबाट अवैध रुपले ल्याउँदै गरेको अवस्थामा सशस्त्र प्रहरी बल, नेपाल बोर्डर आउट पोष्ट हरपुरबाट खटिएको एपीएफ टोली र स्थानीय प्रहरीले उल्लेखित मूल्य बराबरको ७९ वटा खसी बोका बरामद गरेको हो ।

झापा, झापा जिल्लाको भद्रपुर नगरपालिका ५ बाट कार्तिक ८ गते एपीएफ टोलीले बिभिन्न किसिमको लागूऔषधसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको बिर्तामोड नगरपालिका ७ बस्ने २३ बर्षिय चन्दन साह र दमक नगरपालिका ८ बस्ने २५ वर्षीय बिशाल गुरुङ छन् । सशस्त्र प्रहरी बल, नेपाल नम्बर २ गण हेक्वा झापाबाट खटिएको एपीएफ टोलीले भारतबाट नेपालतर्फ आउँदै गरेका उनीहरुलाई जाँच गर्दा फेनारगन ७ वटा, लुपिजेसिक ८ वटा र डाइजापाम ८ वटा फेला परेपछि पक्राउ गरिएको हो । एपीएफ टोलीले पक्राउ परेका दुवै जनालाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

काठमाडौं, सुनसरी जिल्लाको कोशी गाउँपालिका ८ स्थित पूर्व-पश्चिम लोकमार्गबाट कार्तिक ३ गते एपीएफ टोलीले करीब ६ लाख ३९ हजार रुपैयाँ बराबरको अवैध लत्ताकपडा बरामद गरेको छ । बा ५ ख १४१० नम्बरको यात्रुवाहक बसमा अवैध रुपले ल्याउँदै गरेको अवस्थामा सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले उक्त लत्ताकपडा बरामद गरेको हो । बरामद लत्ताकपडा भन्सार कार्यालय कोशी ब्यारेजमा बुझाइएको छ । यसैगरी सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले करीब ४ लाख ५८ हजार रुपैयाँ बराबरको अवैध लत्ताकपडा, मोटर्स पाटर््स र हार्डवेयरका सामान बरामद गरेको छ । पर्सा जिल्लाको बीरगंज महानगरपालिका १६ स्थित बाईपास रोड ईलाकाबाट कार्तिक ३ गते उक्त समान बरामद गरिएको हो । बरामद सामान एपीएफ टोलीले स्थानीय भन्सार कार्यालयमा बुझाएको छ ।

पर्सा, पर्सा जिल्लाको बीरगंज महानगरपालिका १० बाट कार्तिक २ गते एपीएफ टोलीले लागूऔषधसहित दुईजनालाई पक्राउ गरेको हो । पक्राउ पर्नेहरुमा मकवानपुर जिल्लाको हेटौडा उपमहानगरपालिका २ बस्ने ३० वर्षिय दिपेन्द्र लामा र सोही उपमहानगरपालिका ४ बस्ने ३१ वर्षिय फिरोज अन्सारी छन् । ना. १९ प १२६७ नम्बरको मोटरसाईकलमा सवार उनीहरुलाई सशस्त्र प्रहरी बल, नेपाल नम्वर १३ गण हेक्वा पर्साबाट खटिएको एपीएफ टोलीले जाँच गर्दा उनीहरुको साथमा ओरेक्स २८ बोतल फेला परेपछि पक्राउ गरिएको हो । एपीएफ टोलीले त्यसबेला उक्त मोटरसाईकल समेत बरामद गरेको छ । पक्राउ परेकाहरुलाई बरामद लागूऔषध तथा मोटरसाइकलसहित आवश्यक कारवाहीको लागि स्थानीय प्रहरीमा बुझाईएको छ ।

काठमाडौं, सर्लाही जिल्लाको ईश्वरपुर नगरपालिका १ स्थित चौलियाबाट असोज २६ गते एपीएफ टोलीले करीब एक लाख ५० हजार रुपैयाँ बराबरको चोरीपैठारीको लत्ताकपडा बरामद गरेको छ । बी आर ३० ए ९१८८ नम्बरको भारतीय मोटरसाइकलमा राखेर अवैध रुपले ल्याउँदै गरेको अवस्थामा सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय महोत्तरीबाट खटिएको एपीएफ टोलीले उक्त सामान बरामद गरेको हो । एपीएफ टोलीले त्यसबेला उक्त मोटरसाइकल समेत बरामद गरेको छ । बरामद सामान तथा मोटरसाइकल स्थानीय भन्सार कार्यालयमा बुझाइएको छ । यसैगरी सशस्त्र प्रहरी बल, नेपाल बोर्डर आउट पोष्ट फुलबारीबाट खटिएको एपीएफ टोलीले कैलाली जिल्लाको कैलारी गाँउपालिका ५ स्थित बलियाघाट ईलाकाबाट असोज २७ गते करीब एक लाख ४० हजार रुपैयाँ बराबरको चोरीपैठारीको लत्ताकपडा तथा कस्मेटिक सामान बरामद गरेको छ । भारतबाट अवैध रुपले भन्सार छली नेपालतर्फ ल्याउँदै गरेको अवस्थामा उक्त सामान बरामद गरिएको हो । एपीएफ टोलीले बरामद सामान भन्सार कार्यालय त्रिनगरमा बुझाएको छ । यसैगरी रुपन्देही जिल्लाको सिद्धार्थनगर नगरपालिका १ डण्डा ईलाकाबाट असोज २७ गते सशस्त्र प्रहरी बल, नेपाल नम्बर २७ गुल्म हेक्वा रुपन्देहीबाट खटिएको एपीएफ टोलीले करीब एक लाख ३२ हजार रुपैयाँ बराबरको चोरीपैठारीको विभिन्न सामान बरामद गरेको छ । भारतबाट अवैध रुपले ल्याउँदै गरेको अवस्थामा उल्लेखित मूल्य बराबरको किराना सामान, मोबाईल सेट, कस्मेटिक सामान तथा फलफूल बरामद गरिएको हो । बरामद सामान स्थानीय भन्सार कार्यालयमा बुझाइएको छ ।

काठमाडौं, सर्लाही जिल्लाको ब्रम्हपुरी गाउँपालिका ४ स्थित भेलीमाबाट असोज २४ गते एपीएफ टोलीले करीव एक लाख ४० हजार रुपैयाँ बराबरको चोरीपैठारीको सामान बरामद गरेको छ । ना ३ ख १९१२ नम्बरको यात्रुवाहक बसमा भारतबाट अवैध रुपले ल्याउँदै गरेको उल्लेखित मुल्य बराबरको लत्ताकपडा तथा किराना सामान सशस्त्र प्रहरी बल, नेपाल नम्बर १० गण हेक्वा सर्लाहीबाट खटिएको एपीएफ टोलीले बरामद गरेको हो । यसैगरी सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय, महोत्तरीबाट खटिएको एपीएफ टोलीले असोज २५ गते करीव दुई लाख ९० हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले दुई वटा मोटरसाइकलमा राखी नेपालतर्फ ल्याउँदै गरेको उक्त लत्ताकपडा धनुषा जिल्लाको जनकपुर उपमहानगरपालिका २५ स्थित लोहनाबाट बरामद गरिएको हो ।

महोत्तरी, महोत्तरी जिल्लाको सम्सी गाउँपालिका ६ स्थित कनहवाबाट असोज २२ गते एपीएफ टोलीले ६० वटा नाईट्रभेट ट्याब्लेटसहित एक जनालाई पक्राउ गरेको हो । पक्राउ पर्नेमा धनुषा जिल्लाको कुर्था गाउँपालिका ६ चमारटोल बस्ने २३ वर्षिय सरोजकुमार चमार छन् । ज ७ प ८१९० नम्बरको मोटरसाईकलमा सवार निज चमारलाई सशस्त्र प्रहरी बल, नेपाल बोर्डर आउट पोष्ट सम्सीबाट खटिएको एपीएफ टोलीले जाँच गर्दा उनको साथमा उल्लेखित लागूऔषध फेला परेपछि पक्राउ गरिएको हो । एपीएफ टोलीले त्यसबेला उक्त मोटरसाईकल समेत बरामद गरेको छ । पक्राउ परेका चमारलाई बरामद लागूऔषध तथा मोटरसाइकलसहित आवश्यक कारवाहीको लागि स्थानीय प्रहरीमा बुझाईएको छ ।

काठमाडौं, बडादशैंको अवसरमा सशस्त्र प्रहरी बल, नेपाल नम्बर १९ गण हेक्वा (विशेष कार्यदल) बगलामुखी हल्चोक स्वयम्भूमा असोज २० गते सशस्त्र प्रहरी बल, नेपालको निशान तथा मौलो पुजा सम्पन्न भएको छ । सशस्त्र प्रहरी महानिरीक्षक शैलेन्द्र खनालले विशेष कार्यक्रमका बीच पुजाअर्चना गर्नुभएको उक्त निशान तथा मौलो पुजा कार्यक्रममा सशस्त्र प्रहरी अधिकृत तथा जवानहरुबाट पुजाअर्चना तथा मौलो परिक्रमा गरिएको थियो । बिहान ७ बजेर ११ मिनेटको पुजाको संकल्प साइतमा गरिएको निशान तथा मौलो पुजा कार्यक्रममा सशस्त्र प्रहरी महानिरीक्षक खनालले सशस्त्र प्रहरी बल, नेपालको निशानमा पञ्जाछाप लगाउनुभयो । सशस्त्र प्रहरी व्याण्डको मंगलधुनबीच सुरु भएको पुजा कार्यक्रममा सशस्त्र प्रहरी बल, नेपालको एक टोलीले निशान भगवती सलामी अर्पण गरेको थियो । सशस्त्र प्रहरी बल, नेपाल प्रधान कार्यालयले बडादशैंको अवसरमा महानवमीको दिन हरेक वर्ष निशान तथा कोतपुजा गर्दै आएको छ । त्यसअवसरमा सशस्त्र प्रहरी महानिरीक्षक खनालले मौलोपुजा व्यवस्थापनमा उत्कृष्ट कार्यगर्ने सशस्त्र प्रहरी कर्मचारीहरुलाई पगरी तथा नगद पुरस्कार प्रदान गर्नुभएको थियो । कार्यक्रममा एपीएफ अधिकृत, विल्लादार तथा जवानहरुको उपस्थित रहेको थियो ।