मंसिर १८ गते सुनसरी जिल्लाको धरान उपमहानगरपालिका–१३ शिवधारा स्थित कोशी लोकमार्गबाट ३ सय ४४ किलोग्राम रुद्राक्षको दाना सुरक्षा वेश धरानले बरामद गरी आवश्यक कारवाहीको लागि राजश्व कार्यालय ईटहरी सुनसरीमा बुझाईएको छ ।  

नेपाल एपीएफ अस्पतालका चिकित्सकहरु मध्ये ९ जना Associate Professor  र ९ जना Assistant Professor  को उपाधीबाट सम्मानित भएका छन् । नेपाल एपीएफ अस्पताल बलम्बुमा मंसिर १७ गते आयोजित एक समारोहकाबीच सशस्त्र प्रहरी महानिरीक्षक राजु अर्यालले उहाँहरुलाई जिम्मेवारी तथा प्रमाणपत्र प्रदान गर्नुभएको हो ।
चिकित्सा विज्ञान राष्ट्रिय प्रतिष्ठान NAMS र नेपाल एपीएफ अस्पताल बलम्बुबीच Post Graduate Program र B.Sc Nursing शैक्षिक कार्यक्रम संचालन गर्ने सम्बन्धमा २०८० माघ २५ गते सम्झौता भएअनुरुप उहाँहरुलाई NAMS द्वारा शैक्षिक दरबन्दी अनुरुपको जिम्मेवारी तथा प्रमाणपत्र प्रदान गरिएको हो ।

बारा जिल्लाको कलैया उपमहानगरपालिका–१३ बलिरामपुर स्थित पानी ट्याङ्कीमा पासो लगाई झुण्डिएका भारतीय नागरिक अन्दाजी ४० वर्षिय पुरुषको मंसीर १५ गते नं. १२ गण बारा र प्रस्तावित सीमा सुरक्षा गुल्म मटिअर्वाले रोप रेस्क्यु विधिद्वारा जीवितै उद्धार गरेको छ ।

कञ्चनपुर जिल्लाको भिमदत्त नगरपालिका–९ खल्लामछेट्टी स्थित कालिगाड खोला नजिकैबाट मंसीर ४ गते बिओपी खल्लामछेट्टीबाट सीमा पैदल गस्तीमा रहेको सुरक्षा फौजले दुई नाल भरुवा बन्दुकसहित दुई जनालाई नियन्त्रणमा लिएको छ ।

कार्तिक २८ गते छिमेकी मुलुक भारतकोे सुपौल विरपुर नगरपञ्चायत- ५ विरपुरस्थित फुटबल मैदानमा भारतीय समकक्षी सशस्त्र सीमा बल ( एसएसबी ) ४५ बटालियनले आयोजना गरेको मैत्रीपूर्ण फुटबल खेलमा नं. ४ गण सुनसरी २–१ गोल अन्तरले विजयी भएको छ ।

कार्तिक २७ गते राती काभ्रेपलाञ्चोक जिल्लाको भुम्लु गाउँपालिका ७ र ८ को सिमानामा पर्ने झर्ना कटेज नजिकैकोे भिरबाट लडेर घाईते भएका सोही गाउँपालिका ८ बस्‍ने २५ बर्षिय युवकको नं.१५ गण काभ्रे र नं. १६ गण सिन्धुपाल्चोकको सुरक्षा फौजले सकुशल उद्धार गरेको छ । 

जिल्ला सुरक्षा समितीको आयोजना र नं. ४ गण सुनसरीको व्यवस्थापनमा जिल्लाको सीमा ईलाकामा दोस्रो सीमा पैदल यात्रा तथा अन्तरक्रिया कार्यक्रम कार्तिक २७ गतेदेखि संचालन भएको छ । सो कार्यक्रम यही कार्तिक ३० गतेसम्म संचालन हुनेछ ।

सीमा बासीसँग सशस्त्र प्रहरी कार्यक्रम’ अन्तर्गत नंं. ४ गण सुनसरीको आयोजनामा विराट मेडिकल टिचिङ्ग हस्पिटल प्रा.लि.को समन्वय तथा कोशी गाउँपालिका र पूर्व क्षेत्रीय सशस्त्र प्रहरी बल, नेपाल अस्पताल पकली सुनसरीको सहकार्यमा एक दिने निःशुल्क स्वास्थ्य शिविर संचालन गरिएको छ ।

भारतबाट अवैध रुपले नेपाल ल्याई वेवारिसे अवस्थामा राखेको सामानसहितको ट्रक प्रस्तावित सीमा सुरक्षा गुल्म त्रिनगरले कार्तिक २२ गते कैलाली जिल्लाको धनगढी उपमहानगरपालिका–४ उत्तरवेडी ईलाकाबाट नियन्त्रणमा लिएको  छ ।

भारतबाट अवैध रुपले नेपाल ल्याई वेवारिसे अवस्थामा राखेको सामानसहितको ट्रक प्रस्तावित सीमा सुरक्षा गुल्म त्रिनगरले कार्तिक २२ गते कैलाली जिल्लाको धनगढी उपमहानगरपालिका–४ उत्तरवेडी ईलाकाबाट नियन्त्रणमा लिएको  छ ।

रुपन्देही जिल्लाको ल्ुम्बिनी सांस्कृतिक नगरपालिका–२ मुझानाबाट कार्तिक २२ गते विशेष सूचनाको आधारमा खटिएको सशस्त्र प्रहरी बल नेपाल राजश्व प्रहरी इकाई र राजश्व अनुसन्धान कार्यालय बुटवलको टोलीले १ सय १२ बोरा चिनी बरामद गरेको छ ।

कार्तिक २० गते बिहान सर्लाहीमा कार दुर्घटना हुँदा बेपत्ता भएका २ जनाको शव नंं. २ छिन्नमस्ता बाहिनी मुख्यालय महोत्तरीबाट खटिएको गोताखोर सहितको सुरक्षा फौजले फेला पारेको छ । ईश्वरपुर नगरपालिका–२ मियाखोरस्थित पोखरीमा बयलबासबाट महोत्तरीको गौशालातर्फ जाँदै गरेको लु २ च ६७५८ नम्बरको कार गति अनियन्त्रित भई दुर्घटना भएको थियो । 

माननीय गृहमन्त्री रमेश लेखकले कार्तिक १४ गते मुस्ताङ जिल्लाको लोमान्थाङ् गाउँपालिका–४ नेचुङ्गस्थित सशस्त्र प्रहरी बल, नेपाल बोर्डर आउट पोष्ट (बिओपी) नेचुङ्ग मुस्ताङ्गको कार्यालय परिषभित्र निर्माण भएको व्यारेक र नेपाल चीन सीमानाकास्थित अध्यागमन कार्यालय भवनको समुउद्घाटन गर्नुभएको छ ।

सम्माननीय प्रधानमन्त्री के.पी शर्मा ओलीको प्रमुख आतिथ्यमा कार्तिक १३ गते राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित सि.सं. १६ सशस्त्र प्रहरी निरीक्षक आधारभूत तालिम समापन भएको छ ।

कञ्चनपुर जिल्लाको भिमदत्त नगरपालिका–४ भासी ईलाकाबाट कार्तिक ११ गते सुरक्षा वेश मझगाउँ कञ्चनपुरले १५ लाख रुपैयाँ बराबरको वेवारिसे अवस्थामा राखेको करीव ५ हजार थान मोवाईलको कभर बरामद गरेको छ । 

भोजपुर जिल्लाको टेम्केमैयुङ गाउँपालिका–१ स्थित हाँस पोखरीबाट हराएका चार जना आन्तरिक पर्यटकको कार्तिक ९ गते नं. ५ टक्सार गुल्म  र सुरक्षा वेश नागी भोजपुरको सुरक्षा फौजले उद्धार गरेको छ । उद्धार गरिएकाहरु सुनसरी जिल्लाको धरान उपमहानगरपालिका–१२ का ब्यक्तिहरु रहेका छन् ।

सीमासँग जोडिएका बाँके र बर्दियाका स्थानीय जनप्रतिनिधिहरुसँग प्रस्तावित सीमा सुरक्षा गुल्म बाँकेको आईसीपी हलमा कार्तिक ९ गते अन्तरक्रिया कार्यक्रम सम्पन्न भएको हो ।
नं. ५ विन्ध्यावासिनी बाहिनी मुख्यालय रुपन्देहीका सहायक बाहिनीपति सशस्त्र प्रहरी बरिष्ठ उपरीक्षक कमल प्रसाद तिउसीनाको प्रमुख आतिथ्यमा सम्पन्न भएको अन्तरक्रिया कार्यक्रममा नं. ३० गण बाँके र नं. ३१ गण बर्दियाका गणपति, सीमासँग जोडिएका बाँके र बर्दियाका स्थानीय जनप्रतिनिधि तथा वडा अध्यक्षहरु लगायत प्रस्तावित सीमा सुरक्षा गुल्मका गुल्मपति र बिओपी प्रमुखहरुको समेत सहभागिता रहेको थियो ।

सशस्त्र प्रहरी बल नेपाल यू.एन. शान्ति स्थापना तालिम शिक्षालय ककनीमा कार्तिक ८ गते  United Nations Day-2024 को अवसरमा प्रभातफेरी कार्यक्रम सम्पन्न भएको छ ।
शिक्षालयका समादेशक सशस्त्र प्रहरी बरिष्ठ उपरीक्षक राजेन्द्र खड्काको उपस्थितिमा सम्पन्न भएको प्रभातफेरी कार्यक्रम शिक्षालयको मेनगेट हुँदै ककनी बजार, ककनी अन्तर्राष्ट्रिय स्काउट केन्द्र परिक्रमा गरेको थियो । सोही अवसरमा ककनी बजार, शिवमन्दिर, थाई स्मृती पार्क लगायतका स्थानहरुमा सरसफाई समेत गरिएको थियो । 

सशस्त्र प्रहरी महानिरीक्षक राजु अर्यालले कार्तिक ७ गते सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारस्थित पृथ्वी हाईवे ट्रमा सेन्टरमा नागढुंङ्गा–मुग्लिङ्ग सडक खण्डमा अवस्थित अस्पतालहरुमा कार्यरत स्वास्थ्यकर्मीहरुलाई लक्षित गरी संचालन गरिएको Basic Life Support and Primary Trauma Care तालिम समापन गर्नुभएको छ ।

             बडादशै २०८१ को अवसरमा सशस्त्र प्रहरी महानिरीक्षक राजु अर्यालले असोज २८ गते सशस्त्र प्रहरी कर्मचारीहरुलाई टीका तथा प्रसाद प्रदान गर्नुभएको छ । सशस्त्र प्रहरी बल नेपालका वहालवाला तथा अवकाश प्राप्त सशस्त्र प्रहरी कर्मचारीहरुलाई सशस्त्र प्रहरी परिवार महिला संघकी अध्यक्ष तथा सशस्त्र प्रहरी अतिरिक्त महानिरीक्षक र महिला संघका उपाध्यक्षले समेत सोही अवसरमा टीका तथा प्रसाद प्रदान गर्नुभएको थियो।

कञ्चनपुर जिल्लाको भिमदत्त नगरपालिका–१ ब्रह्मदेवस्थित सीमा इलाकाबाट असोज २२ गते साँझ १२ लाख ७४ हजार २ सय ३० भारतीय रुपैयाँ र ५ लाख १३ हजार ७० नेपाली रुपैयाँ र स्कुटसहित एक जना भारतीय व्यक्तिलाई बोर्डर आउट पोष्ट ब्रह्मदेवले नियन्त्रणमा लिई आवश्यक कारवाहीको लागि राजश्व अनुसन्धान कार्यालय कोहलपुरमा बुझाएको छ ।  

असोज २३ गते सिन्धुली जिल्लाको गोलन्जोर गाउँपालिका-७ खुर्कोट शितल चौतारीस्थित नं. ३ गढीमाई बाहिनी मुख्यालय मकवानपुरले विपद् प्रभावित घरपरिवारहरुको लागि आयोजना गरेको सामूहिक खानामा करीब ३०० जना सहभागि भएका छन्। 

काभ्रेपलान्चोक जिल्लाको बेथानचोक गाउँपालिका र पनौती नगरपालिका वडा नं. ११ बल्थलीका  बाढी पहिरो प्रभावित 150 घरधुरीलाई सशस्त्र प्रहरी परिवार महिला संघद्वारा असोज २२ गते खाद्यान्न सामाग्रीहरु हस्तान्तरण गरिएको छ । 

असोज २३ गते जिल्ला पर्सा बि.म.न.पा.-१६ नगवा नयाँबस्ति स्थित भारत बाट अबैध रुपमा भित्राइ बिभिन्न घरहरुमा लुकाई छिपाई राखेको अन्दाजि २०,००,०००।-बराबरको कपडा लगायतका सामानहरु प्रस्तावित सीमा सुरक्षा गुल्म बिरगंजले नियन्त्रणमा लिई भन्सार कार्यालयमा बुझाइएको छ ।

कञ्चनपुर जिल्ला पुनर्वास र मझगाउँ नगरपालिकाबाट असोज २० गते ८ लाख ६ हजार ३ सय रुपैयाँको लत्ताकपडा  र  २ लाख ५८ हजार २ सय रुपैयाँको पटकासहित एउटा भारतीय स्कारपियो गाडी नं ३५ गण शैलेश्वरी कञ्चनपुरले नियन्त्रणमा लिई कञ्चनपुर भन्सार कार्यालय गड्डाचौकी कञ्चनपुरमा बुझाइएको छ । 

सशस्त्र प्रहरी महानिरीक्षक राजु अर्यालले नेपालीहरुको महान चाड बडादशैँ, शुभदिपावली, नेपाल सम्वत् ११४५ तथा छठ पर्वको उपलक्ष्यमा सम्पूर्ण सशस्त्र प्रहरी कर्मचारी तथा परिवारजनहरुलाई हार्दिक मंगलमय शुभकामना व्यक्त गर्नुभएको छ ।

असोज १३ गते राती रुपन्देही र पश्चिम नवलपरासीबाट ९४ लाखभन्दा बढीको भन्सार छलीको सामान, ट्रक र पिकअप गाडी सुरक्षा फौजले नियन्त्रणमा लिएको छ । 

काभ्रे जिल्लाको विभिन्न ठाउँमा अलपत्र परेका १ सय ४८ जनालाई सशस्त्र प्रहरी बल नेपाल प्रधान कार्यालय हल्चोकबाट पठाइएको तीन वटा बसले असोज १४ गते काठमाडौं ल्याएको छ ।

असोज ७ गते सुनसरी जिल्लाको हरिनगरा गाउँपालिका ५ यादव टोल स्थित नेपाल–भारत सीमा ईलाकाको दशगजामा भारतीय समकक्षी सशस्त्र सीमा बल SSB 56 Bn Bathnaha र नं. ४ गण सुनसरीले संयुक्त आयोजना गरेको मैत्रीपूर्ण भलिबल खेल सम्पन्न भएको छ ।

असोज ६ गते पर्सा जिल्लाको विन्दवासिनी गाउँपालिका–३ ईटियाही चोकबाट बिओपी अमरपट्टीले कारको सिट र डिकीमा लुकाई छिपाई राखेको प्रतिबन्धित लागुऔषध गाँजा १ सय ४५ के.जी. बरामद गरी कारसहित ईलाका प्रहरी कार्यालय पोखरियामा बुझाएको छ । 

भाद्र ५ गते मोरङ जिल्लाको रंगेली नगरपालिका–५ आपगाछीस्थित सीमा इलाकाबाट प्रस्तावित सीमा सुरक्षा गुल्म सोरभागले ३ लाख ९१ हजार ५ सय रुपैयाँ बराबरको पटका बरामद गरी स्थानिय जनप्रतिनिधि, नेपाल प्रहरी र पत्रकारको रोहोवरमा नष्ट गरेको छ ।

नं. ४२ रिजर्भ गण शमशेरगंज बाँके र राप्ती सोनारी गाउँपालिका बीच एम्बुलेन्स हस्तान्तरण एवं संचालन सम्बन्धी सम्झौता भएको छ ।
नेपालगंज उपमहानगरपालिकाका प्रमुख प्रशान्त बिष्टको प्रमुख आतिथ्यमा सोही गणमा आयोजित एक कार्यक्रममा सशस्त्र प्रहरी उपरीक्षक क्षितिज क्षेत्री र गाउँपालिकाका प्रमुख तप्त बहादुर पौडेल बीच असोज १ गते सम्झौता भएको हो ।
स्थानीय बासिन्दाहरुको अधिकतम हित र सडक दुर्घटना लगायत मानविय तथा विरामी उद्धार कार्यको  सहजताको लागि राप्तीसोनारी गाउँपालिकाको सर्पदंश उपचार केन्द्रको स्वामित्वमा रहने गरी उक्त एम्बुलेन्स संचालनमा ल्याइने छ ।
 

विश्व आत्महत्या रोकथाम दिवसको अवसरमा न. १८ गुल्म दोलखाले न.३ गढिमाइ बाहिनी मातहतका बिभिन्न युनिटहरुका २ सय ४० जना सशस्त्र प्रहरी कर्मचारीहरुको सहभागीतामा असोज २ गते मानसिक स्वास्थ्य तथा आत्महत्या रोकथाम सम्बन्धी सचेतनामुलक कार्यक्रम संचालन गरको  छ ।
यसैगरी सोही जिल्लाको शैलुङ्ग र तामाकोशी गाउँपालिकामा भएको कार्यक्रममा प्रमुख जिल्ला अधिकारी लगायत अन्य सरकारी कर्मचारीहरु, स्थानीय जनप्रतिनिधिहरु, शिक्षक शिक्षिका तथा विद्यार्थीहरु सहित ५ सय ७७ जना सहभागी रहेका थिए ।

भाद्र ३१ गते नेपाल सरकार भौतिक पूर्वधार तथा यातायात मन्त्रालय राष्ट्रिय सडक सुरक्षा परिषद् सिंहदरबार काठमाडौं, SRCTIP Project का पदाधिकारीहरु तथा Rotary सहितको Trainer सहितको संयुक्त टोलीद्धारा विपद् व्यवस्थापन तालिम शिक्षालय कुरिनटार चितवनमा १ दिने Road Traffic Crash (RTC) अभिमुखिकरण तालिम एवं Road Traffic Crash (RTC) Rescue उपकरणहरु हस्तान्तरण कार्यक्रम सम्पन्न भएको छ ।

भाद्र २३ देखि २९ गते सम्म संचालन भएको विपद व्यबस्थापन अनुशिक्षण तालिमका प्रशिक्षार्थीहरुलाई न. १८ गुल्म दोलखाले भिमेश्वर नगरपालिकाको समन्वयमा बिपद उद्धार सम्बन्धी सेमुलेसन अभ्यास गरेको छ ।

भाद्र ३१ गते सुनसरी जिल्लाको कोशी गाउँपालिका १ लौकहीस्थित भन्सार रोड इलाकाबाट ब्राउन सुगर जस्तो देखिने खैरो पदार्थ अन्दाजी २५.६९ ग्राम र  ICE Drugs - Methamphetamine Drugs_  जस्तो देखिने सेतो पदार्थ १.०१ ग्राम सहित भारतबाट नेपालतर्फ आउदै गरेका सुनसरी जिल्लाको धरान उपमहानगरपालिका १५ बस्ने तीन व्यक्तिहरुलाई नियन्त्रणमा लिएको छ ।
यसैगरी विओपी लौकहीले करिव ६० हजार रुपैयाँ बराबरको पटका समेत नियन्त्रणमा लिएको छ ।

भाद्र ३१ गते सशस्त्र प्रहरी बल नेपाल हुल तथा दंगा व्यवस्थापन तालिम शिक्षालय लामापाटन पोखरामा संचालित सि.सं. १६ (ख) सशस्त्र प्रहरी सहायक निरीक्षक आधारभूत तालिम समापन भएको छ ।
सशस्त्र प्रहरी महानिरीक्षक राजु अर्यालले सोही शिक्षालयमो एक कार्यक्रमका बीच उक्त तालिमकोे समापन गर्नुभएको हो । 

भाद्र ३० गते माननीय गृहमन्त्री रमेश लेखकको प्रमुख आतिथ्यमा राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित सि.सं. १६ (क) सशस्त्र प्रहरी सहायक निरीक्षक आधारभूत तालिम सम्पन्न भएको छ ।

भाद्र २९ गते सशस्त्र प्रहरी परिवार महिला संघकी अध्यक्ष अनिता लामिछाने अर्यालयको प्रमुख आतिथ्यमा ‘६०औं राष्ट्रिय वालदिवस २०८१’ नेपाल एपीएफ स्कुल कीर्तिपुरमा विविध साँस्कृतिक कार्यक्रमको आयोजना गरी सम्पन्न भएको छ।

गृहसचिव गोकर्णमणि दुवाडीले भाद्र २७ गते प्रधान कार्यालय हलचोक स्वयम्भुको निरीक्षण भ्रमण गर्नुभएको छ । कार्यक्रममा उहाँले सीमा सुरक्षा, विपद् उद्धार र सशस्त्र प्रहरी बल, नेपालद्धारा देशको समग्र शान्ति सुरक्षा व्यवस्थापनमा भए गरेका काम कारवाही र संगठनको समस्या तथा चूनौतीहरुका बारेमा समेत जानकारी लिनुभएको छ । 

सुनसरी जिल्लाको भोक्राहा नरसिँह गाउँपालिका–८ स्थित हुलाकी मार्गबाट भाद्र २६ गते २ सय ३५ केजी प्रतिबन्धित लागूऔषध गाँजासहित बोलेरो गाडी बिओपी लौकही र सुरक्षा बेश भुटाहाको टोलीले नियन्त्रणमा लिई आवश्यक कारबाहीको लागि सम्बन्धित निकायमा बुझाइएको छ ।

         भाद्र २५ गतेदेखि २७ गतेसम्म सुनसरी जिल्लाको गाउँपालिका-१ लौकही स्थित बि.पि.स्मृति अध्ययन प्रतिष्ठानको सभाहलमा नं.१ बराह बाहिनी मुख्यालय, नं. ४ गण सुनसरी र कोशी गाउँपालिकाको संयुक्त आयोजनामा “समुदायमा आधारित Volunteer Rescuer Disaster Response तालिम” संचालन भएको छ । विपद् उद्धार तथा व्यवस्थापन कार्यमा बिद्यार्थीहरुलाई स्वयसेवक तयार गर्ने उद्देश्यले तालिम संचालन गरिएको हो ।

भाद्र २५ गते धनुषा जिल्लाको नगराईन नगरपालिका–२ स्थित जटहीमा नंं. ८ गण धनुषाले ‘‘लागूऔषध दुव्र्यसनी तथा नियन्त्रण सम्बन्धी जनचेतनामूलक कार्यक्रम’’ गरेको छ ।

सुरक्षा बेश चतराले भाद्र २५ गते सुनसरी जिल्लाको बराहक्षेत्र नगरपालिका–६ स्थित शिसौलीघाटबाट करीब २ सय ४५ के.जी गाँजा बरामद गरी आवश्यक कारवाहीको लागि ईलाका प्रहरी कार्यालय महेन्द्रनगर चक्रघट्टीमा बुझाइएको छ ।

‘‘सीमाबासीसँग सशस्त्र प्रहरी’’ कार्यक्रम अन्तर्गत सुनसरी जिल्लाको देवानगंज गाउँपालिका–३ स्थित देवानगंज गाउँपालिका र श्री कृष्ण मावि देवानगंजको प्राङ्गणमा नंं. ४ गण सुनसरी र नोबेल मेडिकल कलेज टिचिङ हस्पीटल प्रा.लि. विराटनगरको संयुक्त आयोजना तथा पूर्व क्षेत्रीय सशस्त्र प्रहरी बल, नेपाल अस्पतालको सहकार्यमा भाद्र २४ गते एक दिने निःशुल्क स्वास्थ्य शिविर संचालन भएको छ । शिविरमा ७ सय भन्दा बढि सर्वसाधारणहरुले स्वास्थ्य जाँच गराएका छन् ।

भाद्र २२ र २३ गते पर्सा जिल्लाको वीरगंजस्थित तीन वटा गोदामलगायत विभिन्न इलाकाबाट करीब २० लाख रुपैयाँ बराबरको अवैध सामान प्रस्तावित सीमा सुरक्षा गुल्म वीरगंजले बरामद गरेको छ ।

भाद्र २० गते बारा जिल्लाको कलैया उपमहानगरपालिका–१२ स्थित एक स्थानीयको घरमा अबैध रुपमा लुकाई छिपाई राखेको करीब २ लाख ७३ हजार रुपैयाँ बराबरको ५३ बोरा प्याज र २४ बोरा चिनी प्रस्तावित सीमा सुरक्षा गुल्म मटिअर्वाले बरामद गरी वीरगंज भन्सार कार्यालय पर्सामा बुझाइएको छ ।

भाद्र १९ गते सुनसरी जिल्लाको देवानगंज गाउँपालिका–४ मेहता टोलबाट करीव ४ लाख ४२ हजार रुपैयाँ बराबरको लत्ताकपडा सशस्त्र प्रहरी बल नेपाल नं. ४ गण सुनसरीले बरामद गरी राजश्व अनुसन्धान कार्यालय ईटहरीमा बुझाएको छ ।

कञ्चनपुर जिल्लाको भिमदत्त नगरपालिका–३ भाँसी आनन्द टोलस्थित सिद्धार्थ ईन्जिनियरिङ्ग अटो वर्कशप नजिकैबाट भाद्र १६ गते नं. ३५ शैलेश्वरी गण कञ्चनपुरको सुरक्षा फौजले ५८ लाख ९३ हजार ४ सय रुपैयाँ बराबरको विभिन्न किसिमका सामान बरामद गरेको छ ।
 

प्रधान कार्यालय स्वयम्भू हलचोकमा भाद्र १७ गते सशस्त्र प्रहरी बल, नेपाल सम्बन्धी विधेयक, २०८१ को मस्यौदामा छलफल भएको छ । माननीय गृहमन्त्री रमेश लेखकको प्रमुख आतिथ्य तथा सशस्त्र प्रहरी महानिरीक्षक राजु अर्याललको उपस्थितीमा भएको छलफल कार्यक्रममा सशस्त्र प्रहरी अतिरिक्त महानिरीक्षकहरु, निमित्त गृहसचिव नारायण प्रसाद भट्टराई, गृह मन्त्रालयका सह–सचिव भरतमणि रिजाल, गृह मन्त्रालयका पदाधिकारी तथा सशस्त्र प्रहरी बल, नेपालका बरिष्ठ अधिकृतहरुको सहभागीता रहेको थियो ।  

विपद् व्यवस्थापन तालिम शिक्षालय कुरिनटार चितवनमा भाद्र १६ गतेदेखि स्वयमसेवक उद्धारक डिजास्टर रेस्पोन्स तालिम संचालन भएको छ । प्रगती पाठशाला चितवन कुरिनटारमा अध्ययनरत ९३ जना छात्र/छात्राहरु सहभागी भएका सो तालिम निकट भविष्यमा आठवटै बाहिनी मुख्यालयहरुमा संचालन गरिने योजना रहेको छ ।

भाद्र ११ गते बारा जिल्लाको कलैया उपमहानगरपालिका–१० मटिअर्वास्थित सीमा ईलाकाबाट करीव ९१.९६० ग्राम ब्राउन सुगरसहित सोही महानगरपालिका–१९ रघुनाथपुर बस्ने २५ बर्षिय युवकलाई प्रस्तावित सीमा सुरक्षा गुल्म मटिअर्वाले नियन्त्रणमा लिई जिल्ला प्रहरी कार्यालय कलैयामा बुझाईएको छ ।

समुन्द्रि सतहबाट करीव ४ हजार ६ सय मिटरको उचाईमा रहेको धार्मिक, साँस्कृतीक तथा पर्यटकिय स्थलको रुपमा परिचित सोलुखुम्बु जिल्लाको सोलुदुधकुण्ड नगरपालिका–१ स्थित दुधकुण्ड पोखरीमा जनै पूर्णिमा तथा रक्षा बन्धनको अवसरमा लाग्ने मेला सुरक्षित तथा व्यवस्थित बनाउन भाद्र ३ गते खटिएको आश्रित गुल्म सोलुखुम्बुको सुरक्षा फौज  ।

‘काभा वुमन्स भलिबल नेसन्स लिग–२०२४’ मा सहभागी भएका नेपाल एपीएफ क्लवका तीन जना महिला भलिबल खेलाडीहरुलाई साउन ३० गते प्रधान कार्यालयमा आयोजित कार्यक्रमका बीच सशस्त्र प्रहरी महानिरीक्षक राजु अर्यालले नगद पुरस्कारसहित सम्मान गर्नुभएको छ । सम्मानित हुनेहरुमा सशस्त्र प्रहरी सहायक हवल्दार सरस्वती चौधरी, निरुता ठगुन्ना र सशस्त्र प्रहरी जवान कविता भट्ट छन् ।
उक्त लिग तथा अन्य भलिबल प्रतियोगिताहरुमा समेत उत्कृष्ट प्रदर्शन गर्दै आएकी निरुता ठगुन्नालाई सशस्त्र प्रहरी जवानबाट सशस्त्र प्रहरी सहायक हवल्दार पदमा बढुवा गरिएको छ ।  उनलाई खेलकुद तथा शारिरीक सुगठन शिक्षालयका समादेशक सशस्त्र प्रहरी बरिष्ठ उपरीक्षक रमेश कुमार पाण्डेले दज्र्यानी चिन्ह प्रदान गर्नुभएको छ ।

काठमाडौं जिल्लाको गोकर्णेश्वर नगरपालिका–२ नयाँपाटिस्थित भुमस्थलीमा रहेको उन कारखानामा  विद्युतीय तार सर्ट भई साउन २५ गते भएको आगलागी नेपाली सेना, नं. २० विपद् उद्धार गण सिनामंगल र स्थानीय वासिन्दाले दमकलको सहयोगमा नियन्त्रणमा लिएको छ ।

सशस्त्र प्रहरी महानिरीक्षक राजु अर्यालले साउन २२ गते प्रधान कार्यालयबाट सातै प्रदेश र उपत्यकास्थित बाहिनी मुख्यालयका बाहिनीपति, शिक्षालयका समादेशक र सबै जिल्लाका गणपति तथा गुल्मपतिहरुलाई भर्चुअल माध्यमद्धारा सीमा सुरक्षा तथा विपद् उद्धारसँग सम्बन्धित समसामायिक विषयमा निर्देशन दिनुभएको छ ।
महानिरीक्षक अर्यालले सीमा नाकाबाट आवतजावत गर्ने व्यक्तिहरुको चेकजाँच गरी गैरकानुनी रुपमा हुनसक्ने प्रवेशमा रोक तथा सीमा ईलाकामा हुनेसक्ने अवैध गतिविधिहरुको सुक्ष्म रुपमा निगरानी गरी उच्च सुरक्षा सतर्कता अपनाउन सीमा क्षेत्रसँग जोडिएका बाहिनी मुख्यालय तथा जिल्लास्थित सशस्त्र प्रहरी बल नेपालका कार्यालय प्रमुखहरुलाई निर्देशन दिनुभएको हो ।
साथै उहाँले हाल मनसुनको समयमा हुने सक्ने विपद् जोखिम लगायतका अन्य घटनाहरुको न्यूनिकरण तथा उद्धार कार्यमा सकृय रुपमा परिचालन हुन समेत सशस्त्र प्रहरी बल नेपालका सम्पूर्ण इकाई प्रमुखहरुलाई निर्देशन दिनुभएको छ ।

ललितपुर जिल्ला महालक्ष्मी नगरपालिका–८ लुभुस्थित बसपार्कमा बर्षाको कारण पिपलको रुख ढलेर घरको छतमा परेको र अवरुद्ध भएको बाटो, सोही जिल्लाको गोदावरी नगरपालिका–१० चारघरेस्थित चापागाउँ सडकखण्डमा बर्षाको कारण अवरुद्ध भएको सडक सुचारु गराउनुका साथै धापाखेलमा गएरातिदेखि परेको बर्षाको कारण माटोको ढिस्को भत्किई  जोखिममा रहेको बस्ती  नेपाली सेना र  नंं २१ दक्षिणकाली गणको सुरक्षा फौजले संयुक्त रुपमा उद्धार कार्य गरेको छ ।

खेलकुद तथा शारिरीक सुगठन शिक्षालय काठमाडौंको सातौँ स्थापना दिवस सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा साउन १६ गते सम्पन्न भएको छ ।

कार्यक्रममा अतिरिक्त महानिरीक्षक पौडेलले स्थापना दिवसको अवसरमा आन्तरिक रुपमा संचालन गरिएको विभिन्न खेलकुद प्रतियोगिताका विजयी खेलाडी तथा वर्षभरि उत्कृष्ट कार्य गर्ने सशस्त्र प्रहरी कर्मचारीहरुलाई पुरस्कार प्रदान गर्नुकासाथै शिक्षालयलाई सहयोग पुर्‍याउने विभिन्न संघसंस्था तथा महानुभावहरुलाई कदरपत्र प्रदान गर्नुभएको थियो ।

बाँके जिल्लाको नरैनापुर गाउँपालिका–६ स्थित दोन्द्रा खोलाको बीच भागमा अड्किएका सोही गाउँपालिका–७ बस्ने ५० वर्षिय कुल बहादुर चौधरीलाई साउन १६ गते सकुशल उद्धार गरिएको छ । उनलाई बिओपी गंगापुर, नेपाल प्रहरी र स्थानीय वासिन्दाले डोरीको सहायताले सकुशल उद्धार गरेको हो ।

साउन १६ गते नं. २२ गुहेश्वरी गण दुवाकोटले अविरल वर्षाको कारण भक्तपुरको चाँगुनारायण नगरपालिका वडा नं. ५ छालिङ्गस्थित बन गाउँ र वडा नं. ४ चापाखलमा पहिरो गई जोखिममा रहेका घरहरु नजिकै अस्थायी संरचना बनाई पहिरो रोकथाम गरेको छ ।  
त्यसैगरी सुर्यविनायक नगरपालिका–१० चित्तपोलस्थित एक स्थानीय व्यक्तिको घर नजिकै पहिरो गई जोखिममा रहेको भन्ने जानकारी प्राप्त भएपछि सो गणबाट खटिएको सुरक्षा फौज पहिरो पन्छाउने कार्यमा जुटेको थियो ।

नं. ९ पशुपतिनाथ बाहिनी मुख्यालय काठमाडौं र काठमाडौं महानगरपालिका–२७ स्थित National Center For Reproductive Health प्रा.लि. बीच साउन १५ गते  विभिन्न स्वास्थ्य सेवामा छुट सम्झौता भएको छ ।
नं. २४ गुल्मको समन्वयमा भएको करार सम्झौता अनुसार सशस्त्र प्रहरी बल नेपालमा कार्यरत बहालवाला तथा अवकाश प्राप्त, अमर सशस्त्र प्रहरीका आश्रित परिवारहरु लगायत नेपाल एपीएफ स्कूलमा कार्यरत शिक्षक तथा कर्मचारीहरुलाई समेत स्वास्थ्य सेवामा छुट प्रदान हुनेछ ।

सुनसरी जिल्लाको ईनरुवा नगरपालिका–९ बबिया चोकबाट साउन १३ गते करीव १ सय १६ के.जी. गाँजासहित धनकुटा जिल्लाको साघुँरीगढी गाउँपालिका–१ बुढीमोरङ्ग बस्ने ३२ वर्षिय र २२ वर्षिय युवकलाई नियन्त्रणमा लिईएको छ ।
विशेष सुचनाको आधारमा नंं. ४ गण सुनसरीले धनकुटाबाट प्रदेश नं. १–०२–००२ च ६८८३ नम्बरको टाटा सफारी गाडीमा लोड गरी सुनसरीतर्फ ल्याउँदै गरेको गाँजासहित उनीहरुलाई नियन्त्रणमा लिएको हो । नियन्त्रणमा लिईएका दुवै जनालाई बरामद गाँजा तथा गाडीसहित आवश्यक कारवाहीको लागि जिल्ला प्रहरी कार्यालय इर्नवा सुनसरीमा बुझाईएको छ ।

साउन ११ गते सुनसरी जिल्लाको भोक्राहा नरसिंह गाउँपालिका–६ ढलानरोडबाट विभिन्न किसिमको लागूऔषधसहित सोही जिल्लाको धरान उपमहानगरपालिका–१३ बस्ने दुई युवालाई फरवार्ड पोष्ट इस्राइलकामदले नियन्त्रणमा लिएको छ ।
भारतबाट नेपालतर्फ पैदल आउँदै गरेका उनीहरुलाई शंका लागि जाँच गर्दा उनिहरुको साथबाट कालो प्लास्टिकले बेरिएको २२.४ ग्राम ब्राउनसुगर जस्तो देखिने खैरो पदार्थ, स्पास्मो प्रोक्सीभन ट्याब्लेट १६ वटा तथा नाईट्रोभेट ट्याब्लेट ८ वटा फेला परेपछि नियन्त्रणमा लिइएको हो ।
नियन्त्रणमा लिइएका दुवै जनालाई बरामद लागूऔषधसहित आवश्यक कारवाहीको लागि ईलाका प्रहरी कार्यालय लौकहीमा बुझाइएको छ ।

साउन १० गते नं. २२ गुहेश्वरी गण दुवाकोटबाट खटिएको सुरक्षा फौजले अविरल वर्षाको कारण भक्तपुरको मध्यपुरथिमी नगरपालिका–९ स्थित मनोहरा खोलामा आएको बाढीले कटान गरेको विभिन्न ठाउँमा अस्थायी तटबन्ध निर्माण गर्नुकोसाथै पहिरोले अबरुद्ध भएको सडक खुलाएको छ ।
यसैगरी दिपज्योती महिला विकास बहुउद्देश्यीय सहकारी संस्था र चाँगुनाराण नगरपालिका वडा नं. ३ झौखेलले आयोजना गरेको बृक्षारोपण कार्यक्रममा नं. २२ गुहेश्वरी गण दुवाकोटको समेत सहभागिता रहेको थियो ।

साउन ६ गते बर्षासँगै मोहना नदिमा आएको बाढिमा फसेका २५ जनाको सकुशल उद्धार गरिएको छ । कैलाली जिल्लाको धनगढी उपमहानगरपालिका–१४ का वासिन्दाहरु नदि पार गरी घाँस काट्न गएकोमा  सो नदिमा एक्कासी पानीको बहाव बढेपछि अलपत्र परेका थिए । उनीहरुको बिओपी फुलवारीले रबर बोटको प्रयोग गरी सकुशल उद्धार गरेको हो ।

भक्तपुर जिल्ला चाँगुनारायण नगरपालिका–१ स्थित ईन्जिनियरीङ्ग कलेज ईलाकामा साउन ०५ गते राति परेको अविरल बर्षाको कारण पानीको सतह बढ्न गई बस्ती डुवानमा परेको छ ।
सो ठाउँमा रहेको टहरा डुवानमा परेपछि नं. २२ गणबाट खटिएको टोलीले सामानहरु सुरक्षित स्थानमा  स्थानान्तरण गर्नुका साथै स्काभेटरको सहायतामा नाला व्यवस्थापन गरेको छ ।
यसैगरी सोही गणबाट खटिएको सुरक्षा फौजले चाँगुनारायण नगरपालिका–३ झौखेलस्थित गेलालगाउँमा डुवानमा परेको २ वटा घरको सामान समेत सुरक्षित स्थानमा सारेको छ ।

            माननीय गृहमन्त्री रमेश लेखकले साउन ४ गते प्रधान कार्यालयको निरीक्षण भ्रमण गर्नुभएको छ । निरीक्षण भ्रमणका क्रममा माननीय गृहमन्त्री रमेश लेखक तथा गृह सचिब एक नारायण अर्यालले प्रधान कार्यालयस्थित केन्द्रिय परिचालन कक्ष, Border Resource and Research Center तथा एपीएफ संग्राहलय तथा विपद् उद्धार सामाग्रीहरुको समेत अवलोकन गर्नुकासाथै सशस्त्र प्रहरी बल नेपालसँग सम्बन्धित विविध गतिविधिहरुको समेत प्रस्तुतीकरण मार्फत जानकारी लिनुभएको थियो ।

जुलाई २६ देखि अगष्ट ११ सम्म फ्रान्समा संचालन हुने ‘पेरिस ओलम्पिक–२०२४’ मा सहभागी हुने खेलाडीहरुलाई सशस्त्र प्रहरी अतिरिक्त महानिरीक्षक चन्द्रप्रकाश गौतमले साउन ४ गते खेल सफलताको शुभकामनासहित हार्दिक विदाई गर्नुभएको छ । ओलम्पिकमा सशस्त्र प्रहरी बल नेपालका ब्याडमिन्टन खेलतर्फ प्रिन्स दाहाल र सुटिङ्ग खेलतर्फ सुस्मिता नेपाल सहभागी हुने छन् ।

साउन ४ गते बर्षासँगै मोहना नदिमा आएको बाढिमा फसेका ५ जनाको सकुशल उद्धार गरिएको छ । कैलाली जिल्लाको धनगढी उपमहानगरपालिका–१८ नोक्लिपुरबाट नदि पार गरी घाँस काट्न गएकाहरु सो नदिमा पानीको बहाव बढेपछि अलपत्र परेको भन्ने जानकारी प्राप्त हुनासाथ बिओपी फुलवारीले ¥याफ्ट बोटको प्रयोग गरी सकुशल उद्धार गरेको हो ।
यसैगरी सोही उपमहानगरपालिका–१५ स्थित कनरी गाँउमा खटिया नदिमा पानीको बहाव बढ्न गई डुवानमा परेका ७ घरपरिवारलाई सोही बिओपीबाट खटिएको सुरक्षा फौजले सुरक्षित स्थानमा सारेको छ ।
 

साउन ४ गते बर्षासँगै मोहना नदिमा आएको बाढिमा फसेका ५ जनाको सकुशल उद्धार गरिएको छ । कैलाली जिल्लाको धनगढी उपमहानगरपालिका–१८ नोक्लिपुरबाट नदि पार गरी घाँस काट्न गएकाहरु सो नदिमा पानीको बहाव बढेपछि अलपत्र परेको भन्ने जानकारी प्राप्त हुनासाथ बिओपी फुलवारीले ¥याफ्ट बोटको प्रयोग गरी सकुशल उद्धार गरेको हो ।
यसैगरी सोही उपमहानगरपालिका–१५ स्थित कनरी गाँउमा खटिया नदिमा पानीको बहाव बढ्न गई डुवानमा परेका ७ घरपरिवारलाई सोही बिओपीबाट खटिएको सुरक्षा फौजले सुरक्षित स्थानमा सारेको छ ।
 

साउन ४ गते कास्की जिल्लाको पोखरा महानगरपालिका–२३ घाँटीछिनास्थित हर्पन खोलामा पौडी खेल्ने क्रममा बेपत्ता भएका दुई जना र मुस्ताङमा माटोको ढिस्कोमा पुरिएको दुई गरी ४ जनाको शव निकालिएको छ ।
नं. २४ कालिका गण कास्कीबाट गोताखोरसहितको टोली र नं. ३३ गुल्म मुस्ताङले उनीहरुको शव फेला पारेको हो ।

सोलुखुम्बु जिल्लाको सोलुदुधकुण्ड नगरपालिका–६ दोर्पूमा तार जालीको पर्खाल लगाउने क्रममा माटोको ढिस्कोले पुरिएका व्यक्तिको साउन ४ गते आश्रित गुल्म सोलुखुम्बुको सुरक्षा फौजले उद्धार गरी जिल्ला अस्पताल फाप्लुतर्फ पठाएको छ ।

राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा पहिलो पटक संचालन भएको  सुरक्षा तथा विपद् व्यवस्थापन अध्ययन अधिस्नातक डिप्लोमा (Post Graduate Diploma in Security and Disaster Management Studies (PGDSDMS)) कोर्ष समापन भएको छ । साउन २ गते सशस्त्र प्रहरी महानिरीक्षक राजु अर्यालको प्रमुख आतिथ्यमा कोर्ष समापन भएको हो । कार्यक्रममा त्रिभुवन विश्वविद्यालय मानविकी तथा सामाजिकशास्त्र संकायका डिन प्रोफेसर डा. कुशुम शाक्यको समेत उपस्थिती रहेको थियो ।

कास्की जिल्लाको पोखरा महानगरपालिका–२३ घाँटीछिनास्थित हर्पन खोलामा डुवेर बेपत्ता भएका युवकको शव सशस्त्र प्रहरीको गोताखोरले साउन १ गते फेला पारेको छ ।
धादिङ्ग जिल्लाको त्रिपुरासुन्दरी गाउँपालिका–७ घर भई पोखरा महानगरपालिका–८ नागढुङ्गा बस्ने २५ वर्षिय युवक पौडी खेल्ने क्रममा सो खोलामा डुवेर बेपत्ता भएका थिए ।
नं. २४ कालिका गण कास्कीबाट गोताखोरसहितको विपद् व्यवस्थापन टोलीले डिप ड्राइभ गरी झण्डै २० फिट गहिराईबाट उनको शव बाहिर निकालेको हो ।

तनहुँ जिल्लाको भानु नगरपालिका–२ आम्बोटेस्थित कच्ची घरमा पहिरो आई पुरिएका युवकको असार २८ गते सकुशल उद्धार गरिएको छ ।
घरभन्दा माथिबाट सुख्खा पहिरो आई पुरिएका उनको नं. २३ मनकामना गण तनहुँ, नेपाल प्रहरी र स्थानीय वासिन्दाले सकुशल उद्धार गरेको हो ।

नं. ४ गण सुनसरीको परिषरमा कार्यालय प्रमुख निवाससँगै नव निर्मित ब्यारेकको नंं. १ बराह बाहिनी मुख्यालय सुनसरीका बाहिनीपति सशस्त्र प्रहरी नायव महानिरीक्षक शम्भु सुवेदीले असार ३० गते उद्घाटन गर्नुभएको छ ।
नायव महानिरीक्षक सुवेदीले उत्कृष्ट कार्य गर्ने सशस्त्र प्रहरी कर्मचारीहरुलाई पुरस्कार तथा प्रमाणपत्र प्रदान गर्नुकासाथै गण परिषरको निरीक्षण अवलोकन समेत गर्नुभएको थियो ।

काठमाडौ जिल्लाको टोखा नगरपालिका–३ भूतखेल चौर नजिकै बर्षाको कारण पहिरो गई जोखिममा परेका तीन घरपरिवारको सामान असार ३० गते सुरक्षित स्थानमा स्थान्तरण गरिएको छ ।
नं. २० विपद् उद्धार गण सिनामंगलबाट विपद् उद्धारसहितको सुरक्षा फौज र स्थानीय वासिन्दाले उक्त घरपरिवारका लत्ताकपडा, भाँडावर्तन लगायतका सामान सुरक्षित स्थानमा स्थान्तरण गरेको हो ।
 

असार २८ गते त्रीशुली नदिमा दुई यात्रुवाहक बस दुर्घटनामा परी बेपत्ता भएकाहरुको पानीभित्र प्रयोग गरी खोज्न सकिने सोनार क्यामरा, वाटर ड्रोन, पाईपलाइन इन्सपेक्सन सिस्टमसहित खोजीकार्य शुरु भएको छ । र्‍याफ्टबोटमा जडान गरेर पानी भित्रको बस्तुहरु हेर्न सोनार क्यामराले सहयोग पुर्‍याउँछ भने वाटर ड्रोन क्यामराले समेत पानीभित्रको अबस्था हेर्न सकिन्छ । बिपद ब्यबस्थापन तालिम शिक्षालयबाट गएको गोताखोर सहितको फौजले ती उपकरण प्रयोग गरि खोजी गरेको हो ।

भक्तपुर जिल्लाको चाँगुनारायण नगरपालिका–१ दुवाकोटस्थित राईटोलमा असार २९ गते विहान बर्षाको कारण मनोहरा खोलामा पानीको बहाव बढेर जमिन कटान गरी घरहरुलाई क्षति पुर्‍याउने अवस्था भएपछि नंं. २२ गुहेश्वरी गणले बोरा, बाँस र तारजालिको सहायताले छेकबार लगाएको छ । यसैगरि सुर्यबिनायक न.पा.– ५  मा बर्षाको कारण पहिरो गइ घर जोखिममा परेपछि सोही गणबाट गएको सुरक्षा फौजले बोरामा बालुवा भरी वाल लगाएको छ ।  

भरतपुर महानगरपालिका– २९ नारायणगढ मुग्लिन सडकखण्डको सिमतालस्थित त्रिशुली नदिमा असार २८ गते बिहान अन्दाजी ३ बजे दुई वटा यात्रुवाहक सवारी साधन दुर्घटना भएको छ । दुर्घटनामा परेकाहरुको उद्धारमा नेपाली सेना, विपद् व्यवस्थापन तालिम शिक्षालय कुरिनटारबाट गोताखोर, नं. १७ गण चितवन र नेपाल प्रहरीको संयुक्त टोली खटिएको छ ।

अविरल वर्षाका कारण पर्वत जिल्लाको कुश्मा नगरपालिका– ५ कुमाल बस्तीको गोपाङ्गघाटमा पहिरो गई अवरुद्ध भएको बाटो सशस्त्र प्रहरीले असार २७ गते खुलाएको छ । उक्त स्थानमा सशस्त्र प्रहरी बल नेपाल नं २५ चण्डिका गण पर्वतको सुरक्षा फौज खटिई अवरुद्ध भएको बाटो खुलाएको हो ।
यसैगरी सोही गणबाट खटिएको सुरक्षा फौजले कुश्मा नगरपालिका–४ गुप्तेश्वर मन्दिर जान अवरुद्ध भएको बाटो खुलाएको छ । त्यस्तै सोही नगरपालिका–११ पकुवामा पहिरो गई गोठ पुरिएको तथा वरिपरी जोखिम अवस्थामा रहेका घरपरिवालालाई नं २५ चण्डिका गण पर्वतले सुरक्षित स्थानमा सारेको छ ।

भक्तपुर जिल्लाको चाँगुनारायण नगरपालिका–१ दुवाकोटस्थित राई टोलमा लगातार वर्षाको कारण मनोहरा खोलामा पानीको बहाव बढि कटान गरेको जमिनमा नं. २२ गुहेश्वरी गण दुवाकोट भक्तपुरबाट खटिएको सुरक्षा फौजले बोरा र तारजालीको प्रयोग गरी तटबन्धन निर्माण गरेको छ ।
यसैगरी उदयपुर जिल्लाको त्रियुगा नगरपालिका–११ स्थित ढिम्की मन्दिर ईलाकामा वर्षाको कारण बरुवा खोलाले कटान गरेको जमिनमा नेपाली सेना, नं. ५ गण उदयपुर, नेपाल प्रहरी र स्थानीय वासिन्दासहितको संयुक्त टोलीले २७ वटा तारजाली प्रयोग गरी झण्डै ५५ मिटर बाँध निर्माण गरेका हुन् ।

पूर्वी नवलपरासी जिल्लाको मध्यबिन्दु नगरपालिका–१ पतवारीस्थित उल्टी खोलामा बेपत्ता भएका एक जनाको शव असार २७ गते फेला परेको छ । सोही ठाउँ बस्ने ३५ बर्षिय सुर्य परियार खोला तर्ने क्रममा बिहिबार दिउँसो १२ बजे बेपत्ता भएका थिए ।
सो घटनाबारे जानकारी पाएपछि खटिएको सुरक्षा बेश चोरमारा, नेपाल प्रहरी र स्थानीय बासिन्दासहितको संयुक्त टोलीले उनको शव घटनास्थल भन्दा करीव १ किलोमिटर तल नदिको किनारमा फेला पारेको हो ।

अविरल वर्षाका कारण असार २७ गते कालिगण्डकी करिडोर अन्तर्गत बाग्लुङ्ग जिल्लाको बाग्लुङ्ग नगरपालिका– १० डबल्याङ्ग र मध्य पहाडी लोकमार्ग अन्तर्गत सोही जिल्लाको काठेखोला गाउँपालिका–६ बयलडाडा सडकखण्डमा पहिरो आई पुर्ण रुपमा अवरुद्ध भएको खुलाईएको छ । आश्रित गुल्म बाग्लुङ्गको सुरक्षा फौज खटिई अवरुद्ध सडकहरु खुलाएको हो ।
यसैगरी अविरल बर्षाको कारण पहिरोले सोही जिल्लाको बाग्लुङ्ग नगरपालिका–३ तातोपानी भुनियामा ४५ वर्षिय मनमती बोहोराको कच्ची घर भत्किन गई पुरिएको लत्ताकपडा तथा सरसामानहरु आश्रित गुल्म बागलुङको सुरक्षा फौजले निकालेको छ ।

बारा जिल्लाको जितपुर सिमरा उपमहानगरपालिका–१६ स्थित पसाहा पुल नजिकै असार २७ गते भएको सवारी दुर्घटनामा परी घाईते भएका १३ जनाको सकुशल उद्धार गरिएको छ ।
मलंगवाबाट बिरगंजतर्फ जादै गरेको ना. ४ ख ७१९४ नम्बरको यात्रुवाहक बस गति अनियन्त्रित भई दुर्घटना भएको थियो । उक्त गाडीमा ३१ जना यात्रुहरु सवार रहेका थिए ।
नं. ४० रिजर्भ गण बाराबाट खटिएको सुरक्षा फौज उनीहरुको उद्धार कार्यमा जुटेको थियो भने गम्भिर घाईते भएको २ जनालाई तत्कालै उपचारको लागि उक्त गणको गाडीमा र अन्य घाईतेहरुलाई एम्बुलेन्सद्वारा सिमरा अस्पतालतर्फ लगिएको थियो ।    

सिरहा जिल्लाको लहान नगरपालिका–२४ मानिकदहस्थित सर्रे खोलाको बीच भागमा फसेका एक जनाको असार २६ गते सकुशल उद्धार गरिएको छ ।
उनी घरबाट लहानतर्फ जाने क्रममा पानी बहाव बढि खोलाको बीच भागमा फसेका थिए । सो घटनाबारे जानकारी पाएपश्चात सुरक्षा बेश लहानले उनको सकुशल उद्धार गरेको हो ।

सिरहा जिल्लाको कल्याणपुर नगरपालिका–६ भोक्रहास्थित कमला नदिमा फसेका चार जनाको असार २५ गतेसकुशल उद्धार गरिएको छ । दाउरा लिन गएको अवस्थामा एक्कासी पानिको बहाव बढेपछि उनीहरु सो नदिको बीच भागमा फसेका थिए ।
सो बारे जानकारी पाउनासाथ सुरक्षा वेश कल्याणपुरबाट खटिएको सुरक्षा फौजले उनीहरुलाई ट्यूव बोटको सहायताले सकुशल उद्धार गरेको हो ।
त्यसैगरी सो वेशले कल्याणपुर नगरपालिका–२ स्थित कमला नदिको बीच भागमा फसेका दुई जनाको सकुशल उद्धार गरेको छ । जेसीबीसहित नदिको बीच भागमा फसेका उनीहरुलाई रबर बोटको सहयोगमा सकुशल उद्धार गरिएको हो ।

रुकुम पूर्वी जिल्लाको सिस्ने गाउँपालिका–१ दल्ली गैरामा अविरल वर्षाको कारण असार २४ गते राती पहिरोमा परी घाईते भएका तीन जनाको उद्धार गरिएको छ भने एक जना मृत अवस्थामा फेला परेका छन् ।
सोही ठाउँको सल्ली बिसैनी घर भई दल्ली गैरा गोठमा सुती रहेको अवस्थामा पहिरो गई उनीहरु गम्भिर घाईते भएका थिए ।
सो घटनाबारे जानकारी पाउनासाथै आश्रित गुल्म रुकुम पूर्व, नेपाल प्रहरी र स्थानीय वासिन्दाले उद्धार गरी उपचारको लागि जिल्ला अस्पताल रुकुम पूर्वतर्फ पठाएको हो ।

कैलाली जिल्लाको कैलारी गाउँपालिका–९ गधरियास्थित भुरा नदिमा नुहाउने क्रममा बेपत्ता भएका युवकको शव असार २५ गते फेला पारेको छ । सोही ठाउँ बस्ने अन्दाजी २० वर्षिय युवक असार २३ गते नुहाउने क्रममा उक्त नदिमा डुवेर बेपत्ता भएका थिए ।
प्रस्तावित सीमा सुरक्षा गुल्म खोनपुरबाट खटिएको सुरक्षा फौजले उनको शव डुवेको स्थान भन्दा करीव १९ किलोमिटर तल काठमा अड्किएको अवस्थामा फेला पारेको हो ।

उदयपुर जिल्लाको त्रियुगा नगरपालिका–१० घाईघाटस्थित साउनेमा अविरल वर्षाको कारण पहिरो गई अवरुद्ध सडक सुचारु गरिएको छ । नं. ५ गण उदयपुरबाट खटिएको सुरक्षा फौजले पहिरो गई ढलेका रुख तथा ढुंगामुढा हटाई बाटो सुचारु गरेको हो ।
त्यसैगरी अविरल वर्षाको कारण जिल्लाको विभिन्न ठाउँमा डुवानमा परेका तथा डुवानमा पर्ने सम्भावित ठाउँहरुमा उद्धार कार्य जारी रहेको छ ।
बेलका नगरपालिका–१ भालमन्ती भौडाहास्थित त्रियुगा नदि र भालमन्ती खोलामा पानीको बहाव बढि बस्ती पस्दा डुवानमा परेकाहरुलाई सुरक्षित स्थानमा सारिएको छ । उक्त स्थानमा नंं ५ गण उदयपुर र नेपाल प्रहरीको संयुक्त टोली खटिई डुवानमा परेकाहरुको सकुशल उद्धार गरेको हो ।
त्यसैगरी बेलका नगरपालिका–२ स्थित करैया, पुरनदह र मुसहरी बस्तीमा त्रियुगा नदिमा पानीको बहाव बढि बस्तीमा पस्दा डुवानमा परेका करीव २ सय ५० घरपरिवारलाई सो गण तथा नेपाल प्रहरीको टोलीले सुरक्षित स्थानमा सारेको हो ।
त्यस्तै चौदण्डीगढी नगरपालिका–७ स्थित द्धार खोलामा आएको बाढिले बाँध कटान गरी सो ठाउँको खसी बजार, मदनचोक र बगरकोटमा पस्ने सम्भावना भएपछि नं. ५ गण उदयपुरबाट खटिएको सुरक्षा फौज, नेपाल प्रहरी र स्थानीय वासिन्दाले जाली लगाई बाँध निर्माण गरेका छन् ।  

काठमाडौँको शंखरापुर नगरपालिका–३ स्थित जहरसिंह पौवा–कात्तिके सडक खण्डमा वर्षाको कारण अवरुद्ध सडक असार २५ गते सुचारु भएको छ ।
सडक खण्डमा पर्ने खहरे ठाडो खोल्सामा आएको बाढिले एकतर्फी सडक अवरुद्ध भएपछि सुरक्षा वेश लप्सीफेदीबाट खटिएको सुरक्षा फौजले दुवैतर्फ बाटो सुचारु गरेको हो । 

भक्तपुर जिल्लाको चाँगुनारायण नगरपालिका–६ नगरकोटमा असार २४ गते पहिरो गई अवरुद्ध भएको सडक सुचारु गरिएको छ ।
नगरकोटबाट कात्तिके भन्ज्याङ्ग हुँदै साँखु जाने सडकमा पहिरो जाँदा सोही स्थानमा रहेको सेरेनी रिसोर्टको भवनमा समेत क्षती पुगेको छ । नं. २२ गुहेश्वरी गण भक्तपुरबाट गएको टोलीले डोजरको सहायतामा अवरुद्ध सडक सुचारु गरेको हो ।

वर्षाको कारण कैलाली र कञ्चनपुरका विभिन्न ठाउँमा डुवानमा परेकाहरुलाई सुरक्षित स्थानमा सारिएको छ । कञ्चनपुर जिल्लाको दोधारा चाँदनी नगरपालिका–३ पूर्णागिरीघाटमा डुवानमा परेका करीव ५० जनालाई फरवार्ड बेश बडुवाटोलले सुरक्षित स्थानमा सारेको हो ।
त्यसैगरी सोही जिल्लाको बेदकोट नगरपालिका–७ स्थित सुडा खोलामा पानीको बहाव बढी डुवानमा परेका ३ घरपरिवारलाई नं. ३५ गण कञ्चनपुरले सुरक्षित स्थानमा सारेको छ । त्यस्तै कञ्चनपुर जिल्लाकै भिमदत्त नगरपालिका वडा नं.–११ ब्रमिनी र वडा नं.–१२ ऐरीगाउस्थित भुजेल खोलामा पानीको बहाव बढि डुवानमा परेका २० घरपरिवारलाई प्रस्तावित सीमा सुरक्षा गुल्म गड्डाचौकीले सुरक्षित स्थानमा सारेको छ ।
यसैगरी कैलाली जिल्लाको कैलारी गाउँपालिका–५ मनिकापुरस्थित कटैनी नदिमा पानीको बहाव बढ्न गई बस्तीमा पस्दा डुवानमा परेका २५ घरपरिवारलाई नं. ३४  गण कैलाली, प्रस्तावित सीमा सुरक्षा गुल्म खोनपुर र बिओपी छोटिपलीयाले र सोही जिल्लाको धनगढी उपमहानगरपालिका–१५ कनरी गाउँमा खुटिया नदिको बहाव बढेर बस्तीमा पस्दा डुवानमा परेका ६ घरपरिवारलाई सामानसहित बिओपी फुलबारीले सुरक्षित स्थानमा सारको हो । 

अविरल वर्षाको कारण राप्ती नदिमा बेपत्ता भएका दुई जनाको शव असार २३ गते बिहान फेला परेको छ । दाङ्ग जिल्लाको राजपुर गाउँपालिका–२ बेलाका बस्ने १८ वर्षिय युवकको शव सोही जिल्लाको लमही नगरपालिका–७ हसनपुर घाटमा नं. ४१ रिजर्भ गण अर्जुनखोला र नेपाल प्रहरीको संयुक्त टोलीले फेला पारेको   हो । त्यस्तै सोही जिल्लाको लमही नगरपालिका–७ नयाँबस्ती बस्ने ६२ वर्षिय पुरुषको शव सोही गण र नेपाल प्रहरीको संयुक्त टोलीले फेला पारेको छ ।

राष्ट्रिय खेलकुद परिषद् (राखेप)को आयोजना तथा नेपाल स्पाइनलकर्ड इन्जरी खेलसंघको ब्यवस्थापनमा संचालन भएको ह्विलचियर बास्केट बल प्रतियोगितामा नेपाल एपीएफ क्लव बिजयी भएको छ । असार २२ गते बौद्ध इन्टरनेशनल स्कूल जोरपाटीमा सम्पन्न भएको प्रतियोगितमा नेपाल एपीएफ क्लवले बागमती प्रदेशलाई ३९–२० स्कोरले पराजित गरेको हो ।

चितवन जिल्लाको भरतपुर महानगरपालिका–१६ झन्झने गोब्रेनीस्थित नारायणी नदिमा फसेका ५८ जनाकोे असार २२ गते राती पौने ११ बजे सकुशल उद्वार गरिएको छ ।
बर्षाको कारण नारायणी नदिमा आएको बाढिमा फसेको भन्ने खबर पाउनासाथ नं. १७ गण चितवन र नेपाल प्रहरीको टोलीले उनीहरुको सकुशल उद्वार गरी सुरक्षित स्थानमा सारेकोे हो ।

असार २२ गते साँझ पूर्वी नवलपरासी जिल्लाको गैडाकोट नगरपालिका–६ बुटवल बजारस्थित नारायणी नदिको भंगालमा माछा मार्ने क्रममा फसेका २ जना व्यक्तिको करीव ५ घन्टापछि सकुशल उद्वार गरिएको छ ।
माछा मार्ने क्रममा ३ जना फसेकोमा एक जना पौडिएर बाहिर आएका थिए । बांकी २ जनाको बिपद् ब्यबस्थापन तालिम शिक्षालय कुरिनटारबाट गएको गोताखोरले शनिबार राती सवा १० बजे सकुशल उद्वार गरेको हो ।  

असार २२ गते सांझ १६ः४० बजे काठमाडौंको कीर्तिपुर नगरपालिका–१० ल्याबोरोटरी स्कुल नजिकै बागमती नदिमा फसेका ३ जनाको उद्धारको लागि सशस्त्र प्रहरीको गोताखोरले सांझ ५ः२५ मा सकुशल उद्वार गरेको छ ।
नं.२० बिपद् उद्धार गण सिनामंगल र नं. १८ निलबाराही गण कीर्तिपुरको टोलीले उनीहरुको उद्वार गरेको हो । उद्वार गरिएकाहरुमा हेटौंडाका उर्मिला लामा र अनिता लामा तथा खोटाङका धनराम लामा रहेको बुझिएको छ ।

असार २२ गते  बारा जिल्ला जितपुर सिमरा उपमहानगर पालिका–१६ स्थित दुधौरा खोलामा अबरुद्ध भएको पूर्व–पश्चिम लोकमार्ग पुर्णरुपमा खुलेको छ । रुख ढलेर अबरुद्ध भएपछी  नं.  ४०  रिजर्भ गण बाराबाट खटिएको सुरक्षा फौजले रुख काटेर हटाएपछी सडक  पूर्ण रुपमा सुचारु भएको  हो  ।

तनहुँ जिल्ला म्याग्दे गाउंपालिका–६ स्थित अकला मन्दिर दर्शन गर्न जाने क्रममा बाढिमा फसेका ६ जनाको सकुशल उद्वार गरिएको छ ।
बाढीको कारण दर्शनार्थी फसेपछि नं. २३ मनकामना गण भानु तनहुँबाट खटिएको २५ जना सुरक्षा फौजले डोरिको सहायताबाट उनीहरुको सकुशल उद्वार गरी गन्तव्यतर्फ पठाएको हो ।

असार २२ गते अबिरल वर्षा पछिको बाढिका कारण अबरुद्ध भएको काभ्रे जिल्लाको पाँचखाल नगरपालिका-४ स्थित पाँचखाल-चारपिप्ले भित्री सडक खण्ड खुलाईएको छ । सडक खण्डका विभिन्न स्थानमा लेदो तथा पहिरो खसी अबरुद्ध भएपछि नं. १५ गण काभ्रेबाट खटिएको टोलीले अबरुद्ध स्थानहरुको पहिरो पन्छाएको हो ।

भक्तपुर जिल्लाको चागुनारायण नगरपालिका–१ स्थित राई टोलमा मनोहरा खोलाको बहाव बढेर बस्तीमा  पानी पसेपछी नं. २२ गुहेश्वरी गण भक्तपुरबाट खटिएको सुरक्षा फौजले बस्ती ईलाका कटान नियन्त्रणका लागि बांस र जस्तापाताले अस्थायी बार बनाएको छ ।

तनहुँ जिल्लाको ब्यास नगरपालिका–१२ कमलबारीस्थित एक घर पहिरोको जोखिममा परेपछि मानिस सामान अन्यत्र सारिएको छ ।
स्थानीय  भुमाया अछामीको घर मुनिबाट पहिरो खसेर घरनै जोखिममा परेपछी नं. २३  मनकामना गण भानु तनहुँबाट गएको सुरक्षा फौजले घरका मानिस र सामान सुरक्षित स्थानमा सारेको हो ।

अविरल वर्षाको कारण दाङ जिल्लाको लमही नगरपालिका–८ सतवरिया गाउँमा डुवान परेका २५ जनाको असार २२ गते सकुशल उद्वार गरिएको छ ।
नं. २९ गण दाङ र नं. ४१ रिजर्भ गण अर्जुनखोल दाङबाट खटिएको सुरक्षा फौजले रवर बोटको सहायताले उनीहरुको सकुशल उद्वार गरेको हो । सोही स्थानका करीव ५० घरहरु डुवानमा परेका थिए ।

दाङ जिल्लाको लमही नगरपालिका–७ हसनापुरस्थित राप्ती नदिमा पानीको बहाव बढी फसेका दुई जनाकोे असार २२ गते सकुशल उद्वार गरिएको छ ।
दुध बिक्री गरी घर फर्कदै गरेका ४८ वर्षिय तुलाराम यादव र ४० वर्षिय दयाराम यादव सो नदिको दोभान फसेका थिए । उनीहरुको नं. ४१ रिजर्भ गण अर्जुन खोला दाङबाट खटिएको सुरक्षा फौज सकुशल उद्वार गरेको हो । त्यसैगरी सोही जिल्लाको राजपुर गाउँपालिका–२ बेलास्थित राप्ती नदिमा बेपत्ता भएका १८ वर्षिय राजकुमार यादवको खोजीकार्य भईरहेको छ । त्यस्तै सोही जिल्लाकै लमही नगरपालिका–६ कुलमोहरस्थित अर्जुन खोलाको किनारामा फसेका ३३ वर्षिय गोरे क्षेत्रीको समेत सकुशल उद्वार गरिएको छ ।

बारा जिल्लाको कलैया उपमहानगरपालिका–१० स्थित मटिअर्वा र शनिश्चरे ईलाकाबाट श्रोत नखुलेको भारतीय रुपैयाँ तथा चरेशसहित तीन जनालाई नियन्त्रणमा लिईएको छ ।
असार २१ गते प्रस्तावित सीमा सुरक्षा गुल्म मटिअर्वाले २ लाख ५ हजार ६ सय भारतीय रुपैयाँसहित मोटरसाईकलमा सवार भारत घर बताउने अन्दाजी ३६ वर्षिय पुरुषलाई नियन्त्रणमा लिएको हो ।
त्यस्तै असार १८ गते सोही गुल्मले करीव १० किलो २ सय ३० ग्राम चरेशसहित भारत घर बताउने अन्दाजी २१ वर्षिय र १८ वर्षिय पुरुषलाई नियन्त्रणमा लिएको छ । भारतीय नम्बर प्लेटको मोटरसाईकलमा सवार उनीहरुले हेल्मेट र सिटमुनी लुकाई छिपाई ल्याउँदै गरेको अवस्थामा चरेश फेला परेको हो ।
नियन्त्रमा लिईएकाहरुलाई बरामद रुपैयाँ, चरेश र मोटरसाईकलसहित आवश्यक कारवाहीको लागि सम्बन्धित निकायमा बुझाईएको छ ।

असार २१ गते सिन्धुपाल्चोक जिल्लाको भोटेकोशी गाउँपालिका–४ स्थित इलेक्ट्रो हाइड्रो पावर कम्पनीको डि–सेन्टरमा स्ल्यााप ढलान गर्ने क्रममा ढलान भत्किएर पुरिएका १० जनाभन्दा बढी कामदारहरुको बोर्डर आउट पोष्ट तातोपानी सिन्धुपाल्चोकबाट खटिएको सशस्त्र प्रहरी र नेपाली सेनासहितको सुरक्षाकर्मीले उद्धार गरेको छ । 

सशस्त्र प्रहरी महानिरीक्षक राजु अर्यालले असार २१ गते  प्रधान कार्यालय स्वयम्भु हलचोकमा “Women's T20 Asia Cup” मा सहभागी हुन जाने नेपाल एपीएफ क्लवका राष्ट्रिय क्रिकेट खेलाडीहरुलाई उत्कृष्ट खेल प्रदर्शनको शुभकानासहित हार्दिक विदाई गर्नुभएको छ । विदाई हुने खेलाडीहरुमा सिता राना मगर, राजमती ऐरी, ईन्दु बर्मा, रोमा थापा र ममता चौधरी रहेका छन् । 

असार २० गते कैलाली जिल्लाको गोदावरी नगरपालिका २ स्थित लामितालमा नं ७ बैद्यनाथ बाहिनी मुख्यालयको आयोजनामा विपद् व्यवस्थापन  र उद्धार सम्बन्धी कृतिम घटना अभ्यास संचालन गरिएको छ ।
 

विपद् व्यवस्थापन तालिम शिक्षालय कुरिनटारमा संचालित सि.सं. ५ गोताखोर तालिम बाग्मती प्रदेशका माननीय आन्तरिक मामिला तथा कानूनमन्त्री गंगानारायण श्रेष्ठको प्रमुख आतिथ्यमा असार २० गते समापन भएको छ ।

संयुक्त राज्य अमेरिकाको न्यूयोर्कस्थित संयुक्त राष्ट्रसंघको मुख्यालयमा आयोजना भएको Fourth United Nations Chiefs Of Police (UNCOPS) मा सहभागी हुनुभई गृह सचिव एकनारायण अर्याल तथा सशस्त्र प्रहरी महानिरीक्षक राजु अर्याल लगायत सुरक्षा निकायका प्रतिनिधिहरु असार १८ गते स्वदेश फर्कनु भएको छ  । 

काठमाडौंको नागार्जुन नगरपालिका–३ पाँचधारास्थित इनारमा खसेकी महिलाको असार १६ गते बेलुका ७ः१० बजे सशस्त्र प्रहरीले सकुशल उद्वार गरेको छ । सोही ठाउँ बस्ने ३३ वर्षिया मिरा के.सी. घाँस काट्ने क्रममा उक्त इनारमा खसेको बताईएको छ ।
सो घटनाबारे जानकारी पाए लगत्तै नं. १९ बगलामुखी विशेष कार्यदल गण काठमाडौंबाट खटिएको सुरक्षा फौजले उनको सकुशल उद्वार गरेको हो ।

कञ्चनपुर जिल्लाको भिमदत्त नगरपालिका–१२ स्थित महाकाली नदिमा बेपत्ता व्यक्तिको शव असार १६ गते फेला परेको छ । सुर्खेत जिल्लाको बराहाताल गाउँपालिका–४ साजघार घर भई सोही नगरपालिका–१२ वडाली बस्ने धन बहादुर गुरुङ्ग नुहाउने क्रममा असार १६ गते दिउसो करीव २ः३० बजे सो नदिमा डुवेका थिए ।
सो घटना लगत्तै प्रस्तावित सीमा सुरक्षा गुल्म गड्डाचौकीबाट खटिएको सुरक्षा फौजले उनको शव नदिबाट बाहिर निकाले हो ।

माननीय महिला, बालबालिका तथा ज्येष्ठ नागरिक मन्त्री भगवती चौधरीको प्रमुख आतिथ्यमा प्रधान कार्यालय हल्चोक स्वयम्भुमा असार १७ गते सशस्त्र प्रहरी परिवार महिला संघको २३औं वार्षिकोत्सव विविध कार्यक्रमकासाथ सम्पन्न भएको छ ।
कार्यक्रममा निमित्त संगठन प्रमुख सशस्त्र प्रहरी अतिरिक्त महानिरीक्षक नारायणदत्त पौडेलले वार्षिकोत्सवको अवसरमा आयोजित दोश्रो खुल्ला महिला हाफ म्याराथनका विजयी खेलाडी लगायत उत्कृष्ट कार्य गर्ने महिला सशस्त्र प्रहरी कर्मचारीहरुलाई तथा सशस्त्र प्रहरी परिवार महिला संघकी उपाध्यक्ष श्रीमती सावित्रा कुमारी जैसीले विभिन्न निजी तथा सामुदायिक विद्यालयबाट एसईई परिक्षामा उत्कृष्ट अंक ल्याउन सफल छात्रछात्राहरुलाई पुरस्कार तथा प्रशंसापत्र प्रदान गर्नुभएको थियो ।

संयूक्त राज्य अमेरिकाको न्यूयोर्कस्थित संयुक्त राष्ट्रसंघको मुख्यालयमा आयोजना भएको Fourth United Nation Chief Of Police Summit (UNCOPS) मा सहभागी हुनुहुँदै गृह सचिव एकनारायण अर्याल तथा सशस्त्र प्रहरी महानिरीक्षक राजु अर्याल लगायत सुरक्षा निकायका प्रतिनिधिहरु ।

असार ११ गते सिरहा जिल्लाको सिरहा नगरपालिका–१५ बुधौरास्थित सीमा ईलाकाबाट भारततर्फ तस्करी गर्न लागिएको मदिरा प्रस्तावित सीमा सुरक्षा गुल्म मार्डरले बरामद गरेको छ ।
बरामद मदिरामा विभिन्न ब्राण्डको ह्विस्की र बियरसहित साना ठूला गरी १ हजार ४२ वटा बोतल र  सोफी ब्राण्डको ६० कार्टुन रहेको छ ।
 

असार १० गते बिहान सप्तरी जिल्ला राजगढ गाउंपालिका–२ कमलपुर स्थित दशगजा ईलाकाबाट १ सय ७ कार्टुन मदिरा बरामद गरेको छ । प्रस्तावित सीमा सुरक्षा गुल्म पातोले नेपालबाट अवैध रुपमा भारततर्फ लैजाँदै गरेको मामाश्री ब्राण्डको (मदिरा) सहित ओसारपसारमा संलग्न २ जना व्यक्तिलाई समेत नियन्त्रणमा लिएको छ । उनीहरुलाइ बरामद मदिरा सहित थप कारबाहिको लागि राजबिराज भन्सार कार्यालय तिलाठिमा बुझाईएको छ ।

नेपाल जुडो महासंघको आयोजनामा असार ०७ गतेदेखि ०९ गतेसम्म नेपाली सैनिक शारीरिक तालिम तथा खेलकुद केन्द्र लगनखेल, ललितपुरमा भएको १९औँ राष्ट्रिय जुडो प्रतियोगिता सम्पन्न भएको छ ।
सो खेलमा नेपाल एपीएफ क्लवबाट सहभागी जुडो खेलाडीहरुले १ स्वर्ण, १ रजत र ४ कास्य गरी ६ पदक प्राप्त गर्न सफल भएका छन् । जसमध्य अस्मिता गोले–स्वर्ण, सुवोध मण्डल–रजत, मनिषा भारती, रत्ना तामाङ, प्रमोद मण्डल र किरण गदेलले कास्य पदक प्राप्त गरेका छन् ।

चितवन जिल्लाको भरतपुर महानगरपालिका–१३ बाटुली खोलास्थित पोखरीमा पौडी खेल्ने क्रममा डुवेर बेपत्ता भएका युवकको शव फेला पारेको छ । बाग्लुङ्ग जिल्लाको काठखोला गाउँपालिका–३ भन्जादेउराली घर भई भरतपुर महानगरपालिका–८ बस्ने २७ वर्षिय सुजन घर्ती पौडी खेल्ने क्रममा आइतबार दिउँसो पोखरीमा डुवेका थिए । सो बारे जानकारी पाउनासाथ नं. १७ गण चितवनबाट खटिएको विपद् व्यवस्थापनसहितको फौजले उनको शव सांझ पोखरीबाट बाहिर निकालेको हो ।

सशस्त्र प्रहरी परिवार महिला संघले २३औं वार्षिकोत्सवको अवसरमा आयोजना गरेको ‘दोश्रो खुल्ला महिला हाफ म्याराथन प्रतियोगिता २०८१’ असार ८ गते सम्पन्न भएको छ । प्रतियोगितामा नेपाल पुलिस क्लवकी राजपुरा पछाई र  राममाया बुढा क्रमशः प्रथम र द्वितीय  तथा नेपाल एपीएफ क्लवकी पुष्पा भण्डारी तृतीय भएका छन्  ।
त्यसैगरी आजै सम्पन्न १० किमी आन्तरिक दौड प्रतियोगितामा सशस्त्र प्रहरी जवानहरु दिपा परियार प्रथम, लिला राई दोश्रो र रिना माझी तेस्रो भएका छन् ।

नेपाल फेन्सिङ्ग एसोसियसनले संचालन गरेको छैठौँ राष्ट्रिय फेसिन्ङ्ग प्रतियोगितामा नेपाल एपीएफ क्लवले ५ स्वर्ण, ६ रजत र ४ कास्य पदक प्राप्त गरेको छ । प्रतियोगिता यही असार ३ देखि ५ गतेसम्म त्रिपुरेश्वरस्थित कवर्ड हलमा संचालन भएको थियो ।

रौतहट जिल्लाको बौधिमाई नगरपालिका–७ बंकुलस्थित सीमा ईलाकाबाट असार ६ गते १४ लाख ८० हजार नेपाली रुपैयाँसहित एक जनालाई नियन्त्रणमा लिईएको छ । नियन्त्रणमा लिईएका व्यक्ति भारतको पूर्वी चम्पारण जिल्ला मोतिहारी झरोखर–७ जमुनिया बस्ने ३१ बर्षिय युवक रहेका छन् । उनलाई बोर्डर आउट पोष्ट सरमुजवाले नियन्त्रणमा लिएको हो ।
नियन्त्रणमा लिईएका उनलाई बरामद रुपैयाँ तथा मोटरसाईकलसहित आवश्यक कारवाहीको लागि गौर भन्सार कार्यालय रौतहटमा बुझाईएको छ ।
 

धनुषा जिल्लाको जनकपुर उपमहानगरपालिका–१४ स्थित मुजेलियाबाट असार ५ गते करीव २ लाख ९५ हजार रुपैयाँ बराबरको काठसहित एउटा ट्याक्टर नियन्त्रणमा लिईएको छ ।
ज १ त ८१५७ नम्बरको ट्याक्टरमा लोड गरी धनुषाको ढल्केवरबाट जनकपुरतर्फ लैजाँदै गरेको करीब २ सय ८१ क्यूफिट काठ नं. ८ गण धनुषाले नियन्त्रणमा लिएको हो ।
नियन्त्रणमा लिइएको काठ तथा ट्याक्टर आवश्यक कारवाहीको लागि डिभिजन बन कार्यालय जनकपुर धनुषामा बुझाईएको छ । ट्याक्टरको भन्सार दाखिला मुल्य ९ लाख रुपैयाँ कायम भएको छ ।

सशस्त्र प्रहरी बल नेपालको आयोजनामा पतंजली योग समितिले असार ४ गते ‘१०औँ अन्तर्राष्ट्रिय योग दिवस’को अवसरमा प्रधान कार्यालय हल्चोकस्थित नेपाल एपीएफ रंगशालामा योग विज्ञान शिविर संचालन गरेको छ । 

सशस्त्र प्रहरी महानिरीक्षक राजु अर्यालको प्रमुख आतिथ्यमा असार १ गते नं.४ मुक्तिनाथ बाहिनी मुख्यालय कास्कीको २३औँ स्थापना दिवस सम्पन्न भएको छ ।
सोही अवसरमा महानिरीक्षक अर्यालले बाहिनी परिसरमा नवनिर्मित बिशिष्ट अतिथि कक्ष, अतिथि कक्ष, सशस्त्र प्रहरी वीर स्मृति कक्ष, कार्य अभिलेख तथा इकाई समन्वय सेल तथा धौलागिरी बहुउद्देश्यीय हलको समेत उद्घाटन गर्नुभयो ।
उहाँले स्थापना दिवसको अवसरमा आयोजना गरिएका विभिन्न प्रतियोगिताका विजयी टिम तथा खेलाडीहरु, उत्कृष्ट कार्य गर्ने सशस्त्र प्रहरी कर्मचारी, बाहिनीलाई सहयोग पु¥याउनु हुने महानुभावहरुलाई पुरस्कार, कदर तथा प्रशंसापत्र प्रदान गर्नुभएको थियो ।

कास्की जिल्लाको पोखरा महानगरपालिका–३३ बरपौवास्थित सुरौदी खोलामा पुल बनाउन खनेको खाल्टोमा खसेका बालकको शव असार २ गते सशस्त्र प्रहरीको गोताखोरले निकालेको छ । सोही ठाउँ बस्ने ९ वर्षिय गणेश बि.क. असार १ गते साँझ ५ बजे पुल बनाउन खनेको खाल्टोमा खसेका थिए ।
सो बारे जानकारी पाउनासाथ नं. २४ कालिका गण कास्कीबाट खटिएको गोताखोरसहितको फौजले बालकको शव अन्दाजी २० फिट गहिराईबाट निकालेको हो ।
त्यस्तै कञ्चनपुर जिल्लाको बेदकोट नगरपालिका–५ बछेलास्थित झरनाबाट खसेका व्यक्तिको शव नं. ३५ गण कञ्चनपुरको टोलीले फेला पारेको छ । असार १ गते साँझ झरनाबाट व्यक्ति खसेको जानकारी प्राप्त भएपछि खटिएको सुरक्षा फौजले रातको १० बजे उनको शव निकालेको हो ।

गोरखा जिल्लाको चुमनुब्री गाउँपालिका–१ अन्तर्गत रहेको सीमा स्तम्भ (सीमा चिन्ह) नं. ३५ को संयुक्त रुपमा अनुगमन गरिएको छ ।
सशस्त्र प्रहरी बल नेपाल बिओपी साम्दो र चिनीयाँ प्रहरीको संयुक्त टोलीले जेठ ३१ गते सो क्षेत्रमा पुगी सीमा स्तम्भको अनुगमन गरेका हुन् । अनुगमनका क्रममा नियमित सम्पर्क र समन्वयमा रही सीमा अपराध नियन्त्रण सम्बन्धी एक आपसमा सहयोग पु¥याउने प्रतिवद्धता समेत जनाईएको थियो ।
 

सशस्त्र प्रहरी परिवार महिला संघले २३औँ वार्षिकोत्सवको अवसरमा यही असार ८ गते शनिबारको दिन  ‘दोश्रो महिला हाफ म्याराथन प्रतियोगिता–२०८१’ संचालन गर्ने भएको छ   ।
शनिबार बिहान ६ः०० बजेबाट शुरु हुने महिला हाफ म्याराथनको लागि सशस्त्र प्रहरी बल नेपाल प्रधान कार्यालयको रंगशालाबाट शुरु भई बालाजु चोक, नयाँ बसपार्क, बसुन्धारा, महाराजगंज चोकलाई दायाँ पार्दै त्रि.वि. शिक्षण अस्पताल, लैनचौर, जमल, घण्टाघर, शहिद गेट, त्रिपुरेश्वर, टेकु, कालिमाटी, रविभवन, कलंकी हुँदै पुनः प्रधान कार्यालयस्थित एपीएफ रंगशाला एक राउण्ड लगाउनु पर्नेछ ।
महिलातर्फको खुल्ला प्रतियोगितामा प्रथम हुनेले १ लाख, द्वितीयले ७५ हजार, तृतियले ५० हजार र चौथो देखि दशौं सम्म  हुनेले ५÷५ हजार रुपैयाँ पुरस्कार, मेडल र प्रमाणपत्र प्राप्त गर्नेछन् ।
प्रतियोगिता सम्बन्धी थप जानकारीको लागि ०१–५२४९०२५ वा सशस्त्र प्रहरी निरीक्षक देव बहादुर कार्कीलाई ९८५१२५९१४१ नम्बरमा सम्पर्क गर्न सकिने छ । प्रतियोगितामा सहभागी हुनको लागि असार ६ गतेभित्र नाम दर्ता गराईसक्नु पर्नेछ । दर्ता शुल्क भने लाग्ने छैन ।

जेठ ३२ गते शुक्रबार बिहान चितवन जिल्लाको इच्छाकामना गाउँपालिका–३ फिस्लिङ नजिक नेपालगञ्जबाट काठमाडौँतर्फ आउँदै गरेको  भे १ ख ४०६२ नम्बरको बस र बिपरित दिशातर्फ जाँदै गरेको बा.प्र.०१–०२९ च ३७२० नम्बरको कार ठोक्किएर भएको दुर्घटनामा बसमा सवार १५ र कारमा सवार ५ जना घाइते भएका छन् ।
दुर्घटना लगत्तै बिपद् व्यवस्थापन तालिम शिक्षालय कुरिनटारबाट मेडिकल टिम र मास क्याजुअल्टी भेईकल सहित ३५ जनाको सुरक्षा फौज परिचालन गरी उद्वार गरिएको थियो । घाइते मध्ये ११ जनालाई उपचारार्थ भरतपुर अस्पतालतर्फ पठाइएको छ ।

त्रिशुली नदिमा बेपत्ता भएका एक ब्यक्तिको सकुशल उद्वार गरिएको छ । सप्तरी जिल्लाको खडक गाउँपालिका-८ घर भई हाल कुरिनटारस्थित एक फ्याक्ट्रीमा काम गर्ने ५६ बर्षका बन्धुलाल चौधरी माछा मार्ने क्रममा चिप्लिएर नदिमा बगेका थिए । उनलाई नदि किनारको पहरोमा अड्किएको अवस्थामा बिपद् व्यवस्थापन तालिम शिक्षालय कुरिनटारको गोताखोरले सकुशल उद्वार गरेको हो ।

पर्वतीय उद्वार तालिम शिक्षालय मनाङ्गले डिस्याङ्ग गाउँपालिका स्वास्थ्य शाखाको सहकार्यमा जेठ २९ गते सोही गाउँपालिका–४ हुम्डेमा स्वास्थ्य शिविर संचालन गरेको छ ।
डिस्याङ्ग गाउँपालिका अध्यक्ष कान्छा गुरुङ्गको प्रमुख आतिथ्य र तालिम शिक्षालयका समादेशक सशस्त्र प्रहरी उपरीक्षक प्रेम प्रकाश सिग्देलको उपस्थितीमा संचालन भएको शिविरमा सो गाउँपालिकाका स्थानीय वासिन्दा, आन्तरिक तथा बाह्य पर्यटक गरी कुल ५७ जनाको निःशुल्क परिक्षण गरिएको थियो ।

जेठ २८ गते सोमबार त्रिभुवन अन्तर्राष्ट्रिय विमानस्थलमा  आयोजित  नागरिक उड्डयन कार्यालयले Airport Emergency Plan मा भएको व्यवस्था बमोजिम पूर्ण स्तरको विमानस्थल आपतकालिन अभ्यास (Full Scale Emergency Exercise 2024) मा उद्वार अभ्यास गर्दै नं. २० बिपद उद्वार गण सिनामंगलको सुरक्षा फौज ।
 

सशस्त्र प्रहरी परिवार महिला संघले २३औं वार्षिकोत्सवको अवसरमा जेठ २६ गते काठमाडौंको नागार्जुन नगरपालिका–३ पिपुल्स फ्रेन्डसिप एकेडेमीमा निःशुल्क आँखा शिविर संचालन गरेको छ ।
सशस्त्र प्रहरी परिवार महिला संघ र पाँच धारा बहुउद्देश्यीय सहकारी संस्था लिमिटेडको संयुक्त आयोजनामा संचालन गरिएको शिविरमा नेपाल एपीएफ अस्पताल बलम्वुका चिकित्सकले विरामीहरुको परिक्षण गरेका थिए ।  
सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्यालको प्रमुख आतिथ्यमा संचालन गरिएकोे शिविरमा महिला संघका पदाधिकारी, विभिन्न संघसंस्थाका पदाधिकारी, स्थानीय जनप्रतिनिधि लगायत सर्वसाधारणहरुको समेत उपस्थिती रहेको थियो ।
नागार्जुन नगरपालिका–१, २ र ३ का स्थानीय वासिन्दाहरु कुल ४ सय १८ जनाको परिक्षण गरिएको थियो ।  

एपीएफ कमाण्ड तथा स्टाफ कलेज काठमाडौँमा संचालन भएको आठौँ एपीएफ कमाण्ड तथा स्टाफ कोर्ष समापन भएको छ । सशस्त्र प्रहरी महानिरीक्षक राजु अर्यालले प्रधान कार्यालय हल्चोक स्वयम्भूमा आयोजित समारोहकाबीच जेठ २५ गते कोर्षको समापन गर्नुभएको हो ।  

विश्वको सर्वोच्च शिखर सगरमाथा सफल आरोही सशस्त्र प्रहरी निरीक्षक सुरज पौडेललाई नेपाल पूर्व सशस्त्र प्रहरी संघले जेठ २४ गते प्रधान कार्यालयमा आयोजित एक कार्यक्रमका बीच सम्मान गरेको छ ।
साथै सक्षम नेतृत्व र प्रेरणादायी भूमिका निर्वाह गर्नुहुने सशस्त्र प्रहरी महानिरीक्षक राजु अर्याललाई समेत हार्दिक बधाई तथा शुभकामना व्यक्त गरिएको थियो ।

काठमाडौं महानगरपालिका–३२ तीनकुनेस्थित मदन भण्डारी स्मृती पार्कमा जेठ २३ गते भएको आगलागी सशस्त्र प्रहरी, अन्य सुरक्षा निकाय र स्थानीय वासिन्दाले दमकलको सहयोगमा नियन्त्रणमा लिएको छ ।
सोही ठाउँमा रहेको जीवन रेग्मीको ४ तल्ले घरमा दिलीप कुमार शाहले संचालन गर्दै आएको चाउचाउ, विस्कुट गोदाममा ग्याँस लिकेज भई आगलागी भएको बताईएको छ ।
आगलागी नियन्त्रणको लागि नं. २० विपद् उद्धार गण सिनामंगलबाट खटिएको सुरक्षा फौज सकृयताकासाथ जुटेको थियो ।

सशस्त्र प्रहरी महानिरीक्षक राजु अर्यालले सशस्त्र प्रहरी विशेष अदालतमा अध्यक्ष एवं सदस्यका रुपमा नवनियुक्त हुनुभएका र अध्यक्षका रुपमा सफलतापूर्वक कार्यकाल सम्पन्न गर्नुभई अवकाश प्राप्त गर्नुभएका विशिष्ट व्यक्तिहरुलाई जेठ २१ गते प्रधान कार्यालयमा आयोजित एक कार्यक्रमका विच हार्दिक स्वागत तथा विदाई गर्नुभएको छ ।
महानिरीक्षक राजु अर्यालले सशस्त्र प्रहरी विशेष अदालतको अध्यक्षका रुपमा यहि बैशाख १८ गते नियुक्त हुनुभएका नायव महान्यायाधिवत्ता डा.टेक बहादुर घिमिरे र सदस्यका रुपमा नियुक्त हुनुभएका गृहमन्त्रालयका सहसचिव झक्कु प्रसाद आचार्यलाई आगामी कार्यकाल सफलताको शुभकामना व्यक्त गर्नुभएको थियो ।

सशस्त्र प्रहरी बलले बझाङ जिल्लाको साइपाल गाउँपालिका–४ उरईस्थित नाग्ना डाडामा नेपाल र चीनको स्वसाशित क्षेत्र तिब्बत बिचको सीमामा रहेको सहायक सीमा स्तम्भ (सीमा चिन्ह) नं. २ को  अनुगमन गरेको  छ । सशस्त्र प्रहरी बल नेपाल आश्रित गुल्म बझाङबाट सशस्त्र प्रहरी नायव उपरीक्षक जनकराज पन्तको कमाण्डमा यही जेठ १३ गते त्यसतर्फ गएको सुरक्षा फौज १७ गते बिहान सीमा स्तम्भ भएको स्थानमा पुगेको  थियो ।

नं. ४ गण सुनसरीको आयोजना र प्याब्सन इनरुवाको सहयोगमा जेठ २० गतेदेखि प्याब्सन अन्तर्गतका विद्यालयहरुमा कार्यरत खेल शिक्षकहरुलाई पिटी अनुशिक्षण तालिम संचालन गरिएकोे छ ।

उदयपुर जिल्लाको बेलका नगरपालिका–८ सिसौलिघाटबाट जेठ २० गते करीव ३ सय के.जी. गाँजा बरामद भएको छ ।
सिसौलिघाटको जंगलमा लुकाई छिपाई राखेको भन्ने विशेष सुचनाको आधारमा सुरक्षा वेश रामपुरले ७ वटा बोरामा प्लाष्टिकले प्याक गरी राखेको अवस्थामा उल्लेखित गाँजा फेला पारेको हो ।
बरामद गाँजा आवश्यक कारवाहीको लागि सम्बन्धित निकायमा बुझाईएको छ । 

सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल प्रधान कार्यालयमा जेठ २० गते सशस्त्र प्रहरी नायव उपरीक्षक र सशस्त्र प्रहरी निरीक्षक पदमा पदोन्नती हुनुभएका ७ जना अधिकृतहरुलाई दर्ज्यानी चिन्ह प्रदान गर्नुभएको छ ।
नेपाल सरकार गृह मन्त्रालय (सचिवस्तर)को मिति २०८० भाद्र १३ गतेको निर्णयले सशस्त्र प्रहरी निरीक्षकबाट सशस्त्र प्रहरी नायव उपरीक्षक पदमा र नेपाल सरकार गृह मन्त्रालय (सचिवस्तर)को मिति २०८० भाद्र १ गतेको निर्णयले सशस्त्र प्रहरी नायव निरीक्षकबाट सशस्त्र प्रहरी निरीक्षक पदमा पदोन्नती हुनुभएको थियो । उहाँहरु एफपीयु मिशनमा कार्यरत रहनु भएकोले आज दर्ज्यानी चिन्ह प्रदान गरीएको हो ।

पोखरा महानगरपालिका र कास्की जिल्ला बक्सिङ्ग संघको आयोजनामा यही जेठ १७ र १८ गते सम्पन्न भएको पोखरा बक्सिङ्ग च्याम्पियनशिपमा नेपाल एपीएफ क्लवका विनिता थापा मगर ७० के.जी समुहमा र सन्जुमाया थिङ्ग ५२ के.जी. समुहमा स्वर्ण पदक जित्न सफल भएका छन् । 

जेठ २० गते  उदयपुर जिल्ला  बेलका नगरपालिका–८ सिसौलिघाटबाट  करीव २ सय ८० किलो गाँजा बरामद भएको छ ।
सुरक्षा बेश रामपुरले बिशेष सुचनाको अधारमा सिसौलीघाटको जङ्गलमा ६ वटा बोरामा लुकाई छिपाई राखेको अवस्थामा करीव  २ सय ८० किलो गाँजा, २ थान ट्युब  र  १ थान सानो ठेला गाडा समेत बरामद भएको हो ।
बरामद गाँजा र अन्य सामान आवश्यक कारबाहीका लागि सम्बन्धित निकायमा बुझाइएको  छ ।

सुनसरीबाट जेठ १९ गते  १ करोड १ लाख रुपैयाँ बरामद भएको   छ । सुनसरी जिल्लाको  हरिनगर गाँउपालिका–५ दुर्गा मन्दिरस्थित बोर्डर आउट पोष्ट बसन्तपुरको चेकप्वाईन्ट टोलीले घुस्की नाकाबाट हरिनगरतर्फ जादैँ गरेको बा १६ च ७६१३ नम्बरको कारलाई शंका लागि चेकजाँच गर्दा कार भित्र बोरामा लुकाई छिपाई राखेको सो रकम बरामद गरेको हो ।
नगद रकम, कार र चालकलाइ आवश्यक अनुसन्धान  तथा कारबाहिका लागि  राजश्व अनुसन्धान कार्यालय इटहरीमा बुझाईएको छ ।

कालिकोटको तिला नदिमा नुहाउने क्रममा डुवेर वेपत्ता भएका बालकको शव सशस्त्र प्रहरीको गोताखोरले जेठ १७ गते बिहान करीव पौने १० बजे फेला पारेको छ ।
कालिकोट जिल्लाको तिलागुफा नगरपालिका–७ घर भई सोही नगरपालिका–६ गाल्जे भन्ने स्थान बस्ने अन्दाजी १६ बर्षिय हिक्मत बम नदिमा पौडी खेल्ने क्रममा यहि जेठ १५ गते डुवेर बेपत्ता भएका थिए ।
बेपत्ता बालकको शव खोजीकार्यको लागि  नं. ६ महेश्वरी बाहिनी मुख्यालय सुर्खेत र आश्रित गुल्म कालिकोटबाट खटिएको गोताखोरसहितको सुरक्षा फौजले उनको शव घटनास्थल नजिकै फेला पारेको थियो । 

      यू.एन. शान्ति स्थापना तालिम शिक्षालय ककनी नुवाकोटले International Day of United Nations Peacekeepers (May-29) को अवसरमा जेठ १६ गते प्रभातफेरी कार्यक्रमको आयोजना गरेको छ ।

      शिक्षालयका समादेश सशस्त्र प्रहरी बरिष्ठ उपरीक्षक राजेन्द्र खड्काको प्रमुख आतिथ्यमा प्रभातफेरी सहित सोही स्थानमा रहेका विभिन्न मठमन्दिर, पार्क, गुम्बा लगायतका स्थानहरुको सरसफाई गर्नुकासाथै शिक्षालय परिसरमा बृक्षारोपण समेत गरिएको थियो ।

१७औँ वार्षिकोत्सवको अवसरमा नं. ४ गण सुनसरीले बिराट मेडिकल कलेज टिचिङ्ग अस्पतालको सहकार्य र सशस्त्र प्रहरी बल नेपाल पूर्व क्षेत्रीय अस्पताल पकली सुनसरीको समन्वयमा स्तन तथा पाठेघरको क्यान्सर (अन्कोलोजी) रोग सम्बन्धी स्वास्थ्य शिविर संचालन गरिएको छ ।
जेठ ११ गते गण परिषरमा संचालन गरिएको स्वास्थ्य शिविरमा बहालवाला तथा अवकाश प्राप्त महिला सशस्त्र प्रहरी कर्मचारीहरु, उनीहरुका आश्रित परिवारजन र स्थानीय सर्वसाधारण गरी कुल १ सय १ जनाको स्वास्थ्य परिक्षण गरिएको थियो ।

विश्वको सर्वोच्च शिखर सगरमाथाको सफल आरोहण गरेका सशस्त्र प्रहरी निरीक्षक सुरज पौडेललाई प्रधान कार्यालय हलचोकमा स्वागत तथा सम्मान गरिएको छ ।
शुक्रबार सशस्त्र प्रहरी महानिरीक्षक राजु अर्याल तथा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज दाहाल लगायत बरिष्ठ अधिकृतहरुले पर्वतारोही सशस्त्र प्रहरी निरीक्षक पौडेलको प्रधान कार्यालयमा स्वागत गर्नुभएको हो ।
सशस्त्र प्रहरी बल, नेपालको ईतिहासमा पहिलोपटक संगठनको प्रतिनिधित्व गर्दै सशस्त्र प्रहरी निरीक्षक सुरज पौडेलले जेठ ७ गते सोमबार बिहान १०ः२० बजेको समयमा सर्बोच्च शिखर सगरमाथाको सफल आरोहण गरेका थिए । आरोहण पश्चात् उनलाई सोलुखुम्बुको लुक्ला विमानस्थलबाट हेलिकप्टरमार्फत सिधै प्रधान कार्यालयमा फिर्ता हुने व्यवस्था मिलाईएको थियो ।
सशस्त्र प्रहरी निरीक्षक पौडेललाई संगठनको तर्फबाट  IG APF Commendation  द्वारा सम्मान समेत  गरिएको छ  ।
   “Elite Expede Nepal APF Everest Expedition 2024’’ नामक पर्वतारोही दलको नेतृत्व गर्दै शेर्पा एक्सट्रिम प्रा.लि. मार्फत सशस्त्र प्रहरी निरीक्षक पौडेल सगरमाथामा आरोहणका लागि गत चैत्र ३० गते त्यसतर्फ गएका थिए । उनले यस बिचमा सगरमाथासँगै रहेको लुवुचे हिमालको समेत सफल आरोहण गरेका छन् ।

नं. ११ गण रौतहटले ‘सीमाबासीसँग सशस्त्र प्रहरी’ कार्यक्रम अन्तर्गत नेपाल–भारत दशगजा ईलाका जेठ ८ गते सरसफाई तथा अन्तरक्रिया कार्यक्रम गरेको छ । 

      जेठ ७ गते सोमबार साँझ  ७:०० बजे सुनसरी जिल्लास्थित बराहक्षेत्र नगरपालिका-५ कालाबन्जार नजिकै धरान-कालाबन्जार भित्री सडक खण्डबाट अटोमा लैजादै गरेको करिब १ सय ५ किलो गाँजा सुरक्षा बेश चतराले बरामद गरेको छ ।

ललितपुर महानगरपालिकाको संयोजकमा नेपाल क्रिकेट संघले आयोजना गरेको ललितपुर मेयर्स कप महिला क्रिकेट प्रतियोगिताको उपाधी नेपाल एपीएफ क्लवले जितेको छ ।
शनिबार काठमाडौको कीर्तिपुरस्थित त्रिभुवन विश्वविद्यालयको क्रिकेट मैदानमा सम्पन्न भएको प्रतियोगितामा नेपाल एपीएफ क्लवले सुदूरपश्चिम प्रदेशलाई पराजित गरी विजयी भएको हो । प्रतियोगिता यही बैशाख २९ गतेदेखि जेठ ५ गतेसम्म संचालन भएको थियो । 

सिराहाको कर्जन्हाबाट भागेर भारततर्फ जाँदै गरेका दुई किशोर र दुई किशोरीलाई जेठ ४ गते धनुषा जिल्लाको जनकपुर उपमहानगरपालिका–१ स्थित सीमा ईलाकाबाट उद्धार गरिएको छ ।
नेपालबाट भारतको जयनगरतर्फ जाने योजनाकासाथ यात्रुवाहक बसमा चढि आएका उनीहरुलाई शंकास्पद अवस्थामा रेल्वे सुरक्षा वेश जनकपुरधाम र माईती नेपालको टोलीले उद्धार गरेको हो ।

धनुषा जिल्लाको बिदेह नगरपालिका–९ स्थित ईटहर्वाबाट जेठ ०२ गते करीब १३ लाख ७३ हजार रुपैयाँ बराबरको लत्ताकपडा  बरामद भएको छ ।
भारतबाट अबैध रुपले नेपालतर्फ ल्याउँदै गरेको  लत्ताकपडा विओपी धनौजीले बरामद गरेको हो ।  
यसैगरी विओपी खजुरीले जेठ १ गते करीब २ लाख ३९ हजार रुपैयाँ बराबरको लत्ताकपडा बरामद गरेको छ ।
बरामद लत्ताकपडा जनकपुर भन्सार कार्यालयमा बुझाईएको छ ।

मदन भण्डारी स्पोर्ट एकेडेमीले आयोजना गरेको राष्ट्रिय खुल्ला हाफ म्याराथन दौड (रोड रेस)मा नेपाल एपीएफ क्लवका एथलेटिक्स खेलाडी पुष्पा भण्डारीले प्रथम स्थान हासिल गरेकी छिन् ।
रुपन्देही जिल्लाको बुटवल उपमहानगरपालिका–१० स्थित चौराहा राजमार्गमा जेठ ३ गते प्रतियोगिता भएको थियो ।
यसअघि जिल्ला कबड्डी संघ सप्तरीले आयोजना गरेको राष्ट्रिय महिला कबड्डी प्रतियोगितामा नेपाल एपीएफ क्लवको महिला कबड्डी टिमले दोश्रो स्थान हासिल गरेको थियो ।

कञ्चनपुर जिल्लाको शुक्लाफाँटा नगरपालिका–७ जुडाकाका आगलागी पिडितलाई जेठ ३ गते राहत वितरण गरिएको छ । नंं. ७ बैद्यनाथ बाहिनी मुख्यालय कैलालीको Disaster Relief System (DRS) मा रहेका विभिन्न राहतका सामान नं. ३५ शैलेश्वरी गण कञ्चनपुरका गणपति सशस्त्र प्रहरी उपरीक्षक खगेन्द्र बहादुर चन्दले वितरण गर्नुभएको होे । गत वैशाख २१ गते ठगुन्नाको भान्सा कोठामा राखिएको ग्याँस सिलिण्डर लिक भई अचानक आगलागी भएको थियो ।

पर्वतिय उद्वार तालिम शिक्षालय मनाङ्गमा पहिलो पटक जेठ ३ गतेदेखि रोप रेस्क्यु तालिम संचालन भएको छ । शिक्षालयका समादेशक सशस्त्र प्रहरी उपरीक्षक प्रेम प्रकाश सिग्देलले बिहिबार तालिमको उद्घाटन गर्नुभयो ।

सुनसरी जिल्लाको कोशी गाउँपालिका- ८ स्थित तिनकुने सीमा ईलाकाबाट बैशाख २९ गते सांझ अबैध रुपमा ल्याइएको मकै, गहुँ र चिनीसहित एउटा ट्रक नियन्त्रणमा लिइएको छ । प्रस्तावित सिमा सुरक्षा गुल्म हरिपुरले बीआर ५० जी ९०५७ नम्बरको ट्रकलाई चेकजांच गर्ने क्रममा १८ वटा बोरामा रहेको ९ सय ९० के.जी. मकै, ९५ वटा बोरामा रहेको ५ हजार २ सय ७९ के.जी. गहुँ र ५ सय ९५ वटा बोरामा रहेको २९ हजार ७ सय ५० के.जी चिनी बरामद भएको हो ।

बिलबिजकमा उल्लेख भएभन्दा फरक सामान बोकेको ट्रक बैशाख २७ गते पर्सा जिल्लाको वीरगंज महानगरपालिका–८ लिङ्करोडबाट नियन्त्रणमा लिईएको छ ।
पर्साको आदर्शनगरबाट बसपार्कतर्फ जाँदै गरेको ना. ३ ख ७६५६ नम्बरको मालवाहक ट्रकलाई विशेष सूचना आधारमा प्रस्तावित सीमा सुरक्षा गुल्म वीरगंजले नियन्त्रणमा लिएको हो । ट्रकमा रहेको सामानको भ्याट बाहेकको मुल्य ३० लाख ४९ हजार ८८ रुपैयाँ कायम रहेको छ ।
नियन्त्रणमा लिईएको सामानसहितको ट्रक थप अनुसन्धानको लागि राजश्व अनुसन्धान कार्यालय पथलैया बारामा बुझाईएको छ । 

बैसाख २५ गते मंगलबार राती सुनसरीबाट एक क्विन्टल गाँजा बरामद भएको छ । प्रस्ताबित सीमा सुरक्षा गुल्म कप्तानगँज, बोर्डर आउट पोस्ट साहेबगँज र हर्बेनिको संयुक्त टोलीले सुनसरी जिल्ला बर्जु गाउँपालिका-४ स्थित हसनपुरबाट बेवारिसे अवस्थामा बरामद गरेको गाँजा थप प्रक्रियाका लागि सम्बन्धित निकायमा बुझाइएको छ ।

गृहसचिव एकनारायण अर्याल, प्रहरी महानिरीक्षक बसन्त बहादुर कुँवर, सशस्त्र प्रहरी महानिरीक्षक राजु अर्याल र मुख्य अनुसन्धान निर्देशक हुतराज थापाले बैशाख २५ गते आश्रित गुल्म बझाङ्गको निरीक्षण भ्रमण गर्नुभएको छ ।
साथै सशस्त्र प्रहरी महानिरीक्षक राजु अर्यालले सो गुल्मको नवनिर्मित कार्यालय तथा जवान ब्यारेक भवनको उद्घाटन गर्नुकासाथै सकल दर्जाका राष्ट्रसेवक सशस्त्र प्रहरी कर्मचारीहरुलाई समसामयिक विषयमा  निर्देशन समेत दिनुभएको थियो ।

सशस्त्र प्रहरी महानिरीक्षक राजु अर्यालको प्रमुख आतिथ्यमा बैशाख २४ गते बडिमालिका जवान तालिम शिक्षालय बनबेहडा कैलालीको २३औँ वार्षिकोत्सव सम्पन्न भएको छ ।
कार्यक्रममा महानिरीक्षक अर्यालयले स्थापना दिवसको अवसरमा संचालन गरिएको विभिन्न खेलकुद प्रतियोगिताका विजयी टिम तथा खेलाडी, उत्कृष्ट कार्य गर्ने सशस्त्र प्रहरी कर्मचारीहरु र शिक्षालयलाई सहयोग पुर्‍याउनुहुने संघसंस्था तथा महानुभावहरुलाई पुरस्कार तथा प्रशंसापत्र प्रदान गर्नुभएको थियो ।
सोही दिन महानिरीक्षक अर्यालले कञ्चनपुर जिल्लाको शुक्लाफाटा नगरपालिका–५ झलारीमा स्थापित नेपाल एपीएफ स्कूल झलारी कञ्चनपुरको समेत उद्घाटन गर्नुभएको थियो ।

संयुक्त राष्ट्रसंघको अनुरोधमा शान्ति स्थापनार्थ युनाइटेड नेशन्स मिशन इन साउथ सुडानमा नेपाल फम्र्ड पुलिस युनिट (एफपीयू)मा सफलतापूर्वक आफ्नो कार्यकाल सम्पन्न गरी स्वदेश फर्किएको टोलीलाई बैशाख २४ गते सशस्त्र प्रहरी अतिरिक्त महानिरीक्षक चन्द्र प्रकाश गौतमले सशस्त्र प्रहरी बल नेपाल प्रधान कार्यालय हलचोकमा आयोजित कार्यक्रमका बीच हार्दिक स्वागत गर्नुभयो ।

पोखरा महानगरपालिका– १८ खपौदी स्थित हर्पन खोलामा पौडी खेल्ने क्रममा बेपत्ता बालकको शव निकालिएको छ ।
पोखरा महानगरपालिका– ५ मालेपाटन बस्ने अन्दाजी वर्ष १४÷१५ का सोनम सुवेदी आइतबार दिउँसो पौडि खेल्ने क्रममा डुबेर बेपत्ता भएपछि नं.२४ कालिका गण कास्कीबाट परिचालन भएको गोताखोरले उनको शव निकालेको हो ।

सर्लाही जिल्लाको विष्णु गाउँपालिका–१ स्थित बारा उद्योरण बस्तीका आगलागी पीडितहरुलाई बैशाख २२ गते नं. २ छिन्नमस्ता बाहिनी मुख्यालय महोत्तरीले राहत वितरण गरेको छ । बाहिनीपति सशस्त्र प्रहरी नायव महानिरीक्षक दीपेन्द्र शाहले आगलागीबाट पीडित ५० घर परिवारलाई राहत स्वरुप लत्ताकपडा, भाडावर्तन लगायतका सामान वितरण गर्नुभएको हो।

नं.४० रिजर्भ गण बारा र जितपुर सिमरानगर उद्योग बाणिज्य संघको संयुक्त आयोजनामा बैशाख २१ गते दुई दिवसीय औद्योगिक जोखिम नियन्त्रण र प्रतिकार्य अभिमुखिकरण कार्यक्रम संचालन गरिएको छ । नं. २ छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायव महानिरीक्षक दिपेन्द्र शाहको प्रमुख आतिथ्यमा संचालन भएको कार्यक्रममा नेपाल उद्योग बाणिज्य संघ मधेश प्रदेशका अध्यक्ष अशोक टेमानी लगायत विभिन्न उद्योग बाणिज्य संघका पदाधिकारीहरुको समेत उपस्थिती रहेको थियो ।

आगलागीबाट हुने क्षति न्युनिकरण तथा नियन्त्रण सम्बन्धी विपद् व्यवस्थापन महाशाखाले बैशाख २१ गते प्रधान कार्यालय हलचोकमा जानकारीमूलक प्रस्तुतीकरण तथा डेमो प्रदर्शन गरेकोे छ ।

सशस्त्र प्रहरी महानिरीक्षक राजु अर्यालले संयुक्त राष्ट्रसंघको अनुरोधमा शान्ति स्थापनार्थ युनाइटेड नेशन्स मिशन इन साउथ सुडानमा नेपाल फम्र्ड पुलिस युनिट (एफ.पी.यू) वान जुवामा कार्यरत दशौं डफ्फालाई बदली गर्न जान लागेको टोलीलाई बैशाख २१ गते प्रधान कार्यालयमा हार्दिक बिदाई गर्नुभयो ।
सशस्त्र प्रहरी बरिष्ठ उपरीक्षक रविनराज कर्णजितको कमाण्डमा १ सय ८० जना सशस्त्र प्रहरी कर्मचारीहरु बैशाख २३ गते राती त्यसतर्फ प्रस्थान गर्नेछन् ।

रौतहट जिल्लाको विभिन्न स्थानबाट बैशाख २० गते करीव १० लाख ३३ हजार रुपैयाँ बराबरको चोरीपैठारीको सामानसहित मोटरसाईकल र साईकल नियन्त्रणमा लिईएको छ ।
भारतबाट अवैध रुपले ४ वटा मोटरसाईकल र ६ वटा साईकलमा राखेर नेपालतर्फ ल्याउँदै गरेको लत्ताकपडा, किराना सामान र मदिरा नं. ११ गण रौतहट र मातहत कार्यालयले नियन्त्रणमा लिएको छ ।
बरामद सामान तथा मोटरसाईकल, साईकल आवश्यक कारवाहीको लागि गौर भन्सार कार्यालय रौतहटमा बुझाईएको छ । बरामद मोटरसाईकल तथा साईकलको भन्सार दाखिला मुल्य ५ लाख रुपैयाँ रहेको छ ।

कपिलवस्तु जिल्लाको मायादेवी गाउँपालिका ५ स्थित शिशवाबाट बैशाख १८ गते करीव ६ लाख ३१ हजार रुपैयाँ बराबरको ईलोक्ट्रोनिक सामानसहित दुई वटा मोटरसाईकल नियन्त्रणमा लिईएको छ ।
यु.पी. ५५ के ३५३१ र यु.पी. ५५ एम ७९३१ नम्बरको मोटरसाईकलमा राखी भारतबाट अवैध रुपले नेपालतर्फ ल्याउँदै गरेको सामान प्रस्तावित सीमा सुरक्षा गुल्म चाकरचौडाले बरामद गरेको हो ।
बरामद सामान तथा मोटरसाईकल आवश्यक कारवाहीको लागि सुठौली भन्सार कार्यालय कपिलवस्तुमा बुझाईएको छ ।

इन्डोनेसियन नेशनल पुलिस हेड अफ इन्टरनेशनल रिलेसन्स् डिभिजनका प्रमुख आइजीपी कृष्ण मुर्तीसहितको ६ सदस्यीय टोलीले बैशाख २० गते प्रधान कार्यालयको अवलोकन भ्रमण गर्नुभएको छ ।

डोटी जिल्लाको शिखर नगरपालिका–८ लुवाखडीस्थित सेती नदिमा नुहाउने क्रममा डुवेर बेपत्ता भएका एक जनाको शव सशस्त्र प्रहरीले बैशाख १९ गते फेला पारेको छ ।
कैलाली जिल्लाको धनगढी उपमहानगरपालिका–३ बस्ने ३८ वर्षिय नर बहादुर तामाङ यहि १७ गते नदिमा नुहाउने क्रममा डुवेर बेपत्ता भएका थिए । नं. ७ बैद्यनाथ बाहिनीबाट खटिएको गोताखोर टोलीले उनको शव नदिको २० फिट गहिराईबाट निकालेको हो । 

झापा जिल्लाको मेचीनगर नगरपालिका- ७ गौरिगाउँ र सालघारीस्थित मकैवारीबाट बैशाख १८ गते करीव ३८ लाख ३७ हजार रुपैयाँ बराबरको चोरीपैठारीको लत्ताकपडा बरामद भएको छ । भारतबाट अवैध रुपले नेपालतर्फ ल्याउँदै गरेको लत्ताकपडा प्रस्तावित सीमा सुरक्षा गुल्म काँकडभिट्टाले बरामद गरेको हो ।

बरामद लत्ताकपडा मेची भन्सार कार्यालय काँकडभिट्टामा बुझाईएको छ ।

.

पर्सा जिल्लाको बीरगंज महानगरपालिका–१६ भन्सार ईलाकाबाट बैशाख १७ गते श्रोत नखुलेको ३ लाख ३६ हजार नेपाली रुपैयाँसहित एक जनालाई नियन्त्रणमा लिईएको छ ।
बि.आर. ०५ एजेट ७५७४ नम्बरको मोटरसाईकलमा नेपालबाट भारततर्फ जाँदै गरेका भारत घर बताउने ४० बर्षिय पुरुषले सो रुपैयाँको श्रोत खुलाउन नसकेपछि प्रस्तावित सीमा सुरक्षा गुल्म वीरगंजले नियन्त्रणमा लिएको हो ।

कास्कीको पोखरा महानगरपालिका–६ बैदामस्थित फेवातालमा बैशाख १७ गते सशस्त्र प्रहरी बल नेपाल नं. ४ मुक्तिनाथ बाहिनी मुख्यालय कास्कीले विपद् उद्धार सम्बन्धी कृतिम घटना अभ्यास गरेको छ ।

सशस्त्र प्रहरी परिवार महिला संघको सहकार्य र नेपाल एपीएफ अस्पतालको सहयोगमा एन.आर. कलेजका पूर्व विद्यार्थी समाजले काठमाडौँको तारकेश्वर नगरपालिका–११ स्थित नेपालटारमा बैशाख १७ गते रक्तदान तथा निःशुल्क स्वास्थ्य शिविर संचालन गरेको छ ।
सशस्त्र प्रहरी महानिरीक्षक राजु अर्यालको प्रमुख आतिथ्यमा संचालन गरिएको उक्त शिविरमा महिला, बालबालिका र बृद्धबृद्धा गरी कुल २ सय ६४ जना सेवाग्राहीहरुको स्वास्थ्य परिक्षण गर्नुकासाथै ४१ जनाले रक्तदान गरेका थिए ।  

पर्सा जिल्लाको बीरगंज महानगरपालिका– १६ भन्सार ईलाकाबाट बैशाख १६ गते करीव ४ लाख ९७ हजार रुपैयाँ बराबरको चोरीपैठारीको इलेक्ट्रोनिक्स सामान बरामद भएको छ ।
भारतबाट अवैध रुपले ल्याउँदै गरेको उल्लेखित मुल्यको मोवाईलको डिस्प्ले, चार्जर र डाटा केवल प्रस्तावित सीमा सुरक्षा गुल्म पर्साले बरामद गरेको हो ।  
यसैगरी सोही स्थानबाट बैशाख १६ गते भारतबाट नेपालतर्फ आउँदै गरेको बीआर ०५ एक्स ३४७९ नम्बरको मारुटी सुजुकी कारमा फल्स बटम बनाई लुकाई छिपाई ल्याउँदै गरेको करीव १ लाख ४ हजार रुपैयाँ बराबरको मोटर पार्ट्स प्रस्तावित सीमा सुरक्षा गुल्म पर्साले नियन्त्रणम लिएको छ ।
बरामद सामान तथा कार आवश्यक कारवाहीको लागि बीरगंज भन्सार कार्यालय पर्सामा बुझाईएको  छ । सो गाडीको भन्सार दाखिला मुल्य १५ लाख रुपैयाँ रहेको छ ।

मनसुनको सुरुवातसंगै हुने विपद्का घटनाहरुलाई मध्यनजर राखी नं. ९ पशुपतिनाथ बाहिनी मुख्यालय, बलम्बुले बैशाख १६ गते सशस्त्र प्रहरी अतिरिक्त महानिरीक्षक बंशीराज दाहालको प्रमुख आतिथ्यमा काठमाडौँको कीर्तिपुर नगरपालिका–६ टौदहमा विपद् प्रतिकार्य अभ्यास (मनसुन–२) संचालन गरेको छ ।

    नं. ३ गढिमाई बाहिनी मुख्यालय मकवानपुरको आयोजनामा चितवन जिल्लाको भरतपुर महानगरपालिका–१ स्थित नारायणी नदिमा बैशाख १३ गते सेमुलेशन अभ्यास सम्पन्न भएको छ ।

कास्की जिल्ला पोखरा महानगरपालिका–६ फेवातालमा मंगलबार दिउँसो डुंगा दुर्घटनामा परेका पाँच जनाको सकुशल उद्धार गरिएको छ । अचानक आएको हावाहुरीको कारण डबल प्याडल बोटमा बोटिङ् गरिरहेका ५ जना फेवाताल नजिकै रहेको माछा पालन केन्द्रको जालमा अड्किएका थिए । दुर्घटना लगत्तै नं. २४ कालिका गण कास्कीबाट फेवाताल रेस्क्यु वाच टावरमा तैनाथ विपद् व्यवस्थापन सहितको टोलीले उनीहरुको तत्कालै सकुशल उद्धार गरेको हो ।

नेपाली सैनिक वार कलेज नगरकोटमा संचालित सि.सं. १२ हायर कमाण्ड तथा म्यानेजमेन्टमा तालिमरत ३५ जना नेपाली सेनाका अधिकृतहरूले प्रधान कार्यालय हल्चोकको बैशाख १० गते अवलोकन भ्रमण गर्नुभएको छ । 

रुपन्देही जिल्लाको सिद्धार्थनगर नगरपालिका–५ स्थित दोगरा ईलाकाबाट बैशाख ९ गते नं. २७ गण रुपन्देहीले करीव ५ लाख ३० हजार रुपैयाँ बराबरको १० हजार ४ सय के.जी. प्याज र बोरा सिलाउने मेशिनसहितको गाडी नियन्त्रणमा लिएको छ ।

सप्तरी जिल्लाको कञ्चनरुप नगरपालिका -५ पडेमरास्थित एक घरमा भएको आगलागी नियन्त्रणमा परिचालित दन्तकाली विशेष कार्य तालिम शिक्षालय सप्तरी र सुरक्षा वेश भारदहको सुरक्षा फौज ।

नं. ८ गण धनुषाले गणको १७‍औँ वार्षिकोत्सवको अवसर पारेर बैशाख ६ गते जानकी मन्दिर सरसफाई गरेको छ ।

 नं. ८ गण धनुषाले १ सय ५२ बोरा प्याजसहितको ट्रक नियन्त्रणमा लिएको छ । बैशाख ४ राती जिल्लाको शहिदनगर नगरपालिका-२ तीनकोरिया बिरेन्द्रबजारबाट ना ८ ख ६३०० नम्बरको ट्रक नियन्त्रणमा लिईएको हो ।

    शंकास्पद कागजपत्रको आधारमा नियन्त्रणमा लिइएको हो । यसैगरी बिओपी फुलगामाले बैशाख ५ गते दिउँसो जिल्लाको मुसहरनिया गाउँपालिका-६ स्थित मरघटियाबाट भन्सार छली भारतबाट नेपालतर्फ ल्याउँदै गरेको ३२ थान मोवाईल समेत बरामद गरेको छ ।

रुपन्देही जिल्लाको रोहिणी गाउँपालिका–१ स्थित हुलाकी सडकखण्ड अन्तर्गत बाईपास इलाकाबाट बैशाख ४ गते २ सय ७२ किलो ३३ ग्राम गाँजसहित एउटा कन्टेनर र चालकलाई नं. २७ गण रुपन्देहीले नियन्त्रणमा लिएको छ । 

बैशाख ४  गते मंगलबार बिहान बर्दिया जिल्लाको बढैयाताल गाउँपालिका–२ फुटाहा स्थित सीमा इलाकामा नेपाल बाट भारततर्फ जान लागेका एक व्यक्तिलाई २३ किलो लागूऔषध चरेश जस्तो पदार्थसहित  बोर्डर आउट पोस्ट (बिओपी) फुटाहा बर्दियाले  नियन्त्रणमा लिएको छ ।

        चैत्राष्टमीको अबसरमा नं. १९ बगलामुखी गण (विशेष कार्यदल) हल्चोक स्वयम्भूमा बैशाख ४ गते निशान, कोत तथा मौलो पुजा  सम्पन्न भएको छ ।
बिहान ०७ः२१ बजेको संकल्प साइतमा गरिएको पुजामा सशस्त्र प्रहरी महानिरीक्षक राजु अर्यालले सशस्त्र प्रहरी बल नेपालको निशानमा पञ्जाछाप लगाउनुभएको थियो ।

सशस्त्र प्रहरी महानिरीक्षक राजु अर्यालले सशस्त्र प्रहरी बल, नेपाल प्रधान कार्यालयमा बैशाख ०३ गते आयोजित एक समारोहका बीच सशस्त्र प्रहरी नायव महानिरीक्षक पदमा पदोन्नती हुनुभएका अधिकृतलाई दज्र्यानी चिन्ह प्रदान गर्नुभएको छ ।
नेपाल सरकार (माननीय उपप्रधानमन्त्री एवं गृहमन्त्रीस्तर) को मिति २०८०/१२/२३ गतेको निर्णयानुसार सशस्त्र प्रहरी बरिष्ठ उपरीक्षक दिपक अधिकारी सशस्त्र प्रहरी बल नेपालको सशस्त्र प्रहरी सेवा, साधारण समुह, साधारण उपसमुहतर्फ सशस्त्र प्रहरी नायव महानिरीक्षक पदमा पदोन्नति हुनुभएको हो । 

यही बैशाख १ गतेबाट हराईरहेका एक युवकको शव सशस्त्र प्रहरी बलकोे गोताखोरले सेती नदिको १ सय ५० मिटर गहिराईमा ढुंङ्गामा अड्किएको अवस्थामा बैशाख ३ गते निकालेको छ ।
कास्की जिल्लाको माछापुच्छ्रे गाउँपालिका – १ करुवा बस्ने २५ बर्षका युवक बैशाख १ गतेदेखि हराएकोमा  नं. २४ कालिका गणको सुरक्षा फौजले सोमवार उनको शव निकालेको हो ।

रुकुम पश्चिम जिल्लाको चौरजहारी नगरपालिका – ३ स्थित भेरी नदिमा नुहाउने क्रममा डुबेर बेपत्ता भएका एक जनाको शव  गोताखोरले बैशाख ०२ गते फेला पारेको छ ।
जाजरकोट जिल्लाको शिवालय गाउँपालिका – ३ सिमा बस्ने २४ बर्षिय कमल बुढा गत चैत ३० गते उक्त नदिमा नुहाउने क्रममा डुवेर वेपत्ता भएका थिए । 

सुनसरी जिल्लाको बराहक्षेत्र नगरपालिका १ स्थित पिण्डेश्वर पूर्ण महाकुम्भ मेला परिसरमा अत्याधिक गर्मीका कारणले वेहोस भएका ४ जनाको तत्कालै उद्धार गरि अस्पताल पठाईएको छ ।
गत चैत्र २७ बाट यहि बैशाख २८ गते सम्म १ महिनासम्म संचालन हुने महाकुम्भ मेलामा सशस्त्र प्रहरी बल नेपालले निःशुल्क स्वास्थ्य शिबिर सहित बिपद उद्धार टिम समेत परिचालन गरेको छ ।

प्रधान कार्यालय स्वयम्भु हलचोकमा संचालन भएको ‘सशस्त्र प्रहरी महानिरीक्षक कप–२०८०’ को उपाधी नं ५ बिन्ध्यावासिनी बाहिनी मुख्यालय रुपन्देहीले जितेको छ । ११ स्वर्ण, ४ रजत र ६ कास्य गरी कुल २१ पदकसहित बिन्ध्यावासिनी बाहिनी प्रथम भएको हो ।
नं. १ बराह बाहिनी मुख्यालय सुनसरी ७ स्वर्ण, ७ रजत र ३ कास्य गरी कुुल १७ पदक र नं. ९ पशुपतिनाथ बाहिनी मुख्यालय काठमाडांै ४ स्वर्ण, ५ रजत र ४ कास्य गरी कुल १३ पदकसहित क्रमशः द्धितिय र तृतिय भएका छन् । समापन समारोहमा भएको फुटबल खेलमा नं. १ बराह बाहिनी मुख्यालय सुनसरीले नं. २ छिन्नमस्ता बाहिनी मुख्यालय महोत्तरीलाई २–१ गोलको अन्तरले पराजित गरी प्रथम भएको   छ ।
सशस्त्र प्रहरी महानिरीक्षक राजु अर्यालले शुक्रबार प्रतियोगिता समापन गर्नुका साथै उत्कृष्ट खेलाडी तथा बिजयी टिमलाई ट्रफी, मेडल र पुरस्कार समेत प्रदान गर्नुभयो । प्रतियोगितामा फुटबल, भलिबल, ब्याडमिन्टन र एथलेटिक्स खेलहरु समावेश थिए ।

चैत्र २९ गते दिउँसो फेवातालमा अचानक आएको हावाहुरीको कारण कायक बोट पल्टिएर दुर्घटनामा परेकी युबतिको सकुशल उद्दार गरिएको छ ।
     काठमाडौँ महानगरपालिका– १७ सामाखुसी बस्ने वर्ष २५ कि युवती  बोटिङ गर्ने क्रममा हावाहुरी चल्दा  तालमा खसेकि थिइन् । दुर्घटना लगत्तै फेवाताल बाराहीघाट स्थित रेस्क्यु वाच टावरमा खटिएको विशेष उद्धार तथा गोताखोर टोलीले तत्कालै सकुशल उद्धार गरेको हो ।

     नं.१बराह बाहिनी मुख्यालय र नं.४ गणको आयोजना तथा पूर्व क्षेत्रीय सशस्त्र प्रहरी बल नेपाल अस्पताल पकली, सुनसरीको समन्वय र बिराट मेडिकल कलेज टिचिङ्ग अस्पतालको सहकार्यमा सुनसरी जिल्ला बराहक्षेत्र नगरपालिका चतराधाममा २०८० चैत २७ गते देखि २०८१ बैशाख २८ गते सम्म  संचालन हुने १ महिना अबधिको १२ बर्षे पिण्डेश्वर पूर्ण महाकुम्भ मेलामा मेला अबधिभर नि:शुल्क स्वास्थ्य शिबिर आयोजना गरिको छ  । यसै गरि सो अबधिभर नं. १ बराह बाहिनी मुख्यालयको बिपद् ब्यबस्थापन टिम समेत तैनाथ गरिएको छ ।

सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्यालले नं. ४ मुक्तिनाथ बाहिनी परिसरमा नवनिर्मित गण्डकी प्रदेश सशस्त्र प्रहरी परिवार महिला संघ कार्यकक्षको उद्घाटनका साथै संघद्धारा संचालित ३ महिना अवधिको सिलाई कटाई तालिमको  चैत २८ गते समापन गर्नुभएको छ । गण्डकी प्रदेश सशस्त्र प्रहरी महिला संघको सहयोगमा संघकी अध्यक्ष अनिता लामिछाने अर्यालले कास्की जिल्लाको पोखरा महानगरपालिका – ६ बैदामस्थित नीलसागर सेवाश्रममा खाद्यान्न तथा सरसफाईका सामाग्रीहरु समेत वितरण गर्नुभएको छ ।

‘सशस्त्र प्रहरी महानिरीक्षक कप–२०८०’ अन्तर्गत एथलेटिक्सतर्फ सम्पन्न विभिन्न प्रतियोगिताहरुमा विजयी हुन सफल खेलाडीहरुलाई चैत २८ गते नेपाल एथलेटिक्स संघका सचिव आरके बिष्टले बुधबार मेडल तथा पुरस्कार प्रदान गर्नुभएको छ ।

सशस्त्र प्रहरी बल नेपाल नं. १९ गण बगलामुखी (विशेष कार्यदल) काठमाडांैको २२औं स्थापना दिवस सशस्त्र प्रहरी नायव महानिरीक्षक शम्भु सुवेदीको प्रमुख आतिथ्यमा चैत्र २८ गते विविध कार्यक्रम गरी सम्पन्न भएको छ ।
कार्यक्रममा उहाँले स्थापना दिवसको अवसर पारेर आन्तरिक रुपमा संचालन गरिएका पेशागत व्यवसायिक तथा विभिन्न खेलकुद प्रतियोगिताहरुमा विजयी हुने खेलाडीहरु लगायत गणमा बर्षभरी उत्कृष्ट कार्य गर्ने सशस्त्र प्रहरी कर्मचारीहरुलाई पुरस्कार तथा प्रशंसापत्र प्रदान गर्नुभएको थियो । 

‘सीमाबासीसँग सशस्त्र प्रहरी कार्यक्रम’ अन्तर्गत सिन्धुपाल्चोक जिल्लाको भोटेकोशी गाउँपालिका–३ लार्चामा एकदिने निःशुल्क स्वास्थ्य जाँच तथा परामर्श कार्यक्रम संचालन भएको छ ।
चैत २५ गते  नं. १६ गण सिन्धुपाल्चोकले विओपी तातोपानी र भोटेकोशी गाउँपालिकाको सहकार्यमा  संचालन गरेको शिविरमा १ सय ४० जनाको निःशुल्क स्वास्थ्य जाँच गरिएको थियो ।

कास्कीस्थित फेवातालमा बोटिङ गर्ने क्रममा दुर्घटनामा परेका एक युवकको सशस्त्र प्रहरी बलले सकुशल उद्धार गरेको छ ।
चैत २५ गते आइतबार साँझ स्याङ्जा जिल्लाको अर्जुन चौपारी गाउँपालिका–३ घर भइ पोखरा महानगरपालिका–६ लेकसाइड बस्ने २० बर्षिय सोभित परियार बोटिङ गर्नेक्रममा अचानक आएको हावाहुरीको कारण बोट पल्टिन गई तालमा खसेका थिए ।
उक्त दुर्घटनापछि सशस्त्र प्रहरी बल नेपालको फेलातालस्थित रेशक्यू टावरमा तैनाथ उद्धार टोलीले उनको तत्कालै सकुशल उद्धार गरेको हो ।
हावाहुरीको कारण तालबराही मन्दिरमा अड्किएका करीब २५ जना आन्तरिक तथा बाह्य पर्यटकको समेत सोही टोलीले सकुशल उद्धार गरेको छ ।  

प्रधान कार्यालय हलचोक स्वयम्भूमा चैत्र २५ गतेदेखि ‘सशस्त्र प्रहरी महानिरीक्षक कप–२०८०’ सुरु भएको छ । सशस्त्र प्रहरी अतिरिक्त महानिरीक्षक नारायणदत्त पौडेलले द्धिप प्रज्वलन गरी खेलकुद प्रतियोगिताको  शुभारम्भ गर्नुभएकोे हो ।      
प्रतियोगितामा राष्ट्रिय सशस्त्र प्रहरी बल प्रशिक्षण प्रतिष्ठान र सशस्त्र प्रहरी बल नेपालका बाहिनी मुख्यालयहरु गरी नौ वटा टिमको सहभागिता रहेको छ । प्रतियोगितामा फुटबल, भलिबल, ब्याडमिन्टन र एथलेटिक्स खेलहरु समावेश छन् । 

प्रस्तावित सीमा सुरक्षा गुल्म अलौ पर्साले भारतर्फ तस्करी गर्न लागिएको ९४ कार्टुन मदिरासहितको सुमो गाडी नियन्त्रणमा लिएको छ ।
चैत्र २४ गते वीरगंज महानगरपालिका–१७ कोनिया नाकाबाट भारतीय नम्बर प्लेटको बी.आर. १० जे ८२०१ नम्बको टाटा सुमो गाडीमा अबैध रुपमा लैजाँदै गरेको मदिरा र सुमो गाडी नियन्त्रणमा लिई आवश्यक कारवाहीको लागि भन्सार कार्यालय वीरगंजमा बुझाईएको छ । यसैगरी सोही गुल्मले ९ लाख १३ हजार रुपैयाँ बराबरको ईलेक्ट्रोनिक सामानसहित एउटा ट्रक नियन्त्रणमा लिएको छ । चैत्र २० गते वीरगंज महानगरपालिका – १७ चण्डाल चोकबाट ना ३ ख ७८८८ नम्बरको ट्रकमा विलविजक भन्दा फरक सामान भएको पाईएपछि नियन्त्रणमा लिइएको हो ।
नियन्त्रणमा लिईएको सामान र ट्रक राजश्व अनुसन्धान कार्यालय पथलैयामा बुझाईएको छ ।

 नं. ६ महेश्वरी बाहिनी मुख्यालय सुर्खेतकोे २३औँ स्थापना दिवस सशस्त्र प्रहरी अतिरिक्त महानिरीक्षक बंशीराज दाहालको प्रमुख आतिथ्यमा चैत्र २३ गते विविध कार्यक्रम गरी सम्पन्न भएको  छ ।

सशस्त्र प्रहरी परिवार महिला संघकी अध्यक्ष श्रीमती अनिता लामीछाने अर्यालको उपस्थितीमा संघले चैत २४ गते सिन्धुली जिल्लाको सुनकोशी गाउँपालिका ३ झागाझोली रातमाटामा राहत सामाग्री वितरण गरेको छ ।
संघले सोही ठाउँमा बसोवास गर्ने न्यून आयश्रोत भएका ७२ घरपरिवारलाई खाद्यान्न तथा डस्ना वितरण गरेको हो । 

नं. १२ गण बाराले पर्सा जिल्लाको वीरगंज महानगरपालिका–१४ गण्डकस्थित मल्टि स्पेशयालिटी अस्पताल  वीरगंजको संयुक्त सहकार्यमा सीमावासी सँग सशस्त्र प्रहरी कार्यक्रम अन्तर्गत बारा जिल्लाको सिम्रौनगढ नगरपालिका २ खजानीमा निःशुल्क स्वास्थ्य जाँच तथा परामर्श शिविर संचालन गरिएकोे छ ।
स्वास्थ्य शिविरमा ९५ जना पुरुष र ७० जना महिला गरी जम्मा १ सय ६५ जनाले  निःशुल्क स्वास्थ्य जाँच तथा परामर्श लिएका थिए  ।

कैलाली जिल्लाको धनगढी उप–महानगरपालिका ४ स्थित उत्तरवेहडी ईलाकाबाट चैत्र २३ गते नं. ३४ गण कैलालीले करीब ५७ लाख १८ हजार ५ सय रुपैयाँ बराबरको अबैध लत्ताकपडा बरामद गरेको छ ।
बरामद लत्ताकपडा कैलाली भन्सार कार्यालय त्रिनगरमा बुझाईएको छ ।

हुम्ला जिल्लास्थित नाम्खा गाउँपालिका–५ नारा लेकको हिउँमा फसेका तीन जना कर्मचारीको उद्धार गरिएको छ । चैत २२ गते बिहीबार विहान १० बजे उनीहरु हिउँमा फसेको भन्ने खबर प्राप्त भएपछि बोर्डर आउट पोष्ट हिल्साले सकुशल उद्धार गरेको हो । 

रौतहट जिल्लाको परोहा नगरपलिका–९ खाँप ईलाकाबाट चैत २० गते नं. ११ गण रौतहटले ७ लाख ५५ हजार ५ सय ७० रुपैयाँ बराबरको बिभिन्न किसिमका लत्ताकपडा, औषधी, सुर्तिजन्य पदार्थ र चप्पलहरु विभिन्न सामान बरामद गरेको छ ।

मोरङ जिल्लाको बेलबारी नगरपालिका–७ बाहुनीबाट चैत १९ गते सोही जिल्लाको कानेपोखरी गाउँपलिका–६ बस्ने ३८ बर्षिय युबकलाई १७ केजी ९ सय ६० ग्राम चाँदीको तयारी गरगहनासहित सुरक्षा बेश बाहुनी र लक्ष्मीमार्गले नियन्त्रणमा लिई आवश्यक कारवाहीको लागि बिराटनगर भन्सार कार्यालय मोरङमा बुझाइएको छ ।

सशस्त्र प्रहरी अतिरिक्त महानिरीक्षक नारायणदत्त पौडेलले ‘सीमावासीसँग सशस्त्र प्रहरी’ कार्यक्रमअन्तर्गत झापा जिल्लाको गौरीगंज गाउँपालिका–६ स्थित खजुरगाछीकि एक छात्रालाइ चैत १९ गते छात्रबृत्ति प्रदान गर्नुभएको छ । साथै सीमा इलाकामा बसोबास गर्ने नगरिकका करीब एक सयजना सन्ततीहरुलाई शैक्षिक सामाग्रीसमेत वितरण गर्नुभएको छ । यसैगरी आजै सशस्त्र प्रहरी अतिरिक्त महानिरीक्षक पौडेलको प्रमुख आतिथ्यमा झापा जिल्लाको गौरीगंज गाउँपालिका ६ स्थित खजुरगाछीमा सीमावासीसँग सशस्त्र प्रहरी कार्यक्रम अन्तर्गत राजश्वत चुहावट तथा सीमा अपराध नियन्त्रण सम्बन्धी अन्तरक्रिया कार्यक्रम समेत सम्पन्न भएको छ ।

सशस्त्र प्रहरी अतिरिक्त महानिरीक्षक नारायदत्त पौडेलले ‘सीमावासीसँग सशस्त्र प्रहरी’ कार्यक्रमअन्तर्गत सुनसरी जिल्ला हरिनगर गाउँपपालिकाको कार्यालयमा संचालन हुने केशकर्तक तालिमको चैत्र १९ गते उद्घाटन गर्नुभएको छ ।  
नं. १ बराह बाहिनी मुख्यालय र नं. ४ गण सुनसरीको आयोजनामा संचालन भएको तालिममा सीमा इलाकामा बसोबास गर्ने २० जना स्थानियहरु सहभागी रहेका छन् ।

                नं.७ बैद्यनाथ बाहिनी मुख्यालयमा २३ औं स्थापना दिवसको अवसरमा चैत १९ गते सशस्त्र प्रहरी बल नेपाल, नेपाली सेना र नेपाल प्रहरीका सिनियर अधिकृतस्तरको मैत्रिपूर्ण फुटबल सम्पन्न भएको छ। यसैगरी दिवसकै अवसरमा बाहिनी र मातहत कार्यालयहरुका सिनियर र जुनियर अधिकृतस्तरको डबल्स ब्याडमिन्टन प्रतियोगिता समेत सम्पन्न भएको छ। 

प्रस्तावित सीमा सुरक्षा गुल्म बिरगंज पर्साले पर्सा जिल्लाको विरगंज महानगरपालिका–७ रेल्वे रोडबाट कागजात तथा प्रज्ञापन पत्र नभएको ८ लाख ४० हजार रुपैयाँ बराबरको लत्ताकपडा, जुत्ता र किराना सामान बरामद गरेको छ ।
यसैगरी सोही महानगरपालिका–१६ भन्सार मेनगेट नजिकबाट अवैध रुपमा नेपालतर्फ ल्याउदै गरेको १ लाख २२ हजार ७ सय २० रुपैयाँ बराबरको लत्ताकपडासमेत बरामद गरेको छ ।

  नं. २४ कालिका गण कास्की पोखरामा कार्यरत ६६ जना कर्मचारीहरुले रक्तदान गरेका छन् ।

 गणको १९औं स्थापना दिवसको अवसर पारेर चैत्र १९ गते गण परिसरमा आयोजित रक्तदान कार्यक्रमबाट संकलित ६६ युनिट रगत नेपाल रेडक्रस सोसाईटी कास्की शाखाद्वारा संचालित प्रादेशिक रक्तसंचार सेवा पोखरालाई हस्तान्तरण गरिएको छ ।

 बर्दिया जिल्लाको बढैयाताल गाँउपालिका–२ स्थित सीमा ईलाकाबाट करीब ६ किलो चरेश जस्तो पदार्थसहित ४५ बर्षिया एक महिलालाई चैत्र १९ गते नियन्त्रणमा लिइएको छ ।
चरेश बोकेर नेपालबाट भारततर्फ जाँदै गरेको अवस्थमा बोर्डर आउट पोस्ट (बीओपी) फुटाहा बर्दियाले उनलाई नियन्त्रणमा लिएको हो । 

कास्की जिल्लाको अन्नपुर्ण गाउँपालिका- ४ भदौरे देउराली नजिक थामडाडा घुम्तीमा पोखराबाट सल्यानतर्फ जाँदै गरेको ग १ ज ५५४७ नम्बरको यात्रुबाहक जिप चैत्र १८ गते सडकबाट अन्दाजी २०० मिटर तल खसेको खबर पाएपछि नं. २४ कालिका गण पोखराबाट बिपद् उद्धार सामाग्रीसहित खटिएको फौजले १० जनालाई जीवितै उद्धार गर्न सफल भएको छ भने मृत्यु भएका २ जनाको शव निकालेको छ ।

नं. ९ पशुपतिनाथ बाहिनी मुख्यालय काठमाडौंले आयोजना गरेको ‘बाहिनीपति कप, २०८०’को उपाधि नं. १९ बगलामुखी विशेष कार्यदल गण हलचोकले जितेको छ ।
चैत्र १३ गतेदेखि १८ गतेसम्म फुटबल, भलिबल, एथ्लेटिक्स, ब्याडमिन्टन, टेबल टेनिसलगायतका खेल विधाहरु समावेश गरी प्रतियोगिता संचालन भएको थियो । 

मोरङ जिल्लाको विराटनगर महानगरपालिका २ तिनपैनीमा ‘सीमावासीसँग सशस्त्र प्रहरी’ कार्यक्रम अन्तर्गत सरोकारवालासँग ‘राजश्व चुहावट तथा सीमा अपराध नियन्त्रण’ सम्बन्धी अन्तरक्रिया कार्यक्रम सम्पन्न भएको छ ।
नं. १ बराह बाहिनी मुख्यालय सुनसरी र उद्योग संगठन मोरङको आयोजनामा सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा चैत्र १८ गते सो ठाउँस्थित उद्योग संगठन मोरङको सभाहलमा राजश्व चुहावट तथा सीमा अपराध नियन्त्रण र चोरीपैठारी निकासी नियन्त्रणमा सशस्त्र प्रहरी बल नेपालको कर्तव्य, जिम्मेवारी र सीमा सुरक्षामा सीमावासीहरुको सहयोगको बारेमा अन्तरक्रिया तथा छलफल भएको हो ।

 नं. १ बराह बाहिनी मुख्यालय सुनसरीको २३औं स्थापना दिवस सशस्त्र प्रहरी महानिरीक्षक राजु अर्यालको प्रमुख आतिथ्यमा विविध कार्यक्रम गरी चैत्र १८ गते सम्पन्न भएको छ ।

 कार्यक्रममा सशस्त्र प्रहरी महानिरीक्षक राजु अर्यालयले स्थापना दिवसको अवसर पारेर बाहिनी मुख्यालयमा आन्तरिक रुपमा आयोजना गरिएको विभिन्न खेलकुद तथा हाजिरी जवाफ प्रतियोगितामा बिजयी टिम तथा खेलाडीहरुलाई प्रमाणपत्र, मेडल तथा शिल्ड प्रदान गर्नुका साथै बाहिनीको कामकारवाहीमा बर्षभरि उत्कृष्ट कार्यगर्ने कर्मचारीहरुलाई प्रशंसापत्र तथा 'आइजी एपीएफ कमेन्डेसन' समेत प्रदान गर्नुभएको ।

सुनसरी जिल्लाको ईनरुवा नगरपालिका –४ स्थित सशस्त्र प्रहरी बल, नेपाल नं. ४ गण सुनसरीको कार्यालय परिसरभित्र चैत्र १६ गते हुल तथा दंगा व्यवस्थापन सम्बन्धी संयुक्त डेमोन्स्ट्रेशन गरिएको छ ।
नंं. ४ गण र जिल्ला प्रहरी कार्यालय सुनसरीको संयुक्त आयोजनामा संचालन भएको डेमोस्ट्रेशनमा दुबै सुरक्षा निकायका ३५-३५ गरी ७० जनाले हुल तथा दंगा व्यवस्थापन सम्बन्धी डेमो प्रदर्शन गरेका थिए ।

एपीएफ कमाण्ड तथा स्टाफ कलेजमा संचालन हुने नवौँ एपीएफ कमाण्ड तथा स्टाफ कोर्षको सशस्त्र प्रहरी महानिरीक्षक राजु अर्यालले चैत्र १५ गते सशस्त्र प्रहरी बल नेपाल प्रधान कार्यालय हल्चोक स्वयम्भूमा आयोजित समारोहकाबीच उद्घाटन गर्नुभएको छ ।  

सशस्त्र प्रहरी महानिरीक्षक राजु अर्यालले व्यक्तिगत स्वार्थको मार्ग छोटो र सजिलो भएतापनि सामुहिक हितको मार्ग लामो र कठिन हुने तर सकल दर्जा लागि परे त्यो त्यति कठिन पनि नहुने बताउनुभएको छ ।
चैत्र १० गते नं. ९ पशुपतिनाथ बाहिनी मुख्यालय काठमाडौँको २०औँ बार्षिकोत्सवको अवसरमा महानिरीक्षक अर्यालले भन्नुभयो– ‘नेतृत्व सदैव आफ्ना कर्मचारीहरुको हित र कल्याणका बारेमा चिन्तशिल हुन्छ त्यसैले संगठनको संस्थागत, संरचनागत र नीतिगत सुधारका प्रयासमा लागि रहेको र ती प्रयासहरुलाई मुर्तरुप दिन सम्पूर्ण कर्मचारीहरु पनि एकजुट भएर लाग्नुहोस् ।’  
कार्यक्षेत्रमा खटिदा सम्पूर्ण कर्मचारीहरु व्यावसायिक रुपमा इमान्दार, नैतिकवान, कर्तव्यनिष्ट र परिस्थिती अनुरुपको निर्णय क्षमता राख्न सक्नुपर्ने बताउनुहुँदै महानिरीक्षक अर्यालले भन्नुभयो– ‘म होईन हामी भन्ने मान्यतालाई आत्मसाथ गरी राज्य र नागरिकप्रतिको जिम्मेवारी बोधकासाथ परिचालन हुनुहोस्, भिन्न–भिन्न अवसर र बृत्तिवकिासका अवसरहरु आफै सिर्जना हुँदै जान्छन् ।’
उहाँले आफ्नो व्यक्तिगत स्वार्थ, आग्रह र पूर्वाग्रहलाई थाती राख्दै आफ्नो कमाण्डर र नेतृत्वसँग हातेमालो गरी संगठन विकासको एउटै लक्ष्यकासाथ अघि बढ्न र आफ्नो कर्तव्यपथमा अविचलित भई लागि रहन निर्देशन दिनुभयो ।  
स्थापना दिवसको अवसरमा महानिरीक्षक अर्यालले उत्कृष्ट कार्य गर्ने सशस्त्र प्रहरी कर्मचारी तथा अवकास प्राप्त सशस्त्र प्रहरी कर्मचारीहरुलाई पुरस्कार तथा कदर–पत्र प्रदान गर्नुभएको थियो ।
बाहिनीपति सशस्त्र प्रहरी नायव महानिरीक्षक पुरुषोत्तम थापाले धन्यवादको क्रममा संगठनको हितका लागि बाहिनी तथा मातहतका सकल दर्जा कटिबद्ध रहेको बताउनुभयो ।

सशस्त्र प्रहरी महानिरीक्षक राजु अर्यालले सीमावासीसँग सशस्त्र प्रहरी कार्यक्रम अन्तर्गत सरोकारवालासँग ‘राजश्व चुहावट तथा सीमा अपराध नियन्त्रण’ सम्बन्धी अन्तरक्रिया गर्नुभएको छ ।
शुक्रबार पर्सा जिल्लाको विरगंज महानगरपालिका–४ बिर्तास्थित विरगंज उद्योग वाणिज्य संघको सभाहलमा महानिरीक्षक अर्यालले राजश्व चुहावट तथा सीमा अपराध नियन्त्रण र चोरीपैठारी निकासी नियन्त्रणमा सशस्त्र प्रहरी बल नेपालको कर्तव्य, जिम्मेवारी र सीमा सुरक्षामा सीमा वासीहरुको सहयोगको बारेमा छलफल गर्नुभएको थियो ।
त्यसैगरी सीमा सुरक्षा बिभाग प्रमुख सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा सोही जिल्लाको छिपरमाई गाउँपालिका–५ छोटी भन्सार कार्यालय भिष्वामा नं. १३ गण पर्साको आयोजना तथा प्रभु अस्पताल एण्ड रिसर्च प्रा.ली. विरगंज र सामुदायिक आँखा उपचारकेन्द्र पर्साको सहकार्यमा निःशुल्क स्वास्थ्य शिविर संचालन गरिएको थियो ।
 

सशस्त्र प्रहरी महानिरीक्षक राजु अर्यालले नेपाल एपीएफ क्लवको आयोजनामा यही चैत्र ४ गतेबाट संचालन भएको ‘१२औं सहवीर स्मृति खुल्ला लनटेनिस प्रतियोगिता–२०८०’ को चैत्र ९ गते समापन गर्नुभयो ।
प्रधान कार्यालय हल्चोक स्वयम्भुमा आयोजित प्रतियोगिताको समापन समारोहमा महानिरीक्षक अर्यालले विजयी टिम तथा खेलाडीहरुलाई शिल्ड, प्रमाण–पत्र तथा नगद पुरस्कार प्रदान गर्नुभएको थियो ।

नेपाल एपीएफ क्लबको आयोजनामा बिहिबार ‘१२औँ सहबीर राष्ट्रिय खुल्ला लन टेनिस प्रतियोगिता, २०८०’ को विभिन्न ईभेन्टका फाईनल तथा सेमीफाईनल खेलहरु सम्पन्न भएका छन् ।
लन टेनिस कोर्ट हल्चोकमा भएको ५५ वर्षमाथि भेन्ट्रान्स एकलतर्फको फाईनल खेलमा विमल वाईबाले राजु श्रेष्ठलाई २–६, ६–१ र १०–४ ले पराजित गरी उपाधि जितेका छन् । यसैगरी ३५ वर्षमाथि भेन्ट्रान्स एकलतर्फको खेलमा अनिल शाहीले भिष्मजंग गुरुङ्गलाई ६–३ र ६–० ले पराजित गरी उपाधि जितेका छन् ।
यसैगरी ४५ वर्ष भेन्ट्रान्स एकलतर्फको फाईनल खेलमा रोहित सुनुवारले महेश श्रेष्ठलाई ६–२, ६–४ ले पराजित गरी उपाधि जितेका छन् । त्यस्तै ३५ वर्षमाथि भेन्ट्रान्स डबलतर्फको फाईनल खेलमा ईलुम दिक्षित र जितेन्द्र परियारको जोडिले कमल भण्डारी र यज्ञबहादुर भण्डारीको जोडिलाई ४–६, ६–३ र १०–८ ले पराजित गरी उपाधि जितेका छन् ।
यसैगरी पुरुष एकलतर्फको सेमीफाईनल खेलमा प्रदिप खड्काले निशान श्रेष्ठलाई ६–३, र ६–२ ले र रितिक रानाले सक्षम विक्रम शाहलाई ६–३ र ६–३ ले पराजित गरी फाईनल प्रवेश गरेका छन् ।
त्यसैगरी महिला एकलतर्फको सेमीफाईनल खेलमा माहिका राणाले सुभांगीलक्ष्मी शाहलाई ४–६, ६–१ र ६–२ ले पराजित गरी फाईनलमा प्रवेश गरेका छन् ।
त्यस्तै ईन्टर गभरमेन्ट डबलतर्फको सेमीफाईनल खेलमा उत्तम बोगटी र अमित गुरुङ्गको जोडिले प्रेम कुमार शाही र नरेन्द्र कुमार सिंहको जोडिलाई ६–१ र ६–० ले पराजित गरी फाईलनमा प्रवेश गरेका छन् ।

  चैत्र ७  गते राती  ०१:३५ बजेको समयमा सुनसरी जिल्लाको  बराहक्षेत्र नगरपालिका -१  स्थित सप्तकोशी नदिको किनारबाट सुरक्षा बेश चतराले  डुंगामा लैजादै गरेको करिब १ सय ६४  किलो गाँजा  बरामद गरेको छ ।

गृहसचिव एकनारायण अर्यालको प्रमुख आतिथ्यमा प्रधान कार्यालयमा संचालन भएको ‘वरिष्ठ अधिकृत सम्मेलन, २०८०’ को चैत्र ६ गते समापन भएको छ । सो सम्मेलन यही चैत्र ४ गतेदेखि संचालन भएको थियो । 

पश्चिम रुकुम जिल्लाको सानोभेरी गाउँपालिका–३ स्थित कमैदेमा लगाईएको अफिम खेती चैत्र ६ गते नष्ट गएिको छ ।
उक्त स्थानको करीव २८ रोपनी जग्गामा अफिम खेती लगाईएको भन्ने जानकारी पाएपश्चात नं. ४७ पश्चिम रुकुमबाट खटिएको सुरक्षा फौजले नष्ट गरेको हो ।    

चैत्र ४ गतेदेखि हराईरहेका बीरबहादुर बि.क.को शव गोताखोरले ६ गते ब्रम्हायणी नदिमा फेला पारेको छ ।
सिन्धुपाल्चोक जिल्लाको बलेफी गाउँपालिका २ कल्लेरी बस्ने बि.क.को शव नं. २० विपद् उद्धार गण सिनामंगलबाट खटिएको गोताखोरले मंगलबार दिउँसो सोही नदीको करीव २० फिट गहिराइबाट निकालेको  हो ।

सुनसरी जिल्लाको बर्जु गाँउपालिका ४ ईटहरीस्थित सीमा ईलाकाबाट फागुन ५ गते ५५ किलो गाँजा बरामद भएको छ ।
  नेपालबाट भारततर्फ लैजाँदै गरेको अवस्थामा बिओपी हर्वेनी र बिओपी अमडुवाको सुरक्षा फौजले गाँजा बरामद गरेको हो ।
 

माननीय उपप्रधान मन्त्री एवं गृहमन्त्री रवि लामिछानेले चैत्र ४ गते आईतबार सशस्त्र प्रहरी बल नेपाल प्रधान कार्यालयको निरीक्षण भ्रमण गर्नुकासाथै बरिष्ठ अधिकृत सम्मेलनको समुद्घाटन समेत गर्नुभएको छ ।
निरीक्षण भ्रमणको क्रममा उहाँले सम्पुर्ण राष्ट्रसेवक कर्मचारीहहरुलाई समयसापेक्ष निर्देशन दिनुभएको थियो । कार्यक्रममा गृहसचिव एकनारायण अर्याल लगायत गृहमन्त्रालयका अन्य पदाधिकारीहरुको समेत उपस्थिती रहेको थियो ।  

चितवन जिल्लाको भरतपुर महानगरपालिका ३ पुलचोकस्थित नारायणी पुलबाट नदीमा हामफालेकी महिलाको चैत्र ४ गते अचेत अवस्थामा उद्धार गरिएको छ ।
हामफालेको केही बेरमै उनलाई नं. १७ गण चितवनको आईआरटी टोलीले सिभिल बोटको सहयोगमा उद्धार गरी उपचारको लागि भरतपुर अस्पतालतर्फ पठाएको छ ।
त्यस्तै सुनसरी जिल्लाको ईटहरी उपमहानगरपालिका ८ ढोकापुलस्थित सप्तकोशीको चतरा खनार नहरमा बेपत्ता भएका किशोरको शव सशस्त्र प्रहरीले चैत्र ४ गते फेला पारेको छ ।
सोही स्थानमा डेरा गरी बस्ने १८ वर्षिय अम्बिराज राई नुहाउने क्रममा उक्त नहरमा डुवेर बेपत्ता भएका थिए ।
सो घटनाबारे जानकारी पाउनासाथै नं. १ बराह बाहिनी मुख्यालय सुनसरी र सुरक्षा बेस दुहवीबाट खटिएको गोताखोरसहितको सुरक्षा फौजले उनको शव फेला पारेको हो ।

‘१२औँ सहबीर राष्ट्रिय खुल्ला लन टेनिस प्रतियोगिता, २०८०’ चैत्र ४ गतेदेखि संचालन भएको छ ।
नेपाल एपीएफ क्लबको आयोजनामा संचालन भएको प्रतियोगिताको सशस्त्र प्रहरी अतिरिक्त महानिरीक्षक चन्द्रप्रकाश गौतमले लन टेनिसका मुख्य रेफ्री सुर्यभुषण बज्रचार्यलाई टेनिस बल हस्तान्तरण गरी शुभारम्भ गर्नुभएको थियो ।

.

नं. ४ गण सुनसरीले पूर्वक्षेत्रिय सशस्त्र प्रहरी बल नेपाल अस्पताल पकलीको समन्वय तथा जिल्ला अस्पताल ईनरुवा र जिल्ला जन स्वास्थ्य कार्यालय सुनसरीको सहयोगमा चैत्र ४ देखि ९ गतेसम्म ‘आन्तरिक स्वास्थ्य शिविर’ संचालन भएको छ ।
सशस्त्र प्रहरी कर्मचारीहरुको विस्तृत स्वास्थ्य परिक्षण गरी स्वास्थ्य अवस्थाको बारे रेकर्ड अध्यवधिक गर्ने तथा परामर्श दिने उद्देश्यले संचालन गरिएको कार्यक्रममा नं. ४ गण सुनसरी र मातहत कार्यालयका सशस्त्र प्रहरी कर्मचारीहरुको सहभागी रहने छ ।

नेपाल एपीएफ क्लवको आयोजनामा चैत्र ४ देखि ९ गतेसम्म ‘‘१२ औँ सहवीर स्मृति लन टेनिस प्रतियोगिता, २०८०’’ संचालन हुने भएको छ । लन टेनिस प्रतियोगिताका सम्पूर्ण खेलहरु  ITF    र  NTA    को नियम अनुसार संचालन हुने र ११ वटा इभेन्ट्सहरु समावेश गरिएको सो प्रतियोगिताको कुल पुरस्कार राशी ५ लाख २७ हजार रुपैयाँ रहेको छ । प्रतियोगितामा सहभागी हुने खेलाडीहरुको आवेदन फारम नेपाल एपीएफ क्लव हलचोक, नेपाल टेनिस संघ सातादोवाटो, काठमाडौ जिल्ला टेनिस संघ दशरथ रंगशाला तथा सशस्त्र प्रहरी बल नेपालको वेभसाइट  www.apf.gov.np बाट प्राप्त गर्न सकिने छ । प्रतियोगितामा सहभागी हुनको लागि कम्तीमा १४ बर्ष पुरा भएको हुनुपर्ने र कुनै पनि खेलाडीले २ वटा भन्दा बढि ईभेन्ट्‍मा भाग लिन पाईने छैन । प्रतियोगिता सम्बन्धी कुनै पनि जिज्ञासा तथा जानकारीको लागि सशस्त्र प्रहरी निरीक्षक बिजय कुमार के.सी.को मोवाइल नं. ९८५११६०९०० र टेनिस अफिसियल ईन्द्रकला श्रेष्ठको मोबाईल नं. ९८०५३४१२९४ मा सम्पर्क गर्न सकिने छ ।

रौतहत जिल्लाको परोहा नगरपालिका ९ खापस्थित आई.एम.ई.का संचालक नितेश साहलाई गोली हानी भाग्दै गरेका तीन जनालाई सशस्त्र प्रहरीले चैत्र २ गते नियन्त्रणमा लिएको छ ।
आई.एम.ई.का संचालक साहलाई गोली हानी मोटरसाईकलमा भाग्दै गरेको अवस्थामा उनीहरुलाई बिओपी रामपुरखापबाट घिउरा नाकामा खटिएको सुरक्षा फौजले सीमा ईलाकाबाट नियन्त्रणमा लिएको हो ।
सोही ठाउँको घिउरा बासवारीमा खानतलासी गर्दा एक नाल कटुवा पेस्तोल समेत फेला परेको छ ।

        सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन ३० गते
‘सीमा सुरक्षा तथा सीमावर्ती राजश्व चुहावट नियन्त्रण सम्बन्धी
अन्तरक्रिया, २०८०’ सम्पन्न भएको छ ।
         एपीएफ कमाण्ड तथा स्टाफ कलेजले प्रधान कार्यालयमा आयोजना गरेको
अन्तरक्रिया कार्यक्रममा सीमा अपराध तथा सीमावर्ती राजश्व चुहावट
नियन्त्रणमा केन्द्रित रहि सीमा व्यवस्थापन गरेर राजश्व चुहावटलाई कसरी
नियन्त्रण गर्न सकिन्छ भन्ने विषयमा छलफल भएको थियो ।

        मकवानपुर जिल्लाको राक्सिराङ गाउँपालिका–९ स्थित कान्द्राङमा फागुन २८
गते करीव ५ बिगाह क्षेत्रमा लगाईएको अफिम खेती नष्ट गरिएको छ ।
        नं. १४ गण मकवानपुर, स्थानीय प्रहरी र राष्ट्रिय अनुसन्धान जिल्ला
कार्यालयको संयुक्त टोलीले नष्ट गरेको हो । साथै फागुन २९ गते सोही
गाउँपालिकाको रुन्चेवाङ्ग ईलाकामा समेत अफिम खेती नष्ट गर्ने कार्य भई
रहेको छ ।

        पाथिभरा जवान तालिम शिक्षालय झापाको २१औँ स्थापना दिवस सशस्त्र प्रहरी
अतिरिक्त महानिरीक्षक चन्द्र प्रकाश गौतमको प्रमुख आतिथ्यमा फागुन २९ गते
विविध कार्यक्रम गरी सम्पन्न भएको छ ।
        कार्यक्रममा अतिरिक्त महानिरीक्षक गौतमले स्थापना दिवसको अवसरमा संचालन
गरिएको विभिन्न खेलकुद प्रतियोगिताका विजयी टिम तथा खेलाडी, उत्कृष्ट
कार्य गर्ने सशस्त्र प्रहरी कर्मचारीहरु र शिक्षालयलाई सहयोग
पु¥याउनुहुने संघसंस्था तथा महानुभावहरुलाई पुरस्कार तथा प्रशंसापत्र
प्रदान गर्नुभएको थियो ।
        स्थापना दिवसको अवसरमा शिक्षालयले विभिन्न धार्मिक तथा सार्वजनिक स्थलको
सरसफाई, शारीरिक तथा व्यवसायिक प्रतियोगिता र जनचेतनामुलक कार्यक्रम समेत
आयोजना गरेको थियो ।
         कार्यक्रममा कमल गाउँपालिकाका अध्यक्ष हुकुम सिंह राई, दमक नगरपालिकाका
उप–प्रमुख रेगिना भट्टराई प्रसाई, झापा जिल्लाका प्रमुख जिल्ला अधिकारी
बन्धु प्रसाद बास्तोला लगायत नेपाली सेना, सशस्त्र प्रहरी, नेपाल
प्रहरीका अधिकृत तथा विभिन्न संघसंस्थाका महानुभाव र संचारकर्मीहरुको
समेत उपस्थिती रहेको  थियो ।

        नं. ४ गण सुनसरी र सशस्त्र सीमा बल (एसएसबी) ४५ बटालियन बिरपुर बीच
फागुन २८ गते मैत्रीपूर्ण भलिबल प्रतियोगिता सम्पन्न भएको छ ।
प्रतियोगितामा सशस्त्र सीमा बल (एसएसबी) ४५ बटालियन बिरपुरले नं. ४ गण
सुनसरीलाई ३–१ सेटले पराजित गरेको थियो ।

नं. १ बराह बाहिनी मुख्यालय पकली सुनसरीले
आयोजना गरेको ‘बाहिनीपति कप प्रतियोगिता–२०८०’को उपाधी नं. ४ गण सुनसरीले
जितेको छ । संगठनको पेशागत गतिविधी अन्तर्गत सो प्रतियोगिता फागुण २२
देखि २५ गतेसम्म संचालन गरिएको थियो ।
 

‘सीमाबासीसँग सशस्त्र प्रहरी कार्यक्रम’ अन्तर्गत सशस्त्र प्रहरी परिवार महिला संघले नेपाल एपीएफ अस्पताल बलम्वु र परोहा नगरपालिका तथा प्रादेशिक अस्पताल रौतहटको सहकार्यमा फागुन २६ गते रौतहटको परोहा नगरपालिका ४ लौकाहास्थित ब्रहमज्योती माध्यमिक विद्यालयमा निःशुल्क स्वास्थ्य शिविर संचालन गरेको छ ।
 

        सुनसरी जिल्ला बर्जु गाँउपालिका वडा नं. ४ मा बोर्डर आउट पोष्ट
हर्वेनीको फागुन २३ गते  विधिवत रुपमा उद्घाटन भएको छ ।
        नं १ बराह बाहिनी मुख्यालय पकलीका बाहिनीपति सशस्त्र प्रहरी नायव
महानिरीक्षक अन्जनी कुमार पोखरेलले बोर्डर आउट पोष्टको उद्घाटन गर्नु
भएको हो ।

        बारा जिल्लाको जितपुर सिमारा उपमहानगरपालिका २२ स्थित तीन नम्बर पुल
नजिकै फागुन २२ गते यात्रुबाहक बस दुर्घटना भएको छ ।
        पुर्व पश्चिम सडक खण्डमा नारायणघाटबाट जनकपुरतर्फ जादै गरेको ना ६ ख
९०३० नम्बरको यात्रुवाहक बसको गति अनियन्त्रीत भई सडक बाट ५० मिटर तल
खसेको थियो ।
        सो बसमा सवार घाईते भएका यात्रुहरुलाई नं १४ गण मकवानपुरबाट खटिएको
सुरक्षा फौजले उद्धार गरी उपचारको लागि हटौडा अस्पतालतमा पुर्याइएको छ ।

        बारा जिल्लाको बिश्रामपुर गाउँपालिका १ स्थित बंगरी खोला सीमा ईलाकाबाट
फागुन २३ गते सशस्त्र प्रहरीले लागुऔषध सहित एक जनालाई नियन्त्रणमा लिएको
छ ।
         भारतबाट नेपालतर्फ आउँदै गरेको भारतीय नागरिक बर्ष २२ को सोनु कुमार
साहलाई फरवार्ड सुरक्षा बेश छतवाबाट खटिएको टोलीले शंका लागि चेकजाँच
गर्ने क्रममा २ सय ३२ बोतल प्रतिवन्धित ओनरेक्स लागुऔषध फेला पारेको हो ।
        बरामद लागुऔषध सहित निज साहलाई आवश्यक कारवाहीको लागि ईलाका प्रहरी
कार्यालय बारामा बुझाइएको छ ।

फागुन २१ गते मनाङ जिल्लाको मनाङ ङिस्याङ गाउँपालिका १ स्थित पिसाङ र
ढुकुरपोखरीको बीचमा पर्ने खाङ्सार चामे सडकखण्ड  खुलाउन परिचालित नं. ३२
गुल्म मनाङको  फौज ।

   पश्चिम नवलपरासी जिल्लाको सुस्ता गाउंपालिका–१ बरुवाबाट फागुन २१ गते
करिब २ हजार बोरा चिनी र केराउ बरामद भएको छ ।
        गोदाममा लुकाइराखेको ५० र ३० किलोको बोरामा रहेको २ सय बोरा भन्दा
बढी चिनी र १ हजार ७ सय बोरा भन्दा बढी केराउ नं. २६ गण पश्चिम
नवलपरासीले बरामद गरेको हो ।
         यसैगरी सुस्ता गाउँपालिका–५ वनकट्टीबाट फागुन २२ गते विहान सोही
गणले ६७ बोरा प्याज समेत बरामद भएको छ ।
        बरामद चिनी, केराउ र प्याज आवश्यक कारवाहीको लागि महेशपुर भन्सार
कार्यालय पश्चिम नवलपरासीमा बुझाइएको छ ।
 

उदयपुर जिल्लाको त्रियुगा नगरपालिका ११ स्थित रमिते डाँडाबाट प्याराग्लाइडिङ गर्नेक्रममा सालको रुखमा अड्किएका दुई जना प्याराग्लाइडरको सकुशल उद्धार गरिएको छ ।

स्थानीय बासिन्दा तथा अन्य सुरक्षा निकायको सहयोगमा नं. ५ गणको विपद् व्यवस्थापन तालिम प्राप्त फौजले रोप रेस्क्यु विधि अपनाई उनीहरुको उद्धार गरेको हो ।

एपीएफ कमाण्ड तथा स्टाफ कलेजको ९औं स्थापना दिवस सशस्त्र प्रहरी
महानिरीक्षक राजु अर्यालको प्रमुख आतिथ्यमा फागुन २० गते विविध कार्यक्रम
गरी सम्पन्न भएको छ । स्थापना दिवसको अवसरमा सशस्त्र प्रहरी महानिरीक्षक
अर्यालले उत्कृष्ट कार्य गर्ने सशस्त्र प्रहरी कर्मचारी तथा अवकास
प्राप्त सशस्त्र प्रहरी कर्मचारीहरुलाई IG APF Commendation तथा
प्रशंसापत्र प्रदान गर्नुको साथै आन्तरिक रुपमा आयोजित विभिन्न खेलकुद
प्रतियोगिताका बिजय खेलाडी तथा समूहलाई पुरस्कार समेत प्रदान गर्नुभएको
थियो ।
 

        सुनसरी जिल्लाको कोशी गाउँपालिका–८ तिनकुनेस्थित मुख्य नाकामा फागुन १८
गते राष्ट्रिय झण्डोत्तलन गरिएको छ । नेपाल–भारत सीमामा रहेका मुख्य सीमा
स्तम्भ, मुख्य नाका र सीमा क्षेत्रमा रहेका सशस्त्र प्रहरी बल नेपालका
पोष्टहरुमा राष्ट्रिय झण्डा राख्ने कार्यक्रमको पहिलो चरण अन्तर्गत मुख्य
नाकामा झण्डोत्तलन गरिएको हो ।

 

        पर्सा जिल्लाको वीरगंज महानगरपालिका ५ कुमालटोलबाट फागुन १६ गते करीव ४
लाख ३२ हजार रुपैयाँ बराबरको किराना सामान बरामद भएको छ ।
        भारतबाट अबैध रुपले ल्याई सोही ठाउँको एकतले घरमा भण्डार गरी राखेको
किराना सामान प्रस्तावित सीमा सुरक्षा गुल्म वीरगंजले बरामद गरेको हो ।
        बरामद सामान वीरगंज भन्सार कार्यालयमा बुझाईएको छ ।   

        कैलाली जिल्लाको धनगढी उपमहानगरपालिका २ स्थित नम्बर २ घाट सीमा
ईलाकाबाट फागुन १६ गते करीब ७ लाख ९८ हजार रुपैयाँ बराबरको सामानसहित ४
जना व्यक्तिलाई नियन्त्रणमा लिईएको छ ।
        प्रस्तावित सीमा सुरक्षा गुल्म त्रिनगरले लत्ताकपडा तथा इलेक्ट्रोनिक्स
सामानसहित नियन्त्रणमा लिइएकाहरुलाई बरामद सामानसहित आवश्यक कारवाहीको
लागि भन्सार कार्यालय त्रिनगरमा बुझाएको छ ।

        सुनसरी जिल्लाको देवानगन्ज गाउँपालिका–४ यादव टोलबाट फागनु १५ गते करीव
७२ के.जी. गाँजा बरामद भएको छ ।
        नेपालबाट अवैध रुपले भारततर्फ लैजाँदै गरेको २ बोरा गाँजा प्रस्तावित
सीमा सुरक्षा गुल्म कप्तागन्जले बरामद गरेको हो ।
        बरामद गाँजा आवश्यक कारवाहीको लागि ईलाका प्रहरी कार्यालय देवानगन्जमा
बुझाईएको छ ।

       नं. ९ पशुपतिनाथ बाहिनी मुख्यालय बलम्बु, काठमाडौँको आयोजना र
चन्द्रागिरी हिल्स लिमिटेडको सहकार्यमा चन्द्रागिरीमा फागुन १५ गते
केवलकार आपतकालीन उद्धार अभ्यास–२०८० सम्पन्न भएको छ ।
        प्राकृतीक तथा यान्त्रिक खरावीका कारण केवलकारमा सवार यात्रुहरु विच
बाटोमै रोकिन सक्ने जोखिमको सम्भावना अत्याधिक रहने र यसरी रोकिएका
यात्रुहरुलाई निश्चित समयमै उद्धार गर्न उद्धारकर्ताले अपनाउनु पर्ने
उद्धार उपायको लागि अभ्यास गरिएको हो ।

         नेपाल भारत सीमाना अन्तर्गत सुनसरी जिल्लाको सीमानामा ५ दिने पैदल
यात्रा तथा सीमावासी सँग अन्तरक्रिया कार्यक्रम संचालन भएको छ ।
        जिल्ला प्रशासन कार्यालय सुनसरीको आयोजना र नं. ४ गणको व्यवस्थापनमा सो
जिल्लासँग सीमा जोडिएका इलाकाहरुमा अनुगमन गर्ने तथा सीमा सरोकारका
विषयहरुमा छलफल गर्ने उद्देश्यले फागुन १२ गतेदेखि संचालन गरिएको सो
कार्यक्रम फागुन १६ गतेसम्म चल्ने छ ।

         पर्सा जिल्लाको बिरगंज महानगरपालिका– २५ बहुअरीबाट फागुन १२ गते
शंकास्पद विलविजक भएको ७० लाख रुपैयाँ बराबरको लत्ताकपडा र ट्रक
नियन्त्रणमा लिईएको छ ।
        बिरगंजबाट काठमाडौँतर्फ आउँदै गरेको ना. ८ ख ३९७८ नम्बरको ट्रकमा लोड
गरी ल्याउँदै गरेको लत्ताकपडाको विलविजक शंकास्पद देखिएपछि प्रस्तावित
सीमा सुरक्षा गुल्म अलौले ट्रकसहित नियन्त्रणमा लिएको हो ।
        लत्ताकपडाको ७० लाख र ट्रकको अन्दाजी मुल्य ४० लाख मुल्यांकन गरी
आवश्यक कारवाहीको लागि राजश्व अनुसन्धान कार्यालय पथलैया बारामा बुझाईएको
छ ।

        कास्की जिल्ला पोखरा महानगरपालिका– १७ महतगौडास्थित सेती नदिमा माछा
मार्ने क्रममा बेपत्ता एकको शव निकालिएको छ, भने एकको खोजिकार्य जारी छ ।
       माछा मार्न गएका ५ जनामध्ये  सोही महानगरपालिका– १ कसेरी बस्ने ४०
बर्षका मृत मंगा तामाङ्ग ढुङ्गामा अड्किएको अवस्थामा नं. २४ कालिका गण
कास्कीबाट गएको गोताखोर र बिपद् उद्धार टिम सहितको फौजले गए राती पौने १
बजे शव निकालेको छ ।
        सोही ठाउँ बस्ने ४३ बर्षका रक्सेस तामाङ्गको गोताखोर र बिपद् उद्धार
टिमले  खोजी कार्य जारी राखेको  छ । शव पोस्टमार्टमको लागि पश्चिमाञ्चल
स्वास्थ्य विज्ञान प्रतिष्ठान  पठाएको छ  । माछा मार्न गएका अन्य ३ जना
भने सकुशल रहेका छन् ।

         कास्की जिल्लाको माछापुच्छ्रे गाउँपालिका १ मिर्सा भन्ने ठाउँको भिरबाट
खसेकी २१ वर्षिया पर्यटक Pia Joos को शव फेला परेको छ ।
        पोखरा फर्कने क्रममा शनिबार साँझ अर्का एक पर्यटकले आफ्नो जर्मन केटि
साथी भिरबाट खसेको भन्ने जानकारी गराएपछि नं. २४ कालिका गण कास्कीबाट
उनको खोजी तथा उद्धारको लागि सुरक्षा फौज परिचालन भएको थियो ।
        खोज तथा उद्धारको क्रममा आईतबार बिहान उनको शव रुखमा अड्किएको अवस्थामा
फेला परेको  हो ।

        सुनसरी जिल्लाको बराहक्षेत्र नगरपालिका–१ चतराबाट फागुन १३ गते
गाँजासहित को १ च २९३७ नम्बरको एम्बुलेन्स नियन्त्रणमा लिईएको छ ।
        चतराबाट सुर्यकुण्ड जाने भित्री सडकखण्डमा शंकास्पद अवस्थामा रोकी
राखेको सो एम्बुलेन्सभित्र ९ वटा पोकामा रहेको २७३.१३० के.जी. गाँजा
सुरक्षा बेश चतराले नियन्त्रणमा लिएको हो ।
        बरामद गाँजा तथा एम्बुलेन्स आवश्यक कारवाहीको लागि ईलाका प्रहरी
कार्याल्य महेन्द्रनगर चक्रघट्टीमा बुझाईएको छ ।

धनुषा जिल्लाको विभिन्न स्थानबाट करीव ८ लाख रुपैयाँ बराबरको चोरीपैठारीको सामान बरामद भएको छ ।
भारतबाट अवैध रुपले नेपालतर्फ ल्याउँदै गरेको उल्लेखित मुल्यको सामान नं. ८ गण धनुषा र मातहतका इकाईहरुले बरामद गरेको हो । बरामद सामानहरुमा खाद्यन्न, लत्ताकपडा, कस्मेटिक, किराना तथा हार्डवयरका सामान र मदिरा समेत रहेका छन् ।
बरामद सामान आवश्यक कारवाहीको लागि सम्बन्धित निकायमा बुझाईएको छ

नेपाली सेनाको सैनिक कमाण्ड तथा स्टाफ कलेज शिवपुरीमा संचालित सि.सं. ३० कमाण्ड तथा स्टाफ कोर्समा तालिमरत  प्रशिक्षार्थी अधिकृतहरूले फागुन ८ गते सशस्त्र प्रहरी बल नेपाल प्रधान कार्यालयको अवलोकन भ्रमण गर्नुभएको छ ।
अवलोकन भ्रमणमा प्रशिक्षार्थी अधिकृतहरूले प्रधान कार्यालयस्थित संग्रहालय  र विपद् व्यवस्थापनमा प्रयोग हुने सामाग्रीहरुको समेत  अवलोकन गर्नुभएको थियो ।

नेपाल एपीएफ स्कुल कीर्तिपुरको आयोजनामा भएको ‘प्रथम NAPFS अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिता–२०८०’ को उपाधि नेपाल पुलिस स्कुल साँगाले जितेको छ ।
स्कुलको १९औँ स्थापना दिवस एवं प्रथम NAPFS अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिता सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन ८ गते सम्पन्न भएको हो ।
गत माघ २२ गतेदेखि संचालन भएको प्रतियोगितामा उपत्यकास्थित विभिन्न विद्यालयका १७ र काभ्रे जिल्लाबाट १ गरी कुल १८ विद्यालयका १९ टिमको  सहभागिता रहेकोे थियो ।

 नेपाल एपीएफ स्कुल कीर्तिपुरमा २०८० माघ २२ गतेबाट संचालन भएको प्रथम NAPFS अन्तर विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिता-२०८० अन्तर्गत मिति २०८०/११/०५ गते सम्पन्न सेमिफाईनल खेलहरुमा नेपाल एपीएफ स्कुल कीर्तिपुर (क) ले मनकामना सेकेण्डरी स्कुल जोरपाटीलाई ४-० गोल र नेपाल पुलिस स्कुल,साँगाले सैनिक आवासीय महाविद्यालय, सल्लाघारीलाई ट्राइवेकरमा ३-२ गोल अन्तरले पराजित गरी फाइनलमा प्रवेश गरेका छन्। 

मिति २०८० फागुन ०३ गते पूर्व–पश्चिम राजमार्ग अन्तर्गत कपिलबस्तु जिल्लाको शिवराज नगरपालिका १ स्थित सुरही खोलामा भएको यात्रुवाहक बस दुर्घटनामा परी घाईते तथा मृत्यू भएका व्यक्तिहरुको उद्धार गर्दै सशस्त्र प्रहरी । 

नं. १९ बगलामुखी (विशेष कार्यदल) गणमा संचालित सि.सं. ४८ विशिष्ट व्यक्ति सुरक्षा तालिम (जु.अ. तथा अन्य दर्जा) को फागुन २ गते सशस्त्र प्रहरी नायव महानिरीक्षक किशोर प्रधानको प्रमुख आतिथ्यमा सम्पन्न भएको छ ।
यसैगरी सोही मितिबाट गणमा संचालन हुने सि.सं. ४९ विशिष्ट व्यक्ति सुरक्षा तालिमको सशस्त्र प्रहरी उपरीक्षक समिक कुमार महर्जनले उद्घाटन गर्नुभएको छ ।

सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन २ गते नेपाल एपीएफ अस्पताल बलम्वुको २२औँ वार्षिकोत्सव सम्पन्न भएको छ ।
सोही अवसरमा अस्पताल परिषरमा नवनिर्मित इमरजेन्सी भवनको उद्घाटन गर्नुकासाथै पूर्व सशस्त्र प्रहरी महानिरीक्षक स्व. सहवीर थापाको स्मृतीमा स्थापना गरिएको ‘सहवीर थापा अन्कोलोजी युनिट’को समेत महानिरीक्षक अर्याल र सशस्त्र प्रहरी परिवार महिला संघकी पूर्व केन्द्रिय अध्यक्ष श्रीमती कल्पना थापाले संयुक्त रुपमा उद्घाटन गर्नुभएको छ ।

        चितवन जिल्लाको माडी गाउँपालिका–९ राई टोलस्थित सशस्त्र प्रहरी बल नेपाल
बोर्डर आउट पोष्ट कान्छी बगहिको प्राङ्गगणमा माघ २७ गते निःशुल्क
स्वास्थ्य शिविर संचालन गरिएको छ ।
        ‘सीमावासीसँग सशस्त्र प्रहरी कार्यक्रम तथा नं. १७ गण चितवनको १४औँ
स्थापना दिवस २०८०’ को अवसरमा जिल्ला जनस्वास्थ्य कार्यालय चितवन र नेशनल
सिटी अस्पताल भरतपुरको सहयोगमा निःशुल्क स्वास्थ्य शिविर संचालन गरेको हो
।
        शिविरमा महिला, पुरुष, बृद्ध तथा बालबालिका गरी जम्मा १ सय ६१ जनाको
ई.सी.जी., जनरल फिजिसियन, अर्थोपेडिक, स्त्री तथा प्रशुती रोग, बाल रोग,
नाक, कान तथा घाटीको जाँच गरिएको थियो ।

        नेपाल सरकार भौतिक योजना तथा यातायात मन्त्रालय अन्तर्गतको राष्ट्रिय
सडक सुरक्षा परिषद् र सशस्त्र प्रहरी बल नेपालबीच माघ २५ गते Post Crash
Response and Care Service Model को समझदारी पत्रमा हस्ताक्षर भएको छ ।
        सशस्त्र प्रहरी महानिरीक्षक राजु अर्यालको उपस्थितीमा नेपाल सरकारको
भौतिक योजना तथा यातायात मन्त्रालयका सह–सचिव एवं राष्ट्रिय सडक सुरक्षा
परिषद्का सदस्य सचिव कृष्णराज पन्त र सशस्त्र प्रहरी बल नेपालको तर्फबाट
नेपाल एपीएफ अस्पतालका प्रमुख प्राविधिक सशस्त्र प्रहरी नायव महानिरीक्षक
डा. रुपक महर्जनले सम्झौता पत्रमा हस्ताक्षर गर्नुभएको हो ।
        प्रोजेक्ट संचालन पश्चात नागढुङ्गा–नौबिसे–मुग्लिङ्ग सडकखण्डमा
दुर्घटनामा परेकाहरुको उद्वार, घाईतेहरुको उपचार स्थलगतमै तुरुन्तै हुने,
अनाश्यक मृत्यु र अंगभंगमा समेत उल्लेख्य कमी आउने र स्थानीय सबै
स्वास्थ्य संस्थाहरुमा ट्रमा सम्बन्धि तालिम एवं मेडिकल सामाग्री तथा
उपकरणहरु समेत थप हुनेछ ।

पर्सा जिल्लाको विभिन्न स्थानबाट ४२ लाख भन्दा बढी मुल्यको प्याजसहित दुई
वटा पिकअप गाडी नियन्त्रणमा लिइएको छ ।
बिरगंज महानगरपालिका –२६ सुगौलीस्थित विर्ताबाट माघ २४ गते करीव २१ लाख
१६ हजार रुपैयाँ बराबरको प्याज र एउटा पिकअप गाडी नियन्त्रणमा लिईएको हो ।
प्रदेश २–०३–००१ च ५९३५ नम्बरको पिकअप गाडीमा राखी विन्दावासिनीबाट
बिरगंजतर्फ ल्याउँदै गरेको २ हजार ९ सय १० किलो प्याज प्रस्तावित सीमा
सुरक्षा गुल्म अलौले नियन्त्रणमा लिएको हो ।
त्यस्तै सोही  महानगरपालिका– २५ चण्डाल चोकबाट माघ २३ गते करीव २१ लाख १३
हजार रुपैयाँ बराबरको प्याज र गाडी नियन्त्रणमा लिइएको छ ।
प्रदेश २–०३–००१ च ६२०३ नम्बरको पिकअप गाडीमा राखी बिन्दवासिनीबाट
बिरगंजतर्फ ल्याउँदै गरेको २ हजार ८ सय ३० किलो प्याज बिओपी ड्राईपोर्टले
नियन्त्रणमा लिएको हो ।
बरामद प्याज तथा दुईवटै गाडी आवश्यक कारवाहीको लागि बिरगंज भन्सार
कार्यालय पर्सामा बुझाईएको छ ।
 

सशस्त्र प्रहरी महानिरीक्षक राजु अर्यालको प्रमुख आतिथ्यमा प्रधान
कार्यालय हलचोक स्वयम्भुमा बुधबार एपीएफ नेपाल ब्याण्ड र ब्रिटिस गोर्खा
ब्याण्ड बीच संयुक्त सांगितीक प्रस्तुती सम्पन्न भएको छ ।
कार्यक्रममा दुवै देशको राष्ट्रिय गानसहित विभिन्न गितहरुको सुमधुर
सांगितीक धुनहरु प्रस्तुत गरिएको थियो ।

        धनुषा जिल्लाको जनकपुर उपमहानगरपालिका २४ स्थित बसैया ईलाकाबाट माघ २४
गते करीव २ लाख ५२ हजार रुपैयाँ बराबरको चोरीपैठारीको मोवाईल सेटसहित
एउटा मोटरसाईकल नियन्त्रणमा लिइएको  छ ।
        भारतबाट ज ४ प ७४९६ नम्बरको मोटरसाईकलमा सवार व्यक्तिले अवैध रुपले
नेपालतर्फ ल्याउँदै गरेको मोवाईल सेट नं. ८ गण धनुषाले नियन्त्रणमा लिएको
हो ।
        बरामद मोवाईल सेट तथा मोटरसाईकल जनकपुर भन्सार कार्यालय धनुषामा बुझाईएको छ ।

नेपाल एपीएफ स्कुल कीर्तिपुरमा ‘प्रथम  NAPFS   अन्तर विद्यालय सशस्त्र प्रहरी महानिरीक्षक रनिङ्ग ट्रफि फुटबल प्रतियोगिता २०८०’ संचालन भएको छ ।
विद्यालय व्यवस्थापन समितिका अध्यक्ष सशस्त्र प्रहरी अतिरिक्त महानिरीक्षक चन्द्र प्रकाश गौतमले  माघ २२ गते सो प्रतियोगिताको उद्घाटन गर्नुभएको हो ।
प्रतियोगितामा उपत्यकास्थित विभिन्न विद्यालयका १७ र काभ्रे जिल्लाबाट १ गरी कुल १८ विद्यालयका १९ टिमको सहभागिता रहेको छ ।

      सशस्त्र प्रहरी परिवार महिला संघले धादिङको गजुरी गाउँपालिका–४ चौकी भञ्ज्याङस्थित चेपाङ बस्तीमा खाद्यान्न तथा न्यानो कपडा बितरण गरेको छ । संघकी अध्यक्ष श्रीमती अनिता लामिछाने अर्यालको प्रमुख आतिथ्यमा ७८ घरधुरीलाई खाद्यान्न तथा न्यानो कपडा बितरण गरिएको हो ।    

   माघ १९ गते शुक्रबार आयोजित सो कार्यक्रममा गजुरी गाउँपालिकाका अध्यक्ष तथा उपाध्यक्ष, सशस्त्र प्रहरी बलका प्रवक्ता, सहायक प्रमुख जिल्ला अधिकारी, अन्य सुरक्षा निकायका प्रतिनिधि, स्थानीय जनप्रतिनिधिहरु तथा संघका पदाधिकारीहरुको समेत उपस्थिति रहेको थियो ।

        पर्सा जिल्लाको वीरगंज महानगरपालिका १६ स्थित भुटनदेवी मन्दिर नजिकैबाट
माघ १६ गते सशस्त्र प्रहरीले करीव ३६ लाख ४० हजार रुपैयाँ बराबरको
चोरीपैठारीको कस्मेटिक सामान र जुत्ता बरामद गरेको  छ ।
        भारतबाट अवैध रुपले साईकलहरुमा राखी ल्याउँदै गरेको कस्मेटिक सामान र
जुत्ता प्रस्तावित सीमा सुरक्षा गुल्म वीरगंजले बरामद गरेको हो । उक्त
सामान ल्याउने व्यक्तिहरु भने फरार भएका थिए ।
        बरामद सामान वीरगंज भन्सार कार्यालय पर्सामा बुझाईएको छ ।

        इलाम जिल्लाको सुर्योदय नगरपालिका २ स्थित दुईमाईल सीमा इलाकाबाट माघ १४
गते करिव ६ लाख ७५ हजार रुपैयाँ बराबरको चोरीनिकासीको ९ कार्टुन शिखर
चुरोट बरामद  भएको छ ।
        उक्त चुरोट नेपालबाट अवैध रुपले भारततर्फ लैजाँदै गरेको अवस्थामा
प्रस्तावित सीमा सुरक्षा गुल्म पशुपतिनगरले बरामद गरेको हो । चुरोट
लैजाँदै गरेका व्यक्ति भने गस्तीमा रहेको सुरक्षा फौजलाई टाढैबाट
देख्नासाथै सोही ठाउँमा छाडी फरार भएका थिए ।
        बरामद चुरोट पशुपतिनगर भन्सार कार्यालय इलाममा बुझाईएको छ ।
 

        सिरहा जिल्लाको बरियापट्टी गाउँपालिका ३ स्थित बरियारपट्टी सीमा
ईलाकाबाट माघ १४ गते ४ लाख ५३ हजार ८ सय ४० नेपाली रुपैयाँसहित एक जनालाई
नियन्त्रणमा लिएको छ ।
        भारतको मधुवनी जिल्ला जयनगर ५ बिहार घर बताउने ३७ वर्षिय अविजित
कुमारलाई बिओपी बरियारपट्टीले नियन्त्रणमा लिएको हो ।
        भारतबाट नेपालतर्फ आउँदै गरेका उनलाई गस्तीमा रहेको सुरक्षा फौजले जाँच
गर्दा उनको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिएको हो । बरामद भएको नेपाली रुपैयाँमा १ हजार दरको ४ सय ४६
वटा, ५ सय दरको १४ वटा, १ सयको ५ वटा, ५० को ६ वटा र २० को २ वटा नोट
रहेका छन्  ।
        बरामद रुपैयाँसहित उनलाई आवश्यक कारवाहीको लागि भन्सार कार्यालय
मार्डरमा बुझाईएको छ ।

        सम्माननीय प्रधानमन्त्री पुष्पकमल दाहाल ‘प्रचण्ड’ सशस्त्र प्रहरी बल,
नेपाल प्रधान कार्यालय हल्चोक स्वयम्भूमा मंगलबार आयोजित ‘२३औं सशस्त्र
प्रहरी दिवस २०८०’ विशेष सन्ध्याकालिन समारोहमा सरिक हुनुभएको छ ।
        सो अवसरमा सम्माननीय प्रधानमन्त्री प्रचण्डले अमर सशस्त्र प्रहरी
स्मारकमा पुष्पहार चढाउनुका साथै अमर सशस्त्र प्रहरीप्रति भावपूर्ण
श्रद्धाञ्जली अर्पण गर्नुभयो ।
        समारोहमा प्रधानमन्त्री प्रचण्डले अवकाश प्राप्त सशस्त्र प्रहरी नायव
महानिरीक्षक दिलीपकुमार श्रेष्ठलाई ‘एपीएफ लाईफ टाइम अचिभमेन्ट अवार्ड’
तथा यस वर्ष उत्कृष्ट बाहिनी हुन सफल सशस्त्र प्रहरी बल, नेपाल नं. २
छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायव
महानिरीक्षक दीपेन्द्र शाहलाई ‘उत्कृष्ट बाहिनी अवार्ड’ प्रदान गर्नुभयो।
सम्माननीय प्रधानमन्त्री प्रचण्डले उक्त विशेष समारोहमा सशस्त्र प्रहरी
बल, नेपालद्वारा प्रकाशित सचित्र पुस्तक "ARMED POLICE FORCE, NEPAL"  को
लोकार्पण समेत गर्नुभयो ।

२३औं सशस्त्र प्रहरी दिवस २०८०को अवसरमा माघ ७ गते नं. ४१ रिजर्भ गण चन्द्रौटा कपिलवस्तुले वक्तित्वकलाको आयोजना गरेको छ । प्रतियोगितामा गोर्खा मोडेल सेकेण्डरी बोर्डिङ्ग स्कुलका छात्र प्रथम र सोही स्कुलका छात्रा द्वितीय तथा जईन्द्र बोर्डिङ्ग स्कुलका छात्रा तृतिय भएका छन् ।

        ‘२३औं सशस्त्र प्रहरी दिवस–२०८०’को अवसरमा प्रधान कार्यालय हल्चोक
स्वयम्भुमा मंगलबार सशस्त्र प्रहरी महानिरीक्षक राजु अर्यालको प्रमुख
आतिथ्यमा प्रभातकालीन विशेष कार्यक्रम सम्पन्न भएको छ।
        सो अवसरमा महानिरीक्षक अर्यालले वर्ष जवान २०८०, IG APF Commendation,
एपीएफ सम्मान, उत्कृष्ट शिक्षालय, गण, गुल्म, ‘बेस्ट इन्टिग्रिटी अफिसर
अवार्ड, ‘राष्ट्रव्यापी खुला कविता प्रतियोगिताका उत्कृष्ट कविहरुलाई
पुरस्कार तथा प्रमाणपत्र प्रदान गर्नुभएको छ ।
        कार्यक्रममा सशस्त्र प्रहरी बल नेपाललाई सहयोग पुर्याउनुहुने
संघसंस्था, अवकाश प्राप्त सशस्त्र प्रहरी कर्मचारीहरुलाई कदर पत्र प्रदान
गर्नुका साथै विभिन्न कल्याणकारी योजनाको समेत प्रस्तुत गरिएको थियो ।

‘२३औँ सशस्त्र प्रहरी दिवस २०८०’को पूर्वसन्ध्यामा देशभरका इकाईहरुमा रक्तदान कार्यक्रम आयोजना गरिएको छ । नेपाल एपीएफ अस्पताल बलम्बुको आयोजनामा माघ ८ गते प्रधान कार्यालय तथा बाहिनी मुख्यालयहरु र मातहत इकाईहरुमा गरी कुल एक हजार ४७ जनाले रक्तदान गरेका छन् ।   प्रधान कार्यालय अन्तर्गत १ सय १५ जना सशस्त्र प्रहरी कर्मचारीहरुले रक्तदान गरेका छन् भने नं. १ बराह बाहिनी मुख्यालय सुनसरी तथा मातहतहरुबाट १ सय २० जना, नं. २ छिन्नामस्ता बाहिनी मुख्यालय  महोत्तरी तथा मातहत इकाईहरुबाट २ सय ४५ जना, नं. ३ गढीमाई बाहिनी मुख्यालय मकवानपुर तथा मातहत इकाईहरुबाट १ सय ९८ जनाले रक्तदान गरेका छन् ।
त्यस्तै नं. ४ मुक्तिनाथ बाहिनी मुख्यालय कास्की तथा मातहत ईकाहरुबाट ७० जना, नंं. ५ विन्ध्यावासिनी बाहिनी मुख्यालय रुपन्देही तथा मातहत इकाईहरुबाट १ सय ३१ जना, नं. ६ महेश्वरी बाहिनी मुख्यालय सुर्खेत तथा मातहत इकाईहरुबाट ३१ जना, नं. ७ बैद्यनाथ बाहिनी मुख्यालय कैलाली तथा मातहत इकाईहरुबाट १ सय ११ जना र नं. ९ पशुपतिनाथ बाहिनी मुख्यालय काठमाडौं तथा मातहत इकाईहरुबाट २६ जनाले रक्तदान गरेका छन् ।

२३औं सशस्त्र प्रहरी दिवसको अवसर पारेर काठमाडौं तारकेश्वर –५ गोलढुंगास्थित रुद्रमति किरियापुत्री धाम परिसरमा नवनिर्मित स्नानगृह समितिलाइ हस्तान्तरण गरिएको छ । नं. ९ पशुपतिनाथ बाहिनी मुख्यालयका बाहिनीपति सशस्त्र प्रहरी नायव महानिरीक्षक पुरुषोत्तम थापाले माघ ६ गते धामका अध्यक्ष नमराज चापागाईसहितको समितिलाई हस्तान्तरण गर्नुभएको हो । क्विक इम्प्याक्ट प्रोजेक्ट (QIP) अन्तर्गत नं. ९ पशुपतिनाथ बाहिनी र मातहत इकाईहरुको सामूहिक प्रयासबाट स्नानगृह निर्माण गरी हस्तान्तरण गरिएको हो ।

२३औं सशस्त्र प्रहरी दिवश २०८० को अवसरमा माघ ६ गते सशस्त्र प्रहरी परिवार महिला संघले शैक्षिक सामाग्री तथा न्यानो कपडा प्रदान गर्नुको साथै इच्छाकामना मन्दिर सरसफाई गरेको छ ।

     संघकी अध्यक्ष श्रीमती अनिता लामीछाने अर्यालले चितवन जिल्ला इच्छाकामना गाउँपालिका-३ स्थित राष्ट्रिय आधारभूत विद्यालय आलडाँडा चौतारामा अध्ययनरत चेपाङ्ग समुदायका ७८ जना विद्यार्थीहरुलाई शैक्षिक सामाग्री तथा न्यानो कपडा प्रदान गर्नुभयो।

     संघले सशस्त्र प्रहरी बल, नेपाल विपद् व्यवस्थापन तालिम शिक्षालय कुरीनटारसगँको सहकार्यमा सोही गाउँपालिका-४ स्थित इच्छाकामना मन्दिरको सरसफाई समेत गरेको थियो ।  

        २३औँ सशस्त्र प्रहरी दिवस २०८० को उपलक्ष्यमा सशस्त्र प्रहरी बल नेपाल र
संचारकर्मी वीच सशस्त्र प्रहरी बल नेपाल प्रधान कार्यालय हलचोकस्थित
एपीएफ रंगशालामा माघ ६ गते मैत्रीपूर्ण फुटबल खेल सम्पन्न भएको छ ।
        संचारकर्मीको टीमले सशस्त्र प्रहरी बल नेपालको टीमलाई २–१ को अन्तरले
जित हासिल गर्न सफल भएको छ ।

        २३औँ सशस्त्र प्रहरी दिवस २०८० को उपलक्ष्यमा नेपाल प्रहरी र सशस्त्र
प्रहरी विच मैत्रीपूर्ण फुटबल प्रतियोगिता भएको छ ।
        सशस्त्र प्रहरी बल नेपाल प्रधान कार्यालय हलचोकस्थित एपीएफ रंगशालामा
माघ ४ गते ३५ वर्ष भन्दा माथिका बरिष्ठ अधिकृत तथा अधिकृतहरुको सहभागिता
संचालन भएको मैत्रीपूर्ण फुटबल प्रतियोगितामा सशस्त्र प्रहरीको तर्फबाट
सशस्त्र प्रहरी महानिरीक्षक राजु अर्याल र नेपाल प्रहरीको तर्फबाट प्रहरी
अतिरिक्त महानिरीक्षक किरण बज्रचार्य टिम क्याप्टेन रहनु भएको थियो ।
        प्रतियोगितामा नेपाल प्रहरी र सशस्त्र प्रहरी बल नेपालको टीमबीच गोलरहित
बराबरीमा खेल सम्पन्न भएको छ  ।

       २३औं सशस्त्र प्रहरी दिवस २०८० को उपलक्ष्यमा पशुपतिनाथ मन्दिरमा दर्शन
गर्न आउने अशक्त भक्तजनहरुकोे सहजताको लागि माघ ३ गते नं. ९ पशुपतिनाथ
बाहिनी तथा मातहत युनिटहरुको तर्फबाट ह्वील चियर हस्तारन्तरण गरिएको छ ।
        नं. ९ पशुपतिनाथ बाहिनी मुख्यालय काठमाडौका बाहिनीपति सशस्त्र प्रहरी
नायव महानिरीक्षक पुरुषोत्तम थापाले पशुपति विकास कोषका सदस्य सचिव राजु
कुमार खत्रीलाई चार वटा ह्वील चियर हस्तान्तरण गर्नुभएको हो ।
        नायव महानिरीक्षक थापाले विश्व सम्पदा सूचिमा रहेको पशुपतिनाथ मन्दिर
हिन्दु धर्मालम्बी तथा भक्तजनहरुको धार्मिक आस्थाको देवता भएको हुँदा
मन्दिरको सुरक्षा, संरक्षण र सम्बद्र्धन गर्नु हामी सबैको दायित्व रहेको
बताउनुभयो ।
        जन सम्बन्धलाई थप प्रगाढ बनाउने संगठनको नीति अनुसार Quick Impact
Project (QIP) संचालन गर्ने योजना अन्तर्गत सो बाहिनी तथा मातहत
इकाईहरुको सामूहिक प्रयासबाट ४ वटा ह्वील चियर हस्तारन्तरण गरिएको हो ।
        साथै विगत ६ वर्षदेखि जिर्ण तथा भत्किएको अवस्थामा रहेको मन्दिर भित्रको
यज्ञशालामा टुटफुट भएका ढुंगाहरु तथा पर्खाल र मन्दिरको बाहिरी भागमा
ढुंगाहरु विछ्याई जिर्णोद्धार समेत गरिएको थियो ।         कार्यक्रममा काठमाडौं
महानगरपालिका वडा नम्बर ८ का अध्यक्ष आशामान संगत, बाहिनी मातहतका गणपति,
गुल्मपति लगायत सिनियर तथा जुनियर अधिकृत र विल्लादार जवानहरुको समेत
उपस्थिती रहेको थियो ।
 

       २३औँ सशस्त्र प्रहरी दिवस २०८० को उपलक्ष्यमा नेपाली सेना र सशस्त्र
प्रहरी विच मैत्रीपूर्ण फुटबल प्रतियोगिता भएको छ ।
        ३५ वर्ष भन्दा माथिका बरिष्ठ अधिकृत तथा अधिकृतहरुको सहभागिता रहेको
मैत्रीपूर्ण फुटबल प्रतियोगितामा सशस्त्र प्रहरीको तर्फबाट सशस्त्र
प्रहरी महानिरीक्षक राजु अर्याल र नेपाली सेनाको तर्फबाट उपरथी सन्तोष
कुमार ढकाल टिम क्याप्टेन रहनु भएको थियो ।
        प्रतियोगितामा नेपाली सेनाको टिमले सशस्त्र प्रहरी बल नेपालको टिमलाई
२–० को अन्तरले जित हासिल गरी विजयी भएको छ ।

माघ १ गते ललितपुर जिल्ला महालक्ष्मी नगरपालिका वडा नम्बर ३ खण्डा गार्मेन्ट नजिकै नविन टोलस्थित ईनारमा खसेकी एक महिलाको सकुशल उद्वार गरिएको छ ।
२८ बर्षकी नुतन प्रधान सोमबार बिहान घर कम्पाउण्ड भित्रको ईनारमा खसेपछि सशस्त्र प्रहरी बल नेपाल नं. २१ दक्षिणकाली गणबाट खटिएको विपद् व्यवस्थापन टोलीले अन्य सुरक्षा निकायको सहयोगमा  सकुशल उद्धार गरी पाटन अस्पताल लगिएको छ ।

       पौष २९ गते  नं. ३० बागेश्वरी गण  बाँके र मातहतका युनिटहरुले जिल्लाका विभिन्न स्थानहरुबाट काँस तथा पित्तलका भाँडा वर्तन, मोटरसाईकल पार्ट्स, लत्ताकपडा, किराना सामानहरु, फलफुल तथा विरुवाहरु र गाडीसहित अवैध कुखुराहरु गरी २० लाख ५ हजार ७ सय ८० बराबरको सामानहरु बरामद गरेको छ ।
नं. ३० गण बाँके, प्रस्तावित सीमा सुरक्षा गुल्म जमुनाह, बिओपी जयसपुर र बिओपी कालाबन्जरबाट  खटिएको टोलीले बाँके जिल्लाका विभिन्न स्थानहरुबाट भारतबाट अवैध रुपमा चोरीपैंठारी गरी नेपालतर्फ ल्याउदै गरेका रु.१ लाख ४१ हजार ८० मूल्य बरावर मोटरसाईकलका पार्ट्सहरु, करीव २ लाख ४२ हजार मूल्यको काँस तथा पित्तलका भांडाहरु, ९० हजार मुल्य बराबरका विभिन्न प्रकारका फलफूल तथा बिरुवाहरु र  ५२ हजार मूल्य बराबरको लत्ताकपडा बरामद गरेको हो ।
यसैगरी  नरैनापुर गाउंपालिका ६ स्थित नन्कउपुर ईलाकामा भे १ च ३६१५ नम्बरको म्याजिक गाडीमा भारतबाट नेपालतर्फ ल्याउंदै गरेको बिलबिजक नभएको अन्दाजी ३ लाख २० हजार मुल्य बराबरको  ८ सय के.जी. अवैध बोईलर कुखुराहरु र कुखुरा बोक्न प्रयोग गरिएको १० लाख मूल्य बराबरको गाडीसहित चालक बाँके जिल्ला राप्तीसोनारी गाउँपालिका ७ बस्ने बर्ष २५ का राजेश चौधरीलाई समेत नियन्त्रणमा लिई आवश्यक कारवाहीको लागि सम्बन्धित निकायमा बुझाईएको छ ।

        माघ २ गते बिहान चितवन जिल्ला ईच्छाकामना गाउपालिका–५ स्थित ३ नं.
पुलबाट अन्दाजी १ सय मिटर तल त्रिशुली नदिको विचमा सानो सवारी साधनको
लाईट जस्तो प्रकाश देखा परेको भन्ने खबर प्राप्त भएपछि विपद् उद्वार
तालिम शिक्षालयबाट गएको ६ जना गोताखोर सहित १० जनाको टोलीले Deep Diving
विधिद्धारा खोज तलास गरी मानव रहित भारतीय नम्बर प्लेटBR 09 GC 1430 को
सिंगल क्याप बलेरो जिप त्रिशुली नदिबाट बाहिर निकालेको छ ।

        पर्सा जिल्लाको जगनाथपुर गाउँपालिका ४ स्थित हरपुरबाट पुस २४ गते करीव १
सय ६८ के.जी. गाँजासहित दुई जनालाई नियन्त्रणमा लिईएको छ ।
        नियन्त्रणमा लिईएकाहरु धादिङ्ग जिल्लाको बेनिघाट गाउँपालिका ४ बस्ने
अन्दाजी २० वर्षिय  र मकवानपुर जिल्लाको राङसिराङ गाउँपालिका ४ बस्ने
अन्दाजी २२ वर्षिय दुई युबक  छन् ।
        पर्साको बिरगंजबाट ठोरीतर्फ जाँदै गरेको बा ११ च ९६८६ नम्बरको बलेरो
पिकअप गाडीमा फल्स वटम बनाई १६ वटा पोकामा लुकाई छिपाई लैजाँदै गरेको
गाँजासहित उनीहरुलाई प्रस्तावित सीमा सुरक्षा गुल्म भिखमपुरले
नियन्त्रणमा लिएको हो ।
        उनीहरुको साथबाट ७८ हजार ५ सय नेपाली रुपैयाँ र दुई थान मोवाईल सेट समेत
बरामद भएको छ । नियन्त्रणमा लिएकाहरुलाई बरामद गाँजा, रुपैयाँ, मोवाईल
सेट र गाडीसहित आवश्यक कारवाहीको लागि इलाका प्रहरी कार्यालय पोखरीयामा
बुझाईएको छ ।

        नेपाल प्रशासनिक प्रशिक्षण प्रतिष्ठान जावलाखेल ललितपुरमा नेपाल
सरकारका नवनियुक्त शाखा अधिकृतहरुको लागि संचालन भइरहेको “आधारभूत
प्रशासनिक प्रशिक्षण” ३७औं समुहमा सहभागी प्रशिक्षार्थीहरुले पुस २४ गते
प्रधान कार्यालयको स्थलगत अवलोकन भ्रमण गर्नुभएको छ ।
        अवलोकन भ्रमण टोलीमा २७ जना प्रशिक्षार्थी अधिकृतहरुको सहभागिता रहेको थियो ।

        बाँके जिल्ला नेपालगंज उप–महानगरपालिका जमुनाहस्थित नेपाल भारत
प्रवेशद्धारमा पुस २३ गते सीमा क्षेत्र सौन्दर्यीकरण कार्यक्रमको
शुभारम्भ गरिएको छ ।
        नं. ५ बिन्ध्यावासिनी बाहिनी मुख्यालय रुपन्देहीको तत्वावधान र नेपालगंज
उप–महानगरपालिकाको सहकार्यमा नं. ३० बागेश्वरी गण बाँकेले जमुनाहस्थित
नेपाल–भारत प्रवेशद्वारको सरसफाइ र रंगरोगनसहित गमलामा विभिन्न प्रजातिका
बिरुवा र फूलको साथै प्रवेशद्वारमा राष्ट्रिय झण्डा समेत राखेको छ ।
        नं. ५ बिन्ध्यावासिनी बाहिनी मुख्यालय रुपन्देहीको सौजन्यमा स्थानीय
बासिन्दा र नेपाल भारत सीमा आवतजावत गर्ने सर्वसाधारणका लागि
यू.भि.फिल्टर जडित शुद्ध खानेपानी समेत राखिएको छ । झण्डोत्तोलन तथा
खानेपानी सेवाको नं. ५ बिन्ध्यावासिनी बाहिनी मुख्यालय रुपन्देहीका
बाहिनीपति सशस्त्र प्रहरी नायब महानिरीक्षक अभि कुमार खत्री, बाँकेका
प्रमुख जिल्ला अधिकारी श्रवण कुमार पोखरेल तथा नेपालगंज
उप–महानगरपालिकाका प्रमुख प्रशान्त बिष्टले संयुक्त रुपमा उद्घाटन
गर्नुभएको थियो ।

        सशस्त्र प्रहरी महानिरीक्षक राजु अर्याल युनिट निरीक्षणको क्रममा
हुम्लास्थित नेपाल चीन सीमामा तैनाथ बोर्डर आउट पोष्ट हिल्सा पुग्नु भएको
छ ।
         आईतबार सशस्त्र प्रहरी बल नेपाल नं. ४४ गुल्म हुम्ला पुग्नु भएका
महानिरीक्षक अर्यालले गुल्म र मातहत बिओपी हिल्साको निरीक्षण गर्नुभई सो
बिओपीको जिम्मेवारी क्षेत्रको बारेमा समेत जानकारी लिनुभएको हो ।
         सोही दिन महानिरीक्षक अर्यालले डोल्पामा तैनाथ नं. ४६ गुल्मको समेत
निरीक्षण गर्नुभएको थियो । निरीक्षणका क्रममा उहाँले कार्यरत फौजलाई उच्च
मनोवल लिएर हिमाल जस्तै अटल र निर्भिकताका साथ कर्तव्य पूरा गर्न समेत
निर्देशन दिनुभयो ।

        कपिलवस्तु जिल्लाको कृष्णनगर नगरपालिका १ कुकुर भुकुवास्थित सीमा
ईलाकाबाट पुस २० गते करीव ४ लाख ४८ हजार रुपैयाँ बराबरको चोरीपैठारीको
सामान बरामद भएको छ ।
        भारतबाट अवैध रुपले नेपालतर्फ ल्याउँदै गरेको उल्लेखित रुपैयाँ बराबरको
३ थान लिथियम आयोन ब्याट्री र लत्ताकपडा प्रस्तावित सीमा सुरक्षा गुल्म
कृष्णनगरले बरामद गरेको हो ।
        बरामद सामान कृष्णनगर भन्सार कार्यालय कपिलवस्तुमा बुझाईएको छ ।

        सशस्त्र प्रहरी महानिरीक्षक राजु अर्यालले नंं. ३३ त्रिपुरा गण जुम्लाको
परिषरमा नवनिर्मित कार्यालय भवनको पौष २१ गते उद्घाटन गर्नुभएको छ ।
        महानिरीक्षक अर्यालले अस्थायी संरचनामा रही देश र जनताका सेवा र
सुरक्षामा खटिएका सशस्त्र प्रहरीलाई स्थायी संरचना निर्माणका लागि सहयोग
पुर्‍याउनुहुने विभिन्न संघसंस्था तथा महानुभावहरुप्रति धन्यवाद प्रकट
गर्नुुभयो ।
        कार्यक्रममा जुम्ला जिल्लास्थित जिल्ला समन्वय समितिका उप–प्रमुख जनक
थकाली, जिल्लास्थित गाउँपालिकाका अध्यक्षहरु, प्रमुख जिल्ला अधिकारी जय
कुमार घिमिरे, नं. ६ महेश्वरी बाहिनी मुख्यालय सुर्खेतका बाहिनीपति
सशस्त्र प्रहरी नायव महानिरीक्षक प्रदीप कुमार पाल लगायत नेपाली सेना,
नेपाल प्रहरी र स्थानीय भद्रभलाद्मीहरुको उपस्थिती रहेको थियो ।
        यसअघि महानिरीक्षक अर्यालले पौष १९ गते आश्रित गुल्म रोल्पाको परिषरमा
नवनिर्मित कार्यालय भवन समेत उद्घाटनकासाथै नं. २९ ज्वालामाई गण
भालुवाङ्ग दाङ्ग लगायतको निरीक्षण समेत गर्नुभएको थियो ।

पुष १६ गते पर्सा जिल्लाको विभिन्न ठाउँबाट करिब २४ लाख बराबरको सामान नियन्त्रणमा लिइएको छ ।
वीरगंज महानगरपालिका १ र २ स्थित भगुवा र छटघाटबाट ६ लाख १ हजार ६ सय रुपैयाँ बराबरको लत्ताकपडा बरामद भएको  छ । भारतबाट अबैध रुपमा भन्सार छलि नेपालतर्फ ल्याउदै गरेको लत्ताकपडा नं. १३ गण पर्साले बरामद गरेको हो ।
त्यस्तै सोही महागनरपालिका १९ स्थित बार्वाबाट १६ लाख ९८ हजार रुपैयाँ बराबरको प्याज र पिकअप गाडी नियन्त्रणमा लिएको छ । प्रदेश २–०३–००१ च ५४८९ नम्बरको गाडीमा राखेर भारतबाट अबैध रुपमा भन्सार छलि नेपालतर्फ ल्याउदै गरेको ३ हजार ३ सय केजी प्याजसहितको गाडी समेत नियन्त्रणमा लिइएको हो ।
यसैगरी सोही जिल्लाको बिन्दवासिनी गाउँपालिका ३ स्थित सीमा इलाकाबाट ६१ हजार ९ सय बराबरको काँस जस्तो देखिने धातु बरामद गरेको हो ।  
४ वटा साइकलमा राखेर ल्याउदै गरेको उल्लेखित मुल्य बराबरको ४ सय ५० केजी काँस जस्तो देखिने धातु बरामद भएको हो ।
बरामद लत्ताकपडा तथा सामान, साइकल र गाडीसहित आवश्यक कारवाहीको लागि वीरगंज भन्सार कार्यालय पर्सामा बुझाईएको छ ।

मानवश्रोत विभाग प्रमुख एवं विद्यालय व्यवस्थापन समितिका अध्यक्ष
सशस्त्र प्रहरी अतिरिक्त महानिरीक्षक चन्द्र प्रकाश गौतमको प्रमुख
आतिथ्यतामा नेपाल एपीएफ स्कुल कीर्तिपुरमा संचालन भएको बार्षिक खेलकुद
सप्ताह २०८० सम्पन्न भएको छ ।
 

पर्सा जिल्लाको वीरगंज महानगरपालिका २४ स्थित एक घरबाट करीब ५ लाख ८३ हजार ४ सय ५० रुपैयाँ बराबरको लत्ताकपडा  पुस ११ गते नियन्त्रणमा लिइएको छ ।
भारतबाट अबैध रुपमा नेपालतर्फ ल्याई लुकाइ छिपाइ राखेको अवस्थामा नं. १३ गण पर्सा र विरगंज भन्सार कार्यलयको संयुक्त टोलीले नियन्त्रणमा लिइएको हो ।
यसैगरी सोही महानगरपालिका १६ स्थित भुटन देवि ईलाकाबाट २ लाख ४८ हजार २ सय ५० रुपैयाँ बराबरको लत्ताकपडा र प्याज समेत नियन्त्रणमा लिइएको छ ।
५ वटा साइकलमा राखेर भारतबाट नेपालतर्फ ल्याउँदै गरेको सामान प्रस्तावित सीमा सुरक्षा गुल्म वीरगंजले नियन्त्रणमा लिएको हो ।
नियन्त्रणमा लिइएको सामान वीरगंज भन्सार कार्यालय पर्सामा बुझाईएको छ ।

        बाँके जिल्लाको नेपालगंज उपमहानगरपालिका १५ जमुनाहस्थित भन्सार इलाकाबाट
पुस ५ गते सशस्त्र प्रहरीले ५ वटा कस्तुरीको बिना जस्तो देखिने बस्तु
बरामद गरेको छ ।
        प्रस्तावित सीमा सुरक्षा गुल्म जमुनाह बाँकेले उल्लेखित बस्तु बरामद
गरेको हो । बरामद बस्तु खैरो, कालो र रातो रङको छ भने ५ वटाको तौल ८१
ग्राम रहेको छ ।
        भारतबाट नेपालतर्फ आउदै गरेका ब्याक्तिले सशस्त्र प्रहरीलाइ देख्ना
साथै आफुले बोकेको झोला फालेर भागेका थिए । उनले फालेको झोला जाँच गर्ने
क्रममा कस्तुरीको बिना जस्तो देखिने बस्तु फेला परेको हो ।
        बरामद कस्तुरीको बिना जस्तो देखिने बस्तु आवश्यक अनुसन्धान कारवाहीका
लागि डिभिजन वन कार्यालय बाँकेमा बुझाइएको छ ।

        सप्तरी जिल्लाको हनुमाननगर कंकालिनी नगरपालिका ८ कोशीपलार ईलाकाबाट पुस
५ गते सशस्त्र प्रहरीले २ सय ४० केजी गाँजा बरामद गरेको छ ।
        विशेष सुचनाको आधारमा सो ठाउँको काँसघारीमा लुकाई छिपाई राखेको अबस्थामा
उक्त गाँजा बिओपी बर्साईनले बरामद गरेको हो ।
        यसैगरी सप्तरी जिल्लाकै कञ्जनरुप नगरपालिका २ बरमझियास्थित पूर्व पश्चिम
लोकमार्गबाट पुस ४ गते सशस्त्र प्रहरीले ५ केजी ३ सय ग्राम गाँजासहित एक
जनालाई नियन्त्रणमा लिएको छ ।
        मोटरसाइकलमा आउदै गरेका उदयपुर जिल्लाको बेलका नगरपालिका ६ बस्ने १८
बर्षिय भोजकुमार राईलाई सशस्त्र प्रहरी बल नेपाल दन्तकाली बिषेश तालिम
शिक्षालय सप्तरीले जाँच गर्ने क्रममा झोलाभित्र प्लाष्टिकमा प्याक गरिएको
५ वटा गाँजाको प्याकेट फेला परेपछि उनलाई नियन्त्रणमा लिएको हो ।
        बरामद गाँजा तथा नियन्त्रणमा लिईएका राईलाइ आवश्यक कारवाहीको लागि इलाका
प्रहरी कार्यालय कञ्चनपुर सप्तरीमा बुझाइएको छ ।

        पर्सा जिल्लाको विरगंज महानगरपालिका ३२ स्थित टेढारामबन सडकखण्डबाट पौष
३ गते करीव ५ लाख रुपैयाँ बराबरको ७६ कार्टुन बोईलर कुखुराको चल्लासहित
एक जनालाई नियन्त्रणमा लिइएको छ ।
        भारतबाट अवैध रुपले नेपालतर्फ ल्याई सोही महानगरपालिका ९ बस्ने ४३
बर्षिय धर्मेन्द्र गुप्ताले संचालन गरेको फर्म भित्र राख्न तयारी
गरिरहेको अवस्थामा ७ हजार ६ सय वटा बोईलर कुखुराको चल्लासहित उनलाई नं.
१३ गण पर्साले नियन्त्रणमा लिएको हो ।
        बरामद बोईलर कुखुराको चल्ला नेपाल प्रहरी, स्थानीय भद्रभलाद्मी र
संचारकर्मीको रोहवरमा नष्ट गरिएको छ ।
        नियन्त्रणमा लिएका गुप्तालाई आवश्यक कारवाहीको लागि विरगंज भन्सार
कार्यालय पर्सामा बुझाइएको छ ।
 

         रौतहट, बारा, धनुषाबाट करिव ३२ लाखको लत्ताकपडा र मोटरसाईकल तथा पश्चिम
नवलपरासीबाट करीब १२ लाख रुपैयाँ बराबरको मोवाइलमा प्रयोग हुने सामान
बरामद भएको छ ।
        रौतहट जिल्लाको बौधिमाई नगरपालिका ७ स्थित बारा– रौतहट जिल्लाको सीमा
ईलाकाबाट पौष ०४ गते करीब १५ लाख १६ हजार रुपैयाँ बराबरको लत्ताकपडा
मंगलबार बरामद भएको हो ।
        विशेष सूचनाको आधारमा नम्बर ११ गण रौतहट, सुरक्षा बेश लक्ष्मिनिया,
फतुवा र बिओपी सरमजुवाको टोलीले सोही ईलाकास्थित अरुवाखोला पुल नजिकैको
टहरामा बेवारीसे अवस्थामा रहेको उल्लेखित मूल्यको लत्ताकपडा बरामद गरेको
हो ।
        त्यसैगरी बारा जिल्लाको सिम्रौनगढ नगरपालिका ११ औरैया स्थित सीमा
ईलाकाबाट पौष ०४ गते करीब १५ लाख ५ हजार ४ सय रुपैयाँ बराबरको लत्ताकपडा
बरामद भएको छ । एक कच्ची घरमा लुकाई छिपाई राखेकोे ५ पोका लत्ताकपडा
विशेष सूचनाको आधारमा बिओपी गोलागंजले बरामद गरेको हो ।
        यसैगरी नम्बर ८ गण धनुषाले पौष ०४ गते नै करीब १ लाख २ हजार रुपैयाँ
बराबरको लत्ताकपडा र ४ लाख ५० हजार रुपैयाँ बराबरको तीनवटा मोटरसाईकल
नियन्त्रणमा लिएको छ ।
        ज १० प २२८९, ज ८ प ५३८९ र बिआर ०१ एफए ६९७२ नम्बरको मोटरसाईकलमा
भारतबाट अबैध रुपले नेपालतर्फ ल्याउँदै गरेको लत्ताकपडा  र मोटरसाईकल
धनुषा जिल्लाको धनौजी गाउँपालिका ५ स्थित बहुअर्वा ईलाकाबाट नियन्त्रणमा
लिइएको हो ।
        यसैगरी पश्चिम नवलपरासीको पाल्हिनन्दन गाउँपालिका ५ स्थित गेरमा
ईलाकाबाट पौष ०४ गते करीब ११ लाख ६९ हजार रुपैयाँ बराबरको मोबाईलका
ग्लासहरु बरामद भएको छ ।
        भारतबाट अबैध रुपले नेपालतर्फ ल्याई सोही गाउँपालिका ५ स्थित एक घरमा
लुकाई छिपाई राखेको अवस्थामा मोबाईलमा प्रयोग हुने १६ हजार ७०० वटा
टेम्पर ग्लास प्रस्तावित सीमा सुरक्षा गुल्म हरपुर र सुरक्षा बेश परासीको
संयुक्त टोलीले बरामद गरेको हो ।
        नियन्त्रणमा लिइएका मोटरसाईकल तथा सामान आवश्यक कारवाहीको लागी स्थानीय
भन्सार कार्यालयमा बुझार्ईएको छ ।

        सशस्त्र प्रहरी बल, नेपालको निशान भगवती श्री बगलामुखी माईको पञ्चवली
एवं मंसिर पूजा सम्पन्न भएको छ ।
        सशस्त्र प्रहरी महानिरीक्षक राजु अर्यालले मंसीर ३० गते बिहान ४ बजेर ३०
मिनेटको संकल्प साइतमा ललितपुरको कुम्भेश्वरमा अवस्थित बगलामुखी माईको
मन्दिरमा पूजा गर्नुभएको हो ।
        पुजामा अवकाश प्राप्त सशस्त्र  प्रहरी महानिरीक्षकहरु तथा सशस्त्र
प्रहरी अतिरिक्त महानिरीक्षकहरु र महिला संघका पदाधिकारीहरु लगायत
सशस्त्र प्रहरी बल नेपालका बरिष्ठ अधिकृत, स्थानीय भद्र भलाद्मी तथा
विल्लादार जवानहरुको उपस्थित रहेको थियो ।

      सशस्त्र प्रहरी बल नेपालले संगठनका बहालवाला तथा अवकाश प्राप्त बरिष्ठ
अधिकृतहरु बीचमा सशस्त्र प्रहरी बल नेपालको कार्यादेश तथा बर्तमान
सुरक्षा अवस्था बारेमा छलफल तथा अन्तरक्रिया कार्यक्रम गरेको छ ।
        सशस्त्र प्रहरी बल नेपाल प्रधान कार्यालय स्वयम्भू हलचोकमा शुक्रबार
आयोजित छलफल तथा अन्तरक्रिया कार्यक्रममा सशस्त्र प्रहरी महानिरीक्षक
राजु अर्यालले संगठनको लक्ष्य प्राप्तिमा यस प्रकारका छलफल महत्वपूर्ण र
फलदायी रहने उल्लेख गर्नुहँुदै अग्रजको सुझाव, सल्लाह तथा रचनात्मक सहयोग
संगठनको वृत्ति विकासका लागि मार्गदर्शक समेत हुने बताउनुभयो ।
        सो अवसरमा सीमा सुरक्षा, मानवश्रोत तथा कार्यविभाग प्रमुख सशस्त्र
प्रहरी अतिरिक्त महानिरीक्षकहरु क्रमश नारायणदत्त पौडेल, चन्द्रप्रकाश
गौतम तथा बंशीराज दाहालले आ–आफ्नो विभागीय गतिबिधि प्रस्तुत गर्नुभएको
थियो ।
        कार्यक्रममा अवकाश प्राप्त सशस्त्र प्रहरी महानिरीक्षकहरु सनत कुमार
बस्नेत, किशोर कुमार लामा, शैलेन्द्र कुमार श्रेष्ठ, कोषराज वन्त, सिहँ
बहादुर श्रेष्ठ र पुष्पराम के.सीले समयानुकुल सीमा सुरक्षाका चुनौती पनि
बदलिँदै जाने भएकोले त्यसै अनुरुप लाग्नुपर्ने बताउनुभयो । सीमा
सुरक्षामा स्थानीय जनता सँगको सहकार्य महत्वपूर्ण हुने भएकोले संगठनले
सीमावासीसँग सहकार्य गर्ने कार्यको थालनी गर्नु अत्यन्त महत्वपूर्ण भएको
बताउनुभयो ।

       बाँके जिल्लाको खजुरा गाउँपालिका  ६ स्थित सिमलघारी बाट मंसिर २८ गते
सशस्त्र प्रहरीले करीब ३१ लाख ४४ हजार ३ सय रुपैयाँ बराबरको विभिन्न
सामानको गाडीसहित दुई जनालाइ नियन्त्रणमा लिएको छ ।
        विशेष सूचनाको आधारमा सशस्त्र प्रहरी बल नेपाल नं. ३० बागेश्वरी गण
बाँकेबाट खटिएको टोलीले चेकजाँच गर्ने क्रममा भे १ च २३५७ नम्बरको गाडीमा
भारतबाट अवैध रुपमा नेपालतर्फ ल्याउँदै गरेको उल्लेखित मुल्य मध्य १४ लाख
७० हजार ३०० रुपैयाँको लत्ताकपडा, ५ लाख ८४ हजार रुपैयाँको काँस र १ लाख
४० हजार रुपैयाँको पित्तलका मुर्ति, भाँडाबर्तन तथा सजावटका सामग्री सहित
जिल्ला बाँके नेपालगंज उपमहानगरपालिका ५ वस्ने ५० वर्षिय कमल हलुवाई र
चालक भारतको लखीमपुर जिल्ला कटौली ग्रामपञ्चायत बस्ने ३० वर्षिय भारतीय
नागरिक साकिर हुसेनलाई नियन्त्रणमा लिएको हो ।
        नियन्त्रणमा लिइएका दुवै जनालार्ई बरामद सामान र गाडीसहित आवश्यक
कारवाहीको लागि नेपालगंज भन्सार कार्यालय बाँकेमा बुझाईएको छ । गाडीको
भन्सार दाखिला मूल्य करीब ९ लाख ५० हजार रुपैयाँ रहेको छ ।

         यूएनडिपी नेपालको सहकार्यमा सशस्त्र प्रहरी परिवार महिला संघले नेपाल
एपिएफ रंगशालामा मंसिर २२ गते खुल्ला चित्रकला प्रतियोगिता संचालन गरेको
छ ।
        प्रतियोगितामा उत्कृष्ट भएका १० जनालाई प्रमुख अतिथी यूएनडिपीकी मिस
आइशानी मेदागाङ्गोडा लाबे र सशस्त्र प्रहरी परिवार महिला संघकी अध्यक्ष
श्रीमती अनिता लामिछाने अर्यालले पुरस्कार तथा प्रमाणपत्र प्रदान
गर्नुभएको थियो ।

         सशस्त्र प्रहरी महानिरीक्षक राजु अर्यालको प्रमुख आतिथ्यतामा मंसिर २०
गते सशस्त्र प्रहरी बल नेपाल हुल तथा दंगा व्यवस्थापन तालिम शिक्षालय
लामापाटन पोखरामा संचालित  स्पेशल टास्क फोर्स (एसटिएफ) तालिम सम्पन्न
भएको छ ।
        महानिरीक्षक अर्यालले तालिम शिक्षालयमा आयोजित समापन समारोहमा तालिममा
सर्वप्रथम भएका प्रशिक्षार्थी सशस्त्र प्रहरी निरीक्षक विजय कुँवरलाई
पुरस्कार प्रदान गर्नुकासाथै सफलतापूर्वक तालिम हासिल गरेका
प्रशिक्षार्थीहरुलाई प्रमाणपत्र  समेत प्रदान गर्नुभएको थियो ।

        श्रोत नखुलेको ८ लाख नेपाली रुपैयाँसहित सशस्त्र प्रहरीले सिरहा
जिल्लाको बरियारपट्टी गाउँपालिका ३ चमारटोलस्थित सीमा ईलाकाबाट मंसिर १६
गते एक जनालाई नियन्त्रमा लिएको छ ।
        सोही जिल्लाको बरियारपट्टी गाउँपालिका २ श्रीपुर बस्ने ४२ वर्षिय महोमद
फिरोजलाई उल्लेखित रुपैयाँसहित बिओपी बरियारपट्टीले नियन्त्रणमा लिएका हो ।
        भारतबाट साईकलमा नेपालतर्फ आउँदै गरेका उनलाई गस्तीमा खटिएको सुरक्षा
फौजले जाँच गर्दा उनको साथमा १ हजार दरको ४ सय ९६ वटा, ५ सय दरको ६ सय ३
वटा र १ सय दरको २५ वटा नेपाली नोट फेला पारेको हो । उनले सो रकम कहाबाट
कुन प्रयोजनको लागि लिएको भन्ने श्रोत खुलाउन नसेकपछि नियन्त्रणमा लिएको
हो ।
        नियन्त्रणमा लिइएका फिरोजलाई बरामद रुपैयाँ तथा साईकलसहित आवश्यक
कारवाहीको लागि भन्सार कार्यालय मार्डरमा बुझाईएको छ ।

        सशस्त्र प्रहरी परिवार महिला संघले भूकम्प प्रभावित परिवारहरुको लागि राहत सामाग्री प्रदान गरेको छ । कर्णाली प्रदेश सरकारको आन्तरिक मामिला तथा कानून मन्त्रालयका मन्त्री माननीय कृष्णबहादुर जि.सी.लाई संघकी अध्यक्ष श्रीमती अनिता लामिछाने अर्यालले मंसिर १३ गते राहत सामाग्री हस्तान्तरण गर्नुभयो ।

        अध्यक्ष लामिछाने अर्यालले गत कार्तिक १७ गते राति जाजरकोट जिल्लाको बारेकोट गाउँपालिका १ स्थित रामीडाँडा केन्द्रविन्दु बनाई गएको भुकम्पबाट प्रभावित परिवारहरुलाई म्याट्रेस, सिरक डसना, लत्ताकपडाहरु लगायतका राहत सामाग्री हस्तान्तरण गर्नुभएको हो ।

        सशस्त्र प्रहरी परिवार महिला संघको आयोजना र सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतको समन्वयमा सम्पन्न कार्यक्रममा सशस्त्र प्रहरी परिवार महिला संघका पदाधिकारीहरु, नं. ६ बाहिनी मुख्यालयका बाहिनीपति प्रदिपकुमार पाल, प्रदेशस्थित सशस्त्र प्रहरी परिवार महिला संघका पदाधिकारीहरु लगायत सशस्त्र प्रहरी अधिकृत एवं विल्लादार जवानहरुको उपस्थिति रहेको थियो ।

        पर्सा जिल्लाको बीरगंज महानगरपालिका १६ स्थित सीमा ईलाकाबाट मंसिर १२
गते सशस्त्र प्रहरीले १० लाख नेपाली रुपैयाँसहित एक जनालाई नियन्त्रणमा
लिएको छ ।
        भारतको पूर्वी चप्पारण जिल्ला रक्सौल ७ अहिर्वा टोला घर बताउने २३
वर्षिय उमेश यादवलाई नं. १३ गण पर्सा र प्रस्तावित सीमा सुरक्षा गुल्म
बीरगंजले उल्लेखित रुपैयाँसहित नियन्त्रणमा लिएको हो ।
        भारतबाट बीआर ०५ एआर ८१०१ नम्बरको मोटरसाईकलमा नेपालतर्फ आउँदै गरेका
यादवले लगाएको हेल्मेट भित्र लुकाई छिपाई राखेको एक हजार दरको ५ सय वटा र
पाँचसय दरको १ हजार वटा नेपाली नोटको श्रोत खुलाउन नसकेपछि नियन्त्रणमा
लिएको हो ।
        नियन्त्रणमा लिइएका व्यक्तिलाई बरामद रुपैयाँ र मोटरसाईकलसहित आवश्यक
अनुसन्धानको लागि वीरगंज भन्सार कार्यालय पर्सामा बुझाईएको छ ।
 

सप्तरी जिल्लाको बलानबिहुल गाउँपालिका ४ वेल्हीस्थित सीमा ईलाकाबाट मंसिर १० गते राति एउटा कटुवा पेस्तोल र सोको २ राउण्ड गोली सशस्त्र प्रहरीले बरामद गरेको छ ।
मोटरसाईकलमा नेपालबाट भारततर्फ जाँदै गरेका व्यक्तिले बिओपी बेल्हीको टोलीलाई देख्नासाथ उनीहरुले बोकेको कपडाको पोका सोही ठाउँमा छाडी फरार भएपछि सो पोका चेक जाँच गर्दा कटुवा पेस्तोल र गोली फेला परेको हो ।
बरामद कटुवा पेस्तोल तथा गोली जिल्ला प्रहरी कार्यालय सप्तरी राजविराजमा बुझाईएको छ ।

सशस्त्र प्रहरी बल नेपाल प्रधान कार्यालय हलचोक स्वयम्भुमा मंसीर १० गते सशस्त्र प्रहरी परिवार महिला संघले जोन्टा क्लव अफ काठमाडौंको सहकार्यमा महिला हिंसा विरुद्धको १६ दिने अन्तर्राष्ट्रिय अभियान कार्यक्रम शुरु गरेको छ । 

सो कार्यक्रमको सशस्त्र प्रहरी अतिरिक्त महानिरीक्षक चन्द्र प्रकाश गौतमले उद्घाटन गर्नुहुँदै  महिला हिंसा विरुद्धको १६ दिने अन्तर्राष्ट्रिय अभियान सफलताको लागि  शुभकामना व्यक्त गर्नुभयो ।

        सशस्त्र प्रहरी महानिरीक्षक राजु अर्यालले सशस्त्र प्रहरी बल नेपाल
प्रधान कार्यालयमा मंसीर ६ गते आयोजित एक समारोहका बीच प्राविधिक सशस्त्र
प्रहरी बरिष्ठ उपरीक्षक पदमा पदोन्नती हुनुभएका ३ जना अधिकृतहरुलाई
दर्ज्यानी चिन्ह प्रदान गर्नुभएको छ ।
        महानिरीक्षक अर्यालले पदोन्नती हुनुभएका अधिकृतहरुलाई हार्दिक बधाई
दिनुहुँदै बढुवासँगै थप भएको पदीय जिम्मेवारीलाई ईमान्दारिताकासाथ
कार्यक्षेत्रमा पूर्ण व्यवसायीकता र बफादारिताकासाथ लाग्न निर्देशन
दिनुभयो ।

       चिकित्सा विज्ञान राष्ट्रिय प्रतिष्ठान (NAMS) र नेपाल एपीएफ अस्पतालवीच
शैक्षिक कार्यक्रम आदन प्रदान सम्बन्धी सम्झौता भएको छ । स्वास्थ्य तथा
जनसंख्या मन्त्रालयमा शुक्रबार सम्झौता पत्रमा हस्ताक्षर भएको हो ।
        माननीय स्वास्थ्य तथा जनसंख्या मन्त्री मोहन बहादुर बस्नेतको प्रमुख
आतिथ्यता तथा सशस्त्र प्रहरी महानिरीक्षक राजु अर्यालयको उपस्थितिमा NAMS
का उपकुलपति प्रा.डा. भुपेन्द्र कुमार बस्नेत र सशस्त्र प्रहरी बल
नेपालको तर्फबाट नेपाल एपीएफ अस्पतालका प्रमुख प्राविधिक सशस्त्र प्रहरी
नायव महानिरीक्षक डा.रुपक महर्जनले सम्झौता पत्रमा हस्ताक्षर गर्नुभएको
हो ।
        सम्झौतामा शैक्षिक कार्यक्रम आदान प्रदान तथा वृत्तिविकासको लागि
सहकार्य गर्ने उल्लेख छ । यसैगरी नेपाल एपीएफ अस्पतालमा नर्सिङ क्याम्पस
स्थापना गर्ने र मेडिकल कलेजको सम्भाव्यता अध्ययनको योजना समेत रहेको छ ।
        कार्यक्रमा माननीय स्वास्थ्य तथा जनसंख्या मन्त्री मोहन बहादुर बस्नेतले
पहिलो पटक स्वास्थ्य मन्त्रालयले सुरक्षा निकायलाई समेत विदेश अध्ययनको
कोटा प्रदान गरी नेपाल एपीएफ अस्पतालबाट डा.सुमित्रा थापालाई
थाईल्याण्डमा हुने Seventh Asian and Pacific Population Conference
विषयक कार्यक्रममा मनोनित गरिएको जानकारी दिनुभयो । उहाँले यस प्रकारका
सम्झौताले दुवै निकायवीच शैक्षिक कार्यक्रमको विकासमा उल्लेखनीय योगदान
पुग्ने समेत बताउनुभयो ।
        कार्यक्रममा सशस्त्र प्रहरी महानिरीक्षक राजु अर्यालले नेपाल एपीएफ
अस्पताललाई मेडिकल कलेजको रुपमा विस्तार गर्ने संगठनको उद्देश्य रहेको
बताउनुहुँदै सीमा क्षेत्रका सर्वसाधारणहरुलाई फाईदा पुग्ने गरी स्वास्थ्य
तथा जनसंख्या मन्त्रालय र सशस्त्र प्रहरी बल नेपालको सहकार्यमा स्वास्थ्य
सम्बन्धी कार्यक्रमहरु विस्तार गर्ने बिषयमा मन्त्रालयका पदाधिकारीसँग
छलफल समेत गर्नुभएको थियो ।
        कार्यक्रममा स्वास्थ्य सचिव देवकुमारी गुरागाई लगायत मन्त्रालयका
पदाधिकारीहरु तथा सशस्त्र प्रहरी बल नेपालका बरिष्ठ अधिकृतहरुको उपस्थिति
रहेको थियो ।

       सशस्त्र प्रहरी बल नेपाल प्रधान कार्यालय हल्चोक स्वयम्भूमा शुभ दिपावली
तथा छठपर्वको अवसरमा नेपाल पूर्व सशस्त्र प्रहरी संघले आयोजना गरेको
जलपान तथा शुभकामना आदान प्रदान कार्यक्रम सम्पन्न भएको छ ।
        सशस्त्र प्रहरी महानिरीक्षक राजु अर्यालको प्रमुख आतिथ्ययतामा कार्तिक
२५ गते सम्पन्न भएको सो कार्यक्रममा अवकाश प्राप्त सशस्त्र प्रहरी
महानिरीक्षकहरु, वहालवाला तथा अवकाश प्राप्त सशस्त्र प्रहरी अतिरिक्त
महानिरीक्षकहरु लगायत बरिष्ठ अधिकृतहरुको समेत उपस्थिती रहेको थियो ।
        कार्यक्रममा सशस्त्र प्रहरी महानिरीक्ष राजु अर्यालले सम्पूर्ण वहालवाला
तथा अवकाश प्राप्त सशस्त्र प्रहरी कर्मचारीहरुमा नजिकिदै आएको शुभ
दिपावली तथा छठ पर्वको शुभकामना व्यक्त गर्नुहुँदै पूर्व सशस्त्र प्रहरी
संघले राखेको यस्ता कार्यक्रमहरुले एक आपसमा माया र सद्भाव नजिकिदै जाने
विश्वास व्यक्त गर्नुभयो ।
        उहाँले संगठन स्थापना कालदेखि यहाँसम्म आउनु पूर्व अग्रजहरुको योगदान र
कर्तव्य परायणताको मुक्तकण्ठले प्रशंसा गर्नुहुँदै संगठन बिकास र
विस्तारमा पूर्व सशस्त्र प्रहरी संघबाट आएका सल्लाह सुझावहरुलाई मनन गरी
अघि बढ्ने विश्वास व्यक्त गर्नुभयो ।
        कार्यक्रममा अवकाश प्राप्त सशस्त्र प्रहरी महानिरीक्षक सनत कुमार
बस्नेतले नेतृत्व वर्गले संगठनमा एउटा रिति र थिति बसाई गरेका हरेक
क्रियाकलापहरु प्रशंसा योग्य रहेको बताउनहुँदै संगठन जति बलियो बन्दै गयो
त्यति नै अवकाश प्राप्त सशस्त्र प्रहरी कर्मचारीहरुको समेत शिर उच्च रहने
बताउनुभयो ।
        नेपाल पूर्व सशस्त्र प्रहरी संघका अध्यक्ष अवकाश प्राप्त सशस्त्र प्रहरी
अतिरिक्त महानिरीक्षक रविराज थापाले आत्मियता र सद्भाव बढाउन यस्ता
कार्यक्रमहरुको आवश्यकता रहेको बताउनुहुँदै पूर्व सशस्त्र प्रहरी संघले
गर्ने हरेक गतिविधिहरु जस्तै शुभकामना आदान प्रदान कार्यक्रमलाई पनि
आगामी वर्षहरुमा समेत निरन्तरता दिने बताउनुभयो ।

       सशस्त्र प्रहरी बल नेपाल नं. ५ विन्ध्यावासिनी बाहिनी मुख्यालय
रुपन्देही र भारतीय सशस्त्र सीमा बल सेक्टर हे.क्वा. लखिमपुर खिरी तथा
सेक्टर हे.क्वा. गोरखपुर बीच कार्तिक २३ गते बाहिनीस्तरीय सीमा
समन्वयात्मक बैठक सम्पन्न भएको छ ।
        नं. ५ विन्ध्यावासिनी बाहिनी मुख्यालय रुपन्देहीका बाहिनीपति सशस्त्र
प्रहरी नायव महानिरीक्षक अभि कुमार खत्री र भारतीय सीमा सुरक्षा बल
(SSB) सेक्टर हे.क्वा. लखिमपुर खिरीका डिआईजी जे डि वशिष्ठ तथा
सेक्टर हे.क्वा. गोरखपुरका डिआईजी अखिलेश्वर सिंहको नेतृत्वमा बैठक
सम्पन्न भएको हो ।
        बैठकमा सीमा सुरक्षा, भन्सार छली अवैध रुपमा हुने सामान ओसार पसारमा
नियन्त्रण, सीमा स्तम्भ मर्मत संभार, मानव बेचविखन तथा अपहरण, हातहतियार
तथा लागुऔषध ओसारपसार नियन्त्रण, सुचना आदानप्रदान गर्ने लगायतका
विषयहरुमा छलफल भएको थियो ।
        कार्यक्रममा नं. ५ विन्ध्यावासिनी बाहिनी मुख्यालय रुपन्देहीका सहायक
बाहिनीपति सशस्त्र प्रहरी बरिष्ठ उपरीक्षक गंगाराम श्रेष्ठ लगायत
लुम्विनी प्रदेश अन्तर्गत भारतसंग सीमा जोडिएका जिल्लाहरुका गणका
गणपतिहरु र भारतीय सशस्त्र सीमा बलका कमाण्डेन्टहरुको समेत सहभागिता
रहेको थियो ।
 

        सशस्त्र प्रहरी महानिरीक्षक राजु अर्याल सशस्त्र प्रहरी बल, नेपाल
(एपीएफ) र मित्र रास्ट्र भारतको सशस्त्र सीमा बल (एसएसबी) वीच भएको सातौं
नेपाल भारत समन्वयात्मक बैठकमा सहभागी भई बिहीबार स्वदेश फर्कनु भएको छ ।
सो बैठक कार्तिक २० देखि २२ गतेसम्म भारतको नयाँ दिल्लीमा संचालन भएको
थियो ।
        सशस्त्र प्रहरी बल, नेपालको तर्फबाट सशस्त्र प्रहरी महानिरीक्षक राजु
अर्यालले नेतृत्व गर्नुभएको सो बैठकमा सशस्त्र प्रहरी अतिरिक्त
महानिरीक्षक नारायणदत्त पौडेलको समेत सहभागिता रहेको थियो भने भारतको
सशस्त्र सीमा बलको तर्फबाट महानिर्देशक रश्मी शुक्लाले नेतृत्व गर्नुभएको
थियो । सो बैठकमा गृह मन्त्रालय, नेपाल प्रहरी, सशस्त्र प्रहरी बल नेपाल
तथा राष्ट्रिय अनुसन्धान बिभागका बरिष्ठ अधिकृत समेतको सहभागिता रहेको
थियो ।
        बैठकमा सीमा सुरक्षालाई थप प्रभावकारी बनाउँदै लैजाने, सीमावर्ति अपराध
नियन्त्रण गरी सीमा सुरक्षालाई थप सुरक्षित बनाउन दुई सुरक्षा निकायवीच
निरन्तर समन्वय र सहकार्य तथा सूचना आदनप्रदान गर्ने सहमती भएको छ । यसका
साथै दुबै सुरक्षा निकाय बिच निरन्तर सहकार्य, समन्वय र आपसी हितका
बिषयमा समेत छलफल भएको थियो ।
        यसअघि छैठौँ नेपाल भारत समन्वयात्मक बैठक सशस्त्र प्रहरी बल नेपाल
प्रधान कार्यालय हल्चोकमा सम्पन्न भएको थियो ।
 

पर्सा जिल्लाको वीरगंज महानगरपालिका १६ स्थित सीमा ईलाकाबाट करीब ४ लाख ४६ हजार रुपैयाँ बराबरको सामान र एउटा अटोरिक्सा सशस्त्र प्रहरीले कार्तिक २१ गते नियन्त्रणमा लिएको छ ।
ना २ ह ८६३ नम्बरको अटोरिक्सामा भारतबाट नेपालतर्फ ल्याउँदै गरेका व्यक्तिले प्रस्तावित सीमा सुरक्षा गुल्म वीरगंजको टोलीलाई देख्नासाथ उल्लेखित मुल्यको लत्ताकपडा, किराना सामान र अटोरिक्सा सोही ठाउँमा छाडी फरार भएपछि नियन्त्रणमा लिइएको हो ।
नियन्त्रणमा लिइएको सामान र अटोरिक्सा वीरगंज भन्सार कार्यालय पर्सामा बुझाईएको छ ।

       सशस्त्र प्रहरी बल नेपालले धनुषा जिल्लाको विभिन्न स्थानबाट १२ लाख
रुपैयाँभन्दा बढिको लत्ताकपडासहित मोटरसाइकल बरामद गरेको छ ।
        जनकनन्दिनी गाउँपालिका–१ ईनर्वास्थित अड्डा टोल ईलाकाबाट सशस्त्र प्रहरी
बल नेपाल प्रस्तावित सीमा सुरक्षा गुल्म महिनाथपुर मातहत बीओपी ईनर्वाबाट
विशेष सुचनाका आधारमा खटिएको टोलीले कार्तिक २० गते राति ११ बजेको समयमा
३ लाख ७५ हजार मूल्य बराबरको लत्ताकपडा र लत्ताकपडा ल्याउन प्रयोग गरेको
अन्दाजी ४ लाख ५० हजार मूल्य बराबरको मोटरसाईकल समेत बरामद गरेको हो ।
        भारतबाट भन्सार छली ज ११ प ६३२१, प्रदेश २ ०२–००१ प ०२०८ र ज ७ प ८७५६
नम्बरको तीन वटा मोटरसाइकलमा राखेर ल्याउँदै गरेको उल्लेखित
लत्ताकपडासहित मोटरसाइकल बरामद गरिएको हो ।
        साथै कार्तिक २१ गते विहान सशस्त्र प्रहरी बल नेपाल नं. ८ गण धनुषाबाट
खटिएको गस्ती टोलीले जनकपुरस्थित महावीर चोकबाट २ वटा मोटरसाईकलमा अबैध
रुपमा ल्याउँदै गरेको अन्दाजी २ लाख मूल्य बराबरको लत्ताकपडा र लत्ताकपडा
ल्याउन प्रयोग गरेको अन्दाजी २ लाख मूल्य बराबरको मोटरसाइकल समेत बरामद
गरेको छ ।
        सशस्त्र प्रहरीको गस्ती टोलीलाई देखे पश्चात तस्करहरु मोटरसाइकल र सामान
छाडी भागेका थिए । बरामद लत्ताकपडा तथा मोटरसाइकल आवश्यक कारबाहीको लागि
जनकपुर भन्सार कार्यालयमा बुझाइएको छ ।
        सशस्त्र प्रहरी बल नेपाल नं. ८ गण धनुषा तथा गण मातहत कार्यालयहरुले
चालु आर्थिक वर्षको कार्तिक महिनामा मात्रै ६० लाखभन्दा बढी मूल्य
बराबरको अबैध सामान तथा सामान ओसार पसारमा प्रयोग गरिएका सवारी साधनहरु
बरामद गरी आवश्यक कारवाहीको लागि जनकपुर भन्सार कार्यालयमा बुझाएका छन् ।

गत शुक्रबार जाजरकोट जिल्लाको बारेकोट रामीडाँडा केन्द्र बिन्दु बनाएर गएको भूकम्पमा परी घाइते तथा अंगभंग भएकाहरुको उपचारको लागि सशस्त्र प्रहरी बल नेपालबाट डा. रोशन पराजुली र डा. निश्चल घिमिरेको कमाण्डमा दुई वटा स्वास्थ्यकर्मीको टोली परिचालित छ ।
डा. रोशन पराजुलीको कमाण्डमा खटिएको स्वास्थ्यकर्मीको टोलीले रुकुम पश्चिम जिल्लाको मिसन अस्पताल चौरजहारीमा रहेर घाइतेहरुको उपचार गरिरहेको छ भने डा. निश्चल घिमिरेको टोलीले जाजरकोट जिल्लाको जिल्ला अस्पताल जाजरकोटमा रहेर स्वास्थ्य सेवा प्रदान गरिरहेको छ ।  
भूकम्पपश्चात नेपाल एपीएफ अस्पताल बलम्बु, काठमाडौंबाट डा. रोशन पराजुलीको कमाण्ड ९ जना रुकुम पश्चिमको लागि र सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतबाट डा. निश्चल घिमिरेको कमाण्डमा ४ जनाको स्वास्थ्यकर्मीको टोली जाजरकोटको लागि खटिएको थियो ।

सशस्त्र प्रहरी बल नेपालले विपद्को समयमा प्रभावितहरुको लागि प्रयोग गरिने ५ वटा डिजास्टर रिलिफ सिस्टम (DRS) कन्टेनर भूकम्प प्रभावित क्षेत्रमा पठाएको छ ।
गत शुक्रबार जाजरकोट जिल्लाको बारेकोट रामीडाँडा केन्द्र बिन्दु बनाएर गएको भूकम्पबाट प्रभावित सोही जिल्ला र रुकुम पश्चिमका नागरिकहरुको राहतको लागि डिआरएस कन्टेनर शनिबार त्यसतर्फ पठाईएको थियो । सशस्त्र प्रहरी बल, नेपाल नं. ६ महेश्वरी बाहिनी मुख्यालय सुर्खेतबाट जाजरकोटको लागि ३ वटा र नं. २९ ज्वालामाई गण दाङबाट २ वटा कन्टेर रुकुम पश्चिमको लागि पठाइएको हो । ती कन्टेनरमा उपलब्ध साधनश्रोतबाट सम्बन्धित क्षेत्रहरुमा अस्थायी बसोबासको लागि संरचना निर्माण भईसकेका छन् ।
जाजरकोट जिल्लाको भेरी नगरपालिकास्थित त्रिभुवन उच्च माध्यमिक विद्यालय र सोही नगरपालिका–१ रावतगाउँमा अस्थायी संरचना निर्माण भईसकेका छन् भने रुकुम पश्चिमको सानोभेरी गाउँपालिकामा समेत अस्थायी संरचना निर्माण भईसकेको छ ।
नेपालस्थित अमेरिकन राजदुतावासबाट सहयोग स्वरुप प्राप्त भएको ३३ वटा डिआरएस कन्टेनर मध्ये ३ वटा जाजरकोट र २ वटा रुकुम पश्चिममा पठाइएको हो । बाँकी २८ वटा कन्टेनर ७ वटै प्रदेशस्थित सशस्त्र प्रहरी बल, नेपालको बाहिनी मुख्यालय र मातहतका युनिटहरुमा विपद्को समयमा छिटोभन्दा छिटो प्रयोग गर्न सकिने गरी सुरक्षित भण्डारण गरी राखिएको छ । एउटा डिआरएस कन्टेनरमा एक सय जनाको लागि खाद्यान्न बाहेक सम्पूर्ण बन्दोबस्तीका सामान तयारी अवस्थामा राखिएको हुन्छ । जसमा टेन्ट, भाडाकुँडा लगायतका सामाग्री हुन्छन् ।
यसैगरी आइतबार नै नेपाल सरकार गृह मन्त्रालय अन्तर्गत राष्ट्रिय आपतकालिन कार्य संचालन केन्द्रद्वारा उपत्यकास्थित सशस्त्र प्रहरी बल नेपाल नं. २० विपद् उद्धार उपत्यका गण सिनामंगल र नं. २२ गुहेश्वरी गण भक्तपुरमा सुरक्षित भण्डार गरी राखिएका १० हजार ७ सय थान टेन्टसहितको तीन वटा कन्टेनर समेत सशस्त्र प्रहरी बल नेपालको सुरक्षामा भूकम्प प्रभावित क्षेत्रमा पठाइएको छ ।

       जाजरकोट जिल्लाको बारेकोट गाउँपालिका १ स्थित रामीडाँडा केन्द्रविन्दु
बनाई गएराती गएको भुकम्पमा परेकाहरुको खोज तथा उद्धारको लागि जाजरकोट र
पश्चिम रुकुममा मेडिकल सामाग्री तथा विपद् व्यवस्थापन तालिम प्राप्त
टोलीसहित करीव ५ सय जना सशस्त्र प्रहरी बलको सुरक्षा फौज परिचालन गरिएको
छ ।
        हालसम्म भुकम्पमा परी जाजरकोटमा १ सय ५ र पश्चिम रुकुममा ५२ जना गरी १
सय ५७ जनाको मृत्यु भएको छ । त्यस्तै जाजरकोट र पश्चिम रुकुममा भुकम्पमा
परेका १ सय ९० जना भन्दा बढिको उद्धार गरिएको छ । भुकम्पमा परेकाहरुको
खोज तथा उद्धारको लागि सम्बन्धित जिल्ला तथा अन्य जिल्लाहरुबाट समेत
सशस्त्र प्रहरी बलको टोली परिचालन गरिएको छ ।
        जाजरकोट जिल्लामा सशस्त्र प्रहरी बल नेपाल नंं. ६ महेश्वरी बाहिनी
मुख्यालय सुर्खेतबाट प्रा.सशस्त्र प्रहरी निरीक्षक डा.निश्चल घिमिरेको
कमाण्डमा ७ जना एम्बुलेन्ससहितको मेडिकल टोली, नं. ३२ रक्तकाली गण
सुर्खेतबाट ८५ जना, नं. ४२ रिजर्भ गण बाँकेबाट विपद् व्यवस्थापन तालिम
प्राप्तसहित ६० जना, आश्रित गुल्म जाजरकोटबाट ७५ जना र आश्रित गुल्म
दैलेखबाट ३५ जना गरी जम्मा २ सय ६२ जना सशस्त्र प्रहरी बलको सुरक्षा फौज
आवश्यक उद्धार सामाग्रीसहित खटिएको छ ।
        त्यस्तै पश्चिम रुकुममा नेपाल एपीएफ अस्पतालबाट प्रा.सशस्त्र प्रहरी
नायव उपरीक्षक डा.रोशन पराजुलीसहित ९ जना, नं. २९ ज्वालामाई गण दाङ्गबाट
४० जना, नं. ४७ गुल्म पश्चिम रुकुमबाट १ सय ७ जना, आश्रित गुल्म पूर्वी
रुकुमबाट विपद् व्यवस्थापन तालिम प्राप्त टोलीसहित ३० जना र आश्रित गुल्म
सल्यानबाट ५५ जना समेत जम्मा २ सय २१ जना गरी भुकम्प प्रभावित क्षेत्रमा
करीव ५ सय सशस्त्र प्रहरी बलको सुरक्षा फौज परिचालन भएका छन् ।
        सशस्त्र प्रहरी बल नेपालको डिजास्टर रेस्पोन्स सिस्टम (DRS) कन्टेनर
दाङ्गबाट पश्चिम रुकुम र सुर्खेतबाट जाजरकोटको लागि पठाई सकिएको छ भने
सशस्त्र प्रहरी बल नेपालको Mass Casualty Vehicle (MCV) काठमाडौं,
नेपालगंज र सुर्खेतमा तयारी हालतमा राखिएको छ । नेपालगंजमा रहेको MCV ले
घाईतेहरुलाई अस्पताल पुर्‍याएको थियो ।
        भुकम्पमा परी घाईतेहरु भर्ना गरिएका अस्पताल नजिकका युनिटहरुमा सशस्त्र
प्रहरी बल नेपालको फौज रक्तदानको लागि तयारी हालतमा राखिएको छ ।
         सशस्त्र प्रहरी बल नेपालले प्रभावित क्षेत्रहरुमा विपद् उद्धारका दक्ष
जनशक्ति समेत परिचालन गरेको छ भने खोज तथा उद्धारको लागि नेपाल एपीएफ
अस्पताल तथा उपत्यका स्थित नं. २० विपद् उद्धार उपत्यका गण, नं. २१
निलवाराही गण, नं. २२ गुहेश्वरी गण, नं. २६ गण पश्चिम नवलपरासी, नं. २९
ज्वालामाई गण दाङ्ग, नं. ४१ रिभर्ज गण कपिलवस्तु, नं. ३० बागेश्वरी गण
बाँके, नं. ३१ गण बर्दिया, नं. ३४ गण कैलाली र नं. ३५ गण कञ्चनपुरबाट
जम्मा ५ सय ६८ जना सशस्त्र प्रहरी बलको विशेष सुरक्षा फौज तयारी अवस्थामा
राखिएको छ । जसमा विपद् व्यवस्थापन तालिम प्राप्त १ सय २०,  मेडिकल टिम
१६ जना, फायरफाईटिङ्ग १० जना समेत रहेका छन् ।

        गएराती जाजरकोट जिल्लाको बारेकोट गाउँपालिका १ रामीडाँडा केन्द्रविन्दु
बनाई गएको भुकम्पमा परेकाहरुको खोज तथा उद्धारको लागि जाजरकोट र पश्चिम
रुकुममा ३ सय ६७ जना सशस्त्र प्रहरी कर्मचारीहरु परिचालन भएका छन् ।
        हालसम्म भुकम्प परी जाजरकोटमा ९५ र पश्चिम रुकुममा ३७ जना गरी १ सय ३२
जनाको मृत्यु भएको छ भने १ सय ५५ जनाको उद्धार गरिएको छ ।
        भुकम्पमा परेकाहरुको खोज तथा उद्धारको लागि जाजरकोटमा सशस्त्र प्रहरी बल
नेपाल नंं. ६ महेश्वरी बाहिनी मुख्यालय सुर्खेतबाट प्रा. सशस्त्र प्रहरी
निरीक्षक डा. निश्चल घिमिरेको कमाण्डमा ४ जना मेडिकल टोली, नं. ३२ गण
सुर्खेतबाट सशस्त्र प्रहरी निरीक्षकको कमाण्डमा ७० जना, नं. ४२ रिजर्भ गण
बाँकेबाट सशस्त्र प्रहरी निरीक्षकको कमाण्डमा २२ जना विपद् व्यवस्थापन
तालिम प्राप्त टोलीसहित २५ जना, आश्रित गुल्म जाजरकोटबाट ७० जना र आश्रित
गुल्म दैलेखबाट २५ जना गरी जम्मा १ सय ९४ जना सशस्त्र प्रहरी कर्मचारीहरु
आवश्यक उद्धार सामाग्रीसहित खटिएको छ ।
        त्यस्तै पश्चिम रुकुममा नेपाल एपीएफ अस्पतालबाट प्रा. सशस्त्र प्रहरी
नायव उपरीक्षक डा. रोशन पराजुलीको कमाण्डमा ९ जना, नं. २९ ज्वालामाई गण
दाङ्गबाट सशस्त्र प्रहरी निरीक्षकको कमाण्डमा २१ जना, नं. ४७ गुल्म
पश्चिम रुकुमबाट १ सय ७ जना, आश्रित गुल्म पूर्वी रुकुमबाट २ जना विपद्
व्यवस्थापन तालिम प्राप्त टोलीसहित ११ जना, आश्रित गुल्म सल्यानबाट २५
जना गरी जम्मा १ सय ७३ जना सशस्त्र प्रहरी कर्मचारीहरु परिचालन भएका छन्
।
        सशस्त्र प्रहरी बल नेपालले प्रभावित क्षेत्रहरुमा विपद् उद्धारका दक्ष
जनशक्ति समेत परिचालन गरेको छ भने अन्य युनिटहरुबाट समेत फौज परिचालनको
लागि तयारी हालतमा राखिएको छ ।

        सशस्त्र प्रहरी बल नेपालले नेपाल भारत सीमा स्तम्भको मर्मत तथा रंगरोगन
कार्यको शुरुवात गरेको छ । मर्मतको शुरुवात बिहिबार मधेश प्रदेशस्थित
सशस्त्र प्रहरी बल नेपाल नं २ छिन्नमस्ता बाहिनीका बाहिनीपति सशस्त्र
प्रहरी नायव महानिरीक्षक दिपेन्द्र शाहको उपस्थितीमा धनुषास्थित नेपाल
भारत दशगजामा रहेको सीमा स्तम्भबाट गरिएको हो ।
        सीमा स्तम्भ मर्मतको शुरुवात गर्नुहुँदै नायव महानिरीक्षक शाहले दुरुस्त
अवस्थाको सीमा स्तम्भले सीमा सुरक्षाको जिम्मेवारी प्राप्त सशस्त्र
प्रहरी बल नेपाललाई थप प्रभावकारी रुपमा सीमाको सुरक्षा गर्न सहज हुने र
यसले सीमाको सुरक्षामात्र नभई सीमा अपराध नियन्त्रण गर्नका साथै दुई देश
बीचको सम्वन्ध थप मजवुद बनाउन योगदान पुर्या उने समेत वताउनुभयो ।
        उहाँले नेपाल सरकारबाट सशस्त्र प्रहरी बल नेपाललाई मर्मत कार्यको
जिम्मेवारी प्राप्त भई सकेकाले आगामी दिनहरुमा निरन्तर रुपमा मर्मत कार्य
सुचार रहने र मर्मतका क्रममा स्थानीय जनसमुदाय तथा जनप्रतिनिधिहरुको
सहयोग अपरिहार्य रहेको समेत बताउनु भयो ।
        उहाँले सशस्त्र प्रहरी बल नेपालले सीमावर्ती क्षेत्रका नागरिकको सहयोग
बिना प्रभावकारी रुपमा सीमा सुरक्षा तथा सीमा अपराध नियन्त्रण गर्न
असम्भव रहेको महशुस गरी सीमावासीसंग सशस्त्र प्रहरी कार्यक्रम शुरु
गरिसकेको र सोहि अन्तर्गत गत कार्तिक १ गते छिन्नमस्ता बाहिनी महोत्तरीमा
मधेश प्रदेशको भारतसंग जोडिएका १ सय ४३ वडाका अधिकांस वडा अध्यक्षहरुसंग
अन्तरक्रिया कार्यक्रम आयोजना गरिएको र उक्त अवसरमा प्राप्त सुझावहरुलाई
कार्यान्वयन गर्ने चरणमा रहेको समेत जानकारी गराउनु भएको थियो ।
        नेपाल भारत Boundary Working Group (BWG) को पाचौँ बैठकमा सन् २०१४
पश्चात् मर्मत तथा निर्माण भएका सीमा स्तम्भहरुमध्ये जोर नम्बरको सीमा
स्तम्भहरु भारतीय सशस्त्र सीमा बल (SSB) ले सशस्त्र प्रहरी बल नेपालको
उपस्थितीमा र बिजोर नम्बरको सीमा स्तम्भ नेपालले मर्मत सम्भार गर्ने
निर्णय भएको थियो ।
        नेपाल सरकार मन्त्री परिषद्को २०७७ साउन १९ गतेको निर्णय अनुसार सन्
२०१४ पश्चात् मर्मत तथा निर्माण भएका बिजोर सीमा स्तम्भहरु सशस्त्र
प्रहरी बल नेपाललाई मर्मत सम्भार गर्ने जिम्मेवारी प्राप्त भए बमोजिम
मर्मतको कार्य शुरु गरिएको हो । पहिलो चरणमा मधेश प्रदेशमा रहेका १ हजार
भन्दा बढि सीमा स्तम्भहरुको मर्मत हुनेछन् ।
        सो कार्यक्रममा धनुषास्थित नगराइन नगरपालिकाका प्रमुख विनय कुमार यादव,
मुखियापट्टि  मुसहरनिया गाउँपालिकाका अध्यक्ष जयकुमार यादव, भारतीय
सशस्त्र सीमा बलका डिपुटी कमाण्डेन्ट सन्तोष कुमार निमोरिया, नापी
विभागका अधिकृत लगायत जिल्ला प्रशासन कार्यालयका प्रतिनिधि तथा स्थानीय
भद्रभाद्मीहरुको समेत उपस्थिती रहेको थियो ।
        यसैगरी आजैबाट मधेश प्रदेशका सिरहा, महोत्तरी, सर्लाही, बारा र पर्सा
जिल्लाहरुमा समेत सीमा स्तम्भहरुको मर्मत कार्य शुरु गरिएको छ ।

        इलाम जिल्लाको सुर्योदय नगरपालिका २ चारमाईल स्थित दशगजा ईलाकाबाट
कार्तिक १३ गते सशस्त्र प्रहरीले प्रतिबन्धित नोट तथा सामानसहित तीन जना
भुटानी नागरिकलाई नियन्त्रणमा लिएको छ ।
        नियन्त्रणमा लिइएकाहरु भुटान घर बताउने ४५ वर्षिय धन कुमार राई, ४४
वर्षिय फौदसिंह राई र २५ वर्षिय विशाल राई छन् ।
        भुटानबाट भारतको बाटो हुँदै नेपाल प्रवेश गरेका उनीहरुको साथमा
प्रतिबन्धित नोट तथा अन्य सामान फेला परेपछि सशस्त्र प्रहरी बल नेपाल
प्रस्तावित सीमा सुरक्षा गुल्म पशुपतिनगरले नियन्त्रणमा लिएको हो ।
उनीहरुको साथबाट ४ लाख २५ हजार ७ सय १० रुपैयाँ बराबरको भारतीय नोट, ३
हजार ७ सय ५६ रुपैयाँ बराबरको भुटानी नोट र नेपाली १ सय ८० रुपैयाँ समेत
बरामद भएको छ ।
        नियन्त्रणमा लिइएकाहरुलाई प्रतिबन्धित नोट तथा सामानसहित आवश्यक
अनुसन्धानको लागि राजश्व अनुसन्धान कार्यालय ईटहरीमा बुझाईएको छ ।

       रौतहट जिल्लाको राजपुर नगरपालिका २ फतुहाबाट कार्तिक १४ गते करीव २ लाख
१६ हजार रुपैयाँ बराबरको चोरीपैठारीको लत्ताकपडासहित मोटरसाईकल
नियन्त्रणमा लिइएको छ ।
        भारतबाट अवैध रुपले बीआर ०५ एल ३५९० नम्बरको मोटरसाईकलमा राखी नेपालतर्फ
ल्याउँदै गरेको लत्ताकपडा बिल बिजक फेला नपरेपछि नं. ११ गण रौतहटले
नियन्त्रणमा लिएको हो ।
        यसैगरी सोही जिल्लाको यमुनामाई गाउँपालिका ४ बमनहर ईलाकाबाट कार्तिक १३
गते करीब १ लाख ३२ हजार रुपैयाँ बराबरको लत्ताकपडा समेत बरामद गरेको छ ।
        बिलबिजक नभएको उल्लेखित मुल्यको लत्ताकपडा सुरक्षा बेश फतुहाले बरामद
गरेको हो । बरामद लत्ताकपडा तथा मोटरसाईकल गौर भन्सार कार्यालय रौतहटमा
बुझाईएको छ ।

       धनुषा जिल्लाको मिथिला नगरपालिका १० स्थित बडहरीबाट कार्तिक १३ गते करीब
१७ लाख ३१ हजार रुपैयाँ बराबरको मोबाईलको डिस्प्ले र लत्ताकपडा बरामद
भएको छ ।
        राजश्व भन्सार सुरक्षा बेश जनकपुरले विशेष सूचनाको आधारमा अबैध रुपमा
गोदाममा स्टोर गरी राखिएको अवस्थामा उल्लेखित मुल्य बराबरको २ हजार ९ सय
६० वटा मोबाईलको डिस्प्ले र लत्ताकपडा बरामद गरिएको हो ।
        बरामद सामान राजश्व भन्सार कार्यालय जनकपुरमा बुझाईएको छ ।
 

        वडा दशै २०८० को अवसरमा सशस्त्र प्रहरी महानिरीक्षक राजु अर्यालले असोज
९ गते सशस्त्र प्रहरी कर्मचारीहरुलाई टिका तथा प्रसाद प्रदान गर्नुभएको छ
।
        वडा दशैको अवसरमा अयोजना गरिएको कार्यक्रममा सशस्त्र प्रहरी परिवार
महिला संघकी अध्यक्ष तथा सशस्त्र प्रहरी अतिरिक्त महानिरीक्षकहरु र महिला
संघका उपाध्यक्षहरुले समेत सोही अवसरमा टिका तथा प्रसाद प्रदान गर्नुभएको
थियो ।
        कार्यक्रममा उपत्यकास्थित सशस्त्र प्रहरी बल नेपालका वहालवाला तथा अवकाश
प्राप्त सशस्त्र प्रहरी कर्मचारीहरुको उपस्थिती रहेको थियो ।

बडादशैंको अवसरमा आज महानवमीको दिन सशस्त्र प्रहरी बल, नेपालको निशान तथा मौलो पुजा सम्पन्न भएको छ । 

सशस्त्र प्रहरी महानिरीक्षक राजु अर्यालले सशस्त्र प्रहरी बल, नेपाल नम्बर १९ बगलामुखी बिशेष कार्यदल  गण  हल्चोक स्वयम्भूमा आयोजित विशेष कार्यक्रमका बीच पुजाअर्चना गर्नुभएको हो ।  

  निशान तथा मौलो पुजा कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम, बंशीराज दाहाल लगायत सशस्त्र प्रहरी बल नेपालका बरिष्ठ अधिकृत, अधिकृत तथा बिल्लादार जवानहरुबाट पुजाअर्चना तथा मौलो परिक्रमा गरिएको थियो । 

सशस्त्र प्रहरी व्याण्डको मंगलधुनबीच बिहान ७ बजेर २१ मिनेटको पुजाको संकल्प साइतमा सुरु गरिएको निशान तथा मौलो पुजा कार्यक्रममा सशस्त्र प्रहरी महानिरीक्षक अर्यालले सशस्त्र प्रहरी बल, नेपालको निशानमा पञ्जाछाप लगाउनुभएको थियो ।

पुजा कार्यक्रममा सशस्त्र प्रहरी बल, नेपालको एक टोलीले निशान भगवती सलामी अर्पण गरेको थियो । सशस्त्र प्रहरी बल, नेपालले बडादशैंको अवसरमा हरेक वर्ष निशान तथा कोतपुजा गर्दै आएको छ ।

त्यसअवसरमा सशस्त्र प्रहरी महानिरीक्षक अर्यालले मौलोपुजा व्यवस्थापनमा उत्कृष्ट कार्यगर्ने सशस्त्र प्रहरी कर्मचारीहरुलाई पगरी तथा नगद पुरस्कार प्रदान गर्नुभएको थियो ।

सशस्त्र प्रहरी महानिरीक्षक राजु अर्यालले नेपालीहरुको महान चाड विजयादशमी र नजिकिदै गरेको शुभ दिपावली, नेपाल संवत् ११४४ र छठपर्व को अवसरमा सम्पूर्ण सशस्त्र प्रहरी कर्मचारी तथा उनीहरुका परिवारजनमा हार्दिक मंगलमय शुभकामना ब्यक्त गर्नुभएको छ ।
उहाँले सशस्त्र प्रहरी बल, नेपाल प्रधान कार्यालयबाट कार्तिक ३ गते शुभकामना दिनुहुँदै संगठनको गर्विलो इतिहासलाई कायम राख्न राज्यले सुम्पिएका जिम्मेवारीहरुलाई त्रुटिरहित ढंगबाट निर्वाह गरी पूर्व मेचीदेखि पश्चिम महाकाली, तराईको गर्मीदेखि उच्च पहाड तथा हिमालको चिसो अनि बिभिन्न शान्ति मिसनमा रहेर अहोरात्र जनताको सुरक्षा, सेवा, सहयोग र उद्धार कार्यमा निरन्तर परिचालित सकल दर्जाका राष्ट्रसेवक सशस्त्र प्रहरी कर्मचारीहरुको सुख, शान्ति, समृद्धि एवं दिर्घायुको कामना गर्नुभयो ।
सशस्त्र प्रहरी महानिरीक्षक अर्यालले राष्ट्र र जनताको सेवा र सुरक्षाका खातिर आफ्नो प्राणको आहुति दिएका अमर सशस्त्र प्रहरीको त्याग तथा योगदान र आफ्ना जीवनका उर्जाशील समय खर्चगरी अहम् भूमिका निर्वाह गर्नुहुने सम्पूर्ण पूर्वज सशस्त्र प्रहरी कर्मचारीहरुको स्मरण गर्नुुहुँदै जिम्मेवारी निर्वाहको क्रममा घाइते तथा अङ्गभङ्ग भएका सशस्त्र प्रहरी कर्मचारीहरुको शिघ्र स्वास्थ्यलाभको कामना समेत गर्नुभयो ।
सशस्त्र प्रहरी महानिरीक्षक अर्यालले चाडपर्वको समयमा समेत नागरिकको सेवा, सुरक्षा, सहयोग र आपद विपद्मा परेकाहरुको उद्धारमा थप जोश, जाँगर, हौसला र वफादारिताका साथ परिचालित हुन सकल दर्जाका सशस्त्र प्रहरी राष्ट्रसेवकहरुलाई निर्देशन समेत दिनुभयो ।
उहाँले संगठन तथा सकल दर्जाको बृहत्तर हित र विकासका लागि विभिन्न योजनाहरु तयार गरी कार्यान्वयमा ल्याइए पश्चात सकारात्मक प्रभाव र परिणामहरु अनुभूत भएको उल्लेख गर्नुहुँदै नयाँ ‘संगठन तथा व्यवस्थापन’ सर्वेक्षण भएपश्चात लामो समयसम्म एउटै दर्जामा बस्नुपर्ने अवस्थाको अन्त्य गर्दै ६ हजार ५ सय भन्दा बढी जनशक्तिको पदोन्नती सम्पन्न भइसकेको र खाली पदहरुमा बढुवा गर्ने क्रममा जारी नै रहेको बताउनुभयो ।
महानिरीक्षक अर्यालले राष्ट्रसेवकहरुको मनोबललाई उच्च बनाई राख्न न्यूनतम आवश्यकताहरुको स्तरोन्नती, विभिन्न कल्याणकारी योजनाहरुमा थप बृद्धि, अस्पतालहरुको स्तरोन्नती, सबै प्रदेशहरुमा सशस्त्र प्रहरी बिद्यालय विस्तार गर्न समिति गठनलगायतका सुधारात्मक कार्यहरुलाई निरन्तरता दिँदै लगिने बताउनुभयो ।
उहाँले चाडपर्वका वेला सजकताकासाथ अझ बढी सक्रिय भई परिचालन हुनुपर्ने बताउनुहुँदै आमजनतामा सुशासनको प्रत्याभूति हुने गरी पूर्ण व्यवसायीक र नैतिकवान भई प्राप्त जिम्मेवारीलाई इमान्दारितापूर्वक निर्वाह गर्न निर्देशन दिनुभयो ।
महानिरीक्षक अर्यालले चाडपर्वको बेला स्वदेश तथा विदेशमा आवतजावत गर्ने नागरिकको सहयोग तथा सुरक्षाका लागि देशका विभिन्न नाकाहरुमा आवश्यकता अनुसार सहायता कक्ष स्थापना भइसकेको र सहायता कक्षहरुमा कार्यरत राष्ट्रसेवकहरुले समकक्षी सुरक्षा निकायसँग समन्वय गरी आम नागरिकमा आईपर्न सक्ने कठिनाई समाधान गर्नका लागि प्रभावकारी ढंगबाट परिचालित हुन निर्देशन दिनुभयो ।  
उक्त शुभकामना सन्देश देशभर रहेका सशस्त्र प्रहरी बल, नेपालका इकाईहरुमा ‘लाइभ भिडियो स्ट्रीमिङ’, इन्ट्रानेट तथा सशस्त्र प्रहरी संचारद्वारा प्रत्यक्ष प्रसारणद्वारा हेर्ने र सुन्ने ब्यवस्था मिलाईएको थियो ।
यसैगरी बडाखाना कार्यक्रममा महानिरीक्षक अर्यालले मित्रराष्ट्र चीनको हाङ्गझाओमा सम्पन्न भएको १९औं एशियाली खेलकुद प्रतियोगिता उत्कृष्ट प्रदर्शन गर्ने नेपाल एपीएफ क्लवका खेलाडीहरु तथा  राष्ट्रिय लोक तथा दोहोरी गीत प्रतिष्ठान नेपाल उपत्यका समन्वय समितिले आयोजना गरेको ‘आठौँ राष्ट्रिय लोक दोहोरी अवार्ड–२०८०’ विजेता नरेश ए.मसी. लगायतका कलाकारहरुलाई प्रशंसापत्र प्रदान गर्नुभएको थियो ।
कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम र बंशीराज दाहाल लगायत सशस्त्र प्रहरी बल, नेपालका बरिष्ठ अधिकृत तथा अधिकृत एवं विल्लादार जवानहरुको उपस्थिती रहेको थियो ।

            नेपाल प्रहरीका प्रहरी महानिरीक्षक बसन्तबहादुर कुँवरले राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा संचालित UNPOL Certified Instructors Development Course Job-Specific Training (JST)  को कार्तिक ०२ गते समापन गर्नुभएको छ ।

            महानिरीक्षक कुँवरले तालिम संचालनको लागि सहयोग पुर्‍याउनुहुने संयुक्त राष्ट्र संघको सचिवालय लगायत सम्बन्धित संघसंस्था र निकायहरुप्रति हार्दिक आभार प्रकट गर्नुहुँदै यस तालिमले अधिकृतहरुको प्रशिक्षकको रुपमा सिकाउने कला र क्षमतालाई बृद्धि गरेको र भविष्यमा शान्ति मिसनमा खटिने अधिकृतहरुको क्षमता अभिबृद्धि गर्न समेत मद्दत पुग्ने विश्वास व्यक्त गर्नुभयो ।

             United Nations Police Division and Integrated Training Service  र The US Department of State Bureau of International Narcotics and Law Enforcement Affairs (INL) को सहकार्यमा सो तालिम संचालन भएको हो । 

            गत असोज १६ गतेबाट संचालन भएको तालिममा बंगलादेश, भुटान, फ्रान्स, भारत, मंगोलिया, नेपाल र श्रीलंका गरी ७ देशका १८ जना प्रशिक्षार्थी अधिकृतहरुको सहभागिता रहेको छ ।

            कार्यक्रममा बिशिष्ट अतिथि चिप्स अफ एसपीसी एनमेरी ओरर, निमित्त संगठन प्रमुख सशस्त्र प्रहरी अतिरिक्त महानिरीक्षक नारायणदत्त पौडेल, प्रहरी अतिरिक्त महानिरीक्षक टेक बहादुर तामाङ्ग, सशस्त्र प्रहरी अतिरिक्त महानिरीक्षकहरु चन्द्रप्रकाश गौतम र बंशीराज दाहाललगायत राष्ट्रिय सशस्त्र प्रहरी बल प्रशिक्षण प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल गिरी, सशस्त्र प्रहरी बल नेपालका बरिष्ठ अधिकृत तथा अधिकृतहरुको उपस्थिती रहेको थियो ।

बडा दशैंलगायतका चाडपर्वहरुको पूर्वसन्ध्यामा सशस्त्र प्रहरी बल नेपालले नेपाल–भारत तथा नेपाल–चीन अन्तर्राष्ट्रिय सीमा जोडिएका सीमावर्ती वडाका वडाध्यक्षहरुसँग शुभकामना आदानप्रदान एवं अन्तरक्रिया कार्यक्रम संचालन गरेको छ ।  
‘सीमाबासीसँग सशस्त्र प्रहरी’ कार्यक्रम सुरुवात गरी सशस्त्र प्रहरी बल नेपालले सीमावर्ती वडाका वडाध्यक्षहरुसँग कार्तिक १ गते शुभकामना आदानप्रदान एवं अन्तरक्रिया कार्यक्रम संचालन गरेको हो । प्रदेशस्थित सशस्त्र प्रहरी बल नेपालको बाहिनी मुख्यालयहरुमा सम्पन्न अन्तरक्रिया कार्यक्रममा बदलिदो सुरक्षा परिवेशमा सीमा सुरक्षा तथा व्यवस्थापनमा सशस्त्र प्रहरी बल नेपालको भूमिका र सम्भाव्यता सम्बन्धमा प्रस्तुतीकरण गरिएको थियो ।
कार्यक्रममा सीमा सुरक्षालाई थप प्रभावकारी बनाउन स्थानीय तह, सीमावर्ती अपराध तथा गैह्र कानूनी क्रियाकलापहरुलाई नियन्त्रण गर्न समुदायको भूमिकाको पहिचानलगायत सीमावर्ती ईलाकाका समुदाय तथा बासिन्दासँग निरन्तर समन्वय, पारस्परिक सहयोग र सूचना आदानप्रदानका उपायहरुको खोजी र कार्यान्वय गर्ने सम्बन्धमा छलफल भएको थियो ।
यसैगरी सशस्त्र प्रहरी अतिरिक्त महानिरीक्षक बंशीराज दाहालको उपस्थितिमा मधेश प्रदेशस्थित नं. २ छिन्नमस्ता बाहिनी मुख्यालय महोत्तरीमा सम्पन्न कार्यक्रममा सो बाहिनीका बाहिनीपति सशस्त्र प्रहरी नायब महानिरीक्षक दिपेन्द्र शाह, सिमावर्ती ईलाकाका सशस्त्र प्रहरी बल नेपालका कार्यालय प्रमुखहरुलगायत सरोकारवाला निकायहरुको उपस्थिती रहेको थियो ।
अतिरिक्त महानिरीक्षक दाहालले सीमा क्षेत्रका जनप्रतिनिधिहरुले भोग्नुपरेको समस्या र सीमानामा भएका समस्याहरु बारेमा जानकारी लिनका लागि कार्यक्रम आयोजना गरिएको बताउनुभयो ।  
कार्यक्रममा नं. २ छिन्नमस्ता बाहिनी मुख्यालयका बाहिनीपति सशस्त्र प्रहरी नायव महानिरीक्षक दीपेन्द्र शाहले सशस्त्र प्रहरी बल, नेपालको औचित्यता प्रष्ट पार्नुहुँदै राज्यद्वारा प्रद्धत्त कार्यादेश मध्ये देशको अन्तर्राष्ट्रिय सीमानाको सुरक्षा उच्च प्राथमिकतामा रहेको बताउनुभयो ।
यसैगरी कोशी प्रदेशस्थित नं. १ बराह बाहिनी मुख्यालय सुनसरीका बाहिनीपति सशस्त्र प्रहरी नायव महानिरीक्षक अञ्जनीकुमार पोख्रेल, नं. ३ गढीमाई बाहिनी मुख्यालय मकवानपुरका बाहिनीपति सशस्त्र प्रहरी नायव महानिरीक्षक लक्ष्मणबहादुर सिंह, नं. ४ मुक्तिनाथ बाहिनी मुख्यालय कास्कीका बाहिनीपति सशस्त्र प्रहरी नायव महानिरीक्षक कालिदास धौबजी, नं. ५ विन्ध्यावासिनी बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक अभिकुमार खत्री र नं. ७ बैद्यनाथ बाहिनी मुख्यालय कैलालीका बाहिनीपति सशस्त्र प्रहरी नायव महानिरीक्षक कुमार न्यौपानेको उपस्थितिमा सीमावर्ती वडाका वडाध्यक्षहरुसँग अन्तरक्रिया कार्यक्रम समेत सम्पन्न भएको छ ।  
कोशी प्रदेशको भारत र चीनसँग सीमा जोडिएको ८३, मधेश प्रदेशको १ सय ४३,  बाग्मती प्रदेशको २३, गण्डकी प्रदेशको १८, लुम्बिनी प्रदेशको ८९ र सुदूरपश्चिम प्रदेशको ७६ वटा वडाका अधिकांश वडाअध्यक्षहरु उपस्थिती रहेको थियो । गण्डकी प्रदेशको मुस्ताङ, मनाङ र गोर्खाका सीमा जोडिएका वडाका वडाध्यक्षहरुसँग प्रत्यक्ष भिडियो मार्फत अन्तरक्रिया गरिएको थियो भने कर्णाली प्रदेशस्थित सीमावर्ती वडाका वडाध्यक्षहरुसँग निकट भविष्यमा अन्तरक्रिया कार्यक्रम गरिने योजना रहेको छ ।
सशस्त्र प्रहरी बल, नेपालले अन्तर्राष्ट्रिय सीमा जोडिएका वडाका वडाध्यक्षहरुको संयोजकत्वमा ३ सय २६ वटा सीमा सहजिकरण समिति गठन गरी कार्य प्रारम्भ भईरहेको र यसलाई थप प्रभावकारी बनाउन ‘सीमाबासीसँग सशस्त्र प्रहरी’ कार्यक्रमको सुरुवात गरिएको हो ।
कार्यक्रममा उपस्थित वडाका वडाध्यक्षहरुले सशस्त्र प्रहरी बल, नेपालको सीमा सुरक्षा व्यवस्थापनमा भएका गतिविधिको सराहना गर्नुहुँदै सीमामा देखा परेका समस्या, स्थानीय जनताले भोग्नुपरेका कठिनाईलगायतका विषयमा जानकारी गराउनु भएको थियो ।

       राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थको १६औं
स्थापना दिवस निमित्त संगठन प्रमुख सशस्त्र प्रहरी अतिरिक्त महानिरीक्षक
नारायणदत्त पौडेलकोे प्रमुख आतिथ्यतामा असोज ३० गते विविध कार्यक्रम गरी
सम्पन्न भएको छ ।
        अतिरिक्त महानिरीक्षक पौडेलले स्थापना दिवसको अवसरमा उत्कृष्ट कार्य
गर्ने सशस्त्र प्रहरी कर्मचारीहरु तथा प्रशिक्षक लगायत प्रतिष्ठानलाई
सहयोग पु¥याउनुहुने विभिन्न संघ संस्थाका महानुभावहरुलाई कदरपत्र,
पुरस्कार र प्रशंसापत्र प्रदान गर्नुभएको थियो ।
        उहाँले दक्ष जनशक्ति उत्पादन गर्न प्रशिक्षण प्रतिष्ठानको भूमिका
उल्लेखनिय रहेको बताउनुहुँदै समयानुकुल परिमार्जीत पाठ्यक्रम अनुसार
संचालन हुने तालिमहरुमा समेत प्रतिष्ठान अझ बढि सत्रृmयताकासाथ लागिरहने
विश्वास व्यक्त गर्नुभयो ।
        अतिरिक्त महानिरीक्षक पौडेलले विभिन्न आधारभूत तथा उन्नत तालिमहरु
मार्फत पेशागत ज्ञान, सिप र नेतृत्व विकास गरी अधिकृत तथा जवानहरुलाई
संगठनको कार्यादेश बमोजिम सवल र सक्षम बनाउँदै आईरहेको चर्चा गर्नहुँदै
विभिन्न इकाईहरुमा संचालन हुने तालिममा दक्ष प्रशिक्षक उत्पादनमा समेत
प्रशिक्षण प्रतिष्ठानको योगदान प्रशंसनीय रहेको बताउनुभयो ।
        कार्यक्रममा प्रशिक्षण प्रतिष्ठानका कार्यकारी निर्देशक सशस्त्र प्रहरी
नायव महानिरीक्षक कमल गिरीले स्थापना दिवस मनाउने कार्यले सशस्त्र प्रहरी
कर्मचारीहरुमा हौसला बृद्धि भएको बताउनुभयो ।
        कार्यक्रममा  स्थानीय जनप्रतिनिधिहरु, बहालवाला तथा भूतपूर्व सशस्त्र
प्रहरी कर्मचारीहरु एवं स्थानीय भद्रभलाद्मीहरुको उपस्थिती रहेको थियो ।

        पर्सा जिल्लाको बीरगंज महानगरपालिका १६ रजतजयन्ती चोकबाट असोज २८ गते
करीव १५ लाख रुपैयाँ बराबरको चोरीपैठारीको सामान बरामद भएकोे छ ।
        विशेष सुचनाको आधारमा सशस्त्र प्रहरी बल नेपाल नं. १३ गण पर्साले सोही
ठाउँ बस्ने समिम मियाको घर भाडामा लिई मुकेश भन्ने व्यक्तिले लुकाई छिपाई
राखेको उल्लेखित मुल्यको लत्ताकपडा, हार्डवेयर तथा मोटर पार्ट्स बरामद
गरेको हो ।
        बरामद सामान बीरगंज भन्सार कार्यालय पर्सामा बुझाईएको छ ।

बाँकेको विभिन्न स्थानबाट सशस्त्र प्रहरी बल नेपाल नं. ३० बागेश्वरी गण तथा गण मातहत युनिटले करीव १६ लाख ५८ हजार रुपैयाँ बराबरको चोरीपैठारीका विभिन्न सामान बरामद गरेको छ ।
सोही जिल्लाको नेपालगंज उपमहानगरपालिका १५ जमुनाहबाट असोज २५ गते भारतबाट अवैध रुपले ल्याउँदै गरेको करीव १० लाख १ हजार रुपैयाँ बराबरको चोरीपैठारीको लत्ताकपडा बरामद गरिएको   हो ।
यसैगरी नेपालगंज उपमहानगरपालिका १६ चौलिका चोकबाट असोज २५ गते करीव ४ लाख ८१ हजार रुपैयाँ बराबरको चोरीपैठारीको सामान बरामद भएको छ ।
भारतबाट अवैध रुपले अटो रिक्सामा राखी नेपालतर्फ ल्याउँदै गरेको उल्लेखित मुल्यको लत्ताकपडा, किराना सामान र सुर्तीजन्य पदार्थ नं. ३० बागेश्वरी गण बाँकेले बरामद गरेको हो ।
त्यस्तै सोही जिल्लाको नेपालगंज उपमहानगरपालिका १४ पिप्रहवाबाट असोज २५ गते करीव १ लाख ६६ हजार ८ सय रुपैयाँ बराबरको चोरीपैठारीको लत्ताकपडा बरामद भएको छ ।
भारतबाट अवैध रुपले २ वटा साईकलमा राखी नेपालतर्फ ल्याउँदै गरेको उल्लेखित मुल्यको लत्ताकपडा नं. ३० बागेश्वरी गण बाँकेले बरामद गरेको हो ।
बरामद सामान आवश्यक कारवाहीको लागि भन्सार कार्यालय जमुनाहमा बुझाईएको छ । 

        माननीय उपप्रधानमन्त्री एवं गृहमन्त्री नारायणकाजी श्रेष्ठले सशस्त्र
प्रहरी बल नेपाल प्रधान कार्यालयमा असोज २७ गते दोश्रो पटक आयोजित ‘एक
दिवसीय स्वजागरण अभियान तथा ध्यान विज्ञान कार्याशाला’को उद्घाटन
गर्नुभएको छ ।
        नेपाल सरकार गृह मन्त्रालय र जीवन बिज्ञान प्रतिष्ठानद्वारा
संयुक्तरुपमा आयोजना गरिएको कार्यक्रममा माननीय उपप्रधानमन्त्री एवं
गृहमन्त्री श्रेष्ठले योग र ध्यानले मानव जीवन तनावमुक्त बनाई दैनिक
गर्ने कामकारवाहीमा एकाग्रता ल्याई परिणाममुखी बनाउन विशेष सहयोग
पु¥याउने बताउनुभयो ।
        उहाँले नियमित योग र ध्यान अभ्यासले हामीले गर्ने दैनिक कार्यमा
सकारात्मक परिणाम ल्याई सुशासनको अभियानलाई अझ बढी प्रभावकारी बनाउन
विशेष भूमिका निर्वाह गर्ने बताउनुभयो ।
        कार्यक्रममा गृहसचिव दिनेश भट्टराई लगायत नेपाल प्रहरी, सशस्त्र प्रहरी
र राष्ट्रिय अनुसन्धान विभागका बरिष्ठ अधिकृत, गृहमन्त्रालयका सहसचिव तथा
गृहमन्त्रालय मातहत पदाधिकारी र कर्मचारीहरुको सहभागिता रहेको थियो ।

        पर्सा जिल्लाको बिरगंज महानगरपालिका १७ स्थित आईसीपी ईलाकाबाट असोज २४
गते सशस्त्र प्रहरीले प्रज्ञापन पत्रमा उल्लेख भएभन्दा बढी र फरक सामान
बोकेको लत्ताकपडासहित ट्रक नियन्त्रणमा लिएको छ ।
        विशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म अलौले बिरगंजबाट काठमाडौतर्फ आउँदै गरेको ना ८ ख ३९७८ नम्बरको माल
वाहक ट्रक नियन्त्रणमा लिएको हो । नियन्त्रणमा लिइएको लत्ताकपडाको भन्सार
प्रज्ञापन पत्रमा भने ९८ लाख ३७ हजार ३ सय ६ रुपैयाँ कायम रहेको छ ।
        नियन्त्रणमा लिइएको ट्रक बरामद लत्ताकपडासहित आवश्यक अनुसन्धानको लागि
राजश्व अनुसन्धान कार्यालय पथलैया बारामा बुझाईएको छ ।

        पर्सा जिल्लाको विरगंज महानगरपालिका ५ रेल्वे मार्गबाट असोज २४ गते करीव
२ लाख ८१ हजार रुपैयाँ बराबरको चोरीपैठारीको लत्ताकपडा र साईकल बरामद
भएको छ ।
        विशेष सुचनाको अधारमा सशस्त्र प्रहरी बल नेपाल नं. १३ गण पर्साले
भारतबाट अवैध रुपले तीन वटा साईकलमा राखी ल्याउँदै गरेको उल्लेखित
मुल्यको लत्ताकपडा बरामद गरेको हो ।
        बरामद लत्ताकपडा तथा साईकल भन्सार कार्यालय विरगंजमा बुझाईएको छ ।

         रौतहट जिल्लाको परोहा नगरपालिका ७ नरकटिया ईलाकाबाट असोज २४ गते
सशस्त्र प्रहरीले करीव २ लाख २६ हजार रुपैयाँ बराबरको विल विजक नभएको
औषधी बरामद गरेको छ ।
        भारतबाट अवैध रुपले ल्याउँदै गरेको उल्लेखित मुल्य बराबरको १ हजार ८ सय
वटा प्रजीसम प्लस ट्याब्लेट भेटनरी औषधी बिओपी सरमजुवाले बरामद गरेको हो
।

        बाँके जिल्लाको जानकी गाउँपालिका २ बन्जाडेगाउँबाट असोज २२ गते सशस्त्र
प्रहरीले करीव ११ लाख ७३ हजार रुपैयाँ बराबरको चोरीपैठारीको विभिन्न
सामानसहित तीन वटा मोटरसाईकल नियन्त्रणमा लिएको छ ।
        भारतबाट अवैध रुपले तीन वटा मोटरसाईकलमा राखी नेपालतर्फ ल्याउँदै गरेको
उल्लेखित मुल्यको लत्ताकपडा, पर्दा, खाद्यान्य तथा किराना सामान नं. ३०
बागेश्वरी गण बाँकेले नियन्त्रणमा लिएको हो । सामान ल्याउने व्यक्ति भने
गस्तीमा रहेको सुरक्षा फौजलाई टाढैबाट देख्नासाथै मोटरसाईकल र सामान छाडी
फरार भएका थिए ।
        बरामद सामान तथा मोटरसाईकल नेपालगंज भन्सार कार्यालय कार्यालय जमुनाह
बाँकेमा बुझाईएको छ ।

        सशस्त्र प्रहरी महानिरीक्षक राजु अर्याल यही असोज २७ देखि ३० गते
(अक्टोवर १४ देखि १७) सम्म संयुक्त राज्य अमेरिकाको San Diego California
मा संचालन हुन गइरहेको International Association of Chiefs of Police
(IACP) Conference मा सहभागी हुन मंगलबार अमेरिका प्रस्थान गर्नुभएको छ ।
        उहाँलाई सशस्त्र प्रहरी अतिरिक्त महानिरीक्षक तथा सशस्त्र प्रहरी बरिष्ठ
अधिकृतहरुले त्रिभुवन अन्तर्राष्ट्रिय बिमानस्थलमा हार्दिक बिदाइ
गर्नुभयो ।
        सशस्त्र प्रहरी महानिरीक्षक अर्यालको साथ सशस्त्र प्रहरी नायव
महानिरीक्षक शम्भु सुवेदी समेत त्यसतर्फ प्रस्थान गर्नुभएको छ ।
        सशस्त्र प्रहरी महानिरीक्षक अर्यालको अनुपस्थितिमा निमित्त
महानिरीक्षकको जिम्मेवारी सशस्त्र प्रहरी अतिरिक्त महानिरीक्षक
नारायणदत्त पौडेलले सम्हाल्नुहुनेछ ।
 

        चाडपर्वलाई लक्षित गरी सशस्त्र प्रहरी बल, नेपालले देशका विभिन्न १ सय
२२ स्थानमा सहायता कक्ष (हेल्प डेस्क) र ३३ स्थानमा स्वास्थ्य कक्ष
(हेल्थ डेस्क) राखेको छ । भारततर्फको सीमावर्ती इलाकामा १ सय २० स्थानमा
र चीनतर्फ २ स्थानमा सहायता कक्ष राखिएको छ भने स्वास्थ्य कक्ष भारततर्फ
३० स्थानमा र चीनतर्फ ३ स्थानमा राखिएको छ ।
        दशैं, तिहार तथा छठ पर्वलाई लक्षित गरेर सीमा इलाकामा नागरिकको सुरक्षित
एवं सहज आवगमनको व्यवस्था मिलाउन तथा आपतविपद्मा परेका नागरिकको उद्वार
कार्यमा सहयोग पु¥याउने अभिप्रायले दुवै देशका सुरक्षाकर्मीसँगको समन्वय
र सहकार्यमा कक्ष राखिएको हो ।
        चाडपर्व लक्षित सहायता कक्ष नं. १ बराह बाहिनी मुख्यालय सुनसरी मातहत
२५, नं. २ छिन्नमस्ता बाहिनी मुख्यालय महोत्तरी मातहत ५३, नं. ३ गढीमाई
बाहिनी मुख्यालय मकवानपुर मातहत २, नं. ४ मुक्तिनाथ बाहिनी मुख्यालय
कास्की मातहत २, नं. ५ विन्ध्यावासिनी बाहिनी मुख्यालय रुपन्देही मातहत
१९, नं. ६ महेश्वरी बाहिनी मुख्यालय सुर्खेत मातहत १ र नं. ७ बैद्यनाथ
बाहिनी मुख्यालय कैलाली मातहत २० स्थानमा राखिएको छ ।
        स्वास्थ्य कक्ष नं. १ बराह बाहिनी मुख्यालय सुनसरी मातहत ४, नं. २
छिन्नमस्ता बाहिनी मुख्यालय महोत्तरी मातहत २२, नं. ३ गढीमाई बाहिनी
मुख्यालय मकवानपुर मातहत ३, नं. ५ विन्ध्यावासिनी बाहिनी मुख्यालय
रुपन्देही मातहत ३, र नं. ७ बैद्यनाथ बाहिनी मुख्यालय कैलाली मातहत १
स्थानमा राखिएको छ ।
        आवश्यक देखिए अन्य स्थानहरुमा समेत सहायता कक्ष र स्वास्थ्य सेवा
कक्षहरु स्थापना गरी सेवा प्रदान गरिने छ । चाडपर्वको बेला सीमा नाकाबाट
आवतजावत गर्ने नागरिकहरुको सुरक्षा, सीमा क्षेत्रमा हुने अवैध गतिविधि,
चोरी डकैती, लुटपाट जस्ता घटनाहरु हुन नदिन, अप्ठ्यारोमा परेका नागरिकको
सहयोग गर्न हेल्प डेस्क राखिएको छ भने सीमा नाकाबाट आवतजावत गर्ने क्रममा
कुनैपनि नागरिकमा स्वास्थ्य समस्या देखिएमा हेल्थ डेस्कमा उपलब्ध
श्रोतसाधनको प्रयोग गरी स्वास्थयकर्मीहरुद्वारा उपचार गर्ने व्यवस्था
मिलाइएको छ ।

        सशस्त्र प्रहरी बल, नेपाल नं. २ छिन्नमस्ता बाहिनी मुख्यालय बर्दिबास,
महोत्तरी र भारतीय सशस्त्र सीमा बल (एसएसबी) मुजफारपुर, बेतिया र
पुर्नियाको सेक्टर हे.क्वा. बीच असोज २२ गते बाहिनी स्तरीय सीमा समन्वय
बैठक सम्पन्न भएको छ ।
        नं. २ छिन्नमस्ता बाहिनी मुख्यालयका बाहिनीपति सशस्त्र प्रहरी नायव
महानिरीक्षक दीपेन्द्र शाह र एसएसबीको मुजफारपुर सेक्टर हे.क्वा.का
डिआइजी दिपक कुमारको नेतृत्वमा बैठक सम्पन्न भएको हो ।
        समन्वय बैठकमा सीमा अपराध, सीमामा हुने अबैध गतिविधि नियन्त्रण तथा
रोकथाम, साम्प्रदायिक एवं धार्मिक सहिष्णुता कायम राख्नको लागि कुनैपनि
किसिमका अवाञ्छित गतिविधि हुन नदिन तथा दशगजा अतिक्रमण हुन नदिन, लागुऔषध
ओसारपसार नियन्त्रण, मानब ओसारपसार तथा बेचबिखन नियन्त्रण लगायतका विषयमा
छलफल भएको थियो ।
        त्यस्तै दुबै पक्षले अन्य सरोकारवाला संघ संस्थाहरुसँग आवश्यक समन्वय
गरी सीमा क्षेत्रमा हुने आर्थिक अपराध नियन्त्रणमा सहकार्य गर्ने तथा
नजिकिदै गरेको चाडपर्वहरुलाई लक्षित गरी सीमावर्ती क्षेत्रमा आवागमन सहज
तथा सुरक्षित बनाउनको लागि हेल्प डेस्क स्थापना कार्यलाई प्रभावकारी
रुपमा संचालन गर्ने विषयहरुमा समेत छलफल भएको थियो ।
        कार्यक्रममा बेतिया सेक्टर हे.क्वा.का डिआइजी सुरेश सुबरमनियम र नं. २
छिन्नमस्ता बाहिनी मुख्यालयका सहायक बाहिनीपति सशस्त्र प्रहरी बरिष्ठ
उपरीक्षक माधव प्रसाद पौडेल लगायत प्रदेशस्थित सशस्त्र प्रहरी बल नेपालका
इकाई प्रमुखहरुको समेत उपस्थिति रहेको थियो ।

        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा सि.सं. १
Customs and Border Security (सिनियर अधिकृत) तालिम संचालन भएको छ ।
प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल
गिरीले असोज २२ गते सो तालिमको उद्घाटन गर्नुभएको हो । तालिममा ११ जना
सशस्त्र प्रहरी नायव उपरीक्षक र १६ जना सशस्त्र प्रहरी निरीक्षकसहित कुल
२७ जना अधिकृतहरु प्रशिक्षार्थीको रुपमा सहभागि रहेका छन् ।

सम्माननीय प्रधानमन्त्री पुष्पकमल दाहाल (प्रचण्ड)को प्रमुख आतिथ्यतामा
राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालित
सि.सं. १५ सशस्त्र प्रहरी निरीक्षक आधारभूत तालिम असोज २१ गते सम्पन्न
भएको छ ।
दीक्षान्त समारोहका प्रमुख अतिथि सम्माननीय प्रधानमन्त्री दाहालको
सम्मानमा प्रशिक्षार्थी सशस्त्र प्रहरी निरीक्षकहरुद्वारा सलामी अर्पण
गर्नुकासाथै उहाँ समक्ष ईज्जत अर्पण कवाजसमेत प्रदर्शन गरेका थिए ।
सम्माननीय प्रधानमन्त्री दाहालले तालिममा सर्वप्रथम भएका सशस्त्र प्रहरी
निरीक्षक रोशन घिमिरेलाई खुकुरी प्रदान गर्नुकासाथै कवाज, शारीरिक
सहिष्णुता र चाँदमारीतर्फ उत्कृष्ट प्रशिक्षार्थीहरुलाई समेत पुरस्कार
प्रदान गर्नुभयो ।
उहाँले राष्ट्रप्रेमी जनताको सुरक्षामा महत्वपूर्ण इतिहास बोकेको पवित्र
संगठनमा आवद्ध भई अधिकृत तहको कठिनपूर्ण तालिम समापन गरेकोमा
प्रशिक्षार्थी अधिकृतहरुलाई हार्दिक बधाई दिनुहुँदै राज्यले सुम्पेको
जिम्मेवारीलाई उच्च व्यावसायिकतासाथ अनुशासित र इमान्दारितापूर्वक
निर्वाह गर्न निर्देशन दिनुभयो ।
सम्माननीय प्रधानमन्त्री दाहालले राष्ट्रको सार्वभौमिकता रक्षार्थ
प्रतिकूल मौसम, भौगोलिक विकटता तथा सिमित स्रोतसाधनको बावजुद पनि सशस्त्र
प्रहरीले गरेको उच्चस्तरको कार्यसम्पादनको मुक्तकण्ठले प्रशंसा
गर्नुहुँदै आन्तरिक सुरक्षा, विपद् व्यवस्थापन, महामारी नियन्त्रण र
न्यूनिकरण, राजश्व गस्ती एवं भन्सार सुरक्षाको साथै राष्ट्रिय सुरक्षाको
मूलभुत पक्षहरुमा संगठनले गहन भूमिका निर्वाह गरिरहेको बताउनुुभयो ।
उहाँले सशस्त्र प्रहरी बल नेपालले सम्पादन गर्दै आएको जिम्मेवारीलाई थप
विशिष्टीकृत र प्रभावकारी तुल्याउन सुरक्षाकर्मीको क्षमता अभिबृद्धि,
साधनश्रोतको उपलब्धता, सुदृढ संगठन प्रणाली र व्यवस्थापन महत्वूपर्ण पक्ष
भएको बताउनुहुँदै संगठनलाई आधुनीकरण र व्यवसायिक सुरक्षा निकायका रुपमा
थप विकसित गर्ने कार्यमा नेपाल सरकार सदैव सकारात्मक रहेको बताउनुभयो ।
उहाँले तालिम समापन पश्चात दीक्षित भई कार्यक्षेत्रमा जान लाग्नुभएका
अधिकृतहरुप्रति राज्यले ठूलो आशा र भरोसा राखेको हुँदा जिम्मेवारीका
क्षेत्रहरुमा परिचालित हुँदा कुनै प्रकारको डरत्रास, लोभ तथा प्रलोभन र
गैह्र व्यावसायिक क्रियाकलापमा नपरी तालिममा सिकेको सैद्धान्तिक एवं
व्यवहारिक ज्ञानलाई जनताको सेवा तथा सुरक्षामा इमान्दारितापूर्वक लागु
गर्न निर्देशन समेत दिनुभयो ।
समारोहमा माननीय उपप्रधानमन्त्री एवं गृहमन्त्री नारायणकाजी श्रेष्ठले
सशस्त्र प्रहरी बल नेपालले स्थापनाकालदेखि नै विभिन्न आरोह अवरोहलाई पार
गर्दै कार्यक्षेत्रमा आईपरेका सुरक्षा चुनौतीहरुलाई परास्त गर्दै राज्य र
जनचाहना अनुरुपको सेवा र सुरक्षामा दर्विलो सुरक्षा निकायको रुपमा
आपूmलाई परिचित गराउँदै आएको बताउनुभयो ।
सशस्त्र प्रहरी बल नेपाललाई सीमा सुरक्षार्थ डेडिकेटेड फोर्स बनाउन
अन्तर्राष्ट्रिय मापदण्ड सहितको थप बोर्डर आउट पोष्टहरु (बिओपी)को
स्थापना तथा मौजुदा रहेका बिओपीहरुको समेत स्तरबृद्धि र प्रविधिमैत्री
बनाउँदै लगिने बताउनुहुँदै माननीय उपप्रधानमन्त्री एवं गृहमन्त्री
श्रेष्ठले भन्नुभयो–‘दिर्घकालिन महत्वको उपलब्धीका लागि गृहमन्त्रालयमा
आएका योजना तथा समस्याहरुलाई समाधान गर्न आवश्यकताको पहिचान गरी
प्राथमिकताकासाथ अगाडी बढाउन मन्त्रालयको सदैव सकारात्मक र रचनात्मक
भूमिका रहनेछ ।’


उहाँले सुरक्षा कार्य अत्यन्तै संवेदनशिल र गहन विषय भएको हुँदा बढ्दै
गएको नविनतम सुरक्षा चुनौतीहरुसँगै सुरक्षा फौजको कामकारवाहीहरुमा समेत
इन्फरर्मेसन र मोविलिटीको तालमेल हुनुपर्ने कुरालाई मध्यनजर राख्दै
प्रशिक्षण कार्यलाई समयानुकल थप आधुनिकीकरण र बैज्ञानिक ढंगले अगाडी
बढाउँदै लैजानु पर्ने बताउनुभयो ।
समारोहमा सशस्त्र प्रहरी महानिरीक्षक राजु अर्यालले धन्यवाद ज्ञापनको
क्रममा सम्माननीय प्रधानमन्त्रीज्यूबाट प्राप्त भएको निर्देशन सम्पूर्ण
सशस्त्र प्रहरी कर्मचारीहरु मार्फत कर्तव्यनिष्ठ भई अक्षरश पालना गरिने
बताउनुहुँदै प्रधानमन्त्रीज्यूको गरिमामय समुपस्थिति तथा निर्देशनले
सम्पूर्ण सकल दर्जाका राष्ट्रसेवक सशस्त्र प्रहरी कर्मचारीहरुको हौसला र
मनोवल उच्च भएको बताउनुभयो ।
उहाँले देश र जनताको सेवा, सुरक्षामा कटिवद्ध भई लाग्ने अभिप्रायले
संगठनमा प्रवेश गरी दीक्षित भई कार्यक्षेत्रमा जान लाग्नुभएका
अधिकृतहरुलाई हार्दिक बधाई दिनुहुँदै तालिममा हासिल गरेका सैद्धान्तिक
एवं व्यवहारिक ज्ञानलाई पेशागत जीवनमा अक्षरस पालना गरी कार्यसम्पादनमा
जुट्न निर्देशन दिनुभयो ।
महानिरीक्षक अर्यालले राज्यप्रदत्त विविध जिम्मेवारीका क्षेत्रहरु
विशेषतः सीमा सुरक्षा, देशको आन्तरिक सुरक्षा तथा राजश्व संकलन र विपद्
व्यवस्थापनमा महत्वपूर्ण भूमिका लगायत विशिष्ट व्यक्ति तथा महत्वपूर्ण
प्रतिष्ठानको सुरक्षा, औद्योगिक र रेलवे सुरक्षामा समेत उत्कृष्ट ढंगले
कार्यसम्पादन गर्दै आईरहेको उल्लेख गर्नुभयो ।
        समारोहमा प्रतिष्ठानका कार्यकारी निर्देशक सशस्त्र प्रहरी नायव
महानिरीक्षक कमल गिरीले दीक्षान्त समारोहमा प्रशिक्षार्थी अधिकृतहरुलाई
सपथ ग्रहण गराउनु भएको थियो ।
         करीव ५६ हप्ता अवधिको उक्त आधारभूत तालिम ५ जना महिलासहित कुल ४९ जना
सशस्त्र प्रहरी निरीक्षकहरुले सफलतापूर्वक सम्पन्न गरेका छन् । तालिममा
कवाजतर्फ सशस्त्र प्रहरी निरीक्षक ज्ञानचन्द्र पराजुली, शारिरीक
सहिष्णुतातर्फ सशस्त्र प्रहरी निरीक्षक पुष्कर बहादुर बम र चाँदमारीतर्फ
सशस्त्र प्रहरी निरीक्षक एजन खड्का उत्कृष्ट भएका छन् ।
        दीक्षान्त समारोहमा नेपाली सेनाका रथी, निमित्त प्रहरी प्रमुख, निमित्त
मुख्य अनुसन्धान निर्देशक, अवकाश प्राप्त सशस्त्र प्रहरी महानिरीक्षकहरु,
चन्द्रागिरी नगरपालिकाका प्रमुख, सशस्त्र प्रहरी अतिरिक्त महानिरीक्षकहरु
लगायत विभिन्न क्षेत्रका विशिष्ट महानुभावहरुकासाथै सशस्त्र प्रहरी बल,
नेपालका बरिष्ठ अधिकृतहरु एवं दीक्षित अधिकृतहरुका अभिभावकहरुको समेत
उपस्थिति रहेको थियो ।

        सशस्त्र प्रहरी बल नेपालमा पहिलो पटक सुरक्षा तथा विपद् व्यवस्थापन
अध्ययन अधिस्नातक डिप्लोमा (Post Graduate Diploma in Security and
Disaster Management Studies (PGDSDMS) कोर्ष संचालन भएको छ ।
        राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालन
हुने सो कोर्षको सशस्त्र प्रहरी महानिरीक्षक राजु अर्यालले असोज १८ गते
उद्घाटन गर्नुभयो । प्रवेश परीक्षा उत्तिर्ण भई कोर्षमा सहभागी हुन सफल
अधिकृतहरुलाई उहाँले सफलताको शुभकामनासमेत व्यक्त गर्नुभयो ।
        कार्यक्रमका विशेष अतिथि त्रिभुवन विश्वविद्यालय मानविकी तथा
सामाजिकशास्त्र संकायका डिन प्रोफेसर डा.कुशुम शाक्यले नयाँ शैक्षिक
कोर्ष सुरक्षा तथा विपद् व्यवस्थापन अध्ययन अधिस्नातक डिप्लोमा
(PGDSDMS) को थालनी सरहानीय रहेको बताउनुभयो ।
        गुल्मपति तथा स्टाफ तालिमको पाठ्यक्रम समेत समावेश गरी दुई सेमेष्टरमा
संचालन हुने सो कोर्षमा ३४ सशस्त्र प्रहरी निरीक्षकहरु प्रशिक्षार्थीको
रुपमा सहभागी रहेका छन् ।

        सशस्त्र प्रहरी महानिरीक्षक राजु अर्यालले राष्ट्रिय सशस्त्र प्रहरी बल
प्रशिक्षण प्रतिष्ठान मातातिर्थ काठमाडौंमा UNPOL Certified Instructors
Development Course Job-Specific Training (JST) को असोज १६ गते उद्घारटन
गर्नुभएको छ ।
        महानिरीक्षक अर्यालले तालिम संचालनको लागि सहयोग पुर्या उनुहुने
संयुक्त राष्ट्र संघको सचिवालय लगायत सम्बन्धित संघसंस्था र
निकायहरुप्रति हार्दिक आभार प्रकट गर्नुहुँदै राष्ट्रिय सशस्त्र प्रहरी
बल प्रशिक्षण प्रतिष्ठानले तालिमलाई उदाहरणीय रुपमा संचालन गरी स्तरीय
ढंगले अगाडी बढाउने विश्वास व्यक्त  गर्नुभयो ।
         United Nations Police Division and Integrated Training Service  र
The US Department of State Bureau of International Narcotics and Law
Enforcement Affairs (INL)  को सहकार्यमा सो तालिम संचालन गरिएको हो ।
        यही October 19 तारिखसम्म संचालन हुने उक्त तालिममा बंगलादेश, भुटान,
फ्रान्स, भारत, मंगोलिया, नेपाल र श्रीलंका गरी ७ देशका १८ जना
प्रशिक्षार्थी अधिकृतहरुको सहभागिता रहेको छ ।
        कार्यक्रममा प्रहरी अतिरिक्त महानिरीक्षक टेक बहादुर तामाङ्ग, सशस्त्र
प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र
बंशीराज दाहाल लगायत राष्ट्रिय सशस्त्र प्रहरी बल प्रशिक्षण प्रतिष्ठानका
कार्यकारी निर्देशक सशस्त्र प्रहरी नायव महानिरीक्षक कमल गिरी, सशस्त्र
प्रहरी बल नेपालका बरिष्ठ अधिकृत, अधिकृत साथै विल्लादार तथा जवानहरुको
समेत उपस्थिती रहेको थियो ।

सशस्त्र प्रहरी बल नेपाल प्रधान कार्यालयको हाताभित्र पहिलो पटक पानी
प्रशोधन स्थलको निर्माण गरी प्रयोगमा ल्याईएको छ ।
नवनिर्मित पानी प्रशोधन तथा वितरण स्थलको सशस्त्र प्रहरी महानिरीक्षक
राजु अर्यालले मंगलबार उद्घाटन गर्नुभएको हो ।
यस भन्दा अगाडी प्लाष्टिकका बोतल तथा जार खरिद गरी आपुर्ती गरिदै आएको
पिउने पानीलाई निरुत्साहित गर्दै पिउने पानीको गुणस्तरमा शुद्धता एवं
विश्वसनीयता र खर्चमा मितव्ययीता कायम गर्ने अभिप्रायले मुख्यालयमा
पहिलोपटक प्रशोधन स्थलको निर्माण गरी प्रयोगमा ल्याइएको हो ।
मुख्यालयमा कार्यरत सम्पूर्ण कर्मचारीहरुलाई शुद्ध पिउने पानीको व्यवस्था
मिलाउने उद्देश्यले संचालनमा ल्याइएको नवनिर्मित वाटर ट्रिटमेन्ट प्लान्ट
विश्व स्वास्थ्य संगठनको मापदण्ड अनुसारको शुद्ध पिउने पानी प्रशोधन
गर्नेछ ।
प्रति घण्टा १५ सय देखि २ हजार लिटरसम्म पानी शुद्ध पार्ने क्षमता रहेको
वाटर ट्रिटमेन्ट प्लान्टको मासिक रुपमा दक्ष प्राविधिकबाट जाँच
गर्नुकासाथै विश्व स्वास्थ्य संगठनको मापदण्ड अनुसार भए नभएको भनि
त्रैमासिक रुपमा उच्चस्तरीय प्रयोगशालामा समेत परिक्षण गराउने व्यवस्था
मिलाईएको छ ।
मुख्यालय भित्र वाटर डिस्पेन्सर, आवश्यकता अनुसार जार तथा जार सफा गर्ने
मेसिनको समेत व्यवस्था गरिएको छ । अवोप्रान्त सशस्त्र प्रहरी बल नेपालको
मुख्यालयमा बाह्य रुपमा पानी खरिद नगरिने भएको छ ।
यसअघि सशस्त्र प्रहरी बल नेपालको सम्पूर्ण इकाईहरुमा प्लाष्टिकजन्य वस्तु
निषेध गर्ने, केही प्लाष्टिकजन्य सामानको प्रयोग कम गर्दै लैजाने लक्ष्य
अनुरुप वातावरण संरक्षण र सशस्त्र प्रहरी कर्मचारीहरुमा सचेतना अभिबृद्धि
गराई प्लाष्टिजन्य बस्तुको Reduce, Reuse, and Recycle गर्ने नीति लिएको
छ ।

         सिरहा जिल्लाको सिरहा नगरपालिका १८ स्थित तारापट्टिबाट असोज १६ गते
सशस्त्र प्रहरीले करीव ८० लाख रुपैयाँ बराबरको लत्ताकपडा बरामद गरेको छ ।
        भारतबाट अवैध रुपले ल्याई लुकाई छिपाई राखेको भन्ने विशेष सुचनाको
आधारमा सशस्त्र प्रहरी बल नेपाल नं. ७ गण सिरहा र बोर्डर आउट पोस्ट
(बिओपी) लगडिगदियाले उल्लेखित मुल्यको ७८ पोका लत्ताकपडा बरामद गरेको हो।
        स्थानीय वासिको तीन वटा गाई गोठको टहरामा लुकाई राखेको उक्त लत्ताकपडा
कहिले र के प्रयोजनको लागि कस्ले राखेको भन्ने खुल्न सकेको छैन । पछिल्लो
समय नजिकिदै आएको चाडपर्वलाई लक्षित गरी अवैध गतिविधि र तस्करी बढ्न
सक्ने सम्भावनालाई मध्यनजर राख्दै सशस्त्र प्रहरी बल नेपाल विशेष
योजनाकासाथ सीमामा परिचालित भएको छ ।
        बरामद लत्ताकपडा आवश्यक अनुसन्धानको लागि राजश्व अनुसन्धान कार्यालय
ईटहरीमा बुझाईएको छ ।
 

        रुपन्देही जिल्लाको सिद्धार्थनगर नगरपालिका १ डण्डाबाट असोज १४ गते
सशस्त्र प्रहरीले १० लाख भारतीय रुपैयाँसहित तीन जनालाई नियन्त्रणमा
लिएको छ ।
        नियन्त्रणमा लिएकाहरु भारतको महाराजगंज जिल्ला सुनौली ग्रामपंचायत २०
सुनौली बस्ने ३८ वर्षिय राजु कौशल, गोरखपुर जिल्ला हमायुपुर दक्षिण
गोरखपुर बस्ने ४० वर्षिय अभिनव जैसवाल र ३४ वर्षिय आस्तिक त्रिपाठी रहेका
छन् ।
        विशेष सुचनाको आधारमा सशस्त्र प्रहरी बल नेपाल प्रस्तावित सीमा सुरक्षा
गुल्म डण्डाले बेलहियाबाट भैरहवातर्फ आउँदै गरेको दुई वटा भ्यानमा सवार
उनीहरुको साथमा फेला परेको उल्लेखित रुपैयाँको श्रोत खुलाउन नसकेपछि
नियन्त्रणमा लिएको हो ।
        नियन्त्रणमा लिएका राजु कौशलको साथमा ९ लाख रुपैयाँ तथा अभिनव जैसवाल र
आस्तिक त्रिपाठीको साथमा १ लाख रुपैयाँ फेला परेको थियो ।
        पक्राउ परेका तीनै जनालाई उल्लेखित रुपैयाँसहित आवश्यक कारवाहीको लागि
राजश्व अनुसन्धान कार्यालय बुटवलमा बुझाईएको छ ।

        सशस्त्र प्रहरी परिवार महिला संघको २२औं वार्षिक साधारणसभा असोज १५ गते
विविध विषयमा छलफलका साथ सम्पन्न भएको छ ।
        सो संघकी अध्यक्ष श्रीमती अनिता लामिछाने अर्यालको प्रमुख आतिथ्यमा
सम्पन्न भएको उक्त कार्यक्रममा संघको वार्षिक आय व्यय विवरण समेत
प्रस्तुत गरिएको थियो ।
        कार्यक्रममा लामो समयदेखि संघको कार्य समितिमा रहि आफ्नो अमूल्य योगदान
दिनुभएका पदाधिकारीहरुलाई संघकी अध्यक्ष श्रीमती अनिता लामिछाने अर्यालले
उहाँहरुको योगदानको कदर स्वरुप खादा तथा दोसल्ला ओढाई सम्मान गर्नुकासाथै
मायाको चिनो प्रदान गर्नुभएको थियो ।
        सो अवसरमा संघकी सदस्य सचिव श्रीमती तुलामाया ठाडामगरले संघको वार्षिक
कार्य प्रगति विवरण तथा संघकी कोषाध्यक्ष श्रीमती पुजा राजभण्डारीले
आर्थिक वर्ष २०७९÷०८० को आय व्यय विवरण प्रस्तुत गर्नुभएको थियो ।
        संघको लक्षित उद्देश्य र समाज सेवाको क्षेत्रमा संघबाट भइरहेका उपलब्धि
लगायत विविध विषयमा सो साधारणसभामा छलफल भएको थियो ।
        संघले शिक्षा, स्वास्थ्य, सरसफाइका क्षेत्रहरुमा योगदान पु¥याउनुकासाथै
सेवामूलक एवं जनचेतना मूलक कार्यक्रमहरु संचालन गर्नेदेखि विपद प्रकोपमा
पीडितहरुलाई सहयोग तथा सीमान्तकृत समुदायका बालबालिकाहरुलाई निःशुल्क
आवाशिय सुविधासहितको अध्ययनको व्यवस्था लगायत अन्य विविध कार्यक्रमहरु
संचालन गर्दै आईरहेको छ ।
        सोही अवसरमा संघकी अध्यक्ष श्रीमती अनिता लामिछाने अर्यालले सशस्त्र
प्रहरी परिवार महिला संघले संचालन गरेको आधारभूत सिलाई कटाई तालिम समापन
गर्नुकासाथै तालिम सफलतापूर्वक सम्पन्न गरेका प्रशिक्षार्थीहरुलाई
प्रमाणपत्र समेत प्रदान गर्नुभएको थियो ।
        त्यस्तै संघले यही असोज १० देखि १४ गतेसम्म संघका पदाधिकारीहरुका लागि
संचालन गरेको उद्घोषण तालिमको प्रशिक्षकलाई समेत संघकी अध्यक्ष श्रीमती
अनिता लामिछाने अर्यालले मायाको चिनो प्रदान गर्नुभएको थियो ।
        कार्यक्रममा सशस्त्र प्रहरी परिवार महिला संघका पदाधिकारी तथा
राष्ट्रसेक सशस्त्र प्रहरी कर्मचारीहरुको उपस्थिती रहेको थियो ।

        नगद चोरी फरार रहेका भारत घर बताउने २८ वर्षिय ईरशाद अलीलाई पूर्वी
नवलपरासी जिल्लाको गैडाकोट नगरपालिका १० पितौजीबाट असोज १५ गते सशस्त्र
प्रहरी बल नेपाल नं. ३१  गुल्म पूर्वी नवलपरासीले नियन्त्रणमा लिएको छ ।
        आईतबार साँझ बर्दियाबाट काठमाडौतर्फ आउँदै गरेको भे १ ख ३९३४ नम्बरको
यात्रुवाहक बसको एउटै सिटमा बसेर आएका बर्दियाको बडियाताल बस्ने २३
वर्षिय मधु परियारको नगद ५० हजार रुपैयाँ चोरी गरेर अली फरार भएका थिए ।
        गैडाकोटको कोटिहोम चोक स्थित पूर्व–पश्चिम लोकमार्गमा यात्रुवाहक बसमा
सवार यात्रुहरु ओर्लने क्रममा अली सो रकम चोरी जंगलतर्फ फरार भएका थिए ।
        उक्त रकम हराएको भनि पितौजी स्थित  सशस्त्र प्रहरी बलको हाईवे सुरक्षा
चेकपोष्टलाई  जानकारी गराए पश्चात पूर्व–पश्चिम लोकमार्गमा चल्ने
यात्रुवाहक बसमा जाँच गर्दा गैडाकोटबाट चितवनतर्फ आउँदै गरेको बसबाट
उनलाई चोरिएको नगदसहित हुलियाको आधारमा नियन्त्रणमा लिइएको हो ।
        नियन्त्रणमा लिएका अलीलाई उक्त नगदसहित आवश्यक कारवाहीको लागि प्रहरी
चौकी बेल्डियामा बुझाईएको छ ।

 

        पर्सा जिल्लाको पकहामैनपुर गाउँपालिका १ धोरे स्थित सीमा ईलाकाबाट असोज
१४ गते सशस्त्र प्रहरीले विभिन्न किसिमका लागूऔषध बरामद गरेको छ ।
        भारतबाट अवैध रुपले नेपालतर्फ आउँदै गरेको व्यक्तिले झोलामा बोकी
ल्याउँदै गरेको फेनारगन १ सय २० एम्पुल, डाईजापाम १ सय २० एम्पुल र नोफिन
१ सय २० एम्पुल लागूऔषध बिओपी पकहामैनपुरले बरामद गरेको हो । उक्त
लागूऔषध ल्याउने व्यक्ति भने गस्तीमा रहेको सुरक्षा फौजलाई टाढैबाट
देख्नासाथ फरार भएका थिए ।
        बरामद लागूऔषध ईलाका प्रहरी कार्यालय पोखरियामा बुझाईएको छ ।

         पर्सा जिल्लाको बिरगंज महानगरपालिका १६ स्थित रामगढवाबाट असोज १४ गते
सशस्त्र प्रहरीले करीव १ लाख ७१ हजार रुपैयाँ बराबरको चोरीपैठारीको
लत्ताकपडा र एउटा मोटरसाईकल नियन्त्रणमा लिएको छ ।
        भारतबाट अवैध रुपले ना. ४४ प ४१९३ नम्बरको मोटरसाईकलमा राखी नेपालतर्फ
ल्याउँदै गरेको उक्त लत्ताकपडासहितको मोटरसाईकल नंं. १३ गण पर्साले
नियन्त्रणमा लिएको हो ।
        यसैगरी सोही महानगरपालिका १६ स्थित सीमा ईलाकाबाट असोज १४ गते सशस्त्र
प्रहरीले करीव १ लाख ७९ हजार रुपैयाँ बराबरको चोरीपैठारीको लत्ताकपडा र
एउटा मोटरसाईकल नियन्त्रणमा लिएको छ ।
        बा. २ प ४१०५ नम्बरको मोटरसाईकलमा भारतबाट अवैध रुपले नेपालतर्फ
ल्याउँदै गरेको उल्लेखित मुल्यको लत्ताकपडासहितको मोटरसाईकल प्रस्तावित
सीमा सुरक्षा गुल्म बिरगंजले नियन्त्रणमा लिएको हो ।
        बरामद लत्ताकपडा तथा मोटरसाईकल आवश्यक कारवाहीको लागि बिरगंज भन्सार
कार्यालय पर्सामा बुझाईएको छ ।

रौतहट जिल्लाको गरुडा नगरपालिका ४ गरुडा स्थित अन्सु ट्रेडर्समा असोज ११
गते भएको आगलागी नेपाली सेना, सशस्त्र प्रहरी, नेपाल प्रहरी र स्थानीय
वासिन्दाले दमकलको सहयोगमा नियन्त्रणमा ल्याएको छ ।
        सोही ठाउँ बस्ने राजमान साह कलवारले संचालन गरेको सो ट्रेडर्समा
विद्युतीय तार सर्ट भई आगलागी हुँदा करीव १ करोड रुपैयाँ बराबरको धनमाल
जलेर नष्ट भएको बताईएको छ ।
        सो आगलागी भएको जानकारी प्राप्त हुनासाथै सशस्त्र प्रहरी बल नेपाल
सुरक्षा वेश दुधियाभारबाट खटिएको फौज आगलागी नियन्त्रणमा सकृयताकासाथ
जुटेको थियो । आगलागीबाट फर्निचर तथा ईलेक्ट्रोनिक्सका सामान जलेर नष्ट
भएको बताईएको छ ।

        सप्तरी जिल्लाको विभिन्न ठाउँबाट सशस्त्र प्रहरीले करीव ११ लाख ३५ हजार
रुपैयाँ बराबरको चोरीपैठारीको सामानसहित मोटरसाईकल नियन्त्रणमा लिएको छ ।
        छिन्नमस्ता गाउँपालिका २ मोहनपुरबाट असोज १४ गते करीव ८ लाख रुपैयाँ
बराबरको चोरीपैठारीको रेडियो सेट ( Walkie Talkie) बरामद भएको छ ।
        भारतबाट अवैध रुपले ल्याउँदै गरेको उल्लेखित मुल्यको १ सय वटा Portable
Walkie Talkie Hand Set सशस्त्र प्रहरी बल नेपाल बिओपी छिन्नमस्ताले
बरामद गरेको हो । उक्त सेट ल्याउने व्यक्ति भने गस्तीमा रहेको सुरक्षा
फौजलाई टाढैबाट देख्नासाथै फरार भएका थिए ।
        विशेष गरी सुरक्षाकर्मीले प्रयोग गर्ने रेडियो सेट के प्रयोजनको लागि
ल्याइएको थियो भन्ने खुल्न सकेको छैन ।
        यसैगरी सोही बिओपीले छिन्नमस्ता गाउँपालिका ३ गोबिन्दपुरबाट असोज १३ गते
भन्सार छली ल्याउँदै गरेको १० हजार १ सय २५ रुपैयाँ बराबरको ३ बोरा मैदा
बरामद गरेको हो ।
        त्यस्तै सोही जिल्लाको बलानविहुल गाउँपालिका ४ बेल्ही स्थित सीमा
ईलाकाबाट असोज १२ गते करीव २ लाख २५ हजार रुपैयाँ बरारको चोरीपैठारीको एक
थान प्रिन्टर मेसीन र एउटा मोटरसाईकल नियन्त्रणमा लिइएको छ ।
        भारतीय नम्बर प्लेटको मोटरसाईकलमा राखी नेपालतर्फ ल्याउँदै गरेको
प्रिन्टर मेसीनसहितको मोटरसाईकल बिओपी बेल्हीले नियन्त्रणमा लिएको हो ।
        यसैगरी सोही जिल्लाकै डाक्नेश्वरी नगरपालिका ६ फत्तेपुरबाट असोज १३ गते
करीव १ लाख रुपैयाँ बराबरको एउटा मोटरसाईकल नियन्त्रणमा लिइएको छ ।
        सोही ठाउँमा रोकी राखेको उक्त मोटरसाईकलको कागजपत्र तथा नम्बर प्लेट
समेत नभएको पाईएपछि फरवाड सुरक्षा बेश कटैयाले नियन्त्रणमा लिएको हो ।
        बरामद सामान तथा मोटरसाईकल आवश्यक कारवाहीको लागि राजविराज भन्सार
कार्यालय बेल्ही तिलाठीमा बुझाईएको छ ।