एपीएफ टोलीद्वारा लागुऔषधसहीत पक्राउ सिराहा, सिराहा जिल्लाको वरियारपट्टी गाँउपालिका ३ बाट एपीएफ टोलीले भाद्र २४ गते लागूऔषधसहित एक जनालाई पक्राउ गरेको छ । पक्राउ पर्नेमा सिराहा जिल्लाको धनगढीमाई नगरपालिका १ बस्ने राकेश यादव छन् । भारतबाट नेपालतर्फ आउदै गरेको निज यादवलाई सशस्त्र प्रहरी बल, नेपाल बोर्डर आउट पोष्ट वरियारपट्टीबाट खटिएको एपीएफ टोलीले जाँच गर्दा उनको साथमा नाईट्रोभेट ट्याब्लेट ७५ वटा र स्पास्मो ट्याब्लेट दुईवटा फेला परेपछि उनलाई पक्राउ गरिएको हो । एपीएफ टोलीले पक्राउ परेका यादवलाई बरामद लागुऔषधसहित आवश्यक कारवाहीको लागि स्थानीय प्रहरीमा बुझाएको छ ।

/uploads/news/no-image-new.jpg