चोरीपैठारीका बिभिन्न सामान सशस्त्र प्रहरीद्धारा बरामदकाठमाडांै, धनुषा जिल्लाको जनकपुर उपमहानगरपालिका २३ स्थित सीमा ईलाकाबाट कार्तिक ०४ गते सशस्त्र प्रहरीले करीव ३ लाख २० हजार रुपैयाँ बराबरको चोरीपैठारीको लत्ताकपडा, पित्तलको लोटा तथा मोबाईल पाटर््स बरामद गरेको छ । भारतबाट अबैध रुपले ल्याउँदै गरेको उक्त सामान सशस्त्र प्रहरी बल नेपाल नम्बर ८ गणबाट खटिएको सशस्त्र प्रहरीले बरामद गरेको हो । यसैगरी सशस्त्र प्रहरी बल नेपाल बोर्डर आउट पोष्ट देबडिहाबाट खटिएको सशस्त्र प्रहरीले कार्तिक ०५ गते करीव १ लाख ९६ हजार रुपैयाँ बराबरको चोरीपैठारीको लत्ताकपडा तथा प्लाष्टिकका बिभिन्न सामाग्रीहरु बरामद गरेको छ । भारतबाट अबैध रुपले ल्याउँदै गरेको उक्त सामान सशस्त्र प्रहरीले धनुषा जिल्लाको धनौजी गाउँपालिका ४ भडरीया स्थित सीमा ईलाकाबाट बरामद गरेको हो । यसैगरी सशस्त्र प्रहरी बल नेपाल बोर्डर आउट पोष्ट काँकडभिट्टाबाट खटिएको सशस्त्र प्रहरीले कार्तिक ०४ गते करीव १ लाख ३७ हजार रुपैयाँ बराबरको चोरीपैठारी तथा निकासीको किराना सामान तथा सुपारी बरामद गरेको छ । भारतबाट अबैध रुपले ल्याउँदै गरेको किराना सामान तथा नेपालबाट चोरीनिकासी गरी भारततर्फ लैजाँदै गरेको सुपारी सशस्त्र प्रहरीले झापा जिल्लाको मेचीनगर नगरपालिका ८ स्थित जोरसिमलबाट बरामद गरेको हो । बरामद सामान स्थानीय भन्सार कार्यालयमा बुझाईएको छ ।

/uploads/news/no-image-new.jpg