एपीएफ टोलीद्वारा ब्राउनसुगरसहित दुई जना पक्राउ झापा, झापा जिल्लाको मेचीनगर नगरपालिका ७ स्थित ईटाभट्टा ईलाकाबाट असोज २५ गते एपीएफ टोलीले करीव १ सय ६० ग्राम ८३ मिलिग्राम ब्राउन सुगरसहित दुई जनालाई पक्राउ गरेको छ । पक्राउ पर्नेहरुमा सोही ठाउँ बस्ने ३५ वर्षिय सुभास दर्जी र सोही नगरपालिका ८ बस्ने ३५ वर्षिय सन्जिप राजवंशी छन् । मे १० प १६४२ नम्बरको मोटरसाईकलमा सवार उनीहरुलाई सशस्त्र प्रहरी बल, नेपाल नम्बर २ गण झापाबाट खटिएको एपीएफ टोलीले शंका लागि जाँच गर्दा उनीहरुको साथमा उल्लेखित परिमाणको ब्राउन सुगर फेला परेको थियो । एपीएफ टोलीले पक्राउ परेकाहरुलाई बरामद ब्राउन सुगर तथा मोटरसाईकलसहित आवश्यक कारवाहीको लागि ईलाका प्रहरी कार्यालय काँकडभिट्टामा बुझाएको छ ।

/uploads/news/no-image-new.jpg