कैलाली,
    कैलाली जिल्लाको कञ्चनपुर शुक्लाफाटा नगरपालिका १२ स्थित कालागौरी ईलाकाबाट असोज १८ गते एपीएफ टोलीले करीव २३ लाख ४ हजार रुपैयाँ बराबरको अवैध सामान बरामद गरेको छ ।
    से १ च ११३२ नम्बरको महेन्द्र जिपमा विल भन्दा बढि परिमाणका सामान राखी धनगढी बाट कञ्चनपरतर्फ लैजाँदे गरेको अवस्थामा उल्लेखित मुल्य बराबरको विभिन्न किसिमका औषधी, किराना सामान, सुर्ती, गुट्का र लत्ताकपडा सशस्त्र प्रहरी बल, नेपाल नम्बर ३५ गणबाट खटिएको एपीएफ टोलीले बरामद गरेको हो ।
    एपीएफ टोलीले त्यसवेला सामान लैजान प्रयोग भएको उक्त जिप तथा जिपका चालकलाई समेत पक्राउ गरेको छ । 
    पक्राउ परेका चालकलाई बरामद सामान तथा जिपसहित आवश्यक कारवाहीको लागि राजस्व अनुसन्धान कार्यालय कोहलपुरमा बुझाईएको छ । उक्त जिपको भन्सार दाखिला मुल्य १५ लाख रहेको छ ।