समाचार

काठमाडौं, सशस्त्र प्रहरी महानिरीक्षक शैलेन्द्र खनालले देश र जनताको सुरक्षाको लागि उच्च मनोबलका साथ खटिन निर्देशन दिनुभएको छ । हालै सशस्त्र प्रहरी नायव उपरीक्षक पदबाट सशस्त्र प्रहरी उपरीक्षक पदमा बढुवा भएका अधिकृतहरुलाई दज्र्यानी चिन्ह लगाई दिएपछि मातहत अधिकृतहरुलाई उहाँले सो निर्देशन दिनुभएको हो । नेतृत्व तहले राष्ट्र, जनता र संगठनको हितमा कार्य गरेको भन्दै उहाँले आपूmले के पाएँ होइन मैले राष्ट्र र संगठनका लागि के गरेँ भनेर सोच्नुपर्ने बताउनुभयो । सामूहिक भावनाले कार्य गर्न मातहतलाई निर्देशन दिँदै महानिरीक्षक खनालले आपूmलाई समय सापेक्ष परिवर्तन र परिमार्जन गर्दै मूलुक र जनताको हितमा हरसमय कार्य गर्न समेत निर्देशन दिनुभयो । राष्ट्रसेवक सशस्त्र प्रहरी कर्मचारीहरुको मनोबल उच्च राख्ने कार्यमा कमाण्डरहरु थप जिम्मेवार हुनुपर्ने बताउँदै उहाँले पद र जिम्मेवारीले मानिसमा परिवर्तन ल्याउने र सो परिवर्तनले समग्र मूलुक र जनतालाई फाइदा पुग्ने बताउनुभयो । राष्ट्र, राष्ट्रियता र जनता भन्दा ठूलो कोही नभएको उल्लेख गर्नुहुँदै उहाँले प्रत्येक राष्ट्रसेवक कर्मचारीहरु ईमान्दार र कर्तव्यनिष्ठ भई देश र आम नागरिकको सेवा, सुरक्षा सहयोग तथा उद्धारमा अविचलित भई अहोरात्र खटिन समेत निर्देशन दिनुभएको छ । सो अवसरमा उहाँले नेपाल सरकारबाट प्राप्त निर्देशन अनुसार २ सय २१ वटा बोर्डर आउट पोष्ट १ बर्षभित्र स्थापना गर्ने लक्ष्य अनुरुप हालसम्म १ सय २४ ठाउँमा स्थापना भईसकेको र यस वीचमा उत्तरतर्फ २ वटा बोर्डर आउट पोष्ट स्थापना गर्न सफल भएको जानकारी समेत दिनुभयो । सो समारोहमा सशस्त्र प्रहरी अतिरिक्त महानिरीक्षकहरु पुष्पराम के.सी., नारायणबाबु थापा र रामशरण पौडेल लगायत सशस्त्र प्रहरी बल नेपालका बरिष्ठ अधिकृतहरुको समेत उपस्थिती रहेको थियो ।

धनुषा, धनुषा जिल्लाको धनौजी गाउँपालिका ४ मुसहर टोलबाट जेठ १० गते एपीएफ टोलीले विभिन्न किसिमका लागूऔषधसहित दुई जना पक्राउ गरेको छ । पक्राउ पर्नेहरुमा सोही ठाउँ बस्ने १८ वर्षिय रुपेशकुमार यादव र १९ वर्षिय विपीन यादव छन् । उनीहरुलाई सशस्त्र प्रहरी बल नेपाल बोर्डर आउट पोष्ट ठाडीझिजाबाट खटिएको एपीएफ टोलीले शंका लागि जाँच गर्दा उनीहरुको साथमा एक्जीप्लोन ५० बोतल, नाईट्राभेट ट्याब्लेट ३५ पत्ता र स्पास्मो ट्याब्लेट १२ पत्ता फेला परेपछि पक्राउ गरिएको हो । त्यसवेला एपीएफ टोलीले उनीहरुको साथबाट एउटा मोवाईल सेट र नगद एक हजार सात सय ५५ रुपैया समेत बरामद गरेको छ । एपीएफ टोलीले पक्राउ परेकाहरुलाई बरामद लागूऔषध तथा उक्त मोवाईल सेट र नगदसहित आवश्यक कारवाहीको लागि स्थानीय प्रहरीमा बुझाएको छ ।

रौतहट, रौतहट जिल्लाको राजदेवी नगरपालिका ८ लक्ष्मिपुर स्थित सीमा ईलाकाबाट जेठ ९ गते एपीएफ टोलीले करीव एक लाख तीन हजार रुपैयाँ बराबरको चोरीपैठारी तथा चोरीनिकासीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको किराना सामान तथा बीउबिजन र नेपालबाट अवैध रुपले भारततर्फ लैजाँदै गरेको ६ कार्टुन मदिरा सशस्त्र प्रहरी बल नेपाल बोर्डर आउट पोष्ट बेलविछवाबाट खटिएको एपीएफ टोलीले बरामद गरेको हो । बरामद सामान एपीएफ टोलीले भन्सार कार्यालय गौरमा बुझाएको छ ।

रुपन्देही, रुपन्देही जिल्लाको रोहिणी गाउँपालिका ७ टिकरबाट जेठ ८ गते एपीएफ टोलीले विभिन्न किसिमका लागूऔषध बरामद गरेको छ । उक्त स्थानमा वेवारिसे अवस्थामा रहेको स्पास्मो प्रोक्सिभन क्याप्सुल ५ सय ४८ वटा, कोडिन २० बोतल र ७ वटा म्यानफोर्स ट्याब्लेट सशस्त्र प्रहरी बल नेपाल बोर्डर आउट पोष्ट पजरकट्टिबाट खटिएको एपीएफ टोलीले बरामद गरेको हो । एपीएफ टोलीले बरामद लागूऔषध स्थानीय प्रहरीमा बुझाएको छ ।

पर्सा, पर्सा जिल्लाको पर्सागढी नगरपालिका ४ भेडाखोलास्थित जंगलबाट एपीएफ टोलीले बैशाख ८ गते विहान करीब ९१ हजार रुपैयाँ बराबरको २६ क्यूफिट सालको काठ बरामद गरेको छ । सो जंगलबाट कटान गरी पाँच वटा साइकलमा राखेर ल्याउँदै गरेको अवस्थामा सशस्त्र प्रहरी बल नेपाल सुरक्षा बेस बेलवाबाट सशस्त्र प्रहरी नायव निरीक्षक कलेशराज पुरीको कमाण्डमा खटिएको एपीएफ टोलीले उक्त काठ बरामद गरेको हो । त्यसवेला एपीएफ टोलीले उल्लेखित साइकल समेत बरामद गरेको छ । बरामद काठ तथा साइकल सव-डिभिजन वन कार्यालय सवैयामा बुझाइएको छ ।

काभ्रेपलाञ्चोक, काभ्रेपलाञ्चोक जिल्लाको भुम्लु गाँउपालिका ८ सापिङस्थित भित्री सडकखण्डको सिलामे भिरमा बलेरो जीप दुर्घटना भएर सुनकोशी नदीमा बेपत्ता भएका दुई जना मध्ये एब जनाको शब एपीएफ टोलीले बैशाख ८ गते विहान नदीबाट बाहिर निकालेको छ । सो ठाउँमा बैशाख ७ गते भएको सो जीप दुर्घटनामा परी बेपत्ता भएका सोही जिल्लाको भुम्लु गाँउपालिका ८ सापिङ बस्ने २६ बर्षिय अशोक गिरी र २८ बर्षिय भोला महतको खोजी गर्ने क्रममा एपीएफ टोलीले भोला महतको शब फेला पारी नदीबाट बाहिर निकालेको हो । सो दुर्घटनाबारे जानकारी पाउनासाथ सशस्त्र प्रहरी बल नेपाल नम्बर १५ गण काभ्रेपलाञ्चोक र नम्बर १६ गण सिन्धुपाल्चोकबाट एपीएफ टोली खटिइ गई खोजी कार्यमा जुटेको थियो । सो दुर्घटनामा बेपत्ता भएका अर्का अशोक गिरीको खोजी कार्यको लागि सशस्त्र प्रहरी बल नेपाल नम्बर २० गण काठमाडौंबाट गोताखोरसहितको एपीएफ टोली खटिएको छ ।

पश्चिम नवलपरासी, पश्चिम नवलपरासी जिल्लाको प्रतापपुर गाउँपालिका ४ पाचपेडा र सरावल गाउँपालिका ७ खजुरा खोलाको किनारबाट जेठ ६ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको सरावल गाउँपालिका ९ रामग्राम बस्ने २७ वर्षिय जोगेन्द्र हरिजन छन् । उनलाई सशस्त्र प्रहरी बल नेपाल बोर्डर आउट पोष्ट भुजहवाबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका निज हरिजनलाई गस्तीमा खटिएको एपीएफ टोलीले शंका लागि जाँच गर्दा उनको साथमा डाईजापाम ४ सय ९४ वटा, फेनारगन ५ सय वटा, नाईट्राभेट ट्याब्लेट १ हजार ७ सय ९ वटा, स्पास्मो प्रोक्सिभन प्लस ९६ वटा, नोफिन इन्जेक्सन ४ सय ९३ र वानरेक्स ७ वटा फेला परेपछि पक्राउ गरिएको हो । एपीएफ टोलीले पक्राउ परेका हरिजनलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

पर्सा, पर्सा जिल्लाको बीरगंज महानगरपालिका २९ स्थित रतनपुर ईलाकाबाट जेठ ४ गते एपीएफ टोली, नेपाल प्रहरी र सब डिभिजन वन कार्यालय सबैयाको कर्मचारीले करीव ८४ हजार रुपैयाँ बराबरको सालको गोलिया काठ बरामद गरेको छ । सोही ठाउँमा रहेको जंगलबाट कटान गरी ल्याउँदै गरेको अवस्थामा उल्लेखित मुल्य बराबरको २४ क्यूफिट सालको गोलिया काठ सशस्त्र प्रहरी बल नेपाल सुरक्षा वेश वेलवाबाट खटिएको एपीएफ टोली, नेपाल प्रहरी र वन कार्यालयको कर्मचारीले बरामद गरेको हो । बरामद काठ सव डिभिजन वन कार्यालय सबैयामा बुझाईएको छ ।

काठमाडौं, सप्तरी जिल्लाको तिलाठी कोईलाडी गाउँपालिका ४ स्थित चट्टी टोलबाट जेठ ५ गते एपीएफ टोलीले चोरीपैठारीको १२ बोरा सुर्ती बरामद गरेको छ । तीन वटा मोटरसाईकलमा राखेर ल्याउदै गरेको उक्त सुर्ती सशस्त्र प्रहरी बल नेपाल बोर्डर आउट पोष्ट बर्साईनीबाट खटिएको एपीएफ टोलीले बरामद गरेको हो । एपीएफ टोलीले त्यसवेला सुर्ती ल्याउँन प्रयोग भएको उक्त तीन वटै मोटरसाईकल समेत बरामद गरेको छ । बरामद सुर्ती तथा मोटरसाईकल एपीएफ टोलीले भन्सार कार्यालय राजबिराजमा बुझाएको छ । उक्त सुर्ती तथा मोटरसाईकलको भन्सार दाखिला मुल्य चार लाख ९८ हजार रुपैयाँ रहेको छ । यसैगरी सशस्त्र प्रहरी बल नेपाल बोर्डर आउट पोष्ट गुठिप्रसौनीबाट खटिएको एपीएफ टोलीले जेठ ५ गते करीव एक लाख २९ हजार रुपैयाँ बराबरको चोरीपैठारीको सामान बरामद गरेको छ । चोरीपैठारीगरी नेपाल ल्याएर लुकाई छिपाई राखेको अवस्थामा उल्लेखित मुल्य बराबरको ५ सय ४ के.जी. धानको बिउ, २ सय ५० के.जी. युरिया मल र ३ बोरा किटनासक औषधी एपीएफ टोलीले पश्चिम नवलपरासी जिल्लाको प्रतापुर गाउँपालिका ५ मटरा स्थित सीमा ईलाकाबाट बरामद गरेको हो । बरामद सामान भन्सार कार्यालय महेशपुरमा बुझाईएको छ ।

सिरहा, सिरहा जिल्लाको सिरहा नगरपालिका १५ बुधौरा स्थित सिमा ईलाकाबाट बाट जेठ ३ गते एपीएफ टोलीले लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको मिर्चैया नगरपालिका ५ बस्ने ३४ वर्षिय विजयकुमार यादव छन् । स २ प ८५२६ नम्वरको मोटरसाईकलमा सवार निज यादवलाई सशस्त्र प्रहरी बल नेपाल सुरक्षा वेश बुधौराबाट खटिएको एपीएफ टोलीले शंका लागि जाँच गर्दा उनको साथमा डायलेक्स डीसी ११ बोतल र नाईट्राजेपाम ६ पत्ता फेला परेपछि पक्राउ गरिएको हो । त्यस बेला एपीएफ टोलीले निजले प्रयोग गरेको उक्त मोटरसाईकल तथा तीन थान मोवाईलसमेत बरामद गरेको हो । एपीएफ टोलीले पक्राउ परेका निज यादवलाई बरामद लागूऔषध तथा उल्लेखित सामानसहित आवश्यक कारवाहीको लागि जिल्ला प्रहरी कार्यालय सिरहामा बुझाएको छ ।

दार्चुलाको ब्यास गाउँपालिका १ स्थित छाङरुमा सशस्त्र प्रहरी बल नेपाल बोर्डर आउट पोष्ट छाङरु (गागा)को स्थापना । सशस्त्र प्रहरी अतिरिक्त महानिरीक्षक नारायणबावु थापाद्वारा बुधबार सो बोर्डर आउट पोष्टको स्थापना ।

सुनसरी, सुनसरी जिल्लाको बराहक्षेत्र नगरपालिका ८ प्रकाशपुरस्थित रामधुनी जाने जंगलको बाटोबाट बैशाख ३० गते एपीएफ टोलीले विभिन्न किसिमको लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको कोशी गाउँपालिका १ लौकही बस्ने १९ बर्षिय रोशन झा छन् । उनलाई सशस्त्र प्रहरी बल नेपाल सुरक्षा पोष्ट चतराबाट खटिएको एपीएफ टोलीले पक्राउ गरेको हो । स १० प ४६९२ नम्बरको मोटरसाइकलमा सवार निज झालाई एपीएफ टोलीले शंका लागि जाँच गर्दा उनको साथमा डाईलेस डिसी ६५ बोतल, स्मास्मो प्रोक्सिभन १ हजार ४ सय ४० वटा, लिजिक इन्जेक्सन १ सय ५० एम्पुल, डाईजिल्याब इन्जेक्सन १ सय ५० एम्पुल, प्रोमेथाजिन हाईड्रोक्लोराईड इन्जेक्सन १ सय ५० एम्पुल र फेन्सीडिल न्यू दुई बोतल फेला परेपछि पक्राउ गरिएको हो । एपीएफ टोलीले त्यसवेला निज झाको साथबाट मोबाईल सेट एउटा, घडी एउटा,११ हजार ८ सय १० नेपाली रुपैयाँ, १ हजार २ सय ३० भारतीय रुपैयाँ तथा उल्लेखित मोटरसाइकल समेत बरामद गरेको छ । पक्राउ परेका निज झालाई बरामद लागूऔषध र सामानसहित आवश्यक कारवाहीको लागि स्थानीय प्रहरीमा बुझाइएको छ ।

सर्लाही, सर्लाही जिल्लाको मलंगवा नगरपालिका ९ स्थित सीमा ईलाकाबाट बैशाख २८ गते एपीएफ टोलीले लागूऔषधसहित एक जनालाई पक्राउ गरेको छ । पक्राउ पर्नेमा सोही नगरपालिका ३ बस्ने १९ वर्षिय अर्जुन यादव छन् । सशस्त्र प्रहरी बल नेपाल सुरक्षा वेश मलंगवाबाट खटिएको एपीएफ टोलीले निज यादवलाई शंका लागि जाँच गर्दा उनको साथमा वालरेक्स २५ बोतल र नाईट्राभेट ट्याब्लेट ७५ वटा फेला परेपछि पक्राउ गरिएको हो । एपीएफ टोलीले पक्राउ परेका यादवलाई बरामद लागूऔषधसहित आवश्यक कारवाहीको लागि जिल्ला प्रहरी कार्यालय सर्लाहीमा बुझाएको छ ।

धनुषा, धनुषा जिल्लाको धनौजी गाँउपालिका ३ स्थित कटैया चोकबाट बैशाख २७ गते एपीएफ टोलीले २० बोतल एक्जीप्लोन नामक लागूऔषधसहित तीन जनालाई पक्राउ गरेको छ । पक्राउ पर्नेहरुमा सोही जिल्लाको मिथिला नगरपालिका ६ बस्ने ३६ वर्षिय शेर सिंह तामाङ, ३६ वर्षिय सिताराम यादव र २८ वर्षिय श्रीप्रसाद महतो छन् । बा १३ च १२९५ नम्वरको गाडीमा सवार उनीहरुलाई सशस्त्र प्रहरी बल, नेपाल नम्वर ८ गण धनुषाबाट खटिएको एपीएफ टोलीले शंका लागि जाँच गर्दा उक्त लागूऔषध फेला परेपछि पक्राउ गरिएको हो । एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहिको लागि स्थानीय प्रहरीमा बुझाएको छ ।

धनुषा, धनुषा जिल्लाको विदेह नगरपालिका ५ एकराहीबाट बैशाख २६ गते एपीएफ टोलीले करीब २० केजी ७ सय ग्राम गाँजा बरामद गरेको छ । सशस्त्र प्रहरी बल नेपाल नम्बर ८ गण धनुषाबाट खटिएको एपीएफ टोलीले उक्त गाँजा बरामद गरेको हो । एकराही सरापे भित्री सडकखण्डमा पैदल हिडिरहेका व्यक्तिले एपीएफ टोलीलाई देख्नासाथै उक्त गाँजा सोही ठाउँमा छाडेर भागेपछि सो गाँजा बरामद गरिएको हो ।

सर्लाही, सर्लाही जिल्लाको ईश्वरपुर नगरपालिका ९ बाट बैशाख २७ गते एपीएफ टोलीले करीब एक लाख ४० हजार रुपैयाँ बराबरको एक सय ४० क्यूफिट मसलाको काठ बरामद गरेको छ । सशस्त्र प्रहरी बल नेपाल सुरक्षा बेस सागरनाथबाट खटिएको एपीएफ टोलीले उक्त काठ बरामद गरेको हो । ना १ त ५१२० नम्बरको ट्रयाक्टरमा राखेर ल्याउँदै गरेको अवस्थामा उक्त काठ तथा काठ ल्याउन प्रयोग भएको सो ट्रयाक्टरसमेत बरामद गरिएको हो । बरामद काठ तथा ट्रयाक्टर स्थानीय वन कार्यालयमा बुझाइएको छ ।