समाचार

सिरहा, सिरहा जिल्लाको नवराजपुर गाउँपालिका ४ स्थित पूर्वपश्चिम लोकमार्गबाट चैत्र ३० गते एपीएफ टोलीले ७ बोतल डाईलेक्स डिसी नामक लागूऔषधसहित एक जनालाई पक्राउ गरेको छ । पक्राउ पर्नेमा सोही ठाउँ बस्ने १९ वर्षिय रामलक्ष्मण मुखिया छन् । उनलाई सशस्त्र प्रहरी बल नेपाल बोर्डर आउट पोष्ट नवराजपुरबाट खटिएको एपीएफ टोलीले शंका लागि जाँच गर्दा उल्लेखित लागूऔषध फेला परेपछि पक्राउ गरिएको हो । एपीएफ टोलीले पक्राउ परेका निज मुखियालाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

सिरहा, सिरहा जिल्लाको सिरहा नगरपालिका १५ बुधौरा स्थित सीमा ईलाकाबाट चैत्र २८ गते एपीएफ टोलीले लागूऔषधसहित एक जनलाई पक्राउ गरेको छ । पक्राउ पर्नेमा सोही नगरपालिका ७ बस्ने २२ वर्षिय सुरजकुमार यादव छन् । उनलाई सशस्त्र प्रहरी बल नेपाल अस्थायी पोष्ट बुधौराबाट खटिएको एपीएफ टोलीले पक्राउ गरेको हो । भारतबाट खेतको बाटो प्रयोग गरी नेपालतर्फ आउँदै गरेका निज यादवलाई एपीएफ टोलीले शंका लागि जाँच गर्दा उनको साथमा डाईलेक्स डिसी ६ सिसि र स्पास्पास ट्याब्लेट ४ वटा फेला परेपछि पक्राउ गरिएको हो । त्यसवेला उनको साथबाट एउटा मोवाईल सेट समेत बरामद गरिएको छ । एपीएफ टोलीले पक्राउ परेका यादवलाई बरामद लागूऔषध तथा उक्त मोवाई सेटसहित आवश्यक कारवाहीको लागि जिल्ला प्रहरी कार्यालय सिरहामा बुझाएको छ ।

चितवन, चितवन जिल्लाको भरतपुर महानगरपालिका १ जोरकुसुम पार्क स्थित नारायणी नदिबाट चैत्र २९ गते एपीएफ टोलीले एक जनाको शव निकालेको छ । सोही महानगरपालिका २ क्षेत्रपुर बस्ने १८ वर्षिय सनिल लामा सो नदिमा पौडी खेल्ने क्रममा डुवेर बेपत्ता भएका थिए । सो घटनाबारे जानकारी पाउनासाथै सशस्त्र प्रहरी बल नेपाल विपद् व्यवस्थापन तालिम शिक्षालय कुरिन्टारबाट सशस्त्र प्रहरी नायव निरीक्षक प्रल्हाद सिलवालको कमाण्डमा खटिएको गोताखोरसहितको एपीएफ टोलीले उनको शव नदिबाट बाहिर निकालेको हो ।

काठमाडौं, सप्तरी जिल्लाको हनुमाननगर कंकालिनी नगरपालिका २ स्थित कोशी नहरको पुलबाट चैत्र २५ गते एपीएफ टोली र स्थानीय प्रहरीले लागुऔषधसहित चार जनालाई पक्राउ गरेको छ । पक्राउ पर्नेहरुमा सोही जिल्लाको कञ्चनरुप नगरपालिका २ बस्ने १९ वर्षिय सुरज साह, १९ वर्षिय कालु साह, २१ वर्षीय संजय साह र ३२ वर्षिय दिपेन्द्र श्रेष्ठ छन् । उनीहरुलाई सशस्त्र प्रहरी बल नेपाल सुरक्षा वेश भारदहबाट खटिएको एपीएफ टोली र स्थानीय प्रहरीले शंका लागि जाँच गर्दा उनीहरुको साथमा नाईट्रोभेट ट्याब्लेट १९ वटा र डाईजोपाम ६ वटा फेला परेपछि पक्राउ गरिएको हो । पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाईएको छ । यसैगरी सुनसरी जिल्लाको धरान उपमहानगरपालिका ९ स्थित आचार्य लाईन ईलाकाबाट चैत्र २५ गते एपीएफ टोलीले लागुऔषधसहित एक जनालाई पक्राउ गरेको छ । पक्राउ पर्नेमा सोही ठाँउ बस्ने २१ वर्षिय प्रविन श्रेष्ठ छन् । सशस्त्र प्रहरी बल नेपाल सुरक्षा पोष्ट धरानबाट खटिएको एपीएफ टोलीले शंका लागि जाँच गर्दा निज श्रेष्ठको साथमा ड्रोमाडस ट्याब्लेट पाँच वटा र स्पाईस्पेन ट्याब्लेट पाँच वटा फेला परेपछि पक्राउ गरिएको हो । एपीएफ टोलीले पक्राउ परेका श्रेष्ठलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

कञ्चनपुर, कञ्चनपुर जिल्लाको कृष्णपुर नगरपालिका वटा नम्बर ४ र ५ को सीमानामा पर्ने गुलरियाबाट कृष्णपुर मा.वि. जाने ग्राभिल सडकबाट चैत्र २५ गते एपीएफ टोलीले प्वाईन्ट टुटु एलआर लेखिएको एउटा बन्दुक र सोको १४ राउण्ड गोली, एयर गन एउटा, सोको १९६ वटा छर्रा र ७६ हजार पाँच सय रुपैयाँ बरामद गरेको छ । सशस्त्र प्रहरी बल नेपाल नम्बर ३५ गण कञ्चनपुरबाट खटिएको एपीएफ टोलीले उक्त अवैध हतियार तथा रुपैयाँ बरामद गरेको हो । सो ठाउँमा रोकी राखेको डि एल ३ सी सी आर ३९९७ नम्बरको भारतीय गाडीमा शंका लागि जाँच गर्दा उल्लेखित अवैध हतियार तथा रुपैयाँ फेला परेपछि बरामद गरिएको हो । बरामद हतियार तथा रुपैयाँ स्थानीय प्रहरीमा बुझाइएको छ ।

काठमाडौं, सशस्त्र प्रहरी बल नेपाल नं. १९ गण हेक्वा (बिशेष कार्यदल) बगलामुखी हलचोक काठमाडौंमा संचालन भएको सि.सं. ७ स्पेसल टाक्स फोर्स (एस.टि.एफ.) तालिम समापन भएको छ । सशस्त्र प्रहरी नायव महानिरीक्षक बंशीराज दाहालले उक्त गणमा आयोजित एक समारोहका बीच सो तालिमको चैत्र २६ गते समापन गर्नुभयो । सशस्त्र प्रहरी नायव महानिरीक्षक दाहालले त्यसअवसरमा तालिमका उत्कृष्ट प्रशिक्षार्थीहरुलाई पुरस्कार तथा प्रमाणपत्र प्रदान गर्नुका साथै एसटिएफ तालिमको ट्याग प्रदान गर्नुभयो । सशस्त्र प्रहरी नायव महानिरीक्षक दाहालले त्यसअवसरमा फौजी संगठनमा हरेक किसिमका कामकारवाहीको लागि व्यवासायीक तालिम अपरिहार्य रहने चर्चा गर्नुहुँदै यस्ता बिशेष तालिम प्राप्त दक्ष जनशक्तिले कार्यक्षेत्रमा शान्तिसुरक्षा कायम राख्न महत्वपूर्ण भूमिका निर्वाह गर्ने बताउनुभयो । उहाँले प्रशिक्षार्थीहरुले तालिममा सिकेका ज्ञान तथा सिपलाई सदुपयोग गर्दै कार्यक्षेत्रमा देखा पर्ने चुनौतीपूर्ण परिस्थितिमा समेत उत्कृष्ट कार्यसम्पादन गर्ने विश्वास व्यक्त गर्नुभयो । सशस्त्र प्रहरी नायव महानिरीक्षक दाहालले विभिन्न उन्नत तालिमहरुमध्ये एसटिएफ तालिम एउटा महत्वपूर्ण र बिशेष किसिमको कार्य गर्न सक्ने दक्ष एवं रणनीतिक कौशलयुक्त राष्ट्रसेवक उत्पादन गर्ने तालिम रहेको चर्चा गर्नुहुँदै यस्ता तालिम प्राप्त जनशक्तिबाट संगठनको कामकारवाहीहरु चुस्त, दुरुस्त एवं प्रभावकारी ढंगले सम्पन्न गर्न सफलता मिल्ने उल्लेख गर्नुुभयो । कार्यक्रममा सशस्त्र प्रहरी निरीक्षक हेमबहादुर श्रेष्ठले तालिम सम्बन्धी प्रतिवेदन प्रस्तुत गर्नुभएको थियो । १६ हप्ता अवधिको एसटिएफ तालिममा सशस्त्र प्रहरी निरीक्षक रोशन जोशी सर्वप्रथम भएका छन् । उक्त तालिममा दुई जना सशस्त्र प्रहरी निरीक्षकसहित कूल ९८ जना सशस्त्र प्रहरी कर्मचारीहरु प्रशिक्षार्थीको रुपमा सहभागि रहेका थिए ।

पर्सा, पर्सा जिल्लाको बीरगंज महानगरपालिका ३१ स्थित सोलखपुरबाट चैत्र २४ गते एपीएफ टोलीले करीव एक लाख ३२ हजार रुपैयाँ बराबरको सालको काठ बरामद गरेको छ । सोही स्थानमा रहेको जंगलमा लुकाई छिपाई राखेको अबस्थामा उल्लेखित मुल्य बराबरको करिब ३८ क्यूफिट सालको काठ सशस्त्र प्रहरी बल नेपाल सुरक्षा वेश बेलवाबाट खटिएको एपीएफ टोलीले बरामद गरेको हो । एपीएफ टोलीले बरामद काठ सव डिभिजन वन कार्यालय सबैठामा बुझाएको छ ।

पर्सा, पर्सा जिल्लाको पर्सागढी नगरपालिका ३ बडनियार ईलाकाबाट चैत्र १५ गते एपीएफ टोलीले करीव ७८ हजार रुपैयाँ बराबरको सालको गोलिया काठसहित एक जनालाई पक्राउ गरेको छ । पक्राउ पर्नेमा सोही जिल्लाको पर्सागढी नगरपालिका ८ हरपुर बस्ने ३५ वर्षिय रामायण साह छन् । सोही ठाउँमा रहेको जंगलबाट अवैध रुपले कटान गरी ल्याउँदै गरेको उक्त सालको गोलिया काठसहित निज साहलाई सशस्त्र प्रहरी बल नेपाल सरक्षा वेश बेलवाबाट खटिएको एपीएफ टोलीले पक्राउ गरेको हो । पक्राउ परेका साहलाई एपीएफ टोलीले बरामद सालको गोलिया काठसहित आवश्यक कारवाहीकोलागि सव डिभिजन वन कार्यालय सवैयामा बुझाएको छ ।

पर्सा, पर्सा जिल्लाको पर्सागढी नगरपालिका ३ बडनियार ईलाकाबाट चैत्र १५ गते एपीएफ टोलीले करीव ७८ हजार रुपैयाँ बराबरको सालको गोलिया काठसहित एक जनालाई पक्राउ गरेको छ । पक्राउ पर्नेमा सोही जिल्लाको पर्सागढी नगरपालिका ८ हरपुर बस्ने ३५ वर्षिय रामायण साह छन् । सोही ठाउँमा रहेको जंगलबाट अवैध रुपले कटान गरी ल्याउँदै गरेको उक्त सालको गोलिया काठसहित निज साहलाई सशस्त्र प्रहरी बल नेपाल सरक्षा वेश बेलवाबाट खटिएको एपीएफ टोलीले पक्राउ गरेको हो । पक्राउ परेका साहलाई एपीएफ टोलीले बरामद सालको गोलिया काठसहित आवश्यक कारवाहीकोलागि सव डिभिजन वन कार्यालय सवैयामा बुझाएको छ ।

काठमाडौं, कोरोना भाइरस (कोभिड-१९)लाई मध्यनजर गर्दै सशस्त्र प्रहरी बल नेपालले आफ्ना सम्पूर्ण ड्यूटिलाई उच्च सतर्कतामा राखेर यस विरुद्धको अभियानमा सकृत रहेको छ । यस परिस्थितिमा द्विविधारहित ढंगले परिचालित भई स्थानिय जनतालाई प्रत्यक्ष सेवा, सुरक्षा, सहयोग तथा आपद विपद्मा परेकाहरुको उद्वारमा सकृय रहन सशस्त्र प्रहरी महानिरीक्षक शैलेन्द्र खनालले मातहत सम्पूर्ण सशस्त्र प्रहरी कर्मचारीहरुलाई निर्देशन दिनुभएको छ । जिम्मेवारीका क्षेत्रहरुमा उत्कृष्ट कार्यसम्पादनका लागि निर्देशन एवं परिपत्रका माध्यमबाट सम्पूर्ण सशस्त्र प्रहरी कर्मचारीहरुलाई स्पष्ट निर्देशन दिईएको छ । यसैबीच लागूभएको ‘लक डाउन’मा अत्यावश्यक काम बाहेक घरबाहिर ननिस्कन आग्रह गर्दै सशस्त्र प्रहरी बलले स्थानिय स्तरमा समेत जनचेतनामा अभिबृद्वि गर्न माईकिङ लगाएत विभिन्न प्रयासहरु गरिरहेको छ । सशस्त्र प्रहरी बलको टोली देशका विभिन्न १६१ स्थानमा हेल्थ डेष्कमा खटिएको छ । जसमा कुल ५३० जना सशस्त्र प्रहरी कर्मचारी खटिएका छन् । स्थानीय स्तरमा उपलब्ध श्रोत साधनको उपयोग गरी मास्क उत्पादन गरी निःशुल्क वितरण, विभिन्न ठाउँहरुमा सावुन पानीको व्यवस्था, कोरोना भाईरसबाट जोगिने उपाय लेखिएका जनचेतना मूलक पर्चा पम्पलेट वितरण लगायतका कार्यहरु समेत गरिएका छन् । सीमा नाकाबाट आवतजावत नियन्त्रण, ‘लक डाउन’को वेवास्था गर्दै लापर्वाही पूर्वक सडकमा निस्केका स्थानीय व्यक्ति तथा सवारी साधन नियन्त्रण लगायतका कार्यहरुमा समेत एपीएफ टोली परिचालन गरिएको छ । यसैबीच शुक्रबार मोरङ जिल्लाको जोगवनी नाकाबाट १३ जनालाई स्थानीय निक्लाजुङ गाउँपालिका स्थित क्वारेन्टाईनमा पठाईएको छ भने रुपन्देहीको सुनौली बेलहीया नाकाबाट ११ जना तथा बैतडीको झुलाघाटबाट १८६ जना र दार्चुलाको पुलघाटबाट २२५ जनालाई स्थानीय क्वारेन्टाईन तथा सम्बन्धित जिल्लाहरुमा क्वारेन्टाईन तथा होम क्वारेन्टाईनमा रहने गरी पठाईएको छ । विभिन्न स्थानमा खटिएको एपीएफ टोलीले स्थानीय प्रशासन तथा प्रहरी सँग समन्वयन गरी आफ्नो दायित्व निर्वाह गरिरहेका छन् । एपीएफ टोली सीमा नाका सुरक्षा, क्वारेन्टाईन सुरक्षा, हेल्थ डेष्क लगायत ‘इमिडियट रेस्पोन्स टिम’, चेक पोइन्ट, पिकेट, पैदल गस्ती, मोवाईल गस्ती, ‘क्वीक रिएक्सन टिम’ लगायतका ड्यूटिहरुमा परिचालित रहेको छ । यसैगरी हरेक एपीएफ ईकाइहरुमा विपद्का बेला उद्धार कार्यका लागि एपीएफ टोली उच्च सतर्कतामा राखिएको छ । यसका लागि विभिन्न ८१ स्थानमा कुल १ हजार ६२ जना सशस्त्र प्रहरी कर्मचारी खटिएका छन् । देशका विभिन्न १२ स्थानमा एम्बुलेन्स तथा स्वास्थ्यकर्मीसहित एपीएफ टोली परिचालित रहेको छ । विभिन्न ५०३ सीमा नाकामा २ हजार ५ सय ४५ जना सशस्त्र प्रहरी कर्मचारी सुरक्षार्थ तैनाथ गर्नुकासाथै ७० ‘ईमिडियट रेस्पोन्स टिम’मा ६४१ जना सशस्त्र प्रहरी कर्मचारी खटिएको छ । सशस्त्र प्रहरी बलले ३८ स्थानमा रहेको ‘क्वीक रियक्सन टिम’मा ६१७ जना परिचालित गरेको छ । विभिन्न ठाउँमा ३७४ चेक प्वइन्टमा २ हजार १७ जना परिचालित गरेको सशस्त्र प्रहरी बलले ३२६ वटा मोवाईल गस्तीमा २ हजार ३ सय २१ जना तथा ४९१ पैदल गस्तीमा ३ हजार ६ सय ७१ जना परिचालित गरेको छ । सशस्त्र प्रहरी बलले दैनिक रुपमा १८ हजार भन्दा बढि जनशक्ति विभिन्न ड्र्यूटिमा परिचालन गरिरहेको छ । ‘लक डाउन’को बेला गर्नुपर्ने विभिन्न कार्यहरुमा एपीएफ टोलीले स्थानीय प्रशासन एवं अन्य सुरक्षा निकायसँग नियमीत रुपमा समन्वय गरी जिम्मेवारी निर्वाह गरिरहेको छ । सशस्त्र प्रहरी बलले कोरोना भाईरसबाट जोगिन आफ्ना सम्पूर्ण सशस्त्र प्रहरी कर्मचारीहरुलाई सचेत गराउनुकासाथै उनीहरुमार्फत उनीहरुका घर परिवार तथा छरछिमेकमा समेत सचेतना गराउने प्रयास गरेको छ । हरेक व्यारेकमा थर्मलगनबाट तापक्रम नाप्ने, सेनीटाईजरको प्रयोग गर्ने, सावुन पानीले हात धुने जस्ता कार्य गर्दै आएको तथा कुनै सशस्त्र प्रहरी कर्मचारीमा कुनै लक्षण देखिएमा तत्काल क्वारेन्टाईनमा राख्नका लागि सशस्त्र प्रहरी बलको हरेक व्यारेकमा त्यस सम्बन्धि व्यवस्था मिलाईएको छ । कुनै पनि सशस्त्र प्रहरी कर्मचारीमा हालसम्म कुनै लक्षण देखिएको छैन तथा सशस्त्र प्रहरी कर्मचारीहरु आफु जोगिदै हरेक ड्यूटिमा उच्च मनोवलकासाथ कृयाशिल रहेका छन् ।

कञ्चनपुर, कञ्चनपुर जिल्लाको पुनर्वास नगरपालिका ६ स्थित ङ गाउँबाट चैत्र १० गते एपीएफ टोलीले १७ वटा नाईट्रोजन ट्याब्लेट र एक पट्टा स्पास्मो प्रोक्सिभनसहित दुई जनालाई पक्राउ गरेको छ । पक्राउ पर्नेहरुमा कैलाली जिल्लाको धनगढी उपमहानगरपालिका ४ उत्तरबेहडी बस्ने ३२ वर्षिय भुवन पाल र २४ वर्षिय दानबहादुर ऐर छन् । से ६ प २३७ नम्बरको मोटरसाईकलमा सवार उनीहरुलाई सशस्त्र प्रहरी बल नेपाल बोर्डर आउट पोष्ट पुनर्वासबाट खटिएको एपीएफ टोलीले शंका लागि जाँच गर्दा उनीहरुको साथमा उक्त परिमाणको लागूऔषध फेला परेपछि पक्राउ गरिएको हो । त्यसवेला एपीएफ टोलीले उनीहरुले प्रयोग गरेको उक्त मोटरसाईकल समेत बरामद गरेको छ । एपीएफ टोलीले पक्राउ परेकाहरुलाई बरामद लागूऔषध तथा उक्त मोटरसाईकलसहित आवश्यक कारवाहीको लागि स्थानीय प्रहरीमा बुझाएको छ ।

रुपन्देही, रुपन्देही जिल्लाको सिद्धार्थनगर नगरपालिका १ डण्डा ईलाकाबाट चैत्र २ गते एपीएफ टोलीले करीव एक लाख २४ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा तथा ईलोक्ट्रोनिक्स सामान सशस्त्र प्रहरी बल नेपाल नम्बर ३८ गुल्म रुपन्देहीबाट खटिएको एपीएफ टोलीले बरामद गरेको हो । बरामद सामान भन्सार कार्यालय भैरहवामा बुझाईएको छ ।