काठमाडौं,
    झापा जिल्लाको मेची नगरपालिका १३ स्थित चारआलीबाट असोज १८ गते एपीएफ टोलीले करीव दुई लाख २५ हजार रुपैयाँ बराबरको चोरीपैठारीको लत्ताकपडा बरामद गरेको छ ।
    भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर २ गण झापाबाट खटिएको एपीएफ टोलीले बरामद गरेको हो ।
    बरामद सामान भन्सार कार्यालय भद्रपुरमा बुझाईएको छ ।
     यसैगरी सशस्त्र प्रहरी बल, नेपाल बोर्डर आउट पोष्ट गुठी पसौनीबाट खटिएको एपीएफ टोलीले करी दुई लाख २२ हजार रुपैयाँ बराबरको चोरीपैठारीको मोवाईल पार्ट्स बरामद गरेको छ ।
    भारतबाट अवैध रुपले ल्याउँदै गरेको उक्त मोवाईल पार्ट्स एपीएफ टोलीले नवलपरासी जिल्लाको प्रतापुर गाउँपालिका ७ सुर्यपुरा स्थित सीमा ईलाकाबाट बरामद गरेको हो ।
    बरामद मोवाईल पार्ट्स स्थानीय भन्सार कार्यालयमा बुझाईएको छ ।