सशस्त्र प्रहरी नायव महानिरीक्षक अधिकारीबाट विशिष्ट व्यक्ति सुरक्षा तालिमको समापन

12th February, 2018
काठमाडौं, सशस्त्र प्रहरी नायव महानिरीक्षक चिरञ्जिबी अधिकारीले सशस्त्र प्रहरी बल नेपाल बगलामुखी विशेष कार्यदल गण हल्चोक स्वयम्भुमा संचालित सि.सं. ४० विशिष्ट व्यक्ति सुरक्षा तालिमको माघ २९ गते समापन गर्नुभयो । सो गणमा आयोजित तालिमको अन्तिम प्रवचन कार्यक्रममा सशस्त्र प्रहरी नायव महानिरीक्षक अधिकारीले तालिमका सर्वोत्कृष्ट प्रशिक्षार्थी सशस्त्र प्रहरी निरीक्षक सुमन चालिसे लगायत विभिन्न विधाका उत्कृष्ट प्रशिक्षार्थीहरुलाई पुरस्कार प्रदान गर्नुभयो । सशस्त्र प्रहरी नायव महानिरीक्षक अधिकारीले सो अवसरमा उदाहरणीय कार्यकौशल र व्यावसायीक दक्षताका साथ पदीय जिम्मेवारीलाई त्रुटिरहित ढंगले पुरा गर्न यस्ता पेशागत तालिम आवश्यक रहने चर्चा गर्नुहुँदै देश, जनता र संगठनप्रति सधैं बफादार रही कार्यगर्न निर्देशन दिनुभयो । उहाँले सशस्त्र प्रहरी बल नेपाललाई प्राप्त म्याण्डेट बमोजिम कार्यक्षेत्रमा निर्वाह गर्नुपर्ने भूमिका र दायित्वबारे प्रष्ट रही प्रभावकारी ढंगबाट कार्यसम्पादन गर्न सक्ने क्षमता र ज्ञानसीप अभिबृद्धिका लागि समेत तालिम अपरिहार्य रहेको बताउनुभयो । विशिष्ट व्यक्तिको सुरक्षा चुनौती एवं संवेदनशिलतालाई सुक्ष्म रुपले मनन गर्दै आफूलाई सुम्पेको जिम्मेवारीलाई अक्षरस पुरागर्न निर्देशन दिनुहुँदै सशस्त्र प्रहरी नायव महानिरीक्षक अधिकारीले तालिमको दौरानमा प्रशिक्षार्थीहरुले सिकेका र अनुभव गरेका कुराहरुलाई कार्यक्षेत्रमा बढीभन्दा बढी कार्यान्वयन गर्नुपर्ने उल्लेख गर्नुभयो । कार्यक्रममा तालिमका प्रमुख प्रशिक्षक सशस्त्र प्रहरी निरीक्षक रामराजा बस्नेतले तालिम सम्बन्धी प्रतिवेदन प्रस्तुत गर्नुभएको थियो । आठ हप्ता अवधिको सो तालिममा प्रशिक्षार्थीहरुलाई सुरक्षा चुनौती, विशिष्ट व्यक्तिको सवारी मार्ग, समारोहस्थल, महत्वपूर्ण प्रतिष्ठानको सुिरक्षा, मानवअधिकार तथा मानवीय कानून, बल प्रयोगका सिद्धान्त लगायतका विविध विषयमा सैद्धान्तिक एवं व्यहारिक ज्ञान दिइएको कुरा सो अवसरमा जानकारी गराइएको थियो । उक्त तालिममा चार जना सशस्त्र प्रहरी निरीक्षकसहित कूल ४४ जना प्रशिक्षार्थीहरुले सफलता हासिल गरेका छन् ।

RECENT NOTICE ...more

2019-01-17
सशस्त्र प्रहरी परिचर (विभिन्न ट्रेड) पदको बिस्तृत स्वास्थ्य परीक्षण परीक्षाको मिति/समय तालिका।
2019-01-17
सशस्त्र प्रहरी परिचर (विभिन्न ट्रेड) पदको शारीरिक सहिष्णुता परीक्षण परीक्षाको नतिजा प्रकाशन।
2019-01-17
राष्ट्रियस्तरको सिलबन्दी दरभाउपत्र आव्हानको सूचना (प्रबन्ध महाशाखा )
2019-01-15
गृह मन्त्रालय, बढुवा समितिको सचिवालयको सुचना (प्रा.सप्रबउ पदमा बढुवा सिफारिस)
2019-01-15
प्राविधिक सशस्त्र प्रहरी सहायक हवल्दार पदमा बढुवा तथा पदस्थापन
2019-01-10
ठेक्का प्रदान गर्ने आशय पत्र जारी गरिएको बारे । ( काठमाण्डौ नं २५ गुल्म )
2019-01-09
राष्ट्रियस्तरको बोलपत्र आह्वानको सूचना नं. APF/NCB/G/08/2075/076
2019-01-08
प्रा.स.प्र.स.ह. पदमा बढुवा सिफारिस सूचना प्रकाशित। (संचार तथा ईन्जिनियरिङ्ग तर्फ)
2019-01-08
सशस्त्र प्रहरी हवल्दार पदमा बढुवा सिफारिस सूचना प्रकाशित।
2019-01-08
सशस्त्र प्रहरी बरिष्ठ उपरीक्षक पदमा बढुवा।
2018-11-14 - 1970-01-01
Medical Support Service Officer P-3
2018-11-14 - 1970-01-01
Police Training Officer P-4