एपीएफ टोलीद्वारा लागूऔषधसहित पक्राउ पर्सा, पर्सा जिल्लाको बीरगन्ज महानगरपालिका १६ स्थित भन्सार ईलाकाबाट कार्तिक २६ गते एपीएफ टोलीले बिभिन्न किसिमको लागूऔषधसहित एकजनालाई पक्राउ गरेको छ । पक्राउ पर्नेमा भारतको मोतिहरा जिल्लाको मुुसहरी घर बताउने ३० वर्षिय बिशाल पटेल छन् । उनलाई सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका निज पटेललाई शंका लागि जाँच गर्दा उनको साथमा फेनारगन पाँच सय वटा, डाईजोल्याव पाँच सय वटा र नोफिन पाँच सय वटा फेला परेपछि उनलाई पक्राउ गरिएको हो । एपीएफ टोलीले पक्राउ परेका पटेललाई बरामद लागूऔषधसहित आवश्यक कारवाहीको लागि लागूऔषध नियन्त्रण व्यरो शाखा कार्यालय बीरगंजमा बुझाएको छ ।

/uploads/news/no-image-new.jpg