र्सलाही,
र्सलाह जिल्लाको इश्वरपुर १ स्थित नरेशपुरबाट एपीएफ टोलीले हिजोसाँझ करीव एकसय केजी गाँजासहित एक जनालाई पक्राउ गरेको छ
सोही स्थानका कारी महतोलाई सशस्त्र प्रहरी बल सुरक्षा वेस सागरनाथबाट खटिएको एपीएफ टोलीले उक्त गाँजासहित पक्राउ गरेको हो ।
उनलाई बरामद गाँजासहितै एपीएफ टोलीले आवश्यक कारवाहीको लागि हिजै स्थानीय प्रहरीलाई बुझाएको छ ।
यसैगरी सशस्त्र प्रहरी बल सीमा सुरक्षा पोष्ट गुठीप्रसौनीबाट खटिएको एपीएफ टोलीले आज विहान नवलपरासीको भुजहवा गाविसबाट करीव ४० केजी गाँजा बरामद गरी आवश्यक कारवाहीको लागि स्थानीय प्रहरीलाई बुझाएको छ । |
